ರಾಜ್ಯಡ್ ಬರಗಾಲ ಇಪ್ಪುನೆರ್ದಾವರ ನಾಡಪರ್ಬ ದಸರಾ ಉಚ್ಚಯನ್ ಸರಳವಾದ್ ಆಚರಣೆ ಮಲ್ಪರೆ ಸರ್ಕಾರ ನಿರ್ಧಾರ ಮಲ್ದ್ಂಡ್.
ಸಮಾಜ ಕಲ್ಯಾಣ ಇಲಾಖೆ ಬೊಕ್ಕ ಮೈಸೂರ್ ಜಿಲ್ಲಾ ಉಸ್ತುವಾರಿ ಸಚಿವೆರ್ ಡಾ.ಹೆಚ್ ಸಿ ಮಹದೇವಪ್ಪ ಮೇರ್ ಈ ಬಗೆಟ್ಟ್ ಸಾಮಾಜಿಕ ಜಾಲತಾಣಡ್ ಪೋಸ್ಟ್ ಪಾಡ್ದೆರ್. ರಾಜ್ಯಡ್ ಬರ್ಸದ ಪ್ರಮಾಣ ಕಮ್ಮಿ ಆಯಿರ್ನೆದಾವೆರ ರೈತಾಪಿ ವರ್ಗ ಸಂಕಷ್ಟಡ್ ಉಂಡು. ಈ ಸರ್ತಿ ಸರಳ ಬೊಕ್ಕ ಅರ್ಥಪೂರ್ಣ ದಸರಾ ಪರ್ಬನ್ ಆಚರಣೆ ಮಲ್ಪರೆ ಸರ್ಕಾರ ನಿರ್ಧಾರ ಮಲ್ದ್ಂಡ್.
ಬೋಲ್ತೆರ್: ಬೋಲ್ತೆರ್ ಗೃಹರಕ್ಷಕ ದಳತ ಘಟಕಾಧಿಕಾರಿ ಸೇವೆ ಸಲ್ಲಿಸಾದ್ ಅಂಚನೆ ಬೇತೆ ಬೇತೆ ಚಟುವಟಿಕೆಡ್ ಸಕ್ರೀಯವಾದ್ ಸಾಧನೆ ಮಲ್ತಿನ ಜಯನಂದ ಲಾಯಿಲ ಮೆರ್ 2021, 2022, 2023 ನೇ ಸಾಲ್ ದ ಮುಖ್ಯ ಮಂತ್ರಿ ಬಂಗಾರ್ದ ಪದಕಗ್ ಆಯ್ಕೆ ಆತೆರ್.
ಬೋಲ್ತೆರ್ ತಾಲೂಕುದ ಗೃಹ ರಕ್ಷಕ ದಳಟ್ ಘಟಕಾಧಿಕಾರಿಯಾದ್ ಕರಿನ 33 ವರ್ಷರ್ದ್ ಸೇವೆ ಮಲ್ತೊಂದು ಇಪ್ಪುನ ಮೆರೆನ್ ಪರಿಗಣಿಸಾದ್ ಮುಖ್ಯಮಂತ್ರಿ ಬಂಗಾರ್ದ ಪದಕ ಕೊರ್ದ್ ಗೌರವಿಸಾದೆರ್. ಸೆ.22 ದಾನಿ ಬೆಂಗ್ಲೂರುದ ಆರ್.ಎ ಮುಂಡ್ಕೂರು ಅಗ್ನಿಶಾಮಕ ಬೊಕ್ಕ ತುರ್ತು ಸೇವೆದ ತರಬೇತಿ ಅಕಾಡೆಮಿ ಬನ್ನೇರುಘಟ್ಟಡ್ ನಡತ್ತಿನ ಲೇಸ್ ಡ್ ಗೃಹ ಸಚಿವೆರಾಯಿನ ಡಾ. ಪರಮೇಶ್ವರ್ ಪ್ರಶಸ್ತಿ ಪ್ರಧಾನ ಮಲ್ತೆರ್.
ಅರ್ನ ಕ್ರಿಯೇಷನ್ಸ್ ಸಂಸ್ಥೆದ ‘ಅಂಬರ ರ‍್ಲೆರ್’ ತುಳು ಸಾಮಾಜಿಕ ಹಾಸ್ಯ ಧಾರಾವಾಹಿ ಚಂದನ ವಾಹಿನಿಡ್ ಸೆ.24 ರ್ದ್ ಪ್ರತಿ ಐತಾರ ಪ್ರಸಾರ ಆವೆರೆ ಉಂಡು ಪಂದ್ ನರ‍್ಮಾಪಕ ಬೊಕ್ಕ ಪ್ರಧಾನ ನರ‍್ದೇಶಕೆರಾಯಿನ ಸುಂದರ್ ರೈ ಮಂದಾರ ಸುದ್ದಿಗೋಷ್ಟಿಡ್ ತೆರಿಪಾದೆರ್.
ಕುಡ್ಲಡ್ ನಡತ್ತಿನ ಸುದ್ದಿಗೋಷ್ಠಿಡ್ ಪಾತರ‍್ದ್ ಪ್ರತಿ ಐತಾರ ಮಧ್ಯಾಹ್ನ 1.30 ರ್ದ್ ೨ ಗಂಟೆ ಮುಟ ಧಾರಾವಾಹಿ ಪ್ರಸಾರ ಆವೆರೆ ಉಂಡು. ನಟೆರಾಯಿನ ನವೀನ್ ಡಿ ಪಡೀಲ್, ಅರವಿಂದ್ ಬೋಳಾರ್, ದೀಪಕ್ ರೈ ಪಾಣಾಜೆ, ಪುಷ್ಪರಾಜ್ ಬೊಳ್ಳಾ, ಸುಂದರ್ ರೈ ಮಂದಾರ, ಉಮೇಶ್ ಮಿಜಾರ್, ಅರುಣ್ ಚಂದ್ರ ಬಿ.ಸಿ. ರೋಡ್, ರಾಜೇಶ್ ಮೀಯಪದವು, ರಂಜನ್ ಬೋಳೂರು, ಸೋಮನಾಥ ಶೆಟ್ಟಿ ಮಂಗಲ್ಪಾಡಿ, ರವಿ ರಾಮಕುಂಜ, ಸುನಿಲ್ ನೆಲ್ಲಿಗುಡ್ಡೆ, ರೂಪ ರ‍್ಕಾಡಿ, ನಮಿತಾ ಕಿರಣ್, ಪ್ರನ್ ಪೊಳಲಿ ಸೇರಿನಂಚ 25 ರ್ದ್ ಎಚ್ಚ ತುಳು ರಂಗಭೂಮಿ, ಸಿನಿಮಾ ಕಲಾವಿದೆರ್ ಈ ಧಾರಾವಾಹಿಡ್ ಅಭಿನಯ ಮಲ್ಪೆರೆ ಉಲ್ಲೆರ್ ಪಂದ್ ಪಂಡೆರ್.
ಪುತ್ತೂರು, ಕುಡ್ಲ, ಕೇರಳದ ಕೆಲ ಭಾಗಡ್ ಚಿತ್ರೀಕರಣ ಆದ್, 24 ಕಂತ್ ತಯಾರ್ ಆದ್ ಉಂಡು. ಪ್ರಸಾದ್ ಕೊಯಿಲ, ಕಲೆ ಬೊಕ್ಕ ನರ‍್ಮಾಣಡ್ ವಿಜಯ್ ಮಯ್ಯ, ಸಹ ನರ‍್ದೇಶನಡ್ ರವಿ ಎಂ.ಎಸ್. ರ‍್ಕಾಡಿ, ಸಾಹಿತ್ಯ ಬೊಕ್ಕ ಗಾಯನ ಸೋಮನಾಥ ಶೆಟ್ಟಿ ಮಂಗಲ್ಪಾಡಿ, ಪ್ರಜ್ವಲ್ ಆಚರ‍್ಯ, ಪವನ್ ಕುಮಾರ್, ನವೀನ್, ಪ್ರಚಾರ ಕಲೆ ಗಣೇಶ್ ಕೆ.. ಸಹ ಛಾಯಾಗ್ರಹಣ ಸಂಜಯ್ ನಾರಾಯಣ, ಅಶೋಕ್ ಬೇಕೂ, ಹಿನ್ನೆಲೆ ಸಂಗೀತಡ್ ಗುರು ಬಾಯಾರ್, ಮುಖ್ಯ ಛಾಯಾಗ್ರಹಣ ಬೊಕ್ಕ ಸಂಕಲನಡ್ ಧನು ರೈ ಪುತ್ತೂರು ನೆರವು ಕರ‍್ತೆರ್.
ರಂಜನ್ ಬೋಳೂರು, ಅರುಣ್ ಚಂದ್ರ ಬಿ.ಸಿ. ರೋಡ್, ಧನು ರೈ ಪುತ್ತೂರು ಈ ಪರ‍್ತುಡು ಇತ್ತೆರ್.
ಮುಲ್ಕಿದ ಕೆಎಸ್ ರಾವ್ ನಗರ ನಿವಾಸಿ ರಾಘವ ಎ ಸುವರ್ಣ (80) ಹುಷಾರ್ ದಾಂತೆ (ಸುಕ್ರಾರ) ಇನಿ ಬೊಲ್ಪುಗು ದೇವೆರೆ ಪಾದ ಸೇರಿಯೆರ್.
ಮೆರೆಗ್ ಬೊಡೆದಿ, ಒರಿ ಮಗೆ ಬೊಕ್ಕ ಮೂಜಿ ಮಗಲ್ ನಕುಲು ಉಲ್ಲೆರ್.
ಮೇರ್ ಮುಲ್ಕಿ ಕೆಎಸ್ ರಾವ್ ನಗರದ ಬಿಲ್ಲವ ಸಮಾಜ ಸೇವಾ ಸಂಘದ ಗುರ್ಕಾರೆಯಾದ್, ಮಾನಾದಿಗೆದ ಗುರ್ಕಾರೆಯಾದ್ ಸೇವೆ ಸಂದಾವೊಂದು ಇತ್ತೆರ್.
ಕರಿನ ಸುಮಾರ್ ವರ್ಷೊದ ಪಿರವು ಪುಗರ್ತೆದ ಮುಲ್ಕಿ ಬಿಲ್ಲವ ಸಮಾಜ ಸೇವಾ ಸಂಘದ ಸದಸ್ಯೆರಾದ್, ಭಜನಾ ಮಂಡಳಿದ ಸದಸ್ಯೆರಾದ್ ಸೇವೆ ಸಂದಾದೆರ್.
ಮೆರೆನ ನಿಧನೊಗು ಶಾಸಕೆರ್ ಉಮಾನಾಥ ಕೋಟ್ಯಾನ್, ಮಾಜಿ ಸಚಿವೆರ್ ಅಭಯಚಂದ್ರ ಜೈನ್, ಮಿಥುನ್ ರೈ, ವಸಂತ ಬೆರ್ನಾಡ್, ಮುಲ್ಕಿ ಬಿಲ್ಲವ ಸಮಾಜ ಸೇವಾ ಸಂಘದ ಗುರ್ಕಾರೆ ಪ್ರಕಾಶ್ ಸುವರ್ಣ, ಮಾಜಿ ಗುರ್ಕಾರೆರಾಯಿನ ರಮೇಶ್ ಅಮೀನ್ ಕೊಕ್ಕರಕಲ್, ಗೋಪಿನಾಥ ಪಡಂಗ, ಡಾ.ಹರಿಶ್ಚಂದ್ರ ಸಾಲ್ಯಾನ್, ಕಿಶೋರ್ ಸಾಲ್ಯಾನ್, ನರಸಿಂಹ ಪೂಜಾರಿ, ಗಿರಿಧರ ಅಮೀನ್, ಸತೀಶ್ ಕಿಲ್ಪಾಡಿ, ಕೆಎಸ್ ರಾವ್ ನಗರ ಬಿಲ್ಲವ ಸಂಘದ ಗುರ್ಕಾರೆ ಮಹಾಬಲ ಸನಿಲ್, ಉಪಾಧ್ಯಕ್ಷೆರ್ ಹರಿಶ್ಚಂದ್ರ ಕೋಟ್ಯಾನ್, ಗೌರವ ಸಲಹೆಗಾರೆರ್ ಜನಾರ್ದನ ಬಂಗೇರ ಮೊಕುಲು ಮಾತ ಸಂತಾಪ ತೆರಿಪಾದೆರ್.
ಪುತ್ತೂರು : ಸುರುತ ಸಲ ನಡಪುನ ‘ಪಿಲಿಗೊಬ್ಬು’ ನೆತ್ತ ಮನಾದಿಗೆದ ಗುರ್ಕಾರೆರಾದಿತ್ತಿನ ಸಹಜ್ ರೈ ಬಳಜ್ಜ ಮೆರ್ ನ ಮುತಾಲಿಕೆಡ್ ಅ.22 ದಾನಿ ಪುತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ದೇವರಮಾರು ಕಂಡಡ್ ದ.ಕ ಜಿಲ್ಲೆದ ಲೆಪ್ಪು ಕೊರ್ತಿನ ಪತ್ತ್ ತಂಡದ ‘ಪಿಲಿಗೊಬ್ಬು’ ಪಂತೋ ನಡಪೆರೆ ಉಂಡು. ಈ ಪಂತದ ಯಶಸ್ವಿಗ್ ದರ್ಬೆ ಶ್ರೀರಾಮ ಸೌಧಡ್ ಸಮಿತಿನ್ ರಚನೆ ಮಲ್ತೆರ್.
ಗುರ್ಕಾರೆರಾದ್ ಶ್ರೀರಾಮ ಸೌಧದ ಮಾಲಕೆರ್ ಬೊಕ್ಕ ತಾಲೂಕು ಕನ್ನಡ ಸಾಹಿತ್ಯ ಪರಿಷತ್ ಗುರ್ಕಾರ್ಲು ಪುತ್ತೂರು ಉಮೇಶ್ ನಾಯಕ್, ಕಾರ್ಯಾಧ್ಯಕ್ಷರಾದ್ ಸುಜಿತ್ ರೈ ಪಾಲ್ತಾಡ್, ಸಂಚಾಲಕೆರಾದ್ ನಾಗರಾಜ್ ನಡುವಡ್ಕ, ಪ್ರಧಾನ ಕಾರ್ಯದರ್ಶಿಯಾದ್ ಶರತ್ ಆಳ್ವ ಕೂರೇಲು, ಉಪಾಧ್ಯಕ್ಷೆರಾದ್ ಸಂದೀಪ್ ರೈ ನಂಜೆ ಬೊಕ್ಕ ದೇವಿಪ್ರಕಾಶ್ ಭಂಡಾರಿ, ಕಾರ್ಯದರ್ಶಿಯಾದ್ ಸುರೇಶ್ ಪಿದಪಟ್ಲ ಬೊಕ್ಕ ಶರತ್ ಕುಮಾರ್ ಮಾಡಾವು, ಜೊತೆ ಕಾರ್ಯದರ್ಶಿಯಾದ್ ಶಂಕರ್ ಭಟ್, ಈಶಾನ್ಯ, ಕೋಶಾಧಿಕಾರಿಯಾದ್ ರಾಜೇಶ್ ಕೆ. ಗೌಡ ಬೊಕ್ಕ ಅಶೋಕ್ ಅಡೂರು, ಸಂಘಟನಾ ಕಾರ್ಯದರ್ಶಿಯಾದ್ ಅರುಣ್ ರೈ ಬೊಕ್ಕ ಉದಯ್ ಪಾಟಾಳಿ ಬೆಳ್ಳಾರೆ.
ಕಾರ್ಯಕಾರಿ ಸಮಿತಿ ಸದಸ್ಯೆರಾದ್ ದಯಾನಂದ ಶೆಟ್ಟಿ ಉಜ್ರೆಮಾರ್, ಪ್ರೀತಂಶೆಟ್ಟಿ ಪೆರ್ನೆ, ಆದರ್ಶ್ ಶೆಟ್ಟಿ ಉಪ್ಪಿನಂಗಡಿ, ಪ್ರಮೀತ್ ರಾಜ್ ಕಟ್ಟತ್ತಾರು, ವಿನಯ ರೈ ಕೋರಿಕ್ಕಾರು, ಆನಂದ ತೆಂಕಿಲ, ದಿನೇಶ್ ವಾಸುಕಿ, ಚಂದ್ರಶೇಖರ ರೈ ಸಣಂಗಲ, ಸತೀಶ್ ರೈ ದೇವಿನಗರ, ಕಿಶೋರ್ ಕೊಳ್ತಿಗೆ, ಆದೇಶ್ ಶೆಟ್ಟಿ ಉಪ್ಪಿನಂಗಡಿ, ಸಚಿನ್ ಶೆಟ್ಟಿ ನರಿಮೊಗರು, ಸಾಯಿರಾಂ ಬಾಳಿಲ, ಸುಬ್ಬು ಸಂಟ್ಯಾರ್, ವಸಂತ ಕುಮಾರ್ ಪುತ್ತೂರು, ಸತೀಶ್ ಬಲಮುರಿ, ಪ್ರದೀಪ್ ರೈ ಕರ್ನೂರ್, ಪ್ರಶಾಂತ್ ಸವಣೂರು, ಯಶು ಸಂಪ್ಯ, ಯತೀಶ್ ಕುರಿಯ, ಪುನೀತ್ ಕೆಯ್ಯೂರು, ಹರ್ಷಕುಮಾರ್ ಪುತ್ತೂರು, ಚರಣ್ ರೈ ಮಠ, ಸಚಿನ್ ಸವಣೂರು, ಪವನ್ ಶೆಟ್ಟಿ, ಪ್ರಗತ್ ಶೆಟ್ಟಿ ಆಯ್ಕೆಯಾತೆರ್.
ಒಡಿಪು: : ಕರಿನ ಸರ್ತಿ ಜಗತ್ತ್ ದ ರಡ್ಡನೆ ಎತ್ತರದ ಪ್ರದೇಶ ಖರ್ದುಂಗ್ಲಾ ಪಾಸ್ ಗ್ ಬೈಕ್ ಡೆ ಪೋದ್ ಸುದ್ದಿ ಮಲ್ತ್ ಇತ್ತಿನ ಕುಂದಾಪುರ ಮೂಲದ ವಿಲ್ಮಾ ಕ್ರಾಸ್ತಾ ಕರ್ವಾಲೋ ಈ ಸರ್ತಿ ಜಗತ್ತ್ ದ ಅತಿ ಎತ್ತರದ ಪ್ರದೇಶ ಉಮ್ಲಿಂಗ್ಲಾ ಪಾಸ್ ಗ್ ಪೋಪುನ ಮುಖೆನ ಪಿರ ಸುದ್ದಿ ಆತೆರ್. ವಿಶೇಷ ಪಂಡ 55 ವರ್ಷದ ವಿಲ್ಮಾ ಈ ಸರ್ತಿ ತನ್ನ ಮಗಳ್ ನ ಒಟ್ಟಿಗೆ ಈ ಸಾಧನೆ ಮಲ್ತ್ ದೆರ್.
ಲಡಾಕ್ ಪ್ರಾಂತ್ಯದ ಈ ಪ್ರದೇಶ ಗುಡ್ಡೆ ರ್ದ್ ಮಾತಾ ಪೋದ್ ಈ ಸಾಹಸ ನ್ ಸಾಹಸಿ ರೈಡರ್ ನಕ್ಲೆಗ್ ಮಾತ್ರ ಪೋವೆರೆ ಸಾಧ್ಯ. ಇರ್ವತೈನ್ ವರ್ಷದ ಮಗಳ್ ನ ಒಟ್ಟಿಗೆ ಕೆಲವು ಸವಾಲ್ ಲೆನ್ ಎದುರು ಪಾರ್ದ್ ಈ ಯಾತ್ರೆ ನ್ ಬೈಕ್ ಮುಖೆನ ಯಶಸ್ವಿಯಾದ್ ಪೂರೈಕೆ ಮಲ್ತ್ ದೆರ್.ಲಡಾಕ್ ಗ್ ಒಂಜಿ ಸರ್ತಿ ಪೋಪುನನೇ ಕಷ್ಟ ಅಂಚ ಇಪ್ಪುನಗ ಉಂದು ಲಡಾಖ್ ಗ್ ವಿಲ್ಮಾ ಮೆರ್ ನ ಮೂಜನೆ ಬೈಕ್ ರೈಡ್.
ಯೋಗ, ಪ್ರಾಣಾಯಾಮ, ಧ್ಯಾನ ಇಂಚಿನ ಚಟುವಟಿಕೆಡ್ ಆಸಕ್ತಿ ಇಪ್ಪುನ ಮೆರ್ ವೃತ್ತಿಡ್ ಕಾರ್ಪೊರೇಟರ್ ಟ್ರೈನರ್. ಫಿಟ್ನೆಸ್ ನ್ ಕಾತೊಂದು, ಸಾಹಸದ ಮುಖೆನ ಬೇತೆಕ್ಲೆಗ್ ಸ್ಪೂರ್ತಿ ಆಯಿನ ವಿಲ್ಮಾ, ತನ್ನ ಈ ಸಾಹಸ ಯಾತ್ರೆನ್ ಸವಾಲಾದ್ ದೆತೊಂದು ಈ ಸಾಧನೆ ಮಲ್ತ್ ದೆರ್.
ಬೊಂಬೈ: ತುಳುನಾಡ್ ದ ಅಭಿವೃದ್ಧಿಗಾದ್ ಕ್ರಿಯಾಶೀಲೆರಾಪ್ಪುನ ಸರಕಾರೇತರ ಸಂಘಟನೆ ಜಯಶ್ರೀ ಕೃಷ್ಣ ಪರಿಸರ ಪ್ರೇಮಿ ಸಮಿತಿದ 23ನೇ ವಾರ್ಷಿಕ ಮಹಾಸಭೆ ಸೆ.18 ಕ್ಕ್ ಬಯ್ಯಗ್ ಕುರ್ಲಾ ಪೂರ್ವ ಬಂಟರ ಸಂಘ ಬೊಂಬೈದ ಅನೆಕ್ಸ್ ಸಭಾಗೃಹಡ್ ಸಮಿತಿದ ಸಂಸ್ಥಾಪಕೆರ್ ತೋನ್ಸೆ ಜಯಕೃಷ್ಣ ಶೆಟ್ಟಿ ಮೆರೆನ ಉಪಸ್ಥಿತಿಡ್, ಗುರ್ಕಾಲು ಆಯಿನ ಎಲ್.ವಿ. ಅಮೀನ್ ಮೆರೆನ ಗುರ್ಕಾರ್ಮೆಡ್ ನಡತ್ಂಡ್.
ಸಮಿತಿದ ಪದಾಧಿಕಾರಿಲು ಬೊಕ್ಕ ಹಿರಿಯ ಸದಸ್ಯೆರ್ ತುಡರ್ ಅರ್ಲಾದ್ ಮಹಾಸಭೆತ್ತ ಉದಿಪನ ಮಲ್ತೆರ್. ಗುರ್ಕಾಲು ಆಯಿನ ಎಲ್.ವಿ. ಅಮೀನ್ ಮೇರ್ ಎದ್ಕೊನಿಯೆರ್.
ಈ ಮಹಾಸಭೆಟ್ಟ್ ತುಳುನಾಡ್ ದ ಕುಡ್ಲ ಬೊಕ್ಕ ಒಡಿಪುಡ್ ಸಮಿತಿನ್ ಸ್ಥಾಪನೆ ಮಲ್ಪರೆ ಮಂಜೂರು ಮಲ್ತೆರ್. ಜಿಲ್ಲೆಡ್ ಪುಗರ್ತೆ ಪಡೆಯಿನ ಸಂಘಟಕೆರ್ ಡಿ. ಆರ್.ರಾಜು ಮೆರೆನ್ ಜಿಲ್ಲೆದ ಪೊಸ ಸಮಿತಿದ ಕಾರ್ಯಾಧ್ಯಕ್ಷೆರಾದ್ ಸಮಿತಿ ಮಾತೆರ್ನಾ ಒಪ್ಪಿಗೆಡ್ ಆಯ್ಕೆ ಮಲ್ತೆರ್.
ಸಭಿಕೆರೆಗ್ ಸಮಿತಿದ ಮಾಜಿ ಅಧ್ಯಕ್ಷೆರ್ ಧರ್ಮಪಾಲ್ ಯು ದೇವಾಡಿಗ, ಉಪಾಧ್ಯಕ್ಷೆರ್ ಪಿ ಧನಂಜಯ್ ಶೆಟ್ಟಿ, ನಿತ್ಯಾನಂದ ಕೋಟ್ಯಾನ್, ಸಿಎಸ್. ಗಣೇಶ್ ಶೆಟ್ಟಿ, ನ್ಯಾ. ಶಶಿಧರ ಕಾಪು, ಸಾಫಲ್ಯ ಸೇವಾ ಸಂಘದ ಗುರ್ಕಾರೆ ಶ್ರೀನಿವಾಸ ಸಾಫಲ್ಯ, ಡಾ. ಅರ್. ಕೆ ಶೆಟ್ಟಿ, ಹಿರಿಯಡ್ಕ ಮೋಹನ್ ದಾಸ್, ದಯಾಸಾಗರ ಚೌಟ ಪಾತೆರ್ದ್ ಸಮಿತಿದ ಬೇತೆ ಬೇತೆ ಯೋಜನೆದ ಬಗೆಟ್ಟ್ ಅಗತ್ಯ ಪೊಲಬುನ್ ಕೊರಿಯೆರ್.
ಸಭೆಟ್ಟ್ ಪಾಲ್ ಪಡೆದಿತ್ತಿನ ತೀಯಾ ಸಮಾಜದ ಮಾಜಿ ಗುರ್ಕಾರೆ ಚಂದ್ರಶೇಖರ ಬೆಳ್ಚಡ, ಕರ್ನಾಟಕ ವಿಶ್ವಕರ್ಮ ಅಸೋಸಿಯೇಷನ್ ದ ಮಾಜಿ ಗುರ್ಕಾರೆ ಜಿಟಿ ಆಚಾರ್ಯ, ವಿದ್ಯಾದಾಯಿನಿ ಸಭಾ ಬೊಂಬೈದ ಗೌರವ ಮಲ್ಲ ಕಾರ್ಯಂತೆರ್ ಚಿತ್ರಪು ಕೆ.ಎಂ ಕೋಟ್ಯಾನ್ ಬೊಕ್ಕ ಬೇತೆ ಬೇತೆ ಪದುಕೆರ್ ಈ ಪೊರ್ತುಡು ಅಕ್ಲೆನ ಅಭಿಪ್ರಾಯನ್ ತೆರಿಪಾಯೆರ್.
ಚಾವಡಿಡ್ ಜಯಶ್ರೀ ಕೃಷ್ಣ ಪರಿಸರ ಪ್ರೇಮಿ ಸಮಿತಿದ ಗುರ್ಕಾರ್ಲು ಎಲ್.ವಿ. ಅಮೀನ್, ಸಂಸ್ಥಾಪಕೆರ್ ತೋನ್ಸೆ ಜಯಕೃಷ್ಣ ಶೆಟ್ಟಿ, ನಿಧಿ ಸಂಗ್ರಹ ಸಮಿತಿದ ಕಾರ್ಯಾಧ್ಯಕ್ಷೆರ್ ಡಾ.ಆರ್. ಕೆ.ಶೆಟ್ಟಿ, ಗೌರವ ಕಾರ್ಯಂತೆರ್ ಸುರೇಂದ್ರ ಸಾಲ್ಯಾನ್ ಮುಂಡ್ಕೂರು, ಗೌರವ ಕೋಶಾಧಿಕಾರಿ ತುಳಸಿದಾಸ್ ಅಮೀನ್ ಪಾಲ್ ಪಡೆದಿತ್ತೆರ್. ಸಭೆಟ್ಟ್ ಸಮಿತಿದ ಮಾಜಿ ಗುರ್ಕಾರೆರ್, ಪದಾಧಿಕಾರಿಲು ಬೊಕ್ಕ ಸದಸ್ಯೆರ್ ಇತ್ತೆರ್.
ಚಿಕ್ಕಮಗಳೂರು ಜಿಲ್ಲೆದ ಮೂಡಿಗೆರೆ ತಾಲೂಕ್ ದ ಗೋಣಿಬೀಡುಡ್ ಪುಟ್ಟಿನ ಡಿ.ಆರ್. ರಾಜು ಮೇರ್ ಸಿವಿಲ್ ಇಂಜಿನಿಯರಿಂಗ್‌ಡ್ ವೃತ್ತಿಜೀವನನ್ ಸುರು ಮಲ್ತ್ ದ್ ತನ್ನ ವೃತ್ತಿಡ್ ಎಡ್ಡೆ ಸಾಧನೆ ಮಲ್ದೆರ್. ಮಾತ್ರ ಅತ್ತಂದೆ ಬೇತೆ ಬೇತೆ ಯೋಜನೆಲೆಡ್ ಮರಪೆರೆ ಅವಂದಿನ ನೆಂಪುನ್ ಉಂಡು. ವಿದ್ಯಾರ್ಥಿ ದಿನಟ್ಟ್ ಮೆರೆನ ಸಾಮಾಜಪರ ಕಾರ್ಯದ ಬಗೆಟ್ಟ್ ಕರ್ನಾಟಕ ರಾಜ್ಯ ರೈತ ಸಂಘದಂಚಿನ ಸಂಘಟನೆದೊಟ್ಟಿಗೆ ಸಕ್ರಿಯವಾದ್ ಇತ್ತೆರ್. ಬೊಕ್ಕ ಮೇರ್ ಪ್ರಮುಖ ಸಾಮಾಜಿಕ ನಾಯಕೆಯಾದ್ ಬುಲೆಯೆರ್. ಮಾಜಿ ಮುಖ್ಯಮಂತ್ರಿ ಎಸ್. ಬಂಗಾರಪ್ಪ ಮೆರೆನೊಟ್ಟಿಗೆ ಮೆರೆನ ಒಡನಾಟ ಮೆರೆನ್ ರಾಜಕೀಯ ಕ್ಷೇತ್ರಗ್ ಲೆತೊಂದು ಪೋತ್ಂಡ್. ಮುಲ್ಪ ಮೇರ್ ರಾಜಕೀಯ ನಾಯಕೆಯಾದ್ ಬೊಕ್ಕ ಪ್ರಮುಖ ರಾಜಕೀಯ ಪಕ್ಷನ್ ಪ್ರತಿನಿಧಿಸುನ ವಿಧಾನಸಭೆ ಬೊಕ್ಕ ಲೋಕಸಭೆ ವೋಟುಡು ಅಭ್ಯರ್ಥಿಯಾದ್ ಪುಗರ್ತೆ ಪಡೆತೆರ್.
ಬೊಕ್ಕ ಕಾರ್ಲಡ್ ಇತ್ತಿನ ಮೇರ್ ಮಹಾಮಲ್ಲ ನಾಯಕೆರಾದ್ ರಾಜಕೀಯ, ಧಾರ್ಮಿಕ ಬೊಕ್ಕ ಸಮಾಜ ಸೇವೆನ್ ಮಲ್ತೊಂದು ಇತ್ತೆರ್. ಮೇರ್ ಕಾರ್ಲ ಬಿಲ್ಲವ ಸಮಾಜ ಸೇವಾ ಸಂಘದ ಗುರ್ಕಾರೆರಾದ್, ರಶ್ಮಿ ಚಾರಿಟೇಬಲ್ ಟ್ರಸ್ಟ್ ದ ಮುಖೇನ ತನ್ನ ಸೇವೆನ್ ಮಲ್ದೆರ್. ಈ ಟ್ರಸ್ಟ್ ಮುಖೇನ ಸುಮಾರ್ ಪಿರವೊರಿದಿನ ಜೋಕುಲೆಗ್ ಶಿಷ್ಯವೇತನ, ಅನುದಾನ, ಸಮವಸ್ತ್ರ, ನೋಟ್‌ಬುಕ್‌ನ್ ಕೊರ್ಪುನಲ್ಪ ಆಶಾಕಿರಣ ಆತೆರ್.
ಮೇರ್ ಶೈಕ್ಷಣಿಕ ಸೇವೆ ಮಾತ್ರ ಅತ್ತಂದೆ, ಆರೋಗ್ಯ ರಕ್ಷಣೆ, ಸ್ವಯಂ ಉದ್ಯೋಗ ನೆರವು, ವಿದ್ಯಾರ್ಥಿಲೆಗ್ ಬೊಕ್ಕ ಪೊಂಜೋವ್ ನಕ್ಲೆಗ್ ಟೈಲರಿಂಗ್ ಮಿಷನ್, ನಿರಾಶ್ರಿತೆರೆಗ್ ವಸತಿ, ಇಲ್ಲ್ ನಿರ್ವಹಣಾ ನೆರವು, ಶೌಚಾಲಯ ನಿರ್ಮಾಣ, ಸೂರು ಬೊಕ್ಕ ಬಡ ಕುಟುಂಬಗ್ ಕರೆಂಟ್ ಸ್ಥಾಪನೆನ್ ಮಲ್ದೆರ್.
ಆಟೊ ಚಾಲಕೆರೆಗ್ ಸಹಾಯಧನ ಬೊಕ್ಕ ಪಡಿತೆರೆಗ್ ನೆರವು ಕೊರ್ಪುನ ಮುಖೇನ ಜನ ಸಾಮಾನ್ಯೆರೆಗ್ ಬೆಂಬಲ ಕೊರ್ತೆರ್.
ಬೇತೆ ಬೇತೆ ಸಂಸ್ಥೆಲೆಡ್ ಸಕ್ರಿಯವಾದ್ ಇಪ್ಪುನ ಮೆರೆನ ಸಮರ್ಪಣಾ ಮನೋಭಾವಗ್ ಸಾಕ್ಷಿ ಆತ್ಂಡ್. ಇತ್ತೆದ ಬೀರೇಶ್ವರ ಸಹಕಾರಿ ಸಂಘದ ಸಲಹೆಗಾರೆರಾದ್, ನಾರಾಯಣಗುರು ಅರ್ಬನ್ ಕೋ-ಆಪರೇಟಿವ್ ಬ್ಯಾಂಕ್ ನಿರ್ದೇಶಕೆರಾದ್, ಕರ್ನಾಟಕ ರಾಜ್ಯ ಕಾಂಗ್ರೆಸ್ ಹಿಂದುಳಿದ ವರ್ಗಲೆನ ಸಮಿತಿದ ಉಪಾಧ್ಯಕ್ಷೆರಾದ್ ಸೇವೆ ಸಂದಾದೆರ್. ಮೆರೆನ ಅನುಕರಣೀಯ ನಾಯಕತ್ವ ಬೊಕ್ಕ ಪರೋಪಕಾರ ಬೇತೆ ಅಕ್ಲೆನ್ ಪ್ರೇರೇಪಿಸಾವೊಂಡು ಬೊಕ್ಕ ಪರಿವರ್ತಿಸಾವೊಂಡು. ಸುಮಾರ್ ಜನತ್ತ ಉಡಲ್ ಡ್ ಶಾಶ್ವತವಾದ್ ಪರಂಪರೆನ್ ನಿರ್ಮಾಣ ಮಲ್ಪುಂಡು. ಜಯಶ್ರೀ ಕೃಷ್ಣ ಪರಿಸರ ಪ್ರೇಮಿ ಸಮಿತಿದ ದಕ್ಷಿಣ ಕನ್ನಡ ಬೊಕ್ಕ ಒಡಿಪು ಜಿಲ್ಲೆಲೆನ ಪ್ರಾದೇಶಿಕ ಸಮಿತಿದ ಕಾರ್ಯಾಧ್ಯಕ್ಷೆರಾದ್ ಡಿ. ಆರ್. ರಾಜು ಮೇರ್ ಸಮರ್ಥ ಆಯ್ಕೆ ಪನ್ಪುನೆಟ್ಟ್ ಸಂದೇಹ ಇಜ್ಜಿ ಪಂಡ್ ದ್ ಅಭಿಪ್ರಾಯ ತೆರಿದ್ ಬೈದ್ಂಡ್.
ತಮಿಳ್ ನಾಡ್ ಗ್ ಕಾವೇರಿ ನೀರ್ ಬುಡ್ಪುನ ಇಚಾರವಾದ್ ಕರ್ನಾಟಕ ರಕ್ಷಣಾ ವೇದಿಕೆದಕುಲು (ನಾರಾಯಣ ಗೌಡ ಬಣ) ಮಲ್ಲ ಪ್ರತಿಭಟನೆ ಮಲ್ಪರೆ ಅಟ್ಟಣೆ ಮಲ್ತೊಂದು ಉಲ್ಲೆರ್.
ರಾಜ್ಯದ ಸರ್ಕಾರದ ವಿರುದ್ಧ ಪ್ರತಿಭಟನೆ ಮಲ್ತೊಂದು ಇಪ್ಪುನ ಕರವೇ ಬೆಂಗ್ಲೂರ್ ಬಂದ್ ಗ್ ಲೆಪ್ಪು ಕೊರ್ಪುಂಡು ಪಂದ್ ವರದಿ ಆತ್ಂಡ್. ಎಲ್ಲೆ ಈ ಬಗೆಟ್ಟ್ ಮಲ್ಲ ಸಭೆ ಲೆತ್ತ್ ದ್ ಬಂದ್ ದ ತಾರೀಕ್ ನ್ ಘೋಷಣೆ ಮಲ್ಪುವೆರ್ ಪನ್ಪಿನ ಸುದ್ದಿ ಉಂಡು. ಮಂಡ್ಯ, ಮೈಸೂರ್ ಬೊಕ್ಕ ಬೆಂಗ್ಲೂರ್ ಡ್ ಕಾವೇರಿ ಇಚಾರವಾದ್ ಪ್ರತಿಭಟನೆಲು ನಡತೊಂದು ಇಪ್ಪುನ ಪೊರ್ತುಡು ಈ ನಿರ್ಧಾರನ್ ದೆತೊಂದೆರ್.
ಪುತ್ತೂರು: ಬೆಂಗ್ಲೂರ್ ತುಳುಕೂಟದ ಗೌರವ ನಿರ್ದೇಶಕೆರಾದ್ ಬೆಂಗ್ಲೂರ್ ರಾಜಕೀಯ ವಲಯಡ್ ಸಕ್ರಿಯವಾದಿಪ್ಪುನ ಅಕ್ಷಯ್ ರೈ ದಂಬೆಕ್ಕಾನ ಆಯ್ಕೆ ಆತೆರ್.
ಅಂಚೆನೆ 50ನೇ ವರ್ಷಾಚರಣೆದ ಗೌರವಾಧ್ಯಕ್ಷೆರಾದ್ ರವಿ ಶೆಟ್ಟಿ ಕತ್ತಾರ್ ಆಯ್ಕೆ ಆತೆರ್.
ಅಕ್ಷಯ್ ರೈ ಮೇರ್ ಕರಿನ ಕೆಲವು ವರ್ಷೊದಿಂಚ ಬೆಂಗ್ಲೂರ್ ರಾಜಕೀಯ ವಲಯಡ್ ಸಕ್ರಿಯವಾದ್ ಇತ್ತ್ ದ್, ತುಳುವೆರೆನ ಪರವಾದ್ ಒವ್ವೇ ಸಮಸ್ಯೆ ಇತ್ತ್ಂಡಲ ಆಯಿನ್ ತೆರಿವೊಂದು ತುಳುವೆರೆನ ಅವಶ್ಯಕತೆನ್ ಪೂರೈಸೊಂದು ಬೈದೆರ್. ಅಂಚಾದ್ ತುಳುಕೂಟದ ಗೌರವ ನಿರ್ದೇಶಕೆರಾದ್ ಮೇರ್ ಆಯ್ಕೆ ಆತೆರ್ ಪಂದ್ ತುಳುಕೂಟದ ಗುರ್ಕಾರೆ ಸುಂದರ್ ರಾಜ್ ರೈ ತೆರಿಪಾದೆರ್.
ಅಕ್ಷಯ್ ರೈ ದಂಬೆಕ್ಕಾನ ಮೇರ್ ಕೆಯ್ಯೂರು ಗ್ರಾಮದ ನೂಜಿ ತರವಾಡು ಇಲ್ಲದ ಸದಾಶಿವ ರೈ ದಂಬೆಕ್ಕಾನ ಬೊಕ್ಕ ಪ್ರಭಾ ಎಸ್ ರೈ ಮೆರೆನ ಮಗೆ ಆತೆರ್.
ಬೆಂಗ್ಲೂರ್ ಡ್ 1973 ಟ್ಟ್ ಸುರು ಆಯಿನ ಬೆಂಗ್ಲೂರ್ ತುಳುಕೂಟಗ್ 50 ವರ್ಷೊದ ಗೌಜಿ. 2023 ಟ್ಟ್ 50ನೇ ವರ್ಷೊದ ಆಚರಣೆ ಇಪ್ಪುರ್ನೆದಾವೆರ ಬೆಂಗ್ಲೂರ್ ಡ್ 3 ದಿನತ್ತ ಗೌಜಿದ ಲೇಸ್ ನಡಪರೆ ಉಂಡು.
ನೆತ್ತ ಸಲುವಾದ್ ತುಳುನಾಡ್ ದ ಜಾನಪದ ಕ್ರೀಡೆಯಾಯಿನ ಕಂಬುಲ ಕೂಟ ನಡಪರೆ ಉಂಡು.
ಬಹರೈನ್: ಬಹರೈನ್ ದ್ವೀಪ ರಾಷ್ಟ್ರಡ್ ತುಳು ಕಲೆ, ಭಾಷೆ, ಸಂಸ್ಕೃತಿಗ್ ವೇದಿಕೆನ್ ಕಲ್ಪಿಸಾಯೆರೆ, ಬೊಕ್ಕ ಒರಿಪಾದ್ ಬುಲೆಪಾಯೆರೆ ಅಸ್ತಿತ್ವಗ್ ಬತ್ತಿನ “ತುಳುಕೂಟ ಬಹರೈನ್ ” ಸಂಘಟನೆ ಸೋಮಾರ ಪ್ಯಾಪಿಲಾನ್ ರೆಸ್ಟೋರೆಂಟ್ ದ ಚಾವಡಿಡ್ ಉದಿಪನ ಆಂಡ್.
ಲೇಸ್ ಡ್ ಪಾಲ್ ಪಡೆದಿತ್ತಿನ ಹಿರಿಯೆರ್ ತುಡರ್ ಅರ್ಲಾವುನ ಮುಖೇನ “ತುಳುಕೂಟ ಬಹರೈನ್” ದ ಉದಿಪನ ಮಲ್ತೆರ್. ದ್ವೀಪ ರಾಷ್ಟ್ರಡ್ ಸುಮಾರ್ ನಾಲ್ ದಶಕರ್ದ್ ಕನ್ನಡ ತುಳು ಭಾಷೆ, ಸಂಸ್ಕೃತಿದ ಸೇವೆಡ್ ಇಪ್ಪುನ ಸಮಾನ ಮನಸ್ಕ ಹಿರಿಯೆರ್ ಕನ್ನಡಿಗೆರಾಯಿನ ರಾಜ್ ಕುಮಾರ್, ಆಸ್ಟಿನ್ ಸಂತೋಷ್, ವಿಜಯ ನಾಯಕ್ ಬೊಕ್ಕ ರಾಜೇಶ್ ಶೆಟ್ಟಿ ಮೆರೆನ ಮುತಾಲಿಕೆಡ್ “ತುಳುಕೂಟ ಬಹರೈನ್” ದ ಉದಿಪನ ಮಲ್ತೆರ್.
ಈ ಪೊರ್ತುಡು ಕನ್ನಡ ಸಂಘದ ಮಾಜಿ ಗುರ್ಕಾರೆ, ಇಂಡಿಯನ್ ಸ್ಕೂಲ್ ಡ್ 1989ಟ್ಟ್ ಕನ್ನಡ ತರಗತಿನ್ ಸುರು ಮಲ್ಪರೆ ಕಾರಣ ಆಯಿನ ಸುರೇಂದ್ರ ಶೆಟ್ಟಿ, ದಕ್ಷಿಣ ಕನ್ನಡ ಮುಸ್ಲಿಂ ಅಸೋಸಿಯೇಶನ್ ಗುರ್ಕಾರೆ ಹಾಜಿ ಅಬ್ದುಲ್ ರಝಾಕ್, ಬಹರೈನ್ ಬಂಟ್ಸ್ ದ ಮಾಜಿ ಗುರ್ಕಾರೆ ಭರತ್ ಶೆಟ್ಟಿ, ಅಲ್ ಹಿಲಾಲ್ ವೈದ್ಯಕೀಯ ಸಮೂಹ ಸಂಸ್ಥೆಲೆನ ಉಪಾಧ್ಯಕ್ಷೆರ್ ಆಸೀಫ್, ಅಮ್ಮ ಕಲಾವಿದೆರ್ ಸಂಘಟನೆದ ಮುಖ್ಯಸ್ಥೆರ್ ಮೋಹನ್ ದಾಸ್ ರೈ, ವಿಶ್ವಕರ್ಮ ಬಳಗದ ಗುರ್ಕಾರೆ ಸತೀಶ್ ಉಳ್ಳಾಲ್, ಕೊಂಕಣ್ ಸಿಂಗರ್ಸ್ ದ ಮಾಜಿ ಗುರ್ಕಾರೆ ವಾಲ್ಟರ್ ನೊರೊನ್ಹಾ, ಹಿರಿಯ ಕನ್ನಡಿಗೆರ್ ಹುಂತ್ರಿಕೆ ಭಾಸ್ಕರ್ ಶೆಟ್ಟಿ, ಚಂದ್ರಹಾಸ ಐಲ್, ರಾಬರ್ಟ್ ಡಿ’ ಸೋಜಾ ಪಾಲ್ ಪಡೆದ್, ಎಡ್ಡೆಪ್ಪು ಬಯಕಿಯೆರ್.
ಎಡನೀರು ಮಠತ್ತ ಶ್ರೀ ಸಚ್ಚಿದಾನಂದ ಭಾರತೀ ಸ್ವಾಮೀಜಿಲು “ತುಳುಕೂಟ ಬಹರೈನ್” ದ ಸಂಘಟಕೆರೆಗ್ ಬೊಕ್ಕ ಬಹರೈನ್ ತುಳುವೆರೆಗ್ ಎಡ್ಡೆಪ್ಪು ಬಯಕ್ ದ್ ಕಡಪಾಯಿನ ಸಂದೇಶ ಬೊಕ್ಕ ಆಶೀರ್ವಚನದ ವಿಡಿಯೋನ್ ಪ್ರಸಾರ ಮಲ್ತೆರ್.
ಬೊಕ್ಕ ತುಳುಕೂಟದ ಚೊಚ್ಚಲ ಲೇಸಾದ್ ನನದ ಅ.13 ಕ್ಕ್ ತುಳುನಾಡ್ ಡ್ ಬುಡುಗಡೆಗ್ ದುಂಬೇ ಸೌಂಡ್ ಮಲ್ತೊಂದು ಇಪ್ಪುನ ಹರಿಪ್ರಸಾದ್ ರೈ ನಿರ್ಮಾಣದ, ತ್ರಿಶೂಲ್ ಶೆಟ್ಟಿ ನಿರ್ದೇಶನದ ವಿನೀತ್ ಕುಮಾರ್, ಸಮತಾ ಅಮೀನ್ ಅಭಿನಯದ “ಪುಳಿಮುಂಚಿ” ತುಳು ಚಿತ್ರದ ಗ್ರ್ಯಾಂಡ್ ಪ್ರೀಮಿಯರ್ ಪ್ರದರ್ಶನನ್ ತುಳುಕೂಟ ಬಹರೈನ್ ನ್ ಆಯೋಜನೆ ಮಲ್ತ್ ದ್ ಇತ್ತೆರ್. ನೆತ್ತ ಅಂಗವಾದ್ ಈ ಪೊರ್ತುಡು ಪಿಕ್ಚರ್ ದ ಪೋಸ್ಟರ್ ನ್ ಬುಡುಗಡೆ ಮಲ್ತೆರ್.
ಈ ಲೇಸ್ ನ್ ವಿಜಯ್ ನಾಯಕ್ ಸುಧಾರಿಕೆ ಮಲ್ತೆರ್. ರಾಜೇಶ್ ಶೆಟ್ಟಿ ಸೊಲ್ಮೆ ಸಂದಾಯೆರ್.
