ತುಳು ಸುದ್ದಿ

ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಬೋಲ್ತೆರ್:‌ ತನ್ನ ಮಗನೇ ಕೆರ್ನ ಅಮ್ಮೆರ್…!!!‌

Oct 30, 2023

ಬೋಲ್ತೆರ್: ಅಮ್ಮೆರೆ ಮಗನ್‌ ಕೆರ್ತಿನ ಘಟನೆ ಉಜಿರೆ ಗ್ರಾಮದ ಕೊಡೆಕಲ್ಲು ಪನ್ಪುನಲ್ಪ ಅ.29 ದಾನಿ ರಾತ್ರೆ ನಡತ್‌ಂಡ್.‌ ತೀರ್‌ಪೋಯಿನ ವ್ಯಕ್ತಿ ಉಜಿರೆ ಗ್ರಾಮದ ಕೊಡೆಕಲ್ಲು ನಿವಾಸಿ ಜಗದೀಶ್(30) ಪಂದ್‌ ಗುರುತಿಸಾದೆರ್.

ಮೇರ್‌ನ ಪೊಪ್ಪ ಕೃಷ್ಣಯ್ಯ ಆಚಾರಿ ಕೆರ್ನ ಆರೋಪಿ. ರಾತ್ರೆ ಅಮ್ಮೆ ಮಗನ ನಡುಟ್ ಗಲಾಟೆ ಆದ್‌, ಈ ಪೊರ್ತುಗ್ ಪಾತೆರಕತೆ ಆದ್‌ ಪಾತೆರ ಜಾಸ್ತಿ ಆನಗ ಕೃಷ್ಣಯ್ಯ ಆಚಾರಿ ತನ್ನ ಕಪಾಟ್‌ಡ್‌ ದೀದ್‌ ಇತ್ತಿನ ಬಿಸತ್ತಿರ್ದ್ ಮಗನ ಕೆಕದಕಿಲ್ ಕೊಯ್ಯ್‌ತೆರ್.

ಘಟನೆ ಆಯಿನ ಕೂಡ್ಲೆ ಇಲ್ಲದಕುಲ್ ಜಗದೀಶ್‌ನ್ ಉಜಿರೆ ಖಾಸಗಿ ಆಸ್ಪತ್ರೆಗ್ ಲೆತೊಂದು ಪೋದ್ ಬೊಕ್ಕ ಎಚ್ಚದ ಚಿಕಿತ್ಸೆಗಾದ್ ಬೋಲ್ತೆರ್ ಸರಕಾರಿ ಆಸ್ಪತ್ರೆಗ್‌ ಲೆತೊಂದು ಪೋನಗನೆ ತೀರ್‌ಪೋತೆರ್. ಕೃಷ್ಣಯ್ಯ ಅಚಾರ್ಯನ್ ಪೊಲೀಸೆರ್ ವಶಕ್ಕೆ ಪಡೆದ್ ವಿಚಾರಣೆ ಮಲ್ತೊಂದು ಉಲ್ಲೆರ್.

ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ನ.4-9 : ಹಳೆಯಂಗಡಿಡ್ ತುಳು ನಾಟಕ ಪಂತೊ

Oct 30, 2023

ಹಳೆಯಂಗಡಿ ಶ್ರೀ ವಿದ್ಯಾ ವಿನಾಯಕ ಯುವಕ ಮಂಡಲ ಸುವರ್ಣ ಮಹೋತ್ಸವ ಸಮಿತಿ ನೇತೃತ್ವಡ್‌ ಶೀ ವಿದ್ಯಾವಿನಾಯಕ ಯುವಕ ಮಂಡಲದ ಚಾವಡಿಡ್‌ ತುಳು ನಾಟಕ ಪಂತೋ-2023 ನ.4 ರ್ದ್‌ 9 ಮುಟ್ಟ ಪ್ರತಿ ದಿನ ಬಯ್ಯಗ್‌ 7 ರ್ದ್‌ 9.30 ಮುಟ್ಟ ನಡಪರೆ ಉಂಡು.

ನ.4 ದಾನಿ ಕೂಡ್ಲಿ ಕಲಾವಿದೆರ್‌ ಪೆರ್ಡೂರು ಮೊಕ್ಲೆರ್ದ್ ಎರು ಮೈಂದೆ , ನ. 5 ನವರಸ ಕಲಾವಿದೆರ್‌, ಸುರತ್ಕಲ್‌ ಮೊಕ್ಲೆನ ನಿರೆಲ್, ನ.6 ನವೋದಯ ಕಲಾವೃಂದ, ಪಲಿಮಾರು ಮೊಕ್ಲೆನ ಪನರೆ ಪೋವೊಡ್ಡಿ, 7 ದಾನಿ ರಂಗ ಕಲಾವಿದೆರ್‌, ಪುತ್ತೂರು ಮೊಕ್ಲೆರ್ದ್ ಈ ದಾಯೆ ಪಾತೆರುಜ, 8 ಕಲಾಶ್ರೀ ಕುಸಲ್ದ ಕಲಾವಿದೆರ್‌, ಬೆದ್ರ ಮೊಕ್ಲೆನ ನಾಲಾಯಿ ಮಗುರುಜಿ, ನ. 9 ಸಿಂಧೂರ ಕಲಾವಿದೆರ್‌, ಕಾರ್ಲ ಮೊಕ್ಲೆರ್ದ್‌ ಪನೊಡಿತ್ತ್‌ಂಡ್‌ ಸ್ವಾರಿ ನಾಟಕ ಪ್ರದರ್ಶನ ಆವೆರೆ ಉಂಡು ಪಂದ್‌ ಪ್ರಕಟನೆಡ್‌ ತೆರಿಪಾದೆರ್.

ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News

ಧರ್ಮ ಸಂರಕ್ಷಣ ರಥಯಾತ್ರೆನ್ ಗೌಜಿಡ್‌ ಎದ್ಕೊಂಡಿನ ಭಕ್ತೆರ್

Oct 29, 2023

ಉಜಿರೆ: ಕೊಲ್ಲೂರು ಶ್ರೀ ಮೂಕಾಂಬಿಕಾ ದೇವಸ್ಥಾನರ್ದ್ ಆಶ್ವಯುಜ ಮಾಸದ ಪುಣ್ಣಮೆದಾನಿ ಅ.28 ದಾನಿ ಪಿದಾಡ್ದ್ ಬಯ್ಯಗ್ ಕುಡ್ಲದ ಕದ್ರಿ ಶ್ರೀ ಮಂಜುನಾಥನ ಸನ್ನಿಧಿಗ್‌ ಬತ್ತ್ ದ್, ಅ.29 ಐತಾರ ಕಾಂಡೆ ಕದ್ರಿರ್ದ್‌ ಪಿದಾಡ್ನ ಯಾತ್ರೆ ಮಧ್ಯಾಹ್ನ 1 ಗಂಟೆಗೆ ಉಜಿರೆದ ಜನಾರ್ದನ ಸ್ವಾಮಿ ದೇವಾಲಯಗ್‌ ಬನ್ನಗ ಉಜಿರೆಡ್ ರಥಯಾತ್ರೆಗ್ ಗೌಜಿಡ್ ಎದ್ಕೊಂದು ರಥಕ್ಕ್ ಪೂಜೆ ಸಲ್ಲಿಸಾಯೆರ್.‌

ಈ ಪೊರ್ತುಡು ಶಾಸಕೆರ್ ಹರೀಶ್ ಪೂಂಜ, ಧರ್ಮ ಜಾಗೃತಿ‌ ಸಮಿತಿ ಸಂಚಾಲಕೆರ್ ಶಶಿಧರ ಶೆಟ್ಟಿ ನವಶಕ್ತಿ, ಉಜಿರೆ ಶ್ರೀ ಜನಾರ್ದನ ದೇವಸ್ಥಾನದ ಆಡಳಿತ ಮೊಕ್ತೇಸರೆರ್ ಶರತ್ ಕೃಷ್ಣ ಪಡ್ವೆಟ್ನಾಯ, ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ದಿ ಯೋಜ‌ನೆ ಡಾ.ಎಲ್ ಹೆಚ್. ಮಂಜುನಾಥ್, ಅನಿಲ್ ಕುಮಾರ್ ಬೊಕ್ಕ ಸಾವಿರಾರ್ ಸಂಖ್ಯೆಡ್ ಭಕ್ತೆರ್‌ ಪಾಲ್‌ ಪಡೆದಿತ್ತೆರ್.

ಅಲ್ಪರ್ದ್ ಮಧ್ಯಾಹ್ನ 3 ಗಂಟೆಗ್ ಪಾದಯಾತ್ರೆದ ಮೂಲಕ ನಮ್ಮ ನಾಡ್‌ದ ಪ್ರಸಿದ್ಧ ಶ್ರದ್ಧಾಕೇಂದ್ರವಾಯಿನ ಧರ್ಮಸ್ಥಳದ ಮಂಜುನಾಥನ ಸನ್ನಿಧಿಗ್‌ ಬತ್ತ್‌ದ್ ಪ್ರಾರ್ಥನೆದೊಟ್ಟಿಗೆ ಧರ್ಮ ಸಂರಕ್ಷಣ ಯಾತ್ರೆ ಮುಗಿತಲ ಆವೆರೆ ಉಂಡು.

ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಜೈ ತುಲುನಾಡ್ ಸಂಘಟನೆ ನಡಪಾಯಿನ ತುಲು ಲಿಪಿ ಪರೀಕ್ಷೆಡ್ ಸಾಧನೆ ಮಲ್ತಿನ ಸೌಜನ್ಯ, ರಶ್ಮಿತಾ

Oct 28, 2023

ಜೈ ತುಲುನಾಡ್(ರಿ.) ಸಂಘಟನೆ ತುಲು ಲಿಪಿ ಕಲ್ಪಾವುನ ಉದ್ದೇಶಡ್ ನಡಪಾಯಿನ ಈದು -ತುಲು ಲಿಪಿ ಅಭಿಯಾನ ಆಫ್ ಲೈನ್ ತರಗತಿಡ್ ಪಾಲ್ ಪಡೆದ್ ಕುಮಾರಿ ಸೌಜನ್ಯ ಬೊಕ್ಕ ಕುಮಾರಿ ರಶ್ಮಿತಾ 100 ಕ್ 100 ಅಂಕ ಪಡೆದ್ ವಿಶೇಷ ಸಾಧನೆ ಮಲ್ತ್‌ದೆರ್. ಕರಿನ ಆಗಸ್ಟ್ ಸಪ್ಟೆಂಬರ್ ತಿಂಗೊಲುಡ್ ನಡತ್ತಿನ ತುಲುಲಿಪಿ ತರಗತಿಡ್ ಸುಮಾರ್ ರಡ್ಡ್ ತಿಂಗೊಲು ನಡತಿನ ತರಗತಿಡ್ ಮೂಜಿ ಶಿಕ್ಷಕೆರ್ ತುಲು ವರ್ಣಮಾಲೆ, ಕಾಗುಣಿತ ಬೊಕ್ಕ ಅಂಕೆಲೆನ್ ಕಲ್ಪಾದ್ ಕೊರಿಯೆರ್.

ನೆತ್ತ ಒಟ್ಟಿಗೆ ತುಲು ಲಿಪಿತ ಮಹತ್ವ ಬೊಕ್ಕ ತುಲುನಾಡ್ ದ ಪರ್ಮೆದ ಹೋರಾಟಗಾರೆರ್ನ ಮಾಹಿತಿನ್ ಕೊರಿಯೆರ್. ಅಕ್ಟೋಬರ್ 8 ದಾನಿ ನಡತಿನ ಪರೀಕ್ಷೆದ ಫಲಿತಾಂಶ ಅ. 24 ಕ್ಕ್ ಪ್ರಕಟ ಆಂಡ್. ನೆಟ್ಟ್ ಕುಮಾರಿ ಸೌಜನ್ಯ ಬೊಕ್ಕ ಕುಮಾರಿ ರಶ್ಮಿತಾ ನೂದೆಕ್ ನೂದು ಅಂಕ ಪಡೆದ್ ಸುರುತ ತಾನೋ ಪಡೆತೆರ್. ರಡ್ಡನೆ ತಾನೋ 99 ಅಂಕ ಪಡೆನ ಗ್ರೀಷ್ಮ, ಧನ್ಯಶ್ರೀ ಪಡೆತೆರ್, 98 ಮಾರ್ಕ್ಸ್ ದೆತ್ತ್ ದ್ ಮೂಜನೇ ತಾನೋ ಶ್ರೀನಿಧಿ, ನಿಧಿಕ್ಷಾ ಪಡೆಯೊಂದೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ನನದ ಬಜೆಟ್ ಡ್ ಬಂಟರ ಅಭಿವೃದ್ಧಿ ನಿಗಮ ಘೋಷಣೆ : ಸಿಎಂ ಸಿದ್ಧರಾಮಯ್ಯ

Oct 28, 2023

ಒಡಿಪು : ನನ ದುಂಬುದ ಬಜೆಟ್ ಡ್ ಬಂಟರ ಅಭಿವೃದ್ಧಿ ನಿಗಮ ಘೋಷಣೆ ಮಲ್ಪುವೆ ಪಂದ್ ಸಿಎಂ ಸಿದ್ಧ ರಾಮಯ್ಯ ಘೋಷಣೆ ಮಲ್ತೆರ್.

ಒಡಿಪುದ ಅಜ್ಜರಕಾಡ್ ಮೈದಾನದ ಶ್ರೀಮತಿ ನಳಿನ ಭೋಜ ಶೆಟ್ಟಿ ವೇದಿಕೆಡ್ ಶನಿಯಾರ ವಿಶ್ವ ಬಂಟರ ಸಮ್ಮೇಳನ ಉದಿಪನ ಮಲ್ತ್ ದ್ ಆರ್ ಪಾತೆರಿಯೆರ್.

ಬಂಟ ಸಮಾಜ ವಿಶಿಷ್ಟ ಸಂಸ್ಕೃತಿ ಬೊಕ್ಕ ಪರಂಪರೆ ಇತ್ತಿನ ಸಮಾಜ. ಅಕುಲು ಬೇತೆ ಕಡೆ ಓಡೆಗ್ ಪೋಂಡಲ ಮಾತಾ ಕ್ಷೇತ್ರಡ್ಲ ಸಾಧನೆ ಮಲ್ದೆರ್.

ರಾಜ್ಯಸಭಾ ಸದಸ್ಯೆರ್ ಮಂಜುನಾಥ ಭಂಡಾರಿಲು ಕಾರ್ ಡ್ ಬರೊಂದಿಪ್ಪುನಗ ಫೋನ್ ಡ್ ತುಳುಟ್ಟೇ ಪಾತೆರೊಂದಿತ್ತೆರ್. ತುಳುವೆರ್ ಅಪ್ಪೆ ಭಾಷೆನ್ ಮಸ್ತ್ ಪ್ರೀತಿ ಮಲ್ಪುನಕುಲು. ಮಾತೆರ್ಲ ಅಕಲ್ನಕಲ್ನ ಅಪ್ಪೆ ಬಾಷೆಗ್ ಗೌರವ ಕೊರೊಡು ಪಂದ್ ಸಿಎಂ ಪಂಡೆರ್.

ಬಂಟ ಸಮಾಜದಕುಲು ಸರ್ವಧರ್ಮದಕ್ಲೆನ್ಲ ಮೋಕ್ಯೆ ಮಲ್ಪುನಕುಲು. ಒವುಲಾ ಜಾತಿ ಬೇಧ ತೂವಂದೆ ಮಾತೆರ್ಲ ಒಂಜೇ ಪನ್ಪಿನ ಮನಸ್ ದಕುಲು. ಏರ್ಲಾ ಏರೆನ್ಲ ದ್ವೇಷ ಮಲ್ಪರೆ ಬಲ್ಲಿ. ಮಾತೆರೆಗ್ಲ ಮನುಷ್ಯತ್ವ ಮುಖ್ಯ. ಬದ್ ಕ್ ಬೊಕ್ಕ.ಮಾತೆರ್ಲ ಮನುಷ್ಯೆ ಆದ್ ಬದುಕೊಡು. ಆ ಸಾದಿಡೇ ನಡಪರೆ ಪ್ರಾಮಾಣಿಕ ಪ್ರಯತ್ನ ಮಲ್ಪೊಡು.ನಿಕ್ಲೆನ ಸಾಂಸ್ಕೃತಿಕ ವೈಭವ ಲೋಕೊರ್ಮೆ ಬೆಳಗಡ್. ಸಮುದಾಯ ಕಾಳಜಿ, ಮೋಕೆ, ಸಾಧನೆ ಬೇತೆ ಸಮಾಜದಕ್ಲೆಗ್ ಲ ಮಾದರಿ ಆವಡ್ ಪಂಡೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಸೌಜನ್ಯ ಕೇಸ್ ತನಿಖಾ ವಿಚಾರಡ್ ಕೇಂದ್ರ ಸರಕಾರ ನಿರ್ಧಾರ ದೆತೊನೊಡು- ಸಿ.ಎಂ. ಸಿದ್ದರಾಮಯ್ಯೆರ್

Oct 28, 2023

ಬೆಳ್ತಂಗಡಿ: ಸೌಜನ್ಯನ ಅತ್ಯಾಚಾರ ಬೊಕ್ಕ ಕೆರ್ನ ಕೇಸ್‌ದ ಬಗ್ಗೆ ದುಂಬುದ ತನಿಖೆದ ವಿಚಾರಡ್ ಕೇಂದ್ರ ಸರಕಾರ ನಿರ್ಧಾರ ದೆತೊನೊಡು ಪಂದ್ ಮುಖ್ಯಮಂತ್ರಿ ಸಿದ್ದರಾಮಯ್ಯ ಹೇಳಿಕೆ ಕೊರ್ತೆರ್.‌ ಒಡಿಪುದ ಬಂಟರ ಸಮ್ಮೇಳನಡ್‌ ಪಾಲ್‌ ಪಡೆದ್‌ ಪಾತೆರಿಯೆರ್.‌

ಸಿಬಿಐ ನ್ಯಾಯಾಲಯ ಆರೋಪಿನ್ ನಿರ್ದೋಷಿ ಪಂದ್ ತೀರ್ಪು ಕೊರ್ತುಂಡು. ನನ ಮೇಲ್ಮನವಿ ಪೊವೊಡ ಅತ್ತ್ ಮರು ತನಿಖೆ ಮಲ್ಪೊಡ ಪನ್ಪುನ ತೀರ್ಮಾನನ್ ದೆತೊನೊಡಾಯಿನ ಕೇಂದ್ರ ಸರಕಾರದಕುಲ್‌ ಪಂದ್ ಸಿದ್ದರಾಮಯ್ಯ ಪಂತೆರ್.‌

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ವಿಶ್ವ ಬಂಟರ ಸಮ್ಮೇಳನ: ತುಳುಟ್‌ ಪಾತೆರ್ನ ಸಿ.ಎಂ ಸಿದ್ದರಾಮಯ್ಯ

Oct 28, 2023

ಒಡಿಪುದ ಅಜ್ಜರಕಾಡ್ ಮೈದಾನದ ಶ್ರೀಮತಿ ನಳಿನ ಭೋಜ ಶೆಟ್ಟಿ ವೇದಿಕೆಡ್ ಸನಿಯಾರ ವಿಶ್ವ ಬಂಟರ ಸಮ್ಮೇಳನ 2023 ಉದಿಪನ ಮುಖ್ಯಮಂತ್ರಿ ಸಿದ್ದರಾಮಯ್ಯೆರ್‌ ಮಲ್ತೆರ್.‌ ಲೇಸ್‌ದ ಉದಿಪನ ಮಲ್ತ್‌ ಪಾತೆರ್ನ ಸಿ.ಎಂ ಒಡಿಪು : ನಿಕ್ಲೆಗ್ ಎನ್ನ ನಮಸ್ಕಾರ…ಎಂಚ ಉಲ್ಲರ್ ? ಪಂದ್ ಸಿಎಂ ಸಿದ್ಧರಾಮಯ್ಯ ತುಳುಟ್ಟೇ ಪಾತೆರ ಸುರು ಮಲ್ತೆರ್. ಎಂಕ್ ತುಳು ಗೊತ್ತುಜ್ಜಿ ಆಂಡ ತುಳುಟ್ಟು ಬರೆದ್ ಕೊರ್ತೆರ್. ಅಂಚ ಒಂತೆ ಪಾತೆರಿಯೆ ಪಂಡೆರ್. ಪಂದ್‌ ತುಳುಟೆ ಪಾತೆರಿಯೆರ್.

ಅ.29: ಉಜಿರೆರ್ದ್ ಧರ್ಮಸ್ಥಳಗ್ ಧರ್ಮಸಂರಕ್ಷಣ ಪಾದಯಾತ್ರೆ: ಗಾಡಿಲೆಗ್‌ ಮಾರ್ಗಸೂಚಿಡ್ ಬದಲಾವಣೆ

Oct 28, 2023

ಧರ್ಮ ಸಂರಕ್ಷಣ ಯಾತ್ರೆ ಸಮಿತಿದ ಗೌರವಾಧ್ಯಕ್ಷ ಬನ್ನೂರು ಅಪ್ಪಣ್ಣ ಹೆಗ್ಡೆ, ಸಂಚಾಲಕೆರ್ ಉಜಿರೆ ಶ್ರೀ ಜನಾರ್ದನ ದೇವಸ್ಥಾನದ ಆಡಳಿತ ಮೊಕ್ತಸರೆರ್ ಶರತ್‌ಕೃಷ್ಣ ಪಡುವೆಟ್ನಾಯ ಬೊಕ್ಕ ಬರೋಡದ ಉದ್ಯಮಿ ಶಶಿಧರ್ ಶೆಟ್ಟಿ ಸಾರಥ್ಯಡ್ ಅ. 28ರ ಕಾಂಡೆ 9.30ಕ್ಕ್ ಪ್ರಸಿದ್ಧ ದೇವೀ ಕ್ಷೇತ್ರವಾಯಿನ ಕೊಲ್ಲೂರು ಶ್ರೀ ಮೂಕಾಂಬಿಕಾ ದೇವಸ್ಥಾನರ್ದ್‌ ಪಿದರ್ದ್ ಯಾತ್ರೆ ಬಯ್ಯ 6.10ಕ್ಕ್ ಕುಡ್ಲದ ಕದ್ರಿ ಶ್ರೀ ಮಂಜುನಾಥ ಸನ್ನಿಧಿಗ್‌ ಬರಿಯೆರೆ ಉಂಡು.

ಅ. 29ದಾನಿ ಕಾಂಡೆ 7ಕ್ಕ್ ಕದ್ರಿರ್ದ್‌ ಪಿದರ್ದ್ ಮಧ್ಯಾಹ್ನ 1ಕ್ಕ್ ಉಜಿರೆದ ಶ್ರೀ ಜನಾರ್ದನ ದೇವಸ್ಥಾನಗ್‌ ಬರಿಯೆರೆ ಉಂಡು. ಮಾತೆರೆಗ್‌ ವನಸ್‌ದ ವ್ಯವಸ್ಥೆ ಉಂಡು. ಅಲ್ಪರ್ದ್ ಮಧ್ಯಾಹ್ನ 2.30ಕ್ಕ್ ಉಭಯ ಜಿಲ್ಲೆದ ಪ್ರಮುಖ ಮಠಾಧೀಶೆರ್, ಸ್ವಾಮೀಜಿಲು, ಮಾತ ಪಕ್ಷದ ರಾಜಕೀಯ ಮುಖಂಡೆರ್, ಸಾತ್ವಿಕೆರ್ ಪಾದಯಾತ್ರೆದ ಮುಖೇನ ಶ್ರೀ ಕ್ಷೇತ್ರ ಧರ್ಮಸ್ಥಳದ ಮಂಜುನಾಥ ಸನ್ನಿಧಿಗ್‌ ಬತ್ತ್‌ದ್ ಪ್ರಾರ್ಥನೆದೊಟ್ಟಿಗೆ ಯಾತ್ರೆ ಸಂಪನ್ನ ಆವರೆ ಉಂಡು. ರೋಡ್‌ ಬದಲಾವಣೆ ಕುಡ್ಲರ್ದ್‌ ಬರ್ಪುನ ಗಾಡಿಲು ಬರುವ ಮದ್ದಡ್ಕ-ರೇಷ್ಮೆರೋಡ್- ಗೇರುಕಟ್ಟೆ-ಕೊಯ್ಯೂರು, ಬೆಳಾಲು ಮುಖಾಂತರ ಉಜಿರೆಗ್, ಮಡಂತ್ಯಾರು- ಕಲ್ಲೇರಿ-ಕುಪ್ಪೆಟ್ಟಿಗ್‌ ಬತ್ತ್‌ದ್ -ಶಿವನಗರ-ಬೈಪಾಡಿ ಮೂಲಕ ಉಜಿರೆಗ್. ಪುತ್ತೂರ್ದ್‌ ಬರ್ಪುನ ಗಾಡಿ ಕುಪ್ಪೆಟ್ಟಿ– ಶಿವನಗರ-ಬೈಪಾಡಿ ಮೂಲಕ ಉಜಿರೆಗ್, ಪುತ್ತೂರ್‌ರ್ದ್ ಗೇರುಕಟ್ಟೆ-ಕೊಯ್ಯೂರು (ಆದೂರು ಪೆರಲ)- ಬೆಳಾಲು ಮುಖಾಂತರ ಉಜಿರೆಗ್. ಕಾರ್ಲರ್ದ್‌ ಬರ್ಪುನ ಗಾಡಿ ಅಳದಂಗಡಿ-ಕೆದ್ದು ಸವಣಾಲು, ಶಿರ್ಲಾಲು ಮುಖಾಂತರ ಬೋಲ್ತೆರ್ ಉಜಿರೆಗ್, ಬೋಲ್ತೆರ್‌ರ್ದ್- ಕೊಯ್ಯೂರು-ಪಿಜಕ್ಕಲ -ಬೆಳಾಲು ಆದ್ ಉಜಿರೆಗ್.

ಬೋಲ್ತೆರ್: ರೋಡ್‌ ಕ್ರಾಸ್‌ ಮಲ್ಪುನಗ ಬೈಕ್ ಡಿಕ್ಕಿ – ತೀರ್‌ಪೋಯಿನ ಪೊಣ್ಣು

Oct 28, 2023

ಬೋಲ್ತೆರ್: ಬೈಕ್‌ ಢಿಕ್ಕಿ ಆಯಿನ ಪರಿಣಾಮ ಶಾಲಾ ಕಲ್ಪಾರ್ಥಿ ಒರ್ತಿ ತೀರ್‌ಪೋಯಿನ ಘಟನೆ ಉಜಿರೆದ ಬದನಾಜೆಡ್ ನಡತ್‌ಂಡ್.‌ ತೀರ್‌ಪೋಯಿನ ಪೊಣ್ಣು ಅಶೋಕ್ ಬೊಕ್ಕ ಜಯಶ್ರೀ ಮೊಕ್ಲೆನ ಮಗಲ್ ಅಂಕಿತಾ (8) ಪಂದ್‌ ತೆರಿದ್‌ ಬೈದ್‌ಂಡ್.