ರಪಕ್ಕ ಸುದ್ದಿ Flash News

ಕುಡ್ಲ ಡ್ ಕುಡ ನಿಷೇಧಿತ “ತುರಾಯ’ ಸ್ಯಾಟಲೈಟ್‌ ಫೋನ್‌ ಬಳಕೆದ ಸಂಶಯ

Jan 19, 2021

ಕುಡ್ಲ : ಕರಾವಳಿ ಜಿಲ್ಲೆಡ್ ನಿಷೇಧಿತ “ತುರಾಯ’ ಸ್ಯಾಟಲೈಟ್‌ ಫೋನ್‌ ಬಳಸಾದ್ ಪಾತೆರ್ದಿನ ಬಗ್ಗೆ ನನೂರ ಸಂಶಯ ಬೈದುಂಡು .

ದ.ಕ., ಉತ್ತರ ಕನ್ನಡ ಮತ್ತುಬೊಕ್ಕ ಉಡುಪಿ ಜಿಲ್ಲೆದ ದಟ್ಟಾರಣ್ಯ ಪ್ರದೇಶಡ್ ಸ್ಯಾಟಲೈಟ್‌ ಫೋನ್‌ ಉಪಯೋಗ ಮಲ್ದಿನ ಬಗ್ಗೆ ಲೊಕೇಶನ್‌ ಪತ್ತೆ ಆತುಂಡು, 10 ದಿನಟ್ 3 ಸಲ ಬಳಕೆ ಮಲ್ದೆರ್ ಪಂದ್ ಗುಪ್ತಚರ ತನಿಖಾ ತಂಡ “ರಾ’ಗ್ ಮಾಹಿತಿ ತಿಕ್ಕುದುನ್ಡು.

Mangalore: There is once again suspicion over talks in the coastal districts using a banned “Turayana satellite phone”.

The location of the satellite phone was found to be used in the Dattanari area of Dakshina Kannada, Uttar Kannada and Udupi districts.

ಅನುಮತಿ ದೆತೊನಂದೆ ಡ್ರೋನ್‌ ಬಳಕೆ ಮಲ್ತುಂಡ ಕಾನೂನು ಕ್ರಮ – ಎನ್‌. ಶಶಿಕುಮಾರ್

Jan 19, 2021

‌ಕುಡ್ಲ : ಮಂಗಳೂರು ಪೊಲೀಸ್‌ ಕಮಿಷನರೆಟ್‌ ವ್ಯಾಪ್ತಿಡ್ ಅನುಮತಿ ಇಜ್ಜಂದೆ ಡ್ರೋನ್‌ ಬಳಕೆ ಮಲ್ತುಂಡ ಕಾನೂನು ಕ್ರಮ ದೆತೊನುವ ಪಂದ್ ಆಯುಕ್ತ ಎನ್‌. ಶಶಿಕುಮಾರ್‌ ಎಚ್ಚರಿಕೆ ಕೊರ್ತೆರ್ .

ನಗರಡ್ ಕೈಗಾರಿಕೆ, ಪ್ರವಾಸಿ ತಾಣ, ಧಾರ್ಮಿಕ, ವಿದ್ಯಾ ಸಂಸ್ಥೆಲು , ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ, ಬಂದರು, ತೈಲ ಸಂಗ್ರಹಣ ಕೇಂದ್ರ ಬೊಕ್ಕ ನನಾತ್ ಸೂಕ್ಷ್ಮ ಪ್ರದೇಶಲು ಉಲ್ಲ ಐತ ಭದ್ರತೆ ಬೊಕ್ಕ ಸಾರ್ವಜನಿಕ ಸುರಕ್ಷತೆ ಕಾಪಾಡುವ ಉದ್ದೇಶಡ್ ಡಿಜಿಸಿಎ ಮಾರ್ಗಸೂಚಿ ದ ಪ್ರಕಾರ ಮಾತಾ ವರ್ಗದ ಡ್ರೋನ್‌ ಬಳಕೆಗೆ ಅನುಮತಿ ದೆತೊನೊಡು .ಅನುಮತಿನ್ ಕಾನೂನು ಬೊಕ್ಕ ಸುವ್ಯವಸ್ಥೆ ವಿಭಾಗದ ಉಪಪೊಲೀಸ್‌ ಆಯುಕ್ತೆರ್ನ ಕಚೇರಿರ್ದ್ ದೆತೊನೊಲಿ .

Mangalore: Legal action will be initiated if drone is used without permission from Mangalore Police Commissionerate. Shashikumar has warned.

The city has industry, tourist, religious, educational institutions, international airports, seaports, oil reserves and other sensitive areas to ensure the safety and public safety of all classes of drones. Permits can be obtained from the Office of the Deputy Commissioner of Law and Order.

ಖಾಲಿ ಜಾಗೆ ನಾಡ್ ದ್ ಪಾರ್ಕಿಂಗ್ ವ್ಯವಸ್ಥೆ – ವೇದವ್ಯಾಸ್ ಕಾಮತ್

Jan 19, 2021

ದಿನರ್ದ್ ದಿನಕ್ ಅಭಿವೃದ್ಧಿ ಆವೊಂದು ಉಪ್ಪುನ ಕುಡ್ಲ ಡ್ ಪಾರ್ಕಿಂಗ್‌ಗ್ ಸಮರ್ಪಕವಾಯಿನ ಜಾಗೆ ಇಜ್ಜಂದಿನೆರ್ದಾವರ ಮಲ್ಲ ಸಮಸ್ಯೆಯಾತುಂಡು . ಈ ನಡುಟು ನೋ ಪಾರ್ಕಿಂಗ್‌ ಪ್ರದೇಶಡ್ ಚೂರ್ ಪೊರ್ತು ಗಾಡಿ ಉಂತಾನ್ಡಲ ಸೂಚನೆ ಕೊರಂದೆ ಏಕಾಏಕಿ ಟೋಯಿಂಗ್‌ ಮಲ್ಪುವೆರ್ ಪನ್ಪಿನ ಆರೋಪ ಸಾರ್ವಜನಿಕರ ಆಕ್ರೋಶಗ್ ಕಾರಣ ಆದಿತ್ತುಂಡು . ಸುದಿನ ತಂಡ ವಸ್ತುಸ್ಥಿತಿ ಅಧ್ಯಯನ ನಡಪಾದ್ “ಪಾರ್ಕಿಂಗ್‌ ಪರದಾಟ’ ಅಭಿಯಾನ ನಡಪಾದ್ , ಪರಿಸ್ಥಿತಿನ್, ಜನಪ್ರತಿನಿಧಿ ಬೊಕ್ಕ ಅಧಿಕಾರಿಲೆನ ಗಮನಗ್ ಕಂದೆರ್. ದುಂಬುದ ಕ್ರಮತ ಕುರಿತಾದ್ ಶಾಸಕ ವೇದವ್ಯಾಸ ಕಾಮತ್‌ ಬೊಕ್ಕ ಪಾಲಿಕೆ ಆಯುಕ್ತೆರಯಿನ ಅಕ್ಷಯ್‌ ಶ್ರೀಧರ್‌ ಮೇರ್ ಸುದಿನ ಸಂವಾದಡ್ ಪಾಲ್ ಪಡೆದ್ ಜನಕ್ಲೆನ ಸಮಸ್ಯೆ ಪರಿಹರಿಸಾವುನ ಬಗ್ಗೆ ಭರವಸೆ ಕೊರಿಯೆರ್.

Parking is a big problem in Mangalore city which is growing day by day. In the meantime, the public outrage has been blamed for the fact that the vehicle was parked in the no-parking area for a few minutes and without warning. The team has been studying the situation and “campaigning for a parking lot,” bringing the situation to the attention of the representatives and officials. Lawmakers Kamat and Policy Commissioner Akshay Sridhar have discussed the next steps in a day-long dialogue and promised to solve the problems of the people.

The City of Mangalore will create a special team of city police officers within ten days to address the parking problem in Mangalore city, in the space of a few days.

ಪಂಜ ಕೊಯಿಕುಡೆಡ್ ವಿಠೋಬ ಮಂದಿರ ಪ್ರವೇಶದ ಉಚ್ಚಯ

Jan 18, 2021

ಮುಲ್ಕಿ : ಶ್ರೀ ವಿಠೋಬ ಭಜನಾ ಮಂದಿರದ ಪ್ರವೇಶ, ವಿಠೋಬ ರುಕುಮಾಯಿ ಮೂರ್ತಿ ಪ್ರತಿಷ್ಠಾಪನೆದ ಲೇಸ್ ಸೋಮಾರ ಕಾಂಡೆ ಪಂಜ ಶ್ರೀ ಸುರೇಶ್ ಭಟ್ರೆನ ಮುತಾಲಿಕೆಡ್ ನಡತ್ಂಡ್.
ಪುಣ್ಯಾರ್ಚನೆ, ತುಳಸಿ ಪ್ರತಿಷ್ಠೆ, ದ್ವಾರ ಪೂಜೆ ಆದ್ ದುರ್ಗಾ ಹೋಮ, ಶ್ರೀ ಸತ್ಯನಾರಾಯಣ ಪೂಜೆ ನಡತ್ಂಡ್.ಶ್ರೀ ವಿಠೋಬ ದೇವೆರ್ನ ಪೊಸತ್ತ್ ಮೂರ್ತಿ ದಾನ ಮಲ್ದಿನ ಬೊಂಬೈದ ಉದ್ಯಮಿ ರಘುರಾಮ ಶೆಟ್ಟಿ ದಂಪತಿ ಶ್ರೀ ವಿಠೋಬ ದೇವೆರ್ನ ನಂದಾದೀಪ ಬೆಳಗಾಯೆರ್.

ಮಂಡಳಿದ ಅಧ್ಯಕ್ಷೆರ್ ಶಾಂತಾರಾಮ ಶೆಟ್ಟಿ, ಗೌರವಾದ್ಯಕ್ಷೆರ್ ವಿಶ್ವನಾಥ್ ಶೆಟ್ಟಿ, ಕಾರ್ಯಾಧ್ಯಕ್ಷೆರ್ ಸುಧಾಕರ ಎಸ್.ಪೂಂಜ, ಕಾರ್ಯದರ್ಶಿ ಸತೀಶ್ ಎಂ.ಶೆಟ್ಟಿ,ಕೋಶಾಧಿಕಾರಿ ಸುರೇಶ್ ಪಂಜ, ಭರತ್ ರಾಜ್ ಶೆಟ್ಟಿ, ಪದ್ಮನಾಭ ಪೂಜಾರಿ, ಪಂಜ , ಅರ್ಚಕೆರ್ ಸತೀಶ್ ಜೆ ಶೆಟ್ಟಿ, ರಘುರಾಮ್ ಶೆಟ್ಟಿ ಕಂಕಣಗುತ್ತು, ಚಂದ್ರಹಾಸ ಶೆಟ್ಟಿ, ಶ್ರೀಧರ ಪಂಜ, ಸುಂದರ ಅಮೀನ್, ಮುಂಬಯಿ ಸಮಿತಿದ ಪ್ರಕಾಶ್ ಶೆಟ್ಟಿ ನಲ್ಯಗುತ್ತು, ಅಶೋಕ್ ಶೆಟ್ಟಿ ಪಂಜದಗುತ್ತು, ರಮೇಶ್ ಡಿ. ಶೆಟ್ಟಿ ಪಂಜದ ಗುತ್ತು, ಸೀತಾರಾಮ್ ಎಲ್ ಶೆಟ್ಟಿ, ಸಂಪತ್ ಶೆಟ್ಟಿ ಪಂಜಗುತ್ತು ಬೊಕ್ಕ ಸದಸ್ಯೆರ್ ಅಂಚೆನೆ ಗ್ರಾಮಸ್ಥೆರ್ ಬಾರಿ ಸಂಖ್ಯೆಡ್ ಸೇರ್ದಿತ್ತೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ರಪಕ್ಕ ಸುದ್ದಿ Flash News

ಕಾರ್ಲ ಕಜೆ ಬ್ರಾಂಡ್ ಬುಡುಗಡೆ ಲೇಸ್

Jan 18, 2021

ಕಾರ್ಲ ಕಜೆ ಅರಿ ಬ್ರಾಂಡ್ ಬುಡುಗಡೆ ಬೊಕ್ಕ ಮಾರಾಟ ದ ಲೇಸ್ ತಾರೀಕ್ 18ನೇ ಜನವರಿ ಸೋಮವಾರ ದಾನಿ ಕುಕ್ಕಂದೂರು ಗ್ರಾಮ ಪಂಚಾಯಿತಿ ಮೈದಾನಡ್ ಕಾಂಡೆ 10:30 ಕ್ ಉದಿಪನ ಆಂಡ್.

ಈ ಲೇಸ್ ನ್ ಸನ್ಮಾನ್ಯ ಕೃಷಿ ಸಚಿವೆರಾಯಿನ ಶ್ರೀ ಬಿ. ಸಿ ಪಾಟೀಲ್ ಉದಿಪನ ಮಲ್ತೆರ್. ಶ್ರೀ ವಿ ಸುನಿಲ್ ಕುಮಾರ್ ಲೇಸ್ ದ ಗುರ್ಕಾರ್ಮೆ ವಯಿಸೊಂಡೆರ್. ನವೀನ್ ಚಂದ್ರ ಜೈನ್, ಉಮಾನಾಥ್ ರಾನಡೆ, ಮೋಹನ್ ದಾಸ್ ಶೆಟ್ಟಿ ಎನ್., ಆಂಟೋನಿ ಡಿಸೋಜಾ ಪಾಲ್ ಪಡೆ ದಿತ್ತೆರ್.

ದೀಕ್ಷಾ ಎಂ. ಶೆಟ್ಟಿಗ್ ರಾಜ್ಯ ಯುವ ರತ್ನ ಪ್ರಶಸ್ತಿ

Jan 18, 2021

ಶ್ರೀನಿವಾಸ ಚಾರಿಟೇಬಲ್ ಟ್ರಸ್ಟ್ (ರಿ) ಚಿಕ್ಕಬಳ್ಳಾಪುರ ಕೊರ್ಪಿನ ಪ್ರತಿಷ್ಠಿತ 2020-21 ನೇ ಸಾಲ್ ದ ರಾಜ್ಯ ಯುವ ರತ್ನ ಪ್ರಶಸ್ತಿಗ್ ಕುಮಾರಿ ದೀಕ್ಷಾ. ಎಂ.ಶೆಟ್ಟಿ ಆಯ್ಕೆಯಾತೆರ್.

ಮೇರ್ ಬಾಳ ಮಾಧವ ಶೆಟ್ಟಿ ಬೊಕ್ಕ ಮೀರಾ ಶೆಟ್ಟಿ ದಂಪತಿಲ್ನ ಮಗಲ್.

ಪುಟ್ಟ ಕಂದ ಜ್ಞಾನೇಶ್ನ ಭವಿಷ್ಯಗ್ ನೆರವಾಲೆ

Jan 18, 2021

ಸುಖ ಸಂಸಾರದ ಸಂತೃಪ್ತ ಬದ್ಕ್ ಡ್ ಪೆದ್ದಿ ಜೋಕ್ಲೆನ ಒಟ್ಟುಗು ಸಂತೋಸಡ್ ಜೀವನ ಸಾಗವುನ ಬಯಕೆ ಮಾತಾ ದಂಪತಿಲೆಡ್ ಸಹಜ…ಆಂಡ ಈ ಭಾಗ್ಯ ಕೆಲವೆರೆಗ್ ತಿಕ್ಕುಜಿ. ಕೆಲವೆರೆಗ್ ಒವ್ವಾ ಕಾರಣಡ್ ಜೋಕುಲು ಆವಂದಿನ ಉಪ್ಪು…ಆಂಡ ನಮಕ್ ಜೋಕುಲ್ ಇಜ್ಜಿನ್ದ ದಾನೆ ದತ್ತು ದೆತೊಂದು ಪ್ರೀತಿರ್ದ್ ಸಾಂಕುನ ಜೋಕುಲು ಲಾ ನಮ್ಮ ಜೋಕುಲೆ ಪಂದ್ ಪನ್ಪಿನ ದಂಪತಿಲು ಮಸ್ತ್ ಜನ .!ಅಂದ್, ಪಕ್ಷಿಕೆರೆ ಸುರಗಿರಿ ಕೆಮ್ರಾಲ್’ಡ್ ನಿವಾಸಿಲಾದುಪ್ಪುನ ದಂಪತಿಲಾಯಿನ ಬಾಲಕೃಷ್ಣ-ಸಂಧ್ಯಾ ಶೆಟ್ಟಿಗಾರ್ ಲಾ ಈ ಸಾಲ್ ಡ್ ಸೇರಿನ ದಂಪತಿಲಾದ್ ಉಲ್ಲೆರ್ ..ಜೋಕುಲಿಜ್ಜಿ ಪನ್ಪಿನ ಬೇನೆ ನ್ ಆನುಭವಿಸೊಂದು ಇತ್ತಿನ ಬಾಲಕೃಷ್ಣ ಸಂಧ್ಯಾ ದಂಪತಿಲು ಒಂಜಿ ಆನ್ ಬಾಲೆ ನ್ ದತ್ತು ದೆತೊಂದು ಸುಖವಾದ್ ಜೀವನ ನಡಪಾವೊಂದು ಇತ್ತೆರ್ ಆಂಡ… ವಿಧಿ ಲೀಲೆ ನೇ ಬೇತೆ ಆದಿತ್ತುಂಡು ..ಸುಖ ಸಂತೋಷಡ್ ಜೀವನ ನಡಪಾವೊಂದು ತ್ತಿನ ಈ ಸಂಸಾರಡ್ ಬಿರುಗಾಳಿಯೊಂಜಿ ಬತ್ತಿತ್ತುಂಡು…ಮೂಜಿ ವರ್ಷ ಜಿಂಜಿನ ಮೆಕ್ಲೆನ ಬಾಲೆ ಜ್ಞಾನೇಶ್ ನ ಕೆಕ್ಕಿ ಲ್ ಡ್ ದಪ್ಪದ ಗೋಲಿದಂಚಿನ ಚಿಹ್ನೆ ತೊಜಿದಿತ್ತುಂಡು ..ಬೇತೆ ಬೇತೆ ವೈದ್ಯೆರ್ನ ಕೈತಲ್ ಮರ್ದ್ ಮಲ್ತುಂಡಲಾ ದಾಲ ಪ್ರಯೋಜನ ಆತುಜಿ.

ಕಡೆಕ್ ತಜ್ಞ ವೈದ್ಯೆರ್ ಒರಿ ಬಯೋಸ್ಪಿ ಮಲ್ಪರೆ ಪಂತೆರ್ ಐತ ಪ್ರಕಾರ ಬಯೋಸ್ಪಿ ಮಲ್ಪಾದ್ , ರಿಪೋರ್ಟ್ ಬನ್ನಗ ಈ ಸಂಸಾಗ್ ತೆಡಿಲ್ ಹಾಕಿಲಕ ಆಂಡ್.. ಬಾಲೆದ ಭವಿಷ್ಯದ ಬಗ್ಗೆ ಅವ್ವೆತೋ ಕನ ಕಟ್ಟ್ ದಿನ ದಂಪತಿಲೆನ ಬದ್ಕ್ ಡ್ ಬಾಲೆ ಜ್ಞಾನೇಶ್ ಕ್ಯಾನ್ಸರ್ ರೋಗಡ್ ನರಳೊಂದು ಉಲ್ಲೆ ಪಂದ್ ತೆರಿನಗ ಆಕಾಶನೇ ತರೆತ ಮಿತ್ತ್ ಬೂರ್ಲಕ ಆಂಡ್.
ಬಾಲಕೃಷ್ಣ ಸಂಧ್ಯಾ ದಂಪತಿಲು ಬಡ ಕುಟುಂಬದಕುಲಾಯೀನೇರ್ದಾವರ ಬಾಲೆದ ಮರ್ದ್ ಗ್ ಸುಮಾರ್ ಐನ್ ಲಕ್ಷ ಒಟ್ಟು ಮಲ್ಪರೆ ಆವೊಂದು ಇಜ್ಜಿ.
ಈ ಬಡ ಕುಟುಂಬಡ್ ನನೂರ ಸಂತೋಷನ್ ತೂಯರೇ ನಮ ಮಾತಾ ಬೆರಿ ಸಹಾಯ ಕೊರೊಡು ಬಂಧುಲೇ

ನಮ್ಮ ಕೊರಗಜ್ಜ ಸಹಾಯನಿಧಿ ಬೊಕ್ಕ ಕೊರಗಜ್ಜನ ಮಹಿಮೆ ಫೇಸ್ಬುಕ್ ಪೇಜ್ ತಂಡದ ಮುಖೇನ ಬಡ ಕುಟುಂಬಲೆಗ್ ಇಂಚಿನ ಪರಿಸ್ಥಿತಿ ಡ್ ಸಹಾಯ ಮಲ್ತ್ ದ್ ಕುಟುಂಬಡ್ ಎಲ್ಯ ಖುಷಿ ಮೂಡಾದ… ಈ ಮಣ್ಣ್ ದ ಗುಣ ನೇ ಅಂಚಿನವು ನಾನೊರಿಯನ ಕಷ್ಟ . ಅಸಹಾಯಕತೆಲೆಗ್ ಸ್ಪಂದಿಸಾವುನ ಮನಸ್ಥಿತಿ ದ ಮಾನವ ಕುಲ ನಮ್ಮ. ಇತ್ತೆ ನನೂರ ತುರ್ತಾದ್ ಈ ಕುಟುಂಬದ ಸಹಾಯಗ್ ಉಂತೊಡು.

ಪ್ರಕಟನೆ:
ಕೊರಗಜ್ಜ ಸಹಾಯನಿಧಿ

Name : Abhijith Karkera

Account Number : 6324101002278

IFSC Code : CNRB0006324

MICR Code : 574015018

Bank : Canara Bank

Branch : Kaup

Phonepay / GooglePay / Paytm – 9844959490

Send payment screenshot to above number..We will add u to our Sahayanidhi Group.

ಮುಕ್ಕ ಸೀಫುಡ್ ಇಂಡಸ್ಟ್ರೀಸ್ ವಿರುದ್ಧ ಮಲ್ದಿನ ಆರೋಪ ಸರಿಯತ್ತ್ ಪಂಡೆರ್ ಕೈತಲ್ದದ ನಿವಾಸಿಲು

Jan 17, 2021

ಸುರತ್ಕಲ್ : ಕರಿನ ಅಜಿಪತ್ತೈನ್ ವರ್ಸೊರ್ದಿಂಚಿ ಕೈತಲ್ದಕ್ಲೆಗ್ ಉದ್ಯೋಗ ಕೊರ್ದು ಮಸ್ತ್ ಕುಟುಂಬೊಲೆಗ್ ಆಧಾರವಾದುಪ್ಪುನ ಮುಕ್ಕ ಸೀಫುಡ್ ಇಂಡಸ್ಟ್ರೀಸ್ ದ ವಿರುದ್ಧ ಕೆಲವೆರ್ ಮಲ್ದಿನ ಆರೋಪ ನಿರಾಧಾರ ಆದುಂಡು. ಅಂಚಾದ್ ಅವೆನ್ ಎಂಕುಲು ಖಂಡಿಸಾವ ಪಂಡ್ ದ್ ಕೈತಲ್ದ ನಿವಾಸಿಲೆನ ಪರವಾದ್ ಮಿತ್ರಪಟ್ಣ ಮೀನುಗಾರೆರ್ನ ಸಹಕಾರ ಸಂಘದ ಅಧ್ಯಕ್ಷೆರ್ ವಸಂತ್ ಸುವರ್ಣ ಪಂಡೆರ್.
ಈ ಕಂಪನಿದ ಫಲಾನುಭವಿಲು ಬೊಕ್ಕ ಸುತ್ತಮುತ್ತ ಉಪ್ಪುನ ನಾಗರಿಕೆರ್ ಆಯಿನ ಎಂಕುಲು ವಾಸ್ತವ ಸ್ಥಿತಿನ್ ಪನೊಂದುಲ್ಲ ಅತ್ತಾಂದೆ ಕಂಪನಿದ ಪರವಾದ್ ಪಾತೆರುನ್ ಅತ್ತ್ ಪಂಡ್ ದ್ ಆರ್ ಸುರತ್ಕಲ್ ಡ್ ಶನಿಯಾರ ನಡತಿನ ಸುದ್ದಿಗೋಷ್ಠಿಡ್ ಪಂಡೆರ್.
ಮೀನ್ದ ಫ್ಯಾಕ್ಟರಿ ಪಂಡ ವಾಸನೆ ಉಪ್ಪುನು ಸಹಜ. ಆಂಡ ದೂರು ಕೊರ್ತಿನಕುಲು ಆರೋಪ ಮಲ್ದಿನಂಚ ಅವು ಆರೋಗ್ಯ ಗು ಅಪಾಯಕಾರಿ ಅತ್ತ್. ಪ್ರತಿ ತಿಂಗೊಲು ಪರಿಸರ ತಜ್ಞೆರ್, ಇಲಾಖೆದ ಅಧಿಕಾರಿಲು ಇಡೆಗ್ ಭೇಟಿ ಕೊರ್ದು ತಪಾಸಣೆ ಮಲ್ಪುವೆರ್ ಪಂಡ್ ದ್ ಮೀನುಗಾರೆರ್ನ ನಾಯಕೆರ್, ಸಮಾಜಸೇವಕೆರ್ ಅನಿಲ್ ಕುಮಾರ್ ಸಸಿಹಿತ್ಲು ಪಂಡೆರ್.
ಮುಕ್ಕ ಸೀಫುಡ್ ಕಂಪನಿದ ಸುಮಾರ್ ೨೦೦ ಕೆಲಸದಕಲ್ನ ಪೈಕಿ ಶೇ.೮೦ ದಾತ್ ಸ್ಥಳೀಯೆರೇ ಉಲ್ಲೆರ್. ಕೈತಲ್ದ ಪೂರ ಮೀನುಗಾರೆರ್ ಕಡಲಡ್ ಪತಿನ ಮೀನ್ ಲೆಡ್ ತಿನರೆ ಆವಂದಿನೆನ್ ಈ ಕಂಪನಿದಕುಲೇ ಮಾರ್ಕೆಟ್ ರೇಟ್ ಡ್ ಖರೀದಿ ಮಲ್ತ್ ದ್ ಮೀನುಗಾರೆರೆಗ್ ಪ್ರೋತ್ಸಾಹ ಕೊರೊಂದುಂಡು. ಕಂಪನಿಗ್ ಸಮಸ್ಯೆ ಆಂಡ ಮಾತಾ ಮೀನುಗಾರೆರ್ಲ ಪ್ರತಿಭಟನೆ ಮಲ್ಪರೆ ಲಾ ತಯಾರುಲ್ಲ ಪಂಡೆರ್ ಹಿರಿಯೆರಾಯಿನ ವಿಠಲ ಶ್ರೀ ಯಾನ್.
ಮುಕ್ಕ ಸೀ ಫುಡ್ ಕಂಪನಿ ಪರಿಸರ ಇಲಾಖೆ ಬೊಕ್ಕ ಜಿಲ್ಲಾಡಳಿತ ದ ನಿಯಮದಂಚೆನೆ ನಿರ್ವಹಣೆ ಮಲ್ತೊಂದುಂಡು. ರಾಷ್ಟ್ರ ಪುರಸ್ಕಾರ ಅಂಚೆನೇ ಬೇತೆ ಪ್ರಶಸ್ತಿಲು ತಿಕ್ ದ್ಂಡ್. ಸಮಾಜ ಸೇವೆ ಗ್ ಮಲ್ಲ ಕೊಡುಗೆ ಕೊರೊಂದುಂಡು. ೬೫ ವರ್ಷ ದಿಂಚಿ ಇತ್ತಿನ ಕಂಪನಿಗ್ ದಾಂತಿನ ಆಕ್ಷೇಪ ಇತ್ತೆ ದಾಯೆ ಬತ್ತ್ಂಡ್. ಇಂಚೊಗು ಸುರತ್ಕಲ್ ಪೊಲೀಸ್ದಕುಲು ಭೇಟಿ ಕೊರ್ದು ತಪಾಸಣೆ ಮಲ್ದೆರ್. ಶಬ್ದ ಮಾಲಿನ್ಯ ಬೊಕ್ಕ ಕಪ್ಪು ಪುಗೆತ್ತ ಬಗ್ಗೆ ತಪ್ಪು ಕಲ್ಪನೆಗ್ ಇಲಾಖೆದ ಮೂಲಕ ಉತ್ತರ ಕೊರ್ತ ಪಂಡೆರ್ ಕಂಪೆನಿದ ಮ್ಯಾನೇಜರ್ ಜಗನ್ನಾಥ್ ಕೋಟ್ಯಾನ್.

ಮೀನ್ ದ ವಾಸನೆನ್ ಶೇ.೯೫ ಭಾಗ ಕಡಿಮೆ ಮಲ್ಪುನ ಬೊಕ್ಕ ಕಪ್ಪು ಪುಗೆನ್ ಪರಿಸರೊಗು ಪೋವಂದಿಲೆಕ್ಕ ತಡೆಪುನ ತಂತ್ರಜ್ಞಾನದ ದ ಇಸಯೊಡು ಇಂಜಿನಿಯರ್ ಕಂಪನಿದ ಸುಮನ್ ಶೆಟ್ಟಿ ತೆರಿಪಾಯೆರ್.
ಸುದ್ದಿಗೋಷ್ಠಿಡ್ ಪ್ರಶಾಂತ್ ಸುವರ್ಣ ಮಿತ್ರಪಟ್ಣ , ವಿನೋದ್ ಸಾಲ್ಯಾನ್ ಸಸಿಹಿತ್ಲು, ಕಿಶೋರ್, ಹೇಮನಾಥ ಸಾಲ್ಯಾನ್, ರೂಪೇಶ್ ಸಾಲ್ಯಾನ್ ಸಸಿಹಿತ್ಲು ಇತ್ತೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಅಯೋಧ್ಯೆ ರಾಮ ಮಂದಿರ ನಿರ್ಮಾಣ ನಿಧಿ ಸಮರ್ಪಣಾ ಅಭಿಯಾನ ಕಜ್ಜೊ ಸನ್ಯಾಸಿಮಠ ದೇವಸ್ಥಾನೊಡ್ ಸುರು

Jan 17, 2021

ಅಯೋಧ್ಯೆ ರಾಮ ಮಂದಿರ ನಿರ್ಮಾಣೊಗ್ ಆಯೋಜನೆ ಮಲ್ದಿನ ನಿಧಿ ಸಮರ್ಪಣಾ ಅಭಿಯಾನ ಕಜ್ಜೊ ಸನ್ಯಾಸಿಮಠ ದೇವಸ್ಥಾನೊಡ್ ಪೂಜೆ ಮಲ್ತುದ್ ಸುರು ಆಂಡು.

ಬಡಾನಿಡಿಯೂರು ವಸತಿದ ವತಿಡ್ದ್ ನಡತಿನ ಈ ಕಜ್ಜೊಡ್ ಶ್ರೀ ದುರ್ಗಾ ಪರಮೇಶ್ವರಿ ಅಮ್ಮನವರ ದೇವಸ್ಥಾನ ಸನ್ಯಾಸಿಮಠ ಬಡಾನಿಡಿಯೂರುದ ಅಧ್ಯಕ್ಷೆರಾಯಿನ ಪ್ರಸಾದ್ ರಾಜ್ ಕಾಂಚಾನ್,ಕಾರ್ಯದರ್ಶಿ ಸಚಿನ್ ಕೋಟ್ಯಾನ್,ಬಡಾನಿಡಿಯೂರು ವಸತಿ ರಾಕೇಶ್, ಬೊಕ್ಕ ಬಡಾನಿಡಿಯೂರುದ ಪ್ರಮುಖೆರ್ ಉಪಸ್ಥಿತರಿತ್ತೆರ್..

ಶ್ರೀಕೃಷ್ಣಮಠಟ್ ಸಪ್ತೋತ್ಸವ ಪರವಾದ್ ಸಾಧಕರೆಗ್ ಮಾನದಿಗೆ

Jan 16, 2021

ಉಡುಪಿ: ಶ್ರೀಕೃಷ್ಣಮಠಟ್ ನಡತೊಂದು ಉಪ್ಪುನ ಸಪ್ತೋತ್ಸವ ಪರವಾದ್ ಶನಿವಾರ ನಡತಿನ ಸಭೆಟ್ ವಿದ್ವಾಂಸ ಕೊರಂಗ್ರಪಾಡಿ ಸೀತಾರಾಮ ಆಚಾರ್ಯರ ಪರವಾದ್ ಆರ್ನ ಮಗೆ ಅದಮಾರು ಪೂರ್ಣಪ್ರಜ್ಞ ಪ.ಪೂ. ಕಾಲೇಜಿನ ನಿವೃತ್ತ ಪ್ರಾಂಶುಪಾಲ ನಾಗರತ್ನ ರಾವ್, ಮಲಬಾರ್ ಗೋಲ್ಡ್ ಉಡುಪಿ ಶಾಖೆ ವ್ಯವಸ್ಥಾಪಕ ರಾಘವೇಂದ್ರ ನಾಯಕ್ ಮೆಕ್ಲೆನ್ ಐತಾರ ಕಾಪು ಶಾಸಕ ಲಾಲಾಜಿ ಮೆಂಡನ್ ಉಪಸ್ಥಿತಿಡ್ ವಿದ್ವಾನ್ ಸದ್ಯೋಜಾತ ಭಟ್, ಶೀರೂರು ಮೂಲಮಠದ ಮುಖ್ಯಪ್ರಾಣ ದೇವರ ಅರ್ಚಕ ಎಂ.ಲಕ್ಷ್ಮೀನಾರಾಯಣ ಭಟ್, ವೇದ ವಿದ್ವಾಂಸ ಅಂಬಲಪಾಡಿ ಭಾರತೀಶ ಬಲ್ಲಾಳ್ ಮೆಕ್ಲೆನ್ ಪರ್ಯಾಯ ಅದಮಾರು ಮಠದ ಶ್ರೀಈಶಪ್ರಿಯತೀರ್ಥ ಶ್ರೀಪಾದೆರ್ ಮನಾದಿಗೆ ಮಲ್ತ್ ದ್ ಆಶೀರ್ವಚನ ಕೊರಿಯೆರ್ .