Sun. Nov 22nd, 2026

ಊರ್ದ ಸುದ್ದಿ Regional News

ಬೊಂಬಾಯಿದ ಪತ್ರಕರ್ತೆರಾಯಿನ ಪಾಲೆತ್ತಾಡಿ ಮೆರೆಗ್ ಕುಡ್ಲಡ್ ಮಾನದಿಗೆ

ಕುಡ್ಲ : ನವಂಬರ್ 1ಕ್ಕ್ ಬೆಂಗ್ಳೂರುಡು ನಡತಿನ ರಾಜ್ಯೋತ್ಸವ ಲೇಸ್ ಡ್ 2021 ನೇ ಸಾಲ್ ದ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ಪಡೆಯಿನ ಮುಂಬಯಿ ‘ಕರ್ನಾಟಕ ಮಲ್ಲ’ ಕನ್ನಡ ದೈನಿಕದ ಸಂಪಾದಕ ಚಂದ್ರಶೇಖರ ಪಾಲೆತ್ತಾಡಿ ಮೆರೆಗ್ ಇಂಚೋಗು ಕುಡ್ಲಡ್ ಮಾನದಿಗೆ ಮಲ್ತೆರ್.

ಪೇಂಟೆದ ಖಾಸಗಿ ಸುದ್ದಿವಾಹಿನಿದ ಕಚೇರಿಡ್ ಲೀಲಾಕ್ಷ ಬಿ.ಕರ್ಕೇರ ಮೇರ್ ಪಾಲೆತ್ತಾಡಿ ಮೆರೆಗ್ ಶಾಲು ಪಾರ್ದ್ , ಸ್ಮರಣಿಕೆ ಕೊರ್ದು ಮಾನದಿಗೆ ಮಲ್ತೆರ್.ಈ ಪೊರ್ತುಡು ಮುಲುಂಡ್ ಫ್ರೆಂಡ್ಸ್ ಗುರ್ಕಾರ್ಲಾಯಿನ ಸುರೇಶ್ ಶೆಟ್ಟಿ ಯೆಯ್ಯಾಡಿ, ನಮನ ಫ್ರೆಂಡ್ಸ್ ಸ್ಥಾಪಕ ಪ್ರಭಾಕರ್ ಬೆಳುವಾಯಿ, ವಾಸ್ತುತಜ್ಞ ನವೀನ್ ಚಂದ್ರ ಸನಿಲ್, ಕರ್ನಾಟಕ ಮಲ್ಲ ಪತ್ರಿಕಾ ಬಳಗದ ನವೀನ್ ಕೆ. ಇನ್ನ ಮತ್ತುಬೊಕ್ಕ ಬೊಕ್ಕಪಟ್ಣ ದಿನೇಶ್ ಕುಲಾಲ್ ಪಾಲ್ ಪಡೆದಿತ್ತೆರ್.

ಪುಂಜಾಲಕಟ್ಟೆ: ಯಕ್ಷ ಧ್ರುವ ಪಟ್ಲ ಫೌಂಡೇಶನ್ ಪುಂಜಾಲಕಟ್ಟೆ ಘಟಕದ ವಾರ್ಷಿಕೊತ್ಸವದ ಪೂರ್ವಭಾವಿ ಸಭೆ

ಯಕ್ಷ ಧ್ರುವ ಪಟ್ಲ ಫೌಂಡೇಶನ್ ನೆತ್ತ ಪುಂಜಾಲಕಟ್ಟೆ ಘಟಕ ದ 4ನೇ ವರ್ಷದ ವಾರ್ಷಿಕ ಉಚ್ಚಯದ ಪೂರ್ವಭಾವಿ ಸಮಾಲೋಚನ ಸಭೆ ಶ್ರೀ ಮುರುಘೇಂದ್ರ ಮಿತ್ರ ಮಂಡಳಿದ ಚಾವಡಿಡ್ ಸೋಮವಾರದಾನಿ ಬೈಯ್ಯಗ್ ನಡತುಂಡು . ಜನವರಿ 16 ಕ್ಕ್ ಬಂಗ್ಲೆ ಮೈದಾನಡ್ ಮಧ್ಯಾಹ್ನ ಗಂಟೆ 2:00 ರ್ದ್ ಪಟ್ಲ ಫೌಂಡೇಶನ್ ಪುಂಜಾಲಕಟ್ಟೆ ಘಟಕದ ಯಕ್ಷಗಾನ ನಾಟ್ಯ ತರಗತಿದ ಜೋಕ್ಲೆನೆರ್ದ್ ಯಕ್ಷಗಾನ ಪ್ರದರ್ಶನ ಬೊಕ್ಕ ಬೈಯ್ಯಗ್ ಗಂಟೆ 6:00 ರ್ದ್ ಪಾವಂಜೆ ಕ್ಷೇತ್ರದ ಯಕ್ಷಗಾನ‌ ಮೇಳರ್ದ್ ಯಕ್ಷಗಾನ ಬಯಲಾಟ ನಡಪರೇ ಉಂಡು ಪಂದ್ ಪಂಡೆರ್.

ಡಿಸೆಂಬರ್ 30 ಡ್ದ್ 48 ದಿನ ಭಜನಾ ಸಂಕೀರ್ತನೆ

ದೇವಂದಬೆಟ್ಟು ಶ್ರೀ ಲಕ್ಷ್ಮೀ ವಿಷ್ಣುಮೂರ್ತಿ ದೇವಲ್ಯೊದ ಜೀರ್ಣೋದ್ಧಾರ ಕಾರ್ಯ ಆಪಿನ ಪೊರ್ತುಡ್ ಡಿಸೆಂಬರ್ 30ಡ್ದ್ ಫೆಬ್ರವರಿ 15 ಮುಟ್ಟ ಪ್ರತಿ ದಿನಲ ಬಯ್ಯಗ್ 6 ಜೆಡ್ದ್ 8 ಮುಟ್ಟ ಭಜನಾ ಸಂಕೀರ್ತನೆ ನಡಪರೆ ಉಂಡು.
ನಿಕ್ಲೆನ ಭಜನಾ ಕೂಟ ಇತ್ತ್ಂಡ ಒಂಜಿ ದಿನ ಭಜನಾ ಸೇವೆಡ್ ಪಾಲ್ ಪಡೆಯುನಾಂಡ ಇತ್ತೆನೆ ನಿಕ್ಲೆನ ಕೂಟದ ಪುದರ್ ಬೊಕ್ಕ ತಾರೀಕ್ ದ ಪುದರ್ ಬರೆಪಾಲೆ.

ಎಚ್ಚದ ಮಾಹಿತಿಗಾದ್ 9741472030 ಈ ನಂಬರ್ ಗ್ ಲೆಪ್ಪು ಕೊರ್ಲೆ.

ಪದ್ಮಶ್ರೀ ಪ್ರಶಸ್ತಿ ಹರೇಕಳ ಹಾಜಬ್ಬೆರೆಗ್ ನಂದಾವರಡ್ ಮಾನಾದಿಗೆ

ನಂದಾವರ: ಬಜಿ ಕಾರ್ ಡ್ ಪೋದ್ ಪದ್ಮಶ್ರೀ ಪ್ರಶಸ್ತಿನ್ ಸ್ವೀಕಾರ ಮಲ್ತಿನ ಅಕ್ಷರ ಸಂತೆರ್ ಹರೇಕಳ ಹಾಜಬ್ಬೆರೆಗ್ ಮಾನಾದಿಗೆ ಮಲ್ಪುನ ಲೇಸ್ ನವೆಂಬರ್ 18 ತಾರೀಕ್ ಗ್ ನಂದಾವರದ ತಾಜುದ್ ಉಲಮಾ ಕಲ್ಚರಲ್ ಸೆಂಟರ್ ಡ್ ಭಾರೀ ಗೌಜಿಡ್ ನಡತ್ಂಡ್. ಈ ಲೇಸ್ ಡ್ ಮಸ್ತ್ ಮಲ್ಲ ಮಲ್ಲ ಬಿನ್ನೆರ್ ಪಾಲ್ ಪಡೆದಿತ್ತೆರ್.

 

ವಿಧಾನ ಪರಿಷತ್ ಓಟು; ಎಸ್‌ಡಿಪಿಐ ಅಭ್ಯರ್ಥಿ ಶಾಫಿ ಬೆಳ್ಳಾರೆ ನಾಮಪತ್ರ ಸಂದಾಯ

ಕುಡ್ಲ, ನ.23: ವಿಧಾನ ಪರಿಷತ್ ಓಟುಗ್ ಎಸ್‌ಡಿಪಿಐ ಅಭ್ಯರ್ಥಿ ಶಾಫಿ ಬೆಳ್ಳಾರೆ ಮೇರ್ ದ.ಕ.ಜಿಲ್ಲಾಧಿಕಾರಿ ಕಚೇರಿಡ್ ಇನಿ ಮಧ್ಯಾಹ್ನ ನಾಮಪತ್ರ ಸಂದಾಯೆರ್.

ಸುದ್ದಿಗಾರೆರ್ನೊಟ್ಟುಗ್ ಪಾತೆರ್ದಿನ ಆರ್, ಈ ಓಟುಡ್ ಕಾಂಗ್ರೆಸ್ ಬೊಕ್ಕ ಬಿಜೆಪಿ ಅವಿರೋಧ ಆಯ್ಕೆಗ್ ಪ್ರಯತ್ನ ನಡತ್ತೊಂದ್ ಇತ್ತ್ಂಡ್. ಆಂಡ ಎಸ್‌ಡಿಪಿಐ ಅವಕಾಶ ಮಲ್ತ್ ಕೊರ್ದಿಜ್ಜಾಂಡ್. ಓಟುನ್ ಎದುರಿಸಾವ ಪಂದ್ ಪಂಡೆರ್.

ಕಾಂಗ್ರೆಸ್ ಅಭ್ಯರ್ಥಿಯಾದ್ ನಾಮಪತ್ರ ಸಂದಾಯ ಮಲ್ತಿನ ಮಂಜುನಾಥ ಭಂಡಾರಿ

ಕುಡ್ಲ : ಕೈತಲ್ ದ ಸಂಸ್ಥೆದ ಕ್ಷೇತ್ರರ್ದ್ ವಿಧಾನ ಪರಿಷತ್‌ಗ್ ನಡಪುನ ಓಟುಡು ದಕ್ಷಿಣ‌ ಕನ್ನಡ ದ್ವಿ ಸದಸ್ಯ ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿಯಾದ್ ಡಾ. ಮಂಜುನಾಥ ಭಂಡಾರಿ ಅಂಗಾರೆ ಚುನಾವಣಾಧಿಕಾರಿಯಾಯಿನ ಜಿಲ್ಲಾಧಿಕಾರಿ ಡಾ.ರಾಜೇಂದ್ರ ಕೆ.ವಿ. ಮೆರೆಗ್ ನಾಮಪತ್ರ ಸಂದಾಯ ಮಲ್ತೆರ್ .

ಈ ಪೊರ್ತುಡು ಕಾಂಗ್ರೆಸ್ ಜಿಲ್ಲಾ ಘಟಕದ ಗುರ್ಕಾರ್ಲಾಯಿನ ಹರೀಶ್ ಕುಮಾರ್, ಮಾಜಿ ಶಾಸಕೆರಾಯಿನ ಶಕುಂತಳಾ ಶೆಟ್ಟಿ, ಪಾಲ್ ಪಡೆದಿತ್ತೆರ್.

ಸಿಇಟಿ ಪರೀಕ್ಷೆಡ್ ಸಾಧನೆ ಮಲ್ತಿನ ಪೊಣ್ಣು ಜೋಕುಲು

ಭಟ್ಕಳ: ಪೇಂಟೆದ ಶ್ರೀ ಗುರು ಸುಧೀಂದ್ರ ಕಾಲೇಜ್ ದ ‘ಸಿಎಸ್’ ತರಬೇತಿ ಪಡೆದ್ ರಾಷ್ಟ್ರೀಯ ಮಟ್ಟದ ಸಿಎಸ್. ಇ.ಇ.ಟಿ ಪರೀಕ್ಷೆಡ್ ರಜನೀ ಶೇಟ್ (ಬಿ.ಕಾಂ-ದ್ವಿತೀಯ), ಮನಿಶಾ ಮೇಸ್ತ, ಐಶ್ವರ್ಯ ನಾಯ್ಕ, ಫ್ಲೋರಿನಾ ಡಿಸೋಜಾ (ಬಿ.ಕಾಂ-ತೃತೀಯ), ತೇರ್ಗಡೆ ಆಪಿನ ಮುಖೇನ ಕಾಲೇಜ್ ಗ್ ಕೀರ್ತಿ ಕಂದೆರ್ .

ಕುಡ್ಲ; ಖಾಸಗಿ ನ್ಯೂಸ್ ಚಾನೆಲ್ ದ ವರದಿಗಾರನ ಮಿತ್ತ್ ಹಲ್ಲೆ

ಕುಡ್ಲ, ನ.23: ಪತ್ರಕರ್ತೆರ್, ಕನ್ನಡ ಖಾಸಗಿ ನ್ಯೂಸ್ ಚಾನೆಲ್ ದ ದ.ಕ.ಜಿಲ್ಲಾ ವರದಿಗಾರೆರ್ನ ಮಿತ್ತ್ ಮಾರಣಾಂತಿಕ ಹಲ್ಲೆ ಮಲ್ತಿನ ಘಟನೆ ಪೇಂಟೆಡ್ ನಡತ್ ದ್ಂಡ್.

ಖಾಸಗಿ ನ್ಯೂಸ್ ಚಾನೆಲ್ ದ ದ.ಕ.ಜಿಲ್ಲಾ ವರದಿಗಾರೆರ್ ಆಯಿನ ಸುಖ್ ಪಾಲ್ ಪೊಳಲಿ ಮೇರ್ ನ ಮಿತ್ತ್ ಹಲ್ಲೆ ಮಲ್ತ್ ದೆರ್. ಕೊಡೆ ಬಯ್ಯಗ್ ವ್ಯಕ್ತಿ ಒರಿ ಬತ್ತ್ ದ್ ಸುಖ್ ಪಾಲ್ ಮೇರ್ ನ ಮಿತ್ತ್ ಪರ್ತೆದ ಹತ್ಯಾರ್ ಡ್ ತರೆಕ್ಕ್ ಹಲ್ಲೆ ಮಲ್ತ್ ದೆರ್. ಹಲ್ಲೆ ಮಲ್ತಿನ ಆರೋಪಿನ್ ವಕೀಲ ಯದುನಂದನ್ ಪಂದ್ ಗುರ್ತಿಸಾದೆರ್. ಉಲಯಿದ ದ್ವೇಷದ ಮಿತ್ತ್ ಈ ಹಲ್ಲೆ ನಡತ್ ದ್ಂಡ್.

ಉರ್ವ ಠಾಣೆಡ್ ಐಪಿಸಿ 307 ತ್ತ ಪ್ರಕಾರ ಕೊಲೆಯತ್ನದ ಪ್ರಕರಣ ದಾಖಲಾತ್ಂಡ್. ಘಟನೆಗ್ ಸಂಬಂಧಿಸಾದ್ 324, 341 ಐಪಿಸಿ ಅಡಿಟ್ ಈ ದೂರ್ ಲ ದಾಖಲಾತ್ಂಡ್.

ಆಂಧ್ರಗ್ ಅಮರಾವತಿ ರಾಜಧಾನಿ ಪಂದ್ ಘೋಷಣೆ ಮಲ್ತಿನ ಸಿಎಂ ಜಗನ್‌‌ ಮೋಹನ್‌ ರೆಡ್ಡಿ

ಅಮರಾವತಿ, ನ.22 : ಆಂಧ್ರಪ್ರದೇಶದ ಮೂಜಿ ರಾಜಧಾನಿ ಮಸೂದೆನ್ ಪಿರ ದೆತೊಂದಿನ ಆಂಧ್ರಪ್ರದೇಶದ ಸಿಎಂ ಜಗನ್‌‌ ಮೋಹನ್‌ ರೆಡ್ಡಿ, ರಾಜ್ಯಗ್ ಒಂಜೇ ರಾಜಧಾನಿ ಅವ್ ಅಮರಾವತಿ ಪಂದ್ ಸೋಮಾರದಾನಿ ಘೋಷಣೆ ಮಲ್ತ್ ದೆರ್.

ಅಮರಾವತಿನ್ ಆಂಧ್ರಪ್ರದೇಶದ ರಾಜಧಾನಿಯಾದ್ ಘೋಷಣೆ ಮಲ್ತಿನೆಕ್ಕ್ ಯಂಕ್ಲೆನ ಪಕ್ಷಡ್ದ್ ಬೆರಿಬಲ ಉಂಡು ಪಂದ್ ಆಂಧ್ರಪ್ರದೇಶದ ಬಿಜೆಪಿ ನಾಯಕೆರ್ ವೈಎಸ್‌ ಚೌಧರಿ ಪಂಡೆರ್.

ಶ್ರೀ ವೀರನಾರಾಯಣ ದೇವಲ್ಯೊಡ್ ದುರ್ಗ ನಮಸ್ಕಾರ ಪೂಜೆ ಅಂಚನೆ ಕಾರ್ತಿಕ ದೀಪೋತ್ಸವ

ಕುಡ್ಲ : ಕುಲಶೇಖರ ಶ್ರೀ ವೀರನಾರಾಯಣ ದೇವಲ್ಯೊಡ್ ನವೆಂಬರ್ 19ನೇ ಶುಕ್ರಾರದಾನಿ ಬಯ್ಯಗ್ 5 ಗಂಟೆಗ್ ದುರ್ಗ ನಮಸ್ಕಾರ ಪೂಜೆ ಬೊಕ್ಕ ಕಾರ್ತಿಕ ದೀಪೋತ್ಸವ ಭಾರೀ ಗೌಜಿಡ್ ನಡತ್ಂಡ್. ದೇವಲ್ಯ ತುಡರ್ ಡ್ ಮಿನ್ಕೊಂದಿತ್ತ್ಂಡ್.

ಪೂಜಾ ಸೇವೆಡ್ದ್ ಬೊಕ್ಕ ಪ್ರಸಾದ ವಿತರಣೆ ನಡತ್ಂಡ್. ಭಕ್ತೆರ್ ಎಚ್ಚದ ಸಂಖ್ಯೆಡ್ ಪಾಲ್ ಪಡೆದ್, ಶ್ರೀ ವೀರನಾರಾಯಣ ದೇವೆರ್ನ ಕೃಪೆಗ್ ಪಾತ್ರರಾಯೆರ್.

You Missed