ಹಿಂದೂ ಧರ್ಮ ಒರಿಯೊಡಾಂಡ ಸತ್ವ ಚಿಂತನೆ, ಸಾಮರಸ್ಯ, ಪರಿಸರ ಸಂರಕ್ಷಣೆ, ಕುಟುಂಬ ಧರ್ಮ ಮುಖ್ಯ:- ಸ್ವಯಂ ಸೇವಕ ಸಂಘದ ವಕ್ತಾರ ಶ್ರೇಯಸ್ ಎಸ್.ಕೆ.
ಶಿಮಂತೂರುಡು ಹಿಂದೂ ಸಂಗಮ ಆಯೋಜನಾ ಸಮಿತಿ ಕಿಲ್ಪಾಡಿ ಮಂಡಲದ ವತಿರ್ದ್ ಬೃಹತ್ ಹಿಂದೂ ಸಂಗಮ
ಮುಲ್ಕಿ: ಹಿಂದೂ ಸಂಗಮ ಆಯೋಜನಾ ಸಮಿತಿ ಕಿಲ್ಪಾಡಿ ಮಂಡಲದ ವತಿರ್ದ್ ಬೃಹತ್ ಹಿಂದೂ ಸಂಗಮ ಮುಲ್ಕಿ ಕೈತಲ್ದ ಶಿಮಂತೂರು ಶ್ರೀ ಆದಿ ಜನಾರ್ಧನ ದೇವಸ್ಥಾನದ ವಠಾರಡ್ ಫೆ.1 ಐತಾರ ನಡತ್ಂಡ್.
ಸಭೆಟ್ ವೇದ ಮೂರ್ತಿ ವಾದಿರಾಜ ಉಪಾಧ್ಯಾಯ ಕೊಲಕಾಡಿ ಆಶೀರ್ವಚನ ಕೊರ್ದು ಪ್ರತಿಯೊಂಜಿ ಧರ್ಮನ್ ಗೌರವ ಮಲ್ಪುಲೆ ಸನಾತನ ಹಿಂದೂ ಧರ್ಮನ್ ಒರಿಪಾವುನ ಕಾರ್ಯ ಆವೊಡು ಪಂದ್ ಪಂಡೆರ್.
ಮಂಗಳೂರು ರಾಷ್ಟ್ರೀಯ ಸ್ವಯಂ ಸೇವಕ ಸಂಘದ ವಕ್ತಾರ ಶ್ರೇಯಸ್ ಎಸ್.ಕೆ. ಪಾತೆರ್ದ್ ಭಾರತದ ಮಣ್ಣ್ ಡ್ ನಿರಂತರ ಮಹಾಪುರುಷೆರೆನ ಜನ್ಮ ಆತುಂಡ್, ಭಾರತದ ಹಿಂದೂ ಸಮಾಜದ ಏತೋ ಕನ ನನ ಆತುಂಡ್. ಅಯೋಧ್ಯೆ, ಕಾಶ್ಮೀರಡ್ ಬದಲಾವಣೆ ಅತುಂಡ್, ಉಂದೆಕ್ ಹಿಂದೂ ಸಂಘಟನೆ ಕಾರಣ ಆತುಂಡ್. ಸನಾತನ ಧರ್ಮ ಜಾಗೃತಿ ಹಿಂದೂ ಸಂಗಮದ ಉದ್ದೇಶವಾದುಂಡು. ಹಿಂದೂ ಧರ್ಮ ಒರಿಯೊಡಾಂಡ ಸತ್ವ ಚಿಂತನೆ, ಸಾಮರಸ್ಯ, ಪರಿಸರ ಸಂರಕ್ಷಣೆ, ಕುಟುಂಬ ಧರ್ಮ ಮುಖ್ಯವಾದುಂಡು. ನಮ ಗ್ರಾಮಡ್ ಎಡ್ಡೆ ಕಾರ್ಯನಿರ್ವಹಣೆ ಮಲ್ಪುನ ಒರುಟು ಧರ್ಮ ಸಂರಕ್ಷಣೆ ಬೊಕ್ಕ ರಾಷ್ಟ್ರ ಪುನರುತ್ಥಾನಗ್ ಜಪ್ಪೊಡು ಪಂಡೆರ್.
ಮಿತ್ತ ಚಾವಡಿಡ್ ಮಲ್ಲ ಬಿನ್ನೆರಾದ್ ಕಟೀಲ್ ಕ್ಷೇತ್ರದ ಅರ್ಚಕೆರ್ ಬೊಕ್ಕ ಹಿಂದೂ ಸಂಗಮ ಸಮಿತಿದ ತಾಲೂಕು ಗುರ್ಕಾರ್ಲು ಶ್ರೀ ಹರಿನಾರಾಯಣ ದಾಸ ಆಸ್ರಣ್ಣ, ಚಿನ್ಮಯ್ ಮಿಷನ್ ಟ್ರಸ್ಟ್ ದ ಸುಧಾಕರ್ ಶೆಟ್ಟಿ ದೆಪ್ಪುಣಿಗುತ್ತು, ಮೂಡಬಿದ್ರೆ ರೋಟರಿ ಪದವಿ ಪೂರ್ವ ಕಾಲೇಜಿದ ಉಪನ್ಯಾಸಕಿ ಮಾಲತಿ ಉಮೇಶ್ ಕೊಲ್ಲೂರು, ನಾಟಿ ವೈದ್ಯ ಯಜ್ಞ ಪಂಡಿತ್ ಮಟ್ಟು, ಯೋಗ ಗುರು ಜಯ ಮುದ್ದು ಶೆಟ್ಟಿ ಕೆಂಚನಕೆರೆ, ಶಿಮಂತೂರು ಶ್ರೀ ಆದಿಜನಾರ್ಧನ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿ ಸದಸ್ಯರಾಯಿನ ಶಾಂತಾರಾಮ ಶೆಟ್ಟಿ, ತಾಲೂಕು ಹಿಂದೂ ಸಂಗಮ ಆಯೋಜನಾ ಸಮಿತಿದ ಸದಸ್ಯರಾಯಿನ ಗಂಗಾಧರ ಶೆಟ್ಟಿ ಬರ್ಕೆ ತೋಟ, ಪ್ರವೀಣ್ ಅಂಗರಗುಡ್ಡೆ, ಉದಯ ರಾಜ್ ಮತ್ತಿತರರು ಉಪಸ್ಥಿತರಿತ್ತೆರ್.
ಪ್ರವೀಣ್ ಶೆಟ್ಟಿ ಅಂಗಾರಗುಡ್ಡೆ ಎದ್ಕೊಂಡೆರ್, ನೂತನ್ ಶಿಮಂತೂರು ಸೊಲ್ಮೆ ಸಂದಾಯ ಮಲ್ತೆರ್.
ಉದಯ ಅಮೀನ್ ಮಟ್ಟು, ಅನಿತಾ ಕುಬೆವೂರು ನಿರೂಪಣೆ ಮಲ್ತೆರ್.
ಕಾರ್ಯಕ್ರಮಡ್ ರಾಜ್ಯ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಸಿಂಧೂ ಗುಜರನ್ ಅತಿಕಾರಿಬೆಟ್ಟು ಮೆರೆನ್ ಗೌರವ ಮಲ್ತೆರ್.
ಮಧ್ಯಾಹ್ನ 3 ಗಂಟೆಗ್ ಪಂಜಿನಡ್ಕ, ಅಂಗರಗುಡ್ಡೆ, ಕುಬೆವೂರು ರ್ದ್ ಶಿಮಂತೂರು ಶ್ರೀ ಆದಿ ಜನಾರ್ಧನ ದೇವಸ್ಥಾನ ಮುಟ್ಟ ಭವ್ಯ ಶೋಭಾ ಯಾತ್ರೆ ನಡತ್ಂಡ್. ಹಿಂದೂ ಸಂಗಮ ಆಯೋಜನಾ ಸಮಿತಿದ ಗಿರಿಧರ ಕಾಮತ್ ಮೇರೆರ್ದ್ ವಿಶೇಷ ಗೋಪೂಜೆ ನಡತ್ಂಡ್. ಬೊಕ್ಕ ಭಾರತಪ್ಪೆನ ಭಾವಚಿತ್ರಗ್ ಪುರ್ಪ ನಮನ ಸಂದಾಯೆರ್.
