ಮುಲ್ಕಿ

ಎ.24-28: ಎಳತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನಡ್ ವರ್ಷೊದ ಜಾತ್ರೆ

Apr 8, 2026

ಕಿನ್ನಿಗೋಳಿ: ಎಳತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನಡ್ ವರ್ಷೊದ ಜಾತ್ರೆ ಎ.24-28 ಮುಟ್ಟ ನಡಪರೆ ಉಂಡು.

ಎ.23 ಗುರುವಾರ ಮಧ್ಯಾಹ್ನ ನವಕಪ್ರಧಾನ, ರಾತ್ರೆ ಬಲಿ, ರಂಗಪೂಜೆ ನಡಪುಂಡು.
ಎ.24 ಸುಕ್ರಾರ ಬೊಲ್ಪುಗು ಕೊಡಿ ಏರುಂಡು. ಬೊಕ್ಕ ಮಹಾಪೂಜೆ, ಅನ್ನಸಂತರ್ಪಣೆ ರಾತ್ರೆ ಉಚ್ಚಯ ಬಲಿ ಬೊಕ್ಕ ಶ್ರೀ ದೇವಿ ಮಹಾತ್ಮೆ ಆಟ ನಡಪರೆ ಉಂಡು.
ಎ.25 ಸನಿಯಾರ ಬೊಲ್ಪುಗು ನವಕಪ್ರಧಾನ, ಮಹಾಪೂಜೆ, ಅನ್ನಸಂತರ್ಪಣೆ, ರಾತ್ರೆ ಉಚ್ಚಯ ಬಲಿ, ಮೂಡು ಸವಾರಿದ ವೇದಿಕೆ ಪೂಜೆ ಸೇವೆ ಬೊಕ್ಕ ಬ್ರಹ್ಮರಕ್ಕಸೆ ತುಳು ನಾಟಕ ನಡಪರೆ ಉಂಡು.
ಎ.26 ಐತಾರ ಬೊಲ್ಪುಗು ನವಕ ಪ್ರಧಾನ, ಮಹಾಪೂಜೆ, ಅನ್ನಸಂತರ್ಪಣೆ, ರಾತ್ರೆ ಉಚ್ಚಯ ಬಲಿ, ತೆಂಕು ಸವಾರಿ ವೇದಿಕೆದ ಪೂಜೆ ಸೇವೆ ಬೊಕ್ಕ ವೈರಲ್ ವೈಶಾಲಿ ತುಳು ನಾಟಕ ನಡಪರೆ ಉಂಡು.
ಎ.27 ಸೋಮಾರ ಬೊಲ್ಪುಗು ನವಕಪ್ರಧಾನ, ಪಗೆಲ್ ತೇರ್ ಉಚ್ಚಯ, ಅನ್ನಸಂತರ್ಪಣೆ ರಾತ್ರೆ ಉಚ್ಚಯ ಬಲಿ, ಪಡು ಸವಾರಿ ವೇದಿಕೆದ ಪೂಜೆ ಸೇವೆ, ಶ್ರೀ ಭೂತಬಲಿ, ಶಯನೋಚ್ಚಯ ನಡಪುಂಡು.
ಎ.28 ಅಂಗಾರೆ ಬೊಲ್ಪುಗು ಕವಾಟ ಉದಿಪನ, ಅಭಿಷೇಕ, ಅಲಂಕಾರ, ಪ್ರಸನ್ನ ಪೂಜೆ, ಪೂತ್ತ ಪೂಜೆ, ತುಲಾಭಾರ ಸೇವೆ, ಮಧ್ಯಾಹ್ನ ‌ಮಹಾಪೂಜೆ, ಅನ್ನಸಂತರ್ಪಣೆ ರಾತ್ರೆ ಉಚ್ಚಯ ಬಲಿ, ಕಿನ್ನಿಗೋಳಿ ಪೇಂಟೆ ಸವಾರಿ ವೇದಿಕೆದ ಪೂಜೆ ಸೇವೆ, ಓಕುಳಿ, ಮಲ್ಲ ತೇರ್ ಉಚ್ಚಯ, ಪೂತ್ತ ಪೂಜೆ, ಬೆಡಿ ಮರ್ದ್ ಪ್ರದರ್ಶನ ಬೊಕ್ಕ ಕೊಡಿ ಜವೆರೆ ಉಂಡು. ಬೊಕ್ಕ ಆಟದ ಅತಿ ನೂತನ ಪ್ರಸಂಗ ನಡಪುಂಡು.
ಎ.29 ಬದಾರ ಸಂಪ್ರೋಕ್ಷಣೆ, ಮಂತ್ರಾಕ್ಷತೆ ನಡಪರೆ ಉಂಡು.

ಅಂಚೆನೆ ಮೇ.15 ಸುಕ್ರಾರ ಬೊಲ್ಪುಗು ಸಾಮೂಹಿಕ ಸತ್ಯನಾರಾಯಣ ಪೂಜೆ ನಡಪರೆ ಉಂಡು.

ಈ ಲೇಸ್ ಡ್ ಊರುದ, ಪರವೂರುದ ಭಕ್ತೆರ್, ಸಿರಿಮುಡಿ ಗಂಧ ಪ್ರಸಾದ ದೆತೊಂದು, ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ತಾಳಿಪಾಡಿ ಎಳತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ಆಡಳಿತ ಮೊಕ್ತೇಸರೆರ್ ಸಂತೋಷ್ ಕುಮಾರ್ ಹೆಗ್ಡೆ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಎ.14-21: ಕಟೀಲ್ ಶ್ರೀ ದುರ್ಗಾಪರಮೇಶ್ವರೀ ದೇವಸ್ಥಾನಡ್ ವರ್ಷೊದ ಜಾತ್ರೆ

Apr 8, 2026

ಮುಲ್ಕಿ: ಕಟೀಲ್ ಶ್ರೀ ದುರ್ಗಾಪರಮೇಶ್ವರೀ ದೇವಸ್ಥಾನಡ್ ವರ್ಷೊದ ಜಾತ್ರೆ ಎ.14-21 ಮುಟ್ಟ ನಡಪರೆ ಉಂಡು.

ಎ.12 ಐತಾರ ಬೊಲ್ಪುಗು ಕಲಶಾಭಿಷೇಕ, ಶಾಂತಿ, ರಾತ್ರೆ ತೋರಣ ಕಟ್ಟೆರೆ ಉಂಡು. ಬೊಕ್ಕ ಮಲ್ಲ ರಂಗಪೂಜೆ ನಡಪುಂಡು.
ಎ.13 ರಾತ್ರೆ ಅಂಕುರ ಬಲಿ, ಅಂಕುರಾರೋಪಣ ನಡಪರೆ ಉಂಡು.
ಎ.14 ಅಂಗಾರೆ ಪಗೆಲ್ ಕೊಡಿ ಏರುಂಡು. ‌ರಾತ್ರೆ ಉಚ್ಚಯ ಬಲಿ ನಡಪರೆ ಉಂಡು.
ಎ.15 ಬುದಾರ ಬೊಲ್ಪುಗು ಯುಗದಿ ತುಡರ್ ಬಲಿ ರಾತ್ರೆ ಉಚ್ಚಯ ಬಲಿ ನಡಪರೆ ಉಂಡು.
ಎ.16 ಗುರುವಾರ ಪಗೆಲ್ ಭ್ರಾಮರೀವನಟ್ಟ್ ಪ್ರತಿಷ್ಠಾವರ್ಧಂತಿ, ರಾತ್ರೆ ಉಚ್ಚಯ ಬಲಿ, ಮೂಡು ಸವಾರಿ ನಡಪರೆ ಉಂಡು.
ಎ.17 ಸುಕ್ರಾರ ಬೊಲ್ಪುಗು ತುಡರ್ ಬಲಿ ರಾತ್ರೆ ಉಚ್ಚಯ ಬಲಿ ನಡಪುಂಡು.
ಎ.18 ಸನಿಯಾರ ರಾತ್ರೆ ಬೊಳ್ಳಿದ ತೇರ್ ಒಯಿಪೆರೆ ಉಂಡು. ಬೊಕ್ಕ ಉಚ್ಚಯ ಬಲಿ ನಡಪರೆ ಉಂಡು.
ಎ.19 ಐತಾರ ಪಗೆಲ್ ಬ್ರಹ್ಮ ಸನ್ನಿಧಿಡ್ ಪರ್ವ, ರಾತ್ರೆ ಉಚ್ಚಯ ಬಲಿ, ಪಡುಸವಾರಿ ನಡಪರೆ ಉಂಡು.
ಎ.20 ಸೋಮಾರ ಪಗೆಲ್ ಬ್ರಹ್ಮತೇರ್ ಉಚ್ವಯ, ರಾತ್ರೆ ಉಚ್ಚಯ ಬಲಿ ಶಯನ ನಡಪುಂಡು.
ಎ.21 ಅಂಗಾರೆ ಬೊಲ್ಪುಗು ಕವಾಟ ಉದಿಪನ, ಅವಭೃತ ಉಚ್ಚಯ (ಆರಾಟ) ಎಕ್ಕಾರ್ ಜಾತ್ರೆ, ಬ್ರಹ್ಮತೇರ್ ಉಚ್ವಯ, ತೂಟೆದಾರ, ತಿಬಾರ್ ದ ಕೊಡಮಣಿತ್ತಾಯನ ಭೇಟಿ ಬೊಕ್ಕ ಕೊಡೆ ಜವೆರೆ ಉಂಡು.

ಈ ಲೇಸ್ ಡ್ ಮಾತೆರ್ಲಾ ಪಾಲ್ ಪಡೆದ್, ಶ್ರೀಮುಡಿ ಗಂಧ ಪ್ರಸಾದ ದೆತೊನೊಡು ಪಂದ್ ದೇವಸ್ಥಾನದ ಅನುವಂಶಿಕ ಮೊಕ್ತೇಸರೆರ್ ಕೆ. ವಾಸುದೇವ ಅಸ್ರಣ್ಣ, ಆಡಳಿತ ಸಮಿತಿದ ಅಧ್ಯಕ್ಷೆರ್ ಸನತ್ ಕುಮಾರ್ ಶೆಟ್ಟಿ ಕೊಡೆತ್ತೂರು ಗುತ್ತು ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

Religious & Cultural News ಮಾತ ಧರ್ಮದ ಸುದ್ದಿ ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಮುಲ್ಕಿ

ಬಪ್ಪನಾಡು ಜಾತ್ರಾ ಮಹೋತ್ಸವ ಭವ್ಯ ಮೆರವಣಿಗೆಡ್ ಪುದೆ ಸಮರ್ಪಣೆ

Apr 1, 2026

ಮುಲ್ಕಿ: ಸೀಮೆದ ಒರುಂಭ ಮಾಗಣೆದ ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರೀ ದೇವಸ್ಥಾನದ ಜಾತ್ರಾ ಮಹೋತ್ಸವ ಎ.1ರ್ದ್ 8 ಮುಟ್ಟ ನಡಪರೆ ಇತ್ತ್ ದ್ ಪೂರ್ವಭಾವಿಯಾದ್ ಮುಲ್ಕಿ
ಕಕಾರು ಚಾಲಕರ ಬೊಕ್ಕ ಮಾಲಕರ ಸಂಘ, ರಿಕ್ಷಾ ಚಾಲಕರ ಬೊಕ್ಕ ಮಾಲಕರ ಸಂಘ, ಹಿಂದೂ ಯುವ ಸೇನೆ ಬೊಕ್ಕ ಒರುಂಭ ಮಾಗಣೆದ ಭಕ್ತೆರೆನ ವತಿರ್ದ್ ಸೀಮೆ ಒರುಂಭ ಮಾಗಣೆದ ಭಕ್ತೆರೆನ 5ನೇ ವರ್ಷದ ಪುದೆ ಸಮರ್ಪಣೆ ಅಂಗಾರೆ ನಡತ್ಂಡ್.
ದೇವಸ್ಥಾನದ ಅರ್ಚಕ ಗೋಪಾಲಕೃಷ್ಣ ಭಟ್ ವಿಶೇಷ ಪ್ರಾರ್ಥನೆ ಮಲ್ತೆರ್.
ದೇವಸ್ಥಾನದ ಅನುವಂಶಿಕ ಮುಕ್ತೇಸೆರೆರ್ ದುಗ್ಗಣ್ಣ ಸಾವಂತ ಅರಸುಲು , ಕಾರು ಬೊಕ್ಕ ರಿಕ್ಷಾ ಚಾಲಕ ಮಾಲಕರ ಸಂಘದ ಗುರ್ಕಾರ್ಲು ರಾಜೇಶ್ ಕೆರೆಕಾಡು, ದೇವರಾಜ ಕೊಲಕಾಡಿ, ಉದಯಕುಮಾರ್ ಶೆಟ್ಟಿ ಅಧಿಧನ್, ಕೋಲ್ನಾಡು ಕೊರಗಜ್ಜ ಕ್ಷೇತ್ರದ ಗುರ್ಕಾರ್ಲು ಶೇಖರ್ ಸಾಲ್ಯಾನ್, ರಂಜನ್ ಬಿ ಶೆಟ್ಟಿ ಕಿಲ್ಪಾಡಿ ಭಂಡಸಾಲೆ, ಶಶೀoದ್ರ ಸಾಲ್ಯಾನ್, ಶೀನ ಪೂಜಾರಿ ಪಡುಬಿದ್ರೆ, ಕಿಶೋರ್ ಶೆಟ್ಟಿ ಬಪ್ಪನಾಡು, ಲತಾ ಶೇಖರ್, ಶಿವರಾಮ್ ಜಿ ಅಮೀನ್, ಉದಯಕುಮಾರ್ ಶೆಟ್ಟಿ ಕಾರ್ನಾಡ್ ಬೈಪಾಸ್, ಗಿರೀಶ್ ಮೆಂಡನ್ ಬೊಕ್ಕ ಕೆಲವೆರ್ ಉಪಸ್ಥಿತರಿತ್ತೆರ್.
ಪುದೆ ತ ಭವ್ಯ ಮೆರವಣಿಗೆ ಮುಲ್ಕಿ ಶಾರದಾ ಮಂಟಪರ್ದ್ ಪಿದಾರ್ದ್ ಬಪ್ಪನಾಡ್ ದೇವಸ್ಥಾನಗ್ ಸಮರ್ಪಣೆ ಮಲ್ತೆರ್.
ದಿನೇಶ್ ಕೋಲ್ನಾಡು ನಿರೂಪಣೆ ಮಲ್ತೆರ್

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಮುಲ್ಕಿ

ಮುಲ್ಕಿದ ಕನ್ಯಾನ ಸದಾಶಿವ ಶೆಟ್ಟಿ ಕಾಂಪ್ಲೆಕ್ಸ್ ‌ಗ್ ಶಶಿಧರ ಶೆಟ್ಟಿ ಬರೋಡಾ 1.25 ಕೋಟಿ ರೂ. ದೇಣಿಗೆ

Mar 25, 2026

2 ನೇ ಹಂತದ ಕಾಮಗಾರಿಗ್ ಚಾಲನೆ, ವಿಶೇಷ ಸಭೆ

ಮುಲ್ಕಿ : ನ್ಯಾಷನಲ್ ಹೈವೇ 66ತ್ತ ಕೈತಲ್ ನಿರ್ಮಾಣ ಆವೊಂದಿಪ್ಪುನ ಡಾ. ಕನ್ಯಾನ ಸದಾಶಿವ ಶೆಟ್ಟಿ ಕಾಂಪ್ಲೆಕ್ಸ್ ಡಿಸೆಂಬರ್‌ಡ್ ಪೂರ್ಣ ಆದ್ ಲೋಕಾರ್ಪಣೆ ಆವರೆ ಉಂಡು. ಸದಾಶಿವ ಶೆಟ್ಟಿ ಸಂಕೀರ್ಣಗ್ 1.25 ಕೋಟಿ ರೂಪಾಯಿ ನೆರವು ಕೊರೊಂದುಲ್ಲೆ. ಸಭಾಭವನ ಪೂರ್ಣ ಆವರೆ ಮಾತಾ ಬಂಧುಲೆನ ಸಹಕಾರ ಅಗತ್ಯ ಪಂದ್ ಒಕ್ಕೂಟದ ಮಹಾ ನಿರ್ದೇಶಕೆರ್ ಉದ್ಯಮಿ ಶಶಿಧರ ಶೆಟ್ಟಿ ಬರೋಡಾ ತೆರಿಪಾಯೆರ್.
ಆರ್ ಮುಲ್ಕಿದ ಪ್ರವೀಣ್ ಭೋಜ ಶೆಟ್ಟಿ ಸಂಕೀರ್ಣಡ್ ನಡತಿನ ಸದಾಶಿವ ಶೆಟ್ಟಿ ಸಂಕೀರ್ಣದ ರಡ್ಡನೇ ಹಂತದ ಬೇಲೆ ಪತ್ತುನ ಬಗೆಟ್ಟ್ ನಡತಿನ ವಿಶೇಷ ಮಹಾಸಭೆನ್ ದೀಪ ಅರ್ಲಾದ್ ಉದಿಪನ ಮಲ್ತ್ ಪಾತೆರಿಯೆರ್.
” ನನ 7-8 ತಿಂಗೊಲ್ದ ಉಲಯಿ ಸಭಾಭವನದ ನಿರ್ಮಾಣ ಆವೊಡು. ಈ ನಿಲೆಟ್ಟ್ ಸಮಾಜದ ದಾನಿಲು ಬೊಕ್ಕ ಪ್ರತಿಯೊರಿಲ ಕೈ ಜೋಡ್ಯಾವೊಡು.ಮಹಾದಾನಿ ಕನ್ಯಾನ ಸದಾಶಿವ ಶೆಟ್ರೆನ ಆಶಯ, ಆಶೀರ್ವಾದಡ್ ಏಸಿದ ಹಾಲ್ ಮಧ್ಯಮ ವರ್ಗರ್ದ್ ಪತಿನ ಸಮಾಜದ ಮಾತಾ ಜನಕ್ಲೆಗ್‌ಲ ಉಂದೆತ್ತ ಪ್ರಯೋಜನ ತಿಕ್ಕೊಡು ಪಂದ್ ಪಂಡೆರ್.
ಜಾಗತಿಕ ಬಂಟರ ಸಂಘದ ಒಕ್ಕೂಟದ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟ್ಟಿ ಪಾತೆರ್ದ್, ಸಂಕೀರ್ಣದ ಕೆಲಸ ಆವೊಂದುಂಡು. ಶಶಿರೇಖಾ ಆನಂದ ಶೆಟ್ಟಿ ಪುದರ್‌ಡ್ ವೇದಿಕೆ ಉಂಡು. ಉಂದೆತ್ತ ಒಟ್ಟಿಗೇ ಕುಡೊಂಜಿ ಸಭಾಂಗಣ, ಧರ್ಮ ಚಾವಡಿ, ಪ್ರವೀಣ್ ಭೋಜ ಶೆಟ್ಟಿ ಆಡಳಿತ ಕಚೇರಿ ಉಂಡು. ಸಭಾಭವನ ನಿರ್ಮಾಣಗ್ ಮಸ್ತ್ ದಾನಿಲು ಕೊರ್ತೆರ್. ಅಕ್ಲೆನ್ ಮಾತಾ ಸಂಪರ್ಕ ಮಲ್ಪುವ. ಸಭಾಭವನಗ್ 5 ಲಕ್ಷ ರೂ. ಜಾಸ್ತಿ ಕೊರ್ನಕ್ಲೆನ ಭಾವಚಿತ್ರನ್ ಆಡಳಿತ ಕಚೇರಿಡ್ ಪಾಡುವ” ಪಂದ್ ತೆರಿಪಾಯೆರ್.
ಒಕ್ಕೂಟದ ಉಪಾಧ್ಯಕ್ಷೆರ್ ಕರ್ನಿರೆ ವಿಶ್ವನಾಥ ಶೆಟ್ಟಿ ಪಾತೆರ್ದ್, ಒಕ್ಕೂಟಗ್ ಒಂಜಿ ಎಕ್ರೆ ಜಾಗ ಕೊರ್ಪಿನ ಬದಲ್ ಸಭಾಭವನಗ್ 50 ಲಕ್ಷ ರೂಪಾಯಿ ದೇಣಿಗೆ ಕೊರ್ಪೆ” ಪಂದ್ ಪಂಡೆರ್.
ಲೇಸ್‌ಡ್ ಉದ್ಯಮಿ ರಾಕ್ಷಿ ಡೆವಲಪರ್ಸ್ ಆಡಳಿತ ನಿರ್ದೇಶಕೆರ್ ರಾಜೇಶ್ ಶೆಟ್ಟಿ, ಯುವ ವಿಭಾಗದ ಸಂಚಾಲಕೆರ್ ಗಿರೀಶ್ ಶೆಟ್ಟಿ ತೆಳ್ಳಾರ್, ಕಟ್ವಾಣದ ವಿನ್ಯಾಸಕಾರೆ ಎ ಜಿ ಭಟ್, ಪ್ರಧಾನ ಕಾರ್ಯದರ್ಶಿ ಜಯಕರ ಶೆಟ್ಟಿ ಇಂದ್ರಾಳಿ, ಜೊತೆ ಕಾರ್ಯದರ್ಶಿ ಚಂದ್ರಹಾಸ ಶೆಟ್ಟಿ ರಂಗೋಲಿ, ಉದ್ಯಮಿ ಹರೀಶ್ ಶೆಟ್ಟಿ ಮುಂಬೈ, ಸಂಚಾಲಕೆರ್ ಕೊಲ್ಲಾಡಿ ಬಾಲಕೃಷ್ಣ ರೈ, ಬೇತೆ ಬೇತೆ ಬಂಟರ ಸಂಘದ ಅಧ್ಯಕ್ಷೆರ್, ಪದಾಧಿಕಾರಿಲು ಇತ್ತೆರ್.
ಅನೂಪ್ ಶೆಟ್ಟಿ ಸುರತ್ಕಲ್ ಪ್ರಾರ್ಥನೆ ಮಲ್ತೆರ್. ಚಂದ್ರಹಾಸ ಶೆಟ್ಟಿ ಸೊಲ್ಮೆ ಸಂದಾಯೆರ್. ಜಯಕರ ಶೆಟ್ಟಿ ಇಂದ್ರಾಳಿ ಕಾರ್ಯಕ್ರಮ‌ ನಿರೂಪಣೆ ಮಲbantsangha್ತೆರ್.

Religious & Cultural News ಮಾತ ಧರ್ಮದ ಸುದ್ದಿ ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಮುಲ್ಕಿ

ಸಸಿಹಿತ್ಲು ಸಾರಂತಾಯ ಗರೋಡಿ ಉಳ್ಳಾಯ ದೈವಸ್ಥಾನಡ್ ಗೌಜಿದ ಕಾಲಾಧಿದ ನೇಮೋತ್ಸವ

Mar 24, 2026

ಸಸಿಹಿತ್ಲು : ಶ್ರೀ ಸಾರಂತಾಯ ಗರೋಡಿ ಉಳ್ಳಾಯ ದೈವಸ್ಥಾನಡ್ ಕಾಲಾಧಿದ ನೇಮೋತ್ಸವ ಮಾರ್ಚ್ 20 ಶುಕ್ರವಾರರ್ದ್ ಮಾ.24 ಅಂಗಾರೆ ಮುಟ್ಟ ಭಾರಿ ಗೌಜಿಡ್ ನಡತ್ಂಡ್.
ಮಾ.21 ಶನಿವಾರ ಕಾಂಡೆ ನಾಗದೇವೆರೆಗ್ ತನು ತಂಬಿಲ, ಬ್ರಹ್ಮೆರೆಗ್ ತಂಬಿಲ ಸೇವೆ, ರಕ್ತೇಶ್ವರಿ ದೇವಿಗ್ ಪೂತ್ತ ಪೂಜೆ ಆಯಿ ಬೊಕ್ಕ ದೈವೊಲೆನ ಶುದ್ಧ ಮಲ್ತ್‌ದ್, ದೃಢಕಲಶ ಮಲ್ತ್‌ದ್ ರಾತ್ರೆ ಶ್ರೀ ಕ್ಷೇತ್ರ ಕಾಂತುಲಕಣ ಗಡಿಪ್ರದಾನೆರ್ನ ಭಂಡಾರದಿಲ್ಲಡ್ ತಂಬಿಲ ಸೇವೆ ನಡತ್ಂಡ್. ಅಂಚೆನೆ ಕಾಂತಾಬಾರೆ ಬೂದಾಬಾರೆರೆಗ್ ಅನ್ನ ನೈವೇದ್ಯ, ಅಗೇಲ್ ಸೇವೆ, ಮಾಣಿಬಾಲೆ ಬೊಕ್ಕ ಮಾಯಂದಾಲ್ ದೇವಿಗ್ ಅಗೆಲ್ ಸೇವೆ, ಪ್ರಸಾದ ವಿತರಣೆ ಬೊಕ್ಕ
ಅನ್ನಸಂತರ್ಪಣೆ ನಡತ್ಂಡ್.
ಮಾ.22 ಐತಾರ ಬಯ್ಯಡ್ 4 ಗಂಟೆಗ್ ದೊಂಪ ಏರ್‌ದ್ ರಾತ್ರೆ ಶ್ರೀ ಕ್ಷೇತ್ರ ಕಂಡೇವು ಧರ್ಮರಸು ಉಳ್ಳಾಯ ಬೊಕ್ಕ ಸಪರಿವಾರ ದೈವೊಲೆನ
ಭಂಡಾರ ಬತ್ತ್‌ದ್ ಇಂಚಿಡ್ ಕಾಂತುಲಕಣ ಗಡಿಪ್ರದಾನೆರ್ನ ಇಲ್ಲದ ದೈವೊಲೆನ ಭಂಡಾರ ಬತ್ತ್‌ದ್ ಕೊಡಿ ಏರ್‌ದ್ ಬೊಕ್ಕ ಅನ್ನಸಂತರ್ಪಣೆ ನಡತ್ಂಡ್.
ಮಾ. 23 ಸೋಮವಾರ ಕಾಂಡೆ ಉಳ್ಳಾಯ ದೇವೆರ್ನ ನೇಮೋತ್ಸವ ನಡತ್ಂಡ್. ಅಯಿರ್ದ್ ಬೊಕ್ಕ ಇಷ್ಟದೇವತೆ, ಮೂಲ ಮೈಸಂದಾಯ,
ಬಬ್ಬರ್ಯ ಬೊಕ್ಕ ಪರಿವಾರ ದೈವೊಲೆನ ನೇಮ ನಡತ್ಂಡ್. ಬೊಕ್ಕ ಕಾಂತಾಬಾರೆ
ಬೂದಾಬಾರೆರೆಗ್, ಮಾಯಂದಾಲ್ ಶಕ್ತಿಗ್ ಪಂಚಕಜ್ಜಾಯ ಸೇವೆ ಆದ್ ಅನ್ನಸಂತರ್ಪಣೆ ನಡತ್ಂಡ್. ಬಯ್ಯಡ್ 4 ಗಂಟೆರ್ದ್ ಓಡ್ಯಂತಾಯ ದೈವದ ನೇಮೋತ್ಸವ ನಡತ್ಂಡ್.

ರಾತ್ರೆ 9 ಗಂಟೆಗ್ ಜಾರಂದಾಯ,ಬಂಟ, ಜುಮಾದಿ, ಬಂಟ, ಕೊಡಮಣಿತ್ತಾಯ, ಕಂಡೇವು ಬೂಡುದ
ಕಾಂತೇರಿ ಜುಮಾದಿ, ಪಿಲಿಚಾಮುಂಡಿ ದೈವೊಲೆಗ್ ನೇಮ ನಡತ್ಂಡ್.

ಮಾ. 24 ಅಂಗಾರೆ ಕಾಂಡೆ 5 ಗಂಟೆಗ್ ಕೊಡಿ ಜಾದ್ ಕಾಂತುಲಕಣ ಗಡಿಪ್ರದಾನೆರೆನ ಇಲ್ಲಗ್ ಅಂಚೆನೆ ಕಂಡೇವು ಬೂಡುಗು ಭಂಡಾರ ಪಿರ ಪೋಂಡು. ಈ ನೇಮೋತ್ಸವದ ಸಂದರ್ಭೊಡು ಶ್ರೀ ಕ್ಷೇತ್ರದ ಆಡಳಿತ ಸಮಿತಿ, ಮುಂಬೈ ಸಮಿತಿ ಬೊಕ್ಕ ಮಹಿಳಾ ಸಮಿತಿದ ಅಧ್ಯಕ್ಷೆರ್ ಬೊಕ್ಕ ಪದಾಧಿಕಾರಿಲು, ಸರ್ವ ಸದಸ್ಯೆರ್, ಕಾಂತುಲಕಣ ಗಡಿಪ್ರಧಾನೆರ್ ಯಾನೆ ಪಠೇಲರ ಮನೆತನದಕುಲು, ತೋಚೋಡಿ ಮನೆತನದಕುಲು,ಅರ್ಚಕ ವಿಭಾಗದಕುಲು, ಕಡಪುರ ಮನೆತನದಕುಲು, ಮುಕ್ಕ ಮಿತ್ರಪಟ್ನ, ಕದಿಕೆ ಮೊಗವೀರ ಸಭಾದ ಸದಸ್ಯೆರ್ ಅಂಚೆನೆ ನಾಲ್ ಕರೆತ್ತ ಪತ್ತ್ ಸಮಸ್ತೆರ್ ಪಾಲ್ ಪಡೆದ್ ಶ್ರೀ ಉಳ್ಳಾಯ ದೇವೆರ್ ಬೊಕ್ಕ ಪರಿವಾರ ದೈವೊಲೆನ ಗಂಧ ಪುರ್ಸಾದ ದೆತೊಂಡೆರ್.

ಬಪ್ಪನಾಡ್ ಜಾತ್ರಾ ಮಹೋತ್ಸವ ಯಶಸ್ವಿ ಆವರೆ ಸೀಮೆದ ಭಕ್ತೆರೆನ ಸಾಕಾರ ಮುಖ್ಯ-ದುಗ್ಗಣ್ಣ ಸಾವಂತ ಅರಸುಲು

Mar 23, 2026

ಬಪ್ಪನಾಡ್ ಜಾತ್ರಾ ಮಹೋತ್ಸವದ ಪೂರ್ವಭಾವಿ ಸಭೆ

ಮುಲ್ಕಿ: ಸೀಮೆದ ಒರುಂಭ ಮಾಗಣೆದ ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರೀ ದೇವಸ್ಥಾನದ ಜಾತ್ರಾ ಮಹೋತ್ಸವ ಏ. 1 ರ್ದ್ 8 ಮುಟ್ಟ ನಡಪರೆ ಇತ್ತ್ ದ್ ಪೂರ್ವಭಾವಿಯಾದ್ ಕ್ಷೇತ್ರದ ಆಡಳಿತ ಆಡಳಿತ ಮಂಡಳಿ ಬೊಕ್ಕ , ಅಭಿವೃದ್ಧಿ ಸಮಿತಿ, ಗ್ರಾಮಸ್ಥೆರೆನ ಸಭೆ ಕ್ಷೇತ್ರದ ಜ್ಞಾನ ಮಂದಿರದ ಸಭಾಂಗಣಡ್ ನಡತ್ಂಡ್.
ಕಾರ್ಯಕ್ರಮದ ಗುರ್ಕಾರ್ಮೆನ್ ಕ್ಷೇತ್ರದ ಅನುವಂಶಿಕ ಮುಕ್ತೇಸೆರೆರ್ ದುಗ್ಗಣ್ಣ ಸಾವಂತ ಅರಸುಲು ವಹಿಸೊಂದು ಪಾತೆರ್ದ್ ಬಪ್ಪನಾಡ್ ಕ್ಷೇತ್ರದ ಜಾತ್ರಾ ಮಹೋತ್ಸವ ಯಶಸ್ವಿಯಾವರೆ ಸೀಮೆದ ಭಕ್ತೆರೆನ ಸಾಕಾರ ಮುಖ್ಯ, ಜಾತ್ರಾ ಮಹೋತ್ಸವದ ದಿನಟ್ ಕ್ಷೇತ್ರಡ್ ನುಪ್ಪು ಪ್ರಸಾದ ಬೊಕ್ಕ ಪುತ್ತೂರು ಸುಳ್ಯ ಕಾಸರಗೋಡು ಬೊಕ್ಕ ಕೆಲವು ಕಡೆರ್ದ್ ಬರ್ಪುನ ಭಕ್ತೆರೆಗ್ ಟ್ರಾಫಿಕ್ ಸಮಸ್ಯೆ ಆವಂದಿಲೆಕ್ಕ ತೂವೊಡು ಪಂಡೆರ್.
ದೇವಸ್ಥಾನದ ಕಾರ್ಯನಿರ್ವಹಣಾಧಿಕಾರಿ ಶ್ವೇತಾ ಪಳ್ಳಿ ಪಾತೆರ್ದ್ ದೇವಸ್ಥಾನದ ಸರ್ವತೋಮುಖ ಅಭಿವೃದ್ಧಿಗ್ ಅಂಚೆನೆ ಜಾತ್ರಾ ಮಹೋತ್ಸವದ ಯಶಸ್ಸಿಗ್ ಬೇತೆ ಬೇತೆ ಸಂಘ-ಸಂಸ್ಥೆಲು ಕೈ ಜೋಡಾವರೆ ಸಾಕಾರ ಕೊರೊಡು ಪಂಡೆರ್.
ಸಭೆಟ್ ಮುಲ್ಕಿ ಬಿಲ್ಲವರ ಸಂಘದ ಅಧ್ಯಕ್ಷೆರ್ ವಾಮನ್ ಕೋಟ್ಯಾನ್ ನಡಿಕುದ್ರು, ಮುಲ್ಕಿ ಬಂಟರ ಸಂಘದ ಅಧ್ಯಕ್ಷೆರ್ ಅಶೋಕ್ ಕುಮಾರ್ ಶೆಟ್ಟಿ,ಅಭಿವೃದ್ಧಿ ಸಮಿತಿದ ಸುನಿಲ್ ಆಳ್ವ, ಕಿರಣ್ ಕುಮಾರ್ ಶೆಟ್ಟಿ ಕೋಲ್ನಾಡು ಗುತ್ತು, ಡಾ. ಹರಿಶ್ಚಂದ್ರ ಪಿ ಸಾಲ್ಯಾನ್, ವಿನೋದ್ ಸಾಲ್ಯಾನ್ ಬೆಳ್ಳಾಯರು, ಕೃಷ್ಣ ಶೆಟ್ಟಿ, ಉದಯಕುಮಾರ್ ಶೆಟ್ಟಿ ಅಧಿಧನ್, ಮೋಹನ್ ದಾಸ್ ಹೆಜಮಾಡಿ, ಕಾರು ಚಾಲಕ ಮಾಲಕರ ಸಂಘದ ಅಧ್ಯಕ್ಷೆರ್ ರಾಜೇಶ್ ಕೆರೆಕಾಡು, ಪದಾಧಿಕಾರಿಲಾಯಿನ ದೇವಣ್ಣ ನಾಯಕ್, ಚಂದ್ರಶೇಖರ್, ದೇವಸ್ಥಾನದ ಅಕೌಂಟೆಂಟ್ ಶಿವಶಂಕರ್, ಕಾರ್ತಿಕ್ ಕೋಟ್ಯಾನ್ ಬೊಕ್ಕ ಕೆಲವೆರ್ ಉಪಸ್ಥಿತರಿತ್ತೆರ್.
ಸಭೆಟ್ ಜಾತ್ರಾ ಮಹೋತ್ಸವದ ದಿನಟ್ ಕೊಡಿ ಏರ್ದ್ , ಪಗೆಲ್ ತೇರ್, ಮಲ್ಲ ತೇರ್, ದಿನಟ್ ನುಪ್ಪು ಪ್ರಸಾದ ವ್ಯವಸ್ಥೆ, ಕ್ಷೇತ್ರಗ್ ಬರ್ಪುನ ಭಕ್ತೆರೆಗ್ ಪಾರ್ಕಿಂಗ್ ಸುವ್ಯವಸ್ಥೆ, ಬಗೆಟ್ ಚರ್ಚೆ ನಡತ್ಂಡ್ .
ಟ್ರಾಫಿಕ್ ವ್ಯವಸ್ಥೆ ಬಗೆಟ್ ಮುಲ್ಕಿ ಪೊಲೀಸ್ ಬೊಕ್ಕ ಕುಡ್ಲ ಉತ್ತರ ಟ್ರಾಫಿಕ್ ಪೊಲೀಸೆರೆನ ಸಭೆ ಮಾ. 28 ಕ್ಕ್ ಕಾಂಡೆ 10:30 ಗಂಟೆಗ್ ನಡಪಾವುನ ತೀರ್ಮಾನ ಆಂಡ್

ಮಾರ್ಚ್ 31ಕ್ಕ್ ಪುದೆ ಮೆರವಣಿಗೆ

ಬಪ್ಪನಾಡ್ ಕ್ಷೇತ್ರದ ಜಾತ್ರಾ ಮಹೋತ್ಸವದ ಅಂಗವಾದ್ ಸೀಮೆದ ಒರುಂಭ ಮಾಗಣೆದ ಭಕ್ತೆರೆರ್ದ್ ಪುದೆ ಮೆರವಣಿಗೆ ಸಮರ್ಪಣಾ ಕಾರ್ಯಕ್ರಮ ಮಾರ್ಚ್ 31 ತಾನಿ ಬಯ್ಯ ಮುಲ್ಕಿ ಬಸ್ ನಿಲ್ದಾಣದ ಬರಿತ ಶಿವಾಜಿ ಮಂಟಪರ್ದ್ ಭವ್ಯ ಮೆರವಣಿಡ್ ಬಪ್ಪನಾಡ್ ಕ್ಷೇತ್ರ ಮುಟ್ಟ ನಡಪರೆ ಉಂಡು.

ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಮುಲ್ಕಿ

ಪೊಂಜೋವುಲು ಸ್ವಾವಲಂಬಿಲಾದ್ ಬದ್ಕೆರೆ ಐನ್ ಗ್ಯಾರಂಟಿ ಯೋಜನೆಲು ಉಪಯೋಗ ಅಲ್ವಿನ್ ಕ್ಲೇಮೆಂಟ್ ಕುಟಿನ್ಹ

Mar 12, 2026

ಮುಲ್ಕಿ: ಪಂಚ ಗ್ಯಾರಂಟಿ ಯೋಜನೆಲೆನ ಅನುಷ್ಠಾನ ಸಮಿತಿ, ತಾಲೂಕು ಪಂಚಾಯತ್, ಮಹಿಳಾ ಬೊಕ್ಕ ಮಕ್ಕಳ ಅಭಿವೃದ್ಧಿ ಇಲಾಖೆ, ಶಿಶು ಅಭಿವೃದ್ಧಿ ಯೋಜನೆ ಕುಡ್ಲ ಗ್ರಾಮಾಂತರದ ಒಟ್ಟುಸೇರಿಗೆಡ್ ಐನ್ ಗ್ಯಾರಂಟಿ ಯೋಜನೆಲೆನ ಬಗೆಟ್ಟ್ ತೆರಿಪಾಯೆರೆ ಪಂದ್ ‘ಮಹಿಳಾ ದಿನಾಚರಣೆ ‘ ಲೇಸ್ ಪಡುಪಣಂಬೂರು ಗ್ರಾಮ ಪಂಚಾಯತ್ ಸಭಾಂಗಣಡ್ ನಡತ್ಂಡ್.

ಈ ಲೇಸ್ ದ ಅಧ್ಯಕ್ಷತೆನ್ ಪಂಚ ಗ್ಯಾರಂಟಿ ಅನುಷ್ಠಾನ ಸಮಿತಿದ ಅಧ್ಯಕ್ಷೆರ್ ಅಲ್ವಿನ್ ಕ್ಲೇಮೆಂಟ್ ಕುಟಿನ್ಹ ತುಡರ್ ಅರ್ಲಾದ್ ಪಾತೆರ್ದ್, ಪೊಂಜೋವುಲು ಸ್ವಾವಲಂಬಿಯಾದ್ ಬದ್ಕೆರೆ ಪಂಚ ಗ್ಯಾರಂಟಿ ಯೋಜನೆಲು ಉಪಯೋಗ ಆತ್ಂಡ್. ಮಾತ ಕ್ಷೇತ್ರಡ್ಲಾ ಪೊಂಜೋವುಲು ಧೈರ್ಯಡ್ ದುಂಬು ಬತ್ತ್ ದ್, ಆತ್ಮವಿಶ್ವಾಸರ್ದ್ ಜೀವನ ನಡಪಾವೊಡು ಪಂದ್ ಪಂಡೆರ್.

ಮಲ್ಲ ಬಿನ್ನೆರಾಯಿನ ತಾಲೂಕ್ ಪಂಚಾಯತಿ ಕಾರ್ಯನಿರ್ವಾಹಕ ಅಧಿಕಾರಿ ಕುಸುಮಾಧರ್ ಪಾತೆರ್ದ್, ಪಂಚ ಗ್ಯಾರಂಟಿ ಯೋಜನೆಲೆನ ಪ್ರಯೋಜನನ್ ದೆತೊನೊಂದು ಇಪ್ಪುನ ಪೊಂಜೋವುಲು ಉಳಿತಾಯ ಆಪುನ ಕಾಸ್ ನ್ ಉಪಯೋಗ ಮಲ್ತೊಂದು ಆರ್ಥಿಕವಾದ್ ಗಟ್ಟಿ ಆವೊಡು. ಲಿಂಗ ಸಮಾನತೆ ಮುಖ್ಯವಾಯಿನವು. ಇಲ್ಲಲ್ ಆನ್ ಪೊಣ್ಣು ಪನ್ಪಿನ ಭೇಧ ಮಲ್ಪಂದೆ ಬೇಲೆನ್ ಪಟ್ಟೊಂದು ಮಲ್ತ್ ದ್ ಸಮಸ್ಯೆಲೆನ್ ಎದುರಿಸಾವೊಡು ಪಂದ್ ಪಂಡೆರ್.

ಕುಡ್ಲ ಗ್ರಾಮಾಂತರ ಶಿಶು ಅಭಿವೃದ್ಧಿ ಯೋಜನೆದ ಪ್ರಭಾರ ಸಹಾಯಕ ಶಿಶು ಅಭಿವೃದ್ಧಿ ಯೋಜನಾಧಿಕಾರಿ ಕು. ಭಾರತಿ ಗೃಹಲಕ್ಷ್ಮಿ ಯೋಜನೆದ ಬಗೆಟ್ಟ್ ಪೊಲಬು ಕೊರ್ದು, ಪೊಂಜೋವುಲು ಸ್ವಂತ ಉದ್ಯೋಗದೊಟ್ಟಿಗೆ ಅಕುಲು ಎದುರಿಸಾವೊಂದು ಇಪ್ಪುನ ಸಮಸ್ಯೆಲೆನ್ ಪನೊಂದು ಅವೆಕ್ಕ್ ಪರಿಹಾರನ್ ದೆತೊನೊಡು ಪಂದ್ ಪಂಡೆರ್.

ಪೊಂಜೋವುಲೆನ ಆರೋಗ್ಯದ ಬಗೆಟ್ಟ್ ರಾಷ್ಟೀಯ ಬಾಲ ಸ್ವಾಸ್ತ್ಯ ಯೋಜನೆದ ವೈದ್ಯಾಧಿಕಾರಿ ಡಾ.ಹೇಮಪ್ರಭಾ ಮೇರ್ ಪೊಲಬು ಕೊರ್ದು, ಇಂಚಿಪ್ಪ ದಿನಟ್ಟ್ ಪೊಂಜೋವುಲು ತನ್ನ ಆರೋಗ್ಯದ ಬಗೆಟ್ಟ್ ಗಮನ ದೆತೊನಂದೆ ಸುಮಾರ್ ಸಮಸ್ಯೆಲೆನ್ ಎದುರಿಸಾವೊಂದು ಉಲ್ಲೆರ್. ಅಂಚಾದ್ ಮೊಕುಲು ತನ್ನ ಗ್ರಾಮ ವ್ಯಾಪ್ತಿಡ್ ಇಪ್ಪುನ ಪ್ರಾಥಮಿಕ ಅರೋಗ್ಯ ಕೇಂದ್ರ ಅತ್ತಂಡ ಉಪ ಅರೋಗ್ಯ ಕೇಂದ್ರಲೆಡ್ ಪ್ರತೀ ತಿಂಗೊಲ್ ಗೊರ ಬಿ.ಪಿ, ಶುಗರ್ , ಹಿಮೋಗ್ಲೋಬಿನ್ ತಪಾಸಣೆ ಮಲ್ಪುನೆತ್ತೊಟ್ಟಿಗೆ ಪೌಷ್ಟಿಕ ಆಹಾರನ್ ದೆತೊನೊಡು ಪಂದ್ ಪಂಡೆರ್.

ಈ ಪೊರ್ತುಡು ಚಾವಡಿಡ್ ಕರ್ನಾಟಕ ರಾಜ್ಯ ಸಾರಿಗೆ ಇಲಾಖೆದ ಅಧಿಕಾರಿ ನಿರ್ಮಲ, ಮೆಸ್ಕಾಂ ಇಲಾಖೆದ ಅಧಿಕಾರಿಲು ಇತ್ತೆರ್. ಸಮಾರಂಭ ಲೇಸ್ ಡ್ ಪಂಚ ಗ್ಯಾರಂಟಿ ಅನುಷ್ಠಾನ ಸಮಿತಿದ ಸದಸ್ಯೆರ್, ತಾಲೂಕ್ ಪಂಚಾಯತಿದ ಲೆಕ್ಕ ಸಹಾಯಕೆರ್ ಯೋಗೀಶ್, ಶಿಶು ಅಭಿವೃದ್ಧಿ ಇಲಾಖೆದ ಜ್ಯೋತಿ, ಸುಲೋಚನಾ, ಅಂಗನವಾಡಿ ಕಾರ್ಯಕರ್ತೆಯೆರ್ ಬೊಕ್ಕ ಪಂಚ ಗ್ಯಾರಂಟಿ ಯೋಜನೆಲೆನ ಫಲಾನುಭವಿಲು ಇತ್ತೆರ್.

ಪಂಚಾಯತಿ ಅಭಿವೃದ್ಧಿ ಅಧಿಕಾರಿ ಸುಧೀರ್ ಈ ಲೇಸ್ ನ್ ಸುಧಾರಿಕೆ ಮಲ್ತೆರ್. ಲೇಸ್ ಡ್ ಪೊಂಜೋವುಲೆಗ್ ಗೊಬ್ಬುದ ಪಂತೊನ್ ನಡಪಾದ್ ಗೆಂದಿನಕ್ಲೆಗ್ ಇನಾಮುನ್ ಕೊರಿಯೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಮುಲ್ಕಿ

ತೋಕೂರುಡು ವಿಶ್ವ ಮಹಿಳಾ ದಿನಾಚರಣೆ ಅಂಗವಾದ್ ‘ನಾರಿ ನಮನ’ ಕಾರ್ಯಕ್ರಮ

Mar 12, 2026

ಹಳೆಯಂಗಡಿ: ಭಾರತ ಸರ್ಕಾರದ ಯುವ ಕಾರ್ಯ ಬೊಕ್ಕ ಕ್ರೀಡಾ ಸಚಿವಾಲಯದ ಮೇರಾ ಯುವ ಭಾರತ್ (ಮೈ ಭಾರತ್) ದಕ್ಷಿಣ ಕನ್ನಡ ಜಿಲ್ಲೆ, ತಾಲೂಕು ಬೊಕ್ಕ ಜಿಲ್ಲಾ ಯುವಜನ ಒಕ್ಕೂಟದ ಮಾರ್ಗದರ್ಶನಡ್ ದಕ್ಷಿಣ ಕನ್ನಡ ಜಿಲ್ಲಾ ಅಂಚೆನೆ ರಾಜ್ಯ ಮಟ್ಟದ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಶ್ರೀ ಸುಬ್ರಹ್ಮಣ್ಯ ಮಹಾಗಣಪತಿ ಸ್ಪೋರ್ಟ್ಸ್ ಕ್ಲಬ್(ರಿ), ತೋಕೂರು ಮೊಕ್ಲೆನ ಮಹಿಳಾ ಕಾರ್ಯಕಾರಿ ಸಮಿತಿ ಆಶ್ರಯಡ್ ಮಾರ್ಚ್ 8 ತಾನಿ ವಿಶ್ವ ಮಹಿಳಾ ದಿನಾಚರಣೆ ಅಂಗವಾದ್ ‘ನಾರಿ ನಮನ’ ಕಾರ್ಯಕ್ರಮ ನಡತ್ಂಡ್
ಸಂಸ್ಥೆದ ಗುರ್ಕಾರ್ಲು ಸುರೇಶ್ ಶೆಟ್ಟಿ ಕಾರ್ಯಕ್ರಮಗ್ ಚಾಲನೆ ಕೊರ್ದು ಪಾತೆರ್ದ್ ಸಾಮಾನ್ಯವಾದ್ ಸಮಾಜಡ್ ವಿಶೇಷ ಸಾಧನೆ ಮಲ್ತಿನಕ್ಲೆನ್ ಮಾನಾದಿಗೆ ಮಲ್ಪುನ ಪದ್ಧತಿ ಇತ್ತ್ಂಡಲ , ಕುಟುಂಬದ ಸುಖ ಸಂತೋಷ ಬೊಕ್ಕ ಸಮಾಜದ ಮೌಲ್ಯದ ಬುಲೆಚ್ಚಿಲ್ ಗ್ ತನ್ನ ಜೀವನನ್ ಮುಡಿಪಾದ್ ದೀಪುನ ಸಾಮಾನ್ಯ ಪೊಂಜುವುಲೆನ ಕೊಡುಗೆ ಅಮೂಲ್ಯ. ಅವೆಕ್ ಅಕುಲು ಗೌರವ ಮಲ್ಪುನ ಉದ್ದೇಶಡ್ ತೋಕೂರು ಗ್ರಾಮದ ನಾಲ್ ಜನ ಹಿರಿಯ ಪೊಂಜೊವುಲೆನ್ ಸಾಂಕೇತಿಕವಾದ್ ಮಾನಾದಿಗೆ ಮಲ್ತ್ ದ್ ಮಹಿಳಾ ದಿನಾಚರಣೆನ್ ಆಚರಣೆ ಮಲ್ದ ಪಂಡೆರ್ .
ಈ ಪೊರ್ತುಡು ಊರುದ ಹಿರಿಯ ಪೊಂಜೊವುಲೆನ ಜಲಜ, ಸುಶೀಲ, ಗುಲಾಬಿ ಅಂಚೆನೆ ಶಾಂತಿ ದೇವಾಡಿಗ ಮೊಕುಲೆನ ಇಲ್ಲಗ್ ಮಾನಾದಿಗೆ ಮಲ್ತೆರ್.
ಅಂಚೆನೆ ಅನಾರೋಗ್ಯಡ್ ಇಪ್ಪುನ ತೋಕೂರುದ ಕುಮಾರಿ ಸಾಕ್ಷಿ ಪನ್ಪುನ ಪೊಣ್ಣನ ಮರ್ದ್ ದ ಸಾಯ ಪಣವುದ ಸಾಯ ಮಲ್ತೆರ್.
ಈ ಪೊರ್ತುಡು ಸಂಸ್ಥೆದ ಗೌರವಾಧ್ಯಕ್ಷ ಯೋಗೀಶ್ ಕೋಟ್ಯಾನ್, ಪಡುಪಣಂಬೂರು ಗ್ರಾಮ ಪಂಚಾಯತ್ ಮಾಜಿ ಸದಸ್ಯ ಸಂತೋಷ್ ಕುಮಾರ್, ಪ್ರಧಾನ ಕಾರ್ಯದರ್ಶಿ ಸಂತೋಷ್ ದೇವಾಡಿಗ, ನಿಕಟ ಪೂರ್ವ ಗೌರವ ಅಧ್ಯಕ್ಷ ಪ್ರಶಾಂತ್ ಕುಮಾರ್ ಬೇಕರ್, ಸಮಿತಿ ಸದಸ್ಯ ಧರ್ಮಾನಂದ ಶೆಟ್ಟಿಗಾರ್, ಗೌರವ ಸಲಹೆಗಾರ ಗಣೇಶ್ ಪೂಜಾರಿ (ಬೆಂಗಳೂರು), ಮಹಿಳಾ ಕಾರ್ಯಾಧ್ಯಕ್ಷೆ ಸುರೇಖಾ ಕಲ್ಲಾಪು, ಮಹಿಳಾ ಕಾರ್ಯದರ್ಶಿ ಶೈಲಾ ಶೆಟ್ಟಿಗಾರ್, ಸಾಂಸ್ಕೃತಿಕ ಕಾರ್ಯದರ್ಶಿ ನೀಮಾ ಸನಿಲ್ ಬೊಕ್ಕ ಪೊಂಜೊವುಲೆನ ಪದುಕೆರ್ ಉಪಸ್ಥಿತರಿತ್ತೆರ್

ತೀಯಾ ಸಂಘಲೆನ ಅಧ್ಯಕ್ಷೆರ್, ಏಳೂರ ಗುರಿಕಾರೆರ್, ದೇವಲ್ಯದ ಚಾಕಿರಿದಕ್ಲೆಗ್ ಸನ್ಮಾನ

Mar 10, 2026

ಸಸಿಹಿತ್ಲು ಶ್ರೀ ಭಗವತೀ ದೇವಸ್ಥಾನದ ಬ್ರಹ್ಮಕಲಶೋತ್ಸವದ 5 ನೇ ದಿನತ್ತ ಧರ್ಮ ಸಭೆ

ಸಸಿಹಿತ್ಲು : ಶ್ರೀ ಭಗವತೀ ದೇವಸ್ಥಾನದ ಬ್ರಹ್ಮಕಲಶೋತ್ಸವದ 5 ನೇ ದಿನತ್ತ ಧರ್ಮ ಸಭೆ
ಬಹ್ಮಕಲಶೋತ್ಸವ ಸಮಿತಿದ ಅಧ್ಯಕ್ಷೆರ್ ನಳಿನ್ ಕುಮಾರ್ ಕಟೀಲ್ ಮೆರೆನ ಅಧ್ಯಕ್ಷತೆಡ್ ಮಾ.8 ಐತಾರ ನಡತ್ಂಡ್.
ಈ ವೇದಿಕೆಡ್ ಬೇತೆ ಬೇತೆ ಕಡೆತ್ತ ತೀಯಾ ಸಂಘದ ಪ್ರತಿನಿಧಿನಕ್ಲೆಗ್ ಮಾನಾದಿಗೆ ನಡತ್ಂಡ್. ಅಂಚೆನೆ ಏಳೂರ ಗುರಿಕಾರೆರ್, ದೇವಸ್ಥಾನದ ಚಾಕಿರಿದಕ್ಲೆಗ್ ಬಂಗಾರ್‌ದ ಪದಕ ಸಮೇತ ಸನ್ಮಾನ ನಡತಿನವು ವಿಶೇಷ.
ಅವ್ವತ್ತಾಂದೆ ಕ್ಷೇತ್ರದ ಗರ್ಭ ಗುಡಿತ್ತ ದ್ವಾರಗ್ ಬೊಳ್ಳಿ ಮುಚ್ಚಾದಿನಕ್ಲೆಗ್, ಮಹಾದ್ವಾರಗ್ ಕಂಚಿದ ಸೇವೆ ಕೊರ್ತಿನಕ್ಲೆಗ್, 22 ದೇವೆರ್ನ ಮೂರ್ತಿ ಮಲ್ತಿನ ಶಿಲ್ಪಿ ಸುಧಾಕರ್ ಪತಿ, ಗೋಪುರದ ಕಂಟ್ರ್ಯಾಕ್ಟರ್ ಅಭಿಲಾಷ್ ಶೆಟ್ಟಿ, ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಸಂಸ್ಥೆ ಯೋಜನಾಧಿಕಾರಿ ದಿನೇಶ್, ಕರ್ಣಾಟಕ ಬ್ಯಾಂಕ್‌ದ ಪ್ರತಿನಿಧಿ ರಮೇಶ್ ಬಂಗೇರ ಮೊಕ್ಲೆಗ್ ಸಮ್ಮಾನ ನಡತ್ಂಡ್.
ಈ ಪೊರ್ತುಡು ದೇವಸ್ಥಾನದ ಗರ್ಭಗುಡಿಕ್ಕ್ ಬೊಳ್ಳಿದ ಸೇವೆ ಕೊರ್ತಿನ ಉದ್ಯಮಿ ಸೂರಜ್ ಬಂಗೇರ ಮೆರೆಗ್ ಮಾನಾದಿಗೆ ನಡತ್ಂಡ್.
ಮಿತ್ತ ಚಾವಡಿಡ್ ಬಿನ್ನೆರಾದ್ ವೇದಮೂರ್ತಿ ಶ್ರೀಪತಿ ಭಟ್ ಪೊಯ್ಯೆದಗುಡ್ಡೆ,
ಶಾಸಕೆರಾಯಿನ ಡಾ.ವೈ. ಭರತ್ ಶೆಟ್ಟಿ, ಭಾಗೀರಥಿ ಮರುಳ್ಯ, ಡಾ.ದೇವಿ ಪ್ರಸಾದ್ ಶೆಟ್ಟಿ ಬೆಳಪು, ಮುಂಬೈ ಕಲೀನಾ ಭಗವತಿ ದೇವಸ್ಥಾನ ಆಡಳಿತಾಧಿಕಾರಿ
ಕುಮಾರಸ್ವಾಮಿ
ಉಳ್ಳಾಲ ಶ್ರೀ ಚೀರುಂಭ ಭಗವತಿ ಕ್ಷೇತ್ರದ ಚಂದ್ರಹಾಸ್ ಉಳ್ಳಾಲ್,
ಜೈಕೃಷ್ಣ ಪರಿಸರ ಪ್ರೇಮಿ ಸಮಿತಿದ ಅಧ್ಯಕ್ಷೆರ್ ಜೈ ಕೃಷ್ಣ ಶೆಟ್ಟಿ ಶೆಟ್ಟಿ, ಮುಂಬೈ ಉದ್ಯಮಿ
ಏಕನಾಥ್ ಅಮೀನ್ ,ಉಪ್ಪಳ ಭಗವತೀ ಕ್ಷೇತ್ರದ ಸುಕುಮಾರ್ ಉಪ್ಪಳ, ಉದ್ಯಮಿ ಆರ್ ಮೋಹನ್ ಕೋಟ್ಯಾನ್, ಸಸಿಹಿತ್ಲು ದೇವಸ್ಥಾನದ
ಆಡಳಿತ ಮೊಕ್ತೇಸರೆರ್ ಚಂದ್ರಶೇಖರ ಬೆಳ್ಚಡ, ಮುಂಬೈ ಸಮಿತಿದ ವೇದಪ್ರಕಾಶ್ ಶ್ರೀಯಾನ್,ಪದ್ಮನಾಭ ಬಂಗೇರ ಮೊಕುಲು ಮಾತ ಇತ್ತೆರ್.
ಅನ್ನಸಂತರ್ಪಣೆ ಸಮಿತಿದ ಸದಾಶಿವ ಶೆಟ್ಟಿ ಮುರ, ಕಾರ್ಯಾಲಯ ಸಮಿತಿದ ನವೀನ್ ಚಂದ್ರ ಪೂಜಾರಿ, ಉಗ್ರಾಣ ಸಮಿತಿದ ಮೋಹನ್ ಶೆಟ್ಟಿಗಾರ್, ಧಾರ್ಮಿಕ ಸಭಾ ಸಮಿತಿದ ಸೋಂದಾ ಭಾಸ್ಕರ ಭಟ್ ಇತ್ತೆರ್.
ತೋನ್ಸೆ ಪುಷ್ಕಳ್ ದೇವೆರೆನ್ ಸುಗಿತೆರ್.
ಆಡಳಿತ ಸಮಿತಿದ ಅಧ್ಯಕ್ಷೆರ್ ವಾಮನ ಇಡ್ಯಾ ಬಿನ್ನೆರೆನ್ ಎದ್ಕೊಂಡೆರ್.
ರಾಜೇಂದ್ರ ಪ್ರಸಾದ್ ಎಕ್ಕಾರ್ ನಿರೂಪಣೆ ಮಲ್ತೆರ್.

ಕಾರ್ನವೆರೆಗ್ ಬಂಗಾರ್‌ದ ಬಳೆ, ಕಟೀಲ್‌ಗ್ ಬೊಳ್ಳಿದ ಕಿರೀಟ

ಸಸಿಹಿತ್ಲು ಭಗವತಿ ಕ್ಷೇತ್ರದ ಪ್ರಧಾನ ಅರ್ಚಕೆರ್ ಶ್ರೀನಿವಾಸ ಯಾನೆ ಅಪ್ಪು ಪೂಜಾರಿ ಬೊಕ್ಕ ಲಕ್ಷ್ಮೀ ದಂಪತಿಗ್ ಬಂಗಾರ್‌ದ ಬಲೆ ಪಾಡ್ಧ್ ಮಾನಾದಿಗೆ ಮಲ್ತೆರ್. ಅಂಚೆನೆ ಬ್ರಹ್ಮಕಲಶೋತ್ಸವ ಸಮಿತಿದ ಅಧ್ಯಕ್ಷೆರ್ ನಳಿನ್ ಕುಮಾರ್ ಕಟೀಲ್ ಮೆರೆಗ್ “ಬೊಳ್ಳಿದ ಕಿರೀಟ” ದೀದ್ ಸನ್ಮಾನ ಮಲ್ತೆರ್. ಆಡಳಿತ ಸಮಿತಿ ಅಧ್ಯಕ್ಷೆರ್ ವಾಮನ ಇಡ್ಯಾ ಬೊಕ್ಕ ಸತ್ಯವತಿ ದಂಪತಿಲೆಗ್ ಬೊಳ್ಳಿದ ಕಲಶ ಕೊರ್ದು ಮಾನಾದಿಗೆ ಮಲ್ತೆರ್.

ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಮುಲ್ಕಿ ರಪಕ್ಕ ಸುದ್ದಿ Flash News

ಧಾರ್ಮಿಕ ಆಚರಣೆಲು ನಮ್ಮ ಸಂಸ್ಕೃತಿದ ಪ್ರತೀಕ: ಶಾಸಕ ಉಮಾನಾಥ ಕೋಟ್ಯಾನ್

Mar 9, 2026

ಎಳತ್ತೂರು ಪಡ್ಲಕ್ಯಾರ್ ಶ್ರೀ ಮಹಾಮ್ಮಾಯಿ ಮಾರಿಗುಡಿಕ್ ಶಿಲಾನ್ಯಾಸ ಲೇಸ್

ಧಾರ್ಮಿಕ ಆಚರಣೆಲು ನಮ್ಮ ಸಂಸ್ಕ್ರತಿದ ಪ್ರತೀಕ‌ ಪಂದ್ ಶಾಸಕ ಉಮಾನಾಥ ಕೋಟ್ಯಾನ್ ಪಂಡೆರ್ ಆರ್ ಶ್ರೀ‌ಮಹಾಮ್ಮಾಯೀ ಮಾರಿಗುಡಿ ಪಡ್ಲಾಕ್ಯಾರು ಎಳತ್ತೂರು ಮುಲ್ಪದ ಪೊಸ ಶಿಲಾಮಯ ಗರ್ಭಗುಡಿತ ಶಿಲಾನ್ಯಾಸ ಲೇಸ್ ಡ್ ಪಾತೆರಿಯೆರ್.
ತಿಬಾರ್ ವೇದವ್ಯಾಸ ತಂತ್ರಿಲು ಧಾರ್ಮಿಕ ವಿಧಿ ವಿಧಾನ‌ ಮಲ್ತೆರ್ .
ಉದ್ಯಮಿ ಮನೋಹರ ಶೆಟ್ರ್ ನಿಧಿಕುಂಭಗ್ ಚಾಲನೆ ಕೊರಿಯೆರ್. ಮನೋಜ್ ಪೂಜಾರಿ ದೇವರಬೆನ್ನಿ ಶಿಲಾನ್ಯಾಸ ಮಲ್ತೆರ್.
ಈ ಪೊರ್ತುಡು ಕಾಪು ಶ್ರೀ ಮಾರಿಗುಡಿ ದೇವಸ್ಥಾನದ ಅಭಿವೃದ್ದಿ ಸಮಿತಿದ ಗುರ್ಕಾರ್ಲು ಕೆ ವಾಸುದೇವ ಶೆಟ್ಟಿ, ಉದ್ಯಮಿ ಮನೋಹರ್ ಶೆಟ್ಟಿ, ಕಿನ್ನಿಗೋಳಿ ಪಟ್ಟಣ ಪಂಚಾಯತ್ ಗುರ್ಕಾರ್ಲು ಗುರುರಾಜ್ ಮಲ್ಲಿಗೆಯಂಗಡಿ, ಸುರೇಶ್ ನಡಿಯಾಲ್ ಗುತ್ತು, ಶಶಿ ನಡಿಯಾಲ್ ಗುತ್ತು ಸದಸ್ಯರಾಯಿನ ಕುಶಲತಾ, ಪ್ರಣಿಕ್ ಕಿನ್ನಿಗೋಳಿ , ಉದ್ಯಮಿ ಸತೀಶ್ ಶೆಟ್ಟಿ ಹಿರಿಯಡ್ಕ, ಭುವಾನಾಭಿರಾಮ ಉಡುಪ ಕೊಡೆತ್ತೂರು, ಕ್ಷೇತ್ರದ ಅರ್ಚಕೆರ್ ಪುರಂದರ ರಾವ್, ಕುಶಲ್ ಪೂಜಾರಿ, ಗೋಳಿಜೋರ ಕೊರ್ದಬ್ಬು ದೈವಸ್ಥಾನ ಗುರಿಕಾರರಾಯಿನ ಶಂಕರ ಮಾಸ್ಟರ್, ಕೊರ್ದಬ್ಬು ದೈವಸ್ಥಾನದ ಅರ್ಚಕ ಶಿನಾ ಮುಖಾರಿ, ಎಳತ್ತೂರು ಪ್ರೆಂಡ್ಸ್ ಗುರ್ಕಾರ್ಲು ಪಾಂಡು ಪೂಜಾರಿ, ಮಹಿಳಾ ಘಟಕದ ಗುರ್ಕಾರ್ಲು ಜಯಲಕ್ಷೀ, ಉದ್ಯಮಿ ರೋಷನ್, ಜೀರ್ಣೋದ್ದಾರ ಸಮಿತಿಯ ಕಾರ್ಯಾಧ್ಯಕ್ಷ ಸುರೇಶ್ ಶೆಟ್ಟಿ ನಡಿಯಾಲ್ ಗುತ್ತು, ಶಶಿಧರ ಶೆಟ್ಟಿ ನಡಿಯಾಲ್ ಗುತ್ತು, ಜೀರ್ಣೋದ್ದಾರ ಸಮಿತಿ ಗುರ್ಕಾರ್ಲು ದಿವಾಕರ ಕರ್ಕೇರ, ಕೇಶವ ದೇವಾಡಿಗ, ಬೊಕ್ಕ ಕೆಲವೆರ್ ಉಪಸ್ಥಿತರಿತ್ತೆರ್.
ಕ್ಷೇತ್ರದ ಒತ್ತು ಗುರ್ಕಾರ್ಲು ವಾಮನ್ ರಾವ್ ಕಾರ್ಕಳ ಪ್ರಸ್ಥಾವನೆ ಮಲ್ತೆರ್. ಕಾರ್ಯದರ್ಶಿ ಶಶಿಕಾಂತ್ ರಾವ್ ಏಳತ್ತೂರು ಎದ್ಕೊಂಡೆರ್ , ರಾಘವೇಂದ್ರ ಎಳತ್ತೂರು ಸೊಲ್ಮೆ ಸಂದಾಯ ಮಲ್ತೆರ್.
ಶರತ್ ಕಿನ್ನಿಗೋಳಿ ನಿರೂಪಣೆ ಮಲ್ತೆರ್.