ಬೊಲ್ತೆರ್ ಸುದ್ದಿ | Belthangady News

ಎಲ್ಲೆ ಪಿಯುಸಿ ರಿಸಲ್ಟ್

Jun 17, 2022

ಬೆಂಗ್ಳೂರ್: ಸೆಕೆಂಡ್ ಪಿಯುಸಿದ ರಿಸಲ್ಟ್ ಎಲ್ಲೆ ಬರ್ರೆ ಉಂಡು ಪಂದ್ ಶಿಕ್ಷಣ ಸಚಿವೆರ್ ಬಿ.ಸಿ ನಾಗೇಶ್ ಪಂಡೆರ್.

ಸುದ್ದಿಗಾರೆರ್ನೊಟ್ಟುಗ್ ಪಾತೆರ್ದಿನ ಆರ್, ಎಲ್ಲೆ ಕಾಂಡೆ 11 ಗಂಟೆಗ್ ರಿಸಲ್ಟ್ ಬರ್ರೆ ಉಂಡು ಪಂದ್ ತೆರಿಪಾಯೆರ್.

PUC results tomorrow:

Bangalore: The education minister B C Nagesh has announced that the second PUC results will be declared tomorrow.

Talking to the media he said that the results will be announced at 11a.m tomorrow.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಬೊಲ್ತೇರ್: ಸಾದಿಡ್ ಅಡ್ದ ಬೂರ್ದಿನ ಮರಕ್ಕ್ ಬೈಕ್ ತಾಂಟ್ ದ್ ಹೋಟೆಲ್ ದ ಧನಿ ತೀರ್ ಪೋಯೆರ್

Jun 15, 2022

ಬೊಲ್ತೇರ್: ಪುಲ್ಯಕಾಂಡೆದ ಪೊರ್ತುಡ್ ಸಾದಿಗ್ ಅಡ್ಡ ಬೂರ್ದಿನ ಮರಕ್ಕ್ ಬೈಕ್ ತಾಂಟ್ ದ್, ಹೋಟೆಲ್ ದ ಧನಿ ತೀರ್ ಪೋಯಿನ ಘಟನೆ ಧರ್ಮಸ್ಥಳಡ್ ನಡತ್ ದ್ಂಡ್.

ವಸಂತ್ ಕುಮಾರ್ ಜೈನ್ (42) ಬೈಕ್ ರ್ದ್ ಬೂರ್ದ್ ತೀರ್ ಪೋಯಿನಾರ್. ಬೊಲ್ತೇರ್ ತಾಲೂಕ್ ದ ಧರ್ಮಸ್ಥಳ ಗ್ರಾಮದ ನೇತ್ರಾವತಿ ಕೈತಲ್ ದ ಅಡ್ಯಾಲ ಚಡವು ಪನ್ಪಿನಲ್ಪ ಪುಲ್ಯ ಕಾಂಡೆ 5.30ತ್ತ ಪೊರ್ತುಡ್ ಹೋಟೆಲ್ ಗ್ ಪೋನಗ ಸಾದಿಗ್ ಅಡ್ಡ ಬೂರ್ದಿನ ಮರನ್ ಬೈಕ್ ಬುಡ್ಪುನಾರ್ ತೂವಂದಿನ ಪರಿಣಾಮ ಈ ಘಟನೆ ನಡತ್ ದ್ಂಡ್. ಬೊಲ್ತೇರ್ ಪೊಲೀಸ್ ಠಾಣೆಡ್ ಈ ಪ್ರಕರಣ ದಾಖಲಾತ್ಂಡ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಧನುಷ್ ಮೂಲ್ಕಿ ಮ್ಯೂಸಿಕಲ್ಸ್ ದ “ನಂಬಿ ಸತ್ಯ ಕೊರಗಜ್ಜ” ತುಳು ಭಕ್ತಿ ಸುಗಿಪು ಬುಡುಗಡೆ

Jun 13, 2022

ಧನುಷ್ ಮೂಲ್ಕಿ ಮ್ಯೂಸಿಕಲ್ಸ್ ಅರ್ಪಣೆ ಮಲ್ಪುನ “ನಂಬಿ ಸತ್ಯ ಕೊರಗಜ್ಜ” ತುಳು ಭಕ್ತಿ ಸುಗಿಪು ಧನುಷ್ ಮೂಲ್ಕಿ ಮ್ಯೂಸಿಕಲ್ ಪನ್ಪಿನ ಯೂಟ್ಯೂಬ್ ಚಾನೆಲ್ ಡ್ ಜೂನ್ 12 ಬಯ್ಯ 5 ಗಂಟೆಗ್ ಬುಡುಗಡೆ ಆತ್ಂಡ್.

ಧನುಷ್ ಮೂಲ್ಕಿ ಮೆರ್ನ ಪೊರ್ಲ ಕಂಠದ ಸ್ವರಟ್ಟ್ ಈ ಸುಗಿಪು ಮೂಡ್ ದ್ ಬತ್ತಿತ್ತ್ ದ್, ಧನುಷ್ ಮೇರೆ ಈ ಪದನ್ ಕಂಪೋಸ್ ಬೊಕ್ಕ ಮ್ಯೂಸಿಕ್ ದ ಬೇಲೆನ್ ಮಲ್ತ್ ದೆರ್. ಈ ಸುಗಿಪುದ ಸಾಹಿತ್ಯನ್ ಹರ್ಷಿತ್ ಬಾಯರ್ ಮೇರ್ ಬರೆದಿತೆರ್. ಕೊಳಲುನ್ ವಿಜಯ್ ಆಚಾರ್ಯ ಕುಳಾಯಿ ಮೇರ್ ಕೊಳಲುದ ಸೊರ ಕೊರ್ತೆರ್ . ಅಂಚನೆ ದರ್ಶನ್ ದೇವಾಡಿಗ ಮೇರ್ ತಬಲದ ದುನಿಪು ಕೊರ್ತೆರ್.

Dhanush musicals Mulki bring out a Tulu bakthi geethe series ” Nambi Satya Koragajja”

A bakthi geethe series in Tulu ” “Nambi Satya Koragajja” was released by Danush musicals Mulki on their you tube channel by the same name on June 12th .

The singer of all the songs in the series is Danush Mulki.He has also composed the songs and has provided the music. The lyrics are by Harshith Bayar.Flutist is Vijay Acharya Kulai and the tabala is played by Darshan Devadiga.

ಜೂ. 20-25 ದ ಉಲಾಯಿ ಪಿಯುಸಿ ರಿಸಲ್ಟ್

Jun 13, 2022

ಬೆಂಗ್ಲೂರು : ಜೂನ್ 20 – 25 ತಾರೀಕ್ ದ ಉಲಾಯಿ ಕರ್ನಾಟಕ ದ್ವಿತೀಯ ಪಿಯುಸಿ ಪರೀಕ್ಷೆದ ರಿಸಲ್ಟ್ ಪ್ರಕಟ ಆಯರೆ ಉಂಡು ಪಂದ್ ಶಿಕ್ಷಣ ಇಲಾಖೆ ತೆರಿಪಾದ್ಂಡ್.

ಮೇ 18 ಗ್ ದ್ವಿತೀಯ ಪಿಯುಸಿ ಪರೀಕ್ಷೆ ಕರ್ನಾಟಕಡ್ ಮುಗಿದಿತ್ತ್ಂಡ್. ಸುರುಟ್ಟ್ ಜೂನ್ 15 ಗ್ ರಿಸಲ್ಟ್ ಪ್ರಕಟ ಆಪಿನ ನಿರೀಕ್ಷೆ ಇತ್ತ್ಂಡ್. ಇತ್ತೆ ಜೂನ್ 20-25 ದ ಉಲಾಯಿ ದ್ವಿತೀಯ ಪಿಯುಸಿ ಪರೀಕ್ಷೆದ ರಿಸಲ್ಟ್ ಪ್ರಕಟ ಆಯರೆ ಉಂಡು ಪಂದ್ ಶಿಕ್ಷಣ ಇಲಾಖೆ ತೆರಿಪಾದ್ಂಡ್.

PUC results to be announced around 20th-25th of June

Bangalore: The PUC examination results will be announced around 20-25th of this month said sources from the state education department.The PUC examination of Karnataka state ended on the 18th of May.

ಅಗೋಸ್ಟ್ ಡ್ ಅಬತರ, ಸಪ್ಟೆಂಬರ್ ಡ್ ಇಲ್ಲ್ ಒಕ್ಕೆಲ್ ಪಿಚ್ಚರ್ ಬುಡುಗಡೆ

Jun 11, 2022

ಕುಡ್ಲ : ಬೊಳ್ಳಿ ಮೂವೀಸ್ ಲಾಂಛನಡ್ ಅರ್ಜುನ್ ಕಾಪಿಕಾಡ್ ಮೆರ್ನ ನಿರ್ದೇಶನಡ್ ತಯಾರ್ ಆಯಿನ “ಅಬತರ” ತುಳು ಪಿಚ್ಚರ್ ಅಗೋಸ್ಟ್ 18ಗ್ ತುಳುನಾಡ್ ಡ್ ಬುಡುಗಡೆ ಆಯರೆ ಉಂಡು.

ಈ ಬಗೆಟ್ಟ್ ನಡತಿನ ಪತ್ರಿಕಾಗೋಷ್ಠಿಡ್ ತೆಲಿಕೆದ ಬೊಳ್ಳಿ ದೇವದಾಸ್ ಕಾಪಿಕಾಡ್ ಪಾತೆರ್ದ್, ನಮ ಸುರುಕ್ಕ್ ಜುಲೈ 1 ಕ್ಕ್ ಪಿಚ್ಚರ್ ನ್ ಬುಡುಗಡೆ ಮಲ್ಪರೆ ತಯಾರ್ ಆದಿತ್ತ. ರಾಜ್ ಸೌಂಡ್ಸ್ ಆಂಡ್ ಲೈಟ್ಸ್ ಪಿಚ್ಚರ್ ಇತ್ತೆ ತುಳುನಾಡ್ ಡ್ ಎಡ್ಡೆ ರೀತಿಡ್ ಬಲಿತೊಂದ್ ಉಂಡು. ಉಂದು ತುಳು ಚಿತ್ರರಂಗಗ್ ಒಂಜಿ ಭದ್ರ ಬುನಾದಿ ಕನತಿಲೆಕ್ಕ ಆತ್ಂಡ್. ಇಂಚಾದ್ ಒಂಜಿ ಪಿಚ್ಚರ್ ಎಡ್ಡೆ ರೀತಿಡ್ ಬಲಿತ್ತೊಂದ್ ಇಪ್ಪುನಗ ನನೊಂಜಿ ಪಿಚ್ಚರ್ ಬುಡುಗಡೆ ಮಲ್ತ್ಂಡ ರಡ್ಡ್ ಪಿಚ್ಚರ್ ಗ್ ಲ ತೊಂದರೆ ಆಪುಂಡು. ಇಂಚಾದ್ ನಮ ದಿನ‌ ದುಂಬು ದೀತ. ಅಗೋಸ್ಟ್ 18ಗ್ ಅಬತರ ಪಿಚ್ಚರ್ ಅಂಚನೆ ಸಪ್ಟೆಂಬರ್ ಡ್ ಇಲ್ಲ್ ಒಕ್ಕೆಲ್ ಪಿಚ್ಚರ್ ಬುಡುಗಡೆ ಆಯರೆ ಉಂಡು ಪಂದ್ ಪಂಡೆರ್.

ಇಲ್ಲ್ ಒಕ್ಕೆಲ್ ಪಿಚ್ಚರ್ ದ ನಿರ್ಮಾಪಕೆರ್ ಡಾ. ಸುರೇಶ್ ಪಾತೆರ್ದ್, ರಾಜ್ ಸೌಂಡ್ಸ್ ಆಂಡ್ ಲೈಟ್ಸ್ ಪಿಚ್ಚರ್ ಎಡ್ಡೆ ರೀತಿಡ್ ಯಶಸ್ಸ್ ತೋಜೊಂದಿಪ್ಪುನವ್ ತುಳು ಚಿತ್ರರಂಗಗ್ ಮಲ್ಲ ರೀತಿಡ್ ಗೆಲ್ಮೆ ತಿಕ್ಕಿಲೆಕ್ಕ ಆತ್ಂಡ್. ತುಳು ಭಾಷಾಭಿಮಾನಿಲು ಪಿಚ್ಚರ್ ಗ್ ಬೆರಿತಾಂಗ್ ಕೊರ್ಂಡ ತುಳು ಚಿತ್ರರಂಗ ಎಡ್ಡೆ ರೀತಿಡ್ ಬುಳೆಯುಂಡು ಪಂದ್ ಪಂಡೆರ್.

ದೇವದಾಸ್ ಕಾಪಿಕಾಡ್, ನವೀನ್ ಡಿ ಪಡೀಲ್, ಅರವಿಂದ ಬೋಳಾರ್, ಬೋಜರಾಜ್ ವಾಮಂಜೂರು, ಸಾಯಿಕೃಷ್ಣ ಕುಡ್ಲ, ಅರ್ಜುನ್ ಕಾಪಿಕಾಡ್ ಇಂಚಿನ ಮಸ್ತ್ ಕಲಾವಿದೆರ್ ಅಬತರ ಅಂಚನೇ ಇಲ್ಲ್ ಒಕ್ಕೆಲ್ ಪಿಚ್ಚರ್ ಡ್ ನಟನೆ ಮಲ್ತ್ ದೆರ್.

ಮುಲ್ಕಿ ನಗರ ಪಂಚಾಯತ್ ಸದಸ್ಯೆರ್ ಯೋಗೀಶ್ ಕೋಟ್ಯಾನ್, ವಾಸುದೇವ್ ಪತ್ರಿಕಾಗೋಷ್ಠಿಡ್ ಇತ್ತೆರ್.

Tulu movie ‘Abatara’ to be released in August and ‘Ealokkel’ to be released in October

Mangalore: Bolli movies banner will release the Tulu movie ‘Abatara’ directed by Arjun Kapikad on August 18th in Tulunadu.

At a press conference in this regard Tulu star Devdas Kapikad said that though the movie was set to release on July 1st ; the release date was advanced owing to the great response of Tulu movie goers to the movie ‘ Raj Sounds and lights ‘ . So releasing another Tulu movie would hamper box office collection of both the movies he said.

The directior of the movie Ealokkel ‘ Dr Suresh said the success of” Raj Sounds and lights ” has given a good boost to the Tulu film industry.The Tulu cinegoers have given a tremendous response to the Tulu film industry he said.

Both the movies feature Devdas Kapikad, Arvind Bolar, Bojaraj Vamanjoor, Navin Padil and other well known names of the Tulu film world.

ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ತಿಗಲೆ ಬೇನೆಡ್ ತೀರ್ ಪೋಯೆರ್ ಮೇಲಂತಬೆಟ್ಟು ಗ್ರಾಮ ಸಹಾಯಕೆರ್ ಸುಂದರ ಗೌಡ ಬನಾರಿ

Jun 7, 2022

ಉರುವಾಲು: ಮೇಲಂತಬೆಟ್ಟು ಅಂಚನೆ ಮಚ್ಚಿನ ಗ್ರಾಮ ಸಹಾಯೆಕೆರ್ ಸುಂದರ ಗೌಡ ಬನಾರಿ (48) ಮೇರ್ ಮೇಲಂತಬೆಟ್ಟು ಕಚೇರಿಡ್ ತಿಗಲೆ ಬೇನೆಡ್ ಜೂ.7 ಕ್ಕ್ ತೀರ್ ಪೋಯೆರ್.

ತೀರ್ ಪೋಯಿನಾರ್ ಮೂಲತಃ ಉರುವಾಸಿದಾರ್. ಮೇಲಂತಬೆಟ್ಟು ಅಂಚನೆ ಮಚ್ಚಿದ ಗ್ರಾಮ ಸಹಾಯಕೆರ್ ಆದ್ ಬೇಲೆ ಮಲ್ದಿನಾರ್.

Sunder Gowda Banari a helper at Maylantabettu Grama panchayat dies of a heart attack

Uruvalu: Sunder Gowda Banati(48) a helper at Maylantabettu and Machina gram panchayat died of a heart attack at the Maylantabettu office on July 7th. He was from Uruvasi; and was on duty in Maylantabettu.

ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಜೂನ್ 5 ಕ್ಕ್ ಬೊಲ್ತೇರ್ ದ ಬಂಟರ ಯಾನೆ ನಾಡವರ ಸಂಘದ “ಬಂಟರ ಸಮಾವೇಶ-2022

Jun 3, 2022

ಬೊಲ್ತೇರ್ ತಾಲ್ಲೂಕ್ ದ ಗುರುವಾಯನಕೆರೆ ಬಂಟರ ಯಾನೆ ನಾಡವರ ಸಂಘಡ್ ಜೂನ್ 5 ಐತಾರ ಕಾಂಡೆ 10 ಗಂಟೆಗ್ “ಬಂಟರ ಸಮಾವೇಶ-2022” ಲೇಸ್ ಗುರುವಾಯನಕೆರೆದ ಬಂಟರ ಭವನಡ್ ನಡಪರೆ ಉಂಡು.

ಕುಡ್ಲದ ಸಂಸದೆರ್ ನಳಿನ್ ಕುಮಾರ್ ಕಟೀಲ್ ತುಡರ್ ಆರ್ಲಾದ್ ಲೇಸ್ ಉದಿಪನ ಮಲ್ಪರೆ ಉಲ್ಲೆರ್. ಶ್ರೀ ಕ್ಷೇತ್ರ ಒಡಿಯೂರುದ ಪರಮಪೂಜ್ಯ ಶ್ರೀ ಗುರುದೇವಾನಂದ ಸ್ವಾಮಿಲು ಆಶೀರ್ವಚನ ಮಲ್ಪರೆ ಉಲ್ಲೆರ್. ಬಂಟರ ಯಾನೆ ನಾಡವರ ಸಂಘ ಬೊಲ್ತೇರ್ ದ ಅಧ್ಯಕ್ಷೆರ್ ಪುಷ್ಪರಾಜ್ ಶೆಟ್ಟಿ ಲೇಸ್ ದ ಗುರ್ಕಾರ್ಮೆ ವಹಿಸೊನ್ಯರ ಉಲ್ಲೆರ್.

ಮಲ್ಲ ಬಿನ್ನೆರ್ ಆದ್ ಬೊಂಬಾಯಿ ಹೇರಂಬ ಸಮೂಹ ಸಂಸ್ಥೆದ ಚೇರ್ ಮನ್ ಸದಾಶಿವ ಶೆಟ್ಟಿ ಕನ್ಯಾನ, ತುಳುಕೂಟ ಬರೋಡದ ಅಧ್ಯಕ್ಷೆರ್ ಶಶಿಧರ ಶೆಟ್ಟಿ ನವಶಕ್ತಿ ಗುರುವಾಯನಕೆರೆ, ಗುರ್ಮೆ ಫೌಂಡೇಶನ್ ದ ಅಧ್ಯಕ್ಷೆರ್ ಸುರೇಶ್ ಶೆಟ್ಟಿ ಗುರ್ಮೆ, ಹೆಬ್ರಿ ಬಂಟರ ಯಾನೆ ನಾಡವರ ಸಂಘದ ಅಧ್ಯಕ್ಷೆರ್ ಉದಯ್ ಕುಮಾರ್ ಶೆಟ್ಟಿ ಮುನಿಯಾಲು ಲೇಸ್ ಡ್ ಪಾಲ್ ಪಡೆಯರೆ ಉಲ್ಲೆರ್.

ಬಂಟ ಸಮಾಜದ ಬೇತೆ ಬೇತೆ ಕ್ಷೇತ್ರದ ಸಾಧಕೆರೆಗ್ ಮಾನಾದಿಗೆದ ಲೇಸ್ ನಡಪರೆ ಉಂಡು. ಕಾಂಡೆ 9.30 ಗ್ ಬಂಟ ಪ್ರತಿಭೆಲೆಡ್ದ್ ವೈವಿಧ್ಯಮಯ ಸಾಂಸ್ಕೃತಿಕ ಕಾರ್ಯಕ್ರಮ ಉಂಡು. ಮಧ್ಯಾಹ್ನ 3 ಗಂಟೆಗ್ “ಯಕ್ಷ ಗಾನ ಹಾಸ್ಯ ನಾಟ್ಯ ವೈಭವ” ಕಾರ್ಯಕ್ರಮ ನಡಪರ ಉಂಡು.

ಈ ಲೇಸ್ ಗ್ ಬಂಟರ ಯಾನೆ ನಾಡವರ ಸಂಘ ಬೊಲ್ತೇರ್ ದ ಕಾರ್ಯದರ್ಶಿ ರಾಜು ಶೆಟ್ಟಿ ಬೆಂಗತ್ಯಾಯ, ಕೋಶಾಧಿಕಾರಿ ಪಿ.ಹೆಚ್ ಪ್ರಕಾಶ್ ಶೆಟ್ಟಿ ನೊಚ್ಚ, ಉಪಾಧ್ಯಕ್ಷೆರ್ ರಾಜೇಶ್ ಶೆಟ್ಟಿ ನವಶಕ್ತಿ, ಜತೆ ಕಾರ್ಯದರ್ಶಿ ಸುರೇಶ್ ಶೆಟ್ಟಿ ಲಾಯಿಲ,ಯುವ ವಿಭಾಗದ ಅಧ್ಯಕ್ಷೆರ್ ಕಿರಣ್ ಕುಮಾರ್ ಶೆಟ್ಟಿ, ಪೊಂಜೊವ್ ಲೆನ ವಿಭಾಗದ ಅಧ್ಯಕ್ಷೆರ್ ಸಾರಿಕ ಡಿ. ಶೆಟ್ಟಿ ಬೊಕ್ಕ ಕಾರ್ಯಕಾರಿ ಸಮಿತಿದ ಸದಸ್ಯೆರ್, ಬಂಟರ ಯುವ ವಿಭಾಗ ಬೊಕ್ಕ ಬಂಟರ ಪೊಂಜೊವ್ ಲೆನ ವಿಭಾಗದ ಸರ್ವ ಸದಸ್ಯೆರ್ ಲೇಸ್ ಗ್ ಮಾತೆರೆನ್ಲ ಎದ್ಕೊನೊಂದುಲ್ಲೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ವಿಟ್ಲ: ಅನ್ನಭಾಗ್ಯದ ಅರಿ ಮಾರ್ ದಿನ ಆರೋಪಿ ಬೊಕ್ಕ 15 ಟನ್ ಅರಿ ಪೊಲೀಸೆರ್ನ ವಶಕ್ಕ್

Jun 3, 2022

ವಿಟ್ಲ: ಅನ್ನಭಾಗ್ಯದ ಅರಿನ್ ಅಕ್ರಮವಾದ್ ಪತ್ತೊಂದ್ ಪೋವೊಂದಿತ್ತಿನ ಆರೋಪಿಲೆನ್ ವಿಟ್ಲ ಪೊಲೀಸೆರ್ ನಾಡ್ ಪತ್ತ್ ದೆರ್. ಒರಿ ಆರೋಪಿ ಅಂಚನೆ ಸೊತ್ತುಲೆನ್ ವಶಕ್ಕ್ ಪಡೆಯಿನ ಘಟನೆ ಬೋಳಂತೂರ್ ಗ್ರಾಮದ ಎನ್.ಸಿ ರೋಡ್ ದಲ್ಪ ನಡತ್ ದ್ಂಡ್.

ಲಾರಿ ಡ್ರೈವರ್ ಮಡಿಕೇರಿದ ಚಂದ್ರೇಶ್ ಆರೋಪಿ. ಲಾರಿಡ್ ಸುಮಾರ್ 15 ಟನ್ ಅರಿನ್ ಕೊನೊಂದಿತ್ತ್ ದ್, ಈ ಬಗೆಟ್ಟ್ ಮಾಹಿತಿ ಪಡೆಯಿನ ವಿಟ್ಲ ಪೊಲೀಸೆರ್ 313 ಗೋಣಿ 15 ಟನ್ ಅರಿನ್ ವಶಕ್ಕ್ ದೆತೊಂದೆರ್.

Vittal: Rice from Annabaghya scheme illegally transported The culprit and 15 tonnes of rice in police custody

Vittal: Rice to be distributed under the Annabaghya scheme was illegally transported ; and the Vittal police were successful in nabbing the culprits and the rice.

The lorry driver Chandresh is from Madikeri.He was transporting rice with out the necessary documents.

ಪೂಜೆಗ್ ಕುಲ್ಲುನಗ ಬಿರೆಲ್ ಗ್ ದರ್ಬೆದ ಉಂಗಿಲ ದಾಯೆ ಪಾಡುವೆರ್?

Jun 2, 2022

ದರ್ಬೆನ್ ಪಿರಾಕ್ ದ ಕಾಲರ್ದ್ ಲ ಪೂಜೆದ ಪೊರ್ತುಡು ಗಲಸೊಂದ್ ಉಲ್ಲೆರ್. ವೇದದ ಕಾಲರ್ದ್ ಲ ದೇವೆರ್ ಕುಲ್ಲುನ ಜಾಗೆಡ್ ಗ್ರಹಣಗ್ ದುಂಬು ದರ್ಬೆನ್ ದೀಪುನ ಪದ್ಧತಿ ಆಚರಣೆಡ್ ಉಂಡು. ದರ್ಬೆ ಇಂದ್ರನ ವಜ್ರಾಯುಧ ಇತ್ತಿಲೆಕ್ಕ. ದರ್ಬೆನ್ ದೇವಲೋಕರ್ದ್ ಯಜ್ಞ ಯಾಗಾದಿಗ್ ಪಂದೇ ಭೂ ಲೋಕಗ್ ಭಗವಂತೆ ಕಡಪುರ್ದ್ ಕೊರ್ತೆ ಪಂದ್ ನಮ್ಮ ಶಾಸ್ತ್ರಲೆಡ್ ಉಲ್ಲೇಖ ಉಂಡು. ಹೋಮ ಮಲ್ಪುನಗ ದರ್ಬೆನ್ ಹೋಮಕುಂಡದ ಸುತ್ತ 4 ಬರಿಟ್ಟ್ ಲ ದೀಪೆರ್.

ಇಲ್ಲಡ್ ನಮ ಮಲ್ಪುನ ಒವ್ವೆ ಕಾರ್ಯಕ್ರಮದ ಸುರುಕ್ಕ್ ಒಂಜಿ ಆಚರಣೆ ರೂಢಿಡ್ ಉಂಡು. ಅವ್ ದಾದ ಪಂಡ ದರ್ಬೆದ ಒಂಜಿ ಗೊಂಚಲ್ ನ್ ಪತೊಂದ್ ಆಯಿತ್ತ ಕೊಡಿರ್ದ್ ಮಾತ ಪೂಜೆದ ಸಾಮಾನ್ ದ ಮಿತ್ತ್, ಪೂಜೆ ಮಲ್ಪುನ ಜಾಗೆದ ಪ್ರತಿ ಮೂಲೆಗ್, ಪೂಜೆಗ್ ಕುಲ್ಲ್ ನಕ್ಲೆನ ಮಿತ್ತ್ ನೀರ್ ನ್ ಪಾಡುವೆರ್. ಇಂಚ ಮಲ್ಪರೆ ಕಾರಣ ಉಂಡು. ಅವ್ ದಾದ ಪಂಡ ದರ್ಬೆದ ಕೊಡಿರ್ದ್ ಶಬ್ದ ಸಂವೇದನಾ ಕಂಪನನ್ ಉಂಡು ಮನ್ಪುನ ಶಕ್ತಿ ಉಂಡು ಪನ್ಪಿನ ನಂಬಿಕೆ. ದರ್ಬೆಡ್ ಇಪ್ಪುನ ಕಂಪನಾ ಶಕ್ತಿನ್ ನೀರ್ ಪತ್ತೊನುಂಡು. ಈ ನೀರ್ ಒಲ್ಪ ಪೂರ ಪಾಡುವೆರಾ ಅಲ್ಪ ಪೂರ ಶಕ್ತಿದ ಸಂಚಲನ ಆಪುಂಡ್.

ಇಂಚಾದ್ ಕೊಡಿ ಇಜ್ಜಂದಿನ ದರ್ಬೆನ್ ಗಲಸುಲೆಕ್ಕ ಇಜ್ಜಿ. ಉಂದು ಅತ್ತಂದೇ ದರ್ಬೆರ್ದ್ ಮಲ್ಪುನ ಪವಿತ್ರವಾಯಿನ ಉಂಗಿಲನ್ ಪೂಜೆದ ಪೊರ್ತುಡು ಆಣ್ ಲು ಬಲತ್ತ ಕೈಟ್ ಇಪ್ಪುನ ಉಂಗಿಲದ ಬಿರೆಲ್ ಗ್ ಪಾಡುವೆರ್. ಅಶುಭದ ಪೊರ್ತು ಆಯಿನ ಸಾವು ಇಂಚಿತ್ತಿನ ಪೊರ್ತುಡು ಒಂಜಿ ಎಸಲ್ ದ ದರ್ಬೆನ್, ಪೂಜೆ ಅಂಚನೆ ಶುಭವಾಯಿನ ಪೊರ್ತುಡು ರಡ್ಡ್ ಎಸಳ್ ದ ದರ್ಬೆನ್, ಅಮಾವಾಸ್ಯೆ ಅಂಚನೆ ಶ್ರಾದ್ಧ ಕಾರ್ಯಡ್ 3 ಎಸಳ್ ದ ದರ್ಬೆನ್, ದೇವಲ್ಯಡ್ ಮಲ್ಪುನ ಪೂಜೆಲೆಡ್ 4 ಎಸಳ್ ತ್ತ ದರ್ಬೆನ್ ಗಲಸುನ ವಾಡಿಕೆ ಉಂಡು. ಅಂಚಾಂಡ ಈ ದರ್ಬೆದ ಉಂಗಿಲದ ಮಹತ್ವ ದಾದ..?

ದರ್ಬೆ ಉಂಗಿಲದ ಮಹತ್ವ

ಒವ್ವೆ ಪೂಜೆ, ಯಜ್ಞ, ಹೋಮ, ಹವನಡ್ ದರ್ಬೆದ ಪವಿತ್ರವಾಯಿನ ಉಂಗಿಲನ್ ಪಾಡುನ ಪಿರಾಕ್ ರ್ದ್ ಲ ಬತ್ತಿನ. ಒಂಜಿ ಸುಂದರವಾಯಿನ ಸಂಪ್ರದಾಯ. ಬ್ರಾಣೆರ್ ಬೊಕ್ಕ ವೈಷ್ಣವೆರ್ ಶುಭ ಕಾರ್ಯಡ್ ಅತ್ತಂಡ ಅಶುಭ ಕಾರ್ಯಕ್ರಮನ್ ಮಲ್ಪುನ ಪೊರ್ತುಡು ದರ್ಬೆ ದರ್ಬೆದ ಉಂಗಿಲನ್ ಕೈತ್ತ ಬಿರೆಳ್ ಗ್ ಪಾಡುವೆರ್. ನಮ ಒವ್ವೆ ವ್ರತ, ಯಜ್ಞ-ಯಾಗಾದಿಲು, ಪೂಜೆನ್ ಮಲ್ಪುನಗ ಭಗವಂತನ ಶಕ್ತಿದ ಒಟ್ಟುಗ್ ದುಷ್ಟ ಶಕ್ತಿಲ ಇಪ್ಪುಂಡ್. ಅಪಗ ನಮ್ಮ ಕೈಟ್ ಇಪ್ಪುನ ದರ್ಬೆದ ದರ್ಶನರ್ದ್ ದುಷ್ಟ ಶಕ್ತಿಲು ಅಲ್ಪರ್ದ್ ಬಲ್ತ್ ಪೋಪ ಪನ್ಪಿನ ನಂಬಿಕೆ ಉಂಡು.

ದರ್ಬೆ ಮಿತ್ತ್ ರ್ದ್ ತೂನಗ ಸಂಗವಾದ್ ಬುಳೆಪುನ ಪಜೀರ್.ಆಂಡ ಜಾಗೆಡ್ ಇಪ್ಪುನ ದುಷ್ಟ ಶಕ್ತಿಲೆನ್ ನಿಯಂತ್ರಣ ಮಲ್ಪುನ ಶಕ್ತಿ ದರ್ಬೆಗ್ ಉಂಡು. ಆಯಿಕ್ಕಾದ್ ಯಜ್ಞ-ಯಾಗದ ಪೊರ್ತುಡು ದರ್ಬೆನ್ ಉಂಗಿಲ ಮಲ್ತ್ ದ್ ಬಿರೆಲ್ ಗ್ ಪಾಡುವೆರ್.

ಕೇರಳ, ಕರ್ನಾಟಕ ರಾಜ್ಯಡ್ ಇನಿರ್ದ್ ಭಾರೀ ಬರ್ಸ

May 30, 2022

ಕೇರಳಡ್ ಪನಿ ಬರ್ಸ ಬರೊಂದಿತ್ತ್ ದ್, ರಾಜ್ಯಡ್ ಇನಿರ್ದ್ ಬರ್ಸ ಸುರು ಆಯರೇ ಉಂಡು. ದುಂಬುದ 3 ದಿನಟ್ಟ್ ಕೇರಳ ಅಂಚನೆ ಮಾಹೆ ಲಕ್ಷ ದ್ವೀಪಲೆಡ್ ತೆಡಿಲ್ ದೊಟ್ಟುಗ್ ಬರ್ಸ ಬರ್ಪಿನ ಸಾಧ್ಯೆತೆ ಉಂಡು.

ಆಂಧ್ರಪ್ರದೇಶ, ತೆಲಂಗಾಣ, ಕರ್ನಾಟಕ ಅಂಚನೆ ತಮಿಳುನಾಡು, ಪುದುಚೇರಿ ಅಂಚೆನೆ ಕಾರೈಕಲ್ ಡ್ ಬರ್ಸ ಬರ್ಪಿನ ಸಾಧ್ಯತೆ ಉಂಡು ಪಂದ್ ಹವಾಮಾನ ಇಲಾಖೆ ಮುನ್ಸೂಚನೆ ಕೊರ್ತ್ಂಡ್. ದುಂಬುದ 3-4 ದಿನತ್ತ ಕಾಲ ಕೆಲ ಭಾಗಲೆಡ್ ಬರ್ಸ ಬರ್ಪಿನ ಸಾಧ್ಯೆತೆ ಉಂಡು.

Heavy rains likely in the state

The monsoons have entered Kerala and rains aer likely to begin in the state soon.In the next 3 days heavy rains with lightning are predicted in Kerala, Mahe and the Lakshadweep islands.

Rains are likely in Andhra Pradesh, Telangana, Karnataka Tamil Nadu, Pondicherry and Karaikal.