ಬೊಲ್ತೆರ್ ಸುದ್ದಿ | Belthangady News

ತುಳುನಾಡ ಟಾಕೀಸ್ ಡ್ ಸುರುವಾಂಡ್ “ಅಬತರ”

Aug 18, 2022

ಕುಡ್ಲ : ಬೊಳ್ಳಿ ಮೂವೀಸ್ ಬೊಕ್ಕ ಅವಿಕ ಪ್ರೊಡಕ್ಷನ್ ಡ್ ಅರ್ಜುನ್ ಕಾಪಿಕಾಡ್ ನಿರ್ದೇಶನಡ್ ತಯಾರ್ ಆಯಿನ ತುಳು ಪಿಚ್ಚರ್ “ಅಬತರ” ಇನಿ ತುಳುನಾಡ್ ಡ್ ಬುಡುಗಡೆ ಆಂಡ್.

ಅಬತರ ಪಿಚ್ಚರ್ ದ ನಿರ್ದೇಶಕೆ, ಹೀರೊ ಅರ್ಜುನ್ ಕಾಪಿಕಾಡ್ ಪಾತೆರ್ದ್, ಜನಕ್ಲೆಗ್ ಇಷ್ಟ ಆಪಿಲೆಕ್ಕ ಉಂದು ಸಂಪೂರ್ಣವಾದ್ ಕಾಮಿಡಿ ಇಪ್ಪುನ ಅಂಚನೆ ಸಮಾಜಗ್ ಎಡ್ಡೆ ಸಂದೇಶ ಕೊರ್ಪಿನ ಪಿಚ್ಚರ್ ಆದುಂಡು. ಪೆರಿಯ ಕಲಾವಿದೆರ್ ಆಯಿನ ನವೀನ್ ಡಿ ಪಡೀಲ್, ಅರವಿಂದ ಬೋಳಾರ್, ಭೋಜರಾಜ್ ವಾಮಂಜೂರು, ಸಾಯಿಕೃಷ್ಣ ಈ ಪಿಚ್ಚರ್ ಡ್ ನಟನೆ ಮಲ್ತ್ ದೆರ್. ಅಂಚನೆ ಹೀರೊಯಿನ್ ಆದ್ ಗಾನ ಭಟ್, ಕ್ರಿಸ್ಟಿನಾ ಅಭಿನಯ ಮಲ್ತ್ ದೆರ್ ಪಂದ್ ಪಂಡೆರ್.

ಪುಗರ್ತೆದ ನಟೆ ಅರವಿಂದ ಬೋಳಾರ್ ಪಾತೆರ್ದ್ ಅಬತರ ತುಳು ಪಿಚ್ಚರ್ ದ ಕಥೆನ್ ಡಾ. ದೇವದಾಸ್ ಕಾಪಿಕಾಡ್ ಬರೆತೆರ್. ಅಂಚನೆ ತುಳುನಾಡ ಆ್ಯಕ್ಷನ್ ಕಿಂಗ್ ಅರ್ಜುನ್ ಕಾಪಿಕಾಡ್ ಅಭಿನಯದೊಟ್ಟುಗ್ ಸುರುತ್ತ ಸರ್ತಿ ನಿರ್ದೇಶನ ಮಲ್ತ್ ದೆರ್ ಪಂದ್ ಪಂಡೆರ್.

ಅಬತರ ಪಿಚ್ಚರ್ ದ “ಬಿನ್ನೆರ್ ಬೈದಿನ ಗೌಜಿಡ್…” ಪದ್ಯ ಪಿಚ್ಚರ್ ಬುಡುಗಡೆ ಆಪಿನ ದುಂಬೆ ಯೂಟ್ಯೂಬ್ ಡ್ 5 ಲಕ್ಷರ್ದ್ ಲ ಎಚ್ಚದ ವೀಕ್ಷಣೆ ಆತ್oಡ್.

ಈ ಪೊರ್ತುಡು ತೆಲಿಕೆದ ಬೊಳ್ಳಿ ದೇವದಾಸ್ ಕಾಪಿಕಾಡ್, ಐವನ್ ಡಿಸೋಜ, ಛಾಯಾಗ್ರಾಹಕೆರ್ ವಿಷ್ಣು ಪ್ರಸಾದ್, ಜೇಕೋಬ್, ಕಾರ್ಯಕಾರಿ ನಿರ್ಮಾಪಕೆರ್ ಸಂದೀಪ್ ಶೆಟ್ಟಿ, ನಿಖಿಲ್ ಸಾಲ್ಯಾನ್ ನಿರ್ಮಾಪಕೆರ್, ವೀರಾಜ್ ಅತ್ತಾವರ ಸಹನಿರ್ಮಾಪಕೆರ್ ಲೇಸ್ ಡ್ ಪಾಲ್ ಪಡೆದಿತ್ತೆರ್.

“Abatara” movie in the theatres from today in Tulunadu

Mangalore: “Abatara” Tulu movie under the Bolli movies banner and under the Avika productions directed by Arjun Kapikad has been released in Tulunadu today.

Arjun Kapikad who has directed is in the lead role too. Speaking at to the press he said that the movie was a fun filled comedy with a message to the society.Senior Tulu stars Arvind Bolar, Bojaraj Vamanjoor ,Sai Krishna and Naveen D Padil also figure in the movie.The female lead is Gana Bhat and Christina .

Arvind Bolar added that the story line is written by Dr Devdas Kapikad and action king Arjun Kapikad is directing for the first time. A song of the movie released on YouTube some time back has gained five lakh views.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಉಜಿರೆಡ್ ಸ್ವಾತಂತ್ರ್ಯ ದಿನಾಚರಣೆದ ಅಮೃತ ಮಹೋಚ್ಚಯ ಆಚರಣೆ; ಭವ್ಯ ಭಾರತ ನಿರ್ಮಾಣದ ಸಂದೇಶ ಕೊರಿಯೆರ್ ರಾಜ್ಯಸಭಾ ಸದಸ್ಯೆರ್ ಡಿ. ವೀರೇಂದ್ರ ಹೆಗ್ಗಡೆರ್

Aug 16, 2022

ಉಜಿರೆ: ರಾಷ್ಟ್ರಪಿತ ಮಹಾತ್ಮಾಗಾಂಧೀಜಿ ಮೇರ್ ಸತ್ಯ ಬೊಕ್ಕ ಅಹಿಂಸೆದ ಮುಖೇನ ದೇಶದ ಜನಕ್ಲೆನ್ ಒಟ್ಟು ಮಲ್ತ್ ದ್ ಸ್ವಾತಂತ್ರ್ಯ ಪಡೆಪುನಲ್ಪ ಯಶಸ್ವಿಯಾತೆರ್. ಭಾರತ ವಿಶ್ವದ ಶ್ರೇಷ್ಠ ರಾಷ್ಟ್ರವಾದಿತ್ತ್ ದ್ ನಮ ಭಾರತೀಯೆರ್ ಪಂದ್ ಪನಿಯರೆ ಪೆರ್ಮೆ ಆಪುಂಡು ಪಂದ್ ರಾಜ್ಯಸಭಾ ಸದಸ್ಯೆರ್, ಧರ್ಮಸ್ಥಳದ ಧರ್ಮಾಧಿಕಾರಿ ಡಿ. ವೀರೇಂದ್ರ ಹೆಗ್ಗಡೆರ್ ಪಂಡೆರ್.

ಆರ್ ಸೋಮಾರದಾನಿ ಉಜಿರೆ ಎಸ್.ಡಿ.ಎಂ. ಶಿಕ್ಷಣ ಸಂಸ್ಥೆದ ಮುತಾಲಿಕೆಡ್ ರತ್ನವರ್ಮ ಹೆಗ್ಗಡೆ ಕ್ರೀಡಾಂಗಣಡ್ ನಡತಿನ ಸ್ವಾತಂತ್ರ್ಯ ದಿನಾಚರಣೆದ ಲೇಸ್ ಡ್ ಧ್ವಜಾರೋಹಣ ಮಲ್ತ್ ದ್, ಕಲ್ಪಾರ್ಥಿಲೆಗ್ ರಾಷ್ಟ್ರಧ್ವಜ ಕೊರ್ದು ಎಡ್ಡೆಪ್ಪುನ್ ಬಯಕ್ಯೆರ್. ಸ್ವಾತಂತ್ರ್ಯದ ಶತಮಾನೋತ್ಸವ ಆಚರಣೆದ ಪೊರ್ತುಡು ದೇಶನ್ ಭವ್ಯ ಭಾರತವಾದ್ ಎಂಚ ಮಲ್ಪೊಲಿ ಪನ್ಪಿನವ್ ಯುವಜನಕ್ಲೆನ ಜಬದಾರಿ ಆದುಂಡು ಪಂದ್ ಆರ್ ಪಂಡೆರ್.

ಎಸ್.ಡಿ.ಎಂ. ಶಿಕ್ಷಣ ಸಂಸ್ಥೆದ ಕಾರ್ಯದರ್ಶಿಲು ಡಿ. ಹರ್ಷೇಂದ್ರ ಕುಮಾರ್ ಬೊಕ್ಕ ಡಾ. ಎಸ್. ಸತೀಶ್ಚಂದ್ರ, ಸುಪ್ರಿಯಾ ಹರ್ಷೇಂದ್ರಕುಮಾರ್, ಎಸ್.ಡಿ.ಎಂ. ಕಾಲೇಜ್ ದ ಪ್ರಾಂಶುಪಾಲೆರ್ ಡಾ. ಪಿ. ಯನ್. ಉದಯಚಂದ್ರ, ಆಡಳಿತಾಧಿಕಾರಿ ಹರೀಶ್ ಎಂ. ವೈ. ಎಂಜಿನಿಯರಿಂಗ್ ಕಾಲೇಜ್ ದ ಪ್ರಾಂಶುಪಾಲೆರ್ ಡಾ. ಅಶೋಕ ಕುಮಾರ್, ಪ್ರಕೃತಿ ಚಿಕಿತ್ಸಾ ಬೊಕ್ಕ ಯೋಗ ವಿಜ್ಞಾನ ಕಾಲೇಜ್ ದ ಪ್ರಾಂಶುಪಾಲೆರ್ ಡಾ. ಪ್ರಶಾಂತ ಶೆಟ್ಟಿ, ಪದವಿಪೂರ್ವಕಾಲೇಜ್ ದ ಪ್ರಾಂಶುಪಾಲೆರ್ ಪ್ರೊ. ದಿನೇಶ್‌ ಚೌಟ, ಸ್ನಾತಕೋತ್ತರ ಅಧ್ಯಯನ ಕೇಂದ್ರದ ಡೀನ್ ಡಾ. ಪಿ. ವಿಶ್ವನಾಥ್, ಮಾತ ಎಸ್.ಡಿ.ಎಂ. ಸಂಸ್ಥೆಲೆನ ಮುಖ್ಯಸ್ಥೆರ್, ಸಿಬ್ಬಂದಿಲು ಬೊಕ್ಕ ಕಲ್ಪಾರ್ಥಿಲು ಲೇಸ್ ಡ್ ಇತ್ತೆರ್.

ಉಪನ್ಯಾಸಕೆರ್ ಸುನಿಲ್ ಪಂಡಿತ್ ಲೇಸ್ ಸುದಾರಿಕೆ ಮಲ್ತೆರ್. ಕಲ್ಪಾರ್ಥಿಲೆಡ್ದ್ ಸಾಂಸ್ಕೃತಿಕ ಕಾರ್ಯಕ್ರಮ ನಡತ್ಂಡ್.

The 75 th independence day celebrations at Ujjire:

Let us build a strong nation together – MP Veerendra Heggade gives a clarion call

Ujjire: ” We got our freedom through the doctrine of Ahimsa advocated by the father of our nation Mahatma Gandhi.Our country today is one of the most respected nations of the world.We should be proud to be citizens of this great nation” said Sri D Veerendra Heggade after hoisting the national flag at the Sri Rathnaverma Heggade stadium in Ujjire at a function organised under the auspices of the SDM Society.

He added that it is the duty of today’s youth to build a strong nation by the time we celebrate the nation’s centenary celebrations of independence.

The members and office bearers of SDM Society, principals of various colleges and schools under the SDM Society dignitaries and students participated in the program. A cultural extravaganza followed.

ಆದರ್ಶ ಮಿತ್ರ ಮಂಡಳಿ ಕೊಲ್ಯ ಸೋಮೇಶ್ವರ ಮುತಾಲಿಕೆಡ್ ಸ್ವಾತಂತ್ರ್ಯ ಅಮೃತ ಮಹೋಚ್ಚಯ

Aug 15, 2022

ಆದರ್ಶ ಮಿತ್ರ ಮಂಡಳಿ ಕೊಲ್ಯ ಸೋಮೇಶ್ವರ ಮುಕ್ಲೆನ ಲೆಕ್ಕೊಡು ಭಾರತ ಸ್ವಾತಂತ್ರ್ಯದ ಅಮೃತ ಮಹೋಚ್ಚಯದ ಧ್ವಜಾರೋಹಣ ಕಜ್ಜ ಕಾಂಡೆ ೮.೩೦ಗ್ ಕೊಲ್ಯ ಶ್ರೀ ಶಾರದಾ ಸಭಾ ಸದನದ ಕೈತಲ್ ನಡತ್ಂಡ್.

ನಿವೃತ್ತ ಯೋಧೆರ್ ಕೆ. ಗೋಪಿನಾಥ್ ಕುಂಪಲ ಮೇರ್ ಧ್ವಜಾರೋಹಣ ಮಲ್ತೆರ್. ಕಾರ್ಯಕ್ರಮದ ಗುರ್ಕಾರ್ಮೆನ್ ಆದರ್ಶ ಮಿತ್ರ ಮಂಡಳಿ ಕೊಲ್ಯ ಉಂದೆತ್ತ ಅಧ್ಯಕ್ಷೆರ್ ರಾಯಿನ ಹೇಮಂತ್ ಕುಮಾರ್ ಕೊಲ್ಯ ವಹಿಸೊನ್ಯೆರ್. ಮಲ್ಲ ಬಿನ್ನೆರಾದ್ ಸಾರ್ವಜನಿಕ ಶ್ರೀ ಶಾರದಾ ಮಹೋತ್ಸವ ಸಮಿತಿ ಕೊಲ್ಯ ಉಂದೆತ್ತ ಅಧ್ಯಕ್ಷೆರ್ ಹರೀಶ್ ಪೂಜಾರಿ ಕೊಲ್ಯ, ಗೌರವಾಧ್ಯಕ್ಷೆರ್ ಸೀತಾರಾಮ ಬಂಗೇರ ಕೊಲ್ಯ ಅಂಚನೆ ಶ್ರೀ ಶಾರದಾ ಮಹಿಳಾ ಮಂಡಳಿ ಕೊಲ್ಯ ಉಂದೆತ್ತ ಅಧ್ಯಕ್ಷೆರ್ ಮಂಜುಳಾ ಬಾಲಕೃಷ್ಣ ಕೊಲ್ಯ ಲೇಸ್ ಡ್ ಇತ್ತೆರ್. ಪ್ರಕಾಶ್ ಎಚ್ ಕೊಲ್ಯ ಬತ್ತಿನ ಬಿನ್ನೆರೆನ್ ಎದ್ಕೊನಿಯೆರ್. ಹೃತ್ವಿಕ್ ಕೊಲ್ಯ ಸೊಲ್ಮೆ ಸಂದೈತ ಮಲ್ತೆರ್. ಹರೀಶ್ ಕೊಲ್ಯ ನಿರೂಪಣೆ ಮಲ್ತೆರ್.

(ವರದಿ : ಸಂತೋಷ್ ಅಂಬ್ಲಮೊಗರು)

ಆ. 18 : ತುಳುನಾಡ್ ಡ್ ಅಬತರ ತುಳು ಪಿಚ್ಚರ್ ಬುಡುಗಡೆ

Aug 13, 2022

ಕುಡ್ಲ : ಬೊಳ್ಳಿ ಮೂವೀಸ್ ಬೊಕ್ಕ ಅವಿಕ ಪ್ರೊಡಕ್ಷನ್ ಡ್ ಅರ್ಜುನ್ ಕಾಪಿಕಾಡ್ ನಿರ್ದೇಶನಡ್ ತಯಾರ್ ಆಯಿನ ತುಳು ಪಿಚ್ಚರ್ “ಅಬತರ” ಅಗೋಸ್ಟ್ 18 ಗ್ ಗುರುವಾರ ತುಳುನಾಡ್ ಡ್ ಬುಡುಗಡೆ ಆಯರೆ ಉಂಡು.

ಈ ಬಗೆಟ್ ಇನಿ ಕುಡ್ಲದ ತುಳುಭವನದ ಚಾವಡಿಡ್ ನಡತಿನ ಪತ್ರಿಕಾಗೋಷ್ಠಿಡ್ ಅಬತರ ಪಿಚ್ಚರ್ ದ ನಿರ್ದೇಶಕೆ ಅರ್ಜುನ್ ಕಾಪಿಕಾಡ್ ಪಾತೆರ್ದ್, ಈ ಪಿಚ್ಚರ್ ಕುಡ್ಲದ ಸುತ್ತಮುತ್ತಲ್ ಡ್ ಚಿತ್ರೀಕರಣ ಆತ್oಡ್. ಕೋವಿಡ್ ಇತ್ತಿನೆಡ್ದಾವರ ಪಿಚ್ಚರ್ ಬುಡುಗಡೆ ಆಯರೆ ತಡ ಆoಡ್. ಜನಕ್ಲೆಗ್ ಇಷ್ಟ ಆಪಿಲೆಕ್ಕ ಉಂದು ಸಂಪೂರ್ಣವಾದ್ ಕಾಮಿಡಿ ಇಪ್ಪುನ ಅಂಚನೆ ಸಮಾಜಗ್ ಎಡ್ಡೆ ಸಂದೇಶ ಕೊರ್ಪಿನ ಪಿಚ್ಚರ್ ಆತ್oಡ್. ಪಿಚ್ಚರ್ ಡ್ ಪೆರಿಯ ಕಲಾವಿದೆರ್ ಆಯಿನ ನವೀನ್ ಡಿ ಪಡೀಲ್, ಅರವಿಂದ ಬೋಳಾರ್, ಭೋಜರಾಜ್ ವಾಮಂಜೂರು, ಸಾಯಿಕೃಷ್ಣ ಈ ಪಿಚ್ಚರ್ ಡ್ ನಟನೆ ಮಲ್ತ್ ದೆರ್. ಅಂಚನೆ ನಾಯಕ ನಟಿಯಾದ್ ಗಾನ ಭಟ್, ಕ್ರಿಸ್ಟಿನಾ ಅಭಿನಯ ಮಲ್ತ್ ದೆರ್. ಅಬತರ ಪಿಚ್ಚರ್ ದ ಬಿನ್ನೆರ್ ಬೈದಿನ ಗೌಜಿಡ್ ಪದ್ಯ ಪಿಚ್ಚರ್ ಬುಡುಗಡೆ ಆಪಿನ ದುಂಬೆ ಯೂಟ್ಯೂಬ್ ಡ್ 5 ಲಕ್ಷರ್ದ್ ಲ ಎಚ್ಚದ ವೀಕ್ಷಣೆ ಆತ್oಡ್ ಪಂದ್ ಪಂಡೆರ್.

ಕುಸಲ್ದರಸೆ ನವೀನ್ ಡಿ ಪಡೀಲ್ ಪಾತೆರ್ದ್, ಅಬತರ ತುಳು ಪಿಚ್ಚರ್ ದ ಕಥೆನ್ ಡಾ| ದೇವದಾಸ್ ಕಾಪಿಕಾಡ್ ಬರೆತೆರ್ ಅಂಚನೆ ತುಳುನಾಡ ಆಕ್ಷನ್ ಕಿಂಗ್ ಅರ್ಜುನ್ ಕಾಪಿಕಾಡ್ ಅಭಿನಯದೊಟ್ಟುಗ್ ಸುರುತ್ತ ಸರ್ತಿ ನಿರ್ದೇಶನ ಮಲ್ತ್ ದೆರ್ ಪಂದ್ ಪಂಡೆರ್.

ಆಕ್ಟರ್ ಸಾಯಿಕೃಷ್ಣ ಪಾತೆರ್ದ್, ಈ ಪಿಚ್ಚರ್ ಡ್ ಛಾಯಾಗ್ರಾಹಕೆರಾದ್ ವಿಷ್ಣು ಪ್ರಸಾದ್, ಜೇಕೋಬ್, ಕಾರ್ಯಕಾರಿ ನಿರ್ಮಾಪಕೆರಾದ್ ಸಂದೀಪ್ ಶೆಟ್ಟಿ ಬೇಲೆ ಮಲ್ತ್ ದೆರ್. ಅoಚನೆ ನಿಖಿಲ್ ಸಾಲ್ಯಾನ್ ನಿರ್ಮಾಪಕೆರಾದ್, ವೀರಾಜ್ ಅತ್ತಾವರ ಸಹ ನಿರ್ಮಾಪಕೆರಾದ್ ಬೇಲೆ ಮಲ್ತ್ ದೆರ್ ಪಂದ್ ಪಂಡೆರ್.

ಅಬತರ ಪಿಚ್ಚರ್ ಕುಡ್ಲದ ರೂಪವಾಣಿ, ಭಾರತ್ ಮಾಲ್, ಸಿನಿಪೊಲಿಸ್, ಪಿವಿಆರ್, ಬೆದ್ರದ ಅಮರಶ್ರೀ, ಬೊಲ್ತೇರ್ ದ ಭಾರತ್ ಟಾಕೀಸ್, ಸುರತ್ಕಲ್ ದ ಸಿನಿಗ್ಯಾಲಕ್ಸಿ, ಒಡಿಪುದ ಕಲ್ಪನಾ, ಮಣಿಪಾಲದ ಭಾರತ್ ಸಿನಿಮಾಸ್, ಐನಾಕ್ಸ್, ಕಾರ್ಲದ ರಾಧಿಕಾ, ಪ್ಲಾನೆಟ್, ಪುತ್ತೂರ್ ದ ಅರುಣಾ, ಸುಳ್ಯದ ಸಂತೋಷ್ ಟಾಕೀಸ್ ಡ್ ಬುಡುಗಡೆ ಆಯರೆ ಉಂಡು.

ಆಗೋಸ್ಟ್ 16 ಬೊಕ್ಕ 17 ಕ್ ಕುಡ್ಲ, ಬೆದ್ರ, ಪುತ್ತೂರ್, ಒಡಿಪು, ಪಡುಬಿದ್ರೆ, ಕಿನ್ನಿಗೋಳಿ, ಗುರುಪುರ, ಕುಲಶೇಖರ ಇಂಚಿನ ಅನಾಥಾಶ್ರಮದ ಜೋಕುಲೆಗ್ ಈ ಪಿಚ್ಚರ್ ನ್ ಉಚಿತವಾದ್ ತೊಜ್ಪಾಯರೆ ಉಲ್ಲೆರ್.

ಪತ್ರಿಕಾಗೋಷ್ಠಿಡ್ ದೇವದಾಸ್ ಕಾಪಿಕಾಡ್ ಮೇರ್ನ ಬೊಡೆದಿ ಶರ್ಮಿಳಾ ಕಾಪಿಕಾಡ್, ಶನಿಲ್ ಕುಮಾರ್, ನಾಯಕಿ ನಟಿ ಗಾನ ಭಟ್, ಕ್ರಿಸ್ಟಿನಾ, ವೀರಾಜ್ ಅತ್ತಾವರ ಇತ್ತೆರ್.

“Abatara” Tulu movie to be released on August 18th

Mangalore: “Abatara” Tulu movie under Bolli movies and Avika productions banner directed by Arjun Kapikad will be released on August 18th.

Speaking at a press conference Arjun Kapikad the director said that the movie had been picturised in and around Mangalore but the release was delayed due to covid protocol.The humorous movie was a complete family picture and an entertainer to the core.

It features the gems of Tulunadu movies Arvind Bolar, Bojaraj y Naveen Padil .The female lead includes Gana Bhat and Christina.A song released on YouTube has secured five lakh likes .

The story is by Dr Devdas Kapikad and Arjun Kapikad the action king is directing it. The choreography is by Vishnu Prasad, and producers are Nikil Salian and Viraj Attavar.

Tt will be shown to children of orphanage on 16th and 17th at Mangalore, Moodbidri, Kinnigoli, Puttur Udupi and Padubidri.

ರಾಜ್ಯ ಸಭಾ ಸದಸ್ಯೆರ್ ಡಾ. ಡಿ. ವೀರೇಂದ್ರ ಹೆಗ್ಗಡೆರ್‍ನ ಪೊಸ ಕಾರ್ಯಾಲಯ ಉದಿಪನ

Aug 12, 2022

ಧರ್ಮಸ್ಥಳ: ಶ್ರೀ ಕ್ಷೇತ್ರ ಧರ್ಮಸ್ಥಳ ಮಂಜುನಾಥ ಸ್ವಾಮಿ ದೇವಲ್ಯದ ಧರ್ಮಾಧಿಕಾರಿಲು ಆಯಿನ ಅಂಚನೆ ರಾಜ್ಯ ಸಭೆತ್ತ ಸಂಸದೆರ್ ಆದ್ ಆಯ್ಕೆಯಾಯಿನ ಡಾ.ಡಿ ವೀರೇಂದ್ರ ಹೆಗ್ಗಡೆರ್‍ನ ಪೊಸ “ಸಂಸದೆರ್‍ನ ಕಾರ್ಯಾಲಯ” ಧರ್ಮಸ್ಥಳದ ಮಂಜೂಷ ವಸ್ತು ಸಂಗ್ರಹಾಲಯಡ್ ಉದಿಪನ ಆಂಡ್.

ಬೊಲ್ತೇರ್ ಶಾಸಕೆರ್ ಹರೀಶ್ ಪೂಂಜ ಮೇರ್ ಕಾರ್ಯಾಲಯನ್ ಉದಿಪನ ಮಲ್ತೆರ್. ಅಯಿಬೊಕ್ಕ ಪಾತೆರ್‍ದಿನ ಆರ್, ವೀರೇಂದ್ರ ಹೆಗ್ಗಡೆರ್‍ನ ಕಾರ್ಯಾಲಯ ಧರ್ಮಸ್ಥಳಡ್ ಉದಿಪನ ಆಯಿನವು ಒಂಜಿ ಸೌಭಾಗ್ಯ ಪಂದ್ ಪನೋಲಿ. ಹೆಗ್ಗಡೆರ್‍ನ ಗ್ರಾಮೀಣ ಅಭಿವೃದ್ದಿದ ಯೋಚನೆ ಸಮಾಜದ ಜನಕ್ಲೆಗ್ ನನಾತ್ ಶಕ್ತಿ ಕೊರಡ್ ಪಂದ್ ಎಡ್ಡೆಪ್ಪುನು ಬಯಕಿಯೆರ್.

A new office for Member of the Parliament Dr D Veerendra Heggade inaugurated

Dharmasthala: Dr Veerendra Heggade the Dharmadikari of Dharmasthala and recently nominated to the Rajyasabha had an office inaugurated at Manjusha building at Dharmasthala for his Parliamentary related work.

The office was inaugurated by Bheltangady MLA Harish Poonja who conveyed his appreciation ; and said that the new office would help people who could come over to public related affairs.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಸುಳ್ಯ ಬೊಕ ಕುಡ್ಲಡ್ ಕೀರ್ ಕುಟುದು ಬರೊಂದು ಉಪ್ಪುನ ಬರ್ಸ – ಎಲ್ಲೆ ( ಆಗಸ್ಟ್ 04) ಸುಳ್ಯ ಪೇಂಟೆದ ಶಾಲಾ, ಕಾಲೇಜ್ಗ್ ರಜೆ : ಬೇತೆ ತಾಲೂಕುದ ರಜೆ ನಿರ್ಧಾರ ಕೈತಲ್ದ ಆಡಳಿತಗ್ -ಡಿಸಿ ಸೂಚನೆ

Aug 3, 2022

ಸುಳ್ಯ ಬೊಕ ಕುಡ್ಲಡ್ ಕೀರ್ ಕುಟುಡು ಬರೊಂದು ಉಪ್ಪುನ ಬರ್ಸ – ಎಲ್ಲೆ ( ಆಗಸ್ಟ್ 04) ಸುಳ್ಯ ಪೇಂಟೆದ ಶಾಲಾ, ಕಾಲೇಜ್ಗ್ ರಜೆ : ಬೇತೆ ತಾಲೂಕುದ ರಜೆ ನಿರ್ಧಾರ ಕೈತಲ್ದ ಆಡಳಿತಗ್ -ಡಿಸಿ ಸೂಚನೆ

ಕುಡ್ಲ : ಕುಡ್ಲಡ್ ಬಾರಿ ಬರ್ಸ ಬರೊಂದು ಉಪ್ಪುನೆರ್ದಾವರ ಕೆಲವು ಕಡೆಟ್ ಮಾರ್ಗ ಜರಿದ್ ಮಸ್ತ್ ಕಡೆಟ್ ಭೂಕುಸಿತ ಆತುಂಡು, ಏಪಲಾ ಬರಂದಿನ ಬರ್ಸಗ್ ಇಡೀ ಕುಡ್ಲದ ಜನಕ್ಲೆನ ಜೀವನ ಅಸ್ತವ್ಯಸ್ತ ಆತುಂಡು .

ಈ ನೆಲೆಟ್ಟ್ ಜೋಕ್ಲೆನ ಸುರಕ್ಷತೆನ್ ಗೇನಡ್ ದೀಯೊಂದು ಸುಳ್ಯ ತಾಲೂಕುದ ಮಾತಾ ಅಂಗನವಾಡಿ, ಪ್ರಾಥಮಿಕ ಶಾಲೆ ಬೊಕ್ಕ ಪ್ರೌಢಶಾಲೆಗ್ ಆಗಸ್ಟ್ 04 ಕ್ಕ್ ರಜೆ ಘೋಷಣೆ ಮಲ್ದೆರ್.

ದೇವೆರೆ ಪಾದೊ ಸೇರಿಯೆರ್ ಮಣಿಪಾಲದ ಟಿ. ಮೋಹನ್ ದಾಸ್ ಎಂ

Aug 1, 2022

ಮಣಿಪಾಲ: ಮುಲ್ಪದ ಡಾ. ಟಿ ಎಂ ಪೈ ಮೇರ್ನ ಪೆರಿಯ ಮಗೆ ಟಿ. ಮೋಹನ್ ದಾಸ್ ಎಂ ಪೈ ಇನಿ ಮಣಿಪಾಲದ ಕೆಎಂಸಿ ಆಸ್ಪತ್ರೆಡ್ ತೀರ್ ಪೋಯೆರ್. 1933, ಜೂನ್ 20 ಗ್ ಪುಟ್ಟುದಿನ ಮೇರೆಗ್ 89 ಪ್ರಾಯ ಆದಿತ್ತ್oಡ್.

ಮೇರ್ ಡಾ. ಟಿಎಂಎ ಪೈ ಫೌಂಡೇಶನ್ ಮಣಿಪಾಲ ಬೊಕ್ಕ ಎಂಜಿಎಂ ಕಾಲೇಜ್ ಟ್ರಸ್ಟ್ ದ ಅಧ್ಯಕ್ಷೆರ್ ಆದಿತ್ತೆರ್. ಅಂಚನೆ ಬೇತೆ ಬೇತೆ ಸಂಸ್ಥೆಡ್ ಪಾಲ್ ಪಡೆದ್ ಇತ್ತೆರ್. ಮಣಿಪಾಲದ ಕೆಎಂಸಿ ಆಸ್ಪತ್ರೆಡ್ ಹುಷಾರ್ ಇಜ್ಜಂದೆ ಇತ್ತಿನೆಡ್ದಾವರ ಇಂಚಿಪ್ಪಗ್ ಚಿಕಿತ್ಸೆ ದೆತೊನೊಂದು ಇತ್ತೆರ್.

T Mohandas Pai of the Manipal group no more

Manipal: Mohandas Pai son of Dr T M Pai of the Manipal group expired in Manipal yesterday.He was 89 years old.

He was the president of Dr TMA foundation and MGM college trust and was associated with many other organisations.He was not keeping good health and was under treatment at the Manipal hospital here.

ತುಳುನಾಡ್ ಡ್ ಆಗೋಸ್ಟ್ 5 ಮುಟ್ಟ ನೈಟ್ ಕರ್ಫ್ಯೂ: ಎನ್. ಶಶಿಕುಮಾರ್

Jul 31, 2022

ದಕ್ಷಿಣ ಕನ್ನಡ ಜಿಲ್ಲೆದ ವ್ಯಾಪ್ತಿಡ್ ಕಾನೂನು ಸುವ್ಯವಸ್ಥೆ ಕಾಪಾಡುನ ನಿಲೆಟ್ ಆಗೋಸ್ಟ್ 5 ಮುಟ್ಟ ನಿರ್ಬಂಧನ್ ಪಾಡ್ದೆರ್ ಪಂದ್ ಕುಡ್ಲದ ಕಮೀಷನೆರ್ ಎನ್. ಶಶಿಕುಮಾರ್ ಮಾಹಿತಿ ಕೊರ್ತೆರ್. ಇಂಚಾದ್ ಆಗೋಸ್ಟ್ 5 ಕಾಂಡೆ 6 ಗಂಟೆ ಮುಟ್ಟ ಈ ನಿಯಮ ಜಾರಿಡ್ ಇಪ್ಪುಂಡ್.

ಬಯ್ಯ 6 ಗಂಟೆರ್ದ್ ಕಾಂಡೆ 6 ಗಂಟೆ ಮುಟ್ಟ ನೈಟ್ ಕರ್ಫ್ಯೂ ಇಪ್ಪುoಡ್. ಅoಚನೆ ಕುಡ್ಲದ ನಗರ ಪೊಲೀಸ್ ಕಮೀಷನರೇಟ್ ವ್ಯಾಪ್ತಿಡ್ ಕುಡ್ಲದ ಕೆಲ ಜಾಗೆಡ್ 144 ಸೆಕ್ಷನ್ ಪಾಡ್ದೆರ್.

ಮೂಜಿ ದಿನತ್ತ ಪಿರವು ಪಾಡ್ದಿನ ನೈಟ್ ಕರ್ಫ್ಯೂ ಆದೇಶ ಇನಿಕ್ ಕಡೆಯಾಯಿನ ಬಗೆಟ್ ಇನಿ ಕುಡ ಆಗೋಸ್ಟ್ 5 ಮುಟ್ಟ ದುಂಬು ಕೊನತೆರ್ ಪಂದ್ ಕುಡ್ಲದ ಕಮೀಷನೆರ್ ಎನ್. ಶಶಿಕುಮಾರ್ ಮಾಹಿತಿ ಕೊರ್ತೆರ್.

ಊರ್ದ ಸುದ್ದಿ Regional News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ತುಳುನಾಡ್ ಡ್ ಕುಡ ರಡ್ಡ್ ದಿನ ನೈಟ್ ಕರ್ಫ್ಯೂ: ಜಿಲ್ಲಾಧಿಕಾರಿ

Jul 31, 2022

ದಕ್ಷಿಣ ಕನ್ನಡ ಜಿಲ್ಲೆಯ ವ್ಯಾಪ್ತಿಡ್ ಕಾನೂನು ಸುವ್ಯವಸ್ಥೆ ಕಾಪಾಡುನ ನಿಲೆಟ್ ಆಗೋಸ್ಟ್ 1 ಬೊಕ್ಕ 2 ಕ್ ನಿರ್ಬಂಧನ್ ದುಂಬು ದೀತ ಪಂದ್ ದ.ಕ.ಜಿಲ್ಲಾಧಿಕಾರಿ ಆದೇಶ ಮಲ್ತೆರ್. ಇಂಚಾದ್ ಆಗೋಸ್ಟ್ 3 ಕಾಂಡೆ 6 ಗಂಟೆ ಮುಟ್ಟ ಈ ನಿಯಮ ಜಾರಿಡ್ ಇಪ್ಪುಂಡ್.

ಬಯ್ಯ 6 ಗಂಟೆರ್ದ್ ಕಾಂಡೆ 6 ಗಂಟೆ ಮುಟ್ಟ ನೈಟ್ ಕರ್ಫ್ಯೂ ಇಪ್ಪುoಡ್. ಮೂಜಿ ದಿನತ್ತ ಪಿರವು ಪಾಡ್ದಿನ ನೈಟ್ ಕರ್ಫ್ಯೂ ಆದೇಶ ಇನಿಕ್ ಕಡೆಯಾಯಿನ ಬಗೆಟ್ ಇನಿ ಕುಡ ರಡ್ಡ್ ದಿನ ದುಂಬು ಕೊನತೆರ್ ಪಂದ್ ಜಿಲ್ಲಾಧಿಕಾರಿ ಆದೇಶ ಮಲ್ತ್ ದೆರ್.

Night curfew extended for two more days in Tulunadu- DC

To maintain law and order the DC has extended the night curfew for two more days ie on August 1st and 2nd in DK jurisdiction. So the curfew will be extended till August 3rd morning.

The night curfew will be from evening 6p.m to morning 6 a m.The night curfew that was imposed three days back was to end tomorrow morning; but the DC has ordered to extend it for two more days.

ಫಾಜಿಲ್ ಮೆರೆನ್ ಕೆರಿನ ಆ ದುಷ್ಕರ್ಮಿಲೆಗ್ ದೇವೆರ್ ಶಿಕ್ಷೆ ಕೊರಡ್; ಸರ್ವ ಕಾಲೇಜ್ ವಿದ್ಯಾರ್ಥಿ ಸಂಘ

Jul 29, 2022

ಸರ್ವ ಕಾಲೇಜ್ ವಿದ್ಯಾರ್ಥಿ ಸಂಘದ 2018ನೇ ಸಾಲ್ ದ ಉಪಾಧ್ಯಕ್ಷೆರಾದ್ ಮಸ್ತ್ ವಿದ್ಯಾರ್ಥಿ ಪೊರ್oಬಾಟನ್ ಸಂಘಟಿಸಾದ್, ಬೇತೆ ಬೇತೆ ಸಾಮಾಜಿಕ ಸಂಘಟನೆಡ್ ಗುರ್ತಿಸಾದ್, ಸಮಾಜ ಸೇವಕೆರಾದ್ 14 ಸರ್ತಿ ನೆತ್ತೆರ್ ದಾನ ಮಲ್ತ್ ದ್, ಮಸ್ತ್ ಜನತ್ತ ಪ್ರಾಣ ಒರಿಪಾದ್ ಸಮಾಜಗ್ ಮಾದರಿಯಾದ್ ಇತ್ತಿನ ಫಾಜಿಲ್ ಮೆರೆನ್ ಕೆರಿನ ಆ ದುಷ್ಕರ್ಮಿಲೆಗ್ ದೇವೆರ್ ಶಿಕ್ಷೆ ಕೊರಡ್ಂದ್ ಪಂದ್ ಸರ್ವ ಕಾಲೇಜ್ ವಿದ್ಯಾರ್ಥಿ ಸಂಘದ ಪರವಾದ್ ನಟ್ಟೊನ್ಯೆರ್. ಅಂಚನೆ ಆತ್ಮಗ್ ದೇವೆರ್ ಚಿರಶಾಂತಿ ಕೊರಡೊಂದ್ ಪ್ರಾರ್ಥನೆ ಮಲ್ತೆರ್.

May Lord punish the culprits who murdered Faizal- the college students fraternity

Faizal was the vice president of all college students union in the year 2018 and was an active participant of many social events and had donated blood 14 times saving many lives with his noble act .He was a role model fo the students. The student fraternity prays for his soul to rest in peace and the culprits to be punished soon.

        <h3>Subscribe to our newspaper</h3><h6>Get world's only Tulu newspaper,  onlyfor</h6> <!-- /.obfx-title-wrapper -->Rs.260/year <!-- /.obfx-price-wrapper --><ul><li>Stay home and safe; we will deliver the newspaper</li><li>Talk with us in whatsapp by clicking below button or scroll down and fill the form</li></ul><a href="https://wa.me/+916366933723">Chat with us</a> <!-- /.obfx-pricing-table-button-wrapper --> <!-- /.obfx-pricing-table-wrapper -->

ಬೊಲ್ತೆರ್ ಸುದ್ದಿ | Belthangady News

ತುಳುನಾಡ ಟಾಕೀಸ್ ಡ್ ಸುರುವಾಂಡ್ “ಅಬತರ”

ಆದರ್ಶ ಮಿತ್ರ ಮಂಡಳಿ ಕೊಲ್ಯ ಸೋಮೇಶ್ವರ ಮುತಾಲಿಕೆಡ್ ಸ್ವಾತಂತ್ರ್ಯ ಅಮೃತ ಮಹೋಚ್ಚಯ

ಆ. 18 : ತುಳುನಾಡ್ ಡ್ ಅಬತರ ತುಳು ಪಿಚ್ಚರ್ ಬುಡುಗಡೆ

ರಾಜ್ಯ ಸಭಾ ಸದಸ್ಯೆರ್ ಡಾ. ಡಿ. ವೀರೇಂದ್ರ ಹೆಗ್ಗಡೆರ್‍ನ ಪೊಸ ಕಾರ್ಯಾಲಯ ಉದಿಪನ

ದೇವೆರೆ ಪಾದೊ ಸೇರಿಯೆರ್ ಮಣಿಪಾಲದ ಟಿ. ಮೋಹನ್ ದಾಸ್ ಎಂ

ತುಳುನಾಡ್ ಡ್ ಆಗೋಸ್ಟ್ 5 ಮುಟ್ಟ ನೈಟ್ ಕರ್ಫ್ಯೂ: ಎನ್. ಶಶಿಕುಮಾರ್

ತುಳುನಾಡ್ ಡ್ ಕುಡ ರಡ್ಡ್ ದಿನ ನೈಟ್ ಕರ್ಫ್ಯೂ: ಜಿಲ್ಲಾಧಿಕಾರಿ

ಫಾಜಿಲ್ ಮೆರೆನ್ ಕೆರಿನ ಆ ದುಷ್ಕರ್ಮಿಲೆಗ್ ದೇವೆರ್ ಶಿಕ್ಷೆ ಕೊರಡ್; ಸರ್ವ ಕಾಲೇಜ್ ವಿದ್ಯಾರ್ಥಿ ಸಂಘ

May Lord punish the culprits who murdered Faizal- the college students fraternity

You Missed

ಜಾಗತಿಕ ಬಂಟರ ಸಂಘಗಳ ಒಕ್ಕೂಟಗ್ ರೂ.2 ಕೋಟಿ ದೇಣಿಗೆ ಕೊರ್ನ ಉದ್ಯಮಿ ತೋನ್ಸೆ ಆನಂದ್ ಎಂ. ಶೆಟ್ಟಿ

ತುಳುಕೂಟದ ಕೋಟಾದಡಿ ಮೆಡಿಕಲ್ ಸೀಟ್ ಪಡೆಯಿನ ನಿಕ್ಷೇಪ್ ಸುವರ್ಣ

ಚಾರ್ ಧಾಮ್ ಯಾತ್ರೆಗ್ ಪೋದಿತ್ತಿನ ಕುಂಪಲ ನಿವಾಸಿ ತಿಗಲೆ ಬೇನೆಡ್ ಮರಣ

ಸೆ.25-27: ಸುರತ್ಕಲ್‌ ಬಂಟರ ಭವನಡ್ ಕೃಷಿ ಮೇಳ, ಆಹಾರ ಮೇಳ, ಹೋಳಿಗೆ ಪರ್ಬ ಬೊಕ್ಕ ಸಸ್ಯೋತ್ಸವ