ಬೊಲ್ತೆರ್ ಸುದ್ದಿ | Belthangady News

ಬೈಜುಸ್ ರ್ದ್ ನೀರಜ್ ಚೋಪ್ರಾಗ್ 2 ಕೋಟಿ ಇನಾಮು ಘೋಷಣೆ

Aug 10, 2021

ನವದೆಹಲಿ: ಭಾರತೀಯ ಕ್ರಿಕೆಟ್ ತಂಡದ ಪ್ರಾಯೋಜಕೆರಾಯಿನ ಬೈಜುಸ್, ಟೋಕಿಯೊ ಒಲಂಪಿಕ್ಸ್ ಡ್ ಬಂಗಾರ್ ದ ಪದಕ ಗೆಂದಿನ ಜಾವೆಲಿನ್ ಎಸೆತಗಾರೆರಾಯಿನ ನೀರಜ್ ಚೋಪ್ರಾ ಮೆರೆಗ್ 2 ಕೋಟಿ ಪಣವುದ ಇನಾಮು ಘೋಷಣೆ ಮಲ್ದೆರ್ .

ಒಲಂಪಿಕ್ಸ್ ಕ್ರೀಡಾಕೂಟಡ್ ದೇಶಗ್ ವೈಯಕ್ತಿಕ ಪದಕ ಕಂತಿನ ಬೇತೆ ಆಜಿ ಕ್ರೀಡಾಪಟುಲೆಗ್ ತಲಾ 1 ಕೋಟಿ ರೂಪಾಯಿ ಇನಾಮುನು ಸ್ಟಾರ್ಟ್ ಆಫ್ ಪ್ರಕಟ ಮಲ್ದುಂದು .

ಟೋಕಿಯೋಡ್ ಒಟ್ಟು ಏಳ್ ಪದಕನ್ ಗೆಂದುನ ಮುಖೇನ ಭಾರತ ಅತ್ಯುತ್ತಮ ಪ್ರದರ್ಶನ ಕೊರ್ತುಂಡು . ಮೀರಾಬಾಯಿ ಚಾನು, ರವಿಕುಮಾರ್ ದಹಿಯಾ, ಲೊವ್ಲಿನಾ ಬೊರ್ಗೊಹೈನ್, ಪಿ. ವಿ. ಸಿಂಧು ಬೊಕ್ಕ ಭಜರಂಗ್ ಪುನಿಯಾ ಮೆರೆಗ್ ತಲಾ 1 ಕೋಟಿ ರೂಪಾಯಿ ಕೊರ್ಪ ಪಂದ್ ಮಾಧ್ಯಮಗ್ ಬೈಜುಸ್ ಪಂತುಂಡು .

ನೀರಜ್ ಚೋಪ್ರಾಗ್ ಇನಾಮುದ ಮಾನಾದಿಗೆ

Aug 10, 2021

ಟೋಕಿಯೋ : ಒಲಿಂಪಿಕ್ಸ್‌ದ ಅಥ್ಲೆಟಿಕ್ಸ್‌ ಇವೆಂಟ್‌ಡ್ ಭಾರತಗ್ ಸುರುತ ವೈಯಕ್ತಿಕ ಬಂಗಾರ್ದ ಪದಕ ಗೆಂದಿನ ನೀರಜ್ ಚೋಪ್ರಾಗ್ ಇನಾಮುದ ಬರ್ಸ ನೇ ಉಂಡು .

ಆಣ್ಜೊವ್ಲೆನ ಜಾವೆಲಿನ್ ಎಸೆತದ ಫೈನಲ್‌ಡ್ ರಡ್ಡ ನೇ ಪ್ರಯತ್ನಡ್ 87.58 ಮೀಟರ್‌ ದಕ್ಕ್ ದ್ ಪೋಡಿಯಂಡ್ ಭಾರತದ ರಾಷ್ಟ್ರಗೀತೆ ಕೇನುಲಕ ಮಲ್ದೆರ್ 23 ವರ್ಷದ ಸುಬೇದಾರ್‌.

ಈ ಅಪ್ರತಿಮ ಸಾಧನೆಗ್ ಅರೆಗಾದ್ ಘೋಷಣೆ ಮಲ್ತಿನ ಮಾನದಿಗೆದ ವಿವರ ಹರಿಯಾಣಾ ಸರ್ಕಾರರ್ದ್ ಆಜಿ ಕೋಟಿ ರೂಪಾಯಿ ಬೊಕ್ಕ ಕ್ಲಾಸ್-1 ಸರ್ಕಾರೀ ಹುದ್ದೆ. ಹರಿಯಾಣಾದ ಒವ್ವೆ ಭಾಗಡ್ ಜಮೀನು ಖರೀದಿ ಮಲ್ತುಂಡಲ 50% ರಿಯಾಯಿತಿ ಕೊರ್ತೆರ್ ಇಂಚ ನನಾತ್ ಮಾನದಿಗೆ ಮೆರೆಗ್ ತಿಕ್ಕುಂಡು.

ಬಿರುವ ಬ್ರದರ್ಸ್ ವಾಟ್ಸಾಪ್ ಗ್ರೂಪ್ : ಪಣವುದ ಸಾಕಾರ

Aug 10, 2021

ಕುಡ್ಲ : ಬಿರುವ ಬ್ರದರ್ಸ್ ವಾಟ್ಸಾಪ್ ಗ್ರೂಪ್ ವತಿರ್ದ್ ಸಜೀಪ ಮೂಡ ಗ್ರಾಮದ ಮಿತ್ತಮಜಲು ನಿವಾಸಿ ಶಾಗರ್ ಆಚಾರ್ಯ ಕಿಡ್ನಿ ವೈಪಲ್ಯದ ಸಮಸ್ಯೆರ್ದ್ ಡಯಾಲಿಸಿಸ್ ಚಿಕಿತ್ಸೆಗಾದ್ ವಾರಗ್ 3 ಸಲ ಖಾಸಗಿ ಆಸ್ಪತ್ರೆಗ್ ಪೋವೊಡಾಯಿನ ಪರಿಸ್ಥಿತಿ ಉಂಡು .

ಪಾಪದಕುಲ್ ಆಯಿನ ಈ ಕುಟುಂಬಗ್ ಪಣವುದ ಕಾಸ್ ಪಾಡೆರೆ ಬಾರಿ ಬಂಗ ಆವೊಂದು ಉಂಡು ಅಕ್ಲೆನ ಕಷ್ಟಗ್ ಆಸರೆಯಾಪುನ ನೆಲೆಟ್ಟ್ ಬಿರುವ ಬ್ರದರ್ಸ್ ವಾಟ್ಸಾಪ್ ಗ್ರೂಪ್ ವತಿರ್ದ್ 10,000ರೂಪಾಯಿದ ಸಾಕರನ್ ಕೋಡೆ ಅಕ್ಲೆನ ಇಲ್ಲದಕ್ಲೆಗ್ ಕೊರಿಯೆರ್.

ಈ ಪೊರ್ತುಡು ಬಿರ್ವ ಬಿರುವ ಬ್ರದರ್ಸ್ ವಾಟ್ಸಾಪ್ ಗ್ರೂಪ್ದ ಸ್ಥಾಪಕ ಅಶ್ವಿನ್ ಪೂಜಾರಿ ಕಾರಾಜೆ,ಪಣೋಲಿಬೈಲ್ˌ ಸದಸ್ಯೆರಾಯಿನ ಗಿರಿಶ್ ಕುಮಾರ್ ಪೆರ್ವ, ಕಿಶೋರ್ ಪೂಜಾರಿ ದೇರಾಜೆ ,ಅಶ್ಪಿನ್ ಪೂಜಾರಿ ಕೊಲ್ಯ, ರಂಜೀತ್ ಪೂಜಾರಿ ಗುರುಮಂದಿರ, ಅಶ್ವತ್ ಪೂಜಾರಿ ಮಿತ್ತಮಜಲು, ಸೂರಾಜ್ ಪೂಜಾರಿ ಗುರುಮಂದಿರ ಬೊಕ್ಕ ವಿಜಯ್ ಪೂಜಾರಿ ಗುರುಮಂದಿರ ಪಾಲ್ ಪಡೆದಿತ್ತೆರ್ .

ಕೋಟ ಶ್ರೀನಿವಾಸ ಪೂಜಾರಿನ್ ಮೋಕೆಡ್ ಎದುಕೊಂಡಿನ ಹೆಜಮಾಡಿ ಬಿರುವೆರ್ನ ಸಂಘದ ಸದಸ್ಯೆರ್

Aug 10, 2021

ಹೆಜಮಾಡಿ : ಕರ್ನಾಟಕ ಸರಕಾರದ ಸಚಿವ ಸಂಪುಟಗ್ ಪೊಸತಾದ್ ಸೇರ್ಪಡೆ ಆಯಿನ ಕೋಟ ಶ್ರೀನಿವಾಸ ಪೂಜಾರಿ ಮೆರೆನ್ ಹೆಜಮಾಡಿ ಬಿರುವೆರ್ನ ಸಂಘದ ವತಿರ್ದ್ ಎದುಕೊಂಡೆರ್ . ಬಿರುವೆರ್ನ ಸಂಘದ ಗುರ್ಕಾರ್ಲಾಯಿನ ಲೋಕೇಶ್‌ ಅಮೀನ್ ಪೂಮಾಲೆ ಪಾರ್ದ್ ಎದುಕೊಂಡೆರ್.

ಸಂಘದ ಪ್ರಧಾನ ಕಾರ್ಯಂತೆರ್ ಆಯಿನ ಸುನೀತ ಎನ್‌ ಕರ್ಕೇರ, ಮಹಿಳಾ ಮಂಡಳದ ಗುರ್ಕಾರ್ಲಾಯಿನ ಮೀನಾಕ್ಷಿ ದೇವದಾಸ್‌ , ನಡುಕರೆ ಬಿರುವೆರ್ನ ಸಮಿತಿದ ಗುರ್ಕಾರ್ಲಾಯಿನ ವಿಶ್ವನಾಥ ಕೊಪ್ಪಲ, ಮೂಡುಕರೆ ಬಿರುವೆರ್ನ ಸಮಿತಿದ ಗುರ್ಕಾರ್ಲಾಯಿನ ರವೀಂದ್ರ ಹೆಜ್ಮಾಡಿ, ಪಂಚಾತ್‌ ಮಾಜಿ ಗುರ್ಕಾರ್ಲಾಯಿನ ಸುಭಾಸ್‌ ಜಿ ಸಾಲ್ಯಾನ್‌, ಗುರುಮಂದಿರದ ಅರ್ಚಕ ರಾಜೇಶ್‌ ಶಾಂತಿ, ಶಿವರಾಮ್‌ ಜಿ ಅಮಿನ್‌,ರಮೇಶ್‌ ಸುವರ್ಣ, ಉದ್ಯಮಿ ಸುನೀಲ್‌ ಅಂಚನ್‌ ಪುಣೆ ಪಾಲ್ ಪಡೆದಿತ್ತೆರ್.

ಆಗಸ್ಟ್ 28 -29 ಗ್ ಸಿಇಟಿ ಪರೀಕ್ಷೆ

Aug 9, 2021

ಬೆಂಗ್ಳೂರು : ಇತ್ತೆ ಆತೆ ಪ್ರಕಟ ಆಯಿನ ವೇಳಾಪಟ್ಟಿದ ಪ್ರಕಾರ , 2021ನೇ ಸಾಲ್ ದ ಸಿಇಟಿ ಪರೀಕ್ಷೆನ್ ಆ.28 ಬೊಕ್ಕ 29ಗ್ ನಡಪಾವ ಪಂದ್ ಪ್ರಕಟಣೆಡ್ ತೆರಿಪಾದೆರ್ . ಅಭ್ಯರ್ಥಿಲೆನ ಅನುಕೂಲಗಾದ್ ಪರೀಕ್ಷಾ ಸ್ಥಳ ಬೊಕ್ಕ ಶುಲ್ಕ ಪಾವತಿದ ವಿವರನ್ ಪರಿಶೀಲನೇ ಮಲ್ಪರೆ ಪ್ರಾಧಿಕಾರ ವೆಬ್ ಪೋರ್ಟಲ್ ನ್ ತಯಾರ್ ಮಲ್ದೆರ್ .

ಅಭ್ಯರ್ಥಿಲು ಪ್ರಾಧಿಕಾರದ ವೆಬ್‍ಸೈಟ್ http://kea.kar.nic.in ಗ್ ಭೇಟಿ ಕೊರ್ದು ಸಿಇಟಿ-2021ದ ಪರೀಕ್ಷಾ ಸ್ಥಳ ಬೊಕ್ಕ ಶುಲ್ಕ ಪಾವತಿದ ವಿವರನ್ ಪರಿಶೀಲನೇ ಮಲ್ಪರೆ ರಾಜ್ಯ ಪರೀಕ್ಷಾ ಪ್ರಾಧಿಕಾರದ ಕಾರ್ಯನಿರ್ವಾಹಕ ನಿರ್ದೇಶಕೆರ್ ಪ್ರಕಟಣೆಡ್ ತೆರಿಪಾದೆರ್ .

ಕುಡ್ಲಗ್ ಬರಿಯರೆ ಉಪ್ಪುನ ಸಮಾಜ ಕಲ್ಯಾಣ ಸಚಿವೆರಾಯಿನ ಕೋಟ ಶ್ರೀನಿವಾಸ್ ಪೂಜಾರಿ

Aug 9, 2021

ಕುಡ್ಲ : ಸಮಾಜ ಕಲ್ಯಾಣ ಬೊಕ್ಕ ಹಿಂದುಳಿದ ವರ್ಗದ ಕಲ್ಯಾಣ ಇಲಾಖೆ ಸಚಿವೆರಾಯಿನ ಕೋಟಾ ಶ್ರೀನಿವಾಸ ಪೂಜಾರಿ ಮೇರ್ ಆಗಸ್ಟ್ 10 ಬೊಕ್ಕ 11ತಾರೀಖ್ ಗ್ ಜಿಲ್ಲೆದ ಪ್ರವಾಸ ಪೋಯೆರೆ ಉಲ್ಲೆರ್ .

ಆಗಸ್ಟ್ 10 ನೇ ಅಂಗಾರೆ ಮಧ್ಯಾಹ್ನ 3 ಗಂಟೆಗ್ ಕುಡ್ಲಗ್ ಬತ್ದ್ ದಕ್ಷಿಣ ಕನ್ನಡ ಜಿಲ್ಲಾ ಭಾರತೀಯ ಜನತಾ ಪಕ್ಷದ ಕಚೇರಿಗ್ ಭೇಟಿ ಕೊರ್ರೆ ಉಲ್ಲೆರ್ . ಬೈಯ್ಯಗ್ 4 ಗಂಟೆಗ್ ಕದ್ರಿ ಮಂಜುನಾಥೇಶ್ವರ ದೇವಾಲಯಗ್ ಪೋಯೆರೆ ಉಲ್ಲೆರ್ . ಬೈಯ್ಯಗ್ 4.45 ಕ್ ಮಂಗಳಾದೇವಿ ದೇವಸ್ಥಾನಗ್ ಅಂಚನೇ 5.30ಕ್ ಕುದ್ರೋಳಿ ಗೋಕರ್ಣನಾಥೇಶ್ವರ ದೇವಸ್ಥಾನಗ್ ಪೋದು , ಬೈಯ್ಯಗ್ 6.30ಕ್ ಕುಡ್ಲರ್ದ್ ಕೋಟಾಗ್ ಪೋದು ಅಲ್ಪ ಕುಲ್ಲರೆ ಉಲ್ಲೆರ್ .

ಅಂಚನೇ ಆಗಸ್ಟ್ 11ನೇ ಬುಧವಾರ 3 ಗಂಟೆಗ್ ಕುಡ್ಲಗ್ ಬತ್ದ್ ಪೇಂಟೆದ ಜಿಲ್ಲಾಧಿಕಾರಿಲೆನ ಕಚೇರಿ ಸಭಾಂಗಣಡ್ ಸಮಾಜ ಕಲ್ಯಾಣ ಇಲಾಖೆ ಬೊಕ್ಕ ಹಿಂದುಳಿದ ವರ್ಗದ ಕಲ್ಯಾಣ ಇಲಾಖೆದ ಪ್ರಗತಿ ಪರಿಶೀಲನಾ ಸಭೆ ನಡಪಾಯರೇ ಉಲ್ಲೆರ್ .ಬೈಯ್ಯಗ್ 5.30ಕ್ ಕುಡ್ಲರ್ದ್ ಬೆಂಗ್ಳೂರುಗು ಪೋದು ಅಲ್ಪ ಕುಲ್ಲರೆ ಉಲ್ಲೆರ್ ಪಂದ್ ಸಚಿವೆರ್ನ ಆಪ್ತ ಕಾರ್ಯಂತೆರ್ ಪ್ರಕಟಣೆಡ್ ತೆರಿಪಾದೆರ್ .

ನೀರಜ್ ಚೋಪ್ರಾಗ್ ಸೊಲ್ಮೆ ಸಂದೈತ ಮಲ್ತಿನ ಸಿಎಂ ಸಿದ್ದರಾಮಯ್ಯ

Aug 9, 2021

ಬೆಂಗ್ಳೂರು : ಟೋಕಿಯೋ ಒಲಿಂಪಿಕ್ಸ್ಡ್ ಬಂಗಾರ್ ಗೆಂದ್ ದ್ ಪುರಾಪು ಬರೆಯಿನ ನೀರಜ್ ಚೋಪ್ರಾ ಮೆರೆಗ್ ಅಭಿನಂದನೆದ ಮಹಾಪೂರನೇ ಬರೊಂದು ಉಂಡು. ಮಾಜಿ ಸಿಎಂ ಸಿದ್ದರಾಮಯ್ಯ ಟ್ವೀಟ್ ಮುಖೇನ ಸೊಲ್ಮೆ ಸಂದೈತ ಮಲ್ದೆರ್.ನೀರಜ್ ಚೋಪ್ರಾ ಅಭೂತಪೂರ್ವ ಗೆಲ್ಮೆ ! ಒಲಿಂಪಿಕ್ಸ್ಡ್ ಭಾರತಗ್ ಟ್ರ್ಯಾಕ್ ಬೊಕ್ಕ ಫೀಲ್ಡ್ ಡ್ ಸುರುತ ಪದಕ ಗೆಂದಿನ ಪದಕ ಜವಣ್ಯೆರೆಗ್ ಸ್ಫೂರ್ತಿ ಕೊರ್ಪುಂಡು ಪಂದ್ ಸಿದ್ದರಾಮಯ್ಯ ಟ್ವೀಟ್ ಮಲ್ದೆರ್ .

ಒಡಿಪುಡು 129 ಜನಕ್ ಕೋವಿಡ್ ಪಾಸಿಟಿವ್

Aug 9, 2021

ಒಡಿಪು : ಜಿಲ್ಲೆಡ್ ಐತಾರ ಒಟ್ಟು 129 ಜನಕ್ ಕೋವಿಡ್ ಸೋಂಕು ದೃಢ ಆತುಂಡು . ದಿನಟ್ ಸೋಂಕಿತೆರ್ನ ಒವ್ವೆ ಸಾವು ವರದಿಯಾತುಜಿ . 97 ಜನ ಇನಿ ಸೋಂಕುರ್ದು ಹುಷಾರ್ ಆತೆರ್, ಜಿಲ್ಲೆಡ್ ಸೋಂಕಕುಗು ಸಕ್ರಿಯ ಆಯಿನಕ್ಲೆನ ಸಂಖ್ಯೆ ಇತ್ತೆ 1403ಕ್ ಏರ್ದುಂಡು ಪಂದ್ ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣಾಧಿಕಾರಿ ಡಾ.ನಾಗಭೂಷಣ ಉಡುಪ ಪಂಡೆರ್ .

ಮಾರ್ಗದ ಅಪಘಾತಗ್ ತೀರ್ ಪೋಯಿನ ಕಂಬಳಡ್ ಪುಗಾರ್ತೆ ಪಡೆಯಿನ ಗುರುವಪ್ಪ ಪೂಜಾರಿ

Aug 9, 2021

ಕುಡ್ಲ : ಕಂಬಳ ಕ್ಷೇತ್ರದ ಸಾಧಕ, ಕಂಬಳ ಖ್ಯಾತಿದ ಗುರುವಪ್ಪ ಪೂಜಾರಿ ಕೆದುಬರಿ ಮಾರ್ಗ ಅಪಘಾತಡ್ ತೀರ್ ಪೋಯೆರ್ .

ಪೇಂಟೆದ ಪಿದಾಯಿದ ಗುರುಪುರ ಸೇತುವೆ ಕೈತಲ್ ಕುಕ್ಕುದಕಟ್ಟೆಡ್ ಐತಾರ ಬೈಯ್ಯಗ್ ನಡತಿನ ಕಾರು ಅಪಘಾತಡ್ ಗುರುಪುರ ನಿವಾಸಿ, ಕಂಬಳ ಖ್ಯಾತಿದ ಗುರುವಪ್ಪ ಪೂಜಾರಿ (78) ತೀರ್ ಪೋಯೆರ್ .

ಮೇರ್ ಏಪದಲಕ ಕುಕ್ಕುದಕಟ್ಟೆಡ್ ಉಪ್ಪುನ ಡೈರಿಗ್ ಪೇರ್ ಪಾಡೆರೆ ತನ್ನ ಸ್ಕೂಟಿಡ್ ಪೋನಗ ಕುಡ್ಲರ್ದ್ ಗುರುಪುರದಂಚಿ ಪೋವೊಂದು ಉಪ್ಪುನ ಸುಂಕದಕಟ್ಟೆದ ಜನ ಒರಿ ಸ್ಕೂಟಿಗ್ ಢಿಕ್ಕಿ ಹಾಕಿಯೆರ್ .

ಅಪಘಾತದ ರಭಸಗ್ ಸ್ಕೂಟಿ ಅಪ್ಪಚ್ಚಿಯಾತುಂಡು , ಗುರುವಪ್ಪ ಮಾರ್ಗಗ್ ದಕ್ಕಿನ ತರೆ , ಕೈಕಾರ್ ಗ್ ಗಂಭೀರ ಗಾಯ ಆತುಂಡು ಅರೆನ್ ಅಪಗನೆ ಕುಡ್ಲದ ಖಾಸಗಿ ಆಸ್ಪತ್ರೆಗ್ ದಾಖಲ್ ಆತೆರ್ .

ಪೆಲಕಾಯಿರ್ದ್ ಚಾಕಲೇಟ್ ತಯಾರ್ ಮಲ್ತಿನ ಕ್ಯಾoಪ್ಕೋ

Aug 9, 2021

ಕುಡ್ಲ, ಆಗಸ್ಟ್ 9 ; ಒಂಜಿ ಕಾಲಡ್ ಏರೆಗ್ಲಾ ಬೊರ್ಚಾoದಿನ ಪೆಲಕಾಯಿ ಇತ್ತೆ ಭಾರೀ ಬೇಡಿಕೆಡ್ ಉಂಡು . ಪರ್ನ್ದ್ ಆದ್ ಕುರಿದ್ ಮರರ್ದ್ ಬೂರೊಂದು ಉಪ್ಪುನ ಕಾಲ್ ಇತ್ತುಂಡು. ಆಂಡ ಇತ್ತೆ ಪೆಲಕಾಯಿ ಪರ್ನ್ದ ಆಪಿನೆನ್ ಕಾಪುಲಕ ಮಲ್ದುಂಡು. ಭಾರತದ ಫಲಕ್ ವಿದೇಶಡ್ಲಾ ಸಖತ್ ಬೇಡಿಕೆ ಇತ್ತುಂಡು , ಪೆಲಕಾಯಿ ಪರ್ನ್ದ್ ರಫ್ತಾವೊಂದು ಉಂಡು . ಪರ್ನ್ದ್ ಸಖತ್ ಬೇಡಿಕೆ ಬೈದುಂಡು .

ಇತ್ತೆ ಪೆಲಕಾಯಿನ್ ಇತ್ತೆ ಬ್ರ್ಯಾಂಡ್ ಮಲ್ಪರೆ ಕ್ಯಾಂಪ್ಕೋ ನಿರ್ಧಾರ ಮಲ್ದುಂದು . ಅಂತಾರಾಜ್ಯ ಸಹಕಾರಿ ಸಂಸ್ಥೆ ಕ್ಯಾಂಪೋ ಪೆಲಕಾಯಿನ್ ಬಳಕೆ ಮಲ್ತ್ ಚಾಕಲೇಟ್ ಉತ್ಪಾದನೆ ಮಲ್ಪುನ ಪೊಸ ಪ್ರಯತ್ನ ಮಲ್ದುಂಡು. ‘ಜಾಕ್‌ ಪ್ರೂಟ್ ಎಕ್ಲರ್ಸ್’ ಪನ್ಪಿನ ಪುದರ್ಡ್ ಈ ಚಾಕಲೇಟ್ ಮಾರುಕಟ್ಟೆಗ್ ಬೈದುಂಡು.

M	T	W	T	F	S	S
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30

ಬೊಲ್ತೆರ್ ಸುದ್ದಿ | Belthangady News

ಬೈಜುಸ್ ರ್ದ್ ನೀರಜ್ ಚೋಪ್ರಾಗ್ 2 ಕೋಟಿ ಇನಾಮು ಘೋಷಣೆ

ನೀರಜ್ ಚೋಪ್ರಾಗ್ ಇನಾಮುದ ಮಾನಾದಿಗೆ

ಬಿರುವ ಬ್ರದರ್ಸ್ ವಾಟ್ಸಾಪ್ ಗ್ರೂಪ್ : ಪಣವುದ ಸಾಕಾರ

ಕೋಟ ಶ್ರೀನಿವಾಸ ಪೂಜಾರಿನ್ ಮೋಕೆಡ್ ಎದುಕೊಂಡಿನ ಹೆಜಮಾಡಿ ಬಿರುವೆರ್ನ ಸಂಘದ ಸದಸ್ಯೆರ್

ಆಗಸ್ಟ್ 28 -29 ಗ್ ಸಿಇಟಿ ಪರೀಕ್ಷೆ

ಕುಡ್ಲಗ್ ಬರಿಯರೆ ಉಪ್ಪುನ ಸಮಾಜ ಕಲ್ಯಾಣ ಸಚಿವೆರಾಯಿನ ಕೋಟ ಶ್ರೀನಿವಾಸ್ ಪೂಜಾರಿ

ನೀರಜ್ ಚೋಪ್ರಾಗ್ ಸೊಲ್ಮೆ ಸಂದೈತ ಮಲ್ತಿನ ಸಿಎಂ ಸಿದ್ದರಾಮಯ್ಯ

ಒಡಿಪುಡು 129 ಜನಕ್ ಕೋವಿಡ್ ಪಾಸಿಟಿವ್

ಮಾರ್ಗದ ಅಪಘಾತಗ್ ತೀರ್ ಪೋಯಿನ ಕಂಬಳಡ್ ಪುಗಾರ್ತೆ ಪಡೆಯಿನ ಗುರುವಪ್ಪ ಪೂಜಾರಿ

ಪೆಲಕಾಯಿರ್ದ್ ಚಾಕಲೇಟ್ ತಯಾರ್ ಮಲ್ತಿನ ಕ್ಯಾoಪ್ಕೋ

You Missed

“ಕುಡ್ಲಡ್ ನೀರ್‌ದ ಸಮಸ್ಯೆ ಪರಿಹಾರಗ್ ತುಂಬೆ ಡ್ಯಾಮ್ ಎತ್ತರ ಮಲ್ಪಾಲೆ, ಕಡಲ್‌ದ ನೀರ್ ಶುದ್ದ ಮಲ್ಪಾಲೆ”

ಸೆ.27 : ಶಿವಾಯ ಫೌಂಡೇಶನ್(ರಿ) ವತಿರ್ದ್ ಶೈಕ್ಷಣಿಕ ಸಹಾಯ, ಪ್ರತಿಭಾ ಪುರಸ್ಕಾರ, ವಿದ್ಯಾ ಪ್ರೇರಣಾ 2026

ನಿಡ್ಲೆ ಗೋವಿಂದ ಭಟ್ರೆಗ್ ಮಂಡೆಚ್ಚ ಪ್ರಶಸ್ತಿ -2026

ಪಾವಂಜೆ ಜಂಕ್ಷನ್ ಡ್ ಬ್ಯಾರಿಕೇಡ್ ಗ್ ತಾಂಟಿನ ಮೀನ್ ದ ಲಾರಿ – ತತ್ತಿನ ಮಲ್ಲ ಅನಾಹುತ