ಬೊಲ್ತೆರ್ ಸುದ್ದಿ | Belthangady News

ಒಡಿಪುದ ಕುಟುಂಬಗ್ ಸೆಲ್ಕೋ ಬೊಲ್ಪು

Aug 11, 2021

ಒಡಿಪು : ಜಾಗದ ದಾಖಲೆ ಇಜ್ಜಿ ಪನ್ಪಿನ ಕಾರಣಗ್ 13 ವರ್ಷರ್ದ್ ವಿದ್ಯುತ್ ಸಂಪರ್ಕ ಪಡೆಯರೆ ಸಾಧ್ಯ ಆವಂದೆ ಕತ್ತಲೆಡ್ ಜೀವನ ಸಾಗವೊಂದು ಇತ್ತಿನ ಬ್ರಹ್ಮಾವರ ತಾಲ್ಲೂಕುದ ಮಂದಾರ್ತಿದ ಹೆಗ್ಗುಂಜೆ ಗ್ರಾಮದ ಮುರಾರಿ ಮರಾಠೆ ಬೊಕ್ಕ ಪ್ರಭಾವತಿ ನಿವಾಸಗ್ ಕಡೆಕ್ ಲಾ ಬೊಲ್ಪು ತಿಕ್ಕುಂಡು.

ಜುಲೈ 31ಕ್ಕ್ ಪತ್ರಿಕೆಡ್ ಬತ್ತಿನ ಮಂಕಾವೊಂದು ಉಂಡು ಜೋಕ್ಲೆನ ಭವಿಷ್ಯ ಪನ್ಪಿನ ಶೀರ್ಷಿಕೆದಡಿ ಪ್ರಕಟವಾಯಿನ ವಿಶೇಷ ವರದಿ ಗೇನೋಡು ಪಾತೆರಿನ ಸೆಲ್ಕೊ ಸೋಲಾರ್ ಲೈಟ್‌ ಪ್ರೈವೇಟ್‌ ಲಿಮಿಟೆಡ್‌ ಸಂಸ್ಥೆದ ಪ್ರತಿನಿಧಿಲು ಇಂಚೋಗು ಮುರಾರಿ ಮರಾಠೆ ನಿವಾಸಗ್ ಪೋದು ಸೋಲಾರ್ ಉಪಕರಣನ್ ಪಾಡ್ದೆರ್ . ಕತ್ತಲೆ ಜಿಂಜಿನ ಇಲ್ಲಡ್ ಇತ್ತೆ ಬೊಲ್ಪು ಮೂಡುದುಂದು.

ಶ್ರೀ ಕ್ಷೇತ್ರ ಪೊಳಲಿಗ್ ಭೇಟಿ ಕೊರಿನ ಸಚಿವ ವಿ.ಸುನೀಲ್ ಕುಮಾರ್

Aug 11, 2021

ಬಂಟ್ವಾಳ : ಇಂಧನ ಇಲಾಖೆ ಬೊಕ್ಕ ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆಗ್ ಪೊಸತನನ್ ಕನಪಿನ ಮುಖೇನ ರಾಜ್ಯದ ಜನತೆಗ್ ಎಡ್ಡೆಪ್ಪುನು ಮಲ್ಪುವ ಪಂದ್ ಸಚಿವ ಸುನಿಲ್ ಕುಮಾರ್ ಪಂಡೆರ್ .

ಸೋಮವಾರ ಕಾಂಡೆ ಪೊಳಲಿ ಶ್ರೀ ರಾಜರಾಜೇಶ್ವರಿ ಕ್ಷೇತ್ರಗ್ ಭೇಟಿ ಕೊರ್ದು ಸುದ್ದಿಗಾರೆರ್ನೊಟ್ಟಿಗೆ ಪಾತೆರಿಯೆರ್.

ಬಂಟ್ವಾಳ ಶಾಸಕ ರಾಜೇಶ್ ನಾಯ್ಕ ಉಳಿಪ್ಪಾಡಿಗುತ್ತು ಸಚಿವೆರೆನ್ ಕ್ಷೇತ್ರದ ಪರವಾದ್ ಎದುಕೊಂದು ಸೊಲ್ಮೆ ಸಂದೈತ ಮಲ್ತೆರ್. ಕಿಯೋನಿಕ್ಸ್ ಗುರ್ಕಾರ್ಲಾಯಿನ ಹರಿಕೃಷ್ಣ ಬಂಟ್ವಾಳ, ದೇವಳದ ಕಾರ್ಯನಿರ್ವಣಾಧಿಕಾರಿ ಪಿ.ಜಯಮ್ಮ ಆಡಳಿತ ಮೊಕ್ತಸರ ಡಾ! ಮಂಜಯ್ಯ ಶೆಟ್ಟಿ ಅಮ್ಮುಂಜೆ ಗುತ್ತು, ಯು.ತಾರನಾಥ ಆಳ್ವ, ಚೇರ ಸೂರ್ಯನಾರಾಯಣ ರಾವ್, ಪಿ.ಮಾದವ ಭಟ್, ಜಿಲ್ಲಾ ಧಾರ್ಮಿಕ ಪರಿಷತ್ ಸದಸ್ಯೆರಾಯಿನ ಗಿರಿಪ್ರಕಾಶ್ ತಂತ್ರಿ, ಬೂಡ ಗುರ್ಕಾರ್ಲಾಯಿನ ದೇವದಾಸ್ ಶೆಟ್ಟಿ, ಬಿಜೆಪಿ ಗುರ್ಕಾರ್ಲಾಯಿನ ದೇವಪ್ಪ ಪೂಜಾರಿ, ಪ್ರಮುಖೆರಾಯಿನ ವೆಂಕಟೇಶ ನಾವುಡ, ಯಶವಂತ ಪೊಳಲಿ, ನಂದರಾಮ ರೈ, ಪುರುಷೋತ್ತಮ ಶೆಟ್ಟಿ, ಪುಷ್ಪರಾಜ್ ಚೌಟ ಪಾಲ್ ಪಡೆದಿತ್ತೆರ್.

ಆರೋಗ್ಯದಕ್ಷಿಣ ಕನ್ನಡರಾಜ್ಯ ಗ್ಲೋಬಲ್ ಫೌಂಡೇಶನ್ (ರಿ) ವತಿರ್ದ್ ಕ್ಯಾನ್ಸರ್ ಸ್ಕ್ರೀನಿಂಗ್ ಶಿಬಿರ

Aug 11, 2021

ಕುಡ್ಲ : ಬೆಂಗ್ಳೂರುದ ಗ್ಲೋಬಲ್ ಫೌಂಡೇಶನ್ (ರಿ) ನೆತ್ತ ವತಿರ್ದ್ 8.8.2021ಕ್ಕ್ ಉಚಿತ ಕ್ಯಾನ್ಸರ್ ಸ್ಕ್ರೀನಿಂಗ್ ಶಿಬಿರ ನಡತುಂಡು . ಇಂದುವೆ ಪೊರ್ತುಡು ಪಾತೆರಿನ ಶಾಸಕೆರ್ ಇಂಚಿನ ದರ್ಮದ ಶಿಬಿರದ ಸದುಪಯೋಗನ್ ಅಗತ್ಯ ಉಪ್ಪುನಕುಲು, ಪಾಪದಕುಲು ,ಪಡೆಯೋಡು ಪಂದ್ ಪಂಡೆರ್.

ಈ ಲೇಸ್ ದ ಉದಿಪನದ ಪೊರ್ತುಡು ಕೈತಲ್ ದ ಜನಪ್ರಿಯ ಶಾಸಕೆರಾಯಿನ ಎಸ್ಆರ್ ವಿಶ್ವನಾಥ್, ಅಖಿಲ ಭಾರತ ಹಿಂದೂ ಮಹಾ ರಾಜ್ಯ ಗುರ್ಕಾರ್ಲಾಯಿನ ಡಾ. ಎಲ್ ಕೆ ಸುವರ್ಣ, ರಾಜ್ಯ ಒತ್ತುಗುರ್ಕಾರ್ಲಾಯಿನ ನೀತಿಶ್ ಶರಣ್, ರಾ.ಸ. ಸo ಕಾರ್ಯoತೆರ್ ಆಯಿನ ಕಮಲೇಶ್ ಸುವರ್ಣ, ಕ್ಯಾನ್ಸರ್ ಸೊಸೈಟಿ ಕರ್ನಾಟಕದ ಗುರ್ಕಾರ್ಲಾಯಿನ ಸುರೇಶ್ ಕುಮಾರ್, ಸ್ಥಳೀಯ ಕಾರ್ಪೊರೇಟರ್ ನೇತ್ರ ಪಲ್ಲವಿ, ಬಿಜೆಪಿ ಮುಖಂಡೇರಾಯಿನ ಮುನಿಕೃಷ್ಣಪ್ಪ, ಗ್ಲೋಬಲ್ ಕೇರ್ ಫೌಂಡೇಶನ್ ಗುರ್ಕಾರ್ಲಾಯಿನ ಸಿಕೆ ಚಂಗಪ್ಪ, ನಿರ್ದೇಶಕೆರಾಯಿನ ಕಿರಣ್ ಕುಮಾರ್ ಹಿಂದೂ ಮಹಾಸಭಾ ಹೆಬ್ಬಾಳ ಕ್ಷೇತ್ರ ಪ್ರಧಾನ ಕಾರ್ಯಂತೆರ್ ಮುರಳಿ ಹೆಗಡೆ ಪಾಲ್ ಪಡೆದಿತ್ತೆರ್.

ತುಳುನಾಡ ದೈವಾರಾಧನೆಗ್ ವಾಟ್ಸಾಪ್ ಕೂಪೆಡ್ ಅಪಮಾನ : ತನಿಖೆಗ್ ಅಗ್ರಹ

Aug 10, 2021

ಕುಡ್ಲ : ತುಳುನಾಡು ಆರಾಧ್ಯ ದೈವ ದೇವೆರ್ ಆಯಿನಂಚಿನ ಕಾರಣಿಕದ ಕಟೀಲಪ್ಪೆ ಉಲ್ಲಾಲ್ದಿ ಬೊಕ್ಕ ಕೊರಗಜ್ಜ ದೈವಗ್ ಒಂಜಿ ವಾಟ್ಸಪ್ ಕೊಪೆಡು ವಿಕ್ರುತ‌ ಮನಸ್ಕೆರ್ ಅಪಮಾನ ಮಲ್ಪುನoಚಿನ ಬೇಲೆ ನಡತೊಂದು ಉಂಡು. ಕೊರಗನ ಬೊಜ್ಜ ಪನ್ಪಿನ ವಾಟ್ಸಾಪ್ಪ್ ಕೂಪೆ ಮಲ್ತ್ ಅಜ್ಜ ಗ್ ಅಪಮಾನ ಮಲ್ದೆರ್.

ಈ ಬಗ್ಗೆ ಜೈ ತುಳುನಾಡು ಸಂಘಟನೆ ಬೊಕ್ಕ ಪೋಲಿಸ್ ಇಲಾಖೆ ನೆಕ್ಕ್ ಆಯಿನಾತ್ ಬೇಗ ಸರಿಯಾಯಿನ ಕ್ರಮ ಗೆತೊನೊಡು , ತುಳುವೆರ್ನ ಭಾವನೆಗ್, ನಂಬಿಕೆಗ್ ಬೇನೆ ಆಪಿನoಚಿನ ಬೇಲೆ ಮಲ್ತೊಂದು ಉಪ್ಪುನ ಈ ವಿಕೃತ ಮನಸ್ಕೆರ್ ಆಯಿನಾತ್ ಬೆಗೋಡೆ ಶಿಕ್ಷೆ ಆವೊಡು ಪಂದ್ ಸಾರ್ವಜನಿಕೆರ್ನ ಸೊರ ಕೇಂದ್ ಬರೊಂದು ಉಂಡು..

ಪೊರ್ಕೋಡಿಡ್ ತುಲು ಲಿಪಿತ ಪುದರ್ ಪಲವೆ ಉದಿಪನ

Aug 10, 2021

ಬಜ್ಪೆ : ಬಜ್ಪೆದ ಪೊರ್ಕೋಡಿಡ್ ಪೊಸತಾದ್ ಪಾಡಿನ ಊರುದ ತುಳುಲಿಪಿತ ಪುದರ್ದ ಪಲವೆನ್ ಮಾನ್ಯ ಶಾಸಕೆರಾಯಿನ ಶ್ರೀ ಉಮನಾಥ್ ಕೋಟ್ಯಾನ್ ಉದಿಪನ ಮಲ್ತೆರ್.

ಈ ಪೊರ್ತುಡು ಪಟ್ಟಣ ಪಂಚಾಯತ್ ಮುಖ್ಯಧಿಕಾರಿ ಶ್ರೀಮತಿ ಪೂರ್ಣಕಲಾ ವೈ.ಕೆ,
ಮುಲ್ಕಿ-ಮೂಡಬಿದ್ರೆ ಹಿಂದುಳಿದ ವರ್ಗದ ಮೋರ್ಚಾದ ಗುರ್ಕಾರ್ಲಾಯಿನ ರಾಜೇಶ್ ಅಮೀನ್, ಪ್ರಮುಖೆರಾಯಿನ ರಿತೇಶ್ ಶೆಟ್ಟಿ,ಗಣೇಶ್ ಅರ್ಬಿ ,ಸತೀಶ್ ದೇವಾಡಿಗ,ಅಣ್ಣು ಶೆಟ್ಟಿ,ಲೋಕೇಶ್ ಪೂಜಾರಿ ಬಜ್ಪೆ, ಭೋಜರಾಜ್ ಕರಂಬಾರ್ ಲಕ್ಷ್ಮಣ ಬಂಗೇರ,ನಿತ್ಯಾನಂದ ಪುತ್ರನ್,ನವೀನ್ ಶೆಟ್ಟಿ,
ಅಶೋಕ್ ಮುರನಗರ,ನಿರಂಜನ್ ಕರ್ಕೇರ ಪೊರ್ಕೋಡಿ ಪಾಲ್ ಪಡೆದಿತ್ತೆರ್.

” ನೇಗಿಲ ನೆನಪು ” ಕಂಡೊಡು ಬೆನ್ನಿದ ಸಂಭ್ರಮ

Aug 10, 2021

ವಿಟ್ಲ: ಇಡ್ಕಿದು ಸೇವಾ ಸಹಕಾರಿ ಸಂಘ, ಗ್ರಾಮ ವಿಕಾಸ ಸಮಿತಿ, ಅಮೃತ ಸಿಂಚನ ರೈತ ಸೇವಾ ಒಕ್ಕೂಟ, ಗ್ರಾಮ ಪಂಚಾಯಿತಿ, ಷಣ್ಮುಖ ಸುಬ್ರಹ್ಮಣ್ಯ ದೇವಸ್ಥಾನ ಕೋಲ್ಪೆ, ವಿಷ್ಣು ಮೂರ್ತಿ ದೇವಸ್ಥಾನ ಕುಂಡಡ್ಕ ಮೆಕ್ಲೆನ ಒಟ್ಟು ಸೇರಿಗೆಡ್ “‘ನೇಗಿಲ ನೆನಪು’ ಕಂಡೊಡು ಬೆನ್ನಿದ ನಾಟಿ ಲೇಸ್ ಬೀಡ್ ದ ಮಜಲು ಪದ್ಮಾವತಿ ಶೆಟ್ಟಿ ಮೆರ್ನ ಕಂಡೊಡು ನಡತುಂಡು.

ಪುತ್ತೂರು ಮಹಾಲಿಂಗೇಶ್ವರ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿ ಸದಸ್ಯೆರಾಯಿನ ಶೇಖರ ನಾರಾವಿ ಮೇರ್ ತುಡರ್ ಅರ್ಲಾದ್ ಲೇಸ್ ಉದಿಪನ ಮಲ್ತೆರ್ .

ಅಮೃತ ಸಿಂಚನ ರೈತ ಸೇವಾ ಒಕ್ಕೂಟದ ಗುರ್ಕಾರ್ಲಾಯಿನ ಪ್ರಕಾಶ್ ಕೆ.ಎಸ್.ಉರಿಮಜಲು, ಬಂಟ್ವಾಳ ಕೃಷಿ ಸಹಾಯಕ ನಿರ್ದೇಶಕ ಚೆನ್ನಕೇಶವ ಮೂರ್ತಿ ಕೃಷಿ ಇಲಾಖೆದ ಸೌಲಭ್ಯದ ಬಗ್ಗೆ ಮಾಹಿತಿ ತೆರಿಪಾಯೆರ್ .

ಪಾಪದಕ್ಲೆನ ಪರ ಬೇಲೆ ಮಲ್ಪರೆ ನನಾತ್ ಅವಕಾಶ : ಕೋಟ ಶ್ರೀನಿವಾಸ ಪೂಜಾರಿ

Aug 10, 2021

ಕುಡ್ಲ : ಹಿಂದುಳಿದ ವರ್ಗದ ಕಲ್ಯಾಣ ಬೊಕ್ಕ ಸಮಾಜಕಲ್ಯಾಣ ಇಲಾಖೆಲಾ ಮಹತ್ವದ ಖಾತೆ ಆದುಂಡು ಎಂಕ್ ತಿಕ್ಕಿನವು ತೃಪ್ತಿ ಬೊಕ್ಕ ಪೆರ್ಮೆ. ಈ ಖಾತೆದ ಮುಖೇನ ಪಾಪದಕುಲು, ಸಮಾಜದ ಕಟ್ಟಕಡೆಟ್ ಉಪ್ಪುನಕ್ಲೆನ ಶ್ರೇಯೋಭಿವೃದ್ಧಿಗ್ ನನಾತ್ ಬೇಲೆ ಮಲ್ಪುನ ಅವಕಾಶ ತಿಕ್ಕುಂಡು ಪಂದ್ ಕೋಟ ಶ್ರೀನಿವಾಸ ಪೂಜಾರಿ ಪಂಡೆರ್ .

ಬಸವರಾಜ ಬೊಮ್ಮಾಯಿ ಸರಕಾರಡ್ ಸಚಿವೇರಾಯಿ ಬೊಕ್ಕ ಸುರುತ ಸಲ ಕುಡ್ಲಗ್ ಬತ್ತಿನ ಮೇರ್ ಕುಡ್ಲದ ಸರ್ಕೀಟ್ ಹೌಸ್ಡ್ ಮಾಧ್ಯಮದಕ್ಲೆಡ ಪಾತೆರಿಯೆರ್.

ರಾಜ್ಯೋಡು ಲಾಕ್ಡೌನ್ ಪಾಡುನ ಪಾತೆರನೇ ಇಜ್ಜಿ : ಸಚಿವ ಸುಧಾಕರ್

Aug 10, 2021

ಬೆಂಗ್ಳೂರು: ಹಾಲಿ ಪರಿಸ್ಥಿತಿಡ್ ರಾಜ್ಯೋಡು ಲಾಕ್ ಡೌನ್ ಪಾಡುನ ಪ್ರಶ್ನೆನೇ ಇಜ್ಜಿ.ಪರಿಸ್ಥಿತಿ ಇತ್ತೆಲ ನಿಯಂತ್ರಣಡ್ ಉಂಡು ಸರ್ಕಾರ ನನಾತ್ ಕ್ರಮ ದೆತೊನೊಡು ಪಂದ್ ಸಚಿವ ಸುಧಾಕರ್ ಪಂಡೆರ್.

.ಕೇರಳ ಬೊಕ್ಕ ಮಹಾರಾಷ್ಟ್ರಡ್ ಕೋವಿಡ್ ಸೋಂಕಿತೆರ್ ಜಾಸ್ತಿ ಆವೊಂದು ಉಂಡು . ಇಂದುವೆ ಕಾರಣಗ್ ಗಡಿ ಜಿಲ್ಲೆಡ್ ನಿರ್ಬಂಧ ಪಾಡ್ದೆರ್ . ಆತೆ ಅತ್ತoದೆ ರಾಜ್ಯದ ಕೆಲವು ಜಿಲ್ಲೆಡ್ ಜಿಲ್ಲಾಡಳಿಕ ನೈಟ್ ಕರ್ಫ್ಯೂ ದಂಚಿನ ನಿರ್ಬಂಧನ್ ಪಾಡೊಂದು ಉಂಡು.

ಪ್ರಸ್ತುತ ರಾಜ್ಯಡ್ ಲಾಕ್‌ಡೌನ್ ಪಾಡುನ ಪ್ರಶ್ನೆನೇ ಇಜ್ಜಿ ಪಂದ್ ಪಂಡೆರ್ .

ಜೆಇಇ ಮೇನ್ಸ್ : ಎಕ್ಸಪರ್ಟ್ ಜೋಕ್ಲೆನ ಸಾಧನೆ

Aug 10, 2021

ಕುಡ್ಲ : ಜೆಇಇ ಮೇನ್ಸ್ ಮೂಜನೇ ಹಂತದ ಪರೀಕ್ಷೆದ ಭೌತವಿಜ್ಞಾನಡ್ ಪೇಂಟೆದ ಎಕ್ಸ್‌ಪರ್ಟ್‌ ಪದವಿಪೂರ್ವ ಕಾಲೇಜ್ದ ಮಿನಾಂಕ್ ಕೆ.ಪಿ. 100 ಪರ್ಸೆಂಟೈಲ್ ಅಂಕ ಪಡೆತೆರ್ .

ಕಾಲೇಜ್ದ ಐನ್ ಜೋಕುಲು 99 ಪರ್ಸೆಂಟೈಲ್‍ರ್ದ್ ಜಾಸ್ತಿ ಪಡೆತೆರ್ . 12 ಜೋಕುಲು 98 ಪರ್ಸೆಂಟೈಲ್ರ್ದ್ ಜಾಸ್ತಿ , 18 ಜೋಕುಲು 97 ಪರ್ಸೆಂಟೈಲ್ರ್ದ್ ಜಾಸ್ತಿ , 45 ಜೋಕುಲು 95 ಪರ್ಸೆಂಟೈಲ್ರ್ದ್ ಜಾಸ್ತಿ , ಫಲಿತಾಂಶ ಪಡೆತೆರ್ .

ದ್ವಿತೀಯ ಪಿಯುಸಿ ಜೋಕುಲಾಯಿನ ರಾಜ್ ಅನಿಕೇತ್ ರೆಡ್ಡಿ ವಿ.ಎಸ್. 99.9493158, ಮಿನಾಂಕ್ ಕೆ.ಪಿ. 99.5674496, ಸೌರಭ್ ಮಯ್ಯ 99.4400428, ಅಮೋಘ ಎ. ಹಲಹಳ್ಳಿ 99.1651491, ಸಂಜನಾ ಕಾಮತ್ ಪಂಚಮಲ್ 99.0954538 ಅಂಕ ಪಡೆತೆರ್ . ತೇಜಸ್ 98.9148375, ಈಶಾ ಹನುಮರೆಡ್ಡಿ ಕೋಟಿ 98.6869069, ಚಿನ್ಮಯ್ ಎನ್. 98.6869069, ಸುಹಾನ್ ಸಮರ್ಥ ಬಿ.ಎಸ್. 98.5996181, ಧನ್ವಿನ್ ಎಲ್. 98.2989439, ಎಂ.ಶ್ರೇಯಸ್ ಶೆಣೈ 98.2597072, ಸಂಜಯ್ ಡಿ. ಕುಲಾಲ್ 98.0651129, ವರುಣ್ ದಿನೇಶ್ ಶೆಟ್ಟಿ 97.9413543, ಎಚ್.ಎನ್. ಜಾಗೃತಿ 97.4047071, ಎಂ.ಪಿ.ಆಕಾಶ್ 97.3316359, ಕಿರಣ್ ಎಂ.ಪಿ. 97.3044608, ಆರ್.ಸೃಷ್ಟಿ 97.1941726, ಎ.ಸಹಜ್ ಆಳ್ವ 97.017071 ಅಂಕ ಪಡೆತೆರ್ .

₹3.9 ಲಕ್ಷ ಪಿರ ಕೊರ್ರೆ ಸೂಚನೆ

Aug 10, 2021

ಕುಡ್ಲ : ಆಯುಷ್ಮಾನ್ ಭಾರತ್-ಆರೋಗ್ಯ ಕರ್ನಾಟಕ ಯೋಜನೆದಡಿ ಜಿಲ್ಲೆದ ಏಳ್ ಖಾಸಗಿ ಆಸ್ಪತ್ರೆಲು ರೋಗಿಲು ಬೊಕ್ಕ ಅಕ್ಲೆನ ಕುಟುಂಬ ದಕ್ಲೆಡ ಜಾಸ್ತಿ ಕಾಸ್ ಪಡೆಯಿನ ಬಗ್ಗೆ ಅಂಚನೇ ಯೋಜನೆದಡಿ ಮರ್ದ್ ಗ್ ನಿರ್ಲಕ್ಷ್ಯ ಮಲ್ತಿನ ಬಗ್ಗೆ ಬಾರಿ ಆಕ್ಷೇಪ ಮಲ್ತಿನ ಜಿಲ್ಲಾಧಿಕಾರಿ ಡಾ.ಕೆ.ವಿ. ರಾಜೇಂದ್ರ, ಸಂತ್ರಸ್ತೆರೆಗ್ ಅಪಗನೆ ಕಾಸ್ ಪಿರ ಕೊರ್ರೆ ಸೂಚನೆ ಕೊರ್ತೆರ್ .

ಜಿಲ್ಲಾಧಿಕಾರಿ ಕಚೇರಿಡ್ ನಡತಿನ ಜಿಲ್ಲಾ ಮಟ್ಟದ ಕುಂದುಕೊರತೆ ಪರಿಹಾರ ಸಮಿತಿ ಸಭೆಟ್ , ಆಯುಷ್ಮಾನ್ ಭಾರತ್-ಆರೋಗ್ಯ ಕರ್ನಾಟಕ ಯೋಜನೆದಡಿ ಸಂತ್ರಸ್ತೆರ್ ದಾಖಲ್ ಮಲ್ತಿನ ದೂರುಲೆನ್ ಕೇಂಡಿನ ಜಿಲ್ಲಾಧಿಕಾರಿ, ವಾರದುಲಯಿ ರೋಗಿಲೆನ ಬ್ಯಾಂಕ್ ಖಾತೆಗ್ ಕಾಸ್ ವರ್ಗಾವಣೆ ಮಲ್ತ್ , ಸ್ವೀಕೃತಿ ಪತ್ರನ್ ಜಿಲ್ಲಾಧಿಕಾರಿ ಕಚೇರಿಗ್ ಕೊರ್ರೆ ಆದೇಶ ಕೊರಿಯೆರ್.

ಬೊಲ್ತೆರ್ ಸುದ್ದಿ | Belthangady News

ಒಡಿಪುದ ಕುಟುಂಬಗ್ ಸೆಲ್ಕೋ ಬೊಲ್ಪು

ಶ್ರೀ ಕ್ಷೇತ್ರ ಪೊಳಲಿಗ್ ಭೇಟಿ ಕೊರಿನ ಸಚಿವ ವಿ.ಸುನೀಲ್ ಕುಮಾರ್

ಆರೋಗ್ಯದಕ್ಷಿಣ ಕನ್ನಡರಾಜ್ಯ ಗ್ಲೋಬಲ್ ಫೌಂಡೇಶನ್ (ರಿ) ವತಿರ್ದ್ ಕ್ಯಾನ್ಸರ್ ಸ್ಕ್ರೀನಿಂಗ್ ಶಿಬಿರ

ತುಳುನಾಡ ದೈವಾರಾಧನೆಗ್ ವಾಟ್ಸಾಪ್ ಕೂಪೆಡ್ ಅಪಮಾನ : ತನಿಖೆಗ್ ಅಗ್ರಹ

ಪೊರ್ಕೋಡಿಡ್ ತುಲು ಲಿಪಿತ ಪುದರ್ ಪಲವೆ ಉದಿಪನ

” ನೇಗಿಲ ನೆನಪು ” ಕಂಡೊಡು ಬೆನ್ನಿದ ಸಂಭ್ರಮ

ಪಾಪದಕ್ಲೆನ ಪರ ಬೇಲೆ ಮಲ್ಪರೆ ನನಾತ್ ಅವಕಾಶ : ಕೋಟ ಶ್ರೀನಿವಾಸ ಪೂಜಾರಿ

ರಾಜ್ಯೋಡು ಲಾಕ್ಡೌನ್ ಪಾಡುನ ಪಾತೆರನೇ ಇಜ್ಜಿ : ಸಚಿವ ಸುಧಾಕರ್

ಜೆಇಇ ಮೇನ್ಸ್ : ಎಕ್ಸಪರ್ಟ್ ಜೋಕ್ಲೆನ ಸಾಧನೆ

₹3.9 ಲಕ್ಷ ಪಿರ ಕೊರ್ರೆ ಸೂಚನೆ

You Missed

“ಕುಡ್ಲಡ್ ನೀರ್‌ದ ಸಮಸ್ಯೆ ಪರಿಹಾರಗ್ ತುಂಬೆ ಡ್ಯಾಮ್ ಎತ್ತರ ಮಲ್ಪಾಲೆ, ಕಡಲ್‌ದ ನೀರ್ ಶುದ್ದ ಮಲ್ಪಾಲೆ”

ಸೆ.27 : ಶಿವಾಯ ಫೌಂಡೇಶನ್(ರಿ) ವತಿರ್ದ್ ಶೈಕ್ಷಣಿಕ ಸಹಾಯ, ಪ್ರತಿಭಾ ಪುರಸ್ಕಾರ, ವಿದ್ಯಾ ಪ್ರೇರಣಾ 2026

ನಿಡ್ಲೆ ಗೋವಿಂದ ಭಟ್ರೆಗ್ ಮಂಡೆಚ್ಚ ಪ್ರಶಸ್ತಿ -2026

ಪಾವಂಜೆ ಜಂಕ್ಷನ್ ಡ್ ಬ್ಯಾರಿಕೇಡ್ ಗ್ ತಾಂಟಿನ ಮೀನ್ ದ ಲಾರಿ – ತತ್ತಿನ ಮಲ್ಲ ಅನಾಹುತ