ಬೊಲ್ತೆರ್ ಸುದ್ದಿ | Belthangady News

ಜಾನ್ಸಿರಾಣಿ ಜ್ಞಾನವಿಕಾಸ ಕೇಂದ್ರ ವತಿರ್ದ್ ಪೌಷ್ಟಿಕ ಆಹಾರ ಮೇಳ ಲೇಸ್

ಗೊಳ್ತಮಜಲು : ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಬಿ ಸಿ ಟ್ರಸ್ಟ್(ರಿ) ವಿಟ್ಲ ದ ಒಟ್ಟು ಸೇರಿಗೆಡ್ ಜಾನ್ಸಿರಾಣಿ ಜ್ಞಾನವಿಕಾಸ ಕೇಂದ್ರ ವತಿರ್ದ್ ಪೌಷ್ಟಿಕ ಆಹಾರ ಮೇಳ ಲೇಸ್ ಸರಕಾರಿ ಪ್ರೌಢಶಾಲೆ ಗೋಳ್ತಮಜಲುಡು ನಡತುಂಡು.

ಲೇಸ್ ನ್ ಶ್ರೀ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆದ ದಕ್ಷಿಣ ಕನ್ನಡ 2 ನೇ ವಿಭಾಗದ ಜಿಲ್ಲಾ ನಿರ್ದೇಶಕೆರಾಯಿನ ಶ್ರೀ ಪ್ರವೀಣ್ ಕುಮಾರ್ ತುಡರ್ ಅರ್ಲಾದ್ ಉದಿಪನ ಮಲ್ತ್ ಜ್ಞಾನ ವಿಕಾಸ ಕೇಂದ್ರ ಉದ್ದೇಶ ಬೊಕ್ಕ ಪ್ರಾಮುಖ್ಯತೆ. ಪೌಷ್ಟಿಕ ತೆನಸ್ ದ ಮಹತ್ವ , ಇಲ್ಲ್ ಬೊಕ್ಕ ಪೊಂಜೊವು ,ಪೊಂಜೊವು ಬೊಕ್ಕ ಆರೋಗ್ಯ, ಪೊಂಜೊವು ಬೊಕ್ಕ ಸಂಸ್ಕೃತಿ ,ಈ ವಿಷಯದ ಬಗ್ಗೆ ವಿವರವಾದ್ ಮಾಹಿತಿ ಕೊರಿಯೆರ್ .
ಲೇಸ್ ದ ಗುರ್ಕಾರ್ ಮೆ ವಹಿಸಿನ ವೀರಕಂಭ ಗ್ರಾಮ ಪಂಚಾಯತ್ ಗುರ್ಕಾರ್ಲಾಯಿನ ಶ್ರೀ ದಿನೇಶ್ ವಹಿಸ್ ದ್ ಜ್ಞಾನವಿಕಾಸ ಕೇಂದ್ರದ ವತಿರ್ದ್ ನಡಪುನ ಮಾತಾ ಲೇಸ್ ಗ್ ಪಂಚಾಯತ್ ಮಟ್ಟಡ್ ಪೂರ್ಣ ಸಾಕಾರ ಕೊರ್ಪೆ ಪಂದ್ ಪಂಡೆರ್.

ಜ್ಞಾನವಿಕಾಸ ಕೇಂದ್ರದ ಸದಸ್ಯೆರ್ ಪೌಷ್ಠಿಕ ಆಹಾರ ಪ್ರಾತ್ಯಕ್ಷಿಕೆಡ್ ಪಾಲ್ ಪಡೆದ್ ವಿವಿಧ ಪೌಷ್ಟಿಕಾಂಶ ಯುಕ್ತ ತೆನಸ್ ಆಯಿನ ತಜಂಕ್ ವಡೆ, ವಿಟಮಿನ್ ಸೊಪ್ಪು ಉಪ್ಪುಕರಿ , ಸಾಂಬಾರು,ಪೆಲಕಾಯಿದ ಬೀಜದ ಲಾಡ್ , ನುರ್ಗೆ ಸೊಪ್ಪು ಉಪ್ಪುಕರಿ, ಕ್ಯಾರೆಟ್ ಹಲ್ವ, ಸೋನೆ ಸೊಪ್ಪು ಚಟ್ನಿ, ಇಂಚ ಬೇತೆ ಬೇತೆ ರೀತಿದ ತೆನಸ್ ತನ್ನ ಇಲ್ಲಡೆ ಮಲ್ತ್ ತಮ್ಮ ಮನೆಯಲ್ಲಿ ಅವೆನ್ ಪ್ರದರ್ಶನಗ್ ದೀದ್ ಐತ ತಯಾರಿಕ ವಿಧಾನ ಬೊಕ್ಕ ಐರ್ದ್ ಆಪಿನ ಉಪಯೋಗದ ಬಗ್ಗೆ ಮಾಹಿತಿ ಕೊರಿಯೆರ್ . ಎಡ್ಡೆ ರೀತಿಡ್ ಆಹಾರ ಖಾದ್ಯ ಮಲ್ತಿನಕ್ಲೆಗ್ ಇನಾಮು ಪಟ್ಟಿಯೆರ್ .

ಈ ಪೊರ್ತುಡು , ಪಂಚಾಯತ್ ಸದಸ್ಯ ಶ್ರೀಮತಿ ಜಯಂತಿಜನಾರ್ಧನ್,ಗೋಳ್ತಮಜಲು ಸರಕಾರಿ ಪ್ರೌಢಶಾಲಾ ಮುಖ್ಯ ಶಿಕ್ಷಕಿ ಶ್ರೀಮತಿವಿದ್ಯಾಲತಾ ,ಗ್ರಾಮಾಭಿವೃದ್ಧಿ ಯೋಜನೆ ವೀರಕಂಬ ಒಕ್ಕೂಟ ಗುರ್ಕಾರ್ಲಾಯಿನ ಶ್ರೀ ಕೊರಗಪ್ಪ ನಾಯ್ಕ ಸಿಂಗೇರಿ. ಯೋಜನೆದ ಕೃಷಿ ಅಧಿಕಾರಿ ಶ್ರೀ ಚಿದಾನಂದ,
ಜ್ಞಾನವಿಕಾಸ ಕೇಂದ್ರದ ಸಮನ್ವಯಾಧಿಕಾರಿ ಸವಿತಾ. ಸೇವಾ ಪ್ರತಿನಿಧಿ ಶ್ರೀಮತಿ ರೇವತಿ. ಪಾಲ್ ಪಡೆದಿತ್ತೆರ್
ಸಭಾಕಾರ್ಯಕ್ರಮರ್ದ್ ಬೊಕ್ಕ ಜ್ಞಾನವಿಕಾಸ ಕೇಂದ್ರದ ಸದಸ್ಯೆರೆರ್ದ್ ಕುಣಿತ ಭಜನೆ ಬೊಕ್ಕ ಸಾಂಸ್ಕೃತಿಕ ಲೇಸ್ ನಡತುಂಡು..

ಬಡಗನ್ನೂರು : ಆಣಗ್ ನಾಯಿ ಚುಚ್ಚಿದ್ ಗಂಭೀರ | ಕುಡ್ಲದ ಆಸ್ಪತ್ರೆಗ್ ದಾಖಲ್

ಪುತ್ತೂರು: ಸಂಭಂದ ದಕ್ಲೆನ ಇಲ್ಲಗ್ ಪೋಯಿನ ಒರಿ ಆಣಗ್ ನಾಯಿ ಚುಚ್ಚಿದ್ ಗಂಭೀರ ಗಾಯ ಆಯಿನ ಘಟನೆ ಬಡಗನ್ನೂರುದ ಸುಳ್ಯಪದವು ಪನ್ಪಿ ಜಾಗೆಡ್ ನಡತುಂಡು .

ಗಾಯ ಆಯಿನ ಆಣನ್ ವಿಟ್ಲದ ಕುದ್ದುಪದವುದ ರಿಕ್ಷಾ ಚಾಲಕ ಹರಿಶ್ಚಂದ್ರ ಮೆರ್ನ ಮಗೆ ಸಂಪ್ರೀತ್ (12) ಪಂದ್ ಗುರ್ತಿಸಾದೆರ್ .

ಪ್ಯಾರಾಲಂಪಿಕ್ಸ್ ಟೇಬಲ್ ಟೆನ್ನಿಸ್ದ ಫೈನಲ್ ಪಂಥೋಡು ಬೊಳ್ಳಿದ ಪದಕ ಗೆಂದಿನ ಭಾವಿನಾ ಪಟೇಲ್

ಟೋಕಿಯೋ : ಜಪಾನ್ ರಾಜಧಾನಿ ಟೋಕಿಯೊದ ಪ್ಯಾರಾಲಿಂಪಿಕ್ಸ್ ಡ್ ನಡತಿನ ಮಹಿಳಾ ಸಿಂಗಲ್ಸ್ ಕ್ಲಾಸ್ 4 ಪಂಥದ ಫೈನಲ್ಡ್ ಭಾರತದ ಪ್ಯಾರಾ ಟೇಬಲ್ ಟೆನಿಸ್ ಪಂತಾರ್ತಿ ಭಾವಿನಾ ಪಟೇಲ್ ಮೇರ್ ಬೊಳ್ಳಿದ ಗೆಂದುನ ಮುಖೇನ ಟೆನಿಸ್‌ಡ್ ಭಾರತದ ಸುರುತ ಫೈನಲ್ ಗ್ ಮುಟ್ಟಿನ ಪಂತಾರ್ತಿ ಆದ್ ಪಿದಾಯಿ.

ಟೇಬಲ್ ಟೆನಿಸ್‌ದ ಫೈನಲ್ ಪಂಥಡ್ ಚೀನಾದ ಝೇ ಯಿಂಗ್ ವಿರುದ್ಧ 0-3 ಅಂತರಡ್ ಸೋಪುನ ಮುಖೇನ ಭಾವಿನಾ ಬಂಗಾರ್ದ ಪದಕ ಗೆಂದುನಲ್ಪ ಸೋತೆರ್ ಆಂಡ , ಪ್ಯಾರಾಲಿಂಪಿಕ್ಸ್‌ದ ಟೇಬಲ್ ಟೆನಿಸ್‌ಡ್ ಭಾರತ ಇತ್ತೆ ಫೈನಲ್‌ಗ್ ಕಾರ್ ದೀತೆರ್.