ಪುತ್ತೂರ್ದ ಸುದ್ದಿ | Puttur News

ಆಯುಷ್ಮಾನ್ ಭಾರತ್-ಆರೋಗ್ಯ ಕರ್ನಾಟಕ ಯೋಜನೆಯಡಿ ಕಾಸ್ ಮರುಪಾವತಿ ಮಲ್ಪರೆ ದ.ಕ. ಜಿಲ್ಲಾಧಿಕಾರಿ ಸೂಚನೆ

Aug 8, 2021

ಕುಡ್ಲ, ಆಗಸ್ಟ್ 8: ಆಯುಷ್ಮಾನ್ ಭಾರತ್-ಆರೋಗ್ಯ ಕರ್ನಾಟಕ ಯೋಜನೆದಡಿ ಜಿಲ್ಲೆದ ಏಳ್ ಖಾಸಗಿ ಆಸ್ಪತ್ರೆಲು ರೋಗಿಲೆಗ್ ಬೊಕ್ಕ ಅಕ್ಲೆನ ಸಂಬಂಧ ದಕ್ಲೆಗ್ ಜಾಸ್ತಿ ಕಾಸ್ ಪಾವತಿ, ಯೋಜನೆಯಡಿ ಮರ್ದ್ ಗ್ ನಿರ್ಲಕ್ಷ್ಯ ಕೊರಿನ ಬಗ್ಗೆ ತೀವ್ರ ಆಕ್ಷೇಪ ವ್ಯಕ್ತ ಮಲ್ತಿನ ನೆಲೆಟ್ಟ್ ದ.ಕ. ಜಿಲ್ಲಾಧಿಕಾರಿ ಡಾ.ಕೆ.ವಿ. ರಾಜೇಂದ್ರ, ಸಂತ್ರಸ್ತೆರೆಗ್ ಕಾಸ್ ಪಿರ ಕೊರ್ರೆ ಸೂಚನೆ ಕೊರ್ತೆರ್ .

ಪೇಂಟೆದ ಜಿಲ್ಲಾಧಿಕಾರಿ ಕಚೇರಿಡ್ ನಡತಿನ ಜಿಲ್ಲಾ ಮಟ್ಟದ ಕುಂದು ಕೊರತೆ ಪರಿಹಾರ ಸಮಿತಿ ಸಭೆಟ್ ಆಯುಷ್ಮಾನ್ ಭಾರತ್-ಆರೋಗ್ಯ ಕರ್ನಾಟಕ ಯೋಜನೆದಡಿ ಸಂತ್ರಸ್ತೆರ್ ದಾಖಲ್ ಮಲ್ತಿನ ದೂರುಲೆನ್ ಕೇಂಡಿನ ಜಿಲ್ಲಾಧಿಕಾರಿ, ಒಂಜಿ ವಾರದುಲಯಿ ರೋಗಿಲೆಗ್ ಅಕ್ಲೆಗ್ ಬ್ಯಾಂಕ್ ಖಾತೆಗ್
ಕಾಸ್ ವರ್ಗಾವಣೆ ಸ್ವೀಕೃತಿ ಪತ್ರನ್ ಜಿಲ್ಲಾಧಿಕಾರಿ ಕಚೇರಿಗ್ ಕೊರಿಯರೆ ಆದೇಶ ಕೊರಿಯೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ರಾಜ್ಯೋಡು ಮಲ್ಲ ಮಟ್ಟ್ ಡ್ ನೆತ್ತೆರ್ದಾನ ಶಿಬಿರ

Aug 8, 2021

ಕುಡ್ಲ ಆಗಸ್ಟ್ 8 : ಬ್ಲಡ್‌ ಹೆಲ್ಪ್ ಲೈನ್ ಕರ್ನಾಟಕ ಸಂಸ್ಥೆದ 5ನೇ ವಾರ್ಷಿಕೋತ್ಸವ ದ ಪರವಾದ್ ಆ. 8 ತಾರೀಖ್ ಗ್ ಕಾಂಡೆ 9 ಗಂಟೆರ್ದ್ ಮಧ್ಯಾಹ್ನ 2 ಗಂಟೆ ಮುಟ ರಾಜ್ಯೋಡು 20 ರಕ್ತನಿಧಿತ ಒಟ್ಟು ಸೇರಿಗೆಡ್ ಬೃಹತ್ ಸಾರ್ವಜನಿಕ ನೆತ್ತೆರ್ ದಾನ ಶಿಬಿರ -2021 ಅಟ್ಟನೆ ಮಲ್ದೆರ್ .

ಕೋವಿಡ್-19 ಸಂದಿಗ್ಧ ಪರಿಸ್ಥಿತಿ ಬೊಕ್ಕ ರೋಗ ನಿರ್ಮೂಲನೆ ಮಲ್ಪರೆ ರಾಷ್ಟ್ರೀಯ ಸುರಕ್ಷತೆಗ್ ನಡತೊಂದು ಉಪ್ಪುನ ಲಸಿಕಾ ಅಭಿಯಾನರ್ದ್ ರಕ್ತ ನಿಧಿಟ್ ರೋಗಿಲೆಗ್ ನೆತ್ತೆರ್ದ ಅಭಾವ ಬೈದುಂಡು .

ನೆತ್ತೆರ್ ದಾನ ನಡಪುನ ಜಾಗೆ ಇಂಚ ಉಂಡು : ಬೆಂಗಳೂರುದ ಹೆಣ್ಣೂರು, ಜೆ.ಪಿ.ನಗರದ ಲಯನ್ಸ್ ರಕ್ತನಿಧಿ, ಮೈಸೂರಿನ ಲಯನ್ಸ್ ಜೀವಾಧಾರ ರಕ್ತನಿಧಿ, ಮಡಿಕೇರಿ ಜಿಲ್ಲಾಸ್ಪತ್ರೆ ರಕ್ತ ನಿಧಿ, ಹಾಸನ ರಕ್ತನಿಧಿ, ಪುತ್ತೂರಿನ ರೋಟರಿ ಕ್ಯಾಂಪ್ಕೋ ಬ್ಲಡ್ ಬ್ಯಾಂಕ್, ಮೂಡುಬಿದಿರೆ ಆಳ್ವಾಸ್ ಆಸ್ಪತ್ರೆ ರಕ್ತ ನಿಧಿ, ಮಣಿಪಾಲ ಕೆಎಂಸಿ ಆಸ್ಪತ್ರೆ ರಕ್ತನಿಧಿ, ಯೆನೆಪೊಯ ದೇರಳಕಟ್ಟೆ, ಕೆ.ಎಸ್.ಹೆಗ್ಡೆ ದೇರಳಕಟ್ಟೆ, ಕಣಚೂರು, ಇಂಡಿಯಾನಾ, ಎ.ಜೆ.ಆಸ್ಪತ್ರೆ, ವೆನ್ಲಾಕ್ ರಕ್ತ ನಿಧಿ, ಕೆಎಂಸಿ ಅಂಬೇಡ್ಕರ್ ವೃತ್ತ, ಫಾದರ್ ಮುಲ್ಲರ್, ತೇಜಸ್ವಿನಿ, ಶ್ರೀನಿವಾಸ್ ಆಸ್ಪತ್ರೆ ಮುಕ್ಕ, ಬಿಜಾಪುರದ ಡಾ.ಗೌಡರ್ಸ್ ರಕ್ತ ನಿಧಿ, ಕಾಸರಗೋಡು ಬ್ಲಡ್ ಬ್ಯಾಂಕ್‌ಡ್ ನೆತ್ತೆರ್ ದಾನ ಶಿಬಿರ ನಡಪರೆ ಉಂಡು.

ಪಾಸಿಟಿವಿಟಿ ಕಮ್ಮಿ ಮಲ್ಪರೆ ಸೂಚನೆ ಕೊರಿನ ಸಚಿವ ಅಂಗಾರ

Aug 8, 2021

ಕುಡ್ಲ, ಆಗಸ್ಟ್ 8 : ಜಿಲ್ಲೆಡ್ ಕೋವಿಡ್-19 ಪಾಸಿಟಿವಿಟಿ ದರ ಕಮ್ಮಿ ಮಲ್ಪರೆ ಅಗತ್ಯ ಉಪ್ಪುನ ಮಾತಾ ಕ್ರಮಕ್ಲೆನ್ ದೆತೊನೆರೆ ಸಚಿವ ಎಸ್. ಅಂಗಾರ, ಅಧಿಕಾರಿಲೆಗ್ ತಾಕೀತು ಮಲ್ದೆರ್ .

ಶುಕ್ರವಾರ ಪೇಂಟೆದ ಜಿಲ್ಲಾಧಿಕಾರಿ ಕಚೇರಿ ಸಭಾಂಗಣಡ್ ಕೋವಿಡ್ ಬೊಕ್ಕ ನೆರೆ ಹಾವಳಿ ಪರಿಹಾರ ಕಾರ್ಯದ ಪರಿಶೀಲನಾ ಸಭೆಟ್ ಗುರ್ಕಾರ್ಮೆ ವಹಿಸ್ದ್ ಆರ್ ಪಾತೆರಿಯೆರ್ .

ದಕ್ಷಿಣ ಕನ್ನಡ ಜಿಲ್ಲೆಡ್ ಇಟಾ ವೈರಸ್ ಪತ್ತೆ

Aug 8, 2021

ಕುಡ್ಲ, ಆಗಸ್ಟ್ 8: ರಾಜ್ಯಡ್ ಕೊರೊನಾ ಮೂಜನೇ ಅಲೆ ಅಬ್ಬರದ ಭೀತಿ ಎದುರಾತುಂಡು . ಕೇರಳ ಬೊಕ್ಕ ಮಹಾರಾಷ್ಟ್ರ ಗಡಿ ಭಾಗದ ಎನ್ಮ ಜಿಲ್ಲೆಡ್ ಕೊರೋನಾ ಮಹಾಮಾರಿದ ಭೀತಿ ಜಾಸ್ತಿ ಆಯಿನೆರ್ದಾವರ ರಾಜ್ಯ ಸರ್ಕಾರ ಕಟ್ಟೆಚ್ಚರ ದೆತೊನ್ದುಂಡು . ಗಡಿ ಭಾಗದ ಎನ್ಮ ಜಿಲ್ಲೆದ ವಾರಾಂತ್ಯದ ಕರ್ಫ್ಯೂ ಬೊಕ್ಕ ರಾತ್ರಿ ಕರ್ಫ್ಯೂ ವಿಸ್ತರಣೆ ಮಲ್ಪರೆ ರಾಜ್ಯ ಸರ್ಕಾರ ಆದೇಶ ಮಲ್ದುಂದು .

ಈ ನೆಲೆಟ್ಟ್ ದಕ್ಷಿಣ ಕನ್ನಡ ಜಿಲ್ಲೆಡ್ಲಾ ಜಿಲ್ಲಾಡಳಿತ ಕಠಿಣ ಕ್ರಮ ದೆತೊನ್ದುಂಡು . ನೆತ್ತ ನಡುಟು ರಾಜ್ಯಡ್ ಕೊರೊನಾ ಮೂಜನೇ ಅಲೆತ ಭೀತಿದ ನಡುಟು ನನೊಂಜಿ ರೂಪಡ್ ಡೆಡ್ಲಿ ವೈರಸ್ ಎಂಟ್ರಿ ಕೊರ್ತುಂಡು . ದಕ್ಷಿಣಕನ್ನಡ ಜಿಲ್ಲೆಡ್ ಇಂದುವೆ ಸುರುತ ಸಲ ಇಟಾ ಪುದರ್ ದ ಪೊಸ ತಳಿಯ ವೈರಾಣು ಪತ್ತೆಯಾತುಂಡು . ಕೋವಿಡ್ ಪಾಸಿಟಿವ್ ಬತ್ತಿನ ವ್ಯಕ್ತಿನ ಸ್ವ್ಯಾಬ್ ನ್ ಜಿನೋಮಿಕ್ ಸಿಕ್ವೆನ್ಸ್ ಪರೀಕ್ಷೆಗ್ ತೋಜಾನಗ ಇಂದು ಇಟಾ ತಳಿಯ ವೈರಸ್ ಪಂದ್ ಖಚಿತ ಆತುಂಡು .

ಕುಡ್ಲಗ್ ಭೇಟಿ ಕೊರಿನ ಪುದುಚೇರಿ ಮಾಜಿ ಸಿಎಂ ನಾರಾಯಣ ಸ್ವಾಮಿ

Aug 8, 2021

ಕುಡ್ಲ, ಆಗಸ್ಟ್ 8 : ಪೇಂಟೆದ ಯೇನೆಪೋಯ ಆಸ್ಪತ್ರೆಡ್ ಶಸ್ತ್ರಚಿಕಿತ್ಸೆಗ್ ಮರ್ದ್ ಪಡೆಯೊಂದು ಉಪ್ಪುನ ಪೆರಿಯ ಕಾಂಗ್ರೆಸ್‌ ಗುರ್ಕಾರ್ಲಾಯಿನ ಆಸ್ಕರ್‌ ಫರ್ನಾಂಡಿಸ್‌ ಮೆರ್ನ ಆರೋಗ್ಯ ಕೇನರೆ ಪುದುಚೇರಿದ ಮಾಜಿ ಮುಖ್ಯಮಂತ್ರಿ ನಾರಾಯಣ ಸ್ವಾಮಿ ಶುಕ್ರವಾರ ಆಸ್ಪತ್ರೆಗ್ ಭೇಟಿ ಕೊರ್ತೆರ್ .

ಈ ಪೊರ್ತುಡು ಆಸ್ಕರ್ ಮೆರ್ನ ಕುಟುಂಬದಕ್ಲೆಗ್ ಧೈರ್ಯ ಕೊರಿಯೆರ್.

ಆರ್ಟ್ ಬೊಕ್ಕ ಆರ್ಟಿಕಲ್ಸ್ ಬೂಕು ಬುಡುಗಡೆ ಲೇಸ್

Aug 7, 2021

ಒಡಿಪು : ಆಗಸ್ಟ್ 7: ಸುನಾಗ್ ಆಸ್ಪತ್ರೆ ಕುಂಜಿಬೆಟ್ಟು ಒಡಿಪು ಮೆಕ್ಲೆನ ಒಟ್ಟು ಸೇರಿಗೆಡ್ ಸುನವ್ಯ ಬೊಕ್ಕ ಸಂಹಿತ ಮೆಕ್ಲೆನ ಆರ್ಟ್ ಬೊಕ್ಕ ಆರ್ಟಿಕಲ್ಸ್ ಪನ್ಪಿನ ಬೂಕು ಬುಡುಗಡೆದ ಲೇಸ್ ಬರ್ಪಿನ 9ನೇ ತಾರೀಕ್ ಸೋಮವಾರ ಬೈಯ್ಯಗ್ 5 ಗಂಟೆಗ್ ಒಡಿಪು ಕಡಿಯಾಳಿದ ಭರತಾಂಜಲಿ ಸಭಾಂಗಣಡ್ ನಡಪರೆ ಉಂಡು.

ಲೇಸ್ ದ ಗುರ್ಕಾರ್ಮೆನ್ ಡೆಂಟಾ ಕೇರ್ ನಿರ್ದೇಶಕ ಡಾ|ವಿಜಯೇಂದ್ರ ರಾವ್ ವಹಿಸರೆ ಉಲ್ಲೆರ್ , ಮಣಿಪಾಲ ಕೆಎಂಸಿದ ಮೂಳೆ ರೋಗ ತಜ್ಞರಾಯಿನ ಡಾ| ಕಿರಣ್ ಆಚಾರ್ಯ ಬೂಕುದ ಪೊಲಬು ಮಲ್ಪರೆ ಉಲ್ಲೆರ್. ಮಲ್ಲ ಬಿನ್ನೆರ್ ಆದ್ ಡಾ|ಎ.ವಿ ಬಾಳಿಗಾ ಆಸ್ಪತ್ರೆದ ನಿರ್ದೇಶಕೆರಾಯಿನ ಡಾ| ಪಿ. ವಿ ಭಂಡಾರಿ ಬರ್ರೆ ಉಲ್ಲೆರ್.

ಸಾಹಿತಿ ಡಾ. ಕಾತ್ಯಾಯಿನಿ ಕುಂಜಿಬೆಟ್ಟು ಬೂಕು ಬುಡುಗಡೆ ಮಲ್ಪರೆ ಉಲ್ಲೆರ್ ಪಂದ್ ಸುನಾಗ್ ಆಸ್ಪತ್ರೆದ ಆಡಳಿತ ನಿರ್ದೇಶಕೆರಾಯಿನ ಡಾ| ನರೇಂದ್ರ ಕುಮಾರ್ ಪಂಡೆರ್.

ಸಚಿವ ಸುನಿಲ್ ಕುಮಾರ್ ಮೆರೆಗ್ “ತುಳು ಮಹಾಭಾರತೊ” ಕೊರ್ದು ಎಡ್ಡೆಪ್ಪು ಬಯಕಿನ ತುಳು ಅಕಾಡಮಿ ಸದಸ್ಯೆರಾಯಿನ ತಾರಾ ಆಚಾರ್ಯ

Aug 7, 2021

ಒಡಿಪು, ಆಗಸ್ಟ್ 7: ಸಚಿವ ಸುನಿಲ್ ಕುಮಾರ್ ಮೆರೆಗ್ ಕೊಡವೂರುದ ಕವಿ ಅರುಣಾಬ್ದ ವಿರಚಿತ “ತುಳು ಮಹಾಭಾರತೊ” ಬೂಕು ನು ಅಮೃತ್ ಗಾರ್ಡಡ್ ಶುಕ್ರವಾರದಾನಿ ತುಳು ಅಕಾಡಮಿ ಸದಸ್ಯೆ ತಾರಾ ಆಚಾರ್ಯ ಕೊರ್ದು ಎಡ್ಡೆಪ್ಪುನು ಬಯಕಿಯೆರ್.

ಈ ಪೊರ್ತುಡು ಸಚಿವ ಕೂಟ ಶ್ರೀನಿವಾಸ ಪೂಜಾರಿ, ಶಾಸಕ ಕೆ. ರಘುಪತಿ ಭಟ್, ಕರಾವಳಿ ಪ್ರಾಧಿಕಾರದ ಗುರ್ಕಾರ್ಲಾಯಿನ ಮಟ್ಟಾರು ರತ್ನಾಕರ್ ಹೆಗ್ಡೆ ಪಾಲ್ ಪಡೆದಿತ್ತೆರ್ .

ಟೋಕಿಯೋ ಒಲಂಪಿಕ್ಸ್ : ಕಂಚ್ ದ ಪದಕ ಗೆಂದಿನ ಭಜರಂಗ್ ಪೂನಿಯ

Aug 7, 2021

ಟೋಕಿಯೊ: ಭಾರತದ ತಾರಾ ಕುಸ್ತಿಪಟು ಭಜರಂಗ್ ಪೂನಿಯಾ ಟೋಕಿಯೊ ಒಲಿಂಪಿಕ್ಸ್ಡ್ ಕಂಚ್ದ ಪದಕ ಗೆಂದ್ ದೆರ್ . ಆಣ್ಜೊವ್ಲೆನ 65 ಕೆಜಿ ಫ್ರೀಸ್ಟೈಲ್ ವಿಭಾಗೊಡು ಭಜರಂಗ್ ಪೂನಿಯಾ ಕಂಚ್ ಗೆಂದ್ದೆರ್ .

ಇನಿ ನಡತಿನ ಪಂದ್ಯಡ್ ಭಜರಂಗ್ ಪೂನಿಯಾ ಮೇರ್ ಕಜಕಿಸ್ಥಾನದ ನಿಯಾಜ್ ಬೆಕೊವ್ ವಿರುದ್ಧ 8-0 ಅಂಕ ಗೆಂದಿಯೆರ್.

ಒಲಿಂಪಿಕ್ಸ್ ಡ್ ಪದಕ ಗೆಂದಿನ ಭಾರತದ ಐನೇ ಕುಸ್ತಿಪಟು ಪನ್ಪಿನ ಪುಗಾರ್ತೆ ಪಡೆಯಿನ ಭಜರಂಗ್ ಪೂನಿಯಾ . 2012ರ್ದ್ ಬೊಕ್ಕ ಸುರುತ ಸಲ ಭಾರತ ಒಂಜಿ ಒಲಿಂಪಿಕ್ಸ್ ಡ್ ರಡ್ಡ್ ಕುಸ್ತಿಪದಕ ಗೆಂದ್ ದೆರ್ .

ಟೋಕಿಯೊ ಓಲಂಪಿಕ್ 2021 : ಭಾರತೊಗು ಬಂಗಾರ್ದ ಪದಕ

Aug 7, 2021

ಟೋಕಿಯೊ ಆ7 : ಬಾರತ ದೇಶದ ಪೆರ್ಮೆದ ಜವನೆ ನಿರಜ್ ಚೊಪ್ರ ಇನಿ ನಮ ಮಾತೆರ್ ಗ ಲಾ ಬಾರಿ ಖುಷಿತ ಸುದ್ದಿ ಕೊರಿಯೆರ್ , ಮೇರ್ ಇನಿ ನಡತಿನ ಜಾವಲಿನ್ ತ್ರೋಡು 87.58 ಮೀ. ದೂರ ದಕ್ ದ್ ದೇಶಗು ಬಂಗಾರದ ಪದಕ ಗೆಂದ್ದ್ಎಡ್ಡೆ ಸುದ್ದಿ ಬತ್ತಂಡ್.ಬಾರತ್ ಮಾತಾ ಕೀ ಜೈ.ವಂದೇ ಮಾತರಂ.