ತುಳುನಾಡ್ ಡ್ ಅಸ್ಟೆಮಿ, ನಾಗರ ಪಂಚೆಮಿಗ್ ಸರ್ಕಾರಿ ರಜೆ ಘೋಷಣೆ ಮಲ್ಪುಲೆಕ ಪ್ರಯತ್ನ ಮಲ್ಪುವೆ : ಶಾಸಕೆರ್ ವೇದವ್ಯಾಸ ಕಾಮತ್
ಕುಡ್ಲ : ಸಮಾಜಸೇವಕೆರ್ ಅಂಚೆನೆ ಉದ್ಯಮಿ ಮುಲ್ಕಿ ಕರುಣಾಕರ ಶೆಟ್ಟಿ, ತುಳು ಪೊರ್ಂಬಾಟಗಾರೆ ಮಂಜುನಾಥ ಅಡಪ ಸೇರಿನಂಚ ಮಾತಾ ತುಳು ಸಂಘಟನೆದಕುಲು ಸೇರ್ದ್ ತುಳುನಾಡ್ ದ ಮಾಮಲ್ಲ ಪರ್ಬ ನಾಗರಪಂಚೆಮಿ ಬೊಕ್ಕ ಅಸ್ಟೆಮಿಗ್ ಕುಡ್ಲ ಬೊಕ್ಕ ಒಡಿಪು ಜಿಲ್ಲೆಡ್ ಸರ್ಕಾರಿ ರಜೆ ಘೋಷಣೆ ಮಲ್ಪೊಡು, ಆತೆ ಅತ್ತಾಂದೆ ತುಳು ಬಾಸೆನ್ ಆಯಿನಾತ್ ಬೇಗ ರಾಜ್ಯದ ಅಧಿಕೃತ ಬಾಸೆ ಮಲ್ಪೊಡು ಪಂದ್ ಶಾಸಕೆರ್ ವೇದವ್ಯಾಸ ಕಾಮತ್ ಮೆರೆಡ ಬಿನ್ನಾಪು ಮಲ್ತೆರ್.
ಈ ಪೊರ್ತುಡು ಶಾಸಕೆರ್ ವೇದವ್ಯಾಸ ಕಾಮತ್ ಪಾತೆರ್ದ್,ಅಸ್ಟೆಮಿ ಬೊಕ್ಕ ನಾಗರಪಂಚೆಮಿಗ್ ಒಡಿಪು ಬೊಕ್ಕ ಕುಡ್ಲ ಜಿಲ್ಲೆಗ್ ಸರ್ಕಾರಿ ರಜೆ ಘೋಷಣೆ ಮಲ್ಪುಲೆಕ ರಾಜ್ಯ ಸರ್ಕಾರೊಗು ಯಾನ್ ಬಿನ್ನಾಪು ಮಲ್ಪುವೆ. ಆತೆ ಅತ್ತಾಂದೆ ತುಳು ಅಧಿಕೃತ ಬಾಸೆ ಮಲ್ಪುನ ಕೆಲಸ ಆವೊಂದುಂಡು. ಈ ಪೊರ್ತುಡು ಮಾತಾ ತುಳು ಸಂಘಟನೆದಕುಲು, ತುಳು ಕಾರ್ಯಕರ್ತೆರ್ ನಮ್ಮೊಟ್ಟಿಗೆ ಇತ್ತ್ ದ್ ಸಾಕಾರ ಮಲ್ಪೊಡು ಪಂಡೆರ್.
ತುಳು ಎನ್ನ ಮಣ್ಣ್ ದ್ ಬಾಸೆ. ಅಂಚಾದ್ ಅವೆನ್ ಒರಿಪುನ ನಮ್ಮ ಕರ್ತವ್ಯ. ಅಂಚಾದ್ ಮಾತೆರ್ಲ ನಮಕ್ ಸಾಕಾರ ಮಲ್ತ್ ದ್ ನಮ್ಮೊಟ್ಟಿಗೆ ಕೆಲಸ ಮಲ್ಪೊಡು ಪಂದ್ ಈ ಪೊರ್ತುಡು ಪಂಡೆರ್. ಬಿಜೆಪಿ ಮುಖಂಡೆರ್ ವಿಜಯಕುಮಾರ್ ಶೆಟ್ಟಿ, ಸುಧೀರ್ ಕಣ್ಣೂರು, ಕಿರಣ್ ರೈ ಬಜಾಲ್ ಮೊಕುಲು ಮಾತ ಇತ್ತೆರ್.
