ಟೈಮ್ಸ್ ಆಫ್ ಕುಡ್ಲ | Times of Kudla | Kudla Tulu Patrike

Wed. Oct 14th, 2026

ಕುಡ್ಲದ ಸುದ್ದಿ | Mangalore News

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಪಕ್ಕ ಸುದ್ದಿ Flash News

MS Doni drives a tractor in his farm!! ಟ್ರ್ಯಾಕ್ಟರ್ ಡ್ ಕಂಡ ದತ್ತೊಂದುಲ್ಲೆರ್ ಕ್ರಿಕೆಟರ್ ಎಂ.ಎಸ್.ಧೋನಿ

ಟೀಂ ಇಂಡಿಯಾದ ಮಾಜಿ ನಾಯಕೆ ಎಂ.ಎಸ್.ಧೋನಿ ಇತ್ತೆ ಬೆನ್ನಿ ಮಲ್ತೊಂದುಲ್ಲೆರ್. ರಾಂಚಿದ ತನ್ನ ಫಾರ್ಮ್‌ಹೌಸ್‌ಡ್ ಟ್ರ್ಯಾಕ್ಟರ್ ಬುಡೊಂದಿಪ್ಪುನ ಮುಕೇನ ಕಂಡಡ್ ಬೆನ್ನಿ ಮಲ್ತೊಂದುಲ್ಲೆರ್.

ತಾನ್ ಪೊಸತ್ತಾದ್ ಕಲ್ತೊಂದಿಪ್ಪುನ ಬೇಲೆದ ವಿಡಿಯೋನ್ ಧೋನಿ ತನ್ನ ಇನ್ಸ್ಟಾಗ್ರಾಮ್‌ಡ್ ಪಾಡ್ದೆರ್. ಪೊಸತ್ತೆನ್ ಕಲ್ಪರೆ ಕುಷಿಯಾತ್ಂಡ್. ಆಂಡ ಬೇಲೆನ್ ಮುಗಿಪಾಯರೆ ಮಸ್ತ್ ಪೊರ್ತು ದೆತೊನ್ಯೆ ಪಂದ್ ಪಂತೆರ್. ರಡ್ಡ್ ವರ್ಷರ್ದ್ ಬೊಕ್ಕ ಧೋನಿ ತನ್ನ ಇನ್ಸ್ಟಾಗ್ರಾಮ್‌ಡ್ ವಿಡಿಯೋ ಪಾಡ್ದೆರ್.

MS Doni drives a tractor in his farm!!

Former Captain of team India MS Doni was seen working in his farmhouse in Ranchi and shared a video of him driving a tractor on his Instagram handle!!

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ADGP Alok Kumar to visit Mangalore today ಇನಿ ಕುಡ್ಲಗ್ ಭೇಟಿ ಕೊರಿಯರೆ ಉಲ್ಲೆರ್ ಎಡಿಜಿಪಿ ಅಲೋಕ್ ಕುಮಾರ್

ಕುಡ್ಲ: ರಾಜ್ಯ ಪೊಲೀಸ್ ಇಲಾಖೆದ ಕಾನೂನು ಬೊಕ್ಕ ಸುವ್ಯವಸ್ಥೆ ವಿಭಾಗದ ಎಡಿಜಿಪಿ ಅಲೋಕ್ ಕುಮಾರ್ ಮೇರ್ ಫೆ. 9 ಗ್ ಬಯ್ಯ ಪೊಲೀಸ್ ಪಶ್ಚಿಮ ವಲಯ ವ್ಯಾಪ್ತಿದ ಜಿಲ್ಲೆದ ಪ್ರಗತಿ ಪರಿಶೀಲನಾ ಸಭೆನ್ ಪೊಲೀಸ್ ಪಶ್ಚಿಮ ವಲಯ ಕಚೇರಿ ಪಾಂಡೇಶ್ವರ ಕುಡ್ಲ ಮುಲ್ಪ ಮಲ್ಪರೆ ಉಲ್ಲೆರ್.

ಸಭೆ ಆಯಿಬೊಕ್ಕ ಬಯ್ಯ 6.30 ಗ್ ಅವ್ವೇ ಕಚೇರಿಡ್ ಜನಕ್ಲೆನ ಕುಂದು ಕೊರತೆದ ಸಭೆನ್ ಮಲ್ಪರೆ ಉಲ್ಲೆರ್.

ADGP Alok Kumar to visit Mangalore today

Mangalore: ADGP Alok Kumar IPS of the state law and order department will be in Mangalore to hold a meeting with officers on February 8 th.

Later he will also hold a public grievances meeting with the people .

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

Decision on Tulu language as state will be taken after studying report by the committee – minister Sunil Kumar ತುಳು ರಾಜ್ಯ ಬಾಸೆದ ಸಮಿತಿದ ವರದಿ ತೂದು ಕ್ರಮ: ಸಚಿವೆರ್ ಸುನೀಲ್ ಕುಮಾರ್

ಒಡಿಪು: ತುಳು ಭಾಷೆಗ್ ಸ್ಥಾನಮಾನ ತಿಕ್ಕುನ ಬಗೆಟ್ ಸಾಧಕ-ಭಾದಕದ ಚರ್ಚೆಗೋಸ್ಕರ ಸಮಿತಿನ್ ರಚನೆ ಮಲ್ತ್‌ದಿತ್ತ್‌ದ್, ಸಮಿತಿದ ವರದಿ ತೂದು ದುಂಬುದ ದಿನಟ್ಟ್ ಸರ್ಕಾರ ತೀರ್ಮಾನ ಮಲ್ಪರೆ ಉಂಡು ಪಂದ್ ಕನ್ನಡ ಬೊಕ್ಕ ಸಂಸ್ಕೃತಿ ಸಚಿವೆರ್ ವಿ. ಸುನೀಲ್ ಕುಮಾರ್ ತೆರಿಪಾದೆರ್.

ಒಡಿಪುಡು ಬುಧಾರ ನಡತಿನ ಸುದ್ದಿಗೋಷ್ಠಿಡ್ ಪಾತೆರಿನ ಆರ್, ಈ ರಾಜ್ಯಡ್ ಕನ್ನಡಗ್ ಸುರುತ್ತ ತಾನೊ ಉಂಡು. ಕನ್ನಡ ಬುಡ್ದ್ ಬೇತೆ ದಾದಲ ಯೋಚನೆ ಮಲ್ಪರೆ ಸಾಧ್ಯ ಇಜ್ಜಿ. ತುಳು, ಕನ್ನಡದ ಚಟುವಟಿಕೆ ಬೊಕ್ಕ ಕನ್ನಡ ನಾಡ್‌ದ ಒಟ್ಟುಗು ಏಪಲ ಉಂಡು. ತುಳುನಾಡ್ ಪ್ರತ್ಯೇಕವಾದ್ ಬೋಡು ಪಂದ್ ನಮ ಕೇನೊಂದಿಜ್ಜ. ತುಳು ಭಾಷೆಗ್ ರಡ್ಡನೇ ಆದ್ಯತೆ ತಿಕ್ಕೊಡು ಪಂದ್ ಕೇನೊಂದುಲ್ಲ ಪಂದ್ ಪಂಡೆರ್.

ಕನ್ನಡಗ್ ಮಾತ ರೀತಿದ ಸ್ಥಾನಮಾನಲು ತಿಕ್ಕೊಂದುಂಡು. ಬೇತೆ ಬೇತೆ ರಾಜ್ಯಡ್ ಆದ್ಯತೆನ್ ಕೊರ್ಪಿನ ಪಕ್ರಿಯೆ ನಡತೊಂದು ಉಂಡು. ಮಸ್ತ್ ಬಿನ್ನಾಪು ಬತ್ತಿನೆಡ್ದ್ ಬೊಕ್ಕ ಅಯಿತ್ತ ಚರ್ಚೆಗೋಸ್ಕರ ಸಮಿತಿನ್ ರಚನೆ ಮಲ್ತ್‌ದೆರ್. ಸಮಿತಿ ಕೊರ್ಪಿನ ವರದಿನ್ ತೂದು ದುಂಬುದ ಕ್ರಮ ದೆತೊನ್ಯರೆ ಉಂಡು ಪಂದ್ ಸುನೀಲ್ ಕುಮಾರ್ ಮೇರ್ ತೆರಿಪಾಯೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

A couple commit suicide at a lodge in Mangalore ಕುಡ್ಲದ ಲಾಡ್ಜ್ ಡ್ ಕೇರಳದ ಕಂಡನಿ ಬುಡೆದಿ ಆತ್ಮಹತ್ಯೆ

ಕುಡ್ಲದ ಲಾಡ್ಜ್ ಡ್ ಕಂಡನಿ ಬುಡೆದಿ ಆತ್ಮಹತ್ಯೆ ಮಲ್ತಿನ ಘಟನೆ ನಡತ್ಂಡ್. ಫಳ್ನೀರ್ ದ ಬ್ಲೂ ಸ್ಟಾರ್ ಲಾಡ್ಜ್ ಡ್ ಕೇರಳದ ದಂಪತಿ ಆತ್ಮಹತ್ಯೆ ಮಲ್ತ್‌ದೆರ್.

ರವೀಂದ್ರ (55) ನನ ಒಕ್ಕ ಸುಧಾ (50) ತೀರ್ ಪೋಯಿನಕುಲು ಪಂದ್ ಗುರ್ತಿಸಾದೆರ್. ಫೆ. 6 ಕ್ಕ್ ಲಾಡ್ಜ್ ಗ್ ಬತ್ತ್‌ದ್ ದಂಪತಿಲು ರೂಮ್ ಬುಕ್ ಮಲ್ತಿತ್ತೆರ್. ಅಯಿರ್ದ್ ಬೊಕ್ಕ ರಡ್ಡ್ ದಿನೊಟ್ಟು ಆತ್ಮಹತ್ಮೆ ಮಲ್ತ್‌ದೆರ್. ಜಾಗೆಗ್ ಪೊಲೀಸ್ ಕಮಿಷನರ್ ಶಶಿಕುಮಾರ್ ಭೇಟಿ ಕೊರ್ದು ಪರಿಶೀಲನೆ ನಡಪಾದೆರ್. ದಂಪತಿಲೆನ ಆತ್ಮಹತ್ಯೆಗ್ ಸರಿಯಾಯಿನ ಕಾರಣ ತೆರಿದ್ ಬೈದಿಜಿ.

A couple commit suicide at a lodge in Mangalore

A couple from Kerala have committed suicide at a lodge in Falnir area of Mangalore. The couple have been identified as Ravindra (55) and Sudha (50).The police commissioner Sashi Kumar has visited and inspected the spot. The reason for the suicide is still not known.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

A college lecturer commits suicide in Mulki ಮುಲ್ಕಿಡ್ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತಿನ ಕಾಲೇಜ್‌ದ ಉಪನ್ಯಾಸಕಿ

ಕುಡ್ಲ: ಮೂಲ್ಕಿ ಕೈತಲ್‌ದ ಎಸ್ ಕೋಡಿ ಪನ್ಪಿನಲ್ಪ ಪೊಂಜೋವು ಒರ್ತಿ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತಿನ ಘಟನೆ ನಡತ್ಂಡ್.

ಅಮಿತಾ ಬಿವಿ (34) ತೀರ್ ಪೋಯಿನ ಪೊಂಜೋವು. ಅಮಿತಾ ಮದಿಮೆಯಾದ್ 12 ವರ್ಷ ಆದಿತ್ತ್‌ದ್, ಅಪ್ಪೆನ ಇಲ್ಲರ್ದ್ ಬತ್ತ್‌ದ್ ಕಂಡನ್ಯನ ಇಲ್ಲಡ್ ಏರ್ ಇಜ್ಜಂದಿನ ಪೊರ್ತುಡು ಬೆಡ್ ರೂಮ್‌ಡ್ ಫ್ಯಾನ್‌ಗ್ ಸೀರೆ ಪಾಡ್ದ್ ಆತ್ಮಹತ್ಯೆ ಮಲ್ತ್‌ದೆರ್. ಆತ್ಮಹತ್ಯೆ ಮಲ್ತಿನೆಕ್ಕ್ ಸರಿಯಾಯಿನ ಕಾರಣ ತೆರಿದ್ ಬೈದಿಜಿ. ಮೂಲ್ಕಿ ಪೊಲೀಸ್ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

“Kantara” movie to be dubbed and released in English ಇಂಗ್ಲೀಷ್‌ಡ್ ರಿಲೀಸ್ ಆಯರೆ ಉಂಡು ಕಾಂತಾರ ಪಿಚ್ಚರ್

ರಿಷಭ್ ಶೆಟ್ಟಿ ನಿರ್ದೇಶನ ಮಲ್ತ್‌ದ್, ನಟನೆ ಮಲ್ತಿನ “ಕಾಂತಾರ” ಪಿಚ್ಚರ್ ಇತ್ತೆ ಇಂಗ್ಲೀಷ್‌ಡ್‌ಲ ರಿಲೀಸ್ ಆಯರೆ ಉಂಡು.

ಮಾರ್ಚ್ 1 ಜೆಡ್ದ್ ಓಟಿಟಿಡ್ ಪಿಚ್ಚರ್‌ನ್ ಬುಡುಗಡೆ ಮಲ್ಪರೆ ಉಲ್ಲೆರ್. ಕಮ್ಮಿ ಕರ್ಚಿಡ್ ತಯಾರ್ ಆಯಿನ ಈ ಪಿಚ್ಚರ್ 400 ಕೋಟಿ ಕಾಸ್‌ನ್ ಮಲ್ತ್‌ದ್ಂಡ್. ನೂದು ದಿನತ್ತ ಪ್ರದರ್ಶನಲ ನಡತ್ಂಡ್.

“Kantara” movie to be dubbed and released in English

The super duper movie “Kantara” directed by Rishabh Shetty will be dubbed and released in English.The movie will be released on the OTT platform on March 1st.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

Mangaluru: Tulu film ‘Pili’ to release on Feb 10 ಫೆ.10 ಕ್ಕ್ ತುಳುನಾಡ್‌ಡ್ ಬುಡುಗಡೆ ಆಯರೆ ಉಂಡು ಪಿಲಿ ತುಳು ಪಿಚ್ಚರ್

ಎನ್.ಎನ್.ಎಮ್ ಪ್ರೊಡಕ್ಷನ್ ಲಾಂಛನಡ್ ಆತ್ಮಾನಂದ ರೈ ನಿರ್ಮಾಣಡ್ ತಯಾರ್ ಆಯಿನ ತುಳು ಪಿಚ್ಚರ್ “ಪಿಲಿ” ಫೆ.10 ಕ್ಕ್ ತುಳುನಾಡ್‌ಡ್ ಬುಡುಗಡೆ ಆಯರೆ ಉಂಡು ಪಂದ್ ನಿರ್ದೇಶಕೆರ್ ಮಯೂರ್ ಆರ್ ಶೆಟ್ಟಿ ಪಂಡೆರ್.

ಈ ಬಗೆಟ್ ಕುಡ್ಲಡ್ ನಡತಿನ ಪತ್ರಿಕಾಗೋಷ್ಠಿಡ್ ಪಾತೆರಿನ ಆರ್, ದುಬೈಡ್ ಇತ್ತೆ ಪಿಚ್ಚರ್‌ದ ಪ್ರೀಮಿಯರ್ ಶೋ ನಡತ್ತ್‌ದಿತ್ತ್‌ದ್ ಜನಕ್ಲೆನ ಪುಗರ್ತೆ ಪಡೆತ್ಂಡ್. ಈ ಪಿಚ್ಚರ್‌ಡ್ ಯುವ ನಟೆ ಭರತ್ ಭಂಡಾರಿ ಕಥೆ ಬರೆದ್ ಸುರುತ್ತ ಸರ್ತಿ ನಾಯಕೆ ನಟೆಯಾದ್ ಅಂಚನೆ ಸ್ವಾತಿ ಶೆಟ್ಟಿ ನಾಯಕಿ ನಟಿಯಾದ್ ನಟನೆ ಮಲ್ತ್‌ದೆರ್ ಪಂದ್ ಪಂಡೆರ್.

ವಿಜಯ್‌ಕುಮಾರ್ ಕೊಡಿಯಾಲ್‌ಬೈಲ್ ಪಾತೆರ್ದ್, ತುಳುನಾಡ್‌ದ ಸಂಸ್ಕೃತಿ, ಆಚರಣೆ ಬೊಕ್ಕ ನಂಬಿಕೆಡ್ ಒಂಜಾಯಿನ ಪಿಲಿ ನಲಿಕೆದ ಕಥೆ ಇಪ್ಪುನ ಪಿಚ್ಚರ್ “ಪಿಲಿ”. ತುಳುನಾಡ್‌ಡ್ ಪಿಲಿನಲಿಕೆಗ್ ಅಯ್ತನೆ ಆಯಿನ ಗೌರವ ಅಂಚನೆ ಪರಪೋಕು ಉಂಡು. ಆ ಗೌರವಗ್ ಧಕ್ಕೆ ಬನ್ನಗ ಆಚರಣೆಡ್ ಆಪುನ ಲೋಪ-ದೋಷ ಅಂಚನೆ ಪರಿಣಾಮನ್ ಎದುರಿಸಾವೊಡು ಪನ್ಪಿನವು ಈ ಪಿಚ್ಚರ್‌ದ ಕಥೆ ಆತ್ಂಡ್. ಈ ಪಿಚ್ಚರ್‌ಡ್ ಯಾನ್ ಮುಖ್ಯ ಪಾತ್ರಡ್ ನಟನೆ ಮಲ್ತ್‌ದೆ ಪಂದ್ ಪಂಡೆರ್.

ಈ ಪಿಚ್ಚರ್‌ಡ್ ತುಳುನಾಡ್‌ದ ಪುಗರ್ತೆದ ಕಲಾವಿದೆರ್ ಆಯಿನ ನವೀನ್ ಡಿ.ಪಡೀಲ್, ಅರವಿಂದ ಬೋಳಾರ್, ಭೋಜರಾಜ ವಾಮಂಜೂರು, ತ್ರಿಷಾ ಶೆಟ್ಟಿ, ಕೃತಿ ಶೆಟ್ಟಿ, ವಿಸ್ಮಯ ವಿನಾಯಕ್, ಸ್ವರಾಜ್ ಶೆಟ್ಟಿ, ಸಂತೋಷ್ ಶೆಟ್ಟಿ, ರೂಪ ಡಿ ಶೆಟ್ಟಿ, ಉಮೇಶ್ ಮಿಜಾರ್, ಪ್ರಸನ್ನ ಶೆಟ್ಟಿ ಬೈಲೂರು, ಸಂದೀಪ್ ಶೆಟ್ಟಿ ಮಾಣಿಬೆಟ್ಟು, ದೀಪಕ್ ರೈ ಪಾಣಾಜೆ, ಚೇತನ್ ರೈ ಮಾಣಿ ಸೇರಿನಂಚನೆ ಮಸ್ತ್ ಕಲಾವಿದೆರ್ ಬೇತೆ ಬೇತೆ ರೀತಿದ ಪಾತ್ರಡ್ ನಟನೆ ಮಲ್ತ್‌ದೆರ್.

ಪಿಚ್ಚರ್‌ದ ನಾಯಕೆ ನಟೆ ಭರತ್ ಭಂಡಾರಿ, ನಾಯಕಿ ಸ್ವಾತಿ ಶೆಟ್ಟಿ, ಸಹ ನಿರ್ದೇಶಕೆರ್ ಸತೀಶ್ ಪತ್ರಿಕಾಗೋಷ್ಠಿಡ್ ಇತ್ತೆರ್.

ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

Gold prices increases again ಕುಡ ಎಚ್ಚ ಆಂಡ್ ಬಂಗಾರ್ದ ಬಿಲೆ

ಬೆಂಗ್ಲೂರ್: ಬಂಗಾರ್ ಬೊಕ್ಕ ಬೊಲ್ಲಿದ ಬಿಲೆ ಕುಡ ಎಚ್ಚ ಆತ್ಂಡ್. ಕರಿನ ರಡ್ಡ್ ದಿನ ಬಂಗಾರ್ ಬೊಕ್ಕ ಬೊಲ್ಲಿದ ಬಿಲೆ ಕಮ್ಮಿ ಆದ್ ಇತ್ತ್ಂಡ್. ಇತ್ತೆ 22 ಕ್ಯಾರೆಟ್‌ದ 10 ಗ್ರಾಂ ಬಂಗಾರ್‌ದ ಬಿಲೆ 250 ರೂಪಾಯಿ ಎಚ್ಚ ಆತ್ಂಡ್.

24 ಕ್ಯಾರೆಟ್ 10 ಗ್ರಾಂ ಬಂಗಾರ್ದ ಬಿಲೆ 280 ರೂಪಾಯಿ ಎಚ್ಚ ಆತ್ಂಡ್. ಬೊಲ್ಲಿದ ಬಿಲೆ ಅಂಚನೆ ಉಂಡು. ದೇಶಡ್ ಇತ್ತೆ 22 ಕ್ಯಾರೆಟ್‌ದ 10 ಗ್ರಾಂ ಬಂಗಾರ್ದ ಬಿಲೆಟ್ಟ್ 52,650 ರೂಪಾಯಿ ಆತ್ಂಡ್. ಅಂಚನೆ 24 ಕ್ಯಾರೆಟ್‌ದ 10 ಗ್ರಾಂ ಬಂಗಾರ್ದ ಬಿಲೆ 57,440 ರೂಪಾಯಿ ಆತ್ಂಡ್.

Gold prices increases again

Bangalore: The price of gold is on an upward trend again. The price of 24 caret gold for ten grams is 57,440 and for 22 caret ten grams is 52,650 rupees. The price of silver has not increased.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

Murder at jewellery store: Mangaluru police release portrait, seek public help to nab killer ಕುಡ್ಲದ ಬಂಗಾರ್ದ ಅಂಗಡಿಡ್ ಕೆರ್ತಿನ ಕೇಸ್ : ಆರೋಪಿನ ಫೋಟೋ ಬುಡುಗಡೆ

ಕುಡ್ಲ: ಹಂಪನಕಟ್ಟೆದ ಬಂಗಾರ್ದ ಅಂಗಡಿಡ್ ಫೆ.3 ಕ್ಕ್ ಸುಕ್ರಾರ ಪಗೆಲ್‌ಡ್ ಬೇಲೆದಾರೆಗ್ ಬಿಸತ್ತಿ ಪಾಡ್ದಿನ ಕೇಸ್‌ ದ ಆರೋಪಿನ್ ನಾಡ್ ಪತ್ತರೆ ಪೊಲೀಸೆರ್ ಕಾರ್ಯಾಚರಣೆ ಮಲ್ತೊಂದುಲ್ಲೆರ್. ಉಂದೆತ್ತ ಬೆರಿಟ್ಟೆ ಈ ಕೇಸ್‌ದ ಆರೋಪಿನ ಸಿಸಿ ಕೆಮರಾದ ಪೋಟೋನ್ ಬುಡುಗಡೆ ಮಲ್ತ್‌ದೆರ್.

ಕಪ್ಪು ಜರ್ಕಿನ್, ಜೀನ್ಸ್ ಪ್ಯಾಂಟ್, ಶೂ ಪಾಡ್ದಿತ್ತ್‌ದ್ ಪುಗೆಲ್‌ಡ್ ಬ್ಯಾಗ್ ಅಂಚನೆ ಗುರ್ತ ತಿಕ್ಕರೆ ಬಲ್ಲಿ ಪಂದ್ ಕ್ಯಾಪ್, ಮಾಸ್ಕ್, ಕೂಲಿಂಗ್ ಗ್ಲಾಸ್ ಪಾಡ್ದಿನ ಆರೋಪಿನ ಸಿಸಿ ಕಾಮೆರಾಡ್ ತಿಕ್ಕಿನ ಫೋಟೋನ್ ಬುಡುಗಡೆ ಮಲ್ತ್‌ದೆರ್.

ಈ ಜನತ್ತ ಏರೆಗಾಂಡಲ ಮಾಹಿತಿ ತಿಕ್ಕ್ಂಡ ಪೊಲೀಸೆರೆಗ್ ಕೊರೊಡು ಪಂದ್ ಪಂತೆರ್. ಬಂಗಾರ್ದ ಅಂಗಡಿಗ್ ಪಗೆಲ್‌ಡೇ ಪೊಗ್ಗಿನ ಆರೋಪಿ, ಅಲ್ತ ಬೇಲೆದಾರ್ ರಾಘವೇಂದ್ರ ಆಚಾರ್ಯ (55) ಮೆರೆಗ್ ಬಿಸತ್ತಿ ಪಾಡ್ದ್ ಕೆರ್ದಿತ್ತೆ. ಅಂಚನೆ ಒಟ್ಟು 12 ಗ್ರಾಂ ತೂಕದ 60,000 ರೂ. ಬಿಲೆತ್ತ 3 ಬಂಗಾರ್ದ ಸರನ್ ಪತೊಂದು ಆರೋಪಿ ಪದ್ರಾಡ್ ಆತೆ.

ಆರೋಪಿನ ಬಗೆಟ್ಟ್ ಸಾರ್ವಜನಿಕೆರೆಗ್ ಮಾಹಿತಿ ತಿಕ್ಕ್ಂಡ ಈ ನಂಬರ್‌ಗ್ ಲೆಪ್ಪು ಕೊರ್ಲೆ ಪಂದ್ ಪೊಲೀಸೆರ್ ತೆರಿಪಾದೆರ್.

ಪಿ ಎ ಹೆಗಡೆ -ಎಸಿಪಿ ಸಿಸಿಬಿ, ಕುಡ್ಲ ಪೇಂಟೆ -ಮೊ: 9945054333,

ಮಹೇಶ್ ಕುಮಾರ್ , ಎಸಿಪಿ ಕೇಂದ್ರ ಉಪವಿಭಾಗ, ಕುಡ್ಲ ಪೇಂಟೆ – ಮೊ: 9480805320

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ರಪಕ್ಕ ಸುದ್ದಿ Flash News

Burglars do away with lakhs worth gold from a house in Vittal ವಿಟ್ಲ: ಇಲ್ಲಗ್ ಪೊಗ್ಗುದು ಲಕ್ಷೆರ್ದ್ ಎಚ್ಚ ಬಿಲೆತ ಬಂಗಾರ್ ಕಂಡಿನ ಕಲ್ವೆರ್

ವಿಟ್ಲ: ಕಾಂತಡ್ಕದ ಒಂಜಿ ಇಲ್ಲಲ್ ಎರ್ಲಾ ಇಜ್ಜಂದಿನ ಪೊರ್ತುಡು ಪೊಗ್ಗಿನ ಕಲ್ವೆರ್ ಪದಿನೈನ್ ಪವನ್ ಬಂಗಾರ್ ಬೊಕ್ಕ ಒಂಜಿ ಲಕ್ಷ ರೂ. ನ್ ಕಂಡಿನ ಘಟನೆ ನಡತ್ಂಡ್.

ರಹೀಮ್ ಶಾನ್ ಮೆರೆನ ಇಲ್ಲಲ್ ಕುಟುಂಬದ ಸದಸ್ಯೆರ್ ಮದಿಮೆ ಪೋಯಿನ ಪೊರ್ತುಡು ನಡತ್ ದ್ಂಡ್. ಈ ಬಗೆಟ್ ಜಾಗೆಗ್ ಬತ್ತಿನ ವಿಟ್ಲ ಪೋಲಿಸೆರ್ ಪರಿಶೀಲನೆ ನಡಪಾದೆರ್.

You Missed

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ದ.ಕ. ಜಿಲ್ಲೆ ‘ಮಂಗಳೂರು’ ಆದ್ ನಾಮಕರಣ: ಸರಕಾರೊಡ್ದು ಅಧಿಸೂಚನೆ

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

“ಪ್ಯಾರೀಸ್‌ ಫ್ಯಾಷನ್‌ ಜಗತ್ತ್‌ಡ್‌ ಮಿಂಚೊಂದಿಪ್ಪುನ ಕುಡ್ಲದ ಜವನೆ ಭ್ರಣಾಲ್‌ ಶೆಟ್ಟಿ”

ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News

ದಕ್ಷಿಣ ಕನ್ನಡ ಜಿಲ್ಲೆನ್ ‘ಕುಡ್ಲ’ ಜಿಲ್ಲೆ ಪಂಡ್‌ದ್ ಪುದರ್ ಬದಲ್ ಮಲ್ಪರೆ “ತುಳುನಾಡ ಒಕ್ಕೂಟ” ಬಿನ್ನಾಪು

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ತುಳು ರಂಗಭೂಮಿಡ್ ಪೊಸ ನಾಟಕದ ಪರ್ಬ

Copyright © All rights reserved - The Times of Kudla Mangalore | Paper News by Themeansar.