ಕಾಸ್ರೋಡ್ ಸುದ್ದಿ | Kasargod News

ಹುಷಾರ್ ದಾಂತೆ ತೀರ್ ಪೋಯಿನ ಪೆರಿಯ ಪತ್ರಕರ್ತೆ ರಂಗಭೂಮಿ ಕಲಾವಿದ ನವೀನ್ ಚಂದ್ರ ಪಾಲ್

ಕುಡ್ಲ , ಜೂ. 7: ಪೆರಿಯ ಪತ್ರಕರ್ತ, ರಂಗಭೂಮಿ ಕಲಾವಿದ ನವೀನ್ ಚಂದ್ರ ಪಾಲ್ (93) ಶನಿವಾರ ಪೇಂಟೆದ ಬಲ್ಮಠದ ವಾಸ್‌ಲೇನ್‌ಡ್ ಉಪ್ಪುನ ತನ್ನ ಸ್ವಗೃಹಟ್ ಅಸೌಖ್ಯರ್ದ್ ತೀರ್ ಪೋಯೆರ್ .

ಮೆರೆಗ್ ಒರಿ ಮಗೆ ಮಗಲ್ ಬೊಕ್ಕ ಇಷ್ಟ ಮಿತ್ರೆರ್ ಉಲ್ಲೆರ್.ಪತ್ರಿಕೋದ್ಯಮ ಡಿಪ್ಲೊಮಾದ ಸಾಧನೆಗಾದ್ ಬಂಗಾರ್ದ ಪದಕ ಪಡೆಯಿನ ಆರ್ ಸಮಾಜವಾದಿ ಚಿಂತನೆದ ಪ್ರತಿಪಾದಕೇರಾದ್ ಇತ್ತೆರ್.1948ಟ್ಟ್ ಸಂಗಾತಿ ಪಾಕ್ಷಿಕ ಪತ್ರಿಕೆನ್ ಸುರು ಮಲ್ತ್ ಐರ್ದ್ ಬೊಕ್ಕ 1950ಟ್ಟ್ ಅವೆನ್ ವಾರಪತ್ರಿಕೆಯಾದ್ ಮಲ್ತೆರ್ . ಅರುಣೋದಯ ಪತ್ರಿಕೆದ ಸಂಪಾದಕೆರಾಯಿನ ಮೇರ್ ಮುಂಬೈಡ್ ಇಂಡಿಯನ್ ಎಕ್ಸೃಪ್ರೆಸ್ ದೈನಿಕದ ಸಂಪರ್ಕಾಧಿಕಾರಿ, ಸೀನಿಯರ್ ಎಕ್ಸಿಕ್ಯೂಟಿವ್, ಎನ್ಲೈಟ್ ವಾರಪತ್ರಿಕೆಡ್ ಅಸಿಸ್ಟೆಂಟ್ ಎಡಿಟರ್, ಕಾಮರ್ಸ್ ವಾರಪತ್ರಿಕೆದ ಅಸಿಸ್ಟೆಂಟ್ ಎಡಿಟರ್ ಆದ್ ಬೇಲೆ ಮಲ್ದೆರ್.

ಕಾಪುಡು ಯೂತ್ ಕಾಂಗ್ರೆಸ್ ವತಿರ್ದ್ ನೆತ್ತೆರ್ ದಾನ ಶಿಬಿರ

ಕಾಪು, ಜೂನ್ 7 : ಕೊರೋನ ವೈರಸ್ ರಡ್ಡನೇ ಅಲೆತ ಬಗ್ಗೆ ತಜ್ಞರು ಎಚ್ಚರಿಕೆ ಕೊರ್ನ್ಡಲಾ ಕೇಂದ್ರ ಬೊಕ್ಕ ರಾಜ್ಯ ಸರ್ಕಾರ ಮುಂಜಾಗ್ರತಾ ಕ್ರಮ ದೆತೊನಂದೆ ಉಪ್ಪುನೆರ್ದಾವರ ದೇಶಡ್ ಅನಾಹುತ ನಡತುದುಂಡು.

ಐತಾರ ಕಾಪುದ ರಾಜೀವ್ ಭವನಡ್ ಕಾಪು ಬ್ಲಾಕ್ ಯುವ ಕಾಂಗ್ರೆಸ್ ವತಿರ್ದ್ ಉಡುಪಿ ಜಿಲ್ಲಾ ಆಸ್ಪತ್ರೆದ ರಕ್ತನಿಧಿ ಕೇಂದ್ರದ ಒಟ್ಟು ಸೇರಿಗೆಡ್ ಅಟ್ಟನೆ ಮಲ್ದಿನ ಸ್ವಯಂ ಪ್ರೇರಿತ ನೆತ್ತೆರ್ ದಾನ ಶಿಬಿರನ್ ಉದಿಪನ ಮಲ್ತೆರ್.

ಬ್ಲಾಕ್ ಕಾಂಗ್ರೆಸ್ ಗುರ್ಕಾರ್ಲಾಯಿನ ನವೀನ್‍ ಚಂದ್ರ ಸುವರ್ಣ, ಯುವ ಕಾಂಗ್ರೆಸ್ ಜಿಲ್ಲಾಧ್ಯಕ್ಷ ದೀಪಕ್ ಕೋಟ್ಯಾನ್ ಇನ್ನಾ, ಬ್ಲಾಕ್ ಗುರ್ಕಾರ್ಲಾಯಿನ ರಮೀಝ್ ಹುಸೈನ್, ರಕ್ತನಿಧಿ ಕೇಂದ್ರದ ಡಾ. ವೀಣಾ ಕುಮಾರಿ, ಬ್ಲಾಕ್ ಕಾಂಗ್ರೆಸ್ ಅಲ್ಪಸಂಖ್ಯಾತ ವಿಭಾಗದ ಗುರ್ಕಾರ್ಲಾಯಿನ ಶರ್ಪುದ್ದೀನ್ ಶೇಖ್, ಕಾಪು ನಗರ ಕಾಂಗ್ರೆಸ್ ಸಮಿತಿ ಗುರ್ಕಾರ್ಲಾಯಿನ ಮುಹಮ್ಮದ್ ಸಾಧಿಕ್ ದಿನಾರ್, ಪುರಸಭೆ ಮಾಜಿ ಉಪಾಧ್ಯಕ್ಷ ಕೆ.ಎಚ್. ಉಸ್ಮಾನ್, ಜಿಲ್ಲಾ ಕಾಂಗ್ರೆಸ್ ಕಾರ್ಯದರ್ಶಿ ಪ್ರಶಾಂತ್ ಜತ್ತನ್ನ್, ನವೀನ್ ಎನ್. ಶೆಟ್ಟಿಉಪಸ್ಥಿತರಿದ್ದರು. ಕೀರ್ತಿ ಕುಮಾರ್ ಕಾರ್ಯಕ್ರಮ ನಿರ್ವಹಿಸಿದರು ಪಾಲ್ ಪಡೆದಿತ್ತೆರ್.

ಆಶಾ ಕಾರ್ಯೆಂತೆರ್ನ ಗೌರವಧನ ಜಾಸ್ತಿ ಮಲ್ಪುಲೆ : ಶಕುಂತಲಾ ಶೆಟ್ಟಿ

ಪುತ್ತೂರು, ಜೂನ್ 7 : ದುಂಬು ಆಶಾ ಕಾರ್ಯೆಂತೆರೆನ್ ಗುರ್ತಿಸಾವುನಕುಲು ಇತ್ತ್ಜೆರ್ ಆಂಡ ಕೋವಿಡ್ ಪೊರ್ತುಡು ಮೆಕ್ಲೆನ ಸೇವಾ ಕಾರ್ಯನ್ ಸಮಾಜ ಗುರ್ತಿಸಾದುಂಡು . ಮೆಕ್ಲೆಗ್ ಕೊರ್ಪಿನ ಗೌರವಧನನ್ ಸರ್ಕಾರ ಜಾಸ್ತಿ ಮಲ್ಪೋಡು ಪಂದ್ ಮಾಜಿ ಶಾಸಕಿ ಶಕುಂತಳಾ ಶೆಟ್ಟಿ ಪಂಡೆರ್ .

ಪುತ್ತೂರ್ದ ನೆಲ್ಲಿಕಟ್ಟೆ ನಗರ ಪ್ರಾಥಮಿಕ ಆರೋಗ್ಯ ಕೇಂದ್ರಡ್ ನಗರ ಕಾಂಗ್ರೆಸ್ ಸಮಿತಿರ್ದ್ ಶನಿವಾರ ಅಟ್ಟನೆ ಮಲ್ತಿನ ನಗರಸಭಾ ವ್ಯಾಪ್ತಿದ ಆಶಾ ಕಾರ್ಯೆಂತೆರೆಗ್ ಆಹಾರದ ಕಿಟ್ ಬೊಕ್ಕ ನಗರ ಪ್ರಾಥಮಿಕ ಆರೋಗ್ಯ ಕೆಂದ್ರದ ಕೋವಿಡ್ ವಾರಿಯರ್ಸ್‌ಗ್ ಮಾಸ್ಕ್ ವಿತರಣೆ ಲೇಸ್ ಡ್ ಆರ್ ಪಾತೆರಿಯೆರ್.

ಈ ಪೊರ್ತುಡು ಪುತ್ತೂರು ಬ್ಲಾಕ್ ಕಾಂಗ್ರೆಸ್ ಗುರ್ಕಾರ್ಲಾಯಿನ ಎಂ.ಬಿ ವಿಶ್ವನಾಥ ರೈ, ನಗರ ಕಾಂಗ್ರೆಸ್ ಗುರ್ಕಾರ್ಲಾಯಿನ ಎಚ್. ಮಹಮ್ಮದ್ ಆಲಿ, ಕಾಂಗ್ರೆಸ್ ಜಿಲ್ಲಾ ಘಟಕದ ವಕ್ತಾರ ಮಹಮ್ಮದ್ ಬಡಗನ್ನೂರು, ವಿಟ್ಲ-ಉಪ್ಪಿನಂಗಡಿ ಬ್ಲಾಕ್ ಕಾಂಗ್ರೆಸ್ ಗುರ್ಕಾರ್ಲಾಯಿನ ಡಾ.ರಾಜಾರಾಮ್ ಕೆ.ಬಿ, ಮಾಜಿ ಗುರ್ಕಾರ್ಲಾಯಿನ ಮುರಳಿಧರ ರೈ ಮಠಂತಬೆಟ್ಟು, ನಗರಸಭಾ ಸದಸ್ಯೆರಾಯಿನ ಶೈಲಾ ಪೈ, ಮಹಮ್ಮದ್ ರಿಯಾಝ್, ಮಾಜಿ ಸದಸ್ಯ ಮುಖೇಶ್ ಕೆಮ್ಮಿಂಜೆ, ರಾಜೀವ್ ಗಾಂಧಿ ಪಂಚಾಯಿತಿ ರಾಜ್ ಸಂಘಟನೆದ ತಾಲ್ಲೂಕು ಸಂಚಾಲಕ ಸಂತೋಷ್ ಭಂಡಾರಿ ಚಿಲ್ಮೆತ್ತಾರು, ಎಪಿಎಂಸಿ ಸದಸ್ಯ ಶಕೂರ್ ಹಾಜಿ, ಪುತ್ತೂರು ಕಂಬಳ ಸಮಿತಿ ಗುರ್ಕಾರ್ಲಾಯಿನ ಚಂದ್ರಹಾಸ ರೈ, ಕಾಂಗ್ರೆಸ್ ಗುರ್ಕಾರ್ಲಾಯಿನ ಶಿವರಾಮ ಆಳ್ವ, ವಕೀಲೆ ಸಾಹಿರಾ ಝುಬೈರ್, ಪೂರ್ಣೇಶ್ ಕುಮಾರ್ ಪಾಲ್ ಪಡೆದಿತ್ತೆರ್ .

ಕಡಬಡ್ ಕಮ್ಮಿ ಆಯಿನ ಕೊರೋನ ಸೋಂಕು

ಕಡಬ, ಜೂ.07: ಕೊರೋನಾ ರಡ್ಡನೇ ಅಲೆ ಗ್ರಾಮೀಣ ಭಾಗಡ್ ಪಸರೊಂದು ಉಂಡು , ಕಡಬ ಪೇಂಟೆಡ್ ಇನಿ ಕೊರೋನಾ ಸೋಂಕು ಕಮ್ಮಿ ಆತುಂಡು .

ಆರೋಗ್ಯ ಇಲಾಖೆದ ವರದಿದ ಪ್ರಕಾರ ಕೋಡೆ ಕಡಬ ತಾಲೂಕು ವ್ಯಾಪ್ತಿಡ್ 43 ಜನಕ್ ಮಾತ್ರ ಕೊರೋನಾ ದೃಢ ಆತುಂಡು . ಸಾರ್ವಜನಿಕೆರ್ನ ನಿರ್ಲಕ್ಷ್ಷನೇ ಕೊರೋನಾ ಜಾಸ್ತಿ ಅವೆರೆ ಕಾರಣ ಆತುಂಡು ಪಂದ್ ಪಂಡೆರ್.

ಧರ್ಮಸ್ಥಳಡ್ ನಾಟಿ ಕಾರ್ಯಗ್ ಚಾಲನೆ

ಉಜಿರೆ, ಜೂನ್ 7: ‘ಪರಿಸರ ಸಂರಕ್ಷಣೆ ಪ್ರತಿಯೋರಿಯನ ಜವಾಬ್ದಾರಿ ಅತುಂಡು ಪ್ರತಿಯೊರಿಲಾ ಪರಿಸರ ಕಾಳಜಿರ್ದ್ ಜಾಗ ಉಪ್ಪುನಲ್ಪ ದೈ ನರ್ದ್ ಪಚ್ಚೆ ಬುಳೆಪಾವುನ ಬೇಲೆ ಮಲ್ಪೋಡು , ಆ ಮುಖೇನ ಕೈತಲ್ ದ ಪರಿಸರಡ್ ಶುದ್ಧ ಆಮ್ಲಜನಕ ಉತ್ಪಾದನೆ ಆಯೆರೆ ಕಾರಣಕರ್ತೆರಾವೊಡು ಪಂದ್ ಅರಣ್ಯ ಸಚಿವ ಅರವಿಂದ ಲಿಂಬಾವಳಿ ಪಂಡೆರ್ .

ಧರ್ಮಸ್ಥಳದ ಧರ್ಮಾಧಿಕಾರಿ ವೀರೇಂದ್ರ ಹೆಗ್ಗಡೆ ಮೆರ್ನ ಉಪಸ್ಥಿತಿಡ್ ವಿಶ್ವ ಪರಿಸರ ದಿನಾಚರಣೆದ ಪರವಾದ್ ಅಟ್ಟನೆ ಮಲ್ತಿನ ಕಾಡ್ ದ ವನ್ಯಮೃಗಕ್ಲೇಗಾದ್ ಫಲವಸ್ತುದ ದೈ ನಡ್ಪಿನ ಲೇಸ್ ಡ್ ಪಾತೆರಿಯೆರ್.

ಧರ್ಮಸ್ಥಳದ ಗ್ರಾಮೀಣಾಭಿವೃದ್ಧಿ ಯೋಜನೆ ಬೊಕ್ಕ ಅರಣ್ಯ ಇಲಾಖೆ ಜಂಟಿ ಸಹಭಾಗಿತ್ವಡ್ ಧರ್ಮಸ್ಥಳದ 125 ಹೆಕ್ಟೇರ್ ಪ್ರದೇಶಡ್ ಈ ಯೋಜನೆ ಅನುಷ್ಠಾನ ಆವೊಂದು ಉಂಡು .

ವಾಮದಪದವು ಸುರುತ್ತ ಆಮ್ಲಜನಕ ಘಟಕ ಲೋಕಾರ್ಪಣೆ

ಬಂಟ್ವಾಳ, ಜೂನ್ 7 : ‘ಜಿಲ್ಲೆದ ಒಟ್ಟು ಎನ್ಮ ಆಮ್ಲಜನಕ ಘಟಕದ ಪೈಕಿ ಗ್ರಾಮೀಣ ಪ್ರದೇಶ ವಾಮದಪದವು ಸಮುದಾಯ ಆರೋಗ್ಯ ಕೇಂದ್ರಡ್ ಸುರುತ್ತಾ ಆಮ್ಲಜನಕ ಘಟಕ ಉದಿಪನ ಅತುಂಡು . ಯೋಜನೆ ತ್ವರಿತ ಅನುಷ್ಠಾನಗ್ ಸಂಸದ ನಳಿನ್ ಕುಮಾರ್ ಕಟೀಲು ಬೊಕ್ಕ ಶಾಸಕ ರಾಜೇಶ ನಾಯ್ಕ್ ಮೆರ್ನ ಪರಿಶ್ರಮನೇ ಕಾರಣ’ ಪಂದ್ ಜಿಲ್ಲಾ ಉಸ್ತುವಾರಿ ಸಚಿವ ಕೋಟ ಶ್ರೀನಿವಾಸ ಪೂಜಾರಿ ಪಂಡೆರ್ .

ಈ ಘಟಕ ಪ್ರತಿ ನಿಮಿಷಗ್ 46 ಲೀಟರ್ ಆಮ್ಲಜನಕ ಉತ್ಪಾದಿಸಾವುನ ಸಾಮರ್ಥ್ಯ ಪಡೆತುಂಡು , ಜಿಲ್ಲೆದ ಬೇತೆಬೇತೆ ಕಡೆಟ್ಟ್ ಹಂತ ಹಂತವಾದ್ ಇಂಚಿನ ಘಟಕ ಸುರು ಆಯೆರೆ ಉಂಡು ಪಂದ್ ಪಂಡೆರ್.

ಕಿಯೋನಿಕ್ಸ್ ಗುರ್ಕಾರ್ಲಾಯಿನ ಕೆ.ಹರಿಕೃಷ್ಣ ಬಂಟ್ವಾಳ, ಜಿಲ್ಲಾ ಪಂಚಾಯಿತಿ ಸದಸ್ಯ ಎಂ.ತುಂಗಪ್ಪ ಬಂಗೇರ, ನೀರು ಸರಬರಾಜು ಬೊಕ್ಕ ಒಳಚರಂಡಿ ನಿಗಮದ ಸದಸ್ಯೆ ಸುಲೋಚನಾ ಜಿ.ಕೆ.ಭಟ್, ತಾಲ್ಲೂಕು ಪಂಚಾಯಿತಿ ಸದಸ್ಯ ಪ್ರಭಾಕರ ಪ್ರಭು, ಚೆನ್ನೈತ್ತೋಡಿ ಬೊಕ್ಕ ಕುಕ್ಕಿಪಾಡಿ ಗ್ರಾಮ ಪಂಚಾಯಿತಿ ಗುರ್ಕಾರ್ಲಾಯಿನ ಭಾರತಿ ರಾಜೇಂದ್ರ ಪೂಜಾರಿ ಬೊಕ್ಕ ಗುರ್ಕಾರ್ಲಾಯಿನ ಸುಜಾತಾ ಆರ್. ಪೂಜಾರಿ, ಉಪಾಧ್ಯಕ್ಷ ಯೋಗೀಶ್ ಆಚಾರ್ಯ, ಬೂಡ ಗುರ್ಕಾರ್ಲಾಯಿನ ಬಿ.ದೇವದಾಸ್ ಶೆಟ್ಟಿ, ಬಿಜೆಪಿ ಕ್ಷೇತ್ರಾಧ್ಯಕ್ಷ ದೇವಪ್ಪ ಪೂಜಾರಿ, ಉಪ ವಿಭಾಗಾಧಿಕಾರಿ ಮದನ್ ಮೋಹನ್, ತಹಶಿಲ್ದಾರ್ ರಶ್ಮಿ ಪಾಲ್ ಪಡೆದಿತ್ತೆರ್.

ಪಿದಯಿ ಊರುಗು ಪೋಪಿನಕ್ಲೆಗ್ ಆದ್ಯತೆಡ್ ಲಸಿಕೆ

ಕುಡ್ಲ, ಜೂನ್ 7: ಉದ್ಯೋಗ, ವಿದ್ಯಾಭ್ಯಾಸ ನನಾತ್ ಕಾರಣಗ್ ಪಿದಾಯಿ ಊರುಗು ಪೋಪಿನ ಅನಿವಾರ್ಯತೆ ಉಪ್ಪುನಕ್ಲೆಗ್ ಆದ್ಯತೆ‌ಟ್ ಲಸಿಕೆ ಕೊರೊಂದು ಉಲ್ಲೆರ್ .ಕುಡ್ಲದ ಡೊಂಗರಕೇರಿದ ಕೆನರಾ ಹೈಸ್ಕೂಲ್ ಸುಧೀಂದ್ರ ಸಭಾಭವನಡ್ ಲಸಿಕೆ ಅಭಿಯಾನ‌ ಸುರು ಆತುಂಡು .

ಲಸಿಕೆ ಪಡೆಯಿನ ಪ್ರಮಾಣಪತ್ರನ್ ಕೆಲವು ದೇಶ ಖಡ್ಡಾಯ ಮಲ್ತಿನೆರ್ದಾವರ ತುರ್ತಾದ್ ವಿದೇಶಗ್ ಪೋಪಿನಕ್ಲೆಗ್ಕಷ್ಟ ಆದಿತ್ತುಂಡು ಉಂದೆನ್ ಜಿಲ್ಲಾಡಳಿತದ ಗೇನಗ್ ಕಂತಿತ್ತೆರ್ .

ಭಾರತೀಯ ರೆಡ್ ಕ್ರಾಸ್ ಘಟಕದ ಕಾರ್ಯದರ್ಶಿನ್ ಸಮನ್ವಯಾಧಿಕಾರಿಯಾದ್ ನೇಮಕ ಮಲ್ತಿನ ಜಿಲ್ಲಾಡಳಿತ, ಆನ್ ಲೈನ್ ನೋಂದಣಿಗೆ ಅವಕಾಶ ಮಲ್ತೆರ್ .