ಕಾಸ್ರೋಡ್ ಸುದ್ದಿ | Kasargod News

ತುಳುನಾಡ ಟಾಕೀಸ್ ಡ್ ಸುರುವಾಂಡ್ “ಅಬತರ”

Aug 18, 2022

ಕುಡ್ಲ : ಬೊಳ್ಳಿ ಮೂವೀಸ್ ಬೊಕ್ಕ ಅವಿಕ ಪ್ರೊಡಕ್ಷನ್ ಡ್ ಅರ್ಜುನ್ ಕಾಪಿಕಾಡ್ ನಿರ್ದೇಶನಡ್ ತಯಾರ್ ಆಯಿನ ತುಳು ಪಿಚ್ಚರ್ “ಅಬತರ” ಇನಿ ತುಳುನಾಡ್ ಡ್ ಬುಡುಗಡೆ ಆಂಡ್.

ಅಬತರ ಪಿಚ್ಚರ್ ದ ನಿರ್ದೇಶಕೆ, ಹೀರೊ ಅರ್ಜುನ್ ಕಾಪಿಕಾಡ್ ಪಾತೆರ್ದ್, ಜನಕ್ಲೆಗ್ ಇಷ್ಟ ಆಪಿಲೆಕ್ಕ ಉಂದು ಸಂಪೂರ್ಣವಾದ್ ಕಾಮಿಡಿ ಇಪ್ಪುನ ಅಂಚನೆ ಸಮಾಜಗ್ ಎಡ್ಡೆ ಸಂದೇಶ ಕೊರ್ಪಿನ ಪಿಚ್ಚರ್ ಆದುಂಡು. ಪೆರಿಯ ಕಲಾವಿದೆರ್ ಆಯಿನ ನವೀನ್ ಡಿ ಪಡೀಲ್, ಅರವಿಂದ ಬೋಳಾರ್, ಭೋಜರಾಜ್ ವಾಮಂಜೂರು, ಸಾಯಿಕೃಷ್ಣ ಈ ಪಿಚ್ಚರ್ ಡ್ ನಟನೆ ಮಲ್ತ್ ದೆರ್. ಅಂಚನೆ ಹೀರೊಯಿನ್ ಆದ್ ಗಾನ ಭಟ್, ಕ್ರಿಸ್ಟಿನಾ ಅಭಿನಯ ಮಲ್ತ್ ದೆರ್ ಪಂದ್ ಪಂಡೆರ್.

ಪುಗರ್ತೆದ ನಟೆ ಅರವಿಂದ ಬೋಳಾರ್ ಪಾತೆರ್ದ್ ಅಬತರ ತುಳು ಪಿಚ್ಚರ್ ದ ಕಥೆನ್ ಡಾ. ದೇವದಾಸ್ ಕಾಪಿಕಾಡ್ ಬರೆತೆರ್. ಅಂಚನೆ ತುಳುನಾಡ ಆ್ಯಕ್ಷನ್ ಕಿಂಗ್ ಅರ್ಜುನ್ ಕಾಪಿಕಾಡ್ ಅಭಿನಯದೊಟ್ಟುಗ್ ಸುರುತ್ತ ಸರ್ತಿ ನಿರ್ದೇಶನ ಮಲ್ತ್ ದೆರ್ ಪಂದ್ ಪಂಡೆರ್.

ಅಬತರ ಪಿಚ್ಚರ್ ದ “ಬಿನ್ನೆರ್ ಬೈದಿನ ಗೌಜಿಡ್…” ಪದ್ಯ ಪಿಚ್ಚರ್ ಬುಡುಗಡೆ ಆಪಿನ ದುಂಬೆ ಯೂಟ್ಯೂಬ್ ಡ್ 5 ಲಕ್ಷರ್ದ್ ಲ ಎಚ್ಚದ ವೀಕ್ಷಣೆ ಆತ್oಡ್.

ಈ ಪೊರ್ತುಡು ತೆಲಿಕೆದ ಬೊಳ್ಳಿ ದೇವದಾಸ್ ಕಾಪಿಕಾಡ್, ಐವನ್ ಡಿಸೋಜ, ಛಾಯಾಗ್ರಾಹಕೆರ್ ವಿಷ್ಣು ಪ್ರಸಾದ್, ಜೇಕೋಬ್, ಕಾರ್ಯಕಾರಿ ನಿರ್ಮಾಪಕೆರ್ ಸಂದೀಪ್ ಶೆಟ್ಟಿ, ನಿಖಿಲ್ ಸಾಲ್ಯಾನ್ ನಿರ್ಮಾಪಕೆರ್, ವೀರಾಜ್ ಅತ್ತಾವರ ಸಹನಿರ್ಮಾಪಕೆರ್ ಲೇಸ್ ಡ್ ಪಾಲ್ ಪಡೆದಿತ್ತೆರ್.

“Abatara” movie in the theatres from today in Tulunadu

Mangalore: “Abatara” Tulu movie under the Bolli movies banner and under the Avika productions directed by Arjun Kapikad has been released in Tulunadu today.

Arjun Kapikad who has directed is in the lead role too. Speaking at to the press he said that the movie was a fun filled comedy with a message to the society.Senior Tulu stars Arvind Bolar, Bojaraj Vamanjoor ,Sai Krishna and Naveen D Padil also figure in the movie.The female lead is Gana Bhat and Christina .

Arvind Bolar added that the story line is written by Dr Devdas Kapikad and action king Arjun Kapikad is directing for the first time. A song of the movie released on YouTube some time back has gained five lakh views.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ವರಕೋಡಿ ಯಕ್ಷಕಲಾ ಸಂಘದ ಲೆಕ್ಕೊಡು ಸ್ವಾತಂತ್ರ್ಯ ದಿನಾಚರಣೆ ಬೊಕ್ಕ ಕೆಸರುಗದ್ದೆ ಕ್ರೀಡಾಕೂಟ

Aug 16, 2022

ಯಕ್ಷಕಲಾ ಸಂಘ ವರಕೋಡಿ ಬಡಗಬೆಳ್ಳೂರು ಉಂದೆತ್ತ ಮುತಾಲಿಕೆಡ್ ಯಕ್ಷಧಾಮದ ಜಾಗೆಡ್ ದೇಶದ ಸ್ವಾತಂತ್ರ್ಯ ದಿನಾಚರಣೆದ 75 ವರ್ಷದ ಅಮೃತ ಮಹೋತ್ಸವದ ಪೊರ್ತುಡು ಧ್ವಜಾರೋಹಣ ನಡತ್ಂಡ್.

ಅನುದಾನಿತ ಹಿರಿಯ ಪ್ರಾಥಮಿಕ ಶಾಲೆ ಬಡಗಬೆಳ್ಳೂರು ಮುಲ್ಪದ ನಿವೃತ್ತ ಅಧ್ಯಾಪಕೆರ್ ಗಂಗಾಧರ ರೈ ಕಮ್ಮಾಜೆ ಮೇರ್ ಧ್ವಜಾರೋಹಣ ಮಲ್ತ್ ರ್. ಅಯಿಬೊಕ್ಕ ವರಕೋಡಿ ಬಾಕಿಮಾರ್ ಕಂಡೊಡು ಕೃಷಿಕೆರ್ ಅಯಿನ ಸಂಜೀವ ಶೆಟ್ಟಿ ಮೇರ್ ಕೆಸರುಗದ್ದೆ ಕ್ರೀಡಾಕೂಟ ಉದಿಪನ ಮಲ್ತೆ ರ್.

ಕೆಸರ್ ದ ಕಂಡೊಡ್ ಬೇತೆ ಬೇತೆ ಕ್ರೀಡಾ ಪಂಥೊಲು ನಡತ್ಂಡ್. ಬಯ್ಯಗ್ ನಡತಿನ ಮುಗಿತಲದ ಲೇಸ್ ಡ್ ಗೆಂದಿನಕ್ಲೆಗ್ ಇನಾಮು ಕೊರ್ಪಿನ ಲೇಸ್ ನಡತ್ಂಡ್. ಬಂಟ್ವಾಳ ಶಾಸಕೆರ್ ರಾಜೇಶ್ ನಾಯಕ್ ಬತ್ತ್ ದ್ ಎಡ್ಡೆಪ್ಪುನ್ ಬಯಕ್ಯೆರ್.

ಮುಗಿತಲದ ಲೇಸ್ ಡ್ ಬಡಗ ಬೆಳ್ಳೂರು ಗ್ರಾಮ ಪಂಚಾಯತ್ ಅಧ್ಯಕ್ಷೆರ್ ಪ್ರಕಾಶ್ ಆಳ್ವ, ಬಡಗ ಬೆಳ್ಳೂರು ಗ್ರಾಮ ಪಂಚಾಯತ್ ಉಪಾಧ್ಯಕ್ಷೆರ್ ಮಮತಾ ಪೂಜಾರಿ ಸೇರಿನಂಚನೆ ಮಸ್ತ್ ಜನ ಲೇಸ್ ಡ್ ಪಾಲ್ ಪಡೆದಿತ್ತೆರ್.

ಕುಸಲ್ ಫ್ರೆಂಡ್ಸ್ ಕೂಪೆದ ಮುತಾಲಿಕೆಡ್ ತನ್ನಾಲ್ಮೆ ದಿನಾಚರಣೆ

Aug 15, 2022

ಕುಸಲ್ ಫ್ರೆಂಡ್ಸ್ ಕೂಪೆದ ಮುತಾಲಿಕೆಡ್ ಕುಸಲ್ ನಗರ ಕೊಂಡಾಣ ಮುಲ್ಪ ೭೫ನೇ ವರ್ಸದ ತನ್ನಾಲ್ಮೆ ದಿನಾಚರಣೆದ ಅಮೃತ ಉಚ್ಚಯದ ಲೆಕ್ಕೊಡು ಧ್ವಜಾರೋಹಣ ನಡತ್ಂಡ್.

ಊರುದ ಪೆರಿಯೆರ್ ಅಂಚನೆ ಲೇಸ್ದ ಗುರ್ಕಾರ್ಮೆದ ಸ್ಥಾನ ವಹಿಸೊನಿನ ಶಿವ ಪೂಜಾರ ಧ್ವಜರೋಹಣ ಮಲ್ತೆರ್. ಈ ಪೊರ್ತುಡು ಪಾತೆರಿನ ಆರ್, ನಮ್ಮ ದೇಶಗ್ ೭೫ನೇ ವರ್ಸದ ತನ್ನಾಲ್ಮೆ ದಿನಾಚರಣೆದ ಅಮೃತ ಉಚ್ಚಯದ ಸಂಭ್ರಮ. ದೇಶೊಗು ದೇಶನೆ ಐಸಿರಡ್ ಮಿನ್ಕೊಂದು ಉಂಡು. ಮುಲ್ಪ ಸೇದಿಂಚಿನ ಜನಕ್ಲೆನ್ ತೂನಗ ಮಸ್ತ್ ಖುಷಿಯಾಪುಂಡು ಅಂಚನೆ ಅವೆತೋ ಬೀರೆರ್ ದೇಶದ ಸ್ವಾತಂತ್ರ್ಯಗ್ ಬೋಡಾದ್ ಪೂರ್ಂಬಾಟ ಮಲ್ತ್ ದ್ ತನ್ನ ಪ್ರಾಣ ಕಳೆಯೊಂದೆರ್ ಅಕ್ಲೆನ ತ್ಯಾಗ ಪೊರ್ಂಬಾಟದ ಫಲವಾದ್ ದೇಶ ಸ್ವಾತಂತ್ರ್ಯ ಪಡೆಯೊಂದುಂಡು.

ಈ ಪೊರ್ತುಡು ಅಕ್ಲೆನ್ ಮಾತಾ ನೆನಪು ಮನ್ಪುನ ನಮ್ಮ ಕರ್ತವ್ಯ ಪಂಡೆರ್. ಲೇಸ್ ಡ್ ವಾರ್ಡ್ ಕೌನ್ಸಿಲರ್ ದೀರಜ್ ಕುಸಲ್ ನಗರ, ಪೆರಿಯಕುಲು ಆಯಿನ ನಾರಾಯಣ, ಮಾಧವ ಇತ್ತೆರ್. ನಿತಿನ್ ಬತ್ತಿಂಚಿ ಬಿನ್ನೆರೆನ್ ಎಂದ್ಕೊಂದು ಸಭೆ ಸುಧಾರಿಕೆ ಮಲ್ತೆರ್.

ಆದರ್ಶ ಮಿತ್ರ ಮಂಡಳಿ ಕೊಲ್ಯ ಸೋಮೇಶ್ವರ ಮುತಾಲಿಕೆಡ್ ಸ್ವಾತಂತ್ರ್ಯ ಅಮೃತ ಮಹೋಚ್ಚಯ

Aug 15, 2022

ಆದರ್ಶ ಮಿತ್ರ ಮಂಡಳಿ ಕೊಲ್ಯ ಸೋಮೇಶ್ವರ ಮುಕ್ಲೆನ ಲೆಕ್ಕೊಡು ಭಾರತ ಸ್ವಾತಂತ್ರ್ಯದ ಅಮೃತ ಮಹೋಚ್ಚಯದ ಧ್ವಜಾರೋಹಣ ಕಜ್ಜ ಕಾಂಡೆ ೮.೩೦ಗ್ ಕೊಲ್ಯ ಶ್ರೀ ಶಾರದಾ ಸಭಾ ಸದನದ ಕೈತಲ್ ನಡತ್ಂಡ್.

ನಿವೃತ್ತ ಯೋಧೆರ್ ಕೆ. ಗೋಪಿನಾಥ್ ಕುಂಪಲ ಮೇರ್ ಧ್ವಜಾರೋಹಣ ಮಲ್ತೆರ್. ಕಾರ್ಯಕ್ರಮದ ಗುರ್ಕಾರ್ಮೆನ್ ಆದರ್ಶ ಮಿತ್ರ ಮಂಡಳಿ ಕೊಲ್ಯ ಉಂದೆತ್ತ ಅಧ್ಯಕ್ಷೆರ್ ರಾಯಿನ ಹೇಮಂತ್ ಕುಮಾರ್ ಕೊಲ್ಯ ವಹಿಸೊನ್ಯೆರ್. ಮಲ್ಲ ಬಿನ್ನೆರಾದ್ ಸಾರ್ವಜನಿಕ ಶ್ರೀ ಶಾರದಾ ಮಹೋತ್ಸವ ಸಮಿತಿ ಕೊಲ್ಯ ಉಂದೆತ್ತ ಅಧ್ಯಕ್ಷೆರ್ ಹರೀಶ್ ಪೂಜಾರಿ ಕೊಲ್ಯ, ಗೌರವಾಧ್ಯಕ್ಷೆರ್ ಸೀತಾರಾಮ ಬಂಗೇರ ಕೊಲ್ಯ ಅಂಚನೆ ಶ್ರೀ ಶಾರದಾ ಮಹಿಳಾ ಮಂಡಳಿ ಕೊಲ್ಯ ಉಂದೆತ್ತ ಅಧ್ಯಕ್ಷೆರ್ ಮಂಜುಳಾ ಬಾಲಕೃಷ್ಣ ಕೊಲ್ಯ ಲೇಸ್ ಡ್ ಇತ್ತೆರ್. ಪ್ರಕಾಶ್ ಎಚ್ ಕೊಲ್ಯ ಬತ್ತಿನ ಬಿನ್ನೆರೆನ್ ಎದ್ಕೊನಿಯೆರ್. ಹೃತ್ವಿಕ್ ಕೊಲ್ಯ ಸೊಲ್ಮೆ ಸಂದೈತ ಮಲ್ತೆರ್. ಹರೀಶ್ ಕೊಲ್ಯ ನಿರೂಪಣೆ ಮಲ್ತೆರ್.

(ವರದಿ : ಸಂತೋಷ್ ಅಂಬ್ಲಮೊಗರು)

ಆ. 18 : ತುಳುನಾಡ್ ಡ್ ಅಬತರ ತುಳು ಪಿಚ್ಚರ್ ಬುಡುಗಡೆ

Aug 13, 2022

ಕುಡ್ಲ : ಬೊಳ್ಳಿ ಮೂವೀಸ್ ಬೊಕ್ಕ ಅವಿಕ ಪ್ರೊಡಕ್ಷನ್ ಡ್ ಅರ್ಜುನ್ ಕಾಪಿಕಾಡ್ ನಿರ್ದೇಶನಡ್ ತಯಾರ್ ಆಯಿನ ತುಳು ಪಿಚ್ಚರ್ “ಅಬತರ” ಅಗೋಸ್ಟ್ 18 ಗ್ ಗುರುವಾರ ತುಳುನಾಡ್ ಡ್ ಬುಡುಗಡೆ ಆಯರೆ ಉಂಡು.

ಈ ಬಗೆಟ್ ಇನಿ ಕುಡ್ಲದ ತುಳುಭವನದ ಚಾವಡಿಡ್ ನಡತಿನ ಪತ್ರಿಕಾಗೋಷ್ಠಿಡ್ ಅಬತರ ಪಿಚ್ಚರ್ ದ ನಿರ್ದೇಶಕೆ ಅರ್ಜುನ್ ಕಾಪಿಕಾಡ್ ಪಾತೆರ್ದ್, ಈ ಪಿಚ್ಚರ್ ಕುಡ್ಲದ ಸುತ್ತಮುತ್ತಲ್ ಡ್ ಚಿತ್ರೀಕರಣ ಆತ್oಡ್. ಕೋವಿಡ್ ಇತ್ತಿನೆಡ್ದಾವರ ಪಿಚ್ಚರ್ ಬುಡುಗಡೆ ಆಯರೆ ತಡ ಆoಡ್. ಜನಕ್ಲೆಗ್ ಇಷ್ಟ ಆಪಿಲೆಕ್ಕ ಉಂದು ಸಂಪೂರ್ಣವಾದ್ ಕಾಮಿಡಿ ಇಪ್ಪುನ ಅಂಚನೆ ಸಮಾಜಗ್ ಎಡ್ಡೆ ಸಂದೇಶ ಕೊರ್ಪಿನ ಪಿಚ್ಚರ್ ಆತ್oಡ್. ಪಿಚ್ಚರ್ ಡ್ ಪೆರಿಯ ಕಲಾವಿದೆರ್ ಆಯಿನ ನವೀನ್ ಡಿ ಪಡೀಲ್, ಅರವಿಂದ ಬೋಳಾರ್, ಭೋಜರಾಜ್ ವಾಮಂಜೂರು, ಸಾಯಿಕೃಷ್ಣ ಈ ಪಿಚ್ಚರ್ ಡ್ ನಟನೆ ಮಲ್ತ್ ದೆರ್. ಅಂಚನೆ ನಾಯಕ ನಟಿಯಾದ್ ಗಾನ ಭಟ್, ಕ್ರಿಸ್ಟಿನಾ ಅಭಿನಯ ಮಲ್ತ್ ದೆರ್. ಅಬತರ ಪಿಚ್ಚರ್ ದ ಬಿನ್ನೆರ್ ಬೈದಿನ ಗೌಜಿಡ್ ಪದ್ಯ ಪಿಚ್ಚರ್ ಬುಡುಗಡೆ ಆಪಿನ ದುಂಬೆ ಯೂಟ್ಯೂಬ್ ಡ್ 5 ಲಕ್ಷರ್ದ್ ಲ ಎಚ್ಚದ ವೀಕ್ಷಣೆ ಆತ್oಡ್ ಪಂದ್ ಪಂಡೆರ್.

ಕುಸಲ್ದರಸೆ ನವೀನ್ ಡಿ ಪಡೀಲ್ ಪಾತೆರ್ದ್, ಅಬತರ ತುಳು ಪಿಚ್ಚರ್ ದ ಕಥೆನ್ ಡಾ| ದೇವದಾಸ್ ಕಾಪಿಕಾಡ್ ಬರೆತೆರ್ ಅಂಚನೆ ತುಳುನಾಡ ಆಕ್ಷನ್ ಕಿಂಗ್ ಅರ್ಜುನ್ ಕಾಪಿಕಾಡ್ ಅಭಿನಯದೊಟ್ಟುಗ್ ಸುರುತ್ತ ಸರ್ತಿ ನಿರ್ದೇಶನ ಮಲ್ತ್ ದೆರ್ ಪಂದ್ ಪಂಡೆರ್.

ಆಕ್ಟರ್ ಸಾಯಿಕೃಷ್ಣ ಪಾತೆರ್ದ್, ಈ ಪಿಚ್ಚರ್ ಡ್ ಛಾಯಾಗ್ರಾಹಕೆರಾದ್ ವಿಷ್ಣು ಪ್ರಸಾದ್, ಜೇಕೋಬ್, ಕಾರ್ಯಕಾರಿ ನಿರ್ಮಾಪಕೆರಾದ್ ಸಂದೀಪ್ ಶೆಟ್ಟಿ ಬೇಲೆ ಮಲ್ತ್ ದೆರ್. ಅoಚನೆ ನಿಖಿಲ್ ಸಾಲ್ಯಾನ್ ನಿರ್ಮಾಪಕೆರಾದ್, ವೀರಾಜ್ ಅತ್ತಾವರ ಸಹ ನಿರ್ಮಾಪಕೆರಾದ್ ಬೇಲೆ ಮಲ್ತ್ ದೆರ್ ಪಂದ್ ಪಂಡೆರ್.

ಅಬತರ ಪಿಚ್ಚರ್ ಕುಡ್ಲದ ರೂಪವಾಣಿ, ಭಾರತ್ ಮಾಲ್, ಸಿನಿಪೊಲಿಸ್, ಪಿವಿಆರ್, ಬೆದ್ರದ ಅಮರಶ್ರೀ, ಬೊಲ್ತೇರ್ ದ ಭಾರತ್ ಟಾಕೀಸ್, ಸುರತ್ಕಲ್ ದ ಸಿನಿಗ್ಯಾಲಕ್ಸಿ, ಒಡಿಪುದ ಕಲ್ಪನಾ, ಮಣಿಪಾಲದ ಭಾರತ್ ಸಿನಿಮಾಸ್, ಐನಾಕ್ಸ್, ಕಾರ್ಲದ ರಾಧಿಕಾ, ಪ್ಲಾನೆಟ್, ಪುತ್ತೂರ್ ದ ಅರುಣಾ, ಸುಳ್ಯದ ಸಂತೋಷ್ ಟಾಕೀಸ್ ಡ್ ಬುಡುಗಡೆ ಆಯರೆ ಉಂಡು.

ಆಗೋಸ್ಟ್ 16 ಬೊಕ್ಕ 17 ಕ್ ಕುಡ್ಲ, ಬೆದ್ರ, ಪುತ್ತೂರ್, ಒಡಿಪು, ಪಡುಬಿದ್ರೆ, ಕಿನ್ನಿಗೋಳಿ, ಗುರುಪುರ, ಕುಲಶೇಖರ ಇಂಚಿನ ಅನಾಥಾಶ್ರಮದ ಜೋಕುಲೆಗ್ ಈ ಪಿಚ್ಚರ್ ನ್ ಉಚಿತವಾದ್ ತೊಜ್ಪಾಯರೆ ಉಲ್ಲೆರ್.

ಪತ್ರಿಕಾಗೋಷ್ಠಿಡ್ ದೇವದಾಸ್ ಕಾಪಿಕಾಡ್ ಮೇರ್ನ ಬೊಡೆದಿ ಶರ್ಮಿಳಾ ಕಾಪಿಕಾಡ್, ಶನಿಲ್ ಕುಮಾರ್, ನಾಯಕಿ ನಟಿ ಗಾನ ಭಟ್, ಕ್ರಿಸ್ಟಿನಾ, ವೀರಾಜ್ ಅತ್ತಾವರ ಇತ್ತೆರ್.

“Abatara” Tulu movie to be released on August 18th

Mangalore: “Abatara” Tulu movie under Bolli movies and Avika productions banner directed by Arjun Kapikad will be released on August 18th.

Speaking at a press conference Arjun Kapikad the director said that the movie had been picturised in and around Mangalore but the release was delayed due to covid protocol.The humorous movie was a complete family picture and an entertainer to the core.

It features the gems of Tulunadu movies Arvind Bolar, Bojaraj y Naveen Padil .The female lead includes Gana Bhat and Christina.A song released on YouTube has secured five lakh likes .

The story is by Dr Devdas Kapikad and Arjun Kapikad the action king is directing it. The choreography is by Vishnu Prasad, and producers are Nikil Salian and Viraj Attavar.

Tt will be shown to children of orphanage on 16th and 17th at Mangalore, Moodbidri, Kinnigoli, Puttur Udupi and Padubidri.

ಮುಲ್ಕಿರ್ದ್ ಬೆದ್ರಗ್ ಮಾಮಲ್ಲ ತಿರಂಗಾ ಯಾತ್ರೆ; ಧ್ವಜ ಪತ್ತೊಂದ್ ಪೋಯರೆ ಉಲ್ಲೆರ್ 3 ಸಾರ ಜನ

Aug 12, 2022

ಮುಲ್ಕಿ: ಸ್ವಾತಂತ್ರ್ಯ ಭಾರತದ ಅಮೃತ ಮಹೋತ್ಸವದ ಲೆಕ್ಕೊಡು ಮುಲ್ಕಿ ರ್ದ್ ಬೆದ್ರಗ್ ಮಾಮಲ್ಲ ತಿರಂಗಾ ಯಾತ್ರೆ ಅಗೋಸ್ಟ್ ೧೪ ತಾರೀಕ್ ಗ್ ನಡಪರೆ ಉಂಡು.

೧೦೦ ಮೀಟರ್ ಉದ್ದ ೯.೩ ಅಡಿ ಅಗೆಲದ ಕೊಡಿನ್ ಪತ್ತೊಂದ್ ೨-೩ ಸಾರ ಜನ ಯಾತ್ರೆ ಪೋಯರೆ ಉಲ್ಲೆರ್. ೨೭ ಕಿ.ಮೀ ದೂರ ನಡಪರೆ ಇಪ್ಪುನ ಈ ತಿರಂಗಾ ಯಾತ್ರೆಗ್ ಅಭಿಯಾನ ಸಮಿತಿ ರಚನೆ ಮಲ್ತ್ ದೆರ್. ಆನಿ ಕಾಂಡೆ ೮ ಗಂಟೆಗ್ ಸ್ವಾತಂತ್ರ್ಯ ಪೊರ್ಂಬಾಟಗಾರೆ ಕಾರ್ನಾಡು ಸದಾಶಿವ ರಾವ್ ಮೆರೆನ ಪುಟ್ಟಿನ ಊರು ಮುಲ್ಕಿದ ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯರ್ದ್ ಪಿದಡ್ ದ್ ರಾಣಿ ಅಬ್ಬಕ್ಕ ಪುಟ್ಟುದಿನ ಊರು ಬೆದ್ರ ಮುಟ್ಟ ಈ ಪಾದಯಾತ್ರೆಡ್ ೨೬ ಗ್ರಾಮ ಪಂಚಾಯತ್, ಒಂಜಿ ನಗರ ಪಂಚಾಯತ್, ರಡ್ಡ್ ಪಟ್ಟಣ ಪಂಚಾಯತ್, ಒಂಜಿ ಪುರಸಭೆ ವ್ಯಾಪ್ತಿದ ೧೦೦ ಜನತಲೆಕ್ಕ ತ್ರಿವರ್ಣ ಕೊಡಿ ಪತೊಂದು ಅಂಚನೆ ಮೆರವಣಿಗೆಡ್ ಎಚ್ಚದ ಸಂಖ್ಯೆಡ್ ಜನಕುಲು ಪಾಲ್ ಪಡೆಯುಲೆಕ್ಕ ಬಿನ್ನಾಪು ಮಲ್ತ್ ದೆರ್.

ಈ ಮೆರವಣಿಗೆಡ್ ಎದುರುಡ್ ಭಾರತ ಮಾತೆನ ಪಟ, ದೇಶ ಭಕ್ತೆ ಕಾರ್ನಾಡು ಸದಾಶಿವ ಮೇರ್‍ನ ಪಟ, ವೀರ ರಾಣಿ ಅಬ್ಬಕ್ಕನ ಪಟ ಉಪ್ಪುಂಡು. ದೇಶಭಕ್ತಿ ಗೀತೆ, ಬೇತೆ ಬೇತೆ ಭಜನಾ ಕೂಟೊಲು, ಟ್ಯಾಬ್ಲೊ, ಚೆಂಡೆ, ಡೋಲು ಅಂಚನೆ ಬೇತೆ ಬೇತೆ ಕೂಟದಕುಲು ಯಾತ್ರೆಡ್ ವಿಶೇಷವಾಯಿನ ಮೆರುಗು ಕೊರಿಯರೆ ಉಂಡು.

ಈ ಪಾದಯಾತ್ರೆಗ್ ಬೇತೆ ಬೇತೆ ಸಂಘ ಸಂಸ್ಥೆಲು, ಸಾರ್ವಜನಿಕೆರ್ ಸಾಥ್ ಕೊರಿಯರೆ ಇತ್ತ್ ದ್, ಸಾದಿದ ಉದ್ದಡ್ ಲ ಜ್ಯೂಸ್, ಪಲಾರದ ವ್ಯವಸ್ಥೆ ಉಂಡು.

ಬಾವುಟನ್ ಸುಮಾರ್ ೨೫೦೦೦ ರೂ. ಬಿಲೆಟ್ ಸೂರತ್ ಡ್ ತಯಾರ್ ಮಲ್ತ್ ದೆರ್. ತಿರಂಗಾ ಯಾತ್ರೆಗ್ ನಳಿನ್ ಕುಮಾರ್, ಉಮಾನಾಥ ಕೋಟ್ಯಾನ್ ಅಂಚನೆ ಜನಪ್ರತಿನಿಧಿಕುಲು ಚಾಲನೆ ಕೊರಿಯರೆ ಉಲ್ಲೆರ್. ಬಯ್ಯ ೫ ಗಂಟೆಗ್ ಬೆದ್ರಡ್ ಮುಗಿತಲದ ಲೇಸ್ ನಡಪರೆ ಉಂಡು.

A massive Tiranga rally from Mulki to Moodbidri; About three thousand people are expected to participate with a large ” Tiranga “

Mulki: To commorate 75 years of independence; a large Tiranga rally from Mulki to Moodbidri has been organised on August 14th.

Carrying a 100 meter long and 9.7 feet in length flag about 2-3 thousand people are expected to take out a rally for which a special samithi has been formed .The rally will start from the birth place of freedom fighter Karnad Sadashiv Rao at Mulki and end at the birthplace of Rani Abbakka at Moodbidri.The padayatra covers a distance of 23 kilometres and people in large numbers are requested to participate.

The procession will include different bajan groups singing patriotic songs, tableau cultural icons of Tulunadu like “Chende”, “Dollu” and the like with different associations taking initiative in leading the rally.

The flag costing about 25,000 rupees has been specially made at Surat. MP Nalin Kumar Kateel, MLA Umanath Kotian and other leaders are to lead the rally which will start at 8a.m morning at Mulki and end around 5 p.m at Moodbidri.

ಕುಡ್ಲ ಮಹಾನಗರ ಪಾಲಿಕೆದ ಮುತಾಲಿಕೆಡ್ ಗೌಜಿದ ಜಾಥಾ

Aug 12, 2022

ಕುಡ್ಲ: ಕುಡ್ಲ ಮಹಾನಗರ ಪಾಲಿಕೆದ ಮುತಾಲಿಕೆಡ್ ಸ್ವಾತಂತ್ರ್ಯ ಅಮೃತ ಮಹೋಚ್ಚಯದ ಲೆಕ್ಕೊಡ್ ನಡತೊಂದ್ ಪೋಪುನ ಜಾಥಾ ನಡತ್ಂಡ್.

ಕುಡ್ಲ ಮಹಾನಗರ ಪಾಲಿಕೆದ ಕಚೇರಿದ ಎದುರು ಗೌಜಿದ ಜಾಥಾಗ್ ಚಾಲನೆ ಕೊರಿಯೆರ್. ಲೇಸ್ ಡ್ ಕುಡ್ಲ ಪೇಂಟೆದ ಕಾಲೇಜ್ ದ ಕಲ್ಪಾರ್ಥಿಲು ಗೌಜಿದ ಜಾಥಾಡ್ ಪಜ್ಜೆ ಪಾಡಿಯೆರ್. ಕುಡ್ಲ ದಕ್ಷಿಣ ಶಾಸಕೆರ್ ವೇದವ್ಯಾಸ್ ಕಾಮತ್, ಮಹಾನಗರ ಪಾಲಿಕೆದ ಅಧಿಕಾರಿಲು ಪಾಲ್ ಪಡೆದಿತ್ತೆರ್.

ದೇವೆರೆ ಪಾದೊ ಸೇರಿಯೆರ್ ಪುಗರ್ತೆದ ಜಾನಪದ ಗಾಯಕೆ ಶಿವಮೊಗ್ಗ ಸುಬ್ಬಣ್ಣ

Aug 12, 2022

ಬೆಂಗ್ಳೂರ್: ಕಾಡ ಕುದುರೆ ಓಡಿ ಬಂದಿತ್ತ… ಕೋಡಗನ ಕೋಳಿ ನುಂಗಿತ್ತಾ…. ಪದ್ಯದ ಮುಖೇನ ಪುಗರ್ತೆ ಪಡೆಯಿನ ಜಾನಪದ ಬೊಕ್ಕ ಸುಗಮ ಸಂಗೀತ ಗಾಯಕೆರ್ ಶಿವಮೊಗ್ಗ ಸುಬ್ಬಣ್ಣ ದೇವೆರೆ ಪಾದ ಸೇರಿಯೆರ್.

೮೩ ವರ್ಷ ಆಯಿನ ಮೇರೆಗ್ ಕರ್ನಾಟಕ ಸುಗಮ ಸಂಗೀತ ದ ಪುಗರ್ತೆದ ಗಾಯಕೆರಾದಿತ್ತೆರ್.
ತಿಗಲೆ ಬೇನೆಡ್ ಗುರುವಾರ ರಾತ್ರೆ ೧೦ ಗಂಟೆಗ್ ಬೆಂಗ್ಳೂರ್ ದ ಜಯದೇವ ಆಸ್ಪತ್ರೆಡ್ ತೀರ್ ಪೋಯೆರ್.

Noted singer Shimoga Subanna no more

Bangalore: Noted singer Shimoga Subanna who shot to fame with folk songs and light music passed away on 11th August.He was 83 years old.

He was renowned for his folk songs in Kannada and light music.He passed away yesterday at Jayadeva hospital in Bangalore last night.

ತಲಪಾಡಿ: ಅ.21 ಗ್ ದೇವೆರೆ ಬಾಕಿಲ್ದ ಕಂಡಡೊಂಜಿ ದಿನ ಲೇಸ್

Aug 11, 2022

ತಲಪಾಡಿದ ದೇವಿಪುರ ಶ್ರೀ ದುರ್ಗಾಪರಮೇಶ್ವರಿ ಸೇವಾ ಸಂಘ ಯುವಕ ಮಂಡಲ (ರಿ.) ಮುಕ್ಲೇನ ಮುತಾಲಿಕೆಡ್ ಅಂಚನೆ ಕೈತಲ್ ದ ಸಂಘ ಸಂಸ್ಥೆದ ಮುತಾಲಿಕೆಡ್ ದೇವೆರೆ ಬಾಕಿಲ್ದ ಕಂಡಡೊಂಜಿ ದಿನ ಲೇಸ್ ಅಗೋಸ್ಟ್ ೨೧ ತಾರೀಕ್ ಗ್ ಐತಾರದಾನಿ ತಲಪಾಡಿದ ದೇವಿಪುರ ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯದ ಜಾಗೆಡ್ ನಡಪರೆ ಉಂಡು.

ಈ ಲೇಸ್ ಭಾರೀ ಗೌಜಿಡ್ ಆವಡ್ ಪಂದ್ ಶ್ರೀ ದುರ್ಗಾಪರಮೇಶ್ವರಿ ಸೇವಾ ಸಂಘ ಯುವಕ ಮಂಡಲ (ರಿ.) ದೇವಿಪುರ ಮುಕುಲ್ ಎಡ್ಡೆಪ್ಪುನ್ ಬಯಕ್ ದೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಂಬಾಯಿದ ಸುದ್ದಿ | Bombay News

ಬೊಂಬಾಯಿ : ನಮೋ ಮೊಯಾರ್ ಗ್ಲೋಬಲ್ ಫೌಂಡೇಶನ್‌ ಮುಕ್ಲೆನ ಮುತಾಲಿಕೆಡ್ ಕನ್ನಡ ಶಾಲೆ ದ ಜೋಕುಲೆಗ್ ಬೂಕು ಪಟ್ಟುನ ಲೇಸ್

Aug 9, 2022

ಬೊಂಬಾಯಿ: ನಮೋ ಮೊಯಾರ್ ಗ್ಲೋಬಲ್ ಫೌಂಡೇಶನ್‌ ಕೂಟ ಥಾಣೆದ ಮಜಿವಾಡದ ಆದಿಶಕ್ತಿ ಕನ್ನಡ ಮಾಧ್ಯಮ ಶಾಲೆದ 300 ಕಲ್ಪಾರ್ಥಿಲೆಗ್ ನೋಟ್ ಬುಕ್ ನ್ ಪಟ್ಟಿಯೆರ್.

ಶಾಲೆದ ಪ್ರಾಂಶುಪಾಲೆರ್ ವಿಮಲಾ ಕರ್ಕೇರ ಮೇರ್ ನಮೋ ಮೊಯಾರ್ ಗ್ಲೋಬಲ್ ಫೌಂಡೇಶನ್‌ ದ ಉದಾತ್ತ ಕಾರ್ಯ ನ್ ಪುಗರಿಯೆರ್ ಬೊಕ್ಕ ಕೂಟದ ಮಾತಾ ಸದಸ್ಯೆರೆಗ್ ಸೊಲ್ಮೆ ಸಂದೈತ ಮಲ್ತೆರ್. ಅಧ್ಯಕ್ಷೆರ್ ರವಿ ಉಚ್ಚಿಲ್ ಪಾತೆರ್ದ್, ಶಿಕ್ಷಣ ಸಮಾಜದ ಅಂಚನೆ ಜನಕ್ಲೆನ ಸರ್ವಾಂಗೀಣ ಅಭಿವೃದ್ಧಿಡ್ ಒಂಜಿ ಮುಖ್ಯವಾಯಿನ ಪಾತ್ರನ್ ವಹಿಸೊಂದುಂಡು. ನಮ್ಮ ಸಂಘಟನೆ ಶಿಕ್ಷಣಗ್ ಎಚ್ಚದ ಒತ್ತುನ್ ಕೊರ್ಪುಂಡ್ ಪಂದ್ ಪಂಡೆರ್.

ಗೌರವ ಕಾರ್ಯದರ್ಶಿ ರಾಧೇಶ್ ಉಚ್ಚಿಲ್, ಫೌಂಡೇಶನ್‌ ದ ಸಲಹೆಗಾರೆರಾಯಿನ ಈಶ್ವರ್ ಕೆ. ಐಲ್, ಗೌರವ ಕೋಶಾಧಿಕಾರಿ ಯಶವಂತ್ ಎನ್ ಐಲ್, ಜೊತೆ ಕೋಶಾಧಿಕಾರಿ ಧನ್ಯಶ್ರೀ ಐಲ್, ಉಪಾಧ್ಯಕ್ಷೆರ್ ರವೀಂದ್ರ ಬತ್ತೇರಿ ಬೊಕ್ಕ ಶ್ವೇತಾ ಉಚ್ಚಿಲ್, ಜಂಟಿ ಕಾರ್ಯದರ್ಶಿ ಸುಷ್ಮಾ ಕುಂಬ್ಳೆ ಈ ಪೊರ್ತುಡು ಇತ್ತೆರ್.

Namo Moyar Global foundation distributes books to students of Kannada school at Thane

Mumbai: The Namo Moyar Global foundation distributed books to about 300 students of Adishakti Kannada school at Thane.

The principal of the school Smt Vimala Karkera thanked the members of the foundation and appreciated the gesture. The president of the foundation Ravi Ucchila that education provides for all round development of a person and helping in educational needs was a priority of the foundation.

Honorary secretary Radesh Ucchila, Eshwar K Iaal the adviser to the foundation, honorary secretary Yashwant Iaal, joint treasurer Danyashree Iaal and others participated in the program.

ಕಾಸ್ರೋಡ್ ಸುದ್ದಿ | Kasargod News

ತುಳುನಾಡ ಟಾಕೀಸ್ ಡ್ ಸುರುವಾಂಡ್ “ಅಬತರ”

ವರಕೋಡಿ ಯಕ್ಷಕಲಾ ಸಂಘದ ಲೆಕ್ಕೊಡು ಸ್ವಾತಂತ್ರ್ಯ ದಿನಾಚರಣೆ ಬೊಕ್ಕ ಕೆಸರುಗದ್ದೆ ಕ್ರೀಡಾಕೂಟ

ಕುಸಲ್ ಫ್ರೆಂಡ್ಸ್ ಕೂಪೆದ ಮುತಾಲಿಕೆಡ್ ತನ್ನಾಲ್ಮೆ ದಿನಾಚರಣೆ

ಆದರ್ಶ ಮಿತ್ರ ಮಂಡಳಿ ಕೊಲ್ಯ ಸೋಮೇಶ್ವರ ಮುತಾಲಿಕೆಡ್ ಸ್ವಾತಂತ್ರ್ಯ ಅಮೃತ ಮಹೋಚ್ಚಯ

ಆ. 18 : ತುಳುನಾಡ್ ಡ್ ಅಬತರ ತುಳು ಪಿಚ್ಚರ್ ಬುಡುಗಡೆ

ಮುಲ್ಕಿರ್ದ್ ಬೆದ್ರಗ್ ಮಾಮಲ್ಲ ತಿರಂಗಾ ಯಾತ್ರೆ; ಧ್ವಜ ಪತ್ತೊಂದ್ ಪೋಯರೆ ಉಲ್ಲೆರ್ 3 ಸಾರ ಜನ

ಕುಡ್ಲ ಮಹಾನಗರ ಪಾಲಿಕೆದ ಮುತಾಲಿಕೆಡ್ ಗೌಜಿದ ಜಾಥಾ

ದೇವೆರೆ ಪಾದೊ ಸೇರಿಯೆರ್ ಪುಗರ್ತೆದ ಜಾನಪದ ಗಾಯಕೆ ಶಿವಮೊಗ್ಗ ಸುಬ್ಬಣ್ಣ

ತಲಪಾಡಿ: ಅ.21 ಗ್ ದೇವೆರೆ ಬಾಕಿಲ್ದ ಕಂಡಡೊಂಜಿ ದಿನ ಲೇಸ್

ಬೊಂಬಾಯಿ : ನಮೋ ಮೊಯಾರ್ ಗ್ಲೋಬಲ್ ಫೌಂಡೇಶನ್‌ ಮುಕ್ಲೆನ ಮುತಾಲಿಕೆಡ್ ಕನ್ನಡ ಶಾಲೆ ದ ಜೋಕುಲೆಗ್ ಬೂಕು ಪಟ್ಟುನ ಲೇಸ್

You Missed

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ