ಕಾರ್ಲದ ಸುದ್ದಿ Karkala News

ಪಿಎಫ್ಐ ನಿಷೇಧ ಮಲ್ತ್ ದೆರ್ ಪಂದ್ ಯು.ಟಿ.ಖಾದರ್ ಕಣ್ಣೀರ್ ಪಾಡೊಂದುಲ್ಲೆರ್ ಗೆ ಪನ್ಪಿನ ನಳಿನ್ ಕುಮಾರ್ ಪಂಡಿನೆಕ್ಕ್ ಪ್ರತಿಕ್ರಿಯೆ ಕೊರಿನ ಶಾಸಕೆರ್ ?

ಸಂಸದೆರ್ ನಳಿನ್ ಕುಮಾರ್ ಕಟೀಲ್ ಮೇರ್ ರಾಜಕಾರಣಡ್ ಗಾಳಿಡ್ ಗುಂಡು ಪಾಡ್ದ್ ಭಾರಿ ಖುಷಿ ಪಡೆಯುನ ವಿಚಾರಡ್ ಪುಗರ್ತೆ ಪಡೆತ್ತೆರ್. ಸುಳ್ಳು ಪನ್ಪಿನವ್, ಆಯಿಬೊಕ್ಕ ಸುಳ್ಳುದ ಮಿತ್ತ್ ರಾಜಕಾರಣ ಮಲ್ಪುನವ್. ಉಂದು ವಿಘ್ನ ಸಂತೋಷಿಲೆನ ಲಕ್ಷಣ. ಸುಳ್ಳು ಪನ್ಪಿನೆಟ್ಟ್ ನಳಿನ್ ನ್ ಪಿರ ಪಾಡಿಯರೆ ಏರೆರ್ದ್ ಲ ಸಾಧ್ಯ ಇಜ್ಜಿ ಪಂದ್ ಉಳ್ಳಾಲ ಶಾಸಕೆರ್ ಯು. ಟಿ. ಖಾದರ್ ತೆರಿಪಾಯೆರ್.

ನಳಿನ್ ನ ಎದುರುಡು ಕಣ್ಣ ನೀರ ಪನಿ ಪಾಡುನ ಅವಶ್ಯಕತೆ ಯಂಕಿಜ್ಜಿ. ಅಂಚಿನ ಅವಶ್ಯಕತೆ ನನ ದುಂಬುಗ್ ಲ ಬರ್ಪುಜಿ. ತಾನ್ ಮಲ್ತಿನ ಬೇಲೆನ್ ತಾನೆ ಮಲ್ತಿನ ಪಂದ್ ಪನ್ಪಿನಾತ್ ಸಾಮರ್ಥ್ಯ, ಧೈರ್ಯ ಇಜ್ಜಂದಿನಕುಲು ಈ ರೀತಿದ ಅಪಾದನೆ ಮಲ್ಪುನವ್ ಸಹಜ. ನಳಿನ್ ಕುಮಾರೆಗ್ ನಿಜವಾಯಿನ ದೇಶಭಕ್ತಿ ಇತ್ತ್ಂಡ, ಧರ್ಮದ ಆಧಾರಡ್ ವಿಷ ಬೀಜ ಪಾಡ್ದ್ ಸಮಾಜನ್ ಹಾಳ್ ಮಲ್ಪುನ, ಭಾರತದ ಶ್ರೇಷ್ಠ ಸಂವಿಧಾನನ್ ವಿರೋಧಿಸಿ ಕಾನೂನು ಕೈಕ್ ದೆತೊನುನ ಮಾತ ಸಂಘಟನೆನ್ ಲ ನಿಷೇಧ ಮಲ್ತ್ ದ್ಂಡ್ ಪಂದ್ ಕಟೀಲು ರೆಗ್ ಯು.ಟಿ.ಖಾದರ್ ಸಲಹೆ ಕೊರಿಯೆರ್.

ತುಳು ಬಾಸೆದ ಮಿತ್ತ್ ಕನ್ನಡದ ಸವಾರಿ ಮಲ್ಪುನ ವಿರುದ್ಧ ಎಲ್ಲೆ (ಸೆ.29) ಪ್ರತಿಭಟನೆ

ಕುಡ್ಲ : ತುಳುನಾಡ್ ಡ್ ತುಳು ಬಾಸೆನ್ ದೊಂಕುದು ತುಳು ಬಾಸೆದ ಮಿತ್ತ್ ಕನ್ನಡೊನು ಒತ್ತಾಯೊಡು ಪಾಡುನೆನ್ ಖಂಡಿಸಾದ್ ಎಲ್ಲೆ (ಸೆ.29) ಗುರುವಾರ ಕಟ್ಟರ್ ತುಳುವೆರ್ ಕ್ಲಾಕ್ ಟವರ್ ದ ಕೈತಲ್ ಕಾಂಡೆ 9.30 ಗಂಟೆಗ್ ಪ್ರತಿಭಟನೆ ಮಲ್ಪರೆ ಅಟ್ಟಣೆ ಮಲ್ದೆರ್.

ತುಳು ಭಾಷಾ ಸಂರಕ್ಷಣೆ ಸಮಿತಿ ಕುಡ್ಲ ಬೊಕ್ಕ ತುಳುನಾಡ್ ದ ಕಟ್ಟರ್ ತುಳು ಅಭಿಮಾನಿಲು ಎಲ್ಲೆ ಕಾಂಡೆ ಅಟ್ಟಣೆ ಮಲ್ದಿನ ಈ ಪ್ರತಿಭಟನೆಗ್ ಪೊಲೀಸ್ ಪರ್ಮಿಶನ್ ತಿಕ್ ದ್ಂಡ್. ಅಂಚಾದ್ ಮಾತಾ ತುಳುವೆರ್ ಎಚ್ಚಿನ ಸಂಖ್ಯೆಡ್ ಪ್ರತಿಭಟನೆಡ್ ಪಾಲ್ ಪಡೆದ್ ತುಳು ಬಾಸೆದ ಪೆರ್ಮೆನ್ ಒರಿಪಾವೊಡು, ರಾಜ್ಯ ಸರಕಾರೊಗು ತುಳು ಬಾಸೆದ ಶಕ್ತಿ ಏತ್ ಪಂದ್ ತೋಜಾವೊಡು ಪಂದ್ ಬಿನ್ನಾಪು ಮಲ್ತ್ ದೆರ್.

An agitation organised tomorrow ( September 29th) by Tulu basha samrakshan Samithi against Kannada being given importance over Tulu language in Tulunadu

The agitation has been organised near clock tower Mangalore from 9.30 a.m onwards.Permission for the same has been granted by the police.All Tulu well wishers are requested to join in large numbers informed said the samithi members of Tulu basha samrakshan Samithi