ಕಾರ್ಲ: ಶ್ರೀ ಕ್ಷೇತ್ರ ಈದು ಶ್ರೀ ಮುಜಿಲ್ನಾಯ ದೈವೊಲ್ಯಡ್, ಈದು ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿದ ಮುತಾಲಿಕೆಡ್ 20 ವರ್ಷೊದ ಚೌತಿ ಉತ್ಸವ ಸೆ.19 ಅಂಗಾರೆ ನಡಪರೆ ಉಂಡು.
ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ತೀರ್ಥ ಪ್ರಸಾದ ದೆತೊಂದು, ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಈದು ಸಾರ್ವಜನಿಕ ಗಣೇಶೋತ್ಸವ ಸಮಿತಿದಕುಲು ಬೊಕ್ಕ ಗ್ರಾಮಸ್ಥೆರ್ ಲೆಪ್ಪೋಲೆಡ್ ತೆರಿಪಾದೆರ್.
ಎಂಜಿನಿಯರ್ಸ್ ಬೊಕ್ಕ ಸರ್ಕಾರದ ಸಹಕಾರೊಡು ಅಭಿವೃದ್ಧಿ ಸಾಧ್ಯ: ರಾಜೇಂದ್ರ ಕಲ್ಬಾವಿ
ಮುಲ್ಕಿ : ಎಂಜಿನಿಯರ್ ನಕುಲು ಬೊಕ್ಕ ಸರಕಾರ ಅಂಚೆನೆ ಸಾರ್ವಜನಿಕೆರ್ನ ಒಟ್ಟುಸೇರಿಗೆಡ್ ಕೆಲಸ ಮಲ್ತ್ಂಡ ಅಭಿವೃದ್ಧಿ ಸಾಧ್ಯ. ಕುಡ್ಲದ ಮಹಾನಗರಪಾಲಿಕೆಡ್ ಉಂದು ಸಾಧ್ಯ ಆತ್ಂಡ್.ಅವ್ವೇ ರೀತಿಡ್ ಮೂಲ್ಕಿ ಪೇಂಟೆಲ ನವ ನಿರ್ಮಾಣ ಆವಡ್ ಪಂದ್ ಎಸಿಸಿಇಐದ ಪ್ರಧಾನ ಕಾರ್ಯದರ್ಶಿ, ಹಿರಿಯ ಎಂಜಿನಿಯರ್ ರಾಜೇಂದ್ರ ಕಲ್ಬಾವಿ ತೆರಿಪಾಯೆರ್.
ಆರ್ ಮುಲ್ಕಿದ ಸುಂದರ ರಾಮ್ ಶೆಟ್ಟಿ ಕನ್ವೆನ್ಷನ್ ಹಾಲ್ ಡ್ ಶನಿವಾರ ನಡತಿನ ಅಸೋಸಿಯೇಷನ್ ಆಫ್ ಸಿವಿಲ್ ಎಂಜಿನಿಯರ್ಸ್ ಮುಲ್ಕಿ (ಎಸಿಇಎಂ) ಉದಿಪನದ ಲೇಸ್ ಡ್ ಪಾತೆರಿಯೆರ್.
ಜಾಗತಿಕ ಬಂಟರ ಸಂಘಲೆನ ಒಕ್ಕೂಟದ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟಗರ್ ಬೊಕ್ಕ ಮಾತ ಬಿನ್ನೆರ್ ಸೇರ್ದ್ ತುಡರ್ ಅರ್ಲಾದ್ ಲೇಸ್ ಉದಿಪನ ಮಲ್ತೆರ್.
ಅಂಚೆನೆ ಈ ಪೊರ್ತುಡು ಎಸಿಇಎಂದ ಪೊಸ ಪದುಕೆರ್ನ ಪದಗ್ರಹಣ ವಿಧಿ ನಡತ್ಂಡ್ .
ಎಸಿಇಎ ಅಧ್ಯಕ್ಷೆರ್ ಜೀವನ್ ಕೆ. ಶೆಟ್ರ್ ಪಾತೆರ್ದ್, ಮುಲ್ಕಿದ ಸಮಗ್ರ ಅಭಿವೃದ್ಧಿದ ಉದ್ದೇಶಡ್ ಎಸಿಇಎಂ ಉದಿಪನ ಆಂಡ್, ಸಸಿಹಿತ್ಲು ಟು ಬಪ್ಪನಾಡು ಟೂರಿಸಂ ಕಾರಿಡಾರ್, ಕಾರ್ನಾಡ್ ಜಂಕ್ಷನ್ ರ್ದ್ ಬಪ್ಪನಾಡ್ ಜಂಕ್ಷನ್ ಮುಟ್ಟದ ಡೇಂಜರ್ ಝೋನ್ ಗ್ ಪರಿಹಾರ ಇಂಚಿನ ಕೆಲವು ಯೋಜನೆಲು ಕಾರ್ಯಗತ ಆವೊಡು. ನೆಕ್ಕ್ ನಿಕುಲು ಮಾತೆರ್ನಲ ಸಹಕಾರ ಬೋಡು ಪಂಡೆರ್.
ಈ ಪೊರ್ತುಡು ಹಿರಿಯೆರಾಯಿನ ಇಂಜಿನಿಯರ್ ಪ್ರೊಫೆಸರ್ ಜಿ.ಆರ್. ರೈ ಮೆರೆನ್ ಮಾನಾದಿಗೆ ಮಲ್ತೆರ್.
ಮಲ್ಲ ಬಿನ್ನೆರಾದ್ ಇಂಜಿನಿಯರ್ ವಿಜಯ ವಿಷ್ಣು ಮಯ್ಯ, ವಿಧಾನ ಪರಿಷತ್ ಸದಸ್ಯೆರ್ ಎಸ್.ಎಲ್. ಭೋಜೇಗೌಡ, ಮಾಜಿ ಸಚಿವೆರ್ ಕೆ. ಅಭಯಚಂದ್ರ ಜೈನ್, ಕ್ರೆಡೈ ಉಡುಪಿ ಅಧ್ಯಕ್ಷೆರ್ ಕೆ. ಮನೋಹರ ಶೆಟ್ಟಿ, ಕುಡ್ಲ ಕ್ರೆಡೈ ಅಧ್ಯಕ್ಷೆರ್ ವಿನೋದ್ ಎ.ಆರ್.ಪಿಂಟೊ,
ಲೆಕ್ಸಾ ಲೈಟ್ಸ್ ದ ರೊನಾಲ್ಡ್ ಡಿಸೋಜ, ಪಾಂಡುರಂಗ ಆಚಾರ್ಯ, ಶಿವಪುತ್ರಪ್ಪ, ಉಜ್ವಲ್ ಡಿಸೋಜ, ಮಹಾಬಲ ಎಂ., ಬಾಲಸುಬ್ರಮಣ್ಯ ಎಂ. ಮೊಕುಲು ಮಾತ ಇತ್ತೆರ್.
ಎಸಿಇಎಂ ಕಾರ್ಯದರ್ಶಿ ಸುಜಿತ್ ಸಾಲಿಯಾನ್ ಬಿನ್ನೆರೆನ್ ಎದ್ಕೊಂಡೆರ್. ವರುಣ್ ದೇವೆರೆನ್ ಸುಗಿತೆರ್. ಸೌಜನ್ಯ ಹೆಗ್ಡೆ ಲೇಸ್ ಸುಧಾರಿಕೆ ಮಲ್ತೆರ್.
ಎಂಜಿನಿಯರ್ಸ್ ಬೊಕ್ಕ ಸರ್ಕಾರದ ಸಹಕಾರೊಡು ಅಭಿವೃದ್ಧಿ ಸಾಧ್ಯ: ರಾಜೇಂದ್ರ ಕಲ್ಬಾವಿ
ಮುಲ್ಕಿ : ಎಂಜಿನಿಯರ್ ನಕುಲು ಬೊಕ್ಕ ಸರಕಾರ ಅಂಚೆನೆ ಸಾರ್ವಜನಿಕೆರ್ನ ಒಟ್ಟುಸೇರಿಗೆಡ್ ಕೆಲಸ ಮಲ್ತ್ಂಡ ಅಭಿವೃದ್ಧಿ ಸಾಧ್ಯ. ಕುಡ್ಲದ ಮಹಾನಗರಪಾಲಿಕೆಡ್ ಉಂದು ಸಾಧ್ಯ ಆತ್ಂಡ್.ಅವ್ವೇ ರೀತಿಡ್ ಮೂಲ್ಕಿ ಪೇಂಟೆಲ ನವ ನಿರ್ಮಾಣ ಆವಡ್ ಪಂದ್ ಎಸಿಸಿಇಐದ ಪ್ರಧಾನ ಕಾರ್ಯದರ್ಶಿ, ಹಿರಿಯ ಎಂಜಿನಿಯರ್ ರಾಜೇಂದ್ರ ಕಲ್ಬಾವಿ ತೆರಿಪಾಯೆರ್.
ಆರ್ ಮುಲ್ಕಿದ ಸುಂದರ ರಾಮ್ ಶೆಟ್ಟಿ ಕನ್ವೆನ್ಷನ್ ಹಾಲ್ ಡ್ ಶನಿವಾರ ನಡತಿನ ಅಸೋಸಿಯೇಷನ್ ಆಫ್ ಸಿವಿಲ್ ಎಂಜಿನಿಯರ್ಸ್ ಮುಲ್ಕಿ (ಎಸಿಇಎಂ) ಉದಿಪನದ ಲೇಸ್ ಡ್ ಪಾತೆರಿಯೆರ್.
ಜಾಗತಿಕ ಬಂಟರ ಸಂಘಲೆನ ಒಕ್ಕೂಟದ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟಗರ್ ಬೊಕ್ಕ ಮಾತ ಬಿನ್ನೆರ್ ಸೇರ್ದ್ ತುಡರ್ ಅರ್ಲಾದ್ ಲೇಸ್ ಉದಿಪನ ಮಲ್ತೆರ್.
ಅಂಚೆನೆ ಈ ಪೊರ್ತುಡು ಎಸಿಇಎಂದ ಪೊಸ ಪದುಕೆರ್ನ ಪದಗ್ರಹಣ ವಿಧಿ ನಡತ್ಂಡ್ .
ಎಸಿಇಎ ಅಧ್ಯಕ್ಷೆರ್ ಜೀವನ್ ಕೆ. ಶೆಟ್ರ್ ಪಾತೆರ್ದ್, ಮುಲ್ಕಿದ ಸಮಗ್ರ ಅಭಿವೃದ್ಧಿದ ಉದ್ದೇಶಡ್ ಎಸಿಇಎಂ ಉದಿಪನ ಆಂಡ್, ಸಸಿಹಿತ್ಲು ಟು ಬಪ್ಪನಾಡು ಟೂರಿಸಂ ಕಾರಿಡಾರ್, ಕಾರ್ನಾಡ್ ಜಂಕ್ಷನ್ ರ್ದ್ ಬಪ್ಪನಾಡ್ ಜಂಕ್ಷನ್ ಮುಟ್ಟದ ಡೇಂಜರ್ ಝೋನ್ ಗ್ ಪರಿಹಾರ ಇಂಚಿನ ಕೆಲವು ಯೋಜನೆಲು ಕಾರ್ಯಗತ ಆವೊಡು. ನೆಕ್ಕ್ ನಿಕುಲು ಮಾತೆರ್ನಲ ಸಹಕಾರ ಬೋಡು ಪಂಡೆರ್.
ಈ ಪೊರ್ತುಡು ಹಿರಿಯೆರಾಯಿನ ಇಂಜಿನಿಯರ್ ಪ್ರೊಫೆಸರ್ ಜಿ.ಆರ್. ರೈ ಮೆರೆನ್ ಮಾನಾದಿಗೆ ಮಲ್ತೆರ್.
ಮಲ್ಲ ಬಿನ್ನೆರಾದ್ ಇಂಜಿನಿಯರ್ ವಿಜಯ ವಿಷ್ಣು ಮಯ್ಯ, ವಿಧಾನ ಪರಿಷತ್ ಸದಸ್ಯೆರ್ ಎಸ್.ಎಲ್. ಭೋಜೇಗೌಡ, ಮಾಜಿ ಸಚಿವೆರ್ ಕೆ. ಅಭಯಚಂದ್ರ ಜೈನ್, ಕ್ರೆಡೈ ಉಡುಪಿ ಅಧ್ಯಕ್ಷೆರ್ ಕೆ. ಮನೋಹರ ಶೆಟ್ಟಿ, ಕುಡ್ಲ ಕ್ರೆಡೈ ಅಧ್ಯಕ್ಷೆರ್ ವಿನೋದ್ ಎ.ಆರ್.ಪಿಂಟೊ,ಲೆಕ್ಸಾ ಲೈಟ್ಸ್ ದ ರೊನಾಲ್ಡ್ ಡಿಸೋಜ, ಪಾಂಡುರಂಗ ಆಚಾರ್ಯ, ಶಿವಪುತ್ರಪ್ಪ, ಉಜ್ವಲ್ ಡಿಸೋಜ, ಮಹಾಬಲ ಎಂ., ಬಾಲಸುಬ್ರಮಣ್ಯ ಎಂ. ಮೊಕುಲು ಮಾತ ಇತ್ತೆರ್.
ಎಸಿಇಎಂ ಕಾರ್ಯದರ್ಶಿ ಸುಜಿತ್ ಸಾಲಿಯಾನ್ ಬಿನ್ನೆರೆನ್ ಎದ್ಕೊಂಡೆರ್. ವರುಣ್ ದೇವೆರೆನ್ ಸುಗಿತೆರ್. ಸೌಜನ್ಯ ಹೆಗ್ಡೆ ಲೇಸ್ ಸುಧಾರಿಕೆ ಮಲ್ತೆರ್.
ಪಕ್ಷಿಕೆರೆ: ಸಾರ್ವಜನಿಕ ಶ್ರೀ ಗಣೋಶೋತ್ಸವ ಸಮಿತಿ ನೆತ್ತ ಮುತಾಲಿಕೆಡ್ 30ನೇ ವರ್ಷದ ಸಾರ್ವಜನಿಕ ಶ್ರೀ ಗಣಪತಿ ಉಚ್ಚಯ ಸೆ.19 ರ್ದ್ ಸೆ.21 ಮುಟ್ಟ ಪಕ್ಷಿಕೆರೆ ಶ್ರೀ ಗಣೇಶ ಕಲಾಮಂಟಪಡ್ ನಡಪರೆ ಉಂಡು.
ಸೆ.19 ಅಂಗಾರೆ ಸ್ಥಳ ಶುದ್ಧಿ, ಮೂರ್ತಿ ಪ್ರತಿಷ್ಠೆ, ಗಣಹೋಮ, ಬೊಕ್ಕ ಮಹಾಪೂಜೆ, ಪ್ರಸಾದ ವಿತರಣೆ, ಭಜನಾ ಸೇವೆ ಬಯ್ಯಗ್ ಸಂದೇಶ್ ನೀರ್ ಮಾರ್ಗ ಬಳಗದಕ್ಲೆರ್ದ್ ಸಂಗೀತ ರಸ ಸಂಜೆ ಬೊಕ್ಕ ಮಿಮಿಕ್ರಿ ನಡಪರೆ ಉಂಡು. ಅಂಚನೆ ರಾತ್ರೆ ಮನೋರಂಜನಾ ಕಾರ್ಯಕ್ರಮ, ನೃತ್ಯ ಸಂಭ್ರಮ, ಜನಪದ ನೃತ್ಯ ವೈಭವ ನಡಪೆರೆ ಉಂಡು.
ಸೆ.20 ಬುಧವಾರ ತುಲಾಭಾರ ಸೇವೆ, ಪೂಜೆ, ಗಣಹೋಮ, ಸಹಸ್ರ ಅಪೂಪ ಯಾಗ, ಭಜನಾ ಸೇವೆ, ಸಂಗೀತ ಸಿಂಚನ, ಬಯ್ಯಗ್ ಶ್ರೀನಿವಾಸ ಕಲ್ಯಾಣ ಯಕ್ಷಗಾನ ನಡಪರೆ ಉಂಡು, ರಾತ್ರೆ “ಯಮನ ಸೋಲು” ಕಿರು ನಾಟಕ, ಅಂಚನೆ ಡ್ಯಾನ್ಸ್ ಸ್ಟುಡಿಯೋ ಪಕ್ಷಿಕೆರೆ ಮೊಕ್ಲೆರ್ದ್ ಮನೋರಂಜನಾ ವೈವಿಧ್ಯ ಕಾರ್ಯಕ್ರಮ ನಡಪರೆ ಉಂಡು.
ಸೆ.21 ಗುರುವಾರ ಪೂಜೆ, ಗಣಹೋಮ, ಬೇತೆ ಬೇತೆ ಗೊಬ್ಬುಲು, ಭಜನಾ ಸೇವೆ, ಮುದ್ದುಕೃಷ್ಣ ಪ್ರದರ್ಶನ, ಧಾರ್ಮಿಕ ಸಭೆ, ಕಲ್ಪಾರ್ಥಿ ವೇತನ, ಬಹುಮಾನ ವಿತರಣೆ ನಡಪೆರೆ ಉಂಡು.
ಅoಚನೆ ಮಂದಿರ ನಿರ್ಮಾಣಗ್ ಸುಮಾರ್ 80 ಲಕ್ಷ ಆವರೆ ಉಂಡು. ಇತ್ತೆ ನಿರ್ಮಾಣದ ಕಾರ್ಯ ಸುರು ಆದ್ ಮಾತೆರ್ ನಲ ಸಹಕಾರದ ಒಟ್ಟಿಗೆ ಕೈ ಜೋಡಿಸಾದ್ ಸಾಮಾಜಿಕ, ಧಾರ್ಮಿಕ, ಸಾಂಸ್ಕೃತಿಕ, ಸಂಘಟನಾತ್ಮ ಕಾರ್ಯಡ್ ಒಂದಾದ್ ಮಾತೆರ್ಲ ತನು-ಮನ-ಧನ ರ್ದ್ ಸಹಕಾರನ್ ಮಲ್ಪೊಡು ಪಂದ್ ಲೆಪ್ಪೋಲೆಡ್ ಬಿನ್ನಾಪು ಮಲ್ತ್ ದೆರ್.
ದಕ್ಷಿಣ ಕನ್ನಡ ಬೊಕ್ಕ ಒಡಿಪು ಜಿಲ್ಲೆಡ್ ಚೌತಿದ ಲೆಕ್ಕಡ್ ಸೋಮವಾರದ ಬದಲ್ ಗ್ ಅಂಗಾರೆ (ಸೆ.19) ರಜೆ ಕೊರಿಯೆರೆ ರಾಜ್ಯ ಸರ್ಕಾರ ಆದೇಶ ಕೊರ್ತುಂಡು.
ಕರ್ನಾಟಕಡ್ ಚೌತಿ ಪರ್ಬದ ರಜೆಟ್ಟ್ ಗೊಂದಲ ಇತ್ತ್ಂಡ್. ಕೆಲವ್ ಕಡೆಟ್ ಸೆ.18 ದಾನಿ ಆಚರಣೆ ಮಲ್ತ್ಂಡ, ಕೆಲವ್ ಕಡೆ ಸೆ.19 ದಾನಿ ಚೌತಿ ಆಚರಣೆ ಮಲ್ಪುವೆರ್. ಅಂಚಾದ್ ಸರ್ಕಾರ ನಿಗದಿ ಮಲ್ತಿನ ರಜೆ ಸೋಮವಾರ ಪಂದ್ ಇತ್ತ್ಂಡ್. ನನ ಕರಾವಳಿ ಜಿಲ್ಲೆಡ್ ಅಂಗಾರೆ ಚೌತಿ ಆಚರಣೆ ಇತ್ತಿನ ಕಾರಣ ಅವ್ವೇ ದಿನ ಸರ್ಕಾರಿ ರಜೆ ಕೊರೊಡು ಪಂದ್ ಜನಪ್ರತಿನಿಧಿನಕುಲು ಸರ್ಕಾರಗ್ ಮನವಿ ಕೊರ್ದು ಇತ್ತೆರ್. ಇತ್ತೆ ಸರ್ಕಾರ ಸೆ.19 ದಾನಿ ಅಂಗಾರೆ ಸರ್ಕಾರಿ ರಜೆನ್ ಘೋಷಣೆ ಮಲ್ತ್ ದ್ಂಡ್.
ಮುಲ್ಕಿ: ರಾಷ್ಟ್ರೀಯ ಹೆದ್ದಾರಿ 66 ಮುಲ್ಕಿ ವಿಜಯ ಸನ್ನಿಧಿ ಜಂಕ್ಷನ್ ಕೈತಲ್ ಕಾರ್ ಡಿಕ್ಕಿಯಾದ್ ಬುಲೆಟ್ ಬೈಕ್ ಡ್ ಪೊವೊಂದು ಇತ್ತಿನ ಸವಾರೆರ್ ಗಂಭೀರ ಗಾಯ ಆದ್, ಒಟ್ಟಿಗೆ ಇತ್ತಿನ ಸಹಸವಾರೆ ತೀರ್ ಪೋತೆರ್.
ತೀರ್ ಪೋಯಿನಾರ್ ಕೇರಳ ರಾಜ್ಯದ ಕಾಸರಗೋಡು ಜಿಲ್ಲೆದ ಬಾಕ್ರಬೈಲು ಪಾತೂರು ನಿವಾಸಿ ಪ್ರೀತಿಕಾ ಶೆಟ್ಟಿ (21ವ) ಪಂದ್ ತೆರದಿ ಬೈದುಂಡು. ಗಾಯ ಆತಿನ ವ್ಯಕ್ತಿ ಬಂಟ್ವಾಳ ತಾಲೂಕು ಅರಂತೋಡಿ ಬಾಳೆಪುಣೆ ನಿವಾಸಿ ಮನ್ವಿತ್ ರಾಜ್ ಶೆಟ್ಟಿ(21ವ) ಪಂದ್ ತೆರಿದ್ ಬೈದುಂಡು.
ಒಡಿಪು ಕಡೆರ್ದ್ ಕುಡ್ಲಗ್ ಬರೊಂದಿತ್ತಿನ ಬುಲೆಟ್ ಬೈಕ್ ಗ್ ಮುಲ್ಕಿ ರಾಷ್ಟ್ರೀಯ ಹೆದ್ದಾರಿ ವಿಜಯ ಸನ್ನಿಧಿ ಜಂಕ್ಷನ್ ಕೈತಲ್ ಕಿನ್ನಿಗೋಳಿ ಕಡೆರ್ದ್ ಮುಲ್ಕಿ ಕಡೆಕ್ ಹೆದ್ದಾರಿ ಕ್ರಾಸ್ ಮಲ್ತೊಂದು ಇತ್ತಿನ ಹೋಂಡಾ ಕಾರ್ ಡಿಕ್ಕಿ ಹಾಕುದುಂಡು.
ಆಕ್ಸಿಡೆoಟ್ ಡ್ ಬೈಕ್ ನ್ ಕಾರ್ ಒಯ್ ತೊಂದು ಪೋದ್ ಬೈಕ್ ದ ಪಿರಾವ್ ಕುಲ್ದ್ ಇತ್ತಿನ ಪ್ರೀತಿಕಾ ಶೆಟ್ಟಿ ಆಯ ತತ್ತ್ ದ್ ಬೂರ್ದು ತರೆಕ್ಕ್ ಬೊಕ್ಕ ಕಾರ್ ಗಂಭೀರ ಗಾಯ ಆದ್ ಇತ್ತ್ಂಡ್. ಪ್ರೀತಿಕಾ ಶೆಟ್ಟಿ ಆಸ್ಪತ್ರೆಗ್ ಕೊನೊದು ಪೋನಗನೆ ತೀರ್ ಪೋತೆರ್.
ಕುಡ್ಲ: ಒಡಿಪು ಬೊಕ್ಕ ದಕ್ಷಿಣ ಕನ್ನಡ ಜಿಲ್ಲೆಡ್ ಡೆಂಗ್ಯೂ ಜ್ವರದ ಲಕ್ಷಣ ಮಸ್ತ್ ಜನಟ ತೋಜೊಂದು ಉಂಡು. ಕರಿನ ವರ್ಷಗ್ ತೂಂಡ ಈ ಸರ್ತಿ ಜಾಸ್ತಿ ಜನ ಡೆಂಗ್ಯೂ ಪೀಡಿತೆರ್ ಆಸ್ಪತ್ರೆಗ್ ದಾಖಲ್ ಆಪುನ ತೋಜಿದ್ ಬರೊದುಂಡು. ಆರೋಗ್ಯ ಇಲಾಖೆ ಎಲಿಝಾ ಟೆಸ್ಟ್ ಡ್ ಪಾಸಿಟಿವ್ ಬತ್ತ್ಂಡ ಮಾತ್ರ ಡೆಂಗ್ಯೂ ಉಂಡುಂದು ಲೆಕ್ಕ. ಅಂಚಾದ್ ಇಲಾಖಾ ಲೆಕ್ಕಾಚಾರದ ಪ್ರಕಾರ ದ.ಕ ಜಿಲ್ಲೆಡ್ ಜನವರಿರ್ದ್ ಇಡೆ ಮುಟ 198 ಪ್ರಕರಣ ದಾಖಲಾತ್‌ಂಡ್. ಐಟ್ ಒರ್ತಿ ತೀರ್ ಪೋತೆರ್. ಆಂಡ್ ಆರ್ ಡೆಂಗ್ಯೂರ್ದ್ ತೀರ್ ಪೋತಿನ ಬೇತೆ ಕಾಯಿಲೆಡ್ ತೀರ್ ಪೋತಿನ ಪಂದ್ ನನ ತೆರಿದ್ ಬರೋಡಾತೆ.
ಕರಿನ ವರ್ಷ 398 ಡೆಂಗ್ಯೂ ಪ್ರಕರಣ ದ.ಕ ಜಿಲ್ಲೆಡ್ ವರದಿ ಆತ್ಂಡ್. ಈ ವರ್ಷ 198 ಪ್ರಕರಣ ದಾಖಲಾಂಡ ಕರಿನ ರಡ್ಡ್ ತಿಂಗೊಲುಡು 40 ಕೇಸ್ ದೃಢ ಆತ್ಂಡ್. ಅಂಚನೆ 52 ಕೇಸ್ ಮಲೇರಿಯಾ ಪ್ರಕರಣಲ ದಾಖಲಾತ್‌ಂಡ್. ಪ್ಲೂ ಸಹಿತ ಜ್ವರಪೀಡಿತೆರ್ನ ಸಂಖ್ಯೆಲ ಎಚ್ಚ ಆಯಿನೆಟ್ ಆತಂಕಲ ಸೃಷ್ಟಿ ಆತ್ಂಡ್.
ಕಿನ್ನಿಗೋಳಿ: ವಿಶ್ವಬ್ರಾಹ್ಮಣ ಸಮಾಜ ಸೇವಾ ಸಂಘ ಮೊಕ್ಲೆನ ಮುತಾಲಿಕೆಡ್ ಪರಮಪೂಜ್ಯ ಜಗದ್ಗುರು ಅನಂತ ಶ್ರೀ ವಿಭೂಷಿತ ಕಾಳಹಸ್ತೇಂದ್ರ ಸರಸ್ವತೀ ಮಹಾಸ್ವಾಮೀಜಿನ ಆಶೀರ್ವಾದದೊಟ್ಟಿಗೆ 37 ವರ್ಷದ ಭಗವಾನ್ ಶ್ರೀ ವಿಶ್ವಕರ್ಮ ಯಜ್ಞ ಬೊಕ್ಕ ಪೂಜೆ ಸೆ.17 ಐತಾರ ವಿಶ್ವಬ್ರಾಹ್ಮಣ ಸಮಾಜ ಸೇವಾ ಸಂಘದ ಸರಾಫ್ ಅಣ್ಣಯ್ಯಾಚಾರ್ಯ ಸಭಾಭವನ ರಾಜರತ್ನಪುರ ಮೂಲ್ ನಡಪೆರೆ ಉಂಡು.
ಅoಚಾದ್ ಭಕ್ತಾಭಿಮಾನಿಲು ಕುಟುಂಬ ಸಮೇತ ಬತ್ತ್ ದ್ ಪೂಜೆಡ್ ಪಾಲ್ ಪಡೆದ್, ಪೂಜೆ ಸಲ್ಲಿಸಾದ್ ಪ್ರಸಾದ ಸ್ವೀಕಾರ ಮಲ್ತ್ ದ್ ಶ್ರೀ ವಿಶ್ವಕರ್ಮಾನುಗ್ರಹಗ್ ಪಾತ್ರರಾವೊಡು ಪಂದ್ ಗುರ್ಕಾಲು, ಒತ್ತು ಗುರ್ಕಾಲು ಅಂಚನೆ ಸರ್ವ ಸದಸ್ಯೆರ್ ಲೆಪ್ಪೋಲೆಡ್ ಬಿನ್ನಾಪು ಮಲ್ತ್ ದೆರ್.
ಮೂಲ್ಕಿ: ಬಪ್ಪನಾಡು ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿ ಮೊಕ್ಲೆನ ಮುತಾಲಿಕೆಡ್ 48 ವರ್ಷದ ಸಾರ್ವಜನಿಕ ಗಣೇಶೋತ್ಸವ ಸೆ.19 ರ್ದ್ 22 ಮುಟ್ಟ ಮೂಲ್ಕಿ ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನದ ವಠಾರಡ್ ನಡಪರೆ ಉಂಡು.
ಸೆ.19 ಅಂಗಾರೆದಾನಿ ಬೊಲ್ಪುಗು ಶ್ರೀ ಮಹಾಗಣಪತಿ ಬಿಂಬ ಪ್ರತಿಷ್ಠೆ ಬೊಕ್ಕ ಮಹಾಪೂಜೆ, ಸಾರ್ವಜನಿಕೆರೆಗ್ ಕರ ದರ್ಪುನ, ಆಂಜೊವ್ ಬೊಕ್ಕ ಪೊಂಜೊವ್ ನಕ್ಲೆಗ್ ಬಲಿಪುನ ಪಂತೊ, ಸಂಗೀತ ಕುರ್ಚಿ, ಕಾರ್ ಗ್ ಪುಗ್ಗ ಕಟ್ಟ್ ದ್ ಹಾಕುನ, ಚಿತ್ರ ಬುಡ್ಪಾವುನ, ರಂಗೋಲಿ ಸ್ಪರ್ಧೆ ಅಂಚನೆ ನಟನಂ ನೃತ್ಯ ಅಕಾಡೆಮಿ ಬಪ್ಪನಾಡು ಮೂಲ್ಕಿ ವಿದುಷಿ ರಮ್ಯಚಂದ್ರ ಶಿಷ್ಯೆರೆರ್ದ್ ನೃತ್ಯ ಕಾರ್ಯಕ್ರಮ ನಡಪೆರೆ ಉಂಡು. ರಾತ್ರೆ ಮಹಾಪೂಜೆ ಆದ್ ಪ್ರಸಾದ ವಿತರಣೆ ನಡಪುಂಡು.
ಸೆ.20 ಬುಧವಾರ ದಾನಿ ನಿತ್ಯ ಗಣಹೋಮ, ಮಹಾಪೂಜೆ ಪ್ರಸಾದ ವಿತರಣೆ, ಕುಣಿತ ಭಜನೆ, ರಾತ್ರೆ ಮಹಾ ರಂಗ ಪೂಜೆ ಆದ್ ಪ್ರಸಾದ ವಿತರಣೆ ನಡಪೆರೆ ಉಂಡು.
ಸೆ.21 ಗುರುವಾರ ನಿತ್ಯ ಗಣಹೋಮ, ಮಹಾಪೂಜೆ ಬೊಕ್ಕ ಪ್ರಸಾದ ವಿತರಣೆ, ಮಹಾಗಣಪತಿಗ್ ಕದಿಕೆ ಸಮರ್ಪಣೆ, ಬಯ್ಯಗ್ ವಿಜಯ ಕುಮಾರ್ ಕೊಡಿಯಾಲ್ ಬೈಲ್ ಮೆರ್ ನ ಸಹಕಾರದ ಶಿವಕಲ್ಯಾಣ್ ರಚನೆ ಮಲ್ತಿನ ಶ್ರೀ ಬಪ್ಪನಾಡು ಮೇಳದಕ್ಲೆರ್ದ್ ಶಿವದೂತೆ ಗುಳಿಗೆ ತುಳು ಯಕ್ಷಗಾನ ಬಯಲಾಟ ನಡಪರೆ ಉಂಡು. ಬೊಕ್ಕ ಮಹಾಪೂಜೆ ಆದ್ ಪ್ರಸಾದ ವಿತರಣೆ ಆವರೆ ಉಂಡು.
ಸೆ.22 ಸುಕ್ರವಾರ ಸ್ವಸ್ತಿ ಪುಣ್ಯಾಹ ವಾಚಮ, ಸಾಮೂಹಿಕ ಅಥರ್ವೆಶೀರ್ಷ ಗಣಯಾಗ, ಮದ್ಯಾಹ್ನ ಸಾರ್ವಜನಿಕೆರೆಗ್ ಅನ್ನಪ್ರಸಾದ ವಿತರಣೆ, ಬಯ್ಯಗ್ ಮುಗಿತಲದ ಲೇಸ್ ನಡಪರೆ ಉಂಡು. ಗುರ್ಕಾಮೆನ್ ಎಸ್.ಎಸ್.ಆರ್ ಮಸಾಲದ ಆಡಳಿತ ನಿರ್ದೇಶಕೆರ್ ಶೈಲೇಂದ್ರ ವೈ ಸುವರ್ಣ ವಹಿಸಾಯೆರೆ ಉಲ್ಲೆರ್. ಶ್ರೀ ಕ್ಷೇತ್ರ ಬಪ್ಪನಾಡುದ ಅರ್ಚಕೆರ್ ಶ್ರೀಪತಿ ಉಪಾಧ್ಯಾಯ ಆಶೀರ್ವಚನ ಮಲ್ಪೆರೆ ಉಲ್ಲೆರ್. ಮಲ್ಲ ಬಿನ್ನೆರಾದ್ ಕೊಲಕಾಡಿ ಗಂಗಾಧರ ವಿ ಶೆಟ್ಟಿ, ಕ್ಷೇತ್ರದ ಕಾರ್ಯನಿರ್ವಾಹಣಾಧಿಕಾರಿ ಜಯಮ್ಮ, ಅನುವಂಶಿಕ ಮೊಕ್ತೇಸೆರೆರ್ ದುಗ್ಗಣ್ಣ ಸಾವಂತೆರ್, ಬಪ್ಪನಾಡು ಕ್ಷೇತ್ರದ ಅನುವಂಶಿಕ ಮೊಕ್ತೇಸರೆರ್ ಎನ್, ಎಸ್ ಮನೋಹರ್ ಶೆಟ್ಟಿ, ಮಾಧವ ದೇವಾಡಿಗ ಮೊಕುಲು ಪಾಲ್ ಪಡೆಯೆರೆ ಉಲ್ಲೆರ್
ಕೆಲ್ಲಪುತ್ತಿಗೆ: ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿ ಕೆಲ್ಲಪುತ್ತಿಗೆ- ದರೆಗುಡ್ಡೆ-ಮೂಡು ಮಾರ್ನಾಡು ಮೊಕ್ಲೆನ ಮುತಾಲಿಕೆಡ್ 20ನೇ ವರ್ಷದ ಸಾರ್ವಜನಿಕ ಶ್ರೀ ಗಣೇಶೋತ್ಸವ ಉಚ್ಚಯ ಸೆ.19 ದಾನಿ ವೀರಮಾರುತಿ ಕ್ರೀಂಡಾಗಣ ಕೆಲ್ಲಪುತ್ತಿಗೆ ಮೂಲು ನಡಪರೆ ಉಂಡು.
ಸೆ.19 ಅಂಗಾರೆ ಗಣಪತಿ ಮೂರ್ತಿನ್ ಕೆಲ್ಲಪುತ್ತಿಗೆ ವೀರಮಾರುತಿ ಕ್ರೀಡಾಂಗಣಗ್ ಕನತ್ ದ್ ದೇವತಾ ಪ್ರಾರ್ಥನೆ, ಪಂಚಗವ್ಯ ಗಣಯಾಗ, ಗಣಪತಿ ವಿಗ್ರಹ ಪ್ರತಿಷ್ಠೆ, ಬೊಕ್ಕ ಮಹಾಪೂಜೆ, ಪ್ರಸಾದ ವಿತರಣೆ, ಅನ್ನಸಂತರ್ಪಣೆ, ಶ್ರೀ ದೇವಿ ಭಜನಾ ಮಂಡಳಿದ ಕೆಲ್ಲಪುತ್ತಿಗೆ ಮೊಕ್ಲೆರ್ದ್ ಭಜನಾ ಕಾರ್ಯಕ್ರಮ, ಬಯ್ಯಗ್ ರಂಗಪೂಜೆ, ಮಹಾಪೂಜೆ, ಪ್ರಸಾದ ವಿತರಣೆ,
ರಾಜೇಶ್ ಗೆಳೆಯರ ಬಳಗದ ಸಾರಥ್ಯಡ್ ಸುಗಮ ಸಂಗೀತ ಬೊಕ್ಕ ಶಿವಂ ಡ್ಯಾನ್ಸ್ ಅಕಾಡೆಮಿ ವಿಟ್ಲ ಮೊಕ್ಲೆರ್ದ್ ಡ್ಯಾನ್ಸ್ ಧಮಾಕ, ರಾತ್ರೆ ಅನ್ನ ಸಂತರ್ಪಣೆ, ವಿಸರ್ಜನಾ ಪೂಜೆ ಆದ್ ಮೆರವಣಿಗೆ ಬೊಕ್ಕ ಜಲಸ್ಥಂಭನ ಆವರೆ ಉಂಡು.
ಸಾರ್ವಜನಿಕೆರೆಗ್ ಅವ್ವೇ ದಿನ ಕಾಂಡೆ 10 ಗಂಟೆಗ್ ಬೇತೆ ಬೇತೆ ಗೊಬ್ಬುಲು ನಡಪೆರೆ ಉಂಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.
