ಉಡುಪಿದ ಸುದ್ದಿ | Udupi News

ಜಾಗತಿಕ ಬಂಟರ ಸಂಘದ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟ್ಟಿ ಮೆರೆಗ್ “ಸುಂದರರಾಮ ಶೆಟ್ಟಿ ಪ್ರಶಸ್ತಿ” ಪಟ್ಟುನ ಲೇಸ್, ಸಾಧಕರೆಗ್ ಮಾನಾದಿಗೆ

ಮುಲ್ಕಿ: ಮುಲ್ಕಿ ಬಂಟರ ಸಂಘದ ಮುತಾಲಿಕೆಡ್ 2022-23ನೇ ವರ್ಸದ ವಿದ್ಯಾರ್ಥಿ ವೇತನ ಪ್ರತಿಭಾ ಪುರಸ್ಕಾರ, ಮುಲ್ಕಿ ಸುಂದರರಾಮ ಶೆಟ್ಟಿ ಪ್ರಶಸ್ತಿ ಕೊರ್ಪಿನ ಲೇಸ್ ಬೊಕ್ಕ ಸಾಧಕರೆಗ್ ಮಾನಾದಿಗೆ ಮಲ್ಪುನ ಲೇಸ್ ಮುಲ್ಕಿ ಬಂಟರ ಭವನಡ್ ನಡತ್ಂಡ್.

ಲೇಸ್ ನ್ ಬೊಂಬಾಯಿ ಬಂಟರ ಸಂಘದ ಅಧ್ಯಕ್ಷೆರ್ ಚಂದ್ರಹಾಸ ಶೆಟ್ಟಿ ಉದಿಪನ ಮಲ್ತೆರ್. ಲೇಸ್ ದ ಗುರ್ಕಾಲಾದ್ ಮುಲ್ಕಿ ಬಂಟರ ಸಂಘದ ಅಧ್ಯಕ್ಷೆರ್ ಪುರುಷೋತ್ತಮ ಶೆಟ್ಟಿ ವಹಿಸೊಂದು ಇತ್ತೆರ್.

ವೇದಿಕೆಡ್ ಮಲ್ಲ ಬಿನ್ನೆರಾದ್ ಶ್ರೀ ರತ್ ಫೈನಾನ್ಸಿಯಲ್ ಸರ್ವಿಸಸ್ ಪ್ರೈ.ಲಿ.ದ ಸಿ ಎಮ್ ಡಿ ರತ್ನಾಕರ ಶೆಟ್ಟಿ ಮುಂಡ್ಕೂರು, ಮುಲ್ಕಿ ಸುಂದರ ರಾಮ ಶೆಟ್ಟಿ ಟ್ರಸ್ಟ್ ದ ಟ್ರಸ್ಟಿ ಮನೋಹರ ಶೆಟ್ಟಿ, ರಾಷ್ಟ್ರ ಪ್ರಶಸ್ತಿ ವಿಜೇತ ಶಿಕ್ಷಕೆರ್ ಕುದಿ ವಸಂತ ಶೆಟ್ಟಿ, ಮುಲ್ಕಿ ಬಂಟರ ಸಂಘದ ಗೌರವಾಧ್ಯಕ್ಷೆರ್ ಸಂತೋಷ್ ಕುಮಾರ್ ಹೆಗ್ಡೆ, ಉಪಾಧ್ಯಕ್ಷೆರ್ ರಾಜೇಶ್ ಕುಮಾರ್ ಶೆಟ್ಟಿ, ಕಾರ್ಯದರ್ಶಿ ಗಂಗಾಧರ ವಿ ಶೆಟ್ಟಿ, ಜೊತೆ ಕಾರ್ಯದರ್ಶಿ, ಸಾಯಿನಾಥ ಶೆಟ್ಟಿ ಕೋಶಾಧಿಕಾರಿ ಅಶೋಕ್ ಕುಮಾರ್ ಶೆಟ್ಟಿ, ಯುವ ವಿಭಾಗದ ಸಂಚಾಲಕೆರ್ ದಾಮೋದರ್ ಶೆಟ್ಟಿ, ಮಹಿಳಾ ವಿಭಾಗದ ಸಂಚಾಲಕಿ ಚಂದ್ರಕಲಾ ಎಸ್ ಶೆಟ್ಟಿ, ಪ್ರಚಾರ ವಿಭಾಗದ ನಿಶಾಂತ್ ಶೆಟ್ಟಿ ಕಿಲೆಂಜೂರು ಲೇಸ್ ಡ್ ಇತ್ತೆರ್.

ಕಾರ್ಯಕ್ರಮಡ್ 2022ತ್ತ ಮುಲ್ಕಿ ಸುಂದರರಾಮ ಶೆಟ್ಟಿ ಪ್ರಶಸ್ತಿನ್ ಜಾಗತಿಕ ಬಂಟರ ಸಂಘದ ಅಧ್ಯಕ್ಷೆರ್ ಆಯಿನ ಐಕಳ ಹರೀಶ್ ಶೆಟ್ಟಿ ಮೆರೆಗ್ ಕೊರ್ದು ಮಾನಾದಿಗೆ ಮಲ್ತೆರ್. ದ.ಕ. ಜಿಲ್ಲಾ ಹಾಲು ಉತ್ಪಾದಕರ ಒಕ್ಕೂಟದ ನೂತನ ಅಧ್ಯಕ್ಷೆರಾದ್ ಆಯ್ಕೆಯಾಯಿನ ಕೆ ಪಿ ಸುಚರಿತಶೆಟ್ಟಿ ಮೆರೆನ್ ಮಾನಾದಿಗೆ ಮಲ್ತೆರ್. 2022-23ನೇ ವರ್ಸದ ಪ್ರತಿಭಾ ಪುರಸ್ಕಾರ ಅಂಚನೆ ವಿದ್ಯಾರ್ಥಿವೇತನ ಕೊರಿಯೆರ್. ಅಂಚನೆ ಕೃಷಿ ಕ್ಷೇತ್ರದ ಸಾಧಕೆರ್ ಆಯಿನ ಸತೀಶ್ ಶೆಟ್ಟಿ ಪಂಜ ಬೈಲಗುತ್ತು, ಕೃಷ್ಣ ಶೆಟ್ಟಿ, ಡಾಕ್ಟರೇಟ್ ಪಡೆಯಿನ ಸುಧಾರಾಣಿ ಅಶೋಕ್ ಶೆಟ್ಟಿ, ಆರ್ಯಭಟ ಪ್ರಶಸ್ತಿ ವಿಜೇತೆರ್ ಡಾ.ಅಶ್ವಿತ್ ವಿ.ಶೆಟ್ಟಿ ಮುಂಡೂರು, ಸಿ. ಎ.ಪದವಿ ಪಡೆಯಿನ ವಿಜಿತಾ ಶೆಟ್ಟಿ, ಕ್ರೀಡಾ ಕ್ಷೇತ್ರದ ಸಿಯಾ ಶೆಟ್ಟಿ, ಶಿಕ್ಷಣ ಕ್ಷೇತ್ರದ ಸಾಧಕಿ ವೀಕ್ಷಾ ವಿ. ಶೆಟ್ಟಿ ಬಪ್ಪನಾಡು ಮೆರೆನ್ ಮಾನಾದಿಗೆ ಮಲ್ತೆರ್.

ಬಂಟರ ಸಂಘದ ಗೌರವಾಧ್ಯಕ್ಷೆರ್ ಸಂತೋಷ್ ಕುಮಾರ್ ಹೆಗ್ಡೆ ಸ್ವಾಗತ ಮಲ್ತೆರ್ , ಕುದಿ ವಸಂತ ಶೆಟ್ಟಿ ಬಿನ್ನೆರೆನ್ ಪೊಲಬು ಮಲ್ತ್ ಕೊರಿಯೆರ್. ಕಾರ್ಯದರ್ಶಿ ಗಂಗಾಧರ ವಿ ಶೆಟ್ಟಿ ಪ್ರಸ್ತಾವನೆ ಮಲ್ತೆರ್. ಶರತ್ ಶೆಟ್ಟಿ ಸನ್ಮಾನ ಪತ್ರ ಓದಿಯೆರ್. ಜೊತೆ ಕಾರ್ಯದರ್ಶಿ ಸಾಯಿನಾಥ ಶೆಟ್ಟಿ ಲೇಸ್ ಸುಧಾರಿಕೆ ಮಲ್ತೆರ್.

Mulki: Ikala Harish Shetty president of Global Bunts association honoured with
” Sunderam Shetty Award”

Mulki: A program to give scholarship to needy students, honour talented students and give away the Mulki Sundaram Shetty Award for the year 2022-23 was held at Mulki Bantara Bhawan recently.

The program was inaugurated by the president of Mumbai Bunts association Chandrahasa Shetty and presided by the president of Mulki Bunts association Purushottam Shetty.

Ikala Harish Shetty was presented the Sunderam Shetty Award and Sucharitha Shetty president of DK district milk producers union was honoured.

Achievers in various fields including Satish Shetty, Krishna Shetty, Sudharani Ashok Shetty Dr Ashwin V Shetty Vijitha Shetty, Siya Shetty Veeksha Shetty were honoured on the occasion