ಸರಪಾಡಿ ಕ್ಷೇತ್ರದ ಬಗೆಟ್ಟ್ ಉಲ್ಲೇಖ ಇಪ್ಪುನ ಐತಿಹಾಸಿಕ ಬೊಕ್ಕ ಸರಪಾಡಿ ಗ್ರಾಮದ ಹಳ್ಳಂಗಾರ್ ಕಂಬುಲಡ್ ಪುರಾಣ ಕಾಲಡ್ ತೋಜಿದ್ ಬತ್ತಿನ ಬಂಗಾರ್ ದ ತೆನೆತ್ತ ನಿಜಕಥೆ ಇಪ್ಪುನ SP ಸರಪಾಡಿ ಮೆರೆನ ಬಂಗಾರ್ದ ಕುರಲ್ ಬೂಕು ಜ.19 ಸುಕ್ರಾರ ಬುಡುಗಡೆ ಆಪುಂಡು.
ಒಂಜಿ ಬೂಕುಗು 100 ರೂ. ಉಂಡು. ಈ ಕಾಸ್ ಶರಭೇಶ್ವರ ದೇವೆರೆನ ಜೀರ್ಣೋದ್ಧಾರಗ್ ಸಂದುಂಡು. ಅಂಚಾದ್ ನಿಕುಲು ಮಾತೆರ್ಲಾ ಶ್ರೀ ಕ್ಷೇತ್ರರ್ದ್ ಬೂಕುನ್ ದೆತೊಂದು ಓದುದು ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ದೇವಲ್ಯದ ಸರ್ವಸದಸ್ಯೆರ್ ಬಿನ್ನಾಪು ಮಲ್ದೆರ್.
ಶೈಕ್ಷಣಿಕ ಕ್ಷೇತ್ರಡ್ ಸಹಯೋಗ ಬೊಕ್ಕ ಗುಣಮಟ್ಟನ್ ತೂಪಾವುನ ನಿಲೆಟ್ಟ್ ನಿಟ್ಟೆ ಪರಿಗಣಿತ ವಿಶ್ವವಿದ್ಯಾಲಯದ ಆಫ್ ಕ್ಯಾಂಪಸ್ ಸೆಂಟರ್ ದ ಡಾ. ನಿಟ್ಟೆ ಶಂಕರ ಅಡ್ಯಂತಾಯ ಸ್ಮಾರಕ ಪ್ರಥಮ ದರ್ಜೆ ಕಾಲೇಜ್ ಭಾರತೀಯ ಚಾರ್ಟೆಡ್ ಅಕೌಂಟೆಂಟ್ಸ್ ಆಫ್ ಇಂಡಿಯಾದ (ಐಸಿಎಐ) ಶೈಕ್ಷಣಿಕ ವಿಭಾಗದೊಟ್ಟಿಗೆ ಶೈಕ್ಷಣಿಕ ಬೊಕ್ಕ ಸಂಶೋಧನಾ ಸಹಯೋಗಗಾದ್ ಜ.11 ಕ್ಕ್ ಕುಡ್ಲಡ್ ನಡತಿನ ಲೇಸ್ ಡ್ ಪರಸ್ಪರ ತಿಳುವಳಿಕೆ ಪತ್ರಗ್ ಸೈ ಪಾಡಿಯೆರ್.
ಡಾ. ನಿಟ್ಟೆ ಶಂಕರ ಅಡ್ಯಂತಾಯ ಸ್ಮಾರಕ ಪ್ರಥಮ ದರ್ಜೆ ಕಾಲೇಜ್ 1988 ರ್ದ್ ಕಾರ್ಲದ ನಿಟ್ಟೆ ಗ್ರಾಮಡ್ ಪದವಿ ಶಿಕ್ಷಣನ್ ಕೊರೊಂದು ಉಂಡು. ಇತ್ತೆ 2022 ನೇ ಸಾಲ್ ರ್ದ್ ಗ್ರಾಮೀಣ ಪ್ರದೇಶಡ್ ಜಾಗತಿಕ ಗುಣಮಟ್ಟದ ಶಿಕ್ಷಣನ್ ಕೊರ್ಪುನ ಧ್ಯೇಯದೊಟ್ಟಿಗೆ ಸಂಸ್ಥೆ ನಿಟ್ಟೆ ಪರಿಗಣಿತ ವಿಶ್ವವಿದ್ಯಾಲಯದ ಆಫ್ ಕ್ಯಾಂಪಸ್ ಸೆಂಟರ್ ದ ಭಾಗವಾದ್ ಶೈಕ್ಷಣಿಕ ಚಟುವಟಿಕೆನ್ ದುಂಬಾರಿಸಾದ್ಂಡ್. ಈ ದಿಟ್ಟಿಡ್ ಶೈಕ್ಷಣಿಕ ಚಟುವಟಿಕೆಗ್ ಪೂರಕವಾದ್ ದೇಶದ ಸುಮಾರ್ ಸಂಸ್ಥೆದೊಟ್ಟಿಗೆ ಸಹಯೋಗಗ್ ಒಪ್ಪಂದ ಮಲ್ದ್ಂಡ್. ಐಸಿಎಐದೊಟ್ಟಿಗೆದ ಈ ಒಪ್ಪಂದ ಸಂಸ್ಥೆ ಶೈಕ್ಷಣಿಕ ಬದ್ದತೆನ್ ನನಾತ್ ಸರಿ ಮಲ್ಪೆರೆ ಉಂಡು. ಐಸಿಎಐದೊಟ್ಟಿಗೆ ಈ ಒಪ್ಪಂದ ವಾಣಿಜ್ಯ ಶಾಸ್ತ್ರ ಬೊಕ್ಕ ನಿರ್ವಹಣಾ ಶಾಸ್ತ್ರದಡಿಟ್ಟ್ ಕೊರ್ಪುನ ಇಸಯಲೆಗ್ ಶೈಕ್ಷಣಿಕ ಸಹಕಾರನ್ ಕೊರ್ಪುನ ಧ್ಯೇಯ ಉಂಡು. ಈ ಮುಕೇನ ಶಿಕ್ಷಣ ಸಂಸ್ಥೆ ಎಚ್ಚ ಪರಿಣಾಮಕಾರಿಯಾದ್ ಶೈಕ್ಷಣಿಕ ಬೊಕ್ಕ ಸಂಶೋದನೆಡ್ ಇಪ್ಪೆರೆ ಬೋಡಾಯಿನ ಜ್ಞಾನ ಬೊಕ್ಕ ಕೌಶಲ್ಯನ್ ಪರಸ್ಪರ ವಿನಿಮಯ ಮಲ್ಪುನಲ್ಪ ಈ ಸಹಯೋಗ ಸಕಾಯ ಕೊರೊಂದು ಉಂಡು. ಅತ್ತಂದೆ ಈ ಮುಕೇನ ನನದ ಪೀಳಿಗೆದ ಪದವೀಧರೆರೆನ್ ಔದ್ಯೋಗಿಕ ಕ್ಷೇತ್ರಡ್ ನಿಪುಣ ಮಲ್ಪುನ ಉದ್ದೇಶ ಈ ಜ್ಞಾಪನಾ ಪತ್ರಡ್ ಉಂಡು.
ತಿಳುವಳಿಕೆ ಪತ್ರಗ್ ಸೈನ್ ಪಾಡುನ ಪೊರ್ತುಡು ಐಸಿಎಐ ದ ಶೈಕ್ಷಣಿಕ ಮಂಡಳಿ ಒತ್ತು ಗುರ್ಕಾರೆ ದಯಾನಿವಾಸ್ ಶರ್ಮ ಪಾತೆರ್ದ್, ಈ ನಮ್ಮ ಸಂಸ್ಥೆದ ನಡುತ್ತ ಒಪ್ಪಂದ ಶೈಕ್ಷಣಿಕ ವಲಯದ ಪಠ್ಯಕ್ರಮ ಉದ್ಯಮದ ಗುಣಮಟ್ಟ ಬೊಕ್ಕ ಬೇಡಿಕೆನ್ ಪೂರೈಸಾಯೆರೆ ಸಕಾಯ ಮಲ್ಪುಂಡು ಪಂದ್ ಪಂಡೆರ್.
ಲೇಸ್ ಡ್ ಪಾಲ್ ಪಡೆದಿತ್ತಿನ ಸಿ.ಎ. ಕೆಂದ್ರೀಯ ಪರಿಷತ್ ಸದಸ್ಯೆರ್ ಎಸ್. ಶ್ರೀನಿವಾಸ್ ಕೋಥಾ ಪಾತೆರ್ದ್, ಈ ರೀತಿದ ಸಹಯೋಗಲು ಶಿಕ್ಷಣರಂಗಡ್ ಸಕಾರಾತ್ಮಕ ಬದಲಾವಣೆನ್ ಕನಯೆರೆ ಅಗತ್ಯ ಇಪ್ಪುನ ಪ್ರಾಯೋಗಿಕ ಕೌಶಲ್ಯ ಬೊಕ್ಕ ನೈತಿಕ ಮೌಲ್ಯ ಇಪ್ಪುನ ನವ ಪದವಿದರೆರೆನ್ ರೂಪಿಸಾಯೆರೆ ಸಹಕಾರಿ ಆತ್ಂಡ್ ಪಂದ್ ಪಂಡೆರ್.
ಐಸಿಎಐ ಶೈಕ್ಷಣಿಕ ಮಂಡಳಿ ಗುರ್ಕಾರೆ ವಿಶಾಲ್ ಪಿ. ದೋಷಿ ತಿಳುವಳಿಕಾ ಪತ್ರಗ್ ಸೈನ್ ಪಾಡುನ ಸಂಸ್ಥೆಗ್ ಅಭಿನಂದನೆ ತೆರಿಪಾಯೆರ್.
ಪರಸ್ಪರ ಸಹಯೋಗದ ತಿಳುವಳಿಕೆ ಪತ್ರಗ್ ಸೈನ್ ಪಾಡುನ ಪೊರ್ತುಡು ಲೇಸ್ ಡ್ ಐಸಿಎಐ ದ ಕುಡ್ಲ ಶಾಖೆದ ಗುರ್ಕಾರೆ ಸಿಎ ಗೌತಮ್ ನಾಯಕ್ ಎಂ, ನಿಟ್ಟೆ ಪರಿಗಣಿತ ವಿಶ್ವಿದ್ಯಾಲಯದ ಉಪಕುಲಪತಿ ಡಾ. ಎಂ.ಎಸ್. ಮುಡಿತ್ತಾಯ, ಡಾ.ಎನ್.ಎಸ್.ಎ.ಎಂ. ಪ್ರಥಮ ದರ್ಜೆ ಕಾಲೇಜ್ ದ ಪ್ರಾಂಶುಪಾಲೆರ್ ಡಾ.ವೀಣಾಕುಮಾರಿ. ಬಿ.ಕೆ. ಪಾಲ್ ಪಡೆದಿತ್ತೆರ್.
ಬಂಟ್ವಾಳ: ದೇವಂದಬೆಟ್ಟು ಶ್ರೀ ಲಕ್ಷ್ಮೀವಿಷ್ಣುಮೂರ್ತಿ ದೇವಲ್ಯಡ್ ಜ.14-18 ಮುಟ್ಟ ವರ್ಷಾವಧಿ ಉಚ್ಚಯ ನಡಪರೆ ಉಂಡು.
ಈ ಲೇಸ್ ಬ್ರಹ್ಮಶ್ರೀ ಉಚ್ಚಿಲತ್ತಾಯ ಪದ್ಮನಾಭ ತಂತ್ರಿಲೆನ ಮುತಾಲಿಕೆಡ್ ನಡಪರೆ ಉಂಡು.
ಜ.14 ಐತಾರ ಬೊಲ್ಪುಗು ಗಣಹೋಮ, ಕಲಶಾಭಿಷೇಕ, ಸಾಮೂಹಿಕ ಪ್ರಾರ್ಥನೆ, ಕೊಡಿ ಏರ್ಂಡ್, ಮಹಾಪೂಜೆ, ಮಧ್ಯಾಹ್ನದ ಬಲಿ, ಅನ್ನ ಪ್ರಸಾದ ಸೇವೆ ಬಯ್ಯಗ್ ಭಜನೆ, ರಾತ್ರೆ ಮಲ್ಲ ರಂಗಪೂಜೆ ನಡತ್ಂಡ್.
ಜ.15 ಸೋಮಾರ ಬೊಲ್ಪುಗು ಗಣಹೋಮ, ಬೊಲ್ಪುದ ಬಲಿ, ಕಲಶಾಭಿಷೇಕ, ಮಧ್ಯಾಹ್ನದ ಬಲಿ, ಅನ್ನ ಪ್ರಸಾದ ಸೇವೆ ಬಯ್ಯಗ್ ಭಜನೆ ರಾತ್ರೆ ಮಹಾಪೂಜೆ ನಡತ್ಂಡ್.
ಜ.16 ಅಂಗಾರೆ ಬೊಲ್ಪುಗು ಗಣಹೋಮ, ಬೊಲ್ಪುದ ಬಲಿ, ಕಲಶಾಭಿಷೇಕ ನಡತ್ಂಡ್. ಮಧ್ಯಾಹ್ನದ ಬಲಿ, ಬಯ್ಯಗ್ ಭಜನೆ, ರಾತ್ರೆ ಸವಾರಿ ಬಲಿ, ಕಟ್ಟೆಪೂಜೆ, ಅಷ್ಟಾವಧಾನ ಸೇವೆ, ಮಹಾಪೂಜೆ ನಡಪರೆ ಉಂಡು.
ಜ.17 ಬುಧಾರ ಬೊಲ್ಪುಗು ಗಣಹೋಮ, ಕಲಶಾಭಿಷೇಕ, ಮಹಾಪೂಜೆ, ದೇವೆರೆನ ದರ್ಶನ ಬಲಿ, ಬಟ್ಟಲ್ ಕಾಣಿಕೆ, ತೇರ್ ಒಯಿಪೆರೆ, ಮಧ್ಯಾಹ್ನ ಭಜನೆ ಬಯ್ಯಗ್ ತೇರ್ ಉಚ್ಚಯ, ದೇವೆರೆ ಕಟ್ಟೆಪೂಜೆ, ಮಹಾಪೂಜೆ, ಶ್ರೀ ಭೂತ ಬಲಿ, ಶ್ರೀ ದೇವೆರೆ ಶಯನ, ಕವಾಟ ಬಂಧನ ನಡಪರೆ ಉಂಡು.
ಜ.18 ಗುರುವಾರ ಬೊಲ್ಪುಗು ಮಹಾಪೂಜೆ, ತುಲಾಭಾರ ಸೇವೆ, ಸಾರ್ವಜನಿಕ ಶ್ರೀ ಸತ್ಯನಾರಾಯಣ ಪೂಜೆ, ಮಧ್ಯಾಹ್ನ ಚೂರ್ಣೋತ್ಸವ, ಬಯ್ಯಗ್ ಭಜನೆ, ದೇವೆರೆ ಅವಭೃತ ಸ್ನಾನಗ್ ಪಿದಾಡಿಯೆರೆ, ರಾತ್ರೆ ಜಳಕದ ಬಲಿ, ಕೊಡಿ ಜಾವೆರೆ, ಮಹಾಪೂಜೆ ಬೊಕ್ಕ ಕಟೀಲ್ ಮೇಳದಕ್ಲೆರ್ದ್ ಶ್ರೀ ದೇವಿ ಮಹಾತ್ಮೆ ಆಟ ನಡಪರೆ ಉಂಡು.
ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ದೇವಲ್ಯದ ವ್ಯವಸ್ಥಾಪನಾ ಸಮಿತಿದ ಗುರ್ಕಾರೆ ಕೆ ರಮೇಶ ಉಪಾಧ್ಯಾಯ ನೆತ್ತರಕೆರೆ, ಪ್ರಧಾನ ಕಾರ್ಯದರ್ಶಿ ದಾಮೋದರ ನೆತ್ತರಕೆರೆ ಬೊಕ್ಕ ಉಚ್ಚಯ ಸಮಿತಿದ ಗುರ್ಕಾರೆ ಮಹಾಬಲ ಶೆಟ್ಟಿ ನುಂಗೂರು, ಕೋಶಾಧಿಕಾರಿ ದಾಮೋದರ ತುಂಗ ಬೆಂಜನಪದವು, ಪ್ರಧಾನ ಕಾರ್ಯದರ್ಶಿ ಶ್ರೀಕಾಂತ್ ದರಿಬಾಗಿಲು ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
ಕಾರ್ಲ: ಕಾಂತಾವರ ಶ್ರೀ ಕಾಂತೇಶ್ವರ ದೇವಲ್ಯಡ್ ಜ.14-23 ಮುಟ್ಟ ವರ್ಷಾವಧಿ ಜಾತ್ರೆ ನಡಪರೆ ಉಂಡು.
ಜ.16 ಅಂಗಾರೆ (ಇನಿ) ಬಯ್ಯಗ್ ಭಜನಾ ಸೇವೆ ಬೊಕ್ಕ ಉಚ್ಚಯ ಬಲಿ ನಡಪರೆ ಉಂಡು.
ಜ.20 ಸನಿಯಾರ ಚಂದ್ರ ಮಂಡಲೋಚ್ಚಯ ರಾತ್ರೆ ಪಲ್ಲಕ್ಕಿ ಉಚ್ಚಯ ನಡಪರೆ ಉಂಡು.
ಜ.21 ಐತಾರ ತೇರ್ ಉಚ್ಚಯ ರಾತ್ರೆ ಕಿನ್ನಿಗೋಳಿ ವಿಜಯಾ ಕಲಾವಿದೆರೆರ್ದ್ ತೊಟ್ಟಿಲ್ ತುಳು ನಾಟಕ ನಡಪರೆ ಉಂಡು.
ಪಾವಂಜೆ ಶ್ರೀ ಜ್ಞಾನಶಕ್ತಿ ಸುಬ್ರಹ್ಮಣ್ಯ ಸ್ವಾಮಿ ಕೃಪಾಪೋಷಿತ ಯಕ್ಷಗಾನ ಮಂಡಳಿದಕ್ಲೆರ್ದ್ ಶ್ರೀ ದೇವಿ ಲಲಿತೋಪಾಖ್ಯಾನ ಆಟ ಜ.16 ಅಂಗಾರೆ (ಇನಿ) ಬಯ್ಯಗ್ ಉಲ್ಲಂಜೆ ಶ್ರೀ ಕ್ಷೇತ್ರ ಕೊರಗಜ್ಜ ಮಂತ್ರದೇವತಾ ಚಾಮುಂಡೇಶ್ವರೀ ಗುಳಿಗ, ಭದ್ರಕಾಳಿ ಸನ್ನಿಧಿದ ಚಾವಡಿಡ್ ನಡಪರೆ ಉಂಡು.
ಈ ಲೇಸ್ ಡ್ ಮಾತೆರ್ಲಾ ಪಾಲ್ ಪಡೆದ್ ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಅಪ್ಪಿ ಪೂಜಾರ್ತಿ ಬೊಕ್ಕ ಜೋಕುಲು, ಉಲ್ಲಂಜೆ ಶ್ರೀ ಕ್ಷೇತ್ರದ ಧರ್ಮದರ್ಶಿಲು ಹರೀಶ್ ಪೂಜಾರಿ ಬೊಕ್ಕ ಸೇವಾ ಭಕ್ತವೃಂದ ಸಮಿತಿ ಲೆಪ್ಪೋಲೆಡ್ ತೆರಿಪಾದೆರ್.
ಬೊಲ್ತೇರ್: ಪಟ್ರಮೆ-ಅನಾರು ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯಡ್ ಜ.14-18 ಮುಟ್ಟ ವರ್ಷಾವಧಿ ಜಾತ್ರೆ ಉಚ್ಚಯ ನಡಪರೆ ಉಂಡು.
ಈ ಲೇಸ್ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ/ ಡಿ.ವೀರೇಂದ್ರ ಹೆಗ್ಗಡೆರೆನ ಮಾರ್ಗದರ್ಶನಡ್, ಬ್ರಹ್ಮಶ್ರೀ ಉಚ್ಚಿಲ ಪದ್ಮನಾಭ ತಂತ್ರಿಲು ನೀಲೇಶ್ವರ ಮೆರೆನ ಮುತಾಲಿಕೆಡ್ ನಡಪರೆ
ಉಂಡು.
ಜ.14 ಐತಾರ ಬೊಲ್ಪುಗು ತೋರಣ ಮೂರ್ತ, ಬಯ್ಯಗ್ ಕೊಡಿತ್ತ ಸುತ್ತು ಬಲಿ, ಮಹಾಪೂಜೆ ನಡತ್ಂಡ್.
ಜ.15 ಸೋಮಾರ ಮಹಾಪೂಜೆ, ಸುತ್ತು ಬಲಿ, ಪೆರ್ಲೆಕಟ್ಟೆ ಪೂಜೆ, ನೃತ್ಯೋತ್ಸವ, ಮಂಗಳಾರತಿ ನಡತ್ಂಡ್.
ಜ.16 ಅಂಗಾರೆ ಮಹಾಪೂಜೆ, ಸುತ್ತು ಬಲಿ, ಉಳಿಯಬೂಡುದ ಕಟ್ಟೆಪೂಜೆ, ನೃತ್ಯೋತ್ಸವ, ಮಂಗಳಾರತಿ ನಡಪರೆ ಉಂಡು.
ಜ.17 ಬುದಾರ ಬೊಲ್ಪುಗು ಉಳಿಯಬೂಡುರ್ದ್ ಉಳ್ಳಾಲ್ತಿ ನಾಡದೈವೊಲೆನ ಭಂಡಾರ ಬರಿಯೆರೆ, ಮಹಾಪೂಜೆ, ದರ್ಶನ ಬಲಿ, ಬಟ್ಟಲ್ ಕಾಣಿಕೆ, ಮಹಾಪೂಜೆ, ಸುತ್ತುಬಲಿ, ಕೆಮನೋಡಿ ಕಟ್ಟೆಪೂಜೆ, ನೃತ್ಯೋತ್ಸವ, ಕವಾಟ ಬಂಧನ ನಡಪರೆ ಉಂಡು.
ಜ.18 ಗುರುವಾರ ಬೊಲ್ಪುಗು ಗಣಹೋಮ, ತೈಲಾಭಿಷೇಕ, ಪಂಚಾಮೃತ ಅಭಿಷೇಕ, ನವಕ ಕಲಶಾಭಿಷೇಕ, ಬಟ್ಟಲ್ ಕಾಣಿಕೆ, ಕೊಡಿ ಜಾವೆರೆ, ಮಹಾಪೂಜೆ ನಡಪರೆ ಉಂಡು.
ಈ ಲೇಸ್ ಡ್ ಮಾತೆರ್ಲಾ ಪಾಲ್ ಪಡೆದ್ ಪ್ರಸಾದ ದೆತೊಂದು ಶ್ರೀ ದೇವಿನ ಕೃಪೆಗ್ ಪಾತ್ರರಾವೊಡು ಪಂದ್ ಉಳಿಯಬೂಡು ಅನುವಂಶಿಕ ಆಡಳಿತ ಮೊಕ್ತೇಸರೆರ್ ನಿತೇಶ್ ಬಲ್ಲಾಳ್, ಅರ್ಚಕೆರ್ ಯು.ವಿ ಗುರುಪ್ರಸಾದ್ ನಿಡ್ವಣ್ಣಾಯ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
ಉಜಿರೆ ಶ್ರೀ ಜನಾರ್ದನ ದೇವಲ್ಯಡ್ ಜ.14-23 ಮುಟ್ಟ ವರ್ಷಾವಧಿ ಜಾತ್ರಾ ಉಚ್ಚಯ ನಡಪರೆ ಉಂಡು.
ಜ.14 ರಾತ್ರೆ ಕೊಡಿ ಬೊಕ್ಕ ಭಂಡಾರ ಏರ್ಂಡ್.
ಜ.15 ರಾತ್ರೆ ಬದಿ ಮಿತ್ತ್ ಉಳ್ಳಾಲ್ತಿ, ಪೊಸಲ್ತಾಯಿ ಕುಮಾರ ಸ್ವಾಮಿ ದೈವೊಲೆಗ್ ನೇಮ ನಡತ್ಂಡ್.
ಜ.16 ಬಯ್ಯಗ್ ಬದಿ ಮಿತ್ತ್ ನೆತ್ತೆರ್ ಮುಗುಳಿ ದೈವೊದ ನೇಮ, ರಾತ್ರೆ ಭಂಡಾರ ಜಪ್ಪರೆ, ಉಚ್ಚಯ ನಡಪರೆ ಉಂಡು.
ಜ.17 ರಾತ್ರೆ ಅಶ್ವತ್ಥ ಕಟ್ಟೆ ಉಚ್ಚಯ, ಜ.18 ರಾತ್ರೆ ಪುಷ್ಕರಣಿ ಕಟ್ಟೆ ಉಚ್ಚಯ, ಜ.19 ರಾತ್ರೆ ಪೇಂಟೆ ಸವಾರಿ, ಜ.20 ರಾತ್ರೆ ಚಂದ್ರಮಂಡಲ ತೇರ್ ಉಚ್ಚಯ ನಡಪರೆ ಉಂಡು.
ಜ.21 ಬೊಲ್ಪುಗು ಉಚ್ಚಯ, ದರ್ಶನ ಬಲಿ, ಮಧ್ಯಾಹ್ನ ಸಾರ್ವಜನಿಕ ಅನ್ನ ಪ್ರಸಾದ ಸೇವೆ, ರಾತ್ರೆ ಮಲ್ಲ ತೇರ್ ಉಚ್ಚಯ, ಶ್ರೀ ಭೂತ ಬಲಿ ನಡಪರೆ ಉಂಡು.
ಜ.22 ಬೊಲ್ಪುಗು ಕವಾಟೋದ್ಘಾಟನೆ, ಬಯ್ಯಗ್ ಅವಭೃತೋತ್ಸವ ರಾತ್ರೆ ಕೊಡಿ ಜಾವೆರೆ ಉಂಡು. ಜ.23 ಬೊಲ್ಪುಗು ಕಲಶಾಭಿಷೇಕ ನಡಪರೆ ಉಂಡು.
ಈ ಲೇಸ್ ಡ್ ಮಾತೆರ್ಲಾ ಪಾಲ್ ಪಡೆದ್, ಸಿರಿಮುಡಿ ಗಂಧ ಪ್ರಸಾದ ದೆತೊಂದು ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಅನುವಂಶಿಕ ಆಡಳಿತ ಮೊಕ್ತೇಸರೆರ್ ಶರತ್ ಕೃಷ್ಣ ಪಡುವೆಟ್ನಾಯ, ನಾಲ್ವಿಕೆಯೆರ್, ಅರ್ಚಕೆರೆನ ವೃಂದ ಬೊಕ್ಕ ಊರುದ ಪತ್ತ್ ಸಮಸ್ತೆರ್ ಲೆಪ್ಪೋಲೆಡ್ ತೆರಿಪಾದೆರ್.
ಹಳೆಯಂಗಡಿ: ಸಹಕಾರಿ ರಂಗದ ಸಾಧಕೆರ್, ಸಮಾಜಸೇವಕೆರ್ ಪಂಜದಗುತ್ತು ದಿ. ಶಾಂತಾರಾಮ ಶೆಟ್ಟಿ ಮೆರೆನ ನೆಂಪು ಲೇಸ್ ಹಳೆಯಂಗಡಿದ ಪ್ರಿಯದರ್ಶಿನಿ ಕೋ- ಆಪರೇಟಿವ್ ಸೊಸೈಟಿದ ಆಶ್ರಯೊಡು ಅಂಗಾರೆ ನಡತ್ಂಡ್.
ಸುರುಕ್ಕು ದಿ.ಶಾಂತಾರಾಮ ಶೆಟ್ರೆನ ಭಾವಚಿತ್ರೊಗು ಪುರ್ಪ ಪಾಡುನ ಮುಕೇನ ಬತ್ತಿ ಬಿನ್ನೆರ್ ಅರೆನ್ ನೆಂಪು ಮಲ್ತೊಂಡೆರ್. ಸವಿತಾ ಶಾಂತಾರಾಮ ಶೆಟ್ಟಿ ಲೇಸ್ ಡ್ ಪಾಲ್ ಪಡೆದಿತ್ತೆರ್.
ಮಲ್ಲ ಬಿನ್ನೆರಾದ್ ಬತ್ತಿತ್ತಿನ ಸಾಹಿತಿ, ಸಮಾಜಸೇವಕಿ ಎಚ್.ಶಕುಂತಳಾ ಭಟ್ ಮೇರ್ ಪಾತೆರ್ದ್, ಶಾಂತಾರಾಮ ಶೆಟ್ರೆನ ವಿದ್ಯಾದಾನದ ಬೇಲೆದ ಬಗೆಟ್ಟ್ ತೆರಿಪಾಯೆರ್.ಅಂಚೆನೆ ಸಾಹಿತ್ಯದ ಬೂಕುಲೆನ್ ದೆತೊಂದು ಪ್ರೋತ್ಸಾಹ ಮಲ್ದಿನೆನ್ ನೆಂಪು ಮಲ್ತೆರ್.
ಕುಡೊರಿ ಬಿನ್ನೆರ್ ಕೆಮ್ರಾಲ್ ಗ್ರಾಮ ಪಂಚಾಯಿತಿದ ಅಧ್ಯಕ್ಷೆರ್ ಮೈಯದ್ದಿ ಪಕ್ಷಿಕೆರೆ ಪಾತೆರ್ದ್, ಶಾಂತಾರಾಮ ಶೆಟ್ರ್ ಶಿಕ್ಷಣೊಗು ಕೊರ್ತಿನ ಆದ್ಯತೆ ಅಂಚೆನೆ ಏತೋ ಜನಕ್ಕ್ ಬೀಡಿದ ಬೇಲೆ ಕೊರ್ತಿನೆನ್ ನೆಂಪು ಮಲ್ತೆರ್.
ಪ್ರಿಯದರ್ಶಿನಿ ಕೋಆಪರೇಟಿವ್ ಸೊಸೈಟಿದ ಅಧ್ಯಕ್ಷೆರ್ ವಸಂತ್ ಬೆರ್ನಾಡ್ ಪಾತೆರ್ದ್, ಪಂಜದಗುತ್ತು ಶಾಂತಾರಾಮ ಶೆಟ್ರ್, ನಮ್ಮ ಸಹಕಾರಿ ಸಂಘದ ಒಂಜಿ ಮಾಮಲ್ಲ ಪ್ರೇರಕ ಶಕ್ತಿ. ಅರೆನ ಆದರ್ಶ, ಆಶೀರ್ವಾದಡ್ ಸೊಸೈಟಿ ನಡತೊಂದುಂಡು.
ಅಂಚೆನೆ ಗ್ರಾಹಕೆರ್, ನಿರ್ದೇಶಕೆರ್ ಬೊಕ್ಕ ಸಿಬ್ಬಂದಿಲೆನ ಬೆಗರ್ ದ ಫಲವಾದ್ ಸತತ ಮೂಜಿನೇ ವರ್ಷಲ ಬ್ಯಾಂಕ್ ಲಾಭಡ್ ಉಂಡು. ಮಾರ್ಚ್ 31 ತ್ತ ಉಲಯಿ ಕಿನ್ನಿಗೋಳಿಡ್ ರಡ್ಡನೇ ಶಾಖೆ ಉದಿಪನ ಆವರೆ ಉಂಡು ಪಂಡೆರ್.
ಸೊಸೈಟಿದ ಉಪಾಧ್ಯಕ್ಷೆರ್ ಪ್ರತಿಭಾ ಕುಳಾಯಿ, ನಿರ್ದೇಶಕೆರಾಯಿನ ಡಾ|ಗಣೇಶ್ ಅಮೀನ್ ಸಂಕಮಾರ್,ಧನಂಜಯ ಮಟ್ಟು,ಗೌತಮ್ ಜೈನ್, ಶರತ್ ಶೆಟ್ಟಿ ಪಂಚವಟಿ, ಉಮಾನಾಥ್ ಶೆಟ್ಟಿಗಾರ್,ಜೈ ಕೃಷ್ಣ ಕೋಟ್ಯಾನ್, ಗಣೇಶ್ ಪ್ರಸಾದ್ ದೇವಾಡಿಗ, ಧನರಾಜ್ ಕೋಟ್ಯಾನ್, ಮಿರ್ಜಾ ಅಹಮ್ಮದ್, ಶೆರಿಲ್ ಅಯೋನ ಐಮನ್, ಹರೀಶ್ ಎನ್.ಪುತ್ರನ್, ನವೀನ್ ಎನ್ ಸಾಲ್ಯಾನ್,ಸಂದೀಪ್,ವಿಜಯ ಕುಮಾರ್ ಸನಿಲ್,ತನುಜಾ ಶೆಟ್ಟಿ ಲೇಸ್ ಡ್ ಪಾಲ್ ಪಡೆದಿತ್ತೆರ್.
ಸೊಸೈಟಿದ ಕಾರ್ಯನಿರ್ವಹಣಾಧಿಕಾರಿ ಸುದರ್ಶನ್ ಮೊಗಪಾಡಿ ಸೊಲ್ಮೆ ಸಂದಾಯೆರ್.
ಅಯೋಧ್ಯೆದ ಶ್ರೀರಾಮ ಚಂದ್ರನ ಮಂದಿರ ಉದಿಪನದ ಲೆಕ್ಕೊಡು ದ.ಕ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ತೊಕ್ಕೊಟ್ಟುದ ಶ್ರೀ ಸಾಯಿ ಪರಿವಾರ್ ಟ್ರಸ್ಟ್ ದ ಮುತಾಲಿಕೆಡ್ ಹೈಸ್ಕೂಲ್ ಬೊಕ್ಕ ಪದವಿ ಪೂರ್ವ ಕಲ್ಪಾರ್ಥಿಲೆಗಾದ್ ಅಯೋಧ್ಯ ಕಾಂಡ ಚಿತ್ರ ಬುಡ್ಪಾವುನ ಪಂತೊ ಉಳ್ಳಾಲದ ಚೀರುಂಭ ಭಗವತಿ ಕ್ಷೇತ್ರಡ್ ನಡತ್ಂಡ್.
ಚಿತ್ರ ಪಂತೊದ ಉದಿಪನನ್ ಒಡಿಪು ಶಂಕರಪುರದ ದ್ವಾರಕಾಮಯಿ ಪೀಠದ ಪ.ಪೂ. ಶ್ರೀ ಸಾಯಿ ಈಶ್ವರ್ ಗುರೂಜಿ ಮಲ್ತೆರ್. ಬೊಕ್ಕ ಮೇರ್ ಪಾತೆರ್ದ್, ಸಾಯಿ ಪರಿವಾರ್ 500 ರ್ದ್ ಎಚ್ಚ ಸೇವಾ ಕಾರ್ಯನ್ ಮಲ್ಪುನೆತ್ತೊಟ್ಟಿಗೆ ಜನಕ್ಲೆನ ಮನಸ್ ಗ್ ಮುಟ್ಟುದುಂಡು. ಅಯೋಧ್ಯೆ ಇಸಯದ ಚಿತ್ರ ಪಂತೊರ್ದ್ ಜೋಕ್ಲೆಡ ಸನಾತನ ಧರ್ಮದ ಅರಿವು ಮೂಡುದುಂಡು ಪಂದ್ ಪಂಡೆರ್.
ವಿಶ್ವಹಿಂದೂ ಪರಿಷತ್ ಪ್ರಾಂತ ಕಾರ್ಯದರ್ಶಿ ಶರಣ್ ಪಂಪ್ ವೆಲ್ ಲೇಸ್ ಗ್ ಎಡ್ಡೆಪ್ಪು ಬಯಕಿಯೆರ್. ಚೀರುಂಭ ಭಗವತೀ ಕ್ಷೇತ್ರದ ಗುರ್ಕಾರೆ ಚಂದ್ರಹಾಸ್ ಉಳ್ಳಾಲ್ ಲೇಸ್ ದ ಗುರ್ಕಾರ್ಮೆನ್ ಒಯಿಸ್ ದಿತ್ತೆರ್.
ಮಲ್ಲ ಬಿನ್ನೆರಾದ್ ಭಾರತೀಯ ಜನತಾ ಪಾರ್ಟಿದ ಜಿಲ್ಲಾಧ್ಯಕ್ಷೆರ್ ಸತೀಶ್ ಕುಂಪಲ, ಬಿಜೆಪಿ ರಾಜ್ಯ ಕಾರ್ಯದರ್ಶಿ ಕ್ಯಾ. ಬ್ರಿಜೇಶ್ ಚೌಟ, ನೋಟರಿ ಗಂಗಾಧರ ಉಳ್ಳಾಲ್, ಭಜರಂಗದಳ ಸಂಚಾಲಕೆರ್ ಪುನೀತ್ ಅತ್ತಾವರ, ವಿದ್ಯಾರತ್ನ ವಿದ್ಯಾ ಸಂಸ್ಥೆದ ರವೀಂದ್ರ ಶೆಟ್ಟಿ ಉಳಿದೊಟ್ಟು, ಭಗವತಿ ಕ್ಷೇತ್ರದ ಒತ್ತು ಗುರ್ಕಾರೆ ಸುರೇಶ್ ಭಟ್ನಗರ, ಜಿಲ್ಲಾ ಪಂಚಾಯತ್ ಮಾಜಿ ಸದಸ್ಯೆ ಧನಲಕ್ಷ್ಮಿ ಗಟ್ಟಿ, ರೈಲ್ವೆ ಸಲಹಾ ಸಮಿತಿದ ಸದಸ್ಯೆರ್ ಯಶವಂತ ಅಮೀನ್, ಬುರ್ದುಗೋಳಿ ಕ್ಷೇತ್ರದ ಕಾರ್ಯದರ್ಶಿ ಪ್ರಶಾಂತ್ ಕಾಯಂಗಳ, ಸಾಯಿ ಪರಿವಾರ್ ದ ಟ್ರಸ್ಟಿಲು ಗಣೇಶ್ ಅಂಚನ್, ಪುರುಷೋತ್ತಮ ಕಲ್ಲಾಪು ಪಾಲ್ ಪಡೆದಿತ್ತೆರ್.
ಸಾಯಿ ಪರಿವಾರ್ ಟ್ರಸ್ಟ್ ದ ರಜನೀಶ್ ನಾಯಕ್ ಎದ್ಕೊನಿಯೆರ್. ಹರ್ಷರಾಜ್ ಕುಲಾಲ್ ಸೊಲ್ಮೆ ಸಂದಾಯೆರ್. ಪ್ರವೀಣ್ ಎಸ್ ಕುಂಪಲ ಲೇಸ್ ದ ಸುಧಾರಿಕೆ ಮಲ್ತೆರ್.
ಬೊಲ್ತೇರ್: ತೆಂಕಕಾರಂದೂರು ಗ್ರಾಮದ ಖಂಡಿಗ ಶ್ರೀ ಸಂತಾನ ಗೋಪಾಲಕೃಷ್ಣ ದೇವಲ್ಯಡ್ ಜ.16 ಅಂಗಾರೆ (ಇನಿ) ವರ್ಷದ ಜಾತ್ರೆ ನಡಪರೆ ಉಂಡು.
ಈ ಲೇಸ್ ದ ವೈದಿಕ, ಧಾರ್ಮಿಕ ವಿಧಿ ವಿಧಾನಲು ಮಡಂತ್ಯಾರು ಗೋಪಾಲಕೃಷ್ಣ ತಂತ್ರಿಲೆನ ಮುತಾಲಿಕೆಡ್ ನಡಪರೆ ಉಂಡು.
ಬೊಲ್ಪುಗು ಪೂಜೆ, ಪ್ರಾರ್ತನೆ, ತೋರಣ ಮೂರ್ತ, ಉಗ್ರಾಣ ಮೂರ್ತ, ಕೈಲ್ ದ ಮೂರ್ತ, ಗಣಪತಿ ಹವನ, ಕಲಶ ಪೂಜೆ, ಹಾಲು ಪಾಯಸ ಸೇವೆ, ನಾಗತಂಬಿಲ, ಪ್ರಧಾನ ಹೋಮ, ಪಂಚಾಮೃತ ಅಭಿಷೇಕ, ಗಣಪತಿ ಕಲಶಾಭಿಷೇಕ, ದುರ್ಗೆಗ್ ಕಲಶಾಭಿಷೇಕ, ಪವಮಾನ ಕಲಶಾಭಿಷೇಕ ಮಧ್ಯಾಹ್ನ ದೈವೊಲೆನ ಕಲಶಾಭಿಷೇಕ, ಪಂಚಪರ್ವ, ಬಯ್ಯಗ್ ಭಜನೆ, ರಾತ್ರೆ ಮಹಾ ರಂಗಪೂಜೆ, ದೈವೊಲೆಗ್ ಪರ್ವಸೇವೆ, ಅನ್ನ ಪ್ರಸಾದ ಸೇವೆ, ದೇವೆರೆನ ಬಲಿ ಉಚ್ಚಯ, ದರ್ಶನ ಬಲಿ, ಬಟ್ಟಲ್ ಕಾಣಿಕೆ ನಡಪರೆ ಉಂಡು.
ಈ ಲೇಸ್ ಡ್ ಭಕ್ತೆರ್ ಮಾತೆರ್ಲಾ ಪಾಲ್ ಪಡೆದ್ ಪ್ರಸಾದ ದೆತೊಂದು ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಅನುವಂಶಿಕ ಆಡಳಿತ ಮೊಕ್ತೇಸರೆರ್ ಸುಬ್ರಹ್ಮಣ್ಯ ನೂರಿತ್ತಾಯ, ಮಾನಾದಿಗೆದ ಗುರ್ಕಾರೆ ಯೋಗೀಶ್ ಕುಮಾರ್ ಕೆಎಸ್, ಗುರ್ಕಾರೆ ಪದ್ಮ ನಾಯಕ್ ಖಂಡಿಗ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
