ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಮಧುರಗಾನ ಸರಣಿ ಲೇಸ್ ಜ.18 ಗುರುವಾರ ಬಯ್ಯಗ್ 6.30 ಕ್ಕ್ ಪ್ರಸಾರ ಆಪುಂಡು.
ಈ ಲೇಸ್ ಡ್ ಉದಯವಾಣಿ ಉಪಸಂಪಾದಕೆರ್ ಅನಿಲ್ ಕುಮಾರ್ ಕೈರಂಗಳ ಪಾಲ್ ಪಡೆಯೆರೆ ಉಲ್ಲೆರ್. ಜ.19 ಕ್ಕ್ ಮಧ್ಯಾಹ್ನ 2.30 ಕ್ಕ್ ಕುಡೊರ ಪ್ರಸಾರ ಆಪುಂಡು.
ಈ ಲೇಸ್ ನ್ ರೇಡಿಯೊ ಮಾತ್ರ ಅತ್ತಂದೆ ಆಂಡ್ರಾಯ್ಡ್ ಫೋನ್ ಬೊಕ್ಕ ಐಫೋನ್ ಡ್ ರೇಡಿಯೋ ಮಣಿಪಾಲ್ ಆಫ್ ಡೌನ್ಲೋಡ್ ಮಲ್ತ್ ದ್ ಕೇನೊಲಿ ಪಂದ್ ರೇಡಿಯೊ ಮಣಿಪಾಲ್ ಸಮುದಾಯ ಬಾನುಲಿ ಕೇಂದ್ರದ ಪ್ರಕಟಣೆ ತೆರಿಪಾದ್ಂಡ್.
ನಮ್ಮ ದೇಶ ಮೂಢನಂಬಿಕೆ ಕೇಂದ್ರ ಅತ್ತ್, ದೇವಲ್ಯಗ್ ಇಪ್ಪುನ ಮೂಲ ನಂಬಿಕೆದ ಕೇಂದ್ರಲು: ಮನೋಹರ್ ಮಠದ್
ದೇವಲ್ಯಲು ಧಾರ್ಮಿಕ, ಸಾಮಾಜಿಕ, ಶೈಕ್ಷಣಿಕ, ಸಾಂಸ್ಕೃತಿಕ, ಸೇವಾ ಕೇಂದ್ರ ಅವಡ್, ದೇವಲ್ಯ ಪೂಜೆಗ್ ಮಾತ್ರ ಸೀಮಿತ ಅವಂದೆ ನಮ್ಮ ದೇಶ ಮೂಢನಂಬಿಕೆ ಕೇಂದ್ರ ಅತ್ತ್, ಮೂಲ ನಂಬಿಕೆದ ಕೇಂದ್ರಲು ಪಂದ್ ಕರ್ನಾಟಕ ರಾಜ್ಯ ದೇವಲ್ಯ ಸಂವರ್ಧನಾ ಸಮಿತಿ ಸಂಯೋಜಕೆರ್ ಮನೋಹರ್ ಮಠದ್ ಪಂಡೆರ್.
ಮೇರ್ ಕಿರು ಷಷ್ಠಿ ನಿಲೆಟ್ಟ್ ದೇವಲ್ಯದ ಆಡಳಿತ ಧರ್ಮದರ್ಶಿಲೆನ ಚಿಂತನಾ ಸಭೆ “ಗುಡಿ- ಜನರ ಜೀವನಾಡಿ” ಧಾರ್ಮಿಕ ಲೇಸ್ ಡ್ ಉಪನ್ಯಾಸ ಕೊರಿಯೆರ್.
ದೇವಲ್ಯ ನ್ಯಾಯಸ್ಥಾನಡ್ ನ್ಯಾಯ ಕೊರ್ಪುನ ಜಾಗೆ ಆತ್ಂಡ್. ನ್ಯಾಯಾಧೀಶೆರ್ ಕೊರ್ಪುನ ತೀರ್ಪುರ್ದ್ ಎಡ್ಡೆ ತೀರ್ಪು ದೇವಲ್ಯರ್ದ್ ತಿಕ್ಕುಂಡು. ಆಂಚಾದ್ ಸುಬ್ರಹ್ಮಣ್ಯ ಕ್ಷೇತ್ರಡ್ ಏರ್ಲಾ ಮೋಸ ಮಲ್ಪೊರ್ಚಿ. ಮೋಸ ಮಲ್ತ್ಂಡ ಅವೆರ್ದ್ ಎರೆಗ್ಲಾ ಎಡ್ಡೆ ಆಯೆರೆ ಸಾಧ್ಯ ಇಜ್ಜಿ ಪಂದ್ ಪಂಡೆರ್.
ಕುಕ್ಕೆ ಸುಬ್ರಹ್ಮಣ್ಯ ದೇವಲ್ಯ ಸುಮಾರ್ ಜೋಕುಲೆಗ್ ಅನ್ನದಾನ ಮಲ್ಪುಂಡು, ಶಿಕ್ಷಣ ಕೊರ್ಪುಂಡು. ಮಾಸ್ಟರ್ ಪ್ಲಾನ್ ಮುಕೇನ ಕಾಮಗಾರಿ ಮಲ್ತ್ ದ್ ಅಭಿವೃದ್ಧಿ ಮಲ್ಪುಂಡು. ನೂದೆರ್ದ್ ಎಚ್ಚ ದೈ ನಡ್ ದ್ ಬುಲೆಪಾವೊಂಡು ಉಂಡು ದೇವಲ್ಯಲು ಮಲ್ಪೊಡಾಯಿನ ಕೆಲಸ, ಅವು ಮುಲ್ಪ ನಡತೊಂದು ಉಂಡು ಪಂದ್ ಪಂಡೆರ್.
ಕರ್ನಾಟಕಡ್ ಒಟ್ಟು 34,563 ಸರ್ಕಾರ ವ್ಯವಸ್ಥೆಗ್ ಸೇರಿನ ದೇವಲ್ಯಲು ಉಂಡು. ಉಂದು ಅತ್ತಂದೆ ಬೇತೆ ದೇವಲ್ಯಲು ಸೇರ್ದ್ ಒಟ್ಟಾದ್ 2,84,563 ದೇವಲ್ಯಲು ಉಂಡು ಪಂದ್ ಪೊಲುಬು ಕೊರಿಯೆರ್.
ಸಭೆತ್ತ ಗುರ್ಕಾರ್ಮೆನ್ ಸುಳ್ಯ ವಿಧಾನ ಸಭಾ ಕ್ಷೇತ್ರದ ಶಾಸಕಿ ಕು.ಭಾಗೀರಥಿ ಮುರುಳ್ಯ ಒಯಿಸ್ ದಿತ್ತೆರ್.
ಚಾವಡಿಡ್ ವ್ಯವಸ್ಥಾಪನಾ ಸಮಿತಿ ಗುರ್ಕಾರೆ ಮೋಹನ್ ರಾಂ ಸುಳ್ಳಿ, ವ್ಯವಸ್ಥಾಪನಾ ಸಮಿತಿ ಸದಸ್ಯೆರ್ ಮನೋಹರ ರೈ, ಪಿ.ಜಿ.ಎಸ್.ಎನ್ ಪ್ರಸಾದ್, ಪ್ರಸನ್ನ ದರ್ಬೆ, ಶ್ರೀವತ್ಸಾ ಬೆಂಗ್ಲೂರು, ಲೊಕೇಶ್ ಮುಂಡೊಕಜೆ, ಶೋಬಾ ಗಿರಿಧರ್, ವನಜಾ ಭಟ್, ಕಾರ್ಯನಿರ್ವಾಹಣಾಧಿಕಾರಿ ಡಾl ನಿಂಗಯ್ಯ ಇತ್ತೆರ್.
ಪಿ.ಜಿ.ಎಸ್.ಎನ್ ಪ್ರಸಾದ್ ಎದ್ಕೊನಿಯೆರ್. ಪ್ರಸನ್ನ ದರ್ಬೆ ಸೊಲ್ಮೆ ಸಂದಾಯೆರ್. ವಿನ್ಯಾಸ್ ಹೊಸೋಳಿಕೆ, ಕೃತಿಕಾ ಪಿ.ಎಸ್, ಅಶ್ವಿನಿ ಎಸ್.ಎನ್, ಕೀರ್ತಿ ಲೇಸ್ ನ್ ಸುಧಾರಿಕೆ ಮಲ್ತೆರ್.
ಅಯೋಧ್ಯೆಡ್ ಜ.22 ಕ್ಕ್ ಶ್ರೀ ರಾಮನ ಮೂರ್ತಿ ಪ್ರಾಣಪ್ರತಿಷ್ಠಾಪನೆ ನಡಪರೆ ಉಂಡು.
ಈ ದಿಟ್ಟಿಡ್ ದಕ್ಷಿಣ ಕನ್ನಡ ಜಿಲ್ಲೆದ ಶ್ರೀ ಕ್ಷೇತ್ರ ಧರ್ಮಸ್ಥಳರ್ದ್ ಬೊಳ್ಳಿದ ಪೂಜೆದ ಸೊತ್ತುಲೆನ್ ಅಯೋಧ್ಯೆಗ್ ಕಡಪಾದೆರ್.
ಸೊತ್ತುಲಾಯಿನ ನೆಲಾರತಿ, ಆರತಿ ಬಟ್ಟಲ್, ಶಂಖ, ನಾಗಾರತಿ, ಘಂಟೆ, ಚಾಮರ, ಕುಂಬನ್ ಕೊರ್ತೆರ್. ಅಂಚೆನೆ ರಾಮಮಂದಿರದ ಉದಿಪನ ಲೇಸ್ ಗ್ ಧರ್ಮಸ್ಥಳದ ಧರ್ಮಾಧಿಕಾರಿ ವೀರೇಂದ್ರ ಹೆಗ್ಗಡೆರೆಗ್ ಲೆಪ್ಪೋಲೆನ್ ಕೊರ್ತುಂಡು.
ಅಯೋಧ್ಯೆಡ್ ಜ.22 ಕ್ಕ್ ನಡಪರೆ ಇಪ್ಪುನ ರಾಮಮಂದಿರದ ಪ್ರಾಣ ಪ್ರತಿಷ್ಠೆ ದಿನತಾನಿ ರಾಜ್ಯಡ್ ಶಾಲೆ ಕಾಲೇಜ್ ಗ್ ರಜೆ ಕೊರೊಡು ಪಂದ್ ಹಿಂದೂಪರ ಸಂಘಟನೆಲು ಸರ್ಕಾರಗ್ ಪತ್ರ ಬರೆತ್ಂಡ್.
ಇತ್ತೆ ಉತ್ತರ ಪ್ರದೇಶ ಸೇರಿನಂಚೆನೆ ಸುಮಾರ್ ರಾಜ್ಯಡ್ ಶಾಲೆಗ್ ರಜೆ ಘೋಷಣೆ ಮಲ್ದೆರ್. ರಾಜ್ಯಡ್ ರಜೆ ಕೊರ್ಪುನ ಬದಲ್ ಶಾಲೆ ಕಾಲೇಜ್ ಡ್ ಲೇಸ್ ದ ನೇರ ಪ್ರಸಾರಗ್ ವ್ಯವಸ್ಥೆ ಮಲ್ಪುನೇ ಎಡ್ಡೆ ಪಂದ್ ಕರ್ನಾಟಕ ಪ್ರಾಥಮಿಕ ಬೊಕ್ಕ ಪ್ರೌಢಶಾಲಾ ಮಂಡಳಿಲೆನ ಒಕ್ಕೂಟ ಸಲಹೆ ಕೊರ್ತುಂಡು.
ಅಯೋಧ್ಯೆಡ್ ಜ.22 ಕ್ಕ್ ನಡಪರೆ ಇಪ್ಪುನ ಶ್ರೀ ರಾಮ ದೇವೆರೆನ ಪ್ರಾಣ ಪ್ರತಿಷ್ಠೆದ ಲೆಕ್ಕೊಡು ಕನ್ನಡ ವೆಲ್ಫೇರ್ ಸೊಸೈಟಿ (ರಿ.) ದ ಮುತಾಲಿಕೆಡ್ ಜ.20 ಸನಿಯಾರ ಘಾಟ್ಕೋಪರ್ ಡ್ ಮೆರವಣಿಗೆ ನಡಪರೆ ಉಂಡು.
ಈ ಲೇಸ್ ಡ್ ಸಮಾಜ ಬಾಂಧವೆರ್ ಎಚ್ಚದ ಸಂಖ್ಯೆಡ್ ಪಾಲ್ ಪಡೆದ್ ಶ್ರೀ ರಾಮನ ಕೃಪೆಗ್ ಪಾತ್ರರಾವೊಡು ಪಂದ್ ಕನ್ನಡ ವೆಲ್ಫೇರ್ ಸೊಸೈಟಿ (ರಿ.) ದ ಗುರ್ಕಾರೆ, ಪದುಕೆರ್, ಮಹಿಳಾ ವಿಭಾಗ, ಯುವ ವಿಭಾಗ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
ದುಬೈ ಶ್ರೀ ಸತ್ಯನಾರಾಯಣ ಪೂಜಾ ಸಮಿತಿದ 16 ನೇ ವರ್ಷದ ಸಾಮೂಹಿಕ ಶ್ರೀ ಸತ್ಯನಾರಾಯಣ ಪೂಜೆ ಜ.28 ಐತಾರ ಬಯ್ಯಗ್ ದುಬೈದ ಅಲ್ ಸಫಾ ಜೆಎಸ್ ಎಸ್ ಪ್ರೈವೇಟ್ ಸ್ಕೂಲ್ ಡ್ ನಡಪರೆ ಉಂಡು.
ಈ ಲೇಸ್ ಮಾತೆರ್ಲಾ ಕುಟುಂಬ ಸಮೇತೆರಾದ್ ಬತ್ತ್ ದ್ ಪ್ರಸಾದ ದೆತೊಂದು ಶ್ರೀ ಸತ್ಯನಾರಾಯಣ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ದುಬೈ ಶ್ರೀ ಸತ್ಯನಾರಾಯಣ ಪೂಜಾ ಸಮಿತಿದ ಕಾರ್ಯಕಾರಿ ಸಮಿತಿದ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
ಮುಲ್ಕಿ: ಕಿನ್ನಿಗೋಳಿ ಕೈತಲ್ದ ಏಳಿಂಜೆ ಶ್ರೀ ಆದಿ ಜಾರಂದಾಯ ಬಂಟ ದೈವೊಲ್ಯಡ್ ಶ್ರೀ ಚಾರಂದಾಯ ಬೊಕ್ಕ ಬಂಟ ದೈವೊಲೆನ ಪುನರ್ ಪ್ರತಿಷ್ಠೆ ಬೊಕ್ಕ ಬ್ರಹ್ಮ ಕುಂಭಾಭಿಷೇಕ ಕ್ಷೇತ್ರದ ಆಸ್ರಣ್ಣೆರಾಯಿನ ವೈವಿ ಗಣೇಶ್ ಭಟ್ ಮುತಾಲಿಕೆಡ್ ಜ.15 ಸೋಮಾರ ಗೌಜಿಡ್ ನಡತ್ಂಡ್.
ಧಾರ್ಮಿಕ ಲೇಸ್ ದ ಲೆಕ್ಕೊಡು ಜ.14 ಐತಾರ ಶ್ರೀ ಕ್ಷೇತ್ರಗ್ ದೈವೊದ ಭಂಡಾರ ಬತ್ತ್ಂಡ್. ಬೊಕ್ಕ ಪ್ರಾರ್ತನೆ, ನವಕ ಕಲಶಾಭಿಷೇಕ, ಮಹಾಪೂಜೆ ನಡತ್ಂಡ್.
ಜ.15 ಕ್ಕ್ ಬೊಲ್ಪುಗು ಶ್ರೀ ಜಾರಂದಾಯ ಬಂಟ ದೈವೊಲೆಗ್ ಬ್ರಹ್ಮ ಕುಂಭಾಷೇಕ, ಮಧ್ಯಾಹ್ನ ಅನ್ನ ಪ್ರಸಾದ ಸೇವೆ, ರಾತ್ರೆ ಚೌತಿ ಪರ್ಬ ಬೊಕ್ಕ ದೈವೊದ ದರ್ಶನ ದೀಪಾರಾಧನೆ ಬಲಿ, ದೈವೊದ ಗಗ್ಗರ ಸೇವೆ, ಶ್ರೀ ಜಾರಂದಾಯ ಬಂಟ ದೈವೊಲೆನ ದರ್ಶನ ಬಂಡಿ ಬಲಿ ನೇಮೋಚ್ಚಯ ನಡತ್ಂಡ್.
ಈ ಪೊರ್ತುಡು ವಿದ್ವಾನ್ ವರುಣ್ ಭಟ್, ಕ್ಷೇತ್ರದ ಆಡಳಿತ ಮೊಕ್ತೇಸರೆರ್ ಸದಾನಂದ ಎಂ ಶೆಟ್ಟಿ, ಗುತ್ತಿನಾರ್ ಬಾಲಕೃಷ್ಣ ಶೆಟ್ಟಿ ಏಳಿಂಜೆ ಅಂಗಡಿಗುತ್ತು ಬೊಕ್ಕ ಭಕ್ತೆರ್ ಪಾಲ್ ಪಡೆದಿತ್ತೆರ್.
ಥಾಣೆ: ಮೀರಾರೋಡ್ ಶ್ರೀ ದುರ್ಗಾ ಭಜನಾ ಸೇವಾ ಮಂಡಳಿ (ರಿ.) ದ 17 ನೇ ವರ್ಷದ ಮಹಾಪೂಜೆ ಜ.21 ಐತಾರ ಮೀರಾರೋಡ್ ಶ್ರೀ ಬಾಲಾಜಿ ಇಂಟರ್ ನ್ಯಾಷನಲ್ ಹಾಲ್ ಡ್ ನಡಪರೆ ಉಂಡು.
ಆನಿ ಬೊಲ್ಪುಗು ಶ್ರೀ ಸತ್ಯನಾರಾಯಣ ಮಹಾಪೂಜೆ, ಶ್ರೀ ಲಕ್ಷ್ಮೀ ದೇವಿ ಅಷ್ಟೋತ್ತರನಾಮವಳಿ ಬೊಕ್ಕ ಕುಂಕುಮಾರ್ಚನೆ, ಮಧ್ಯಾಹ್ನ ಶ್ರೀ ಶನೀಶ್ವರ ದೇವೆರೆನ ಕಲಶ ಪ್ರತಿಷ್ಟಾಪನೆ, ಶ್ರೀ ಶನೀಶ್ವರ ಗ್ರಂಥ ಪಾರಾಯಣ, ಪೊಂಜೋವುಲೆರ್ದ್ ಹಳದಿ ಕುಂಕುಮ ಲೇಸ್, ಬಯ್ಯಗ್ ಭಜನೆ, ರಾತ್ರೆ ಮಹಾ ಮಂಗಳಾರತಿ, ಅನ್ನ ಪ್ರಸಾದ ಸೇವೆ ನಡಪರೆ ಉಂಡು.
ಈ ಲೇಸ್ ಡ್ ಮಾತೆರ್ಲಾ ಪಾಲ್ ಪಡೆದ್ ಗಂಧ ಪ್ರಸಾದ ದೆತೊಂದು ಶ್ರೀ ದೇವಿನ ಕೃಪೆಗ್ ಪಾತ್ರರಾವೊಡು ಪಂದ್ ಮಾನಾದಿಗೆದ ಗುರ್ಕಾರೆ ಸಂಜೀವ ಆರ್ ಶೆಟ್ಟಿ, ಗುರ್ಕಾರೆ ಶ್ಯಾಮ್ ಸಿ ಅಮೀನ್, ಪದುಕೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
ಜೈ ತುಲುನಾಡ್ (ರಿ.) ಬೊಕ್ಕ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಒಟ್ಟು ಸೇರಿಗೆಡ್ ಬಲೆ ತುಲು ಲಿಪಿ ಕಲ್ಪುಗ ಲೇಸ್ ದ ಲೆಕ್ಕೊಡು 10 ನೇ ಆನ್ಲೈನ್ ತುಳು ಲಿಪಿ ಪರೀಕ್ಷೆ ಡಿ.10 ಕ್ಕ್ ನಡತ್ಂಡ್.
ಇತ್ತೆ ನೆತ್ತ ರಿಸಲ್ಟ್ ಬುಡುಗಡೆ ಆತ್ಂಡ್.
ಈ ಪರೀಕ್ಷೆಡ್
JTON2429- ಸನಿಹ ವಿ ಆಚಾರ್ಯ
JTON24665- ದೀಕ್ಷಿತ
JTON2420- ಅಭಿನಯ 100 ಮಾರ್ಕ್ ನ್ ಪಡೆದ್ ಸುರುತ್ತ ತಾನಡ್ ಉಲ್ಲೆರ್.
JTON2428- ಅಕ್ಷತಾ
JTON2425- ಮೇಘನ
JTON2439- ಅಕ್ಷತಾ ಆರ್ ಗೌಡ 99 ಮಾರ್ಕ್ ಪಡೆದ್ ರಡ್ಡನೇ ತಾನಡ್ ಉಲ್ಲೆರ್.
JTON2483- ಶಶಿಕಾಂತ
JTON2440- ಅದಿತಿ ಜಿ ಅಮೀನ್
JTON2434- ರಾಧಿಕಾ
JTON2433- ವಿಜೇತ ಕೆ.ಎಮ್
JTON2424- ಶ್ರಾವ್ಯ ಮಡಿವಾಳ
JTON2421- ಲಾವಣ್ಯ
JTON2419- ಶಿಲ್ಪಾ
JTON2479- ಐಶ್ವರ್ಯ 98 ಮಾರ್ಕ್ ಪಡೆದ್ ಮೂಜಿನೇ ತಾನಡ್ ಉಲ್ಲೆರ್.
ಹಳೆಯಂಗಡಿ: ಮೂಲ್ಕಿ ಸೀಮೆ ಅರಸು ಕಂಬುಲಗ್ ಈ ಸರ್ತಿ ಮೈಸೂರು ಮನೆತನದ ರಾಜೆರ್ ಬತ್ತ್ ದ್ ಶೋಭೆ ಕನತಿಲೆಕನೆ ಫೊಟೊಗ್ರಾಫರ್ ನಕುಲು ಏರ್ಪಾಡ್ ಮಲ್ದಿನ ಫೊಟೊಗ್ರಫಿ ಪಂತೊ ಬೇತೆ ಕಂಬುಲ ಆಯೋಜಕೆರೆಗ್ ಮಾದರಿ ಆತ್ಂಡ್ ಪಂದ್ ಮೂಲ್ಕಿ ಸೀಮೆ ಅರಸೆರಾಯಿನ ಎಂ. ದುಗ್ಗಣ್ಣ ಸಾವಂತೆರ್ ಪಂಡೆರ್.
ಆರ್ ಪಡುಪಣಂಬೂರು ಮೂಲ್ಕಿ ಅರಮನೆತ್ತ ಕಾಂತಾಬಾರೆ ಬೂದಾಬಾರೆ ಧರ್ಮಚಾವಡಿಡ್ ಸೌತ್ ಕೆನರಾ ಫೋಟೋಗ್ರಾಫರ್ಸ್ ಅಸೋಸಿಯೇಶನ್ ಮೂಲ್ಕಿ ವಲಯದ ಸಂಯೋಜನೆಡ್ ಬುಧವಾರ ನಡತಿನ “ಮೂಲ್ಕಿ ಸೀಮೆ ಅರಸು ಕಂಬಳ ವೈಭವ” ಫೊಟೊಗ್ರಫಿ ಪಂತೊದ ಇನಾಮು ಪಟ್ಟುನ ಲೇಸ್ ಡ್ ಪಾತೆರಿಯೆರ್.
ದಕ್ಷಿಣ ಕನ್ನಡ-ಉಡುಪಿ ಜಿಲ್ಲೆದ ಸೌತ್ ಕೆನರಾ ಫೋಟೋಗ್ರಾಫರ್ಸ್ ಅಸೋಸಿಯೇಶನ್ನ ಅಧ್ಯಕ್ಷೆರ್ ಪದ್ಮಪ್ರಸಾದ್ ಜೈನ್ ಅಧ್ಯಕ್ಷತೆ ಒಯಿಸ್ ದ್ ಪಾತೆರ್ದ್, ಮೂಲ್ಕಿ ವಲಯದ ಫೊಟೊ ಪಂತೊನು ತೂದು ಪ್ರೇರಣೆ ಆದ್ ಬೈಂದೂರು ಕಂಬುಲಡ್ ಲ ಪಂತೊ ಆಯೋಜನೆ ಮಲ್ದಿನವು ಮೆಚ್ಚೊಡಾಯಿನ ಪಂದ್ ಪಂಡೆರ್.
ಸೌತ್ ಕೆನರಾ ಫೋಟೋಗ್ರಾಫರ್ಸ್ ಅಸೋಸಿಯೇಶನ್ದ ಮೂಲ್ಕಿ ವಲಯದ ಅಧ್ಯಕ್ಷೆರ್ ಪ್ರಕಾಶ್ ಸುವರ್ಣ ಮೂಲ್ಕಿ ಪಂತೊದ ಮಾಹಿತಿ ಕೊರ್ದು, ರಡ್ಡ್ ಜಿಲ್ಲೆರ್ದ್ ಒಟ್ಟು 17 ವಲಯದ ಸದಸ್ಯೆರೆಗ್ ಈ ಸ್ಪರ್ಧೆ ಮಲ್ತ್ ದ್ ಪನವು ಇನಾಮು ಕೊರ್ಪಿನ ಮುಕೇನ ಪ್ರೋತ್ಸಾಹ ಮಲ್ತ್ ದ ಪಂಡ್ ದ್ ತೆರಿಪಾಯೆರ್.
ಮೂಲ್ಕಿ ಅರಮನೆತ್ತ ಗೌತಮ್ ಜೈನ್ ಬಹುಮಾನ ಪಟ್ಟಿಯೆರ್. ತಾ.ಪಂ. ಮಾಜಿ ಸದಸ್ಯೆರ್ ಜೀವನ್ಪ್ರಕಾಶ್ ಕಾಮೆರೊಟ್ಟು, ಜಿಲ್ಲಾ ಉಪಾಧ್ಯಕ್ಷೆರ್ ಜಯಕರ್ ಸುವರ್ಣ ಉಡುಪಿ, ಎಸ್ಕೆಪಿಎ ಸೊಸೈಟಿದ ನಿರ್ದೇಶಕೆರ್ ಮೋಹನ್ ರಾವ್, ಜಿಲ್ಲಾ ನಿರ್ದೇಶಕೆರ್ ರವಿ ಕೋಟ್ಯಾನ್, ಜಿಲ್ಲಾ ಜೊತೆ ಕಾರ್ಯದರ್ಶಿ ಹರೀಶ್ ಪಿ. ಕೋಟ್ಯಾನ್ ಪಡುಪಣಂಬೂರು, ವಲಯ ಛಾಯಾ ನಿರ್ದೇಶಕೆರ್ ಪ್ರಣೀತ್ ಸುವರ್ಣ, ಕೋಶಾಧಿಕಾರಿ ನಾಗರಾಜ್ ಪೂಜಾರಿ ಬಪ್ಪನಾಡು, ಸಾಂಸ್ಕೃತಿಕ ಕಾರ್ಯದರ್ಶಿ ಸೇಸಪ್ಪ ದೇವಾಡಿಗ, ಸಂಘಟನಾ ಕಾರ್ಯದರ್ಶಿ ರಾಜೇಶ್ ಹಳೆಯಂಗಡಿ, ನವೀನ್ಚಂದ್ರ ಸುವರ್ಣ, ಸದಸ್ಯೆರ್ ವರ್ಷಿತ್ ಸುವರ್ಣ ಇತ್ತೆರ್. ವಲಯ ಕಾರ್ಯದರ್ಶಿ ಯೋಗೀಶ್ ಪಾವಂಜೆ ಕಾರ್ಯಕ್ರಮ ನಿರೂಪಣೆ ಮಲ್ತೆರ್.
ಫೊಟೊ ಪಂತೊಡು ಗೆಂದಿನಕುಲು:
ರಮಾನಂದ ಪೈ ಎನ್. ಮಂಗಳೂರು (ಸುರೂತ್ತ ಇನಾಮು), ರವಿ ಕೋಟ್ಯಾನ್ ಮೂಡಬಿದಿರೆ (ರಡ್ಡನೇ), ಸಾಗರ್ ದೇವಾಡಿಗ ಮಂಗಳೂರು (ಮೂಜಿನೇ ಇನಾಮು).
