ಕುಡ್ಲ ಸಂಯುಕ್ತ ಕರಾವಳಿ ಸಾಂಸ್ಕೃತಿಕ ಪ್ರತಿಷ್ಠಾನದ ಮುತಾಲಿಕೆಡ್ ಸುರುತ್ತ ಸರ್ತಿ ಕಡಲನಾಡ್ ದ್ ಸಂಗೀತೋತ್ಸವ 2024 ಜ.20 ಸನಿಯಾರ ಕುಡ್ಲದ ಕುದ್ಮುಲ್ ರಂಗರಾವ್ ಪುರಭವನಡ್ ನಡಪರೆ ಉಂಡು.
ಈ ಸಂಗೀತ ಪರ್ಬ ಚಲನಚಿತ್ರ ಸಂಗೀತ ಗಾಯಕೆರ್ ಬೊಕ್ಕ ನಿರ್ದೇಶಕೆರಾಯಿನ ವಿ ಮನೋಹರ್, ಗುರುಕಿರಣ್ ಬೊಕ್ಕ ಮಣಿಕಾಂತ್ ಕದ್ರಿ ಮೊಕ್ಲೆನ ಸಾರಥ್ಯಡ್ ನಡಪರೆ ಉಂಡು. ಅಂಚೆನೆ ಈ ಪರ್ಬಡ್ ದಕ್ಷಿಣ ಕನ್ನಡ ಬೊಕ್ಕ ಒಡಿಪು ಜಿಲ್ಲೆದ ಪುಗರ್ತೆದ ಗಾಯಕೆರೆರ್ದ್ ನಡಪುಂಡು.
ಕಾಯಿ ಮುಂಚಿ ತಿನ್ಪುನೆರ್ದ್ ಆರೋಗ್ಯಗ್ ಮಸ್ತ್ ಎಡ್ಡೆ. ದಾಯೇ ಪಂಡ ಉಂದು ಚರ್ಮಗ್ ಆರೋಗ್ಯ ಬೊಕ್ಕ ಮೆನ್ಕುಲೆಕ್ಕ ಮಲ್ಪೊಂಡು.
ಕಾಯಿ ಮುಂಚಿಡ್ ವಿಟಮಿನ್ ಸಿ ಬೊಕ್ಕ ಫೈಬರ್ ಇಪ್ಪುಂಡು. ಉಂದು ಜೀರ್ಣಕ್ರಿಯೆನ್ ಸುಲಭ ಮಲ್ಪುಂಡು. ಕಾಯಿ ಮುಂಚಿ ಹೃದಯ ಬೊಕ್ಕ ನೆತ್ತೆರ್ ದ ಸಮಸ್ಯೆನ್ ಸರಿ ಮಲ್ಪೆರೆ ಸಕಾಯ ಮಲ್ಪೊಂಡು. ನೆತ್ತೆರ್ ದ ಕೊಲೆಸ್ಟ್ರಾಲ್, ಟ್ರೈಗ್ಲಿಸರೈಡ್ ಮಟ್ಟ ಬೊಕ್ಕ ಪ್ಲೇಟ್ಲೆಟ್ ನ್ ಒಟ್ಟು ಸೇರ್ಸಾವೊನೆನ್ ಕಮ್ಮಿ ಮಲ್ಪುಂಡು.
ಉಳ್ಳಾಲ: ಬಂಡಿಕೊಟ್ಯ (ಆದಿಕ್ಷೇತ್ರ ಪುನ್ಕೆದಡಿ) ಶ್ರೀ ಕೋರ್ದಬ್ಬು ದೈವೊಲ್ಯಡ್ ವರ್ಷಾಧಿದ ನೇಮೋಚ್ಚಯ ಜ.11 ಕ್ಕ್ ಸುರು ಆಯಿನ ಜ.15 ಕ್ಕ್ ಮುಗಿತಲ ಆಂಡ್.
ಜ.11 ಗುರುವಾರ ರಾತ್ರೆ ಶ್ರೀ ದೈವೊದ ಭಂಡಾರ ಏರ್ಂಡ್.
ಜ.12 ಸುಕ್ರಾರ ಬೊಲ್ಪುಗು ಕ್ಷೇತ್ರಪಾಲ ಗುಳಿಗ ದೈವೊದ ನೇಮ, ಮಧ್ಯಾಹ್ನ ಮೈಸಂದಾಯ ದೈವೊದ ನೇಮ, ರಾತ್ರೆ ಶ್ರೀ ಪಂಜುರ್ಲಿ ದೈವೊದ ನೇಮ ಬೊಕ್ಕ ಸೂದ್ರಮ ಬಂಟ ದೈವೊದ ನೇಮ ನಡತ್ಂಡ್.
ಜ.13 ಸನಿಯಾರ ಬೊಲ್ಪುಗು ಧರ್ಮ ದೈವೊದ ನೇಮ, ರಾತ್ರೆ ದೈವರಾಜ ಶ್ರೀ ಕೋರ್ದಬ್ಬು ತನ್ನಿಮಾನಿಗ ದೈವೊಲೆನ ನೇಮೋಚ್ಚಯ ನಡತ್ಂಡ್.
ಜ.14 ಐತಾರ ಮಧ್ಯಾಹ್ನ ಜುಮಾದಿ ಬಂಟ ದೈವೊದ ನೇಮ, ಪಿಲಿಚಾಮುಂಡಿ ದೈವೊದ ನೇಮ, ಸುಬ್ಬಿಯಮ್ಮ ದೈವೊದ ನೇಮ, ಕೊರಗ ತನಿಯಜ್ಜ ದೈವೊದ ನೇಮ ನಡತ್ಂಡ್.
ಜ.15 ಸೋಮಾರ ಬೊಲ್ಪುಗು ಭಂಡಾರ ಜತ್ತ್ ದ್ ನೇಮೋಚ್ಚಯದೊಟ್ಟಿಗೆ ಮುಗಿತಲ ಆಂಡ್.
ಕೆದಿಲ: ಪೇರಮೊಗ್ರು ದೇಂತಡ್ಕ ಶ್ರೀ ವನದುರ್ಗಾ ದೇವಲ್ಯಡ್ ಜ.15-20 ಮುಟ್ಟ ಜಾತ್ರೆ ನಡಪರೆ ಉಂಡು.
ಈ ಲೇಸ್ ಗೋಕರ್ಣ ಮಂಡಲಾಧೀಶೆರ್ ಶ್ರೀ ರಾಘವೇಶ್ವರ ಭಾರತೀ ಸ್ವಾಮೀಜಿನ ಆಶೀರ್ವಾದಡ್, ಬ್ರಹ್ಮಶ್ರೀ ಕೆಮ್ಮಿಂಜೆ ನಾಗೇಶ ತಂತ್ರಿಲೆನ ಮುತಾಲಿಕೆಡ್ ನಡಪರೆ ಉಂಡು.
ಜ.7 ಐತಾರ ಕೈಲ್ ಕಡ್ತೆರ್. ಜ.15 ಸೋಮಾರ ಬೊಲ್ಪುಗು ಗಣಹೋಮ, ಸಾಮೂಹಿಕ ಪ್ರಾರ್ಥನೆ, ತೋರಣ ಮೂರ್ತ, ಬಯ್ಯಗ್ ಪುದೆಕಾಣಿಕೆ ಸಮರ್ಪಣೆ, ಸಾಂಸ್ಕೃತಿಕ ಲೇಸ್, ಕೊಡಿ ಏರಿಯೆರೆ, ಶ್ರೀ ದೇವೆರೆನ ಬಲಿ ಪಿದಾಡ್ ದ್ ಉಚ್ಚಯ ವಸಂತ ಕಟ್ಟೆ ಪೂಜೆ ನಡತ್ಂಡ್.
ಜ.16 ಅಂಗಾರೆ ಬೊಲ್ಪುಗು ಶ್ರೀ ದೇವೆರೆನ ಬಲಿ ಪಿದಾಡ್ ದ್ ಉಚ್ಚಯ, ಮಧ್ಯಾಹ್ನ ಕಲಶಾಭಿಷೇಕ ಮಹಾಪೂಜೆ, ಅನ್ನ ಪ್ರಸಾದ ಸೇವೆ ಬಯ್ಯಗ್ ಗಾನಸಿರಿ ಸಂಗೀತ ಸೌರಭ, ಶ್ರೀ ದೇವೆರೆನ ಬಲಿ ಪಿದಾಡ್ ದ್ ಉಚ್ಚಯ, ಇಸೇಸ ವಸಂತ ಕಟ್ಟೆ ಪೂಜೆ, ನೃತ್ಯ ಬಲಿ ನಡಪರೆ ಉಂಡು.
ಜ.17 ಬುಧಾರ ಬೊಲ್ಪುಗು ಶ್ರೀ ದೇವೆರೆನ ಬಲಿ ಪಿದಾಡ್ ದ್ ಉಚ್ಚಯ, ದರ್ಶನ ಬಲಿ, ಬಟ್ಟಲ್ ಕಾಣಿಕೆ, ಕೆದಿಲ ದೈವೊಲ್ಯರ್ದ್ ದೈವೊಲೆನ ಭಂಡಾರ ಬರಿಯೆರೆ, ದೇವೆರೆನ ಭೇಟಿ, ಬಯ್ಯಗ್ ಕರ್ನಾಟಕ ಶಾಸ್ತ್ರೀಯ ಸ್ಯಾಕ್ಸೋಪೋನ್ ಕಛೇರಿ, ಪಲ್ಲಕ್ಕಿ ಉಚ್ಚಯ, ಉಯ್ಯಾಲೋತ್ಸವ ನಡಪರೆ ಉಂಡು.
ಜ.18 ಗುರುವಾರ ಬೊಲ್ಪುಗು ಶ್ರೀ ದೇವೆರೆನ ಬಲಿ ಪಿದಾಡ್ ದ್ ಉಚ್ಚಯ, ಕಲಶಾಭಿಷೇಕ, ಮಹಾಪೂಜೆ ಬಯ್ಯಗ್ ಗೀತ ಸಾಹಿತ್ಯ ಸಂಭ್ರಮ, ದೀಪೋತ್ಸವ, ರಕ್ತೇಶ್ವರಿ ದೈವೊದ ಭೇಟಿ ರಾತ್ರೆ ತೇರ್ ಒಯಿಪೆರೆ ಉಂಡು.
ಜ.19 ಸುಕ್ರಾರ ಬೊಲ್ಪುಗು ತೈಲಾಭಿಷೇಕ, ಮಹಾಪೂಜೆ, ಬಯ್ಯಗ್ ಶ್ರೀ ದೇವೆರೆನ ಬಲಿ ಪಿದಾಡ್ ದ್ ಮೆರವಣಿಗೆ, ಅವಭೃತ ಸ್ನಾನ, ಕೊಡಿ ಜಾವೆರೆ, ರಾತ್ರೆ ಬ್ರಹ್ಮಕಪಾಲ-ಕನಕಾಂಗಿ ಕಲ್ಯಾಣ ಆಟ ನಡಪರೆ ಉಂಡು.
ಜ.20 ಸನಿಯಾರ ಬೊಲ್ಪುಗು ಮಹಾಗಣಪತಿ ಹೋಮ, ಕಲಶಾಭಿಷೇಕ, ಬೊಂಡದ ಅಭಿಷೇಕ, ಮಹಾಪೂಜೆ ಬಯ್ಯಗ್ ಕರಿಮಜಲು ಶ್ರೀ ಕೃಷ್ಣ ಕಲಾ ವೃಂದದಕ್ಲೆರ್ದ್ ತುಳುನಾಡ ವೈಭವ ಸಾಂಸ್ಕೃತಿಕ ಲೇಸ್ ರಾತ್ರೆ ಮಹಾ ರಂಗಪೂಜೆ, ಗುಳಿಗ ದೈವೊದ ನೇಮೋಚ್ಚಯ ನಡಪರೆ ಉಂಡು.
ಈ ಲೇಸ್ ಡ್ ಮಾತೆರ್ಲಾ ಪಾಲ್ ಪಡೆದ್ ಸಿರಿಮುಡಿ ಗಂಧ ಪ್ರಸಾದ ದೆತೊಂದು ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಶ್ರೀವನದುರ್ಗಾ ದೇವಲ್ಯದ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
ಕುಡ್ಲ: ಕಾವೂರು ಶ್ರೀ ಮಹಾಲಿಂಗೇಶ್ವರ ದೇವಲ್ಯಡ್ ಜ.14-18 ಮುಟ್ಟ ವರ್ಷಾವಧಿ ಮಹೋಚ್ಚಯ ನಡಪರೆ ಉಂಡು.
ಜ.13 ಸನಿಯಾರ ಬೊಲ್ಪುಗು ಪ್ರಾರ್ತನೆ, ದಿಕ್ಪಾಲ ಬಲಿ ನಡತ್ಂಡ್.
ಜ.14 ಐತಾರ ಮಧ್ಯಾಹ್ನ ಬಲಿ ಪಿದಾಡ್ ದ್ ಕೊಡಿ ಏರ್ಂಡ್, ಬಯ್ಯಗ್ ಸಾರ್ವಜನಿಕ ಸತ್ಯನಾರಾಯಣ ಪೂಜೆ ನಡತ್ಂಡ್.
ಜ.15 ಸೋಮಾರ ಮೂಡುಸವಾರಿ ರಾತ್ರೆ ದಕ್ಷಯಜ್ಞ ಆಟ ನಡತ್ಂಡ್.
ಜ.16 ಅಂಗಾರೆ ಪಡುಸವಾರಿ, ರಾತ್ರೆ ಧಾರ್ಮಿಕ ಸಭಾ ಲೇಸ್, ಪುದರ್ ದೀದಾಂಡ್ ತುಳು ನಾಟಕ ನಡಪರೆ ಉಂಡು.
ಜ.17 ಬುದಾರ ಮಧ್ಯಾಹ್ನ ಪಲ್ಲಪೂಜೆ, ಅನ್ನ ಪ್ರಸಾದ ಸೇವೆ, ದ್ವಂದ್ವ ವಾದ್ಯ ಸಂಗೀತ ಬಯ್ಯಗ್ ವಿಷ್ಣು ಸಹಸ್ರನಾಮ ಪಠಣ ಬೊಕ್ಕ ಭಜನೆ, ಭಕ್ತಿಗೀತೆ, ಭಾವಗೀತೆ ಸಾಂಸ್ಕೃತಿಕ ಲೇಸ್ ರಾತ್ರೆ ತೇರ್ ಒಯಿಪೆರೆ ಉಂಡು.
ಜ.18 ಗುರುವಾರ ಬೊಲ್ಪುಗು ಕವಾಟೋದ್ಘಾಟನೆ, ತುಲಾಭಾರ, ಕರ್ನಾಟಕ ಶಾಸ್ತ್ರೀಯ ಸಂಗೀತ ಲೇಸ್, ಬಯ್ಯಗ್ ಮರ್ಲ್ ಜುಮಾದಿ
ಭಂಡಾರ ಬರಿಯೆರೆ ಉಂಡು. ಬೊಕ್ಕ ಯಕ್ಷಗಾನ ತಾಳಮದ್ದಳೆ ಸುದರ್ಶನ ವಿಜಯ, ರಾತ್ರೆ ಮರ್ಲ್ ಜುಮಾದಿ ಗಗ್ಗರ ಸೇವೆ, ಅಗ್ನಿ ಕೇಳಿ ದೈವೊದ ಭೇಟಿಯಾದ್ ಕೊಡಿ ಜಾವರೆ ಬೊಕ್ಕ ನೃತ್ಯ ಗಾನ ವೈಭವ ಸಾಂಸ್ಕೃತಿಕ ಲೇಸ್ ಉಂಡು.
ಜ.20 ಸನಿಯಾರ ಸಂಪ್ರೋಕ್ಷಣೆ, ಮಂತ್ರಾಕ್ಷತೆ, ಬಯ್ಯಗ್ ಕಟೀಲ್ ಮೇಳದಕ್ಲೆರ್ದ್ ಆಟ ನಡಪರೆ ಉಂಡು.
ಈ ಮಾತ ಲೇಸ್ ಮಾತೆರ್ಲಾ ಪಾಲ್ ಪಡೆದ್ ಸಿರಿಮುಡಿ ಗಂಧ ಪ್ರಸಾದ ದೆತೊಂದು ಶ್ರೀ ಮಹಾಲಿಂಗೇಶ್ವರ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಕಾರ್ಯ ನಿರ್ವಹಣಾಧಿಕಾರಿ, ಮಾಗಣೆದ ಪತ್ತ್ ಸಮಸ್ತೆರ್, ದೇವಲ್ಯದ ಸಿಬ್ಬಂದಿ ವರ್ಗ, ವ್ಯವಸ್ಥಾಪನಾ ಸಮಿತಿದ ಗುರ್ಕಾರೆ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
ಕುಡ್ಲ: ಕುಂಟಾಲಗಿರಿ ಶ್ರೀ ಲಕ್ಷ್ಮೀ ನರಸಿಂಹ ದೇವಲ್ಯಡ್ ಜ.13-15 ಮುಟ್ಟ ವರ್ಷದ ಜಾತ್ರೆ ನಡಪರೆ ಉಂಡು.
ಈ ಲೇಸ್ ಶ್ರೀ ಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ|ಡಿ ವೀರೇಂದ್ರ ಹೆಗ್ಗಡೆರೆನ ಆಶೀರ್ವಾದಡ್, ಬ್ರಹ್ಮಶ್ರೀ ನೀಲೇಶ್ವರ ಉಚ್ಚಿಲತ್ತಾಯ ಪದ್ಮನಾಭ ತಂತ್ರಿಲೆನ ಮಾರ್ಗದರ್ಶನಡ್ ನಡಪರೆ ಉಂಡು.
ಜ.13 ಸನಿಯಾರ ಬಯ್ಯಗ್ ಕೊಡಿ ಏರ್ಂಡ್, ಭಜನೆ ರಾತ್ರೆ ದೇವೆರೆನ ಬಲಿ ಉಚ್ಚಯ, ಅನ್ನ ಪ್ರಸಾದ ಸೇವೆ, ಕೈತಲ್ದ ಪ್ರತಿಭೆಲೆರ್ದ್ ಸಾಂಸ್ಕೃತಿಕ ಲೇಸ್, ಕುಡ್ಲ ಏಕದಂತ ಕಲಾತಂಡದಕ್ಲೆರ್ದ್ ಬಲೆ ತೆಲಿಪಾಲೆ ಬಲೆ ಬುಲಿಪಾಲೆ ಲೇಸ್ ನಡಪರೆ ಉಂಡು.
ಜ.14 ಐತಾರ ಬೊಲ್ಪುಗು ಗಣಹೋಮ ಮಧ್ಯಾಹ್ನ ನವಕ ಕಲಶ, ದೇವೆರೆನ ಬಲಿ ಉಚ್ಚಯ, ಅನ್ನ ಪ್ರಸಾದ ಸೇವೆ ಬಯ್ಯಗ್ ಭಜನೆ, ರಾತ್ರೆ ದೇವೆರೆನ ಬಲಿ ಉಚ್ಚಯ, ಬಾಚಕೆರೆ ಶ್ರೀ ದುರ್ಗಾಪರಮೇಶ್ವರಿ ಪ್ರಸಾದಿತ ಯಕ್ಷಗಾನ ಮಂಡಳಿದಕ್ಲೆರ್ದ್ ಗುಳಿಗ ಶಿವ ಗುಳಿಗ ತುಳು ಆಟ ನಡತ್ಂಡ್.
ಜ.15 ಸೋಮಾರ (ಇನಿ) ಬೊಲ್ಪುಗು ಅವಭೃತ ಸ್ನಾನ, ಕೊಡಿ ಜಾವೆರೆ ಉಂಡು, ಮಧ್ಯಾಹ್ನ ಅನ್ನ ಪ್ರಸಾದ ಸೇವೆ ಬಯ್ಯಗ್ ಭಜನೆ ನಡಪುಂಡು.
ಈ ಲೇಸ್ ಡ್ ಭಕ್ತೆರ್ ಮಾತೆರ್ಲಾ ಪಾಲ್ ಪಡೆದ್ ಗಂಧ ಪ್ರಸಾದ ದೆತೊಂದು ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಬೋಳಿಯಾರುದ ಕುಂಟಾಲಗಿರಿ ಶ್ರೀ ಲಕ್ಷ್ಮೀ ನರಸಿಂಹ ದೇವಲ್ಯದ ಆಡಳಿತ ಸಮಿತಿ, ಸೇವಾ ಸಮಿತಿ ಬೊಕ್ಕ ಮಹಿಳಾ ಸಮಿತಿದ ಗುರ್ಕಾರೆ, ಮಾನಾದಿಗೆದ ಗುರ್ಕಾರೆ ಬೊಕ್ಕ ಸರ್ವಸದಸ್ಯೆರ್, ಅರ್ಚಕೆರ್ ಭಾಸ್ಕರ ಭಟ್, ಅಮ್ಮೆಂಬಳ ಮಾಗಣೆದ ಪತ್ತ್ ಸಮಸ್ತೆರ್ ಬೊಕ್ಕ ಊರುದ ಪರವೂರುದ ಭಕ್ತೆರ್ ಲೆಪ್ಪೋಲೆಡ್ ತೆರಿಪಾದೆರ್.
ದಕ್ಷಿಣ ಭಾರತದ ಮಲ್ಲ ಜಾತ್ರೆ ಪಂದೇ ಪುಗರ್ತೆ ಪಡೆಯಿನ ಶಿರಸಿದ ಮಾರಿಕಾಂಬಾ ದೇವಿ ಜಾತ್ರೆ ಮಾ.19-27 ಮುಟ್ಟ ನಡಪರೆ ಉಂಡು ಪಂದ್ ಗೋಪಾಲಕೃಷ್ಣ ದೇವಾಲಯದ ಅರ್ಚಕೆರ್ ಶರಣ ಆಚಾರ್ಯ ತೆರಿಪಾದೆರ್.
ಮಾ.19 ಕ್ಕ್ ಮಧ್ಯಾಹ್ನ ತೇರ್ ದ ಪ್ರತಿಷ್ಠೆ, ರಾತ್ರೆ ದೇವಿ ಜಾತ್ರೆ ಕಲ್ಯಾಣ ಪ್ರತಿಷ್ಠೆ ನಡಪರೆ ಉಂಡು.
ಮಾ.21 ರ್ದ್ ಭಕ್ತೆರೆನ ಸೇವೆಗ್ ಅವಕಾಶ ಉಂಡು ಪಂದ್ ಅರ್ಚಕೆರ್ ತೆರಿಪಾದೆರ್.
ಪೇಜಾವರ: ಪೊರ್ಕೋಡಿ ಶ್ರೀ ಗುರು ವೈದ್ಯನಾಥ ಕೋರ್ದಬ್ಬು ದೈವೊಲ್ಯಡ್ ಜ.13 ಬೊಕ್ಕ 14 ಕ್ಕ್ ವಾರ್ಷಿಕ ನೇಮೋಚ್ಚಯ ನಡತ್ಂಡ್.
ಜ.13 ಸನಿಯಾರ ಬಯ್ಯಗ್ ಭಂಡಾರ ಏರ್ಂಡ್, ರಾತ್ರೆ ಶ್ರೀ ದೈವರಾಜ ಬಬ್ಬುಸ್ವಾಮಿ ದೈವೊದ ಗಗ್ಗರಸೇವೆ, ಆದಿಮಾಯೆ ತನ್ನಿಮಾನಿಗ ದೇವಿನ ನೇಮೋಚ್ಚಯ ನಡತ್ಂಡ್.
ಜ.14 ಐತಾರ ರಾತ್ರೆ ಶ್ರೀ ವರಾಹಮೂರ್ತಿ ಪಂಜುರ್ಲಿ, ಗುಳಿಗ ದೈವೊದ ನೇಮೋಚ್ಚಯ, ರಾತ್ರೆ ರಾಹುಗುಳಿಗ ದೈವೊದ ನೇಮೋಚ್ಚಯ ನಡತ್ಂಡ್.
ನರಿಂಗಾನ ಮೋರ್ಲಡ್ ನಡತಿನ “ಲವ-ಕುಶ” ಜೋಡುಕರೆ ಕಂಬುಲ ಕೂಟಡ್ ಗೆಂದಿನಕ್ಲೆನ ಪೊಲಬು ಇಂಚ ಉಂಡು.
ಕನೆಪಲಯಿ: 5 ಜತೆ
ಅಡ್ಡಪಲಯಿ: 6 ಜತೆ
ಬಲ್ಲ್ ದ ಮಲ್ಲ: 16 ಜತೆ
ನಾಯೆರ್ ದ ಮಲ್ಲ: 34 ಜತೆ
ಬಲ್ಲ್ ದ ಎಲ್ಯ: 31 ಜತೆ
ನಾಯೆರ್ ದ ಎಲ್ಯ: 112 ಜತೆ
ಒಟ್ಟು ಎರ್ಲೆನ ಸಂಖ್ಯೆ: 204 ಜತೆ ಇತ್ತ್ಂಡ್.
ಕನೆಪಲಯಿ: (6.5 ಕೋಲ್ ನಿಶಾನೆಗ್ ನೀರ್ ರಾಪಾದೆರ್)
ಕಾಂತಾವರ ಬೇಲಾಡಿ ಬಾವ ಅಶೋಕ್ ಶೆಟ್ಟಿ
ಪಲಯಿ ಮುಟ್ಟಿನಾರ್: ತೆಕ್ಕಟ್ಟೆ ಸುಧೀರ್ ದೇವಾಡಿಗ,
ಬೋಳಾರ ತ್ರಿಶಾಲ್ ಕೆ ಪೂಜಾರಿ
ಪಲಯಿ ಮುಟ್ಟಿನಾರ್: ಬೈಂದೂರು ಮಹೇಶ್ ಪೂಜಾರಿ,
ಹಂಕರಜಾಲು ಶ್ರೀನಿವಾಸ ಭಿರ್ಮಣ್ಣ ಶೆಟ್ಟಿ
ಪಲಯಿ ಮುಟ್ಟಿನಾರ್: ಬೈಂದೂರು ರಾಘವೇಂದ್ರ ಪೂಜಾರಿ
ಅಡ್ಡ ಪಲಯಿ:
ಸುರುತ್ತ ಇನಾಮು: ಮೋರ್ಲ ಪ್ರಾಪ್ತಿ ಗಿರೀಶ್ ಆಳ್ವ “ಬಿ”
ಪಲಯಿ ಮುಟ್ಟಿನಾರ್: ಭಟ್ಕಳ ಹರೀಶ್
ರಡ್ಡನೇ ಇನಾಮು: ಬೋಳಾರ ತ್ರಿಶಾಲ್ ಕೆ ಪೂಜಾರಿ
ಪಲಯಿ ಮುಟ್ಟಿನಾರ್: ಸಾವ್ಯ ಗಂಗಯ್ಯ ಪೂಜಾರಿ
ಬಲ್ಲ್ ದ ಮಲ್ಲ:
ಸುರುತ್ತ ಇನಾಮು: ವೇಣೂರು ಮುಡುಕೋಡಿ ಗಣೇಶ್ ನಾರಾಯಣ ಪಂಡಿತ್
ಗಿಡತಿನಾರ್: ಬಂಬ್ರಾಣಬೈಲು ವಂದಿತ್ ಶೆಟ್ಟಿ
ರಡ್ಡನೇ ಇನಾಮು: ಎರ್ಮಾಳ್ ರೋಹಿತ್ ಹೆಗ್ಡೆ
ಗಿಡತಿನಾರ್: ಪೆಂರ್ಗಾಲು ಕೃತಿಕ್ ಗೌಡ
ಬಲ್ಲ್ ಎಲ್ಯ:
ಸುರುತ್ತ ಇನಾಮು: ನೂಜಿಪ್ಪಾಡಿ ಚಂದ್ರಶೇಖರ ಹೊಳ್ಳ “ಬಿ”
ಗಿಡತಿನಾರ್: ಬೈಂದೂರು ಮಂಜುನಾಥ ಗೌಡ
ರಡ್ಡನೇ ಇನಾಮು: ಬೆಳುವಾಯಿ ಪೆರೋಡಿ ಪುತ್ತಿಗೆಗುತ್ತು ಕೌಶಿಕ್ ದಿನಕರ್ ಶೆಟ್ಟಿ “ಬಿ”
ಗಿಡತಿನಾರ್: ಕಾವೂರು ದೋಟ ಸುದರ್ಶನ್
ನಾಯೆರ್ ದ ಮಲ್ಲ:
ಸುರುತ್ತ ಇನಾಮು: ಇರುವೈಲು ಪಾನಿಲ ಬಾಡ ಪೂಜಾರಿ “ಎ”
ಗಿಡತಿನಾರ್: ಬೈಂದೂರು ಮಂಜುನಾಥ ಗೌಡ
ರಡ್ಡನೇ ಇನಾಮು: ಕೂಳೂರು ಪೊಯ್ಯೆಲು ಪಿ.ಆರ್. ಶೆಟ್ಟಿ
ಗಿಡತಿನಾರ್: ಪಟ್ಟೆ ಗುರುಚರಣ್
ನಾಯೆರ್ ದ ಎಲ್ಯ:
(ಸಮಾನ ಇನಾಮು)
ಮುನಿಯಾಲ್ ಉದಯ ಕುಮಾರ್ ಶೆಟ್ಟಿ
ಗಿಡತಿನಾರ್: ಮಾಸ್ತಿಕಟ್ಟೆ ಸ್ವರೂಪ್
ಮಾಳ ಕಲ್ಲೇರಿ ಶರತ್ ಶೆಟ್ಟಿ
ಗಿಡತಿನಾರ್: ನತೀಶ್ ಬಾರಾಡಿ
ಕುಡ್ಲ: ಜಾಗತಿಕ ಬಂಟರ ಸಂಘಗಳ ಒಕ್ಕೂಟದ ಮಹತ್ವಕಾಂಕ್ಷಿ ಯೋಜನೆಯಾಯಿನ ಮುಲ್ಕಿ ರಾಷ್ಟ್ರೀಯ ಹೆದ್ದಾರಿ ಕೈತಲ್ ಇಪ್ಪುನ ಕನ್ಯಾನ ಸದಾಶಿವ ಶೆಟ್ಟಿ ಸಂಕೀರ್ಣಡ್ ಪೊಣ್ಣ ನಿಚ್ಚಯ, ಮದಿರೆಂಗಿ, ಮದಿಮೆ,ತೊಡಮನೆ, ಪುಟ್ಟುಪರ್ಬ ಬೊಕ್ಕ ಬೇತೆ ಸಾಂಸ್ಕೃತಿಕ ಕಾರ್ಯಕ್ರಮಲೆನ್ ನಡಪಾಯೆರೆ ಅನುಕೂಲ ಆಪಿನಂಚ ತೋನ್ಸೆ ಶಶಿರೇಖಾ ಆನಂದ ಶೆಟ್ಟಿ ಮೆರೆನ ಪುದರ್ ದ ಓಪನ್ ಏರ್ ಗಾರ್ಡನ್ ನಿರ್ಮಾಣ ಆವರೆ ಉಂಡು.
ಈ ಓಪನ್ ಏರ್ ಗಾರ್ಡನ್ ಸಂಪೂರ್ಣ ಪ್ರಾಯೋಜಕತೆನ್ ಒಕ್ಕೂಟದ ವಿಶೇಷ ಮಹಾ- ನಿರ್ದೇಶಕೆರಾಯಿಮ ಬೊಂಬೈದ ಆರ್ಗಾನಿಕ್ ಗ್ರೂಪ್ ಆಫ್ ಇಂಡಸ್ಟ್ರೀಸ್ ನೆತ್ತ ಸಿ. ಎಂ. ಡಿ. ತೋನ್ಸೆ ಆನಂದ್ ಎಂ. ಶೆಟ್ಟಿ ಬೊಕ್ಕ ಶಶಿರೇಖಾ ಆನಂದ ಎಂ.ಶೆಟ್ಟಿ
ಒಯಿಸೊಂದೆರ್.
ಈ ನಿಲೆಟ್ಟ್ ಜಾಗತಿಕ ಬಂಟರ ಸಂಘಗಳ ಒಕ್ಕೂಟದ ಪರವಾದ್ ಗುರ್ಕಾರ್ಲು ಅಯಿನ ಐಕಳ ಹರೀಶ್ ಶೆಟ್ಟಿ ವಿಶೇಷ ಮಹಾ ನಿರ್ದೇಶಕರಾಯಿನ ಪ್ರವೀಣ್ ಭೋಜ ಶೆಟ್ಟಿ ಬೊಕ್ಕ ಕೋಶಾಧಿಕಾರಿ ಉಳ್ತೂರು ಮೋಹನದಾಸ ಶೆಟ್ಟಿ ಒಟ್ಟಿಗೆ ಸೇರ್ದ್ ಗೌರವ ಪೂರ್ವಕವಾದ್ ಸೊಲ್ಮೆ ಸಂದಾಯ ಮಲ್ತೆರ್.
ಓಪನ್ ಏರ್ ಗಾರ್ಡನ್ ಯೋಜನೆದ ಪೂರ್ತಿ ಜವಾಬ್ದಾರಿನ್ ಬೊಕ್ಕ ಅವೆತ್ತ ಕೆಲಸ ಕಾರ್ಯಲೆನ್ ತನ್ನ ಯೋಚನೆದ ಪ್ರಕಾರದಂಚ ಮಲ್ತ್ ದ್ ಈ ವರ್ಷ 2024 ಡಿಸೆಂಬರ್ ಅಕೇರಿಡ್ ಒಕ್ಕೂಟಗ್ ಒಪ್ಪಿಸಾವೆ ಪಂದ್ ತೋನ್ಸೆ ಆನಂದ ಶೆಟ್ಟಿ ಪಂತೆರ್.
ಈ ಯೋಜನೆಗ್ ಸಹಕಾರ ಕೊರ್ನ ತೋನ್ಸೆ ಶಶಿರೇಖಾ ಆನಂದ ಎಂ. ಶೆಟ್ಟಿ ಮೇರೆಗ್ ಒಕ್ಕೂಟದ ಮಹಾದಾನಿ ಕನ್ಯಾನ ಸದಾಶಿವ ಶೆಟ್ಟಿ ಉಪಾಧ್ಯಕ್ಷೆರ್ ಕರ್ನಿರೆ ವಿಶ್ವನಾಥ ಶೆಟ್ಟಿ, ಗೌರವ ಪ್ರಧಾನ ಕಾರ್ಯದರ್ಶಿ, ಇಂದ್ರಾಳಿ ಜಯಕರ ಶೆಟ್ಟಿ, ಜೊತೆ -ಕಾರ್ಯದರ್ಶಿ ಚಂದ್ರಹಾಸ್ ಡಿ, ಶೆಟ್ಟಿ ರಂಗೋಲಿ ಬೊಕ್ಕ ಮಹಾ ನಿರ್ದೇಶಕೆರ್ ನಿರ್ದೇಶಕೆರ್, ಮಹಾ-ಪೋಷಕೆರ್, ಪೋಷಕೆರ್, ದಾನಿಲು, ಕಾರ್ಯಕಾರಿ ಸಮಿತಿ ಸದಸ್ಯೆರ್ ಸರ್ವ ಸದಸ್ಯೆರ್ ಸೊಲ್ಮೆ ಸಂದಾಯ ಮಲ್ತೆರ್.
