ಟೈಮ್ಸ್ ಆಫ್ ಕುಡ್ಲ ತುಳು ನ್ಯೂಸ್ Times of Kudla Tulu News

ಮುಲ್ಕಿ -ಬೆದ್ರ ಬಿಜೆಪಿ ಮಂಡಲ ಪದುಕೆರೆನ ಪದಗ್ರಹಣ ಲೇಸ್

ಬೆದ್ರ: ಭಾರತೀಯ ಜನತಾ ಪಾರ್ಟಿ ಮುಲ್ಕಿ ಬೆದ್ರ ಮಂಡಲದ ಪೊಸ ಗುರ್ಕಾರೆಯಾದ್ ದಿನೇಶ್ ಪುತ್ರನ್ ಬೊಕ್ಕ ಪದುಕೆರೆನ ಪದಗ್ರಹಣ ಲೇಸ್ ಇಂಚೊಗು ನಡತ್ಂಡ್. ಶಾಸಕೆರ್ ಉಮಾನಾಥ್ ಕೋಟ್ಯಾನ್ ಮೇರ್ ಪಾಲ್ ಪಡೆದಿತ್ತೆರ್.

ಈ ಪೊರ್ತುಡು ಲೇಸ್ ಡ್ ದ.ಕ ಜಿಲ್ಲಾ ಬಿಜೆಪಿ ಗುರ್ಕಾರೆ ಸತೀಶ್ ಕುಂಪಲ, ರಾಜ್ಯ ಬಿಜೆಪಿ ಕಾರ್ಯದರ್ಶಿ ಕ್ಯಾಪ್ಟನ್ ಬ್ರಿಜೇಶ್ ಚೌಟ, ಜಿಲ್ಲಾ ಬಿಜೆಪಿ ಒತ್ತು ಗುರ್ಕಾರೆ ಸುನಿಲ್ ಆಳ್ವ, ಶಾಂತಿ ಪ್ರಸಾದ್ ಹೆಗ್ಡೆ, ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಯತೀಶ್ ಆರ್ವಾರ್, ಕಿಶೋರ್ ಕುಮಾರ್ ಬೊಟ್ಯಾಡಿ, ಮಂಡಲ ಉಸ್ತುವಾರಿ ಜಯಂತ್ ಕೋಟ್ಯಾನ್, ಚುನಾವಣಾ ಸಂಚಾಲಕೆರ್ ಚಂದ್ರಶೇಖರ ರಾವ್, ಜಿಲ್ಲಾ ಕಾರ್ಯದರ್ಶಿ ಕವಿತ ದಿನೇಶ್, ಜಿಲ್ಲಾ ಯುವ ಮೋರ್ಚಾ ಗುರ್ಕಾರೆ ನಂದನ್ ಮಲ್ಯ, ಜಿಲ್ಲಾ ಎಸ್. ಸಿ ಮೋರ್ಚಾ ಗುರ್ಕಾರೆ ಜಗನ್ನಾಥ ಬೆಳುವಾಯಿ, ಪ್ರಮುಖೆರ್ ಕೆ.ಆರ್ ಪಂಡಿತ್, ಬಾಹುಬಲಿ ಪ್ರಸಾದ್, ಕೃಷ್ಣರಾಜ ಹೆಗ್ಡೆ, ಭುವನಾಭಿರಾಮ ಉಡುಪ, ರಮಾನಾಥ ಅತ್ತಾರ್, ಈಶ್ವರ್ ಕಟೀಲ್, ಕಸ್ತೂರಿ ಪಂಜ, ಮೇಘನಾಥ ಶೆಟ್ಟಿ, ರಘುರಾಮ್ ಪುನರೂರು, ಮಂಡಲ ಪ್ರಧಾನ ಕಾರ್ಯದರ್ಶಿ ರಂಜಿತ್ ಪೂಜಾರಿ, ಹರಿಪ್ರಸಾದ್ ಶೆಟ್ಟಿ, ಮಂಡಲ ಒತ್ತು ಗುರ್ಕಾರೆ ಸುಕೇಶ್ ಶೆಟ್ಟಿ ಶಿರ್ತಾಡಿ, ವಿನೋದ್ ಬೊಳ್ಳೂರು, ರಂಗನಾಥ್ ಶೆಟ್ಟಿ, ಕೇಶವ ಕರ್ಕೇರ, ಸುಮಾ ಶೆಟ್ಟಿ, ಸೂರಜ್ ಜೈನ್, ಕಾರ್ಯದರ್ಶಿ ಸುಭಾಸ್ ಶೆಟ್ಟಿ, ಸಾತ್ವಿಕ್ ಮಲ್ಯ, ಮಮತಾ ದಿವಾಕರ್ ಪೂಂಜಾ, ಗಣೀಶ್ ಬಿ. ಅಳಿಯೂರು, ಪ್ರೇಮನಾಥ್ ಶೆಟ್ಟಿ, ಪೂರ್ಣಿಮಾ ಹಳೆಯಂಗಡಿ, ಪ್ರಭಾಕರ್ ಕುಲಾಲ್ ಪಳಕಳ, ವಿದ್ಯಾನಂದ ಶೆಟ್ಟಿ ಬೊಕ್ಕ ಬೇತೆ ಬೇತೆ ಮೋರ್ಚಾ ಬೊಕ್ಕ ಪ್ರಕೋಷ್ಠಲೆನ ಪದುಕೆರ್, ಕಾರ್ಯಕರ್ತೆರ್ ಪಾಲ್ ಪಡೆದಿತ್ತೆರ್.

ರೇಡಿಯೊ ಮಣಿಪಾಲಡ್ ವಿಶೇಷ ಸಂದರ್ಶನ

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ವಿಶೇಷ ಸಂದರ್ಶನ ಮಾ.6 ಬುದಾರ ಬಯ್ಯಗ್ 6.10 ಕ್ಕ್ ಪ್ರಸಾರ ಆಂಡ್.

ಈ ಲೇಸ್ ಡ್ ಎಂ.ಐ.ಸಿದ ಸಂಶೋಧನಾ ವಿದ್ಯಾರ್ಥಿ ಪ್ರೀತಮ್ ಧ್ಯಾನದ ಬಗೆಟ್ಟ್ ಪೊಲಬು ಕೊರಿಯೆರ್. ಬೊಕ್ಕ ವಿದ್ಯಾರ್ಥಿ ಶುಭಂ ಅಗ್ನಿಹೋತ್ರಿ ಸಂದರ್ಶನ ನಡಪಾಯೆರ್. ಮಾ.7 ಕ್ಕ್ ಮಧ್ಯಾಹ್ನ 2.10 ಕ್ಕ್ ಕುಡೊರ ಪ್ರಸಾರ ಆಂಡ್.

ಈ ಲೇಸ್ ನ್ ರೇಡಿಯೊ ಮಾತ್ರ ಅತ್ತಂದೆ ಆಂಡ್ರಾಯ್ಡ್ ಫೋನ್ ಬೊಕ್ಕ ಐಫೋನ್ ಡ್ ರೇಡಿಯೋ ಮಣಿಪಾಲ್ ಆಫ್ ಡೌನ್‌ಲೋಡ್ ಮಲ್ತ್ ದ್ ಕೇನೊಲಿ ಪಂದ್ ರೇಡಿಯೊ ಮಣಿಪಾಲ್ ಸಮುದಾಯ ಬಾನುಲಿ ಕೇಂದ್ರದ ಪ್ರಕಟಣೆ ತೆರಿಪಾದ್ಂಡ್.

ಕಾರಿಂಜ ಮಹತೋಭಾರ ಶ್ರೀ ಕಾರಿಂಜೇಶ್ವರ ದೇವಲ್ಯಡ್ ಜಾತ್ರೆ

ಬಂಟ್ವಾಳ: ಕಾವಳಮೂಡೂರು ಗ್ರಾಮದ ಕಾರಿಂಜ ಮಹತೋಭಾರ ಶ್ರೀ ಕಾರಿಂಜೇಶ್ವರ ದೇವಲ್ಯಡ್ ಮಹಾ ಶಿವರಾತ್ರಿ, ಜಾತ್ರೆ ಮಾ.6-12 ಮುಟ್ಟ ನಡಪರೆ ಉಂಡು.

ಮಾ.3 ಐತಾರ ಬಯ್ಯಗ್ ಪೊಸ ತೇರ್ ದ ಶೋಭಾಯಾತ್ರೆ, ತೇರ್ ಪುರ ಪ್ರವೇಶ, ಧಾರ್ಮಿಕ ಸಭೆ, ರಾತ್ರೆ ಅನ್ನ ಪ್ರಸಾದ ಸೇವೆ, ತಾಂಬೂಲ ಕಲಾವಿದೆರ್ ಪುಂಜಾಲಕಟ್ಟೆ ಮೊಕ್ಲೆರ್ದ್ ಪರಿಮಳ ಕಾಲನಿ ತುಳು ನಾಟಕ ನಡತ್ಂಡ್.

ಮಾ.6 ಬುದಾರ (ಇನಿ) ಬಯ್ಯಗ್ ಪೊಸ ರಜತ ಪ್ರಭಾವಳಿದ ಶೋಭಾಯಾತ್ರೆ, ಪುದೆಕಾಣಿಕರ ಮೆರವಣಿಗೆ, ಶ್ರೀ ಶನೀಶ್ವರ ಮಹಾತ್ಮೆ ಯಕ್ಷಗಾನ ತಾಳಮದ್ದಳೆ ನಡಪರೆ ಉಂಡು.

ಮಾ.7 ಗುರುವಾರ ಬೊಲ್ಪುಗು ಗಣಹೋಮ, ಮಧ್ಯಾಹ್ನ ಮಹಾಪೂಜೆ, ರಾತ್ರೆ ಉಚ್ಚಯ ನಡಪರೆ ಉಂಡು.

ಮಾ.8 ಸುಕ್ರಾರ ಬೊಲ್ಪುಗು ಇಂದ್ರಕೀಲಕ ಬೊಕ್ಕ ಊರ್ವಶಿ ಯಕ್ಷಗಾನ ತಾಳಮದ್ದಳೆ, ಮಧ್ಯಾಹ್ನ ಮಹಾಪೂಜೆ ಬಯ್ಯಗ್ ಶ್ರೀ ದುರ್ಗ ಸನ್ನಿಧಿಡ್ ಉಚ್ಚಯ, ತುಲಾಭಾರ ಸೇವೆ, ಶ್ರೀಕೃಷ್ಣ ಸಂಧಾನ ಯಕ್ಷಗಾನ ತಾಳಮದ್ದಳೆ, ಸಾಂಸ್ಕೃತಿಕ ಲೇಸ್, ರಾತ್ರೆ ಕಾಳಗದ್ವಯ ಯಕ್ಷಗಾನ ಬಯಲಾಟ, ರಂಗಪೂಜೆ, ಶತರುದ್ರಾಭಿಷೇಕ, ಮಹಾಪೂಜೆ ದರ್ಶನ ಬಲಿ, ಕಂಚಿ ಬೊಲ್ಪು ಸೇವೆ ನಡಪರೆ ಉಂಡು.

ಮಾ.9 ಸನಿಯಾರ ಬೊಲ್ಪುಗು ಶ್ರೀ ದುರ್ಗಾ ಸನ್ನಿಧಿಡ್ ದರ್ಶನಬಲಿ ಮಧ್ಯಾಹ್ನ ಮಹಾಪೂಜೆ, ಅನ್ನ ಪ್ರಸಾದ ಸೇವೆ, ಕುಮಾರ ವಿಜಯ ಯಕ್ಷಗಾನ ತಾಳಮದ್ದಳೆ, ಬಯ್ಯಗ್ ಭರತನಾಟ್ಯ, ರಾತ್ರೆ ಗಣಪತಿ ಕೌತುಕ ಯಕ್ಷಗಾನ ಪ್ರದರ್ಶನ, ಪುಣ್ಯಕೋಟಿ ಯಕ್ಷರೂಪಕ, ಪಾರ್ವತಿ ಪರಮೇಶ್ವರ ದೇವೆರೆನ ಭೇಟಿ, ಚಂದ್ರ ಮಂಡಲ ಉಚ್ಚಯ ನಡಪರೆ ಉಂಡು.

ಮಾ.10 ಬೊಲ್ಪುಗು ತೇರ್ ಉಚ್ಚಯ, ದೈವೊದ ನೇಮ, ಮಧ್ಯಾಹ್ನ ಮಹಾಪೂಜೆ, ಅನ್ನ ಪ್ರಸಾದ ಸೇವೆ, ರಾತ್ರೆ ಈಶಾವಾಸ್ಯಮ್ ಇದಂ ಸರ್ವಂ, ಬಲಿ ಉಚ್ಚಯ, ಪುಣ್ಯ ನಾಟಕ ನಡಪರೆ ಉಂಡು.

ಮಾ.11 ಸೋಮಾರ ಬೊಲ್ಪುಗು ದರ್ಶನ ಬಲಿ, ತಪ್ಪಂಗಾಯಿ, ಮಧ್ಯಾಹ್ನ ಮಹಾಪೂಜೆ, ಬಯ್ಯಗ್ ಹರಿಭಕ್ತ ಸುಧನ್ವ ಯಕ್ಷಗಾನ ತಾಳಮದ್ದಳೆ, ರಾತ್ರೆ ಅನ್ನ ಪ್ರಸಾದ ಸೇವೆ, ಕಟ್ಟೆಪೂಜೆ, ಉಚ್ಚಯ, ಶ್ರೀಭೂತ ಬಲಿ ನಡಪರೆ ಉಂಡು.

ಮಾ.12 ಅಂಗಾರೆ ಬೊಲ್ಪುಗು ಕವಾಟೋದ್ಘಾಟನೆ, ಮಧ್ಯಾಹ್ನ ಮಹಾಪೂಜೆ, ಬಯ್ಯಗ್ ಅವಭೃತ ಸ್ನಾನಗ್ ಪಿದಾಡಿಯೆರೆ, ವ್ಯಾಘ್ರಚಾಮುಂಡಿ ದೈವೊದ ನೇಮ, ದೇವೆರೆನ ಅವಭೃತ ಸ್ನಾನ, ಕೊಡಿ ಜಾವೆರೆ ಉಂಡು.

ಮಾ.13 ಬುದಾರ ಬೊಲ್ಪುಗು ಕಲಶ, ಮಹಾಪೂಜೆ, ಅನ್ನ ಪ್ರಸಾದ ಸೇವೆ ನಡಪರೆ ಉಂಡು.

ಮಾ.14 ಗುರುವಾರ ಪವಮಾನಾಭಿಷೇಕ, ನಾಗ ತಂಬಿಲ, ವನದುರ್ಗೆಗ್ ಪರ್ವಾರಾಧನೆ ನಡಪರೆ ಉಂಡು.

ಈ ಲೇಸ್ ಡ್ ಮಾತೆರ್ಲಾ ಪಾಲ್ ಪಡೆದ್, ಗಂಧ ಪ್ರಸಾದ ದೆತೊಂದು ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಶ್ರೀ ಕ್ಷೇತ್ರ ಕಾರಿಂಜ ವ್ಯವಸ್ಥಾಪನಾ ಸಮಿತಿದ ಗುರ್ಕಾರೆ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ನರಿಕೊಂಬು ಶ್ರೀ ಭಯಂಕೇಶ್ವರ ಸದಾಶಿವ ದೇವಲ್ಯಡ್ ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯ, ಜಾತ್ರೆ

ನರಿಕೊಂಬು ಶ್ರೀ ಭಯಂಕೇಶ್ವರ ಸದಾಶಿವ ದೇವಲ್ಯಡ್ ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯ ಬೊಕ್ಕ ಜಾತ್ರೆ ಮಾ.3-12 ಮುಟ್ಟ ನಡಪರೆ ಉಂಡು.

ಈ ಲೇಸ್ ಬ್ರಹ್ಮಶ್ರೀ ನೀಲೇಶ್ವರ ಉಚ್ಚಿಲತ್ತಾಯ ಪದ್ಮನಾಭ ತಂತ್ರಿಲೆನ ಮುತಾಲಿಕೆಡ್ ನಡಪರೆ ಉಂಡು.

ಮಾ.2 ಬೊಲ್ಪುಗು ಗಣಪತಿ ಹೋಮ, ಮೃತ್ಯುಂಜಯ ಹೋಮ, ಬಯ್ಯಗ್ ಭಜನೆ, ರಾತ್ರೆ ಸುದರ್ಶನ ಹೋಮ ನಡತ್ಂಡ್.

ಮಾ.3 ಐತಾರ ಬಯ್ಯಗ್ ಭಜನೆ, ವಾಸ್ತು ರಾಕ್ಷೋಘ್ನ ಹೋಮ, ವಾಸ್ತು ಬಲಿ, ಧಾರ್ಮಿಕ ಲೇಸ್, ರಾತ್ರೆ ನರಕಾಸುರ ಮೋಕ್ಷ ಯಕ್ಷಗಾನ ಬಯಲಾಟ ನಡತ್ಂಡ್.

ಮಾ.4 ಸೋಮಾರ ಬೊಲ್ಪುಗು ಗಣಪತಿ ಹೋಮ, ಅಂಕುರಪೂಜೆ, ಕಲಶ ಪೂಜೆ, ಹೋಮಕಲಶಾಭಿಷೇಕ, ಮಧ್ಯಾಹ್ನ ಮಹಾಪೂಜೆ, ಅನ್ನ ಪ್ರಸಾದ ಸೇವೆ, ಬಯ್ಯಗ್ ಭಜನೆ, ಸಭಾ ಲೇಸ್ ಬೊಕ್ಕ ನೃತ್ಯ ರಂಜಿನಿ ಸಾಂಸ್ಕೃತಿಕ ಲೇಸ್ ನಡತ್ಂಡ್.

ಮಾ.5 ಅಂಗಾರೆ ಬೊಲ್ಪುಗು ಗಣಪತಿ ಹೋಮ, ಅಂಕುರಪೂಜೆ, ಶಾಂತಿ ಹೋಮ, ಹೋಮ ಕಲಶಾಭಿಷೇಕ, ಮಧ್ಯಾಹ್ನ ಉಗ್ರಾಣ ಮೂರ್ತ, ಮಹಾಪೂಜೆ, ಬಯ್ಯಗ್ ಭಜನೆ, ಸಭಾ ಲೇಸ್ ರಾತ್ರೆ ಪುದರ್ ದೀದಾಂಡ್ ತುಳು ನಾಟಕ ನಡತ್ಂಡ್.

ಮಾ.6 ಬೊಲ್ಪುಗು ಗಣಹೋಮ, ಅಂಕುರಪೂಜೆ, ಕಲಶಾಭಿಷೇಕ, ಮಧ್ಯಾಹ್ನ ಮಹಾಪೂಜೆ, ದುರ್ಗಾ ನಮಸ್ಕಾರ, ಬಯ್ಯಗ್ ಭಜನೆ, ಸಭಾ ಲೇಸ್ ಬೊಕ್ಕ ತೆಲಿಕೆದ ಗೊಂಚಿಲ್ ಸಾಂಸ್ಕೃತಿಕ ಲೇಸ್ ನಡತ್ಂಡ್.

ಮಾ.7 ಗುರುವಾರ (ಇನಿ) ಬೊಲ್ಪುಗು ಬಿಂಬ ಪ್ರತಿಷ್ಠೆ, ಕಲಶಾಭಿಷೇಕ, ಮಹಾಪೂಜೆ, ಬ್ರಹ್ಮಕಲಶ ಪೂಜೆ, ಪರಿಕಲಶ ಪೂಜೆ ಬಯ್ಯಗ್ ಭಜನೆ, ಸಭಾ ಲೇಸ್ ರಾತ್ರೆ ಶಿವದೂತೆ ಗುಳಿಗೆ ನಾಟಕ ನಡಪರೆ ಉಂಡು.

ಮಾ.8 ಸುಕ್ರಾರ ಬೊಲ್ಪುಗು ಗಣಪತಿ ಹೋಮ, ಪರಿಕಲಶಾಭಿಷೇಕ, ಬ್ರಹ್ಮಕಲಶಾಭಿಷೇಕ, ಕೊಡಿ ಏರಿಯೆರೆ, ಮಹಾಪೂಜೆ, ಬಲಿ, ನೃತ್ಯ ಭಜನೆ, ಬಯ್ಯಗ್ ಭಜನೆ, ಸಭಾ ಲೇಸ್ ರಾತ್ರೆ ಆಳ್ವಾಸ್ ಸಾಂಸ್ಕೃತಿಕ ಕಲಾ ವೈಭವ ನಡಪರೆ ಉಂಡು.

ಮಾ.9 ಸನಿಯಾರ ಬೊಲ್ಪುಗು ಗಣಪತಿ ಹೋಮ, ಬಲಿ, ಕಲಶ ಪೂಜೆ, ಮಧ್ಯಾಹ್ನ ಮಹಾಪೂಜೆ, ಬಲಿ, ಪಲ್ಲಕ್ಕಿ ಉಚ್ಚಯ, ಬಯ್ಯಗ್ ಭಜನೆ, ಗಾನ ನೃತ್ಯ ವೈಭವ ಸಾಂಸ್ಕೃತಿಕ ಲೇಸ್ ರಾತ್ರೆ ಪೂಜೆ, ಬಲಿ ನಡಪರೆ ಉಂಡು.

ಮಾ.10 ಐತಾರ ಬೊಲ್ಪುಗು ಗಣಪತಿ ಹೋಮ, ಬಲಿ, ಕಲಶಾಭಿಷೇಕ, ಮಧ್ಯಾಹ್ನ ಪೂಜೆ, ಬಲಿ, ಬಯ್ಯಗ್ ಭಜನೆ, ರಂಗ ರಂಜಿನಿ ರಸಮಂಜರಿ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು.

ಮಾ.11 ಸೋಮಾರ ಬೊಲ್ಪುಗು ಗಣಪತಿ ಹೋಮ, ಕಲಶಾಭಿಷೇಕ, ಮಧ್ಯಾಹ್ನ ಮಹಾಪೂಜೆ, ಬಲಿ, ಬಯ್ಯಗ್ ಭಜನೆ, ನಾಟ್ಯ ಕಲಾ ವೈಭವ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು.

ಮಾ.12 ಅಂಗಾರೆ ಬೊಲ್ಪುಗು ಅವಭೃತ ಬಲಿ, ಕೊಡಿ ಜಾವೆರೆ, ಮಧ್ಯಾಹ್ನ ಮಹಾಪೂಜೆ, ಮಂತ್ರಾಕ್ಷತೆ ನಡಪರೆ ಉಂಡು.

ಈ ಲೇಸ್ ಡ್ ಮಾತೆರ್ಲಾ ಕುಟುಂಬ ಸಮೇತೆರಾದ್ ಪಾಲ್ ಪಡೆದ್ ಲೇಸ್ ನ್ ಪೊರ್ಲು ಮಲ್ತ್ ದ್ ಕೊರ್ದು, ಶ್ರೀ ಭಯಂಕೇಶ್ವರ ಸದಾಶಿವ ದೇವೆರೆನ, ಶ್ರೀ ಮಹಾಗಣಪತಿ, ಶ್ರೀ ದುರ್ಗಾಪರಮೇಶ್ವರಿ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ವ್ಯವಸ್ಥಾಪನಾ ಬೊಕ್ಕ ಜೀರ್ಣೋದ್ಧಾರ ಸಮಿತಿದ, ಬ್ರಹ್ಮಕಲಶ ಉಚ್ಚಯ ಸಮಿತಿದ ಗುರ್ಕಾರೆ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಮಾ.5-9: ತಲಪಾಡಿ ಶ್ರೀ ಅವಿನಾಶಿ ಮಹಾದೇವಾ ಭಜನಾ ಮಂದಿರಡ್ ದೇವೆರೆನ ಬಿಂಬ ಪ್ರತಿಷ್ಠೆ, ಕಲಶಾಭಿಷೇಕ, ಮಹಾಶಿವರಾತ್ರಿ, ಸಾರ್ವಜನಿಕ ಶ್ರೀ ಸತ್ಯನಾರಾಯಣ ಪೂಜೆ

ಉಳ್ಳಾಲ: ತಲಪಾಡಿ ಶ್ರೀ ಅವಿನಾಶಿ ಮಹಾದೇವಾ ಭಜನಾ ಮಂದಿರಡ್ ಮಾ.5-9 ಮುಟ್ಟ ದೇವೆರೆನ ಬಿಂಬ ಪ್ರತಿಷ್ಠೆ, ಕಲಶಾಭಿಷೇಕ, 43ನೇ ವರ್ಷದ ಮಹಾಶಿವರಾತ್ರಿ ಬೊಕ್ಕ ಸಾರ್ವಜನಿಕ ಶ್ರೀ ಸತ್ಯನಾರಾಯಣ ಪೂಜೆ ನಡಪರೆ ಉಂಡು.

ಈ ಲೇಸ್ ದೇವಿಪುರ ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯದ ಪ್ರಧಾನ ಅರ್ಚಕೆರ್ ಗಣೇಶ್ ಭಟ್ ಪಂಜಾಳ ಮೆರೆನ ಪೌರೋಹಿತ್ಯಡ್ ನಡಪುಂಡು.

ಮಾ.5 ಅಂಗಾರೆ ಬಯ್ಯಗ್ ವಾಸ್ತು ರಾಕ್ಷೋಘ್ನ ಹೋಮ, ವಾಸ್ತು ಪೂಜೆ ನಡತ್ಂಡ್.

ಮಾ.6 ಬುದಾರ ಬೊಲ್ಪುಗು ಗಣಯಾಗ, ಬಿಂಬ ಪ್ರತಿಷ್ಠೆ, ಕಲಶಾಭಿಷೇಕ, ಮಧ್ಯಾಹ್ನ ಮಹಾಪೂಜೆ, ಅನ್ನ ಪ್ರಸಾದ ಸೇವೆ, ಬಯ್ಯಗ್ ನಲಿಕೆ ಭಜನೆ, ಸಭಾ ಲೇಸ್ ರಾತ್ರೆ ವಿಠಲ್ ನಾಯಕ್ ಬೊಕ್ಕ ಕೂಟದಕ್ಲೆರ್ದ್ ಗೀತಾ ಸಾಹಿತ್ಯ ಸಂಭ್ರಮ ಲೇಸ್ ನಡತ್ಂಡ್.

ಮಾ.8 ಬಯ್ಯಗ್ ಶಿವರಾತ್ರಿದ ಅರ್ಧ ಎಕ್ಕ ಭಜನೆ ನಡಪರೆ ಉಂಡು.

ಮಾ.9 ಸನಿಯಾರ ಬೊಲ್ಪುಗು ಭಜನೆ, ಮಹಾಪೂಜೆ, ಅಶ್ವಥ ನಾರಾಯಣ ಪೂಜೆ, ಬಯ್ಯಗ್ ಸಾಮೂಹಿಕ ಪ್ರಾರ್ತನೆ, ಕಲಶ ಪ್ರತಿಷ್ಠಾಪನೆ, ಸತ್ಯನಾರಾಯಣ ವೃತ, ರಾತ್ರೆ ಮಹಾಪೂಜೆ, ಅನ್ನ ಪ್ರಸಾದ ಸೇವೆ, ಸಾಂಸ್ಕೃತಿಕ ಲೇಸ್, ಸಭಾ ಲೇಸ್ ನಡಪರೆ ಉಂಡು.

ಈ ಲೇಸ್ ಡ್ ಊರುದ ಪರವೂರುದ ಭಕ್ತೆರ್ ಕುಟುಂಬ ಸಮೇತರಾದ್ ಬತ್ತ್ ದ್, ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಗುರ್ಕಾರೆ ನವೀನ್ ಆಳ್ವ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಬೆಂಗ್ಲೂರು ತುಳುನಾಡ ಜವನೆರ್ (ರಿ.) ಮುತಾಲಿಕೆಡ್ ತುಳುನಾಡ್ ಟ್ರೋಫಿ

ಬೆಂಗ್ಲೂರು ತುಳುನಾಡ ಜವನೆರ್ (ರಿ.) ಮುತಾಲಿಕೆಡ್ ಭಾಷೆ-ಕ್ರೀಡೆ-ಸೇವೆ ಪನ್ಪುನ ಧ್ಯೇಯವಾಕ್ಯದೊಟ್ಟಿಗೆ ತುಳುನಾಡ್ ಟ್ರೋಫಿ ಗೌಜಿಡ್ ನಡತ್ಂಡ್.

ತಾವರೆಕೆರೆ ಆರ್ ಎನ್ ಎಸ್ ವಿದ್ಯಾನಿಕೇತನ 2 ಡ್ ಆಯೋಜನೆ ಮಲ್ತ್ ದಿತ್ತಿನ TJB ಪ್ರೀಮಿಯರ್ ಲೀಗ್ ಡ್ ಒಟ್ಟು 12 ಕೂಟಲು ಪಾಲ್ ಪಡೆತ್ಂಡ್. ಬೆಂಗ್ಲೂರುಡು ಇಪ್ಪುನ ತುಳುನಾಡ್ ದ ಜವನೆರ್ ಮ್ಯಾಚ್ ತೂದು ಕುಸಿ ಪಡೆಯೆರ್.

ಸುರುತ್ತ ಇನಾಮುನ್ ತುಳುನಾಡ ರಂಗ್ ರಾಜಾಜಿನಗರ ಪಡೆಂಡ, ತುಳುನಾಡ ತುಡರ್ ಯಶವಂತಪುರ ರಡ್ಡನೇ ಇನಾಮುನ್ ಪಡೆತ್ಂಡ್. ತುಳುನಾಡ ಬಿರ್ಸೆರ್ ವೈಟ್ ಫೀಲ್ಡ್ ಬೊಕ್ಕ ತುಳುನಾಡ ಬೊಲ್ಪು ಬನ್ನೇರುಘಟ್ಟ ಮೂಜಿನೇ ಬೊಕ್ಕ ನಾಲ್ ನೇ ಇನಾಮುನ್ ಪಡೆತ್ಂಡ್.

ನೆತ್ತೊಟ್ಟಿಗೆ ತುಳುನಾಡ ಕೇಸರಿ ಯಲಹಂಕ, ತುಳುನಾಡ ಕುರಲ್ ಕೆಂಗೇರಿ, ತುಳುನಾಡ ಸೂರ್ಯಚಂದ್ರೆರ್ ವಿಜಯನಗರ, ತುಳುನಾಡ ಬೊಳ್ಳಿ ಅತ್ತಿಗುಪ್ಪೆ, ತುಳುನಾಡ ಪುರ್ಪ ಎಲೆಕ್ಟ್ರಾನಿಕ್ ಸಿಟಿ, ತುಳುನಾಡ ಸಿರಿ ಜೆಪಿನಗರ, ತುಳುನಾಡ ದಂಡ್ ಪೀಣ್ಯ ಕೂಟಲು ರಾಜಬೂಡುದ ಬೇತೆ ಬೇತೆ ಭಾಗಡ್ ಇಪ್ಪುನ ತುಳುವೆರೆನ್ ಒಟ್ಟುಸೇರ್ಸಾವುನಲ್ಪ ಪ್ರಮುಖ ಪಾತ್ರ ಒಯಿಸೊಂದುಂಡು.

ಸೇವಾ ಚಟುವಟಿಕೆಯಾದ್ ಬೆಂಗ್ಲೂರುದ ರಡ್ಡ್ ಆಶ್ರಮಲೆಗ್ ವಸ್ತ್ರದಾನ ಬೊಕ್ಕ ಅರಿನ್ ಕೊರಿಯೆರ್. ಅತ್ತಂದೆ ತುಳು ಭಾಷೆನ್ 8ನೇ ಪರಿಚ್ಚೇದಗ್ ಸೇರ್ಸಾವುನೆತ್ತೊಟ್ಟಿಗೆ ತುಳುಕ್ಕ್ ಪ್ರಾಧಾನ್ಯತೆ ಕೊರೊಡು ಪನ್ಪುನ ದಿಟ್ಟಿಡ್ ದೇಶದ ಮಾನ್ಯ ಪ್ರಧಾನ ಮಂತ್ರಿಲಾಯಿನ ನರೇಂದ್ರ ಮೋದೀಜಿ ಮೆರೆಗ್ ಪತ್ರದ ಮುಕೇನ ಬಿನ್ನಾಪುನ್ 5000 ಪೋಸ್ಟ್ ಕಾರ್ಡ್ ಅಭಿಯಾನಗ್ ಚಾಲನೆ ಕೊರಿಯೆರ್.

ತುಳುನಾಡ ಕೊಡಿಕ್ಕ್ ಪುಷ್ಪಾರ್ಚನೆ ಸಂದಾದ್, ತುಡರ್ ಅರ್ಲಾವುನ ಮುಕೇನ ಸಂಸ್ಥೆದ ಮಾರ್ಗದರ್ಶಕೆರ್ ಸಂದೀಪ್ ಹೆಗ್ಡೆ ಬೊಕ್ಕ ಸದಾನಂದ ಶೆಟ್ಟಿ ಚಾಲನೆ ಕೊರಿಯೆರ್.

ದುರ್ಗಾಪ್ರಸಾದ್ ಕಡೆಶೀವಾಲಯ ಲೇಸ್ ನ್ ಸುಧಾರಿಕೆ ಮಲ್ತೆರ್. ಸಂಚಾಲಕೆರ್ ಶ್ರುತಿನ್ ಕಡೇಶಿವಾಲಯ ಪ್ರಸ್ತಾವನೆದೊಟ್ಟಿಗೆ ಅಭಿನಂದನೆ ಸಂದಾಯೆರ್.

ಈ ಪೊರ್ತುಡು ಸಂಸ್ಥೆದ ಗುರ್ಕಾರೆ ಮಹೇಶ್ ಬೈಲೂರು, ಕ್ರೀಡಾ ಕಾರ್ಯದರ್ಶಿ ಅರ್ಜುನ್ ಎರ್ಮಾಳ್, ಕೋಶಾಧಿಕಾರಿ ಅಮಿತ್‌, ಸಹಸಂಚಾಲಕೆರ್ ಶಶಿ ಕಾವೂರ್, ಒತ್ತು ಗುರ್ಕಾರೆ ಹರಿಪ್ರಸಾದ್ ಪಾಲ್ ಪಡೆದಿತ್ತೆರ್.

ಲೇಸ್ ದ ಅಕೇರಿಡ್ ಮಾತ ಗೊಬ್ಬುಗಾರೆರ್ ಮೈದಾನ ಬೊಕ್ಕ ಶಾಲೆದ ಚಾವಡಿನ್ ಸ್ವಚ್ಚ ಮಲ್ಪುನ ಮುಕೇನ ಸ್ವಚ್ಚ ಭಾರತ ಅಭಿಯಾನಡ್ ಪಾಲ್ ಪಡೆಯೆರ್.

ಕೆದಿಲ ಶ್ರೀ ಉಳ್ಳಾಕ್ಲು, ಧೂಮಾವತಿ, ಮಲರಾಯ ದೈವೊಲ್ಯಡ್ ಬ್ರಹ್ಮಕಲಶ, ಜಾತ್ರೆಗ್ ಕೈಲ್ ಮೂರ್ತ

ಬಂಟ್ವಾಳ: ಕೆದಿಲ ಶ್ರೀ ಉಳ್ಳಾಕ್ಲು ಧೂಮಾವತಿ ಮಲರಾಯ ದೈವೊಲ್ಯಡ್ ಮಾ.11-15 ಮುಟ್ಟ ನಡಪರೆ ಇಪ್ಪುನ ಬ್ರಹ್ಮಕಲಶ ಬೊಕ್ಕ ಜಾತ್ರೆದ ಲೆಕ್ಕೊಡು ಮಾ.4 ಸೋಮಾರ ಬೊಲ್ಪುಗು ಕೈಲ್ ಮೂರ್ತ ನಡತ್ಂಡ್.

ದೈವೊಲ್ಯದ ಆಡಳಿತ ಮಂಡಳಿ ಗುರ್ಕಾರೆ ಜೆ.ಕೃಷ್ಣ ಭಟ್, ಕೇಶವ ಕೃಪಾ ಮೀರಾವನ ಮೇರ್ ದೈವೊದ ನಡೆಟ್ಟ್ ಇಸೇಸ ಪ್ರಾರ್ತನೆ ಸಂದಾಯೆರ್.

ಅರ್ಚಕೆರ್ ಈಶ್ವರ ಪ್ರಕಾಶ್ ಪಂಜಿಬಲ್ಲೆ ಈ ಲೇಸ್ ದ ವೈದಿಕ ವಿಧಿ ವಿಧಾನನ್ ಮಲ್ತೆರ್.

ಈ ಪೊರ್ತುಡು ಬ್ರಹ್ಮಕಲಶ ಸಮಿತಿದ ಗುರ್ಕಾರೆ ನಿವೃತ್ತ ಸೈನಿಕೆ ಜನಾರ್ದನ ಕುಲಾಲ್ ಗಾಣದ ಕೊಟ್ಯ, ಪ್ರಮುಖೆರ್ ಬಾಳಪ್ಪ ಗೌಡ ಕುದುಂಬ್ಲಾಡಿ ಗುತ್ತು, ಮುರಳೀಧರ ಶೆಟ್ಟಿ ಕಲ್ಲಾಜೆಗುತ್ತು, ದೈವೊದ ಪಾತ್ರಿ ಬಾಬು ಗೌಡ ಇಳಂತಿಲ ಸೇರಿನಂಚೆನೆ ಬೇತೆ ಬೇತೆ ಸಮಿತಿದ ಪದುಕೆರ್ ಬೊಕ್ಕ ಗ್ರಾಮಸ್ಥೆರ್ ಪಾಲ್ ಪಡೆದಿತ್ತೆರ್.

ಕುಂಪಲ ಮಾರುತಿ ಮಠ ಶ್ರೀ ಕೃಷ್ಣ ಮುಖ್ಯ ಪ್ರಾಣ ದೇವಲ್ಯಗ್ ಚಿತ್ರ ನಿರ್ದೇಶಕೆರ್ ಓಂ ಪ್ರಕಾಶ್ ರಾವ್ ಭೇಟಿ

ಕನ್ನಡ ಚಲನಚಿತ್ರ ನಿರ್ದೇಶಕೆರ್, ಚಿತ್ರನಟೆ ಓಂ ಪ್ರಕಾಶ್ ರಾವ್ ಮೇರ್ ಕುಂಪಲ ಗುರುನಗರದ ಮಾರುತಿ ಮಠ ಶ್ರೀ ಕೃಷ್ಣ ಮುಖ್ಯ ಪ್ರಾಣ ದೇವಲ್ಯಗ್ ಭೇಟಿ ಕೊರ್ದು ಶ್ರೀ ಬಾಲಯೋಗಿ ಅಮೃತಾನಂದ ಸ್ವಾಮೀಜಿಲೆನ ಆಶೀರ್ವಾದ ಪಡೆಯೆರ್.

ಅವೆರ್ದ್ ಬೊಕ್ಕ ಕುತ್ತಾರ್ ಕೊರಗಜ್ಜನ ಕ್ಷೇತ್ರಗ್ ಭೇಟಿ ಕೊರ್ದು ಪ್ರಾರ್ತನೆ ಸಂದಾಯೆರ್.

ಮೇ 26: ಅಡ್ಯಾರ್ ಗಾರ್ಡನ್ ಡ್ ಪಟ್ಲ ಸಂಭ್ರಮ 2024

ಯಕ್ಷಧ್ರುವ ಯಕ್ಷ ಶಿಕ್ಷಣರ್ದ್ ಕಲ್ಪಾರ್ಥಿಲೆಡ ಆತ್ಮ ವಿಶ್ವಾಸ: ಪಟ್ಲ ಸತೀಶ್ ಶೆಟ್ಟಿ

ಕುಡ್ಲ: ಯಕ್ಷಧ್ರುವ ಯಕ್ಷ ಶಿಕ್ಷಣದ ಮುಕೇನ ಕಲ್ಪಾರ್ಥಿಲೆಡ ಆತ್ಮ ವಿಶ್ವಾಸ ಬೈದ್ಂಡ್. ಬೆದ್ರದ ಆಳ್ವಾಸ್ ಚಾವಡಿಡ್ ನಡತಿನ ಯಕ್ಷ ಶಿಕ್ಷಣಡ್ ಸುಮಾರ್ ನಾಲ್ ಸಾರ ಕಲ್ಪಾರ್ಥಿಲು ಯಕ್ಷಗಾನ ಕಲೆಟ್ಟ್ ಉಲ್ಲೆರ್ ಪಂದ್ ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ ದ ಸ್ಥಾಪಕಾಧ್ಯಕ್ಷೆರ್ ಪಟ್ಲ ಸತೀಶ್ ಶೆಟ್ಟಿ ಪಂಡೆರ್.

ಮೇರ್ ಮೇ26 ಕ್ಕ್ ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ ದ ಯಕ್ಷಧ್ರುವ ಪಟ್ಲ ಸಂಭ್ರಮ 2024 ನಡಪರೆ ಇಪ್ಪುನ ಲೇಸ್ ದ ಬಗೆಟ್ಟ್ ಬಲ್ಲಾಲ್ ಬಾಗ್ ಡ್ ಇಪ್ಪುನ ಪತ್ತ್ ಮುಡಿ ಸೌಧಡ್ ನಡತಿನ ಸಭೆಟ್ಟ್ ಗುರ್ಕಾರ್ಮೆನ್ ಒಯಿಸೊಂದು ಪಾತೆರಿಯೆರ್.

ಪಟ್ಲ ಫೌಂಡೇಶನ್ ಟ್ರಸ್ಟ್ ಇದ ಮುಟ್ಟ 24 ಇಲ್ಲ್ ನ್ ನಿರ್ಮಾಣ ಮಲ್ತ್ ದ್ ಕಲಾವಿದೆರೆಗ್ ಕೊರ್ತುಂಡು. ಯಕ್ಷಾಶ್ರಯ ವಸತಿ ಯೋಜನೆದಡಿಟ್ಟ್ 25ನೇ ಇಲ್ಲ್ ನ್ ಕೊರ್ಪುನ ಲೇಸ್ ಮಾ.22 ಕ್ಕ್ ಕುಂಬಳೆದ ಕೈತಲ್ ನಡಪರೆ ಉಂಡು. ಇತ್ತೆನೇ ಸುಮಾರ್ 200 ಇಲ್ಲ್ ದ ರಿಪೇರಿ ಬೇಲೆಗ್ ಪನವುದ ಸಕಾಯ ಮಲ್ದ್ಂಡ್. ಅವ್ವೇ ರೀತಿ ಆರೋಗ್ಯ, ವಿದ್ಯಾರ್ಥಿವೇತನ, ಶಿಕ್ಷಣ, ವೈದ್ಯಕೀಯ ಸಕಾಯದ ವಿಚಾರಲೆಗ್ ಸಂಬಂಧಪಟ್ಟಿನಂಚೆನೆ ಕಲಾವಿದೆರೆಗ್ ಕೋಟಿರ್ದ್ ಎಚ್ಚ ರೂಪಾಯಿ ಸಕಾಯ ಮಲ್ದ್ಂಡ್. ಈ ವರ್ಷ ಯಕ್ಷಗಾನ ಕಲಾವಿದೆರೆಗ್ ಅತ್ತಂದೆ ನಾಟಕ ರಂಗಭೂಮಿ ಕಲಾವಿದೆರ್ ಬೊಕ್ಕ ದೈವಾರಾದನೆದ ನರ್ತನ ಪರಿಚಾರಕೆರೆಗ್ ವಿಮಾ ಸೌಲಭ್ಯನ್ ಕೊರ್ಪುನ ಯೋಜನೆದ ಆಯೋಜನೆ ಮಲ್ದ್ಂಡ್ ಪಂದ್ ಪಂಡೆರ್.

2024ನೇ ಸಾಲ್ ದ ಪಟ್ಲ ಪ್ರಶಸ್ತಿನ್ ಬಡಗುತಿಟ್ಟುದ ಪುಗರ್ತೆದ ಹಿರಿಯ ಕಲಾವಿದೆರ್ ಕೊಂಡದಕುಳಿ ರಾಮಚಂದ್ರ ಹೆಗ್ಗಡೆರೆಗ್ ಕೊರಿಯೆರೆ ಉಂಡು. ಅಂಚೆನೆ ಪಟ್ಲ ಸಂಭ್ರಮಡ್ ಪಟ್ಲ ಫೌಂಡೇಶನ್ ದ ಮಹಾಪೋಷಕೆರ್, ಮಹಾದಾನಿಲು, ಉದ್ಯಮಿ ಬರೋಡಾ ಶಶಿಧರ ಶೆಟ್ಟಿ ದಂಪತಿಲೆಗ್ ಇಸೇಸವಾದ್ ಸನ್ಮಾನ ನಡಪರೆ ಉಂಡು.

ಯಕ್ಷಧ್ರುವ ಕಲಾ ಗೌರವನ್ ಯಕ್ಷಗಾನ ಮಾತ್ರ ಅತ್ತಂದೆ ಬೇತೆ ಬೇತೆ ಕ್ಷೇತ್ರಲೆಡ್ ಸಾಧನೆ ಮಲ್ತಿನ 15 ಜನ ಸಾಧಕೆರೆನ್ ಗುರುತಿಸಾದ್ ಕೊರಿಯೆರೆ ಉಂಡು ಪಂದ್ ಪಟ್ಲ ಸತೀಶ್ ಶೆಟ್ಟಿ ಪಂಡೆರ್.

*ಯುರೋಪ್ ಡ್ ಪಟ್ಲ ಫೌಂಡೇಶನ್*

ಯುರೋಪ್ ರಾಷ್ಟ್ರಡ್ಲಾ ಈ ವರ್ಷ ಪಟ್ಲ ಫೌಂಡೇಶನ್ ಟ್ರಸ್ಟ್ ದ ಘಟಕ ರಚನೆ ಆವೆರೆ ಉಂಡು ಪಂದ್ ಪಟ್ಲ ಸತೀಶ್ ಶೆಟ್ಟಿ ತೆರಿಪಾಯೆರ್.

ಸಭೆಟ್ಟ್ ಪಾಲ್ ಪಡೆದಿತ್ತಿನ ಯಕ್ಷಗಾನ ತಾಳಮದ್ದಳೆದ ಅರ್ಥಧಾರಿ ಉಜಿರೆ ಅಶೋಕ ಭಟ್ ಪಾತೆರ್ದ್, ಪಟ್ಲ ಫೌಂಡೇಶನ್ ಯಕ್ಷ ಶಿಕ್ಷಣದ ಮುಕೇನ ಜೋಕ್ಲೆನ್ ಯಕ್ಷಗಾನದ ವ್ಯಾಪ್ತಿಗ್ ಕನನಗ ಕಲೆತ್ತ ವಿಸ್ತರಣೆ ಆಪುಂಡು. ಪಟ್ಲ ಫೌಂಡೇಶನ್ ಟ್ರಸ್ಟ್ ಯಕ್ಷ ಶಿಕ್ಷಣ ಕ್ರಾಂತಿನ್ ಮಲ್ದ್ಂಡ್. ಯಕ್ಷ ಶಿಕ್ಷಣದ ಮುಕೇನ ನಾಲ್ ಸಾರ ಜೋಕ್ಲೆಗ್ ಯಕ್ಷ ಕಲೆತ್ತ ಪರಿಚಯ ಆತ್ಂಡ್ ಪಂದ್ ಪಂಡೆರ್.

ಮಂದಾರ್ತಿ ದುರ್ಗಾಪರಮೇಶ್ವರಿ ದೇವಲ್ಯದ ಮಾಜಿ ಟ್ರಸ್ಟಿ ಶೇಡಿಕೋಡ್ಲು ವಿಠಲ ಶೆಟ್ಟಿ ಪಾತೆರ್ದ್, ಫೌಂಡೇಶನ್ ಕೇವಲ ಕಲಾವಿದೆರೆನ ಕಾಮಧೇನು ಮಾತ್ರ ಅತ್ತ್, ಯಕ್ಷಗಾನನ್ ಕಲ್ಪಾದ್, ಒರಿಪಾದ್ ಬುಲೆಪಾವುನಂಚಿನ ಮಲ್ಲ ಕೆಲಸ ಮಲ್ತೊಂದುಂಡು ಪಂದ್ ಪಂಡೆರ್.

ಈ ಪೊರ್ತುಡು ಪುಂಜಾಲಕಟ್ಟೆ ಘಟಕರ್ದ್ ಯಶಸ್ವಿಯಾದ್ ನಡತಿನ ವಾರ್ಷಿಕ ಉಚ್ಚಯ ಲೇಸ್ ದ ಬೊಕ್ಕ ಒರಿನ ಕಾಸ್ ನ್ ಕೇಂದ್ರೀಯ ಸಮಿತಿಗ್ ಗುರ್ಕಾರೆ ಯಶೋಧರ ಶೆಟ್ಟಿ ಬೊಕ್ಕ ಕೂಟದಕುಲು ದೇಣಿಗೆ ರೂಪಡ್ ಕೊರಿಯೆರ್. ಬೊಕ್ಕ ಕೇಂದ್ರ ಮಹಿಳಾ ಘಟಕದ ಮುತಾಲಿಕೆಡ್ ಮಾ.22 ಕ್ಕ್ ನಡಪುನ 7ನೇ ವಾರ್ಷಿಕ ಉಚ್ಚಯದ ಲೆಪ್ಪೋಲೆನ್ ಬುಡುಗಡೆ ಮಲ್ತೆರ್.

ಸಭೆಟ್ಟ್ ಬೇತೆ ಬೇತೆ ಘಟಕರ್ದ್ ಬತ್ತಿನ ಟ್ರಸ್ಟಿಲು, ಪದುಕೆರ್ ಇತ್ತೆರ್. ಚಾವಡಿಡ್ ಭುಜಬಲಿ ಧರ್ಮಸ್ಥಳ ಕೇಂದ್ರೀಯ ಘಟಕದ ಪ್ರಧಾನ‌ ಕಾರ್ಯದರ್ಶಿ ಪುರುಷೋತ್ತಮ ಭಂಡಾರಿ ಅಡ್ಯಾರ್, ಕೋಶಾಧಿಕಾರಿ ಸಿಎ ಸುದೇಶ್ ಕುಮಾರ್ ರೈ, ಜತೆ ಕಾರ್ಯದರ್ಶಿ ರವಿ ಶೆಟ್ಟಿ ಅಶೋಕನಗರ ಸಂಘಟನಾ ಕಾರ್ಯದರ್ಶಿ ಬಾಳ ಜಗನ್ನಾಥ ಶೆಟ್ಟಿ, ಪ್ರದೀಪ್ ಆಳ್ವ ಕದ್ರಿ ಪಾಲ್ ಪಡೆದಿತ್ತೆರ್.

ಸೂಟರ್ ಪೇಟೆ ಶ್ರೀ ಕೋರ್ದಬ್ಬು ದೈವೊಲ್ಯಡ್ ಭಗವಾನ್ ಶ್ರೀ ಬಬ್ಬುಸ್ವಾಮಿ ಬೊಕ್ಕ ಪರಿವಾರ ದೈವೊಲೆನ ವರ್ಷಾವಧಿ ನೇಮ ಮುಗಿತಲ

ಕುಡ್ಲ: ಸೂಟರ್ ಪೇಟೆ ಶ್ರೀ ಕೋರ್ದಬ್ಬು ದೈವೊಲ್ಯಡ್ ಭಗವಾನ್ ಶ್ರೀ ಬಬ್ಬುಸ್ವಾಮಿ ಬೊಕ್ಕ ಪರಿವಾರ ದೈವೊಲೆನ ವರ್ಷಾವಧಿ ನೇಮ ಮಾ.2-5 ಮುಟ್ಟ ನಡತ್ಂಡ್.

ಮಾ.1 ಸುಕ್ರಾರ ಬೊಲ್ಪುಗು ನಾಗದೇವೆರೆಗ್ ಪಂಚಾಮೃತ ಅಭಿಷೇಕ, ನಾಗತಂಬಿಲ, ಆಶ್ಲೇಷ ಪೂಜೆ, ಪ್ರಸನ್ನ ಪೂಜೆ, ಮಧ್ಯಾಹ್ನ ಸಾರ್ವಜನಿಕ ಅನ್ನ ಪ್ರಸಾದ ಸೇವೆ, ಬಯ್ಯಗ್ ಸಾರ್ವಜನಿಕ ಶ್ರೀ ಸತ್ಯನಾರಾಯಣ ಪೂಜೆ ರಾತ್ರೆ ಸಾಂಸ್ಕೃತಿಕ ಲೇಸ್, ವಿಜಯ ಫ್ರೆಂಡ್ಸ್ ಸರ್ಕಲ್ ಸೂಟರ್ ಪೇಟೆ ಮೊಕ್ಲೆನ ಪ್ರಾಯೋಜಕತ್ವಡ್ ನೃತ್ಯ ಗಾನ ಸಿಂಚನ ನಡತ್ಂಡ್.

ಮಾ.2 ಸನಿಯಾರ ಬೊಲ್ಪುಗು ಹೋಮ ಬೊಕ್ಕ ಭಂಡಾರ ಏರ್ಂಡ್. ಮಧ್ಯಾಹ್ನ ಜಾಗೆದ ಗುಳಿಗ ನೇಮ, ರಾತ್ರೆ ಭಗವಾನ್ ಶ್ರೀ ಬಬ್ಬುಸ್ವಾಮಿ ಬೊಕ್ಕ ತನ್ನಿಮಾನಿಗ ನೇಮ ನಡತ್ಂಡ್.

ಮಾ.3 ಐತಾರ ಬಯ್ಯಗ್ ಶ್ರೀ ರಾಹುಗುಳಿಗ ನೇಮ, ರಾತ್ರೆ ಶ್ರೀ ಪಂಜುರ್ಲಿ, ಗುಳಿಗ ನೇಮ ನಡತ್ಂಡ್.

ಮಾ‌.4 ಮಧ್ಯಾಹ್ನ ಶ್ರೀ ಧರ್ಮದೈವೊದ ನೇಮ, ರಾತ್ರೆ ಶ್ರೀ ಸುಬ್ಬಿ ಗುಳಿಗ ಬೊಕ್ಕ ಸುಬ್ಯಮ್ಮ ನೇಮ ನಡತ್ಂಡ್.

ಮಾ.5 ಮಧ್ಯಾಹ್ನ ಶ್ರೀ ಸಂಕಲೆ ಗುಳಿಗ ದೈವೊದ ನೇಮ, ರಾತ್ರೆ ಶ್ರೀ ಕೊರಗಜ್ಜ ದೈವೊದ ನೇಮ ಆದ್ ಭಂಡಾರ ಜತ್ತ್ ದ್ ವರ್ಷಾವಧಿ ನೇಮ ಮುಗಿತಲ ಆಂಡ್.