Fri. Nov 20th, 2026

ಟೈಮ್ಸ್ ಆಫ್ ಕುಡ್ಲ ತುಳು ನ್ಯೂಸ್ Times of Kudla Tulu News

A woman commits suicide in her new home, just five days after the house warming ceremony ಪೊಸ ಇಲ್ಲ್ ಒಕ್ಕೆಲ್ ಆಯಿನ 5ನೇ ದಿನಟ್ಟ್ ಬಲ್ಲ್ ಪಾಡೊಂದು ತೀರ್ ಪೋಯಿನ ಪೊಣ್ಣು!

ಉಳ್ಳಾಲ: ಪೊಸ ಇಲ್ಲನ್ ದೆತೊನಿನ ಪೊಣ್ಣು ಒರ್ತಿ ಗೌಜಿಡ್ ಇಲ್ಲ್ ಒಕ್ಕೆಲ್ ಮಲ್ತ್‌ದ್ ಅಯಿರ್ದ್ ಬೊಕ್ಕ ಐನೇ ದಿನಟ್ಟ್ ಅವ್ವೆ ಇಲ್ಲದ ಕೋಣೆದ ಉಲಯಿ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತಿನ ಘಟನೆ ಉಳ್ಳಾಲಡ್ ನಡತ್ಂಡ್.

ಕುಂಪಲದ ಚಿತ್ರಾಂಜಲಿ ನಗರದ ನಿವಾಸಿ ಅಶ್ವಿನಿ ಬಂಗೇರ (25) ತೀರ್ ಪೋಯಿನಾರ್.ಬುಧಾರ ರಾತ್ರೆ ಅಶ್ವಿನಿ ತನ್ನ ದೋಸ್ತಿಗ್ ಮೆಸೇಜ್ ಮಲ್ತ್‌ದೆರ್. ದೋಸ್ತಿ ಕಾಂಡೆ ಬತ್ತ್‌ದ್ ಇಲ್ಲದ ಬಾಕಿಲ್ ಪುಡತ್ ದ್ ಉಲಯಿ ಬನ್ನಗ ಫ್ಯಾನ್‌ಗ್ ಸೀರೆ ಕಟ್ ದ್ ಆತ್ಮಹತ್ಯೆ ಮಲ್ತ್‌ದೆರ್.ಅಶ್ವಿನಿ ಬರೆಯಿನ ಡೆತ್‌ನೋಟ್ ಪೊಲೀಸೆರೆಗ್ ತಿಕ್ ದ್ಂಡ್.

ಡೆತ್‌ನೋಟ್‌ಡ್ ತಾನ್ ಇಲ್ಲ್ ದೆತೊಂದು ಮೋಸ ಪೋದಿತ್ತ್‌ದ್, ಬ್ಯಾಂಕ್ ಅಧಿಕಾರಿಲು ಕಿರಿಕಿರಿ ಮಲ್ತೊಂದುಲ್ಲೆರ್ ಪಂದ್ ಬರೆತ್ತೆರ್. ಕುಂಪಲದ ಪೊಸ ಇಲ್ಲಡ್ ಅಪ್ಪೆ ದೇವಕಿ ಬೊಕ್ಕ ರಡ್ಡ್ ಜನ ಆಣ್ ಜೋಕುಲ್ನೊಟ್ಟುಗು ಅಶ್ವಿನಿ ಇಲ್ಲಡ್ ವಾಸ್ ಆದಿತ್ತೆರ್. ತನ್ನ ಕೋಣೆಡ್ ಅಶ್ವಿನಿ ಆತ್ಮಹತ್ಯೆ ಮಲ್ತ್‌ದಿತ್ತ್‌ನವು ಇಲ್ಲದಕಲೆಗ್ ಗೊತ್ತಿಜಾಂಡ್.

ಅಶ್ವಿನಿ ಮೆರೆನ ಪುನನ್ ಉಳ್ಳಾಲ ಪೊಲೀಸೆರ್ ಮರಣೋತ್ತರ ಪರೀಕ್ಷೆಗ್ ಕೊನೊತೆರ್.

Doctors to be on call for heart related ailments ತಿಗಲೆ ಬೇನೆ ಬತ್ತ್ಂಡ ಇಲ್ಲಗೇ ಬರ್ಪೆರ್ ಡಾಕ್ಟರ್!

ಕುಡ್ಲ: ತಿಗಲೆ ಬೇನೆಗ್ ಸಂಬಂಧ ಪಟ್ಟಿನ ಸೀಕ್‌ದ ಧರ್ಮಾರ್ಥ ಚಿಕಿತ್ಸೆ ಕೊರ್ಪಿನ “ಹೃದಯ ವೈಶಾಲ್ಯ ಯೋಜನೆ”ನ್ ಇಡೀ ದೇಶಡೇ ಸುರುತ್ತ ಸರ್ತಿ ದಕ ಜಿಲ್ಲೆಡ್ ಜಾರಿಗೆ ಕನತ್ತೆರ್ ಪಂದ್ ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಡಾ. ಕುಮಾರ್ ಮೇರ್ ಪ್ರಕಟನೆಡ್ ತೆರಿಪಾದೆರ್.

ಆರ್, ಜೂ.8 ದ ಬುಧಾರ ಬೆದ್ರ ಆರೋಗ್ಯ ಕೇಂದ್ರಡ್ ದಕ್ಷಿಣ ಕನ್ನಡ ಜಿಲ್ಲಾ ಪಂಚಾಯತ್, ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಇಲಾಖೆ, ಕುಡ್ಲ ತಾಲೂಕು ಆರೋಗ್ಯಾಧಿಕಾರಿಲೆನ ಕಚೇರಿ, ಕಾರ್ಡಿಯಾಲಜಿ ಡೋರ್ ಸ್ಟೆಪ್ ಫೌಂಡೇಶನ್ ಮುತಾಲಿಕೆಡ್ ಹೃದಯ ತಜ್ಞೆರ್ ಡಾ. ಪದ್ಮನಾಭ ಕಾಮತ್ ಅಂಚನೆ ಕೂಟರ್ದ್ ಹೃದಯ ವೈಶಾಲ್ಯ ಯೋಜನೆದ ಅಡಿಟ್ಟ್ ತಿಗಲೆ ಬೇನೆ ಇತ್ತ್ಂಡ ಫ್ರೀ ಆದ್ ತಪಾಸಣೆ ಮಲ್ಪರೆ ಡಾಕ್ಟರ್‌ನಕುಲು ಇಲ್ಲದ ಬಾಕಿಲ್‌ಗ್ ಬರ್ಪೆರ್. ಈ ಯೋಜನೆನ್ ಸಾರ್ವಜನಿಕೆರ್ ಪಡೆಯೊಡು ಪಂದ್ ಪಂತೆರ್.

Doctors to be on call for heart related ailments

Doctors will visit you personally for heart related ailments and treat you at your house under the ” Hrudaya Vyshalya Yojana”.This scheme has been brought into effect for the first time in the country in DK district said Dr Kumar Zilla Panchayat CEO.

Beltangady: Madyanthar’s Arun Furtado appointed deputy secretary of administration to CM ಮಡಂತ್ಯಾರ್ ಮೂಲದ ಅರುಣ್ ಫುರ್ಟಾಡೊ ನನ ಸಿಎಂಗ್ ಉಪ ಕಾರ್ಯದರ್ಶಿ

ಮಡಂತ್ಯಾರ್: ಬೊಲ್ತೇರ್ ತಾಲೂಕ್‌ದ ಮಡಂತ್ಯಾರ್ ಮೂಲದ ಅರುಣ್ ಫುರ್ಟಾಡೊ ಮೆರೆನ್ ಮುಖ್ಯಮಂತ್ರಿ ಸಿದ್ದರಾಮಯ್ಯ ಮೆರೆನ ಉಪಕಾರ್ಯದರ್ಶಿಯಾದ್ ನೇಮಕ ಮಲ್ತ್‌ದೆರ್.

ಈ ಬಗೆಟ್ ಸರ್ಕಾರದ ಅಧೀನ ಕಾರ್ಯದರ್ಶಿ ಕೆ ವಿ ಅಶೋಕ ಮೇರ್ ಪಾಡ್ದಿನ ಆದೇಶಡ್ ಅರುಣ್ ಫುರ್ಟಾಡೊ, ಹೆಚ್ಚುವರಿ ನಿರ್ದೇಶಕೆರ್, ಡಾ ಬಾಬು ಜಗಜೀವನರಾಮ್ ಸಂಶೋಧನಾ ಕೇಂದ್ರ ಮೆರೆನ್ ಮುಖ್ಯಮಂತ್ರಿಲೆನ ಅಧಿಕಾರಾವಧಿಇಪ್ಪುನ ಮುಟ್ಟ ಮುಖ್ಯಮಂತ್ರಿಲೆನ ಉಪ ಕಾರ್ಯದರ್ಶಿಯಾದ್ (ಆಡಳಿತ) ಹುದ್ದೆಗ್ ನಿಯೋಜನೆ ಮಲ್ತ್‌ದೆರ್.

Clashes in Manipur-Ambulance burnt down; Three persons including a mother and child die ಮಣಿಪುರಡ್ ಲಡಾಯಿ: ಆಂಬುಲೈನ್ಸ್‌ಗ್ ತೂ ಪಾಡ್ದ್ ಅಪ್ಪೆ, ಬಾಲೆ ಸೇರ್ದ್ 3 ಜನ ತೀರ್ ಪೋಯೆರ್

ಗುವಾಹತಿ: ಮಣಿಪುರಡ್ ಜನಾಂಗೀಯದ ಲಡಾಯಿ ಆವೊಂದಿತ್ತ್‌ದ್, ಆಂಬುಲೈನ್ಸ್‌ಗ್ ತೂ ಪಾಡ್ದಿನ ಘಟನೆಡ್ 7 ವರ್ಷದ ಆಣ್ ಬಾಲೆ ಬೊಕ್ಕ ಆಯೆನ ಅಪ್ಪೆ ಸೇರ್ದ್ ಆಂಬುಲೈನ್ಸ್‌ಡ್ ಇತ್ತಿನ ನನೊಂಜಿ ಪೊಂಜೊವು ತೀರ್ ಪೋಯೆರ್.

ಇಂಫಾಲದ ಐರೋಸೆಂಬ ಪ್ರದೇಶಡ್ ಐತಾರ ಈ ಘಟನೆ ನಡತ್ತ್‌ದಿತ್ತ್‌ದ್, ಇಡೇ ಮುಟ್ಟಲ ಈ ದಾಳಿದ ಘಟನೆದ ಬಗಟ್ ಸರ್ಕಾರ ಮನಿಪಂದೆ ಕುಲ್ದ್ಂಡ್. ಬಾಲಕೆನ ಪೋಷಕೆರ್ ಕುಕಿ-ಮೀಟಿ ಜನಾಂಗಗ್ ಸೇರ್ದ್‌ನಕುಲು.

Clashes in Manipur -Ambulance burnt down ; Three persons including a mother and child die

Guwahati : Ethnic deadly clashes between the tribals and Meitei people that erupted in May, refuses to subside. The incident was reported from Irosemba area in Imphal.

” Gruha Jyothi” Yojana- Here are answers to all your questions ಫ್ರೀ ಕರೆಂಟ್ ದ “ಗೃಹಜ್ಯೋತಿ” ಯೋಜನೆದ ಬಗೆಟ್ಟ್ ನಿಕ್ಲೆನ ಪ್ರಶ್ನೆಗ್ ಮೂಲುಂಡು ಉತ್ತರ

ರಾಜ್ಯಡ್ ಕಾಂಗ್ರೆಸ್ ಸರ್ಕಾರ ಜಾರಿ ಮಲ್ತಿನ 5 ಗ್ಯಾರಂಟಿಲೆಡ್ ಧರ್ಮೊಗು ಕರೆಂಟ್ ಪನ್ಪಿನ ಗೃಹಜ್ಯೋತಿ ಯೋಜನೆದ ಬಗೆಟ್ಟ್ ಜನಕ್ಲೆಗ್ ಕೆಲವೊಂಜಿ ಗೊಂದಲ ಉಂಡು. ಅವೆನ್ ಸಿಎಂ ಬೊಕ್ಕ ಡಿಸಿಎಂ ಸರಿ ಮಲ್ದೆರ್.


ಅಂಚೆನೆ ಈ ಯೋಜನೆದ ಬಗೆಟ್ಟ್ ತಪ್ಪು ಮಾಹಿತಿಗ್ ಸಾರ್ವಜನಿಕೆರ್ ಬಲಿ ಆವೊರ್ಚಿ. ಬಾಡಿಗೆ ಇಲ್ಲ್ ದಕ್ಲ ಮಾರ್ಗಸೂಚಿನ್ ಅನುಸರಿಸಾದ್ ಈ ಯೋಜನೆದ ಪ್ರಯೋಜನನ್ ಪಡೆವೊಲಿ ಪಂದ್ ಸಿಎಂ ಸಿದ್ದರಾಮಯ್ಯ, ಉಪಮುಖ್ಯಮಂತ್ರಿ ಡಿ.ಕೆ ಶಿವಕುಮಾರ್ ಪಂತೆರ್.

ಅತ್ತಂದೆ ಈ ಬಗೆಟ್ ಇಂಧನ ಮಂತ್ರಿಲು ಕೆ.ಜೆ ಜಾರ್ಜ್ ಮೇರ್ ಸರಿಯಾಯಿನ ಪೊಲಬು ಕೊರ್ದು, ಮಾತ ಸಂಶಯನ್ ಸರಿ ಮಲ್ದೆರ್.

ಈ ಯೋಜನೆ ಪಡೆಯೆರೆ ದಾದ ಮಲ್ಪೊಡು?

ಪ್ರತಿ ಇಲ್ಲಡ್ ಕರೆಂಟ್ ಗಲಸುನ ಗ್ರಾಹಕೆರ್ ಸೇವಾ ಸಿಂಧು ವೆಬ್‌ಸೈಟ್ ಡ್ ನೊಂದಣಿ ಮಲ್ಪೊಡು. ನೆತ್ತ ಲಿಂಕ್ ಆಯಿನಾತ್ ಬೇಗ ಶೇರ್ ಆಪುಂಡು.

ಅರ್ಜಿನ್ ಒಲ್ಪ, ಏಪ ಸಂದಾವೊಡು?

ಆನ್ ಲೈನ್ ಡ್ ಆಂಡ ರಾಜ್ಯ ಸರ್ಕಾರದ ಸೇವಾ ಸಿಂಧು ವೆಬ್‌ಸೈಟ್ ಡ್ ಜೂ.15 ರ್ದ್ ಬೊಕ್ಕ ಅರ್ಜಿ ಸಂದಾವೊಲಿ. ಅಂಚೆನೆ ಆಫ್ ಲೈನ್ ಡ್ ಸಂದಾವೊನಕುಲು ಗ್ರಾಮ ಒನ್, ಕರ್ನಾಟಕ ಒನ್ ಬೊಕ್ಕ ಬೆಂಗ್ಲೂರ್ ಒನ್ ದ ಮುಖೇನ ಅರ್ಜಿ ಸಂದಾವೊಲಿ.

ಅರ್ಜಿ ಸಂದಾಯೆರೆ ದಾದ ದಾಖಲೆ ಬೋಡು?

ಅರ್ಜಿ ಪಾಡುನಕುಲು ಆಧಾರ್ ಸಂಖ್ಯೆ, ಬಿಲ್ ಡ್ ಉಪ್ಪುನ ಗ್ರಾಹಕೆರೆನ ಆರ್ ಆರ್ ಸಂಖ್ಯೆ, ಅಕೌಂಟ್ ನಂಬರ್, ಬಾಡಿಗೆ ಅತ್ತಂಡ ಭೋಗ್ಯದ ಕರಾರುಪತ್ರ, ಇಜ್ಜಿಂಡ ಇಲ್ಲದ ಪೊಲಬು ಇಪ್ಪುನ ವೋಟರ್ ಐಡಿನ್ ಗುರುತ್ತದ ಪತ್ರ ಪಂದ್ ಕೊರೊಡು.

ಅರ್ಜಿ ಸಂದಾಯೆರೆ ಕಾಸ್ ಕಟ್ಟೊಡ?

ಸೇವಾ ಸಿಂಧು ಪೋರ್ಟಲ್ ಡ್ ಅರ್ಜಿ ಪಾಡರೆ ಒವ್ವೇ ಕಾಸ್ ಕಟ್ಟಿಯೆರೆ ಇಜ್ಜಿ.

ಅರ್ಜಿ ಸಂದಾಯಿನ ಬೊಕ್ಕ ಸ್ವೀಕೃತಿ ತಿಕ್ಕುಂಡ?

ಸೇವಾ ಸಿಂಧುಡ್ ಅರ್ಜಿ ಪಾಡಿನಕಲೆಗ್ ಸ್ವೀಕೃತಿ ಸಂದೇಶನ್ ನೊಂದಣಿ ಮಲ್ತಿನ ಗ್ರಾಹಕೆರೆಗ್ ಇಮೇಲ್ ಅತ್ತ್ಂಡ ಮೆಸೇಜ್ ಬರ್ಪುಂಡು.

ಅಪಾರ್ಟ್‌ಮೆಂಟ್, ಅಂಗಡಿ ಮಾಲೀಕೆರ್ ಈ ಯೋಜನೆಗ್ ಅರ್ಜಿ ಸಂದಾವೊಲಿಯಾ?

ಅಪಾರ್ಟ್‌ಮೆಂಟ್ ಡ್ ಇಪ್ಪುನಕ್ಲೆಗ್ ಬೇತೆ ಮೀಟರ್ ಇತ್ತ್ಂಡ ಅರ್ಜಿ ಸಂದಾವೊಲಿ. ಆಂಡ ಅಂಗಡಿ ಮಾಲೀಕೆರೆಗ್ ಈ ಯೋಜನೆ ಅನ್ವಯ ಆಪುಜಿ.

200 ಯೂನಿಟ್ ಫ್ರೀ ಕರೆಂಟ್ ದ ಲಾಭನ್ ಎಂಚ ಲೆಕ್ಕ ಮಲ್ಪುನು?

2022-23 ತ್ತ ಸರಾಸರಿ ಕರೆಂಟ್ ಗಲಸಿನ, ಶೇ. 10 ದಾತ್ ಎಚ್ಚ (ರಡ್ಡ್ ಸೇರ್ಂಡ 200 ಯೂನಿಟ್ ರ್ದ್ ಉಲಯಿ) ಸರಾಸರಿ ಗಲಸಿನ ಆಧಾರದ ಮಿತ್ತ್ ಲೆಕ್ಕ ಮಲ್ಪೊಲಿ.

ಕರೆಂಟ್ ಬಿಲ್ ಬಾಕಿ ಇತ್ಂಡ ಈ ಯೋಜನೆ ಅನ್ವಯ ಆಪುಂಡಾ?

ಆಪುಂಡು. ಆಂಡ ಜೂನ್ 30 ಮುಟ್ಟದ ಬಾಕಿನ್ ಮೂಜಿ ತಿಂಗೊಲ್ದೊಲಯಿ ಕಟ್ಟೊಡು. ಇಜ್ಜಿಂಡ ಕರೆಂಟ್ ಸಂಪರ್ಕ ಇಪ್ಪುಜಿ.

ಯೋಜನೆದ ಫಲಾನುಭವಿ ನಿಗದಿತ ಫ್ರೀ ಕರೆಂಟ್ ರ್ದ್ ಎಚ್ಚ ಕರೆಂಟ್ ಗಲಸ್ ದ್ ಬಿಲ್ಲ್ ಕಟ್ಟಿಜಿಂಡ  ದಾದ ಆಪುಂಡು?

ಫಲಾನುಭವಿ ಬಾಕಿ ಕರೆಂಟ್ ಬಿಲ್ ಕಟ್ಟಿಜಿಂಡ ಕರೆಂಟ್ ಬಿಲ್ ಕಟ್ಟುನ ಮುಟ್ಟ ಕರೆಂಟ್ ಸಂಪರ್ಕ ಇಪ್ಪುಜಿ.

ಕರೆಂಟ್ ಬಿಲ್ ತೀರ್ ಪೋಯಿನಕ್ಲೆನ ಪುದರ್ ಡ್ ಇತ್ಂಡ ಅರ್ಜಿ ಸಂದಾವುನ ಎಂಚ?

ಫಲಾನುಭವಿನ ಪುದರ್ ನ್ ಚೇಂಜ್ ಮಲ್ತಿ ಬೊಕ್ಕ ಈ ಯೋಜನೆಗ್ ಅರ್ಜಿ ಸಂದಾವೊಲಿ.

ತಿಂಗೊಲ್ 200 ಯೂನಿಟ್ ರ್ದ್ ಎಚ್ಚ ಗಲಸ್ಂಡ ಬಿಲ್ ಕಟ್ಟೊಡ

ಆಂದ್. ತಿಂಗೊಲ್ದ ಪೂರ ಬಿಲ್ ನ್ ಕಟ್ಟೊಡಾಪುಂಡು.

Water scarcity in Mangalore – few colleges closed ಕುಡ್ಲಡ್ ನೀರ್‌ದ ಸಮಸ್ಯೆ; ಕೆಲ ಕಾಲೇಜ್ ಬಂದ್

ಜೂನ್ ಸುರುತ್ತ ವಾರ ಕರೀಂಡಲ ತುಳುನಾಡ್‌ಗ್ ನನಲ ಬರ್ಸ ಬೈದಿಜಿ. ಈ ನಿಲೆಟ್ಟ್ ಕುಡ್ಲಡ್ ನೀರ್‌ದ ಸಮಸ್ಯೆ ಎಚ್ಚಾವೊದುಂಡು. ಅಗತ್ಯ ಇಪ್ಪುನಾತ್ ನೀರ್ ತಿಕ್ಕಂದಿನ ಕಾರಣ ಬುಧವಾರರ್ದ್ ಕೆಲ ಸರ್ಕಾರಿ ಅಂಚನೆ ಖಾಸಗಿ ಶಿಕ್ಷಣ ಸಂಸ್ಥೆಲೆಡ್ ಕಲ್ಪಾರ್ಥಿಲೆಗ್ ರಜೆ ಕೊರ್ದು ಆನ್‌ಲೈನ್‌ದ ಮುಕೇನ ಕ್ಲಾಸ್ ಮಲ್ತೊಂದುಲ್ಲೆರ್.

ಕೆಲ ಕಡೆಟ್ಟ್ ಅರ್ಧ ದಿನ ಕ್ಲಾಸ್‌ನ್ ಮಲ್ತೊಂದುಲ್ಲೆರ್. ಶೈಕ್ಷಣಿಕ ಸಂಸ್ಥೆಲು ಮಾತ್ರ ಅತ್ತಂದೆ ಇಲ್ಲ್, ಆಸ್ಪತ್ರೆ, ಕಚೇರಿಗ್‌ಲ ನೀರ್‌ದ ಸಮಸ್ಯೆ ಉಂಡು.

June 10 th – Arun Puttila to visit Shankarpura ಜೂ.10: ಶಂಕರಪುರಕ್ಕ್ ಅರುಣ್ ಪುತ್ತಿಲ ಭೇಟಿ

ಒಡಿಪು: ಶ್ರೀ ಸಾಯಿ ಈಶ್ವರ್ ಗುರೂಜಿನ ದ್ವಾರಕಾಮಯಿ ಮಠಕ್ಕ್ ಅರುಣ್ ಕುಮಾರ್ ಪುತ್ತಿಲ ಮೇರ್ ಜೂ.10 ಸನಿಯಾರ ಬೊಲ್ಪುಗು 10:30 ಕ್ಕ್ ಭೇಟಿ ಕೊರಿಯೆರೆ ಉಲ್ಲೆರ್.

ಶ್ರೀ ಸಾಯಿ ಈಶ್ವರ್ ಗುರೂಜಿನ ದ್ವಾರಕಾಮಯಿ ಮಠ ಏಕ ಜಾತಿ ಧರ್ಮಪೀಠ ಸ್ಥಾಪನೆ ಮಲ್ತ್ ದ್ ಟ್ರಸ್ಟ್ ದ ಮುಖೇನ ಸುಮಾರ್ ಧಾರ್ಮಿಕ, ಸಾಮಾಜಿಕ ಸೇವೆನ್ ಮಲ್ತೊಂದು ಬರೊಂದು ಉಂಡು. ಅತ್ತಂದೆ ಈ ಮಠ ರಡ್ಡ್ ವರ್ಷೊದಿಂಚ ಪೊಣ್ಣು ಜೋಕುಲೆನ ಸೌಭಾಗ್ಯ ಸಮೃದ್ಧಿಗಾದ್ ಶ್ರೀ ಸೌಭಾಗ್ಯ ಪನ್ಪಿನ ಸೇವಾ ಲೇಸ್ ಸುರು ಮಲ್ದ್ಂಡ್.
ಅತ್ತಂದೆ ಇದಮುಟ್ಟ ಸುಮಾರ್ 416 ಪೊಣ್ಣು ಜೋಕುಲೆಗ್ ಧರ್ಮೊಗು ಬಂಗಾರ್ ದ ಮೂಗುತಿ ಕೊರ್ತುಂಡು. ಅಂಚಾದ್ ನನದ ದಿನಟ್ಟ್ ಈ ಸೇವೆನ್ ರಾಜ್ಯ ಮಟ್ಟಡ್ ನಡಪಾವುನ ಬಗ್ಗೆ ಗುರುಕುಲೆಡ ಪಾತೆರಿಯೆರೆ ಹಿಂದೂ ಧರ್ಮ, ರಾಷ್ಟ್ರ, ಸಂಸ್ಕೃತಿ, ರಕ್ಷಕೆರ್ ಅರುಣ್ ಕುಮಾರ್ ಪುತ್ತಿಲ ಮೇರ್ ಬರಿಯೆರೆ ಉಲ್ಲೆರ್ ಪಂದ್ ಮಠತ್ತ ಪ್ರಕಟಣೆ ತೆರಿಪಾದ್ಂಡ್.

June 10 th – Arun Puttila to visit Shankarpura

Udupi: Arun Kumar Puttila from Sri Sai Eshwar Guruji’s Dwarakamai Mutt will visit Shankarpura on June 10 th .

The Dwarakamai Mutt is known for establishing a single religious organization and rendering humanitarian services to the society.

Dr Rohith Shetty is selected as the president of Narayana Netralaya ನಾರಾಯಣ ನೇತ್ರಾಲಯದ ಅಧ್ಯಕ್ಷೆರಾದ್ ಡಾ. ರೋಹಿತ್ ಶೆಟ್ಟಿ ಆಯ್ಕೆ

ಬೆಂಗ್ಲೂರ್: ನಾರಾಯಣ ನೇತ್ರಾಲಯದ ಅಧ್ಯಕ್ಷೆರ್ ಡಾ.ಭುಜಂಗ ಶೆಟ್ಟಿ ಮೇರ್ ಇಂಚೊಗು ದೇವೆರೆ ಪಾದ ಸೇರಿ ಬೊಕ್ಕ ಅರೆನ ಮರ್ಮಾಯೆ ಡಾ.ರೋಹಿತ್ ಶೆಟ್ಟಿ ಮೇರ್ ಅಧ್ಯಕ್ಷೆರಾದ್ ಆಯ್ಕೆ ಆತೆರ್.

ಸಂಸ್ಥೆದ ಸಂಸ್ಥಾಪನಾಧ್ಯಕ್ಷೆರ್ ಡಾ. ಭುಜಂಗ ಶೆಟ್ಟಿ ಮೇರ್ ಮೇ19 ಕ್ಕ್ ತಿಗಲೆ ಬೇನೆಡ್ ತೀರ್ ಪೋತೆರ್. ಆಸ್ಪತ್ರೆದ ಉಪಾಧ್ಯಕ್ಷೆರಾದಿತ್ತಿನ ರೋಹಿತ್ ಶೆಟ್ಟಿ ಇತ್ತೆ ಅಧ್ಯಕ್ಷೆರಾದ್ ಆಯ್ಕೆ ಆತೆರ್.

ಪುಗರ್ತೆದ ಕಣ್ಣ್ ದ ವೈದ್ಯೆರ್ ಡಾ. ಭುಜಂಗ ಶೆಟ್ಟಿ ಮೆರೆನ ಆದರ್ಶ, ಆಶಯ ಇಂಚೆನೇ ದುಂಬರಿವೊಂದು ಪೋಪುಂಡು. ಆಸ್ಪತ್ರೆನ್ ನನಾತ್ ಮಲ್ಲ ಮಟ್ಟಗ್ ಕೊನೊಯೆರೆ ಉಂಡು. ಸಮಾಜದ ಮಾತ ವರ್ಗದಕ್ಲೆಗ್ ಎಡ್ಡೆ ಗುಣಮಟ್ಟದ ಕಣ್ಣ್ ದ ಆರೈಕೆ ಸೇವೆ ಕೊರಿಯೆರೆ ಉಂಡು ಪಂದ್ ಡಾ. ರೋಹಿತ್ ಶೆಟ್ಟಿ ಪಂಡೆರ್.

Dr Rohith Shetty is selected as the president of Narayana Netralaya

Bangalore: With the demise of Dr Bujang Shetty the founder president of Narayana Netralaya, Rohith Shetty has been selected as president.

Dr Rohith Shetty who was previously the vice president said that he would strive to take forward the ideals, plans and ideas set by Dr Bujang Shetty.

Cough and cold …. Take home remedies ತೆಮ್ಮ, ಶೀತನಾ..‌.‌ ಅಂಚಾಂಡ ಇಲ್ಲದ ಮರ್ದ್ ನ್ ಗಲಸ್ ಲೆ

ಸಾಮಾನ್ಯವಾದ್ ಶೀತ, ತೆಮ್ಮದ ಸಮಸ್ಯೆ ಮಾರಿಯಲಡ್ ಸುರು ಆಪಿನ ಸಹಜ.

ಇಂಚಿನ ಸಮಸ್ಯೆ ಸುರು ಆಯಿ ಪೆಟ್ಟಿಗೆ ಜನಕುಲು ಆಸ್ಪತ್ರೆಗ್ ಪೋಪಿನನೇ ಎಚ್ಚ. ಅವೆರ್ದ್ ಅಟಿಲ್ದ ಕೋಣೆಡೇ ಇತ್ತಿನ ಕೆಲವು ಸೊತ್ತುನ್ ಗಲಸ್ ದ್ ಈ ಸಮಸ್ಯೆನ್ ಸುರುಟ್ಟೆ ಸರಿ ಮಲ್ಪೊಲಿ.‌

ಅವು ಎಂಚ ಪಂಡ ಇಂಚ:

ಎಚ್ಚಿನಸರ್ತಿ ಇಲ್ಲದ ಕೆಲವು ಮರ್ದ್ ನ್ ಗಲಸುನೆರ್ದ್ ತೆಮ್ಮ, ಸೀತದ ಸಮಸ್ಯೆ ಕಮ್ಮಿ ಆಪುಂಡು.

•ಲಿಂಬೆಪುಳಿ, ಕಲ್ಲ್ ಸೆಕ್ಕರೆ ಬೊಕ್ಕ ಎಡ್ಡೆ ಮುಂಚಿನ್ ಸೇರ್ಸಾದ್ ಗಟ್ಟಿ ಆಯಿನ ಪಾಕ ಮಲ್ತ್ ದ್, ಈ ಪಾಕನ್ ದಿನೊಲ 2 ಚಮಚ ಪರೊಂದು ಬತ್ತ್ ದ್ ಕಫ ಕಮ್ಮಿ ಆಪಿನಿ ಅತ್ತಂದೆ ತೆಮ್ಮಲ ಕಮ್ಮಿ ಆಪುಂಡು.
•ಉಪ್ಪುದೊಟ್ಟುಗೆ ಶುಂಠಿ ಬೊಕ್ಕ ಲವಂಗನ್ ಸೇರ್ಸಾದ್ ಅಗ್ಗಿಂಡಲ ಕಫ ಬೊಕ್ಕ ದೊಂಡೆ ಬೇನೆ ಕಮ್ಮಿ ಆಪುಂಡು.

A massive Tirupati Balaji temple to open doors in Jammu and Kashmir today ಜಮ್ಮುಡು ಇನಿ ಮಹಾ‌ಮಲ್ಲ ತಿರುಪತಿ ಬಾಲಾಜಿ ದೇವಲ್ಯ ಉದಿಪನ

ಜಮ್ಮು ಬೊಕ್ಕ ಕಾಶ್ಮೀರದ ಮಜೀನ್ ದ ಶಿವಾಲಿಕ್ ಕಾಡ್ ದ ನಡುಟ್ ಇಪ್ಪುನ ತಿರುಪತಿ ಬಾಲಾಜಿ ದೇವಲ್ಯ ಗುರುವಾರ ಉದಿಪನ ಆವರೆ ಉಂಡು.

ಜಮ್ಮು ಬೊಕ್ಕ ಕಾಶ್ಮೀರದ ಲೆಫ್ಟಿನೆಂಟ್ ಗವರ್ನರ್ ಮನೋಜ್ ಸಿನ್ಹಾ ಮೇರ್ ಶ್ರೀ ಬಾಲಾಜಿ ವೆಂಕಟೇಶ್ವರ ಸ್ವಾಮಿ ದೇವಲ್ಯನ್ ಉದಿಪನ ಮಲ್ಪುವೆರ್.

62 ಎಕರೆ ಜಾಗೆಡ್ ನಿರ್ಮಾಣ ಆಯಿನ ಈ ದೇವಲ್ಯ ಜಮ್ಮು ಪ್ರದೇಶದ ಮಹಾಮಲ್ಲ ದೇವಲ್ಯ ಆದುಂಡು. ಕೇಂದ್ರಾಡಳಿತ ಪ್ರದೇಶಡ್ ಧಾರ್ಮಿಕ ಬೊಕ್ಕ ತೀರ್ಥಯಾತ್ರೆ ಪ್ರವಾಸೋದ್ಯಮನ್ ಎಚ್ಚ ಮಲ್ಪುನ ನಿರೀಕ್ಷೆ ಉಂಡು.

30 ಕೋಟಿ ರೂ. ಕರ್ಚಿಡ್ ನಿರ್ಮಾಣ ಆಯಿನ ಈ ದೇವಲ್ಯ ಆಂಧ್ರಪ್ರದೇಶದ ಪಿದಯಿ ನಿರ್ಮಾಣ ಆಯಿನ ಆಜಿನೇ ಬಾಲಾಜಿ ದೇವಲ್ಯ ಆತ್ಂಡ್. ಬೇತೆ ಐನ್ ಬಾಲಾಜಿ ದೇವಲ್ಯ ತಿರುಮಲ ತಿರುಪತಿ ದೇವಸ್ಥಾನಂ (ಟಿಟಿಡಿ) ಹೈದರಾಬಾದ್, ಚೆನ್ನೈ, ಕನ್ಯಾಕುಮಾರಿ, ಡೆಲ್ಲಿ ಬೊಕ್ಕ ಭುವನೇಶ್ವರಡ್ ಉಂಡು.

A massive Tirupati Balaji temple to open doors in Jammu and Kashmir today

The temple is in the the forest area of Shivalik of Majin in Jammu and Kashmir.

Built at a cost of thirty crores on 62 acres area it is the sixth temple of tirupati Balaji outside Andhra Pradesh.

You Missed