Fri. Nov 20th, 2026

ಟೈಮ್ಸ್ ಆಫ್ ಕುಡ್ಲ ತುಳು ನ್ಯೂಸ್ Times of Kudla Tulu News

Tulunadu Porlu Seva Trust(R)- organise free distribution of school books for children ತುಳುನಾಡ ಪೊರ್ಲು ಸೇವಾ ಟ್ರಸ್ಟ್(ರಿ.) ವತಿರ್ದ್ ಜೋಕುಲೆಗ್ ಬೂಕು ಪಟ್ಟುನ ಲೇಸ್

ತುಳುನಾಡ ಪೊರ್ಲು ಸೇವಾ ಟ್ರಸ್ಟ್(ರಿ.) ವತಿರ್ದ್ 2023ನೇ ವರ್ಷದ ಶೈಕ್ಷಣಿಕ ಸೇವಾ ಯೋಜನೆಡ್ ಶಂಭೂರು ಸರಕಾರಿ ಶಾಲೆದ 170 ಜೋಕುಲೆಗ್ ಬೊಕ್ಕ ಕುಂಟಾಲಪಲ್ಕೆ ಸಹಕಾರಿ ಶಾಲೆದ 33 ಜೋಕುಲೆಗ್ ಬೂಕು ಪಟ್ಟುನ ಲೇಸ್ ನಡತ್ಂಡ್.

ಈ ಪೊರ್ತುಡು ಶಾಲಾಭಿವೃದ್ಧಿ ಸಮಿತಿದಕುಲು, ಶಿಕ್ಷಕ ವೃಂದ, ಜೋಕುಲೆನ ಪೋಷಕೆರ್ ಬೊಕ್ಕ ಟ್ರಸ್ಟ್ ದಕುಲು ಇತ್ತೆರ್.

June 11 th – ‘ Bondabisheka ‘ at Bappanadu Shri Durgaparameshwari temple ಜೂ.11: ಬಪ್ಪನಾಡ್ ದೇವಲ್ಯಡ್ ಬೊಂಡ ಅಭಿಷೇಕ

ಮುಲ್ಕಿ: ಶ್ರೀ ದುರ್ಗಾಪರಮೇಶ್ವರಿ ಸೇವಾ ಯುವಕ ವೃಂದದ ವತಿರ್ದ್ ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯಡ್ ಲೋಕ ಕಲ್ಯಾಣಾರ್ಥವಾದ್, ಜೂನ್ 11 ಐತಾರ ಸಾರ್ವಜನಿಕ ಬೊಂಡದ ಅಭಿಷೇಕ ನಡಪರೆ ಉಂಡು.

ಈ ಲೇಸ್ ಗ್ ಬೊಂಡ ಕೊರ್ಪಿನ ಭಕ್ತಾಭಿಮಾನಿಲು ಮಾತ ಜೂನ್ 10 ಸನಿಯಾರದಾನಿ ದೇವಲ್ಯಗ್ ಕನತ್ ಕೊರೊಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.

June 11 th – ‘ Bondabisheka ‘ at Bappanadu Shri Durgaparameshwari temple

Mulki: Shri Durga parameshwari Seva Yuvaka Vrinda will organise sarvajanika
‘ Bondabisheka ‘ on June 11 th for the welfare of society.

A driver at the DK district commissioner’s office commits suicide ಬಲ್ಲ್ ಪಾಡೊಂದು ತೀರ್ ಪೋಯೆರ್ ಜಿಲ್ಲಾಧಿಕಾರಿ ಕಚೇರಿದ ಡ್ರೈವರ್

ಕುಡ್ಲ: ದಕ್ಷಿಣಕನ್ನಡ ಜಿಲ್ಲಾಧಿಕಾರಿ ಕಚೇರಿದ ಗಾಡಿ ಡ್ರೈವರ್ ಬಾಲಕೃಷ್ಣ (58) ಮೇರ್ ಗುರುವಾರ ತನ್ನ ಇಲ್ಲಲ್ ಬಲ್ಲ್ ಪಾಡೊಂದು ತೀರ್ ಪೋಯಿನ ಘಟನೆ ನಡತ್ಂಡ್.

ಬಂಗ್ರಕೂಳೂರು ಮಾಲಾಡಿ ಕೋರ್ಟ್‌ ಕೈತಲ್ ದ ರಾಘವೇಂದ್ರ ನಿಲಯಡ್ ವಾಸ ಇತ್ತಿನ ಮೇರ್ ನೇರ್ದ್ ದುಂಬು ಆರೋಗ್ಯ ಇಲಾಖೆಡ್ ಡ್ರೈವರ್ ಆದಿತ್ತೆರ್. ಬೊಕ್ಕ ಕೆಲವು ಜನ ಜಿಲ್ಲಾಧಿಕಾರಿಲೆನ ಕಾರ್ ದ ಡ್ರೈವರ್ ಆದ್ ಬೇಲೆ ಮಲ್ತೊಂದು ಇತ್ತೆರ್. ತಿಗಲೆ ಬೊಕ್ಕ ಕರ್ಲ್ ದ ತೊಂದರೆರ್ದ್ ನರಲೊಂದು ಇತ್ತಿನ ಮೇರ್ ಚಿಕಿತ್ಸೆ ಪಡೆವೊಂದು ಇತ್ತೆರ್. ಈ ಬಗೆಟ್ ಮೆರೆನ ಮಗೆ ಚೇತನ್‌ ಕೊರಿನ ದೂರುದಂಚೆನೆ ಕಾವೂರು ಪೊಲೀಸೆರ್ ಕೇಸ್ ದಾಖಲ್ ಮಲ್ದೆರ್.

A driver at the DK district commissioner’s office commits suicide

Mangalore: Balakrishna (58) driver at the DK district commissioner’s office commits suicide in his house at Bengrekuloor

Mangaluru: Fraud in house deal led to Ashiwni’s suicide in Kumpala ಉಳ್ಳಾಲ: ಕುಂಪಲದ ಅಶ್ವಿನಿನ ಆತ್ಮಹತ್ಯೆಗ್ ತಿಕ್ಕ್ಂಡ್ ಕಾರಣ; ಇಲ್ಲ್ ಒಕ್ಕೆಲ್‌ದಾನಿಯೇ ಇಲ್ಲಗ್ ಬತ್ತಿನ ಬ್ಯಾಂಕ್ ಸೀಝರ್‌ನಕುಲು

ಉಳ್ಳಾಲ: ಗೃಹ ಪ್ರವೇಶ ಮಲ್ತ್‌ದ್ 5ನೇ ದಿನಟ್ಟೆ ಉಳ್ಳಾಲ ಕುಂಪಲದ ಪೊಸ ಇಲ್ಲಡ್ ಪೊಣ್ಣ್ ಆತ್ಮಹತ್ಯೆ ಮಲ್ತಿನ ಘಟನೆಗ್ ಕಾರಣ ತಿಕ್ಕ್‌ದ್ಂಡ್.

ಮೂಲತಃ ಫರಂಗಿಪೇಟೆದ ಇತ್ತೆ ಕುಂಪಲ ಚಿತ್ರಾಂಜಲಿನಗರದ ನಿವಾಸಿ ಅಶ್ವಿನಿ ಬಂಗೇರ(25) ಆತ್ಮಹತ್ಯೆ ಮಲ್ತಿನ ಪೊಣ್ಣ್.

ಇಲ್ಲ್ ದೆತೊನಿನ ಪೊಂಜೊವು ಒರ್ತಿ ಕಾಸ್ ಕೊರ್ದು ಒಂಜಿ ಕಡೆಟ್ಟ್ ಮೋಸ ಪೋಂಡಾ, ನನೊಂಜಿ ಕಡೆಟ್ಟ್ ಇಲ್ಲದ ಬ್ಯಾಂಕ್ ಸಾಲ ಮರುಪಾವತಿಗ್ ಇಲ್ಲ್ ಒಕ್ಕೆಲ್‌ದಾನಿಯೇ ಬ್ಯಾಂಕ್ ಸಿಬ್ಬಂದಿಲು ಇಲ್ಲಗ್ ಬತ್ತಿದಿನನ್ ತೂದು ಅಶ್ವಿನಿ ಮೆರೆಗ್ ಮುಜುಗರ ಆದಿತ್ತ್ಂಡ್. ಉಂದೆರ್ದ್ ಬೇಚಾರ್ ಆದ್ ಆತ್ಮಹತ್ಯೆ ಮಲ್ತ್‌ದೆರ್ ಪಂದ್ ತಾನ್ ಬರೆದ್ ದೀತಿನ ೧೫ ಪುಟತ್ತ ಡೆತ್‌ನೋಟ್‌ಡ್ ಬಹಿರಂಗ ಆತ್ಂಡ್.

First Showers of the season in Mangalore today ಇನಿ ಕುಡ್ಲಡ್ ಸುರೂತ್ತ ಬರ್ಸ

ಕುಡ್ಲ: ಪೇಂಟೆಡ್ ಇನಿ ಕಾಂಡೆನೇ ತೆಡಿಲ್‌ದೊಟ್ಟುಗು ಭಾರೀ ಬರ್ಸ ಬೈದ್ಂಡ್. ಇಡೇ ಮುಟ್ಟ ದೊಂಬೇ ಇತ್ತ್‌ದ್ ಏಪ ಬರ್ಸ ಬರ್ಪುಂಡು ಪಂದ್ ಕಾತೊಂದಿತ್ತಿನ ತುಳುನಾಡ್‌ದ ಜನಕ್ಲೆನ ಮೊನೆಡ್ ಕುಷಿ ತೊಜೊಂದುಂಡು.

ಕೋಡೆ ಬಯ್ಯಗ್ ಮುಗಾಲ್ ಆದಿತ್ತ್‌ದ್, ಪೇಂಟೆದ ಕೆಲ ಕಡೆಟ್ಟ್ ಒಂತೆ ಬರ್ಸ ಬತ್ತಿತ್ಂಡ್. ಆಂಡ ಇನಿ ಕಾಂಡೆ 9 ಗಂಟೆರ್ದ್ ಬೊಕ್ಕ ಭಾರೀ ಬರ್ಸ ಬತ್ತ್‌ದಿತ್ತ್‌ದ್, ತಗ್ಗ್ ಇತ್ತಿನ ಪ್ರದೇಶಲು ಜಲಾವೃತ ಆತ್ಂಡ್. ನನ ಓರಾನೇ ಬರ್ಸ ಬತ್ತಿನೆಡ್ದಾವರ ಬೈಕ್ ಸವಾರಿ ಮಲ್ಪುನಕುಲು ಅಲ್ಪ ಅಲ್ಪ ಉಂತುದಿತ್ತೆರ್.

Karkala: Bus and Bike collusion – Motorist dies in the spot ಕಾರ್ಲ: ಬೈಕ್ ಬೊಕ್ಕ ಬಸ್ ಗುದ್ದುದು ತೀರ್ ಪೋಯಿನ ಬೈಕ್ ಸವಾರೆ

ಕಾರ್ಲ: ಬೈಕ್ ಬೊಕ್ಕ ಬಸ್ ಗುದ್ದುದು ಬೈಕ್ ಸವಾರೆ ಜಾಗೆಡೇ ತೀರ್ ಪೋಯಿನ ಘಟನೆ ಬೈಲೂರು ಪರಶುರಾಮ ಥೀಮ್ ಪಾರ್ಕ್ ದ ಕೈತಲ್ ನಡತ್ಂಡ್. ‌

ತೀರ್ ಪೋಯಿನಾರ್ ನೆಲ್ಲಿಗುಡ್ಡೆ ನಿವಾಸಿ ಕಾರ್ತಿಕ್ ಪಂದ್ ತೆರಿದ್ ಬೈದ್ಂಡ್. ಮೆರೆಗ್ ಬೊಡೆದಿ ಬೊಕ್ಕ 10 ತಿಂಗೊಲ್ದ ಬಾಲೆ ಉಲ್ಲೆರ್. ಮೆರೆನ ಪುನನ್ ಕಾರ್ಲ ಸರಕಾರಿ ಆಸ್ಪತ್ರೆದ ಶವಾಗಾರಡ್ ದೀತೆರ್. ಈ ಬಗೆಟ್ ನಗರ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.

Karkala: Bus and Bike collusion – Motorist dies in the spot

Karkala: In a collusion between a bike and bus near Parashurama theme park, the bike rider died on the spot. The deceased has been identified as Kartik from Nelligudde.

ಯುರೋಪ್ ಡ್ ಆಂಜೋವ್, ಪೊಂಜೋವ್ ನಕ್ಲೆಗ್ ಡ್ರೈವರ್ ಬೇಲೆ

ಕುಡ್ಲ: ಕೌಶಲ್ಯಾಭಿವೃದ್ಧಿ, ಉದ್ಯಮಶೀಲತೆ ಬೊಕ್ಕ ಜೀವನೋಪಾಯ ಇಲಾಖೆ ವತಿರ್ದ್ ಯುರೋಪ್ ದೇಶಡ್ ಖಾಲಿ ಇಪ್ಪುನ ಡ್ರೈವರ್ ಬೇಲೆದ ನೇಮಕಾತಿಗ್ ಆಸಕ್ತಿ ಇಪ್ಪುನ ಆಂಜೋವ್ ಬೊಕ್ಕ ಪೊಂಜೋವ್ ನಕುಲು ಅರ್ಜಿ ಸಂದಾವೊಲಿ.

ಮಲ್ಲ ಟ್ರಕ್ ಬೊಕ್ಕ ಟ್ರೇಲರ್ ಡ್ರೈವಿಂಗ್ ಬೇಲೆಗ್ ಅಭ್ಯರ್ಥಿಲು ಜೂನ್ 11 ತ್ತ ಉಲಯಿ ಅಶೋಕ ನಗರಡ್ ಇಪ್ಪುನ ಉರ್ವ ಮಾರ್ಕೆಟ್ ದ ಕಟ್ವಾನದ 2ನೇ ಮಾಳಿಗೆಡ್ ಇಪ್ಪುನ ಜಿಲ್ಲಾ ಕೌಶಲ್ಯಾಭಿವೃದ್ಧಿ ಕಚೇರಿಡ್ ಅರ್ಜಿ ಸಂದಾವೊಲಿ.

ಉಂದುವೇ ಜೂನ್ 20 ಬೊಕ್ಕ 21 ಕ್ಕ್ ಅಭ್ಯರ್ಥಿಲೆಗ್ ನೇರ ಸಂದರ್ಶನ ನಡಪರೆ ಉಂಡು. ಮೂಲವೇತನ 1,07,000 ರೂ. ರ್ದ್ 1,34,000 ರೂ. (1200-1500 ಯುರೋ) ಪ್ರತಿ ತಿಂಗೊಲ್ ಗ್ ಕೊರ್ಪೆರ್. ನೆತ್ತೊಟ್ಟಿಗೆ ವಸತಿ, ವಿಮೆ ಸವಲತ್ತ್ ರಡ್ಡ್ ಜನಕ್ಲ ಸಮಾನಾದ್ ಅವಕಾಶ ಉಂಡು. ಅಂಚೆನೆ ಇಂಗ್ಲೀಷ್ ಭಾಷೆ ಕಡ್ಡಾಯವಾದ್ ಗೊತ್ತಿಪ್ಪೊಡು.

ಎಚ್ಚದ ಪೊಲಬುಗಾದ್ ಜಿಲ್ಲಾ ಸಲಹೆಗಾರೆರ್ ಮೊ.ಸಂಖ್ಯೆ 911024845, 9141584259ಗ್ ಕಾಲ್ ಮಲ್ಪೊಲಿ ಪಂದ್ ಜಿಲ್ಲಾ ಕೌಶಲ್ಯಾಭಿವೃದ್ಧಿ ಅಧಿಕಾರಿ ಪ್ರಕಟಣೆಡ್ ತೆರಿಪಾದೆರ್.

” Bondabisheka” rituals to Goddess Durgaparameshwari at Kateel temple ಕಟೀಲ್ ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯಡ್ ಬೊಂಡದ ಅಭಿಷೇಕ

ಕಟೀಲ್: ಕಟೀಲ್ ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯಡ್ ಸಂಪ್ರದಾಯದಂಚೆನೆ ಅತ್ತೂರ್ ಕೊಡೆತ್ತೂರ್ ಗ್ರಾಮಸ್ಥೆರೆನ ವತಿರ್ದ್ ಬುಧಾರ ಬೊಂಡದ ಅಭಿಷೇಕ ನಡತ್ಂಡ್.

ಈ ಪೊರ್ತುಡು ಮಾಗಣೆದ ಭಕ್ತೆರ್ ಇತ್ತೆರ್.

Well known Doordarshan news reader Geetanjali Aiyer no more ಹುಷಾರ್‌ದಾಂತೆ ತೀರ್ ಪೋಯೆರ್ ದೂರದರ್ಶನದ ಪುಗರ್ತೆದ ನಿರೂಪಕಿ ಗೀತಾಂಜಲಿ ಅಯ್ಯರ್

ದಿಲ್ಲಿ: ದೂರದರ್ಶನದ ಸುರುತ್ತ ಇಂಗ್ಲಿಷ್ ಸುದ್ದಿ ನಿರೂಪಕಿ ಆಯಿನ ಪುಗರ್ತೆದ ಆಂಕರ್ ಗೀತಾಂಜಲಿ ಅಯ್ಯರ್ (76) ಬುಧಾರ ದಿಲ್ಲಿದ ಇಲ್ಲಡ್ ತೀರ್ ಪೋತೆರ್.

ಪಾರ್ಕಿನ್ಸನ್ ಸೀಕ್‌ರ್ದ್ ನರಲೊಂದು ಇತ್ತಿನ ಅಯ್ಯರ್ ಮೇರ್ ಬುಧಾರ ಬಯ್ಯಗ್ ವಾಕಿಂಗ್ ಮಲ್ತ್‌ದ್ ಇಲ್ಲಗ್ ಬತ್ತಿತ್ತೆರ್. ಅಯಿರ್ದ್ ಬೊಕ್ಕ ಒರಾನೇ ತಿರ್ತ್ ಬೂರ್ದೆರ್ ಪಂದ್ ಕುಟುಮದ ಮೂಲಲು ತೆರಿಪಾದೆರ್.

ದೂರದರ್ಶನಡ್ 30 ವರ್ಷರ್ದಿಂಚಿ ನಿರೂಪಕಿ ಆದಿತ್ತೆರ್. 4 ಸರ್ತಿ ಅತ್ಯುತ್ತಮ ನಿರೂಪಕಿ ಪ್ರಶಸ್ತಿನ್ ಪಡೆದ್ ಪತ್ರಿಕೋದ್ಯಮ ಕ್ಷೇತ್ರಡ್ ಮಸ್ತ್ ದಾಖಲೆನ್ ಮಲ್ತ್‌ದೆರ್.

Well known Doordarshan news reader Geetanjali Aiyer no more

Delhi: Geetanjali Aiyer (76) one of the foremost news readers in English on Doordarshan died due to illness in her home in New Delhi on Wednesday. She had been working for Doordarshan for 30 years and had won the best news reader award four times.

A man who became mentally unstable on the suicide of his wife, kills his daughter ಮಡುಟ್ಟು ಕಡ್ತ್ ದ್ ಮಗಲೆನೇ ಕೆರಿನ ಅಮ್ಮೆ

ಕೇರಳದ ಆಲಪ್ಪುಳಡ್ ಬೊಡೆದಿ ಆತ್ಮಹತ್ಯೆ ಮಲ್ತೊನ್ನ ಬಗೆಟ್ ಮಾನಸಿಕ ಆಯಿನ ವ್ಯಕ್ತಿಯೊರಿ ಮಗಲೆನೇ ಕೆರಿನ ಘಟನೆ ನಡತ್ ದ್ಂಡ್.

ಆರೋಪಿ ಆಲಪ್ಪುಳದ ಪುನ್ನಮೂಡು, ಮಾವೇಲಿಕ್ಕರ ಮೂಲದ ನಿವಾಸಿ ಮಹೇಶ್ ಪನ್ಪುನಾರ್ ಮಗಲ್ ನಕ್ಷತ್ರನ್ ಕೆರ್ತೆರ್.

ಮಹೇಶ್ ನ ಇಲ್ಲಲ್ ಬುಧಾರ ರಾತ್ರೆ ಸುಮಾರ್ 8 ಗಂಟೆಗ್ ನಕ್ಷತ್ರನ ಬೊಬ್ಬೆ ಕೇಂದ್ ಬತ್ತಿನ ಮಹೇಶ್ ನ ಅಮ್ಮ ಸುನಂದಾ (62) ಮೆರೆನ ಮಿತ್ತ್ ಲ ಮಹೇಶ್ ಪೆಟ್ಟ್ ಮಲ್ದೆರ್. ನೇರ್ದ್ ಮೆರೆನ ತರೆ ಬೊಕ್ಕ ನಾಲಿಗ್ ಪೆಟ್ಟಾತ್ಂಡ್. ಈ ಘಟನೆಗ್ ಕಾರಣ ನನ ಗೊತ್ತಾವೊಡಾತೆ. ಅತ್ತಂದೆ ಮಾನಸಿಕ ಕಾಯಿಲೆಗ್ ಈ ಆರೋಪಿ ನಾಲ್ ವರ್ಷೊದಿಂಚ ಚಿಕಿತ್ಸೆ ಪಡೆಯೊಂದು ಇತ್ತೆರ್ ಪಂದ್ ತೆರಿದ್ ಬೈದ್ಂಡ್.

A man who became mentally unstable on the suicide of his wife, kills his daughter

In an incident reported from Alleppey in Kerala a mentally unstable man Mahesh ,on medication for his mental illness brutally killed his daughter Nakshatra .
The reason for the crime is not yet known.

You Missed