Fri. Nov 20th, 2026

ಟೈಮ್ಸ್ ಆಫ್ ಕುಡ್ಲ ತುಳು ನ್ಯೂಸ್ Times of Kudla Tulu News

Radio Manipal to air ” Sangeeta Patha” series programme ರೇಡಿಯೊ ಮಣಿಪಾಲಡ್ ‘ಸಂಗೀತ ಪಾಠ’ ಸರಣಿ ಲೇಸ್

ಮಣಿಪಾಲ: ಸಮುದಾಯ ಬಾನುಲಿ ರೇಡಿಯೊ ಮಣಿಪಾಲ್ ಡ್ ಸಂಗೀತ ಶಿಕ್ಷಕೆರಾಯಿನ ಕಾವ್ಯಶ್ರೀ ಸೀತಾರಾಮ ಆಚಾರ್ಯ ಕೊಡವೂರು ನಡಪಾದ್ ಕೊರ್ಪಿನ ‘ಕಾವ್ಯಗಾನ -ಸಂಗೀತ ಪಾಠ’ ಲೇಸ್ ದ 11ನೇ ಸಂಚಿಕೆ ಜೂನ್ 9 ಸುಕ್ರಾರ ಬಯ್ಯಗ್ 5.30 ಕ್ಕ್ ಪ್ರಸಾರ ಆಂಡ್.

ಈ ಲೇಸ್ ಡ್ ಕಲ್ಪಾರ್ಥಿಯಾದ್ ಪುಟಾಣಿ ಅನಘ ಪಾಲ್ ಪಡೆಯೆರ್. ನನ ಈ ಲೇಸ್ ಜೂನ್ 10 ಸನಿಯಾರ ಮಧ್ಯಾಹ್ನ 1.30ಕ್ಕ್ ಕುಡೊರ ಪ್ರಸಾರ ಆಪುಂಡು.

Fire reported in Durgapuri Express in Odisha – Passengers panic ಒಡಿಶಾದ ದುರ್ಗ್‌ಪುರಿ ಎಕ್ಸ್‌ಪ್ರೆಸ್ ರೈಲ್‌ಡ್ ತೂ-ಪೋಡಿನ ಪ್ರಯಾಣಿಕೆರ್

ಒಡಿಶಾ: ಒಡಿಶಾದ ಬಾಲಸೋರ್‌ಡ್ ನಡತಿನ ರೈಲ್ ದುರಂತ ಆಜುನ ದುಂಬೇ, ನೌಪಾದಾ ಜಿಲ್ಲೆಯ ದುರ್ಗ್‌ಪುರಿ ಎಕ್ಸ್‌ಪ್ರೆಸ್‌ದ ಬೋಗಿದ ಉಲಯಿ ತೂ ತೋಜಿದಿತ್ತ್‌ದ್, ಪ್ರಯಾಣಿಕೆರ್ ಪೋಡಿದ್ ಪೋತಿನ ಘಟನೆ ನಡತ್ಂಡ್.

ದುರ್ಗ್‌ಪುರಿ ಎಕ್ಸ್‌ಪ್ರೆಸ್ ಖರಿಯಾರ್ ನಿಲ್ದಾಣಗ್ ಪೋವೊಂದಿತ್ತಿಲೆಕ್ಕನೆ ರೈಲ್‌ದ ಬಿ3 ಕೋಚ್‌ಡ್ ಪೊಗೆ ತೋಜಿದ್ಂಡ್. ರೈಲ್ವೆ ಅಧಿಕಾರಿಲು ಒಂಜಿ ಗಂಟೆದ ಉಲಯಿ ಸಮಸ್ಯೆನ್ ಬಗೆಹರಿಸಾದೆರ್. ಘಟನೆಡ್ ಒವ್ವೇ ಪೆಟ್ಟ್ ಆವಾಡ್ ಅತ್ತ್ಂಡ ಜೀವಗ್ ತೊಂದರೆ ಆತಿಜಿ. ರೈಲ್‌ದ ಬ್ರೇಕ್ ಪ್ಯಾಡ್‌ಲೆಡ್ ತೂ ಪೊತ್ತ್‌ದ್ಂಡ್.

Beltangady BJP unit-organise a special implementation procedure meeting ಬೊಲ್ತೇರ್ ಬಿಜೆಪಿ ಮಂಡಲ ಮುತಾಲಿಕೆಡ್ ವಿಶೇಷ ಕಾರ್ಯಾಚರಣೆ ಸಭೆ

ಬೊಲ್ತೇರ್: ಭಾರತೀಯ ಜನತಾ ಪಾರ್ಟಿ ಬೊಲ್ತೇರ್ ಮಂಡಲ ಮುತಾಲಿಕೆಡ್ ವಿಶೇಷ ಕಾರ್ಯಾಚರಣೆ ಸಭೆ ಜೂ.9 ಗ್ ಲಾಯಿಲ ಸಂಗಮ ಸಭಾಭವನಡ್ ನಡತ್ಂಡ್.

ಬಿಜೆಪಿ ಜಿಲ್ಲಾ ವಕ್ತಾರ, ಮಂಡಲ ಪ್ರಭಾರಿ ಹರಿಕೃಷ್ಣ ಬಂಟ್ವಾಳ್ ತುಡರ್ ಅರ್ಲಾದ್ ಲೇಸ್‌ನ್ ಉದಿಪನ ಮಲ್ತೆರ್.

ಅಯಿರ್ದ್ ಬೊಕ್ಕ ಪಾತೆರಿನ ಆರ್, ಬಿಜೆಪಿ ಸೋಲ್‌ದ ಮುಟ್ಟುನು ಬರ್ತ್‌ದೆ ಮಿತ್ತ್ ಬತ್ತಿನವು. ಬಿಜೆಪಿ ಕರ್ನಾಟಕಡ್ ಸೋತ್‌ದ್ ಇಪ್ಪು. ಆಂಡ ರಾಷ್ಟ್ರದ ಅಭಿವೃದ್ದಿ, ಸಂಘಟನೆ, ವಿಚಾರಡ್ ಸೋಪರೆ ಸಾಧ್ಯ ಇಜ್ಜಿ ಪಂದ್ ಪಂಡೆರ್.

ಲೇಸ್‌ಡ್ ವಿಧಾನ ಪರಿಷತ್ ಸದಸ್ಯೆರ್ ಪ್ರತಾಪ್ ಸಿಂಹ ನಾಯಕ್, ಮಂಡಲ ಉಸ್ತುವಾರಿ ಸುಧೀರ್ ಶೆಟ್ಟಿ ಕಣ್ಣೂರು, ಮಂಡಲದ ಅಧ್ಯಕ್ಷೆರ್ ಜಯಂತ ಕೋಟ್ಯಾನ್ ಸೇರಿನಂಚನೆ ಪ್ರಮುಖ ಕಾರ್ಯಕರ್ತೆರ್ ಇತ್ತೆರ್.

Bantwal: Youth electrocuted while plucking areca nuts using hook ಮೆಲ್ಕಾರ್: ಕರೆಂಟ್ ಶಾಕ್ ಹಾಕ್‌ದ್ ತೀರ್ ಪೋಯಿನ ಜವನ್ಯೆ

ಬಂಟ್ವಾಳ: ಬಜ್ಜಯ್ ದೆತೊಂದಿಪ್ಪುನಗ ಕರೆಂಟ್ ಶಾಕ್ ಹಾಕ್‌ದ್ ಜವನ್ಯೆ ಒರಿ ತೀರ್ ಪೋಯಿನ ಘಟನೆ ಮೆಲ್ಕಾರ್‌ದ ಅಲಂಪಾಡಿ ಕೈತಲ್ ನಡತ್ಂಡ್.

ಬೋಳಿಯಾರ್‌ದ ನಿವಾಸಿ ಇಬ್ರಾಹೀಂ ಅರೆನ ಮಗೆ ಶಾಫೀ (29) ತೀರ್ ಪೋಯಿನ ಜವನ್ಯೆ.

ಅಲಂಪಾಡಿ ಕೈತಲ್ ತೋಟದ ಬೇಲೆಗ್ ಪೋತಿನ ಶಾಫೀ ಬಜ್ಜಯಿ ದೆಪ್ಪರೆ ಪಂದ್ ಉದ್ದದ ಸಲಾಖೆನ್ ಕತ್ತಿ ಕಟ್ಟ್‌ದ್ ಮಿತ್ತ್ ದೆರ್ಪುನಗ ಕರೆಂಟ್ ಶಾಕ್ ಹಾಕ್‌ದ್ ಜಾಗೆಡೆ ತೀರ್ ಪೋತೆರ್.

Mangaluru: Biparjoy cyclone alert – Fishermen warned not to venture into sea ಕುಡ್ಲ: ಬಿಪರ್‌ಜಾಯ್ ಅಲರ್ಟ್- ತೆಡಿಲ್‌ದೊಟ್ಟುಗು ಭಾರೀ ಬರ್ಸ ಬರ್ಪಿನ ಸಾಧ್ಯತೆ, ಮೀನುಗಾರೆರೆಗ್ ಎಚ್ಚರ್ಗೆ

ಕುಡ್ಲ: ಬಿಪರ್‌ಜಾಯ್ ಚಂಡಮಾರುತ ಅರಬ್ಬೀ ಸಮುದ್ರಡ್ ಮಸ್ತ್ ಪ್ರಭಾವ ಬೂರ್ದಿತ್ತ್‌ದ್, ದುಂಬುದ ಕೆಲ ಗಂಟೆಲೆಡ್ ತುಳುನಾಡ್‌ಡ್ ಭಾರೀ ಬರ್ಸ ಬರ್ಪಿನ ಸಾಧ್ಯತೆ ಉಂಡು.

ಬಿಪರ್‌ಜಾಯ್ ಚಂಡಮಾರುತ ಈ ಸುರುಕ್ಕ್ ಊಹೆ ಮಲ್ತಿನೆರ್ದ್‌ಲ ತೀವ್ರ ಆದ್ ಉಂಡು. ಉಂಡು ಈ ಚಂಡಮಾರುತದ ಪರಿಣಾಮ ರಾಜ್ಯಡ್ ದುಂಬುದ 3-4 ದಿನಟ್ಟ್ ಕೆಲ ರಾಜ್ಯಲೆಡ್ ಬರ್ಸ ಬರ್ಪಿನ ಸಾಧ್ಯತೆನ್ ಹವಾಮಾನ ಇಲಾಖೆ ಕೊರ್ತ್ಂಡ್. ಜೂ.9-ಜೂ.12 ಮುಟ್ಟ ಮೀನುಗಾರೆರ್ ಕಡಲ್‌ಗ್ ಪೋವಂದಿಲೆಕ್ಕ ಎಚ್ಚರ್ಗೆ ಕೊರ್ತೆರ್.

DK district minister in charge will be Dinesh Gundurao and Lakshmi Hebbalkar will be in charge of Udupi district ದಕ್ಷಿಣ ಕನ್ನಡ ಜಿಲ್ಲೆಗ್ ದಿನೇಶ್ ಗುಂಡೂರಾವ್, ಒಡಿಪು ಜಿಲ್ಲೆಗ್ ಲಕ್ಷ್ಮಿ ಹೆಬ್ಬಾಳ್ಕರ್ ಉಸ್ತುವಾರಿ ಸಚಿವೆರ್

ಬೆಂಗ್ಲೂರ್: ಜಿಲ್ಲಾ ಉಸ್ತುವಾರಿ ಸಚಿವೆರೆನ್ ನೇಮಕ ಮಲ್ತ್ ದ್ ರಾಜ್ಯ ಸರ್ಕಾರ ಆದೇಶ ಕೊರ್ತುಂಡು.

ನೆಟ್ಟ್ ದಕ್ಷಿಣಕನ್ನಡ ಜಿಲ್ಲೆಗ್ ದಿನೇಶ್ ಗುಂಡೂರಾವ್, ಒಡಿಪು ಜಿಲ್ಲೆಗ್ ಲಕ್ಷ್ಮಿ ಹೆಬ್ಬಾಳ್ಕರ್ ಉಸ್ತುವಾರಿಯಾದ್ ನೇಮಕ ಆತೆರ್.

ಏರೆಗ್ ವಾ ಜಿಲ್ಲೆ?

•ಬೆಂಗ್ಲೂರ್ ಪೇಂಟೆ- ಡಿ.ಕೆ.ಶಿವಕುಮಾರ್​
•ತುಮಕೂರು -ಡಾ.ಜಿ.ಪರಮೇಶ್ವರ್​
•ಗದಗ- ಹೆಚ್​.ಕೆ.ಪಾಟೀಲ್
•ಬೆಂಗ್ಲೂರ್ ಗ್ರಾಮಾಂತರ- ಕೆ.ಹೆಚ್​. ಮುನಿಯಪ್ಪ
•ರಾಮನಗರ- ರಾಮಲಿಂಗಾರೆಡ್ಡಿ,
•ಚಿಕ್ಕಮಗಳೂರು- ಕೆ.ಜೆ.ಜಾರ್ಜ್​,
•ವಿಜಯಪುರ- ಎಂ.ಬಿ. ಪಾಟೀಲ್​
•ಮೈಸೂರ್- ಹೆಚ್​.ಸಿ.ಮಹದೇವಪ್ಪ,
•ಬೆಳಗಾವಿ- ಸತೀಶ್ ಜಾರಕಿಹೊಳಿ,
•ಕಲಬುರಗಿ-ಪ್ರಿಯಾಂಕ್​ ಖರ್ಗೆ,
•ಹಾವೇರಿ-ಶಿವಾನಂದ ಪಾಟೀಲ್,
•ವಿಜಯನಗರ- ಜಮೀರ್​ ಅಹ್ಮದ್ ಖಾನ್​,
•ಯಾದಗಿರಿ- ಶರಣಬಸಪ್ಪ ದರ್ಶನಾಪುರ,
•ಬೀದರ್- ಈಶ್ವರ್ ಖಂಡ್ರೆ,
•ಮಂಡ್ಯ-ಚಲುವರಾಯ ಸ್ವಾಮಿ
•ದಾವಣಗೆರೆ-ಎಸ್​. ಎಸ್​.ಮಲ್ಲಿಕಾರ್ಜುನ್​,
•ಧಾರವಾಡ-ಸಂತೋಷ್ ಲಾಡ್,
•ರಾಯಚೂರು- ಶರಣಪ್ರಕಾಶ್ ಪಾಟೀಲ್​,
•ಬಾಗಲಕೋಟೆ- ಆರ್​.ಬಿ. ತಿಮ್ಮಾಪುರ,
•ಚಾಮರಾಜನಗರ- ಕೆ.ವೆಂಕಟೇಶ್​,
ಕೊಪ್ಪಳ-ಶಿವರಾಜ್​ ತಂಗಡಗಿ ನೇಮಕ ಆತೆರ್.

June 11 th: CM Siddaramaiah to be conducter in BMTC bus!! ಜೂ.11 ಕ್ಕ್ ಬಿಎಂಟಿಸಿ ಬಸ್ ಕಂಡಕ್ಟರ್ ಆಯೆರೆ ಉಲ್ಲೆರ್ ಸಿಎಂ ಸಿದ್ದರಾಮಯ್ಯ!

ಬೆಂಗ್ಲೂರ್: ಕಾಂಗ್ರೆಸ್‌ ಸರ್ಕಾರದ ಗ್ಯಾರಂಟಿ ಯೋಜನೆಲೆಡ್ ಸುರುತ್ತ ಯೋಜನೆ ಪೊಂಜೋವ್ ನಕ್ಲೆಗ್ ಧರ್ಮೊಗು ಬಸ್‌ ಪ್ರಯಾಣದ ‘ಶಕ್ತಿ’ ಯೋಜನೆ ಆತ್ಂಡ್. ಅಂಚಾದ್ ಜೂನ್ 11 ಕ್ಕ್ ಒಂಜಿ ದಿನತ್ತ ಮಟ್ಟ್ ಗ್ ಮುಖ್ಯಮಂತ್ರಿ ಸಿದ್ದರಾಮಯ್ಯ ಮೇರ್ ಬಸ್‌ ಕಂಡಕ್ಟರ್ ಆಯೆರೆ ಉಲ್ಲೆರ್.

ಮೇರ್ ಐತಾರ ಬೆಂಗ್ಲೂರ್ ದ ಮೆಜೆಸ್ಟಿಕ್‌ರ್ದ್ ಪಿದಾಡುನ ಮಾರ್ಗ ಸಂಖ್ಯೆ 43ತ್ತ ಬಿಎಂಟಿಸಿ ಬಸ್‌ಟ್ ಆ ದಿನ ಪಾರ್ಟ್‌ಟೈಂ ಕಂಡಕ್ಟರ್‌ ಆದ್ ಪೊಂಜೋವ್ ಪ್ರಯಾಣಿಕೆರ್ ಧರ್ಮೊಗು ಟಿಕೆಟ್‌ ಕೊರಿಯೆರೆ ಉಲ್ಲೆರ್.

ಅವೆರ್ದ್ ಬೊಕ್ಕ ವಿಧಾನಸೌಧಡ್ ನಡಪುನ ಲೇಸ್ ಡ್ ಯೋಜನೆದ ಅಧಿಕೃತ ಉದಿಪನ ಮಲ್ಪೆರೆ ಉಲ್ಲೆರ್. ಇಡೀ ದೇಶೊದ ಗೇನ ಒಯಿಪುನ ಗ್ಯಾರಂಟಿ ಯೋಜನೆದ ಉದಿಪನಲ ವಿಭಿನ್ನವಾದಿಪ್ಪೊಡು ಪನ್ಪುನ ಆಲೋಚನೆರ್ದ್ ಈ ಶೈಲಿಡ್ ಲೇಸ್ ನ್ ಸುರು ಮಲ್ಪೆರೆ ತೀರ್ಮಾನ ಮಲ್ದೆರ್ ಪಂದ್ ತೆರಿದ್ ಬೈದ್ಂಡ್.

June 11 th: CM Siddaramaiah to be conducter in BMTC bus!!

Bangalore: The first Scheme under the Congress party’s ‘Guarantee ‘ policy will come into effect with women passengers getting free ride in government buses . So CM Siddaramaiah will be a part time conducter on this day to issue free tickets to women passengers.

Speaker of Karnataka Vidhana Sabha meets Vice President Jagdeep Dhankar ಉಪ ರಾಷ್ಟ್ರಪತಿನ್ ಭೇಟಿ ಆಯಿನ ಯು.ಟಿ ಖಾದರ್

ವಿಧಾನಸಭೆ ಸ್ಪೀಕರಾದ್ ಆಯ್ಕೆ ಆಯಿನೇರ್ದ್ ಬೊಕ್ಕ ಯು.ಟಿ ಖಾದರ್ ಮೇರ್ ಸುರುತ್ತ ಸರ್ತಿ ಉಪ ರಾಷ್ಟ್ರಪತಿ ಜಗದೀಪ್ ಧನಕರ್ ಮೆರೆನ್ ಭೇಟಿ ಆಯೆರ್.

ಈ ಪೊರ್ತುಡು ಧನಕರ್ ಪಾತೆರ್ದ್, ಇತ್ ಎಲ್ಯ ಪ್ರಾಯಡ್ ಇರೆಗ್ ಸ್ಪೀಕರ್ ಜಬದಾರಿ ತಿಕ್ಕಿನವು ಪುಣ್ಯ, ಇರೆಗ್ ಇಪ್ಪುನ ರಾಜ್ಯ, ರಾಷ್ಟ್ರೀಯ ಬೊಕ್ಕ ಅಂತಾರಾಷ್ಟ್ರೀಯ ಅನುಭವನ್ ಸದನ ನಡಪಾವುನ ಪೊರ್ತುಡು ಸದ್ಬಳಕೆ ಮಲ್ಪುಲೆ. ಸದನದ ಘನತೆ, ಗೌರವನ್ ಒರಿಪಾಲೆ, ಎನ್ನ ಮಾರ್ಗದರ್ಶನ ಇರೆಗ್ ಏಪಲ ಇಪ್ಪುಂಡು ಪಂದ್ ಪಂಡೆರ್.

ಅಟಲ್ ಪೆನ್ಶನ್ ಯೋಜನೆದ ಅನುಷ್ಠಾನ: ಕರ್ನಾಟಕ ವಿಕಾಸ ಗ್ರಾಮೀಣ ಬ್ಯಾಂಕ್ ಗ್ ನನೊರ ರಾಷ್ಟ್ರ ಮಟ್ಟದ ಪುರಸ್ಕಾರ

ಕುಡ್ಲ: ಪ್ರಮುಖ ಗ್ರಾಮೀಣ ಬ್ಯಾಂಕ್ ಆಯಿನ ಕರ್ನಾಟಕ ವಿಕಾಸ ಗ್ರಾಮೀಣ ಬ್ಯಾಂಕ್, ಅಟಲ್ ಪಿಂಚಣಿ ಯೋಜನೆದ (ಏಪಿವೈ) ಅನುಷ್ಠಾನಗ್ ಸಂಬಂಧ ಪಟ್ಟಿನಂಚೆನೆ 2022-23 ನೇ ಅವಧಿಡ್ ಮಲ್ತಿನ ಎಡ್ಡೆ ಸಾಧನೆಗ್ ಸಂಬಂಧಪಟ್ಟಿನಂಚೆನೆ ಕುಡೊರ ರಾಷ್ಟ್ರಮಟ್ಟದ ಪ್ರಶಸ್ತಿನ್ ಪಡೆತ್ಂಡ್.

ಬುಧಾರ ಡೆಲ್ಲಿಡ್ ನಡತಿನ ನಡತಿನ ಇಸೇಸ ಲೇಸ್ ಒಂಜೇಟ್ ಬ್ಯಾಂಕ್‌ ಅಧ್ಯಕ್ಷೆರ್ ಶ್ರೀಕಾಂತ ಎಮ್ ಭಂಡಿವಾಡ, ಕೇಂದ್ರ ಸರ್ಕಾರದ ಹಣಕಾಸು ವಿಭಾಗದ ಕಾರ್ಯದರ್ಶಿ ಡಾ. ವಿವೇಕ ಜೋಶಿ ಮೆರೆರ್ದ್ ಪ್ರಶಸ್ತಿ ಫಲಕ ಸ್ವೀಕಾರ ಮಲ್ತೆರ್. ಈ ಪೊರ್ತುಡು ಪಿಂಚಣಿ ನಿಧಿ ನಿಯಂತ್ರಣ ಬೊಕ್ಕ ಅಭಿವೃದ್ಧಿ ಪ್ರಾಧಿಕಾರದ (ಪಿ ಎಫ್‌ ಆರ್ ಡಿ ಏ) ಅಧ್ಯಕ್ಷೆರ್ ಡಾ.ದೀಪಕ್ ಮೊಹಾಂತಿ ಇತ್ತೆರ್.

ಪ್ರಶಸ್ತಿ ಸ್ವೀಕಾರ ಮಲ್ತ್ ದ್, ಕರ್ನಾಟಕ ವಿಕಾಸ ಗ್ರಾಮೀಣ ಬ್ಯಾಂಕ್‌ ಅಧ್ಯಕ್ಷೆರ್, ಶ್ರೀಕಾಂತ ಭಂಡಿವಾಡ ಪಾತೆರ್ದ್, ಆರ್ಥಿಕವಾದ್ ಪಿರವೊರಿನ ಬೊಕ್ಕ ಕಮ್ಮಿ ಆದಾಯದ ವಿಶಾಲ ವರ್ಗಗ್ ಕಮ್ಮಿ ಕರ್ಚಿಡ್ ಪನವುದ ಸೇವೆನ್ ಎತ್ತಯೆರೆ ಬ್ಯಾಂಕ್ ಆದ್ಯತೆ ಕೊರ್ತುಂಡು. ಅಟಲ್ ಪೆನ್ಶನ್ ಯೋಜನೆ ಅಸಂಘಟಿತ ಕಾರ್ಮಿಕ ವರ್ಗಗ್ ವರದಾನ ಆತ್ಂಡ್. ನಿರ್ದಿಷ್ಟ ಕಂತ್ ಪಾವತಿ ಮಲ್ತ್ ದ್ 61ನೇ ವರ್ಷರ್ದ್ ರೂ.1 ಸಾರ ರ್ದ್ ರೂ. 5 ಸಾರ ಮಿತಿಡ್ ಪಿಂಚಣಿ ಪಡೆವೊಲಿ.

ಕರ್ನಾಟಕ ವಿಕಾಸ್‌ ಗ್ರಾಮೀಣ ಬ್ಯಾಂಕ್ ಇಡೇ ಮುಟ್ಟ 342852 ಅಟಲ್ ಪಿಂಚಣಿ ಅಕೌಂಟ್ ಮಲ್ದ್ಂಡ್. ಈ ದಾಖಲೆರ್ದ್ ರೈತೆರ್, ರೈತ ಕಾರ್ಮಿಕೆರ್, ಕಾರ್ಖಾನೆಡ್ ಬೇಲೆ ಮಲ್ಪುನಕುಲು, ನಿಶ್ಚಿತ ಪಿಂಚಣಿ ಇಜ್ಜಂದಿನ ಶ್ರಮಿಕೆರ್ ತನ್ನ 60ನೇ ವರ್ಷದ ಬೊಕ್ಕ ನೆಮ್ಮದಿಡ್ ಬದ್ ಕರೆ ಅನುಕೂಲ ಆಪುಂಡು ಪನ್ಪುನವೇ ಸಮಾಧಾನದ ಇಸಯ ಪಂದ್ ಶ್ರೀಕಾಂತ್ ಪಂಡೆರ್.

ಪ್ರಶಸ್ತಿ ಸ್ವೀಕಾರ ಮಲ್ತಿನ ಬಗೆಟ್ ಕುಸಿ ಆಯಿನ ಮೇರ್, ಈ ಯೋಜನೆದ ಅನುಷ್ಠಾನಡ್ ಬ್ಯಾಂಕ್ ದ ಸಿಬ್ಬಂದಿವರ್ಗ ಮಸ್ತ್ ಸಕ್ರಿಯವಾದ್ ಪಾಲ್ ಪಡೆತೆರ್. ನನ ಬರ್ಪಿನ ದಿನಟ್ಟ್ ನನ ಎಚ್ಚದ ಸಾಧನೆ ಮಲ್ಪೆರೆ ಉಂಡು ಪಂದ್ ಪಂಡೆರ್.

ಕರ್ನಾಟಕ ವಿಕಾಸ ಗ್ರಾಮೀಣ ಬ್ಯಾಂಕ್ ಸಾಧನೆ:

2022-23ನೇ ಹಣಕಾಸು ವರ್ಷಡ್ ಪಿಂಚಣಿ ನಿಧಿ ನಿಯಂತ್ರಣ ಬೊಕ್ಕ ಅಭಿವೃದ್ಧಿ ಪ್ರಾಧಿಕಾರ (ಪಿ ಎಫ್‌ ಆರ್ ಡಿ ಏ) ಬ್ಯಾಂಕ್ ಗ್ ಪ್ರತಿ ಶಾಖೆಗ್ 80 ಅಕೌಂಟ್ ದ ಸರಾಸರಿಡ್ 50320 ಅಕೌಂಟ್ ದ ಗುರಿ ದೀದಿತ್ಂಡ್. ಅಯಿಕ್ಕ್ ಪ್ರತಿಯಾದ್ ಬ್ಯಾಂಕ್ 121ತ್ತ ಸರಾಸರಿಡ್ 76569 ಅಕೌಂಟ್ ಮಲ್ಪುನ ಮುಖೇನ ಗುರಿ ಮೀರಿನ ಸಾಧನೆ ಮಲ್ದ್ಂಡ್. ಉಂದು ದಕ್ಷಿಣ ಭಾರತ ಮಟ್ಟಡ್ ಒರಿನ ಮಾತ ಬ್ಯಾಂಕ್ ದ ಸರಾಸರಿರ್ದ್ ಎಚ್ಚಾತ್ಂಡ್.

ಕರ್ನಾಟಕ ವಿಕಾಸ ಗ್ರಾಮೀಣ ಬ್ಯಾಂಕ್ ಕರಿನ ಮೇ ತಿಂಗೊಲ್ಡ್ ಒಂಜೇ ದಿನ 44 ಸಾರರ್ದ್ ಎಚ್ಚ ಅಕೌಂಟ್ ಲಾಗಿನ್ ಆಪಿನ ಮುಖೇನ ರಾಷ್ಟ್ರೀಯ ದಾಖಲೆ ಸ್ಥಾಪನೆ ಮಲ್ದ್ಂಡ್. ಇತ್ತೆ ಕರ್ನಾಟಕ ವಿಕಾಸ್‌ ಗ್ರಾಮೀಣ ಬ್ಯಾಂಕ್ ಕುಡ್ಲರ್ದ್ ವಿಜಯಪುರ ಮುಟ್ಟ 9 ಜಿಲ್ಲೆದ ವ್ಯಾಪ್ತಿಡ್ 629 ಶಾಖೆ ಉಂಡು. 33150 ಕೋಟಿ ರೂ. ವೈವಾಟ್ ಇಪ್ಪುನ ಮಲ್ಲ ಗ್ರಾಮೀಣ ಬ್ಯಾಂಕ್ ಉಂದಾತ್ಂಡ್.

ಫೋಟೋ ಶೀರ್ಷಿಕೆ:

ಅಟಲ್ ಪಿಂಚಣಿ ಯೋಜನೆದ ನೋಂದಣಿ ಅಭಿಯಾನಡ್ ಮಲ್ತಿನ ಎಡ್ಡೆ ಸಾಧನೆಗ್ ಸಂಬಂಧಪಟ್ಟಿನಂಚೆನೆ ಕರ್ನಾಟಕ ವಿಕಾಸ ಗ್ರಾಮೀಣ ಬ್ಯಾಂಕ್ ಗ್ ರಾಷ್ಟ್ರ ಮಟ್ಟದ ಪ್ರಶಸ್ತಿ ತಿಕ್ ದ್ಂಡ್. ಬುಧಾರದಾನಿ ಡೆಲ್ಲಿಡ್ ನಡತಿನ ಇಸೇಸ ಲೇಸ್ ಡ್ ಬ್ಯಾಂಕ್ ದ ಅಧ್ಯಕ್ಷರ ಶ್ರೀಕಾಂತ ಎಮ್ ಭಂಡಿವಾಡ ಮೆರೆಗ್ ಕೇಂದ್ರ ಸರ್ಕಾರದ ಹಣಕಾಸು ಇಲಾಖೆದ ಕಾರ್ಯದರ್ಶಿ ಡಾ. ವಿವೇಕ ಜೋಶಿ ಪ್ರಶಸ್ತಿ ಫಲಕ ಕೊರಿಯೆರ್.

July 28th -30th: ” Yaksha Yatre” at Bangalore ಜುಲೈ 28-30: ರಾಜಬೂಡು ಬೆಂಗ್ಲೂರ್ ಡ್ ಯಕ್ಷ ಯಾತ್ರೆ

ಸೋನಾ ಇವೆಂಟ್ಸ್ ಬೊಕ್ಕ ಮಂಥನ್ ಮೀಡಿಯಾದ ಮುತಾಲಿಕೆಡ್ ಶ್ರೀ ಬೆಂಕಿನಾಥೇಶ್ವರ ಕೃಪಾಪೋಷಿತ ದಶಾವತಾರ ಯಕ್ಷಗಾನ ಮಂಡಳಿ ಬಾಳ-ಕಳವಾರು ಕುಡ್ಲ ಮೊಕ್ಲೆರ್ದ್ ಜುಲೈ 28 ರ್ದ್ 30 ಮುಟ್ಟ ರಾಜಬೂಡು ಬೆಂಗ್ಲೂರ್ ಡ್ ಯಕ್ಷ ಯಾತ್ರೆ ಗೌಜಿಡ್ ನಡಪರೆ ಉಂಡು.

ಜು.28 ಸುಕ್ರಾರ ಬೆಂಗ್ಲೂರ್ ದ ರವೀಂದ್ರ ಕಲಾಕ್ಷೇತ್ರಡ್ ಶ್ರೀ ದೇವಿ ಮಹಾತ್ಮೆ ಕನ್ನಡ ಆಟ ನಡಪರೆ ಉಂಡು.

ಜು.29 ಸನಿಯಾರ ಬೆಂಗ್ಲೂರ್ ದ ವಿಜಯನಗರ ಬಂಟರ ಸಂಘಡ್ ವಿಜಿತ್ ಶೆಟ್ಟಿ ಆಕಾಶಭವನ ವಿರಚಿತ (2 ಸಾರರ್ದ್ ಎಚ್ಚ ಪ್ರದರ್ಶನ ಆಯಿನ ಯಕ್ಷರಂಗಡ್ ದಾಖಲೆ ನಿರ್ಮಾಣ ಮಲ್ತಿನ ಪ್ರಸಂಗ) ತುಳು ಆಟ ಮಹಿಮೆದ ಮಂತ್ರದೇವತೆ ನಡಪರೆ ಉಂಡು.

ಜು.30 ಐತಾರ ಬೆಂಗ್ಲೂರ್ ದ ಪುಟ್ಟಣ್ಣ ಚೆಟ್ಟಿ ಪುರಭವನಡ್ ಉದಯ ಕುಮಾರ್ ಕುಂಜತ್ತೂರು ವಿರಚಿತ ತುಳು ಆಟ ಸತ್ಯೊದ ಸ್ವಾಮಿ ಕೊರಗಜ್ಜ ನಡಪರೆ ಉಂಡು.

ಈ ಯಕ್ಷ ಯಾತ್ರೆ ಪ್ರತಿ ದಿನಲ ಮಧ್ಯಾಹ್ನ 2 ಗಂಟೆರ್ದ್ ರಾತ್ರೆ 10 ಗಂಟೆ ಮುಟ್ಟ ನಡಪರೆ ಉಂಡು. ಈ ಲೇಸ್ ಗ್ ಪುಗರ್ತೆದ ಹಾಸ್ಯ ದಿಗ್ಗಜೆರಾಯಿನ ದಿನೇಶ್ ರೈ ಕಡಬ ಬೊಕ್ಕ ಪ್ರಜ್ವಲ್ ಗುರುವಾಯನಕೆರೆ ಮೊಕುಲು ಪಾಲ್ ಪಡೆಯೆರೆ ಉಲ್ಲೆರ್.

ಈ ಲೇಸ್ ಡ್ ನಿಕುಲು ಮಾತೆರ್ಲಾ ಪಾಲ್ ಪಡೆದ್ ಯಕ್ಷ ಕಲಾವಿದೆರೆಗ್ ಪ್ರೋತ್ಸಾಹ ಮಲ್ಪೊಡು ಪಂದ್ ಯಕ್ಷಧ್ರುವ ಪಟ್ಲ ಸತೀಶ್ ಶೆಟ್ಟಿ ಲೆಪ್ಪೋಲೆಡ್ ತೆರಿಪಾದೆರ್.

ಸೋನಾ ಗಣೇಶ್ ನಾಯಕ್, ಸೋನಾ ಕೇಟರರ್ಸ್ ಬೆಂಗ್ಲೂರ್, ಮೊಬೈಲ್ ನಂ. 9008001663

July 28th -30th: ” Yaksha Yatre” at Bangalore

Sona events and Manthan media jointly organise a program ‘ Yaksha Yatre ‘ by ” Sri Benkinatheshwara Yakshagana Mandale Bala- Kalavaru’ .

It will be played at different venues at Bangalore from 2 p.m to 10 p.m. Well known artists Dinesh Rai Kadaba and Prajwal Guruvainkere will participate.

For more details contact Sona Ganesh Nayak Sona Caterers, Bangalore
Mobile number:
9008001663

You Missed