ಪ್ರಧಾನ ಕಾರ್ಯದರ್ಶಿ ಅರವಿಂದ ಬೆಳ್ಚಡ, ಪ್ರಧಾನ ಸಂಚಾಲಕೆರ್ ವಿಶ್ವನಾಥ ಆಚಾರ್ಯ
ಕುಡ್ಲ : ನೂದು ವರ್ಷದ ಸಂಬ್ರಮೊಡುಪ್ಪುನ ತುಳುವ ಮಹಾಸಭೆತ್ತ ಕೇಂದ್ರೀಯ ಸಮಿತಿಗ್ ಪೊಸ ಪದುಕೆರೆನ ಆಯ್ಕೆ ಐತಾರ ನಡತ್ಂಡ್.
ತುಳುವ ಮಹಾಸಭೆ ಇಂಟರ್ನ್ಯಾಷನಲ್ ಕೇಂದ್ರೀಯ ಸಮಿತಿದ ಅಧ್ಯಕ್ಷೆರಾದ್ ಡಾ. ಅವಿನ್ ಬಿ. ಆರ್. ಆಳ್ವ, ಪ್ರಧಾನ ಕಾರ್ಯದರ್ಶಿಯಾದ್ ಅರವಿಂದ ಬೆಳ್ಚಡ ಬೊಕ್ಕ ಪ್ರಧಾನ ಸಂಚಾಲಕೆರಾದ್ ವಿಶ್ವನಾಥ ಆಚಾರ್ಯ ಪೆರ್ಡೂರು ಮೊಕ್ಲೆನ್ ನೇಮಕ ಮಲ್ದೆರ್.
2028 ನೇ ಇಸ್ವಿಡ್ ತುಳುವ ಮಹಾಸಭೆಕ್ಕ್ 100 ವರ್ಷ ಪೂರ್ತಿ ಆಪಿನ ಹಿನ್ನೆಲೆಡ್ ಶತಮಾನೋತ್ಸವನ್ ರಾಜ್ಯ, ರಾಷ್ಟ್ರ ಬೊಕ್ಕ ಅಂತಾರಾಷ್ಟ್ರೀಯ ಮಟ್ಟಡ್ ಅರ್ಥಪೂರ್ಣವಾದ್ ಆಚರಣೆ ಮಲ್ಪರೆ ಪೊಸ ಪದಾಧಿಕಾರಿಲೆನ ಮುತಾಲಿಕೆಡ್ ವಿಶೇಷ ಕಾರ್ಯಕ್ರಮ ಅಟ್ಟಣೆ ಮಲ್ಪರೆ ಉಂಡು. ತುಳು ಭಾಷೆ ಅಭಿವೃದ್ಧಿ, ಸಂವಿಧಾನಾತ್ಮಕ ಮಾನ್ಯತೆಗಾದ್ ಪ್ರಯತ್ನ, ಸಂಶೋಧನೆ, ಸಾಂಸ್ಕೃತಿಕ ಪರಂಪರೆದ ಸಂರಕ್ಷಣೆ ಬೊಕ್ಕ ಜಗತ್ತ್ಡ್ ತುಳುವ ಸಮುದಾಯನ್ ಸಂಘಟನೆದ ಬೇಲೆಗ್ ಆದ್ಯತೆ ಕೊರೊಂದುಲ್ಲ ಪಂದ್ ಮಹಾಸಭೆತ್ತ ಪೊಸ ಪದುಕೆರ್ ತೆರಿಪಾದೆರ್.