ಕಿನ್ನಿಗೋಳಿ: ತಾರಿಪಾಡಿ ಶ್ರೀ ಧರ್ಮದೈವ ಜಾರಂದಾಯ, ಜುಮಾದಿ ಬಂಟ ದೈವಸ್ಥಾನಡ್ ವರ್ಷೊದ ನೇಮೋಚ್ಚಯ ಮೇ.1 ಸುಕ್ರಾರ ನಡಪರೆ ಉಂಡು.
ಎ.30 ಗುರುವಾರ ಬೊಲ್ಪುಗು ಕೋರಿಗುಂಟ ಪಾಡಿಯೆರೆ ಉಂಡು.
ಮೇ.1 ಸುಕ್ರಾರ ಬೊಲ್ಪುಗು ತಾಳಿಪಾಡಿಗುತ್ತುರ್ದ್ ದೈವೊಲೆನ ಭಂಡಾರ ದೈವಸ್ಥಾನಗ್ ಪಿದಾಡುಂಡು. ಬೊಕ್ಕ ಚೌತಿಪರ್ಬ, ಮಧ್ಯಾಹ್ನ ಅನ್ನಸಂತರ್ಪಣೆ, ಬಯ್ಯಗ್ ಬಾಕ್ಯಾರ್ ಡ್ ಚೆಂಡ್, ರಾತ್ರೆ ಶ್ರೀ ಧರ್ಮದೈವ ಜಾರಂದಾಯ ಬಂಟ ದೈವೊಲೆನ ನೇಮ, ಶ್ರೀ ಕೋರ್ದಬ್ಬು ಬೊಕ್ಕ ಜುಮಾದಿ ದೈವೊಲೆನ ಭಂಡಾರ ಬತ್ತ್ ದ್ ಭೇಟಿ, ಶ್ರೀ ಜುಮಾದಿ ಬಂಟ ದೈವೊಲೆನ ನೇಮ ನಡಪರೆ ಉಂಡು.
ಈ ಲೇಸ್ ಡ್ ಮಾತೆರ್ಲಾ ಪಾಲ್ ಪಡೆದ್, ಸಿರಿಮುಡಿ ಗಂಧ ಪ್ರಸಾದ ದೆತೊಂದು ಶ್ರೀ ದೈವೊಲೆನ ಕೃಪೆಗ್ ಪಾತ್ರರಾವೊಡು ಪಂದ್ ತಾರಿಪಾಡಿ ಶ್ರೀ ಧರ್ಮ ಜಾರಂದಾಯ, ಜುಮಾದಿ ಬಂಟ ದೈವಸ್ಥಾನದ ಗುರ್ಕಾರ್ಲು ಬೊಕ್ಕ ಮಾತಾ ಪದುಕೆರ್ ಲೆಪ್ಪೋಲೆಡ್ ತೆರಿಪಾದೆರ್.