ವಾತ್ಸಲ್ಯಮಯಿ ಮಹಿಳಾ ಅಭಿವೃದ್ಧಿ ಬೊಕ್ಕ ಸಂಶೋಧನಾ ಸಂಸ್ಥೆ (ರಿ)ಬಾಳ್ತಿಲ, ಬಂಟ್ವಾಳ ತಾಲೂಕು ನೆತ್ತ ಲೆಕ್ಕೊಡು ನಡೆತಿನ ವನಮಹೋತ್ಸವ, ದೈ ಪಟ್ಟುನ ಬೊಕ್ಕ ಯಶೋಧಾ ಕೃಷ್ಣ ಚಿತ್ರ ಸ್ಪರ್ಧೆದ ಬಹುಮಾನ ಕೊರ್ಪುನ ಕಾರ್ಯಕ್ರಮ ಬೊಕ್ಕ ಬೇನೆಡ್ ಇಪ್ಪುನ ಪೊಂಜೊವ್ಗ್,ಸಮಾಧಾನ, ದುಡ್ಡು ಕೊರ್ಪುನ ಸಹಾಯ ಕಾರ್ಯಕ್ರಮ ನಡತುಂಡ್ ಈ ಕಾರ್ಯಕ್ರಮದ ಉದ್ಘಾಟನೆನ್ ಶ್ರೀ ವೆಂಕಟರಮಣ ಶೆಣೈ,ನೋಟರಿ ವಕೀಲೆರ್ ಮಾಜಿ ಅಧ್ಯಕ್ಷೆರು ವಕೀಲರ ಸಂಘ ಮೇರ್ ಸಂಸ್ಥೆದ ಸೇವೆ ಶ್ಲಾಘನೀಯ ಪಂದ್ ಆಶೀರ್ವಾದ ಮಲ್ತೆರ್. ಈ ಸಂಸ್ಥೆದ ಸಂಸ್ಥಾಪಕಿ, ವಕೀಲೆರ್ ಆಯಿನಾ ಶೈಲಜಾ ರಾಜೇಶ್ ಇಂಬೆರ್ ಪೊಂಜೊವ್ನಕ್ಲ್ ಮಾತ ಕ್ಷೇತ್ರೋಡ್ ದುಂಬು ಬರೊಡು.ಪೊನ್ನು ಬಾಲೆ ಬೊಕ್ಕ ಆನ್ ಬಾಲೆನ್ ಎಡ್ಡೆ ಸಂಸ್ಕಾರ ಗುಣ ನಡತೆ,ಪ್ರೀತಿ ಕೊರ್ದು ಬುಳೆಪಂಡ ಪೊನ್ನನ ಮಿತ್ತ್ ವೊವ್ವೆ ರೀತಿದ ದೌರ್ಜನ್ಯ ಆವೇರೆ ಸಾಧ್ಯನೇ ಇಜ್ಜಿ ಮಾನವೀಯತೆದ ಗುಣನ್ ನಮ ಬೆಳೆಪಾವೊಡು ಪಂದ್ ಪಂಡೆರ್. ಅಧ್ಯಕ್ಷತೆನ್ ವಹಿಸಾಯಿನ ಸೂರಿಕುಮೇರುದ ಪುದರ್ ಪಡೆಯಿನ ವೈದ್ಯಾಧಿಕಾರಿ ಆಯಿನ ಡಾ.ರಾಜೇಶ್ ಪೂಜಾರಿ ಇಂಬೆರ್ ಪ್ರಕೃತಿದ ಮೌಲ್ಯದ ವಿಷಯನ್ ತೆರಿಪಾಯೆರ್. ದೈನ್ ನಡ್ಪುನೆರ್ದಾರ ಎಡ್ಡೆ ಗಾಳಿ,ಬರ್ಸ,ಉತ್ಪಥಿ ಆಪುನತ್ತಂದೇ,ದೈಟ್ ಬರ್ಪಿನ ಗಾಳಿರ್ಧ್ ಆರೋಗ್ಯ ವೃದ್ಧಿಸಾವುಂಡು ಪಂಡೆರ್.ಕಾರ್ಯಕ್ರಮಡ್ ದೈ ಪಟ್ಟುನ ಬೊಕ್ಕ ಯಶೋಧಾ ಕೃಷ್ಣ ಚಿತ್ರ ಸ್ಪರ್ಧೆಡ್ ವಿಜೇತೆರೆಗ್ ಬಹುಮಾನ ಕೋರ್ಪುನ ಕಜ್ಜೋ ನಡತುಂಡ್ .ಬೇನೆ ಡ್ ಇಪ್ಪುನ ಖತೀಜಮ್ಮ ಆರೇಗ್ ಎಡ್ಡೆ ಸಮಾಧಾನದ ಪಾತೆರ, ದುಡ್ಡು ದ ಸಹಾಯ ಮಲ್ಪುನ ಬೇಲೆ ನಡತುಂಡ್ ಮುಖ್ಯಅತಿಥಿಯಾದು ಉದ್ಯಮಿಯಾಯಿನ ಮೋಹನ್ ಇಂಬೆರ್ ಪಾಲ್ ಪಡೆದು ಇತ್ತೆರ್.ಕಾರ್ಯಕ್ರಮನ್ ಶೈಲಜಾ ರಾಜೇಶ್ ಸ್ವಾಗತ ಮಲ್ತೆರ್,ವಕೀಲೆರ್ ಆಯಿನ ವಿದ್ಯಾಲತ ಬೊಕ್ಕ ಮೆಸ್ಕಾಂದ ರಾಜೇಶ್ ವಿವರಣೆ ಮಲ್ತೆರ್, ಸೃಜನರಾಜ್ ಮಾತೆರೆಗ್ಲ ಧನ್ಯವಾದ ಪಂಡೆರ್ .
Editorial