ಕರ್ನಾಟಕ ಸಾಂಸ್ಕೃತಿಕ ಅಕಾಡೆಮಿ ವತಿರ್ದ್ ರಾಜ್ಯೋತ್ಸವ ಪ್ರಶಸ್ತಿ ಅರ್ಜಿ ಲೆಪ್ಪು

ಬೆಂಗಳೂರು : ಕನ್ನಡ ರಾಜ್ಯೋತ್ಸವದ ಹಿನ್ನೆಲೆಡ್ ಕರ್ನಾಟಕ ಸಾಂಸ್ಕೃತಿಕ ಅಕಾಡೆಮಿ (ರಿ) ವತಿಡ್ದ್ ಕನ್ನಡ ರಾಜ್ಯೋತ್ಸವದ ಪ್ರಯುಕ್ತ ನಾಡ್, ನುಡಿಕ್ ಸೇವೆ ಮಲ್ದಿನಕ್ಲೆಗ್ ಗೌರವ ಕೊರ್ಪಿನ ಲೇಸ್‌ನ್ ನಡಪಾರೆ ಇತ್ತ್‌ದ್ ಪ್ರಶಸ್ತಿಗ್ ಅರ್ಜಿ ಪಾಡರೆ ಲೆಪ್ಪು ಕೊರ್ತೆರ್.
​ ಕನ್ನಡ ರಾಜ್ಯೋತ್ಸವದ ಪ್ರಯುಕ್ತ ನಾಡ್, ನುಡಿಕ್ ಸೇವೆ ಮಲ್ದಿನಕ್ಲೆಗ್ ಗೌರವ ಕೊರ್ಪಿನ ಲೇಸ್‌ ಬೆಂಗಳೂರುಡು ನಡಪರೆ ಇತ್ತ್‌ದ್, ನೆತ್ತ ಪ್ರಯುಕ್ತ ಬೇತೆ ಬೇತೆ ಕ್ಷೇತ್ರೊಲೆಡ್ ಸಾಧನೆ ಮಲ್ದಿನ ಸಾಧಕೆರೆಗ್ ‘ಕನ್ನಡ ರಾಜ್ಯೋತ್ಸವ ಪ್ರಶಸ್ತಿ’, ‘ಕರ್ನಾಟಕ ಭೂಷಣ ಪ್ರಶಸ್ತಿ’, ‘ಸಹಕಾರ ರತ್ನ ಪ್ರಶಸ್ತಿ’, ‘ಸಮಾಜ ಸೇವಾ ರತ್ನ ಪ್ರಶಸ್ತಿ’, ‘ಶಿಕ್ಷಣ ರತ್ನ ಪ್ರಶಸ್ತಿ’, ‘ಕನ್ನಡ ರತ್ನ ಪ್ರಶಸ್ತಿ’, ‘ಕರ್ನಾಟಕ ರತ್ನ ಶ್ರೀ ಪ್ರಶಸ್ತಿ’ ಕೊರ್ದು ಗೌರವ ಮಲ್ಪರೆ ಉಂಡು.
​ಶಿಕ್ಷಣ, ನೃತ್ಯ, ಸಂಗೀತ, ಸಂಸ್ಕೃತಿ, ಕೃಷಿ, ಕೈಗಾರಿಕೆ, ಕಾನೂನು, ಪರಿಸರ, ಸಮಾಜಸೇವೆ, ಸಂಶೋಧನೆ, ಕುಸ್ತಿ, ವೈದ್ಯಕೀಯ ಸೇವೆ, ಉದ್ಯಮ, ಕ್ರೀಡೆ, ರಂಗಭೂಮಿ, ಸಿನಿಮಾ, ಕಿರುತೆರೆ, ಆಡಳಿತ, ಪತ್ರಿಕೋದ್ಯಮ, ಪೊಂಜೊವುಲೆನ ಬೊಕ್ಕ ಜೋಕ್ಲೆನ ಅಭಿವೃದ್ಧಿ, ಪೊಲೀಸ್ ಸೇವೆ, ಗುಡಿ ಕೈಗಾರಿಕೆ, ನಾಡ್-ನುಡಿ, ಜನಪರ ಹೋರಾಟ, ಉದ್ಯೋಗ ಸೃಷ್ಟಿ, ಕೋಮು ಸೌಹಾರ್ದ ಮುಂತಾದ ಬೇತೆ ಕ್ಷೇತ್ರೊಲೆಡ್ ಸೇವೆ ಸಲ್ಲಿಪಿನ ಸಾಧಕೆರ್ ಬೊಕ್ಕ ವಿದ್ಯಾರ್ಥಿಲು ಅರ್ಜಿ ಪಾಡೊಲಿ. ಅರ್ಹ ಸ್ತ್ರೀ-ಪುರುಷೆರ್ ಬೊಕ್ಕ ಜೋಕುಲು ತನ್ನ ಬಯೋಡೇಟಾ, ಸಾಧನೆನ್ ಗುರುತಿಸಾದಿಪ್ಪುನ ಸರ್ಟಿಫಿಕೇಟ್‌ ದೊಟ್ಟುಗು ತನ್ನ ರಡ್ಡ್ ಇಂಚಿಪದ 2 ಫೋಟೋ ಸಹಿತ ಅಕ್ಟೋಬರ್ 10 ತ್ತ ಉಲಾಯಿ ಎತ್ತುನಂಚ ಕಡಪುಡೊಡು ಪಂದ್ ಅಧ್ಯಕ್ಷೆರ್ ಸುಭಾಷ್ ಕೆ ಗೌಡ ಪತ್ರಿಕಾ ಪ್ರಕಟಣೆಡ್ ತೆರಿಪಾದೆರ್.
ಕಡಪುಡೊಡಾಯಿನ ​ಅಡ್ರೆಸ್ : ಕರ್ನಾಟಕ ಸಾಂಸ್ಕೃತಿಕ ಅಕಾಡೆಮಿ (ರಿ), #ನಂ.03, 4ನೇ ಮುಖ್ಯರಸ್ತೆ, ಭೈರಪ್ಪ ರೋಡ್, ಬಿ ಡಬ್ಲ್ಯೂ ಎಸ್ ಎಸ್ ಬಿ ಆಫೀಸ್ ಕೈತಲ್, ಅನ್ನಪೂರ್ಣೇಶ್ವರಿ ನಗರ, ಮಲ್ಲತ್ತಹಳ್ಳಿ, ಐ ಟಿ ಐ ಎಂಪ್ಲಾಯೀಸ್ ಲೇಔಟ್, ಬೆಂಗಳೂರು – 560091,
ಮಾಹಿತಿಗಾದ್ ಮೊಬೈಲ್: 9916690077, 8123253337.