ಕುಡ್ಲ : ದಕ್ಷಿಣ ಕನ್ನಡ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ವತಿರ್ದ್ ದ.ಕ.ಜಿಲ್ಲಾ ಮಟ್ಟದ ಪತ್ರಿಕಾ ದಿನಾಚರಣೆ ಜು.1 ಕಾಂಡೆ 11 ಗಂಟೆಗ್
ಪತ್ರಿಕಾ ಭವನಡ್ ನಡಪರೆ ಉಂಡು. ಮಂಗಳೂರು ನಗರ ಪೊಲೀಸ್ ಆಯುಕ್ತೆರ್ ಸುಧೀರ್ ಕುಮಾರ್ ರೆಡ್ಡಿ ಕಾರ್ಯಕ್ರಮ ಉದಿಪನ ಮಲ್ಪುವೆರ್ . ಪತ್ರಕರ್ತರ ಸಂಘದ ಜಿಲ್ಲಾಧ್ಯಕ್ಷೆರ್ ಪುಷ್ಪರಾಜ್ ಬಿ.ಎನ್, ಅಧ್ಯಕ್ಷತೆ ವಹಿಸೊನ್ವೆರ್. ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿ ಡಾ.ವಿ.ಕರಿಕಾಲನ್ ಮಲ್ಲ ಬಿನ್ನೆರಾದ್ ಪಾಲ್ ಪಡೆಯರೆ ಉಲ್ಲೆರ್.
ನ್ಯೂಸ್ ೧೮ ಕನ್ನಡ ವಾಹಿನಿದ ಪ್ರಧಾನ ಸಂಪಾದಕೆರ್ ಹರಿಪ್ರಸಾದ್ ಅಡ್ಪಂಗಾಯ ಉಪನ್ಯಾಸ ಕೊರಿಯರೆ ಉಲ್ಲೆರ್. ಮಂಗಳೂರು ಪ್ರೆಸ್ ಕ್ಲಬ್ ಅಧ್ಯಕ್ಷೆರ್ ಪಿ.ಬಿ.ಹರೀಶ್ ರೈ ಹಿರಿಯ ಪತ್ರಿಕಾ ವಿತರಕೆರೆಗ್ ಸನ್ಮಾನ ಮಲ್ಪರೆ ಉಲ್ಲೆರ್. ಬೊಕ್ಕ ಪತ್ರಕರ್ತರ ಸಂಘದ ರಾಜ್ಯ ಉಪಾಧ್ಯಕ್ಷೆರ್ ಅಜ್ಜಮಾಡ ರಮೇಶ್ ಕುಟ್ಟಪ್ಪ ಪತ್ರಕರ್ತೆರ್ನ ಜೋಕ್ಲೆಗ್ ಪ್ರತಿಭಾ ಪುರಸ್ಕಾರ ಪ್ರದಾನ ಮಲ್ಪರೆ ಉಲ್ಲೆರ್. ಪತ್ರಕರ್ತರ ಸಂಘದ ರಾಜ್ಯ ಕಾರ್ಯಕಾರಿ ಸಮಿತಿ ಸದಸ್ಯೆರ್ ಶ್ರೀನಿವಾಸ ನಾಯಕ್ ಇಂದಾಜೆ, ಪತ್ರಿಕಾಭವನ ಟ್ರಸ್ಟ್ ಅಧ್ಯಕ್ಷೆರ್ ಅನ್ನು ಮಂಗಳೂರು ಲೇಸ್ಡ್ ಪಾಲ್ ಪಡೆವೆರ್ ಪಂದ್ ಪತ್ರಕರ್ತರ ಸಂಘದ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ರಾಜೇಶ್ ಕೆ. ಪೂಜಾರಿ ಪ್ರಕಟಣೆಡ್ ತೆರಿಪಾದೆರ್.