ಬಸ್ರೂರು ತುಳುವೇಶ್ವರನ ನಡೆಟ್ಟ್ ಬಿಸು ಪರ್ಬ ಆಚರಣೆ, ಬುಲೆ ಸಮರ್ಪಣೆ

ಉಡುಪಿ : ಕುಂದಾಪುರ ತಾಲೂಕು ಬಸ್ರೂರು ಶ್ರೀ ತುಳುವೇಶ್ವರ ದೇವಸ್ಥಾನಡ್ ಬಿಸು ಸಂಕ್ರಾಂದಿದ ಅಂಗವಾದ್ ದೀಪಾರಾಧನೆ ಬೊಕ್ಕ ಬುಲೆ ಸಮರ್ಪಣೆ ಕಾರ್ಯಕ್ರಮ ಶ್ರದ್ಧಾಭಕ್ತಿಡ್ ನಡತ್ಂಡ್.
ಬಯ್ಯದ ಪೊರ್ತುಡು ನಡತಿನ ಕಾರ್ಯಕ್ರಮಡ್ ಭಕ್ತೆರ್ ತುಡರ್ ಅರ್ಲಾದ್ ಶ್ರೀ ತುಳುವೇಶ್ವರ ಬೊಕ್ಕ ಪರಿವಾರ ದೇವೆರ್ನಕ್ಲೆಗ್ ವಿಶೇಷ ಪ್ರಾರ್ಥನೆ ಮಲ್ತೆರ್. ಅಯಿರ್ದ್ ಬೊಕ್ಕ ಪೊಸ ಬುಲೆ ಸಮರ್ಪಣೆ ಮಲ್ತ್‌ದ್ ದೇವೆರ್‌ನ ಅನುಗ್ರಹಗ್ ಪ್ರಾರ್ಥನೆ ಮಲ್ತೆರ್.
ಈ ಸಂದರ್ಭಡ್ ತುಳುವ ಮಹಾಸಭೆ ಮೂಲ್ಕಿ ತಾಲೂಕು ಸಮಿತಿ ವತಿರ್ದ್ ಪೊಸ ಬುಲೆ ಕಾಣಿಕೆ ಸಮರ್ಪಣೆ ನಡತ್ಂಡ್.
ಈ ಪೊರ್ತುಡು ತುಳುವೇಶ್ವರ ದೇವಸ್ಥಾನದ ಪುನರ್ವೈಭವೀಕರಣಗಾದ್ ಭೂದಾನ ಸೇವೆಗ್ ಸಂಬಂಧಪಟಿನ ವಿಜ್ಞಾಪನ ಪತ್ರ ಬಿಡುಗಡೆ ಮಲ್ತೆರ್. ಭಕ್ತೆರ್ ಈ ಮಹತ್ಕಾರ್ಯಡ್ ಪಾಲ್ ಪಡೆದ್ ದೇಣಿಗೆ ಕೊರೊಡು ಪಂದ್ ಬಿನ್ನಾಪು ಮಲ್ತೆರ್.
ಲೇಸ್‌ಡ್ ಅರ್ಚಕೆರ್ ಮಹೇಶ್ ಕಿಣಿ, ತುಳುವರ್ಲ್ಡ್ ಫೌಂಡೇಶನ್ ನಿರ್ದೇಶಕೆರ್ ಡಾ. ರಾಜೇಶ್ ಆಳ್ವ, ಕೃಷ್ಣಮೂರ್ತಿ ಅಡಿಗ ಬಸ್ರೂರು, ಭಾನುಮತಿ ಶೆಟ್ಟಿ ಕಕ್ವಗುತ್ತು, ಕೃಷ್ಣಮೂರ್ತಿ ರಾವ್ ಪಾದೆಬೆಟ್ಟು, ಸನ್ಮತ್ ಹೆಗ್ಡೆ ಬಸ್ರೂರು, ದಿನಕರ ಕಿಣಿ, ತುಳುವರ್ಲ್ಡ್ ಫೌಂಡೇಶನ್ ಪ್ರಧಾನ ಕಾರ್ಯದರ್ಶಿ ವಸಂತ ರೈ, ಕಾರ್ಯದರ್ಶಿ ಹರಿಪ್ರಸಾದ್ ರೈ ಜಿಕೆ,
ಬಂಟ್ಸ್ ಸಂಘ ಮಹಿಳಾ ಘಟಕ ಮುಲ್ಕಿ ಅಧ್ಯಕ್ಷೆರ್ ರೋಹಿಣಿ ಶೆಟ್ಟಿ (ಕೊಲ್ನಾಡು),ಬಿಲ್ಲವ ಸಂಘ ಮಹಿಳಾ ಮಂಡಳಿ ಮುಲ್ಕಿ ಗೌರವಾಧ್ಯೆಕ್ಷೆರ್ ಸರೋಜಿನಿ ಸುವರ್ಣ,
ತುಳುವ ಮಹಾಸಭೆ ಸಂಚಾಲಕೆರಾಯಿನ ಗಣೇಶ್ ಬಂಗೇರ, ವಿನಯ ಆರ್. ಆಳ್ವ, ಗೀತಾ ಗಣೇಶ್, ಭಾರತಿ ರೈ ಮುಲ್ಕಿ, ಪ್ರಜ್ವಲ್ ಆಳ್ವ ಮೊಕುಲು ಮಾತ ಇತ್ತೆರ್.