ಎಲ್ಲೆ ಕರ್ನಾಟಕ ಬಂದ್: ಬೆಂಗಳೂರುಡು ಇನಿ ಸೆಕ್ಷನ್ ಜಾರಿ

ಬೆಂಗಳೂರು : ಎಲ್ಲೆ (ಸೆ.29) ಕರ್ನಾಟಕ ಬಂದ್ ದ ಲೆಕ್ಕೊಡು ಬೆಂಗಳೂರುಡು ಇನಿ 144 ಸೆಕ್ಷನ್ ಜಾರಿ ಮಲ್ದೆರ್.

ಬೆಂಗಳೂರು ನಗರ ಪೊಲೀಸ್ ಆಯುಕ್ತೆರ್ ದಯಾನಂದ್ ಮೇರ್ ಸುದ್ದಿಗೋಷ್ಠಿ ಮಲ್ತ್‌ದ್‌, ಇನಿ ನಡುರಾತ್ರೆ 12 ಗಂಟೆರ್ದ್‌ ಎಲ್ಲೆ ನಡುರಾತ್ರೆ ಮುಟ 144 ಸೆಕ್ಷನ್ ಜಾರಿಡ್‌ ಉಪ್ಪುಂಡ್‌ ಪಂದ್‌ ತೆರಿಪಾದೆರ್.‌

144 ಸೆಕ್ಷನ್ ಜಾರಿ ಇತ್ತಿನ ಪೊರ್ತುಡು ಐನೆರ್ದ್‌ ಎಚ್ಚ ಜನ ಸೇರನಂಚ ಇಜ್ಜಿ. ಬಂದ್‌ದ ಪೊರ್ತುಡು ಆಸ್ತಿ ಪಾಸ್ತಿ ನಾಶ ಬೊಕ್ಕ ಸಾವು ನೋವುಗ್ ಸಂಘಟಕೆರೆ ಹೊಣೆ ಪಂದ್‌ ಎಚ್ಚರಿಕೆನ್‌ ಕೊರ್ತೆರ್.

ಒತ್ತಾಯಡ್ ಬಂದ್ ಮಲ್ತ್‌ಂಡ ಹೈಕೋರ್ಟ್ ಬೊಕ್ಕ ಸುಪ್ರೀಂ ಕೋರ್ಟ್‌ದ ಆದೇಶ ಉಲ್ಲಂಘನೆ ಆಪುಂಡು. ಈ ಹಿನ್ನೆಲೆಡ್‌ ಇನಿ ಮಧ್ಯರಾತ್ರಿರ್ದ್‌ ಎಲ್ಲೆ ಮದ್ಯರಾತ್ರಿ ಮುಟ ಬಂದೋಬಸ್ತ್ ಇಪ್ಪುಂಡು ಪಂದ್‌ ತೆರಿಪಾದೆರ್.