ಮುಲ್ಕಿ : ಕೊರೊನಾದ ಪೋಡಿಗೆ ಬೊಕ್ಕ ನಿಯಮದ ನಡುಟ್ಟು ಮುಲ್ಕಿ ಸೀಮೆದ ಅರಸು ಕಂಬುಲ ಐತಾರ ನಡತ್ಂಡ್.ಮುಲ್ಕಿ ಅರಮನೆತ್ತ ಬರಿಟ್ಟ್ ಉಪ್ಪುನ ನಾಗಬನೊಟ್ಟೊ ಪೂಜೆ ಆದ್, ಬಪ್ಪನಾಡ್ ದುರ್ಗಾಪರಮೇಶ್ವರಿನ ಪುರ್ಸಾದ ಕನತ್ ದ್ ಅಂಚೆನೆ ಮುಲ್ಕಿ ಅರಮನೆತ್ತ ಪದ್ಮಾವತಿ ದೇವೆರೆಗ್ ಪೂಜೆ ಮಲ್ತ್ ದ್ ಬೊಕ್ಕ ಮುಲ್ಕಿ ಅರಸುಲು ದುಗ್ಗಣ್ಣ ಸಾವಂತೆರ್ ಪಟ್ಟೊಡಾಯಿನೆರ್ದ್ ಬೊಕ್ಕ ಗುತ್ತು ಬರ್ಕೆದಕುಲು , ಬಂಕಿ ನಾಯ್ಗೆರ್ ಬೊಕ್ಕ ಊರುದಕಲೆನ ಎದುರುಡು ದೈವದೇವೆರ್,ಚಂದ್ರನಾಥ ಸ್ವಾಮಿ, ಪದ್ಮಾವತಿ ದೇವೆರ್ನ ಪೂಜೆ ಆದ್ ಬೊಕ್ಕ ಅರಸುಲು ಕಂಬುಲೊಗು ಅನು ಕೊರಿಯೆರ್.
ಎರುಬಂಟೆ ದೈವೊಲೆನ ನಲಿಕೆ, ದೋಲು ವಾದನ ಒರುಟ್ಟು ಸಂಪ್ರದಾಯದ ಮೆರವಣಿಗೆ ಬತ್ತ್ ದ್ ಕಂಬುಲದ ಕರೆಕ್ಕ್ ಪುರ್ಸಾದ ಪಾಡಿಯೆರ್.
ಸುರುಟ್ಟು ಅರಸುಲೆನ ಎರುಕ್ಕುಲೆನ ಜಪುಡಾವುನ ಕಜ್ಜ ನಡತ್ಂಡ್.ಕಂಬುಲ ಉದಿಪನದ ಲೇಸ್ ಡ್ ಶಾಸಕೆರ್ ಉಮಾನಾಥ ಕೋಟ್ಯಾನ್, ಮಾಜಿ ಮಂತ್ರಿಲು ಅಭಯಚಂದ್ರ ಜೈನ್, ಜಿಲ್ಲೆದ ಬಿಜೆಪಿ ಗುರ್ಕಾರ್ಲು ಸುದರ್ಶನ ಎಂ. ಜಿಲ್ಲಾ ಪಂಚಾಯತಿ ಉಪಾಧ್ಯಕ್ಷೆರ್ ಕಸ್ತೂರಿ ಪಂಜ, ಜಿಲ್ಲಾ ಯುವ ಕಾಂಗ್ರೆಸ್ ಗುರ್ಕಾರ್ಲು ಮಿಥುನ್ ರೈ, ಮನೋಹರ ಶೆಟ್ರ್, ಬಂಕಿ ನಾಯ್ಗೆರ್, ವಿನೋದ್ ಬೊಳ್ಳೂರು, ಈಶ್ವರ ಕಟೀಲ್, ಸುನಿಲ್, ವಿನೋದ್ ಬೆಳ್ಳಾಯಿರು,ರಾಮಚಂದ್ರ ನಾಯ್ಕ್, ಕೃಷ್ಣಮೂರ್ತಿ, ನವೀನ್ ಶೆಟ್ಟಿ ಎಡ್ಮೆಮಾರ್ ಮೊಕುಲು ಮಾತ ಇತ್ತೆರ್.
ಮಧ್ಯಾಹ್ನ ಮುಟ್ಟ ಐವೊರ್ದುಲಾ ಎಷ ಮನನ ಚ್ಚ ಜತೆ ಎರ್ಲು ನಾಯೆರ್ ಬೊಕ್ಕ ಬಲ್ಲ್ ದ ವಿಭಾಗೊಡು ಪಾಲ್ ಪಡೆಯ.
pallavi shetty