ಕುಡ್ಲ : ಯಕ್ಷರಂಗದ ಬೀಷ್ಮ ಬೊಕ್ಕ ಪ್ರಖ್ಯಾತ ಹಿರಿಯ ಭಾಗವತೆರ್ ೨೦೧೭ರ ಪಟ್ಲ ಪ್ರಶಸ್ತಿ ಪುರಸ್ಕೃತೇರಾಯಿನ ಶ್ರೀ ಬಲಿಪ ನಾರಾಯಣ ಭಾಗವತರ ವಿಶ್ರಾಂತಿ ಜೀವನದ ಪೊರ್ತುಡು ಪಟ್ಲ ಫೌಂಡೇಶನ್ ಟ್ರಸ್ಟ್ ಪಧಾದಿಕಾರಿಲು ಆರೆನ ಸ್ವಗೃಹಕ್ ಪೋದು ಅರೆಗ್ ಮಾನದಿಗೆ ಮಲ್ತ್ ನಾlನಾತ್ , ಕಾಲ ತಮ್ಮ ಮಾರ್ಗದರ್ಶನ ಬೊಕ್ಕ ಆಶೀರ್ವಾದ ಯಕ್ಷಗಾನ ಕಲಾವಿದೆರ್ನ ಮಿತ್ತ್ ಉಪ್ಪಡ್ ಪಂದ್ ಪಟ್ಲ ಸತೀಶ್ ಶೆಟ್ಟಿ ಪ್ರಾರ್ಥನೆ ಮಲ್ತ್ ಗುರುಕುಲೆನ ಆಶೀರ್ವಾದ ಪಡೆಯೆರ್.
ಈ ಪೊರ್ತುಡು ಅಸೌಖ್ಯದಿಂದ ಹುಷಾರ್ ಆವೊಂದು ಉಪ್ಪುನ ಶ್ರೀ ಪ್ರಸಾದ್ ಬಲಿಪ ಭಾಗವತೆರೆಗ್ ವೈದ್ಯಕೀಯ ವೆಚ್ಚದ ಸಾಕಾರ ಗಾದ್ ರೂ ೫೦,೦೦೦/- ಕೊರ್ದು ಟ್ರಸ್ಟ್ ಎಡ್ಡೆಪ್ಪು ಬಯಕಿಯೆರ್.
ಈ ಪೊರ್ತುಡು ಕೇಂದ್ರೀಯ ಸಮಿತಿದ ಪದಾಧಿಕಾರಿಲಾಯಿನ ಡಾ! ಮನು ರಾವ್, ರಾಜೀವ ಪೂಜಾರಿ ಕೈಕಂಬ, ಕೆ ಪುರುಷೋತ್ತಮ ಭಂಡಾರಿ, ಸಿ ಎ ಸುದೇಶ್ ಕುಮಾರ್ ರೈ, ಜಗನ್ನಾಥ ಶೆಟ್ಟಿ ಬಾಳ, ರವಿ ಶೆಟ್ಟಿ ಅಶೋಕನಗರ ಬೊಕ್ಕ ಮೂಡಬಿದ್ರೆ ಘಟಕದ ಪದಾಧಿಕಾರಿಲಾಯಿನ ದಿವಾಕರ್ ಶೆಟ್ಟಿ ತೋಡಾರ್, ಪ್ರೇಮನಾಥ್ ಮಾರ್ಲ ಕೆ, ರವಿ ಪ್ರಸಾದ್ ಶೆಟ್ಟಿ , ಮನೋಜ್ ಕುಮಾರ್ ಶೆಟ್ಟಿ, ಅರುಣ್ ಕೋಟ್ಯಾನ್ ಒಟ್ಟು ಗಿತ್ತೆರ್.
pallavi shetty