ಅಖಿಲ ಭಾರತೀಯ ಪಂಚಾಯತ್ ಪರಿಷತ್ (AIPP ) ಪಂಚಾಯತ್ ರಾಜ್ ಇಲಾಖೆದ ಮಾನ್ಯತೆ ಪಡೆಯಿನ ಸ್ವಾಯತ್ತ ಅಫೆಕ್ಷ್ ಫೆಡರೇಷನ್. ಗ್ರಾಮೀಣ ಭಾರತದ ಸಮಸ್ಯೆಲೆಗ್ ಪರಿಹಾರ ಕೊರೊಡ್ ಬೊಕ್ಕ ಪಂಚಾಯತ್ ರಾಜ್ ವ್ಯವಸ್ಥೆನ್ ಗಟ್ಟಿ ಮಲ್ಪುನ ಗುರಿಟ್, ಪಂಚಾಯತ್ ರಾಜ್ ಇಲಾಖೆದ ಅಧೀನ ಸಂಸ್ಥೆಡ್ ಬೇಲೆನ್ ಮಲ್ತೊಂದಿಪ್ಪುನ ಬಲವಂತ್ ರಾಯಿ ಮೆಹ್ತಾ, ಭಾರತ ರತ್ನ ಲೋಕ ನಾಯಕ್ ಜಯಪ್ರಕಾಶ್ ನಾರಾಯಣ್ ಸ್ಥಾಪಕಾಧ್ಯಕ್ಷೆರಾದ್ ೧೯೫೮ ಡ್ ಸ್ಥಾಪನೆ ಆಯಿನ ಆಲ್ ಇಂಡಿಯಾ ಪಂಚಾಯತ್ ಪರಿಷತ್ (AIPP) ಇಂದೆತ್ತ ಕರ್ನಾಟಕ ರಾಜ್ಯ ಪಂಚಾಯತ್ ಪರಿಷತ್ ದ ಪೊಸ ರಾಜ್ಯ ಪ್ರಧಾನ ಕಾರ್ಯದರ್ಶಿಯಾದ್ ಬರೆಪುನಾರ್ ಅಂಚೆನೇ ಚಿಂತೆಕೆರ್, ಗಡಿನಾಡ್ ದ ಅಭೀವೃಧ್ಧಿದ ಹರಿಕಾರೆರ್ ಆಯಿನ ಡಾ.ಹಾಜಿ.ಯಸ್.ಅಬೂಬಕ್ಕರ್ ಆರ್ಲಪದವು ಇಂಬೆರೆನ್ ನವದೆಹಲಿಡ್ ಕೇಂದ್ರ ಕಛೇರಿ ಇಪ್ಪುನ ಆಲ್ ಇಂಡಿಯಾ ಪಂಚಾಯತ್ ಪರಿಷತ್ ಪ್ರಧಾನ ಕಾರ್ಯದರ್ಶಿ ಡಾ.ರುದ್ರಾ ಭಾನು ಇಂಬೆರ್ ಪುದರುನ್ ಪಂತೆರ್.
ಇತ್ತೆದೆ ರಾಜ್ಯದ ಮಾತ ಜಿಲ್ಲೆಲೆಗ್ ಪರಿಷತ್ ದ ಬೇಲೆದ ಜವಾಬ್ದಾರಿನ್ ಕೊರ್ತೆರ್. ಡಾ.ಹಾಜಿ.ಯಸ್ ಅಬೂಬಕ್ಕರ್ ಆರ್ಲಪದವು ಇಂಬೆರ್ ಭಾರತೀಯ ಪತ್ರಕಾರ್ ಕಲ್ಯಾಣ ಮಂಚ್ ಇದೆತ್ತ ಕರ್ನಾಟಕ ರಾಜ್ಯ ಮಹಾಪ್ರಧಾನ ಕಾರ್ಯದರ್ಶಿಯಾದ್, ಕರ್ನಾಟಕ ರಾಜ್ಯ ವಿಜ್ಞಾನ ಪರಿಷತ್ತು ಜಿಲ್ಲಾಧ್ಯಕ್ಷೆರಾದ್, ದಕ್ಷಿಣ ಕನ್ನಡ ಜಿಲ್ಲಾ ಸಿಎಸ್ಸಿ ವಿಎಲ್ಇ ಸೊಸೈಟಿ ಜಿಲ್ಲಾ ಪ್ರಧಾನ ಕಾರ್ಯದರ್ಶಿಯಾದ್, ಕರ್ನಾಟಕ ಮುಸ್ಲಿಂ ಜಮಾತ್ ತಾಲೂಕು ಸಮಿತಿ ಕಾರ್ಯದರ್ಶಿಯಾದ್, ತಾಲೂಕು ಕಾನೂನು ಪ್ರಾಧಿಕಾರದ ಪ್ಯಾರಾ ಲೀಗಲ್ ವ್ಯಾಲೆಂಟರಿಯಾದ್, ವಿದ್ಯಾಸಂಸ್ಥೆದ ಅಧ್ಯಕ್ಷೆರಾದ್, ಗಡಿನಾಡುದ ಶ್ರೇಯೋಭಿವೃದ್ಧಿ ಟ್ರಸ್ಟ್ ದ ಅಧ್ಯಕ್ಷೆರಾದ್, ಗಡಿನಾಡ ಧ್ವನಿ ಪತ್ರಿಕೆ ಸಂಪಾದಕೆರಾದ್,ಅತ್ತಂದೆ ಮಸ್ತು ಸಂಘ-ಸಂಸ್ಥೆದ ಪ್ರಮುಖ ಪದಾಧಿಕಾರಿಲಾದ್ ಬೇಲೆನ್ ಮಲ್ತುದೆರ್.
ಇಂಬೆರ್ ಗೌರವ ಡಾಕ್ಟರೇಟ್ , ಭಾರತ ವಿಕಾಸ ರತ್ನ , ಕರ್ನಾಟಕ ಜ್ಞಾನ ಚಕ್ರವರ್ತಿ ರಾಷ್ಟ್ರೀಯ ಪ್ರಶಸ್ತಿ , ಕನ್ನಡ ಶ್ರೀ ರಾಷ್ಟ್ರಪ್ರಶಸ್ತಿ, ಒಡಿಯೂರು ಸಂಸ್ಥಾನದ ಶ್ರೀ ಗುರುದೇವಾನುಗ್ರಹ ಪ್ರಶಸ್ತಿ , ಡಾ ಬಿ ಆರ್ ಅಂಬೇಡ್ಕರ್ ರಾಜ್ಯಪ್ರಶಸ್ತಿ, ಡಾ ಶಿವರಾಮ ಕಾರಂತ ರಾಷ್ಟ್ರಪ್ರಶಸ್ತಿ , ಆರ್ಯಭಟ್ಟ ರಾಷ್ಟ್ರಪ್ರಶಸ್ತಿ , ಕರ್ನಾಟಕ ಜ್ಯೋತಿ ರಾಜ್ಯಪ್ರಶಸ್ತಿ , ಸೇರಿನಂಚನೆ ಸುಮಾರು 160 ಡ್ದು ಜಾಸ್ತಿ ಪ್ರಶಸ್ತಿನ್ ಪಡೆತ್ತೆರ್.
pallavi shetty