ಲಸಿಕೆ

ಕೋವಿಡ್ ಲಸಿಕೆ ಅಭಿವೃದ್ಧಿ : ಭಾರತೀಯ ವಿಜ್ಞಾನಿಲೆನ ಕಾರ್ಯ ಶ್ಲಾಘನೀಯ

ನವದೆಹಲಿ, ಜೂನ್ 5 : ಮಾರಣಾಂತಿಕ ಕೋವಿಡ್ 19 ಸೋಂಕುದ ವಿರುದ್ಧ “ಮೇಡ್ ಇನ್ ಇಂಡಿಯಾ” ಲಸಿಕೆನ್ ಅಭಿವೃದ್ದಿ ಮಲ್ತಿನ ಅಂಚನೇ ಸೋಂಕು ಪರಡಿನ ಒಂಜಿ ವರ್ಷದುಲಯಿ ಸಾಂಕ್ರಾಮಿಕ ರೋಗದ ವಿರುದ್ಧ ಹೋರಾಟ ಮಲ್ಪರೆ ಬೇತೆ ಕ್ರಮಕ್ಲೆನ್ ಜಾಸ್ತಿ ಮಲ್ತಿನ ಭಾರತೀಯ ವಿಜ್ಞಾನಿಲೆನ ಸಾಧನೆನ್ ಪ್ರಧಾನಿ ನರೇಂದ್ರ ಮೋದಿ ಶ್ಲಾಘಿಸಾದೆರ್ .

ವಿಡಿಯೋ ಕಾನ್ಫರೆನ್ಸ್ ಮುಖೇನ ಸಿಎಸ್ ಐಆರ್ (ಕೌನ್ಸಿಲ್ ಆಫ್ ಸೈಂಟಿಫಿಕ್ ಆಯಂಡ್ ಇಂಡಸ್ಟ್ರಿಯಲ್ ರಿಸರ್ಚ್) ಸೊಸೈಟಿದ ಸಭೆನ್ ಉದ್ದೇಶಿಸಾದ್ ಪಾತೆರಿನ ಆರ್ ಪಿರವುದ ಶತಮಾನದ ಭಾರತದ ಅನುಭವನ್ ಉಲ್ಲೇಖಿಸಾದೆರ್ ವಿದೇಶಡ್ ಸಾಧಿಸಾಯಿನ ಆವಿಷ್ಕಾರದ ಮಿತ್ತ್ ಕೈಯಾಡಿಸಾಯೆರೆ ಕಾತೊಂದು ಇತ್ತೇ ಪಂದ್ ಪಂಡೆರ್.

ಕೋವಿಡ್ ಲಸಿಕೆದ ಆನ್ಲೈನ್ ನೋಂದಣಿ ಸುರು

ಕೊಣಾಜೆ, ಜೂನ್ 5: ಇರಾ ಗ್ರಾ.ಪಂ. ವ್ಯಾಪ್ತಿಡ್ ಕೊರೋನ ಲಸಿಕಾ ಅಭಿಯಾನನ್ ಯಶಸ್ವಿಯಾದ್ ಅನುಷ್ಠಾನ ಮಲ್ಪರೆ ಆನ್ ಲೈನ್ ನೋಂದಣಿ ಅಭಿಯಾನ ಶುಕ್ರವಾರರ್ದ್ ಸುರು ಆತುಂಡು.

ಗ್ರಾಮ ಪಂ. ಗುರ್ಕಾರ್ಲಾಯಿನ ಆಗ್ನೇಶ್ ಡಿಸೋಜ ಮೆರ್ನ ಗುರ್ಕಾರ್ಮೆಡ್ ನಡತಿನ ಪಂಚಾಯತಿ ಮಟ್ಟದ ಕಾರ್ಯಪಡೆ ಸಭೆಟ್ ಲಸಿಕಾ ಅಭಿಯಾನ ಬಗ್ಗೆ ಅವಲೋಕನ ನಡಪಾಯೆರ್ .

ವಾರ್ಡ್ ಕಾರ್ಯಪಡೆ ನೇತ್ರತ್ವಡ್ ಇಲ್ಲ್ ಇಲ್ಲಗ್ ಪೋದು ಅರ್ಹರೆನ್ ಆನ್ ಲೈನ್ ಮುಖೇನ ನೋಂದಾಯಿಸಾವುನ ಕಾರ್ಯ ಸುರು ಮಲ್ದೆರ್.ಜಿಲ್ಲಾ ನೋಡೆಲ್ ಸಂಸ್ಥೆ ನಿರ್ದೇಶಕೆರಾಯಿನ ಶೀನ ಶೆಟ್ಟಿ ಕೃಷ್ಣ ಮೂಲ್ಯ ಲಸಿಕಾ ಅಭಿಯಾನದ ಬಗ್ಗೆ ಮಾಹಿತಿ ಕೊರಿಯೆರ್.

ಕುಡ್ಲ ಯುವ ವಕೀಲೆರೆಗ್ ಲಸಿಕೆ ಕಾರ್ಯಕ್ರಮ

ಕುಡ್ಲ, ಜೂನ್ 2: : ವಕೀಲೆರ್ನ ಸಂಘದ ವತಿರ್ದ್ ಪೇಂಟೆದ ಯುವ ವಕೀಲೆರೆಗ್ ಕೋವಿಡ್ ಮುಂಚೂಣಿ ಯೋಧೇರ್ ಪನ್ಪಿನ ನೆಲೆಟ್ಟ್ ಲಸಿಕೆ ಕೊರ್ಪಿನ ಲೇಸ್ ನ್ಯಾಯಾಲಯ ಆವರಣಡ್ ನಡತುಂಡು.

ಜಿಲ್ಲಾ ಪ್ರಧಾನ ಬೊಕ್ಕ ಸತ್ರ ನ್ಯಾಯಾಧೀಶ ಮುರಳೀಧರ ಪೈ ಮೆರ್ನ ಮುತಾಲಿಕೆಡ್ ಆರೋಗ್ಯ ಇಲಾಖೆದ ಅಧಿಕಾರಿಲು ಸುಮಾರ್ 200 ಯುವ ವಕೀಲೆರೆಗ್ ಲಸಿಕೆ ಕೊರಿಯೆರೆ .

ಕುಡ್ಲ ವಕೀಲೆರ್ನ ಸಂಘದ ಗುರ್ಕಾರ್ಲಾಯಿನ ಎನ್. ನರಸಿಂಹ ಹೆಗ್ಡೆ, ಪ್ರಧಾನ ಕಾರ್ಯದರ್ಶಿ ಎಚ್.ವಿ. ರಾಘವೇಂದ್ರ, ಉಪಾಧ್ಯಕ್ಷೇರಾಯಿನ ಜಿನೇಂದ್ರ ಕುಮಾರ್, ಜೊತೆ ಕಾರ್ಯದರ್ಶಿ ಪ್ರಮೀಳಾ, ಕಾರ್ಯಕಾರಿ ಸಮಿತಿ ಸದಸ್ಯೆರಾಯಿನ ಪ್ರಮೋದ್ ಕೆರ್ವಾಶೆ, ರವಿರಾಜ ಶೆಟ್ಟಿ, ಪ್ರೇಮ್ ಅಂಚನ್, ಶುಕರಾಜ ಕೊಟ್ಟಾರಿ, ವಿನಯ ಕುಮಾರ್, ಚಂದ್ರಹಾಸ ಕೊಟ್ಟಾರಿ ಪಾಲ್ ಪಡೆದ್ ಲಸಿಕೆ ಅಭಿಯಾನಡ್ ಆರೋಗ್ಯ ಇಲಾಖೆ ಸಿಬ್ಬಂದಿಗ್ ಉಪಯುಕ್ತ ಮಾಹಿತಿ ಕೊರಿಯೆರ್.

ಇನಿ ಕುಡ್ಲದ ಆರೋಗ್ಯ ಕೇಂದ್ರಡ್ ಲಸಿಕೆ ವಿತರಣೆ ಇಜ್ಜಿ : ಡಾ. ರಾಜೇಶ್

ಕುಡ್ಲ, ಜೂನ್ 1 : ದಕ್ಷಿಣ ಕನ್ನಡ ಜಿಲ್ಲೆದ ಆರೋಗ್ಯ‌ ಕೇಂದ್ರಡ್ ಜೂ.1 ತಾರೀಖ್ ಗ್ ಸಾರ್ವಜನಿಕೆರೆಗ್ ಲಸಿಕೆ ಇಜ್ಜಿ . ಆಂಡ 18ರ್ದ್ 44 ವರ್ಷ ಮುಟ ಆದ್ಯತಾ ಪಟ್ಟಿಡುಪ್ಪುನಕ್ಲೆಗ್ ಲಸಿಕೆ ವಿತರಣೆ ಉಂಡು ಪಂದ್ ದ.ಕ‌ ಜಿಲ್ಲಾ ಲಸಿಕಾ ನಿರ್ವಹಣಾ ಮೇಲ್ವಿಚಾರಕ ಡಾ. ರಾಜೇಶ್ ತೆರಿಪಾದೆರ್ .

ವೆನ್ಲಾಕ್ ಸೇರಿನಂಚ ಒವ್ವೆ ಲಸಿಕಾ ಕೇಂದ್ರಡ್ ಕೋವಿಶೀಲ್ಡ್ ಲಸಿಕೆ ಸಾರ್ವಜನಿಕೆರೆಗ್ ಕೊರ್ಪುಜ . ವಿಕಲಚೇತನೆರ್ ವಕೀಲೆರ್ , ಬ್ಯಾಂಕ್ ಉದ್ಯೋಗಿಲು ಸೇರಿನಂಚ ಬೇತೆ ಆದ್ಯತಾ ವಲಯದಕ್ಲೆಗ್ ಅಕ್ಲೆನ ಬೇಲೆ ದ ಜಾಗೆಡ್ ಲಸಿಕೆ ಕೊರ್ಪಿನ ಕಾರ್ಯ ನಡಪರೇ ಉಂಡು.

ಒಡಿಪುಡು ಶುಕ್ರವಾರ 9497 ಜನಕ್ ಕೊರೋನ ಲಸಿಕೆ

ಒಡಿಪು, ಮೇ 29: ಉಡುಪಿ, ಜಿಲ್ಲೆಡ್ ಶುಕ್ರವಾರ ಒಟ್ಟು 9497 ಜನಕ್ ಕೋವಿಡ್ ಲಸಿಕೆನ್ ಕೊರ್ತೆರ್ . ನೆಟ್ಟ್ 6335 ಜನಕ್ ಲಸಿಕೆದ ಸುರುತ್ತ ಡೋಸ್ ದೆತೊoಡ , 3162 ಜನ ರಡ್ಡನೇ ಡೋಸ್ ದೆತೊoದೆರ್ ಪಂದ್ ಡಿಎಚ್‌ಓ ಡಾ.ಸುಧೀರ್‌ಚಂದ್ರ ಸೂಡ ತೆರಿಪಾದೆರ್ .

ಇನಿ 18 ರ್ದ್ 44 ವರ್ಷದ ಉಲಯಿ 1880 ಜನಕ್ ಸುರುತ್ತಾ ಡೋಸ್‌ನ್ ದೆತೊoದೆರ್ . 45 ವರ್ಷ ಮಿತ್ತ್ ದ 4279 ಜನ ಸುರುತ್ತ ಡೋಸ್ ಅಂಚನೆ 3082 ಜನ ರಡ್ಡನೇ ಡೋಸ್‌ ದೆತೊನ್ದೆರ್ .

ಲಸಿಕೆ ಕೊರಿಬೊಕ್ಕ ಪರೀಕ್ಷೆ ಮಲ್ಪಾಲೆ : ಎನ್ಎಸ್ ಯುಐ ಆಗ್ರಹ

ಕುಡ್ಲ , ಮೇ 28: ಲಸಿಕೆಇಲ್ಲದೆ ಇಜ್ಜಂದೆ ಪರೀಕ್ಷೆ ಬೊರ್ಚಿ , ಜೋಕ್ಲೆನ ಶುಲ್ಕಡ್ ಶೇ.50 ದಾತ್ ರಿಯಾಯಿತಿ ಕೊರೊಡು . ಕೊರೋನ ಸೋಂಕುರ್ದು ಪೋಷಕೆರೆನ್ ಕಳೆಯೊಂದಿನ ಜೋಕ್ಲೆಗ್ ಉಚಿತ ಶಿಕ್ಷಣ ಕೊರೊಡು ಪಂದ್ ಬೇಡಿಕೆನ್ ಈಡೇರಿಸಾವೊಡು ಎನ್‌ಎಸ್‌ಯುಐ ದ.ಕ. ಜಿಲ್ಲಾಧ್ಯಕ್ಷ ಸವಾದ್ ಸುಳ್ಯ ಪಂಡೆರ್ .

ಪೇಂಟೆದ ಮಲ್ಲಿಕಟ್ಟೆದ ಕಾಂಗ್ರೆಸ್ ಭವನಡ್ ಗುರುವಾರ ಸುದ್ದಿಗೋಷ್ಠಿಡ್ ಪಾತೆರಿನ ಮೆರ್ ಕೊರೋನ ಮೂಜನೆ ಅಲೆತ ಮುನ್ಸೂಚನೆ ಉಂಡು , ಜೋಕುಲು ಬೊಕ್ಕ ಪೋಷಕೆರ್ಡ ಪೋಡಿಗೆ ಪುಟ್ಟಾದುಂಡು.

ಸುದ್ದಿಗೋಷ್ಠಿಡ್ ಎನ್‌ಎಸ್‌ಯುಐ ಜಿಲ್ಲಾ ಉಪಾಧ್ಯಕ್ಷೆರಾಯಿನ ಆಸ್ಟನ್ ಸ್ವಿಕ್ವೇರಾ, ಅಂಕುಶ್ ಶೆಟ್ಟಿ, ನಿಕಿಲ್ ಪೂಜಾರಿ, ಮುಖಂಡೆರಾಯಿನ ಪವನ್ ಸಾಲ್ಯಾನ್, ಶಫೀಕ್, ರಿಲ್ವಾನ್ ಪಾಲ್ ಪಡೆದಿತ್ತೆರ್.