ಲಸಿಕೆ

ಒಡಿಪು: ಶನಿವಾರದ ಲಸಿಕೆದ ವಿವರ

ಒಡಿಪು ಜೂನ್ 19: ಪೇಂಟೆಡ್ ಜೂ.19ರ ಶನಿವಾರ ಕೋವ್ಯಾಕ್ಸಿನ್ ಸುರುತ್ತ ಡೋಸ್ ಲಸಿಕೆ ಒಲ್ಪಲಾ ಲಭ್ಯ ಇಜ್ಜಿ . ಪೇಂಟೆದ ಸರಕಾರಿ ತಾಯಿ ಬೊಕ್ಕ ಜೋಕ್ಲೆನ ಆಸ್ಪತ್ರೆ (ಬಿಆರ್ ಶೆಟ್ಟಿ)ಡ್ ಜೂ.25ತ್ತ ಉಲಯಿ ವಿದೇಶ ಪ್ರಯಾಣ ಮಲ್ಪುನಕ್ಲೆಗ್ ಕೋವಿಶೀಲ್ಡ್ ಸುರುತ ಡೋಸ್ ಲಸಿಕೆ ದೆತೊoದು 28 ದಿನ ಆಯಿನಕ್ಲೆಗ್ ಮಾತ್ರ 2ನೇ ಡೋಸ್ ಕೋವಿಶೀಲ್ಡ್ ಲಸಿಕೆ (100 ಡೋಸ್) ಕಾಂಡೆ 9:30ರ್ದ್ ಬೈಯ್ಯ 4:30 ಮುಟ ಉಂಡು .

ಯುವಜನತೆ ಕೋವಿಡ್ ಲಸಿಕೆ ಪಾಡೆರೆ ಸಂಸದೆ ಮಂಗಳ ಅಂಗಡಿ ಸೂಚನೆ

ಬೆಳಗಾವಿ, ಜೂನ್ 12: ‘ಸಧೃಡ ಭಾರತ ನಿರ್ಮಾಣಡ್ ಜವಣ್ಯೇರ್ನ ಪಾತ್ರ ಬಾರಿ ಮುಖ್ಯವಾದುಂಡು ಕೋವಿಡ್ ಎದುರಿಸಾಯೆರೆ ಲಸಿಕೆ (ಚುಚ್ಚುಮದ್ದು) ಪ್ರಬಲ ಅಸ್ತ್ರವಾದುಂಡು ಒವ್ವೆ ಹಿಂಜರಿಕೆ ಇಜ್ಜಂದೆ ಲಸಿಕೆ ಪಡೆಯೋಡು ‘ ಪಂದ್ ಸಂಸದೆ ಮಂಗಲಾ ಅಂಗಡಿ ಪಂಡೆರ್ .

ಕೆಎಲ್‌ಇ ಸಂಸ್ಥೆದ ಪ್ರಭಾಕರ ಕೋರೆ ಆಸ್ಪತ್ರೆ ಬೊಕ್ಕ ವೈದ್ಯಕೀಯ ಸಂಶೋಧನಾ ಕೇಂದ್ರಡ್ 18 ವರ್ಷ ಮಿತ್ತ್ ದಕ್ಲೆಗ್ ಕೋವಿಡ್ ಲಸಿಕೆ ಕೊರ್ಪಿನ ಅಭಿಯಾನಗ್ ಶುಕ್ರವಾರ ಚಾಲನೆ ಕೊರ್ದು ಆರ್ ಪಾತೆರಿಯೆರ್.

ಜೂನ್ 14ರ್ದ್ ಕುಡ್ಲದ ಮಾತಾ ಕೇಂದ್ರಡ್ ಎನ್ಆರ್ ಐಲೆಗ್ ಲಸಿಕೆ ಕೊರಿಯರೆ ಜಿಲ್ಲಾಧಿಕಾರಿ ಆದೇಶ

ಕುಡ್ಲ, ಜೂನ್ 12: ವಿದೇಶಗ್ ಪೋಯಿನ ಅನಿವಾಸಿಲೆಗ್ ದಕ್ಷಿಣ ಕನ್ನಡ ಜಿಲ್ಲೆದ ಮಾತಾ ಆರೋಗ್ಯ ಕೇಂದ್ರ, ಪ್ರಾಥಮಿಕ ಆರೋಗ್ಯ, ನಗರ ಆರೋಗ್ಯ ಕೇಂದ್ರ ಸೇರಿನಂಚ ಮಾತಾ ಲಸಿಕಾ ಕೇಂದ್ರಡ್ ಜೂನ್ 14‌ರ್ದ್ ಲಸಿಕೆ ಪಾಡೆರೆ ದ.ಕ. ಜಿಲ್ಲಾಧಿಕಾರಿ‌ ಆದೇಶ ಕೊರ್ತೆರ್ , ಜಿಲ್ಲಾಧಿಕಾರಿನ ಈ ಆದೇಶನ್ ಅನಿವಾಸಿಲು ಎದುಕೊಂದೆರ್ .

ದ.ಕ ಜಿಲ್ಲಾ ರೆಡ್ ಕ್ರಾಸ್ ಸೊಸೈಟಿ ವತಿರ್ದ್ ಮೇ 30 ತಾರೀಖ್ ಗ್ ಅಟ್ಟನೆ ಮಲ್ತಿನ ದ.ಕ. ಜಿಲ್ಲಾಧಿಕಾರಿನೊಟ್ಟುಗು ನಡತಿನ ಅನಿವಾಸಿ ಕನ್ನಡಿಗರ ವೀಡಿಯೊ ಸಂವಾದ ಲೇಸ್ ಡ್ ವಿಶ್ವದಾದ್ಯಂತ ಹಲವು ಅನಿವಾಸಿಲು ಪಾಲ್ ಪಡೆಯೆರ್.

ಜೂನ್ 21ರ್ದ್ ರಾಜ್ಯಡ್ ಕೇಂದ್ರರ್ದೇ ಉಚಿತ ಲಸಿಕೆ ಪೂರೈಕೆ ಮಲ್ಪರೆ ಮೋದಿ ಘೋಷಣೆ

ನವದೆಹಲಿ, ಜೂನ್ 07: ಭಾರತಡ್ 2014ರ್ದ್ ಜದುಂಬು ಶೇ.60 ದಾತ್ ಲಸಿಕೆ ಉತ್ಪಾದನಾ ಪ್ರಮಾಣ ಇತ್ತುಂಡು , ಆಂಡ 6ವರ್ಷಡ್ ಅವೆನ್ ಶೇ.80-90ಕ್ಕ್ ಜಾಸ್ತಿ ಮಲ್ದೆರ್ ಪಂದ್ ಪ್ರಧಾನಿ ನರೇಂದ್ರ ಮೋದಿ ಪಂಡೆರ್ .

ಕರೊನಾ ನಿಯಂತ್ರಣಡ್ ಲಸಿಕೆದ ಪಾತ್ರ ಪ್ರಮುಖವಾಯಿನವು ಪಂದ್ ಪ್ರತಿಪಾದಿಸಾಯಿನ ಪ್ರಧಾನಿ ನರೇಂದ್ರ ಮೋದಿ, ಇತ್ತೇ ಲಸಿಕೆ ವಿತರಣೆ ಸಂಬಂಧ ಕುಡೊಂಜಿ ಮಹತ್ವದ ಪಜ್ಜೆ ದೀತೆರ್ . ಲಸಿಕೆ ವಿರುದ್ಧ ನಡತೊಂದು ಉಂಡು. ಜೂ. 21ರ್ದ್ ಬೊಕ್ಕ 18 ವರ್ಷ ಮಿತ್ತ್ ದ ಮಾತೆರೆಗ್ಲಾ ಉಚಿತವಾದ್ ಲಸಿಕೆ ಕೊರ್ರೆ ಉಲ್ಲೆರ್ ಪಂದ್ ಪಂಡೆರ್.

ಈ ದುಂಬು ಲಸಿಕೆ ವಿತರಣೆ ಸಂಬಂಧ ರಾಜ್ಯಗ್ ಶೇ. 50 ಜವಾಬ್ದಾರಿ ವಹಿಸ್ ದಿತ್ತೆರ್ . ಲಸಿಕೆ ವಿತರಣೆದ ಪೂರ್ತಿ ಜವಾಬ್ದಾರಿನ್ ಕೇಂದ್ರ ಸರ್ಕಾರನೇ ವಹಿಸರೆ ಉಲ್ಲೆರ್ , ನನ ರಡ್ಡ್ ವಾರಡ್ ಆ ಬಗ್ಗೆ ಪೊಸ ಮಾರ್ಗಸೂಚಿನ್ ಕೊರ್ಪೆರ್ ಪಂದ್ ಪಂಡೆರ್.

ಒಡಿಪುಡು 530 ಜನಕ್ ಸುರುತ್ತ ಡೋಸ್ ಲಸಿಕೆ

ಒಡಿಪು , ಜೂ.7: ಒಡಿಪು ಜಿಎಸ್‌ಬಿ ಸಭಾ ಬೊಕ್ಕ ಮಣಿಪಾಲ ಕೆಎಂಸಿ ಆಸ್ಪತ್ರೆದ ಒಟ್ಟು ಸೇರಿಗೆಡ್ 530 ಜನಕ್ ಸುರುತ್ತ ಡೋಸ್ ಕೋವಿಡ್ ಶೀಲ್ಡ್ ಲಸಿಕೆನ್ ಒಳಕಾಡು ಶಾಲೆಡ್ ಕೊರಿಯೆರ್.

ಒಡಿಪು ಜಿಎಸ್‌ಬಿ ಸಭಾದ ಕಾರ್ಯಕಾರಿ ಸಮಿತಿ ಮುಂದಾಳು ಅಜಿತ್ ಪೈ, ರಾಮದಾಸ್ ಪೈ, ವಿಘ್ನೇಶ್ ಶೆಣೈ, ಪ್ರಿತಿಷ್ ಕಿಣಿ, ಪ್ರತೀಕ್ ಕಾಮತ್, ಅನಂತ್, ಶ್ರೀನಿವಾಸ್ ಕಾಮತ್, ವಿವೇಕ್ ಶೆಣೈ, ನಾಗರಾಜ್ ಶೆಣೈ, ಆದಿತ್ಯ ಭಟ್, ಶ್ರೀಶ ಶೆಣೈ, ಅಶ್ವಿನ್ ನಾಯಕ್, ದೀಪಕ್ ಶಾನುಭಾಗ್, ಮಾಧವ್ ಕಾಮತ್, ಮಟ್ಟಾರ್ ವಸಂತ್ ಕಿಣಿ, ಮಟ್ಟಾರ್ ಸತೀಶ್ ಕಿಣಿ, ಅಲೆವೂರು ಗಣೇಶ್ ಕಿಣಿ, ಶ್ಯಾಮ್ ಪ್ರಸಾದ್ ಕುಡ್ವ, ಕುಯಿಲಾಡಿ ಸುರೇಶ್ ನಾಯಕ್, ಪೊಂಜೊವ್ಲೆನ ಘಟಕದ ಅಶ್ವಿನಿ ಅಜಿತ್ ಪೈ, ಶಕುಂತಲಾ ಶೆಣೈ, ಅಶ್ವಿನಿ ಜಿ.ಪೈ, ಸ್ವಾತಿ ಕಾಮತ್ ಪಾಲ್ ಪಡೆದಿತ್ತೆರ್ .

ಪಿದಯಿ ಊರುಗು ಪೋಪಿನಕ್ಲೆಗ್ ಆದ್ಯತೆಡ್ ಲಸಿಕೆ

ಕುಡ್ಲ, ಜೂನ್ 7: ಉದ್ಯೋಗ, ವಿದ್ಯಾಭ್ಯಾಸ ನನಾತ್ ಕಾರಣಗ್ ಪಿದಾಯಿ ಊರುಗು ಪೋಪಿನ ಅನಿವಾರ್ಯತೆ ಉಪ್ಪುನಕ್ಲೆಗ್ ಆದ್ಯತೆ‌ಟ್ ಲಸಿಕೆ ಕೊರೊಂದು ಉಲ್ಲೆರ್ .ಕುಡ್ಲದ ಡೊಂಗರಕೇರಿದ ಕೆನರಾ ಹೈಸ್ಕೂಲ್ ಸುಧೀಂದ್ರ ಸಭಾಭವನಡ್ ಲಸಿಕೆ ಅಭಿಯಾನ‌ ಸುರು ಆತುಂಡು .

ಲಸಿಕೆ ಪಡೆಯಿನ ಪ್ರಮಾಣಪತ್ರನ್ ಕೆಲವು ದೇಶ ಖಡ್ಡಾಯ ಮಲ್ತಿನೆರ್ದಾವರ ತುರ್ತಾದ್ ವಿದೇಶಗ್ ಪೋಪಿನಕ್ಲೆಗ್ಕಷ್ಟ ಆದಿತ್ತುಂಡು ಉಂದೆನ್ ಜಿಲ್ಲಾಡಳಿತದ ಗೇನಗ್ ಕಂತಿತ್ತೆರ್ .

ಭಾರತೀಯ ರೆಡ್ ಕ್ರಾಸ್ ಘಟಕದ ಕಾರ್ಯದರ್ಶಿನ್ ಸಮನ್ವಯಾಧಿಕಾರಿಯಾದ್ ನೇಮಕ ಮಲ್ತಿನ ಜಿಲ್ಲಾಡಳಿತ, ಆನ್ ಲೈನ್ ನೋಂದಣಿಗೆ ಅವಕಾಶ ಮಲ್ತೆರ್ .