ಮಮತಾ ಬ್ಯಾನರ್ಜಿ

ಮೇ 5 ಮಮತಾ ಬ್ಯಾನರ್ಜಿ ಪಶ್ಚಿಮ ಬಂಗಾಳದ ಸಿಎಂ ಆದ್ ಪ್ರಮಾಣವಚನ

May 4, 2021

ಕಲ್ಕತ್ತಾ : ಪಶ್ಚಿಮ ಬಂಗಾಳದ ಮುಖ್ಯಮಂತ್ರಿ ಆದ್ ಮಮತಾ ಬ್ಯಾನರ್ಜಿ ಮೇ 5 ತಾರೀಕ್ ದಾನಿ ಪ್ರಮಾಣವಚನ ದೆತೊನರೆ ದಿನ ನಿಗಂಟ್ ಆತ್ಂಡ್.ನಂದಿಗ್ರಾಮ ವಿಧಾನಸಭೆ ಕ್ಷೇತ್ರೊಡು ಮಮತಾ ಬ್ಯಾನರ್ಜಿ ತನ್ನ ಶಿಷ್ಯೆ, ಇಂಚೊಗು ಬಿಜೆಪಿ ಸೇರ್ದಿನ ಸುವೇಂದು ಅಧಿಕಾರಿನ ವಿರುದ್ಧ ಸೋತುದೆರ್ಡಲ ಆರ್ ಕಾನೂನು ಪ್ರಕಾರ ಸಿಎಂ ಆವೊಲಿ. ಆಂಡ ಅಧಿಕಾರ ಒಯಿಸೊಂಡಿನ ಆಜಿ ತಿಂಗೊಲುದುಲಯಿ ಓಟುಡು ಉಂತುದು ಗೆಂದೊಡು. ಇಜ್ಜಿಡ ರಾಜ್ಯಸಭೆ ಇಜ್ಜಿಂಡ ವಿಧಾನ ಪರಿಷತ್ ಸದಸ್ಯೆರ್ ಆವೊಡು.
ವಿಶೇಷ ಪಂಡ 2011ನೇ ಇಸ್ವಿಡ್ ಸುರೂತ್ತ ಸರ್ತಿ ಸಿಎಂ ಆದ್ ಅಧಿಕಾರ ದೆತೊನ್ನಗ ಆರ್ ಶಾಸಕಿ ಆದ್ ಆಯ್ಕೆ ಆದಿತ್ತ್ ಜೆರ್.
ಮೇ 5 ತಾರೀಕ್ ದಾನಿ ದೀದಿ ಅಧಿಕಾರ ಸ್ವೀಕಾರ ಮಲ್ಪರೆ ದಿನ ನೆಕ್ಕಿ ಆತ್ಂಡ್ ಪಂಡ್ ದ್ ತೃಣಮೂಲ ಕಾಂಗ್ರೆಸ್ ನಾಯಕೆರ್, ಸಚಿವೆರ್ ಪ್ರತಾಪ್ ಚಟರ್ಜಿ ಮಾಧ್ಯಮದಕಲೆಗ್ ತೆರಿಪಾದೆರ್.