ಶಿಕ್ಷಕೆರ್ ಜೋಕ್ಲೆನ ಭವಿಷ್ಯ ರೂಪಿಸಾವುನಕುಲು : ಸಚಿವ ಎಸ್. ಅಂಗಾರ
ಕುಡ್ಲ : ಎಡ್ಡೆ ಶಿಕ್ಷಣ ಕೊರ್ದು ಜೋಕ್ಲೆನ ಸರ್ವಾಂಗೀಣ ವಿಕಾಸಗ್ ಕಾರಣವಾಯಿನ ಶಿಕ್ಷಕೆರ್ನ ಪಾತ್ರ ಬಾರಿ ಅನನ್ಯವಾಯಿನವು ಪಂದ್ ಮೀನುಗಾರಿಕೆ, ಬಂದರು ಬೊಕ್ಕ ಒಳನಾಡು ಜಲಸಾರಿಗೆ ಸಚಿವೆರಾಯಿನ ಎಸ್. ಅಂಗಾರ ಮೇರ್ ಶಿಕ್ಷಕೆರೆಗ್ ಪಂಡೆರ್ .
ಮೇರ್ ಪೇಂಟೆದ ಜಪ್ಪಿನಮೊಗರು ಪ್ರೆಸ್ಟೀಜ್ ಶಾಲೆಡ್ ಜಿಲ್ಲಾಡಳಿತ, ಜಿಲ್ಲಾ ಪಂಚಾಯತ್ ಬೊಕ್ಕ ಸಾರ್ವಜನಿಕ ಶಿಕ್ಷಣ ಇಲಾಖೆದ ವತಿರ್ದ್ ಅಟ್ಟನೆ ಮಲ್ತಿನ ಶಿಕ್ಷಕೆರ್ನ ದಿನಾಚರಣೆ ಲೇಸ್ ಗ್ ಚಾಲನೆ ಕೊರ್ದು ಈ ಅಭಿಪ್ರಾಯ ವ್ಯಕ್ತಪಡಿಸಾಯೆರ್ .
ಲೇಸ್ ಡ್ ಗುರ್ಕಾರ್ಮೆ ವಹಿಸಾಯಿನ ಶಾಸಕೆರಾಯಿನ ವೇದವ್ಯಾಸ ಕಾಮತ್ ಮೇರ್ ಪಾತೆರ್ದ್ , ಕೋವಿಡ್-೧೯ ಸೋಂಕುದ ಸಂಕಷ್ಟದ ಪೊರ್ತುಡು ಜೋಕುಲು ಶಿಕ್ಷಣ ವಂಚಿತೆರಾಯಿನ ಜೋಕ್ಲೆನ್ ತೂವೊಂದು , ಜೋಕ್ಲೆಗ್ ತಮ್ಮ ಕೈಟ್ ಆಪಿನ ಬೇಲೆನ್ ಮಲ್ಪೊಡು ಪಂದ್ ಪಂಡೆರ್.
ಕರ್ನಾಟಕ ಅಲೆಮಾರಿ/ಅರೆ ಅಲೆಮಾರಿ ಅಭಿವೃದ್ಧಿ ನಿಗಮದ ಗುರ್ಕಾರ್ಲಾಯಿನ ಕೆ. ರವೀಂದ್ರ ಶೆಟ್ಟಿ, ಕುಡ್ಲ ಮಹಾನಗರ ಪಾಲಿಕೆ ಸದಸ್ಯೆರಾಯಿನ ವೀಣಾ ಮಂಗಳ, ಸಾರ್ವಜನಿಕ ಶಿಕ್ಷಣ ಇಲಾಖೆದ ಉಪ ನಿರ್ದೇಶಕ ಮಲ್ಲೇ ಸ್ವಾಮಿ, ಗಣ್ಯರು ಬೊಕ್ಕ ಶಿಕ್ಷಕೆರ್ ಲೇಸ್ ಡ್ ಪಾಲ್ ಪಡೆದಿತ್ತೆರ್.
