ಪ್ರಸಾರಾಂಗ

ಕುಡ್ಲ ವಿವಿ ಪ್ರಸಾರಾಂಗರ್ದ್ 12 ಪಠ್ಯಪುಸ್ತಕ ಬುಡುಗಡೆ

ಕೊಣಾಜೆ, ಜೂ.4: ಶಿಕ್ಷಣ ವ್ಯವಸ್ಥೆಡ್ ಆಯಾ ಪ್ರದೇಶದ ಜ್ಞಾನ, ಕೌಶಲ ಬೊಕ್ಕ ಪ್ರತಿಭೆಲೆಗ್ ಅವಕಾಶ ತಿಕ್ಕುಜಿ . ಪಠ್ಯಡ್ ಜಾಗತಿಕ ಬೊಕ್ಕ ಸಾರ್ವಕಾಲಿಕ ಅಂಶದೊಟ್ಟುಗು ಸ್ಥಳೀಯತೆಗ್ ಒತ್ತು ತಿಕ್ಕುನಗ ಇಂದು ಸಾಧ್ಯ ಅವೊಂದು ಉಂಡು.

ಕುಡ್ಲ ವಿಶ್ವವಿದ್ಯಾನಿಲಯದ ಪ್ರಸಾರಾಂಗ ಪ್ರಕಟ ಮಲ್ತೊಂದು ಉಪ್ಪುನ ಕನ್ನಡ ಪಠ್ಯಪುಸ್ತಕಡ್ ಸ್ಥಳೀಯತೆಗ್ ಅವಕಾಶ ತಿಕ್ಕಿನವು ಸಂತೋಷದ ವಿಷಯ ಪಂದ್ ಕುಡ್ಲ ವಿಶ್ವವಿದ್ಯಾನಿಲಯದ ಕುಲಪತಿ ಪ್ರೊ. ಪಿ.ಎಸ್.ಯಡಪಡಿತ್ತಾಯ ಪಂಡೆರ್ .

ಮೇರ್ ಗುರುವಾರ ವಿವಿ ಸಿಂಡಿಕೇಟ್ ಸಭಾಂಗಣಡ್ ಕೃತಿ ಬುಡುಗಡೆ ಕಾರ್ಯಕ್ರಮಡ್ ಕುಡ್ಲ ವಿಶ್ವವಿದ್ಯಾನಿಲಯದ ಪ್ರಸಾರಾಂಗ ಪ್ರಕಟ ಮಲ್ತಿನ ಪದವಿ ತರಗತಿದ ದ್ವಿತೀಯ ಬೊಕ್ಕ ಚತುರ್ಥ ಸೆಮಿಸ್ಟರ್ ದ 12 ಕನ್ನಡ ಪಠ್ಯಪುಸ್ತಕನ್ ಬುಡುಗಡೆ ಮಲ್ತ್ ಪಾತೆರಿಯೆರ್.
.