ಪ್ರತಿಭಟನೆ

ಜೋಕ್ಲೆನ ಮಿತ್ತ್ ನಡತೊಂದು ಉಪ್ಪುನ ಪೊಲೀಸ್ ದೌರ್ಜನ್ಯನ್ ಖಂಡಿಸಾದ್ ಒಡಿಪುಡು ಪ್ರತಿಭಟನೆ

ಒಡಿಪು : ಪೊಸ ರಾಷ್ಟ್ತ್ರೀಯ ಶಿಕ್ಷಣ ನೀತಿ ವಿರೋಧಿಸಾದ್ ದೂರದ ಬೆಂಗ್ಳೂರುಡು ಶಾಂತಿಯುತವಾದ್ ಪ್ರತಿಭಟನೆ ಮಲ್ತೊಂದು ಇತ್ತಿನ ಜೋಕ್ಲೆನ ಮಿತ್ತ್ ಪೋಲೀಸ್ ದೌರ್ಜನ್ಯನ್ ಖಂಡಿಸಾದ್ ಅಂಚನೇ ಪ್ರಕರಣನ್ ಪಿರ ದೆತೊನೊಡು ಪಂದ್ ಆಗ್ರಹ ಮಲ್ತ್ ಪ್ರತಿಭಟನೆ ನಡತ್oಡ್.

ಈ ಪೊರ್ತುಡು ಒಡಿಪು ಜಿಲ್ಲಾ ಗುರ್ಕಾರ್ಲಾಯಿನ ಅಸೀಲ್ ಅಕ್ರಮ್ ಪಾತೆರ್ದ್ ಲಾಠಿ ಪೆಟ್ಟ್ ದ ಮುಖೇನ ಜೋಕ್ಲೆನ ಹೋರಾಟನ್ ಎದುರಿಸಾವುನ ಫ್ಯಾಶಿಸ್ಟ್ ಸರ್ಕಾರದ ಪ್ರಯತ್ನ ಮೂರ್ಖತನ ಆತುಂಡು . NEP ವಿರುದ್ಧವಾದ್ ನಮ್ಮ ಹೋರಾಟ ನನಾತ್ ಗಟ್ಟಿ ಆಯರೇ ಉಂಡು ಪಂದ್ ಪಂಡೆರ್.ಈ ಪೊರ್ತುಡು ಒಡಿಪು ಜಿಲ್ಲಾ ಮುಖಂಡ ಝಮ್ ಝಮ್, ಒಡಿಪು ಜಿಲ್ಲಾ ಉಪಾಧ್ಯಕ್ಷ ಸಾದಿಕ್ ಕಾರ್ಕಳ, ಸದಸ್ಯೆರಾಯಿನ ಅರ್ಫಾಜ್, ಸಫ್ಯಾನ್ ಬೊಕ್ಕ ಕ್ಯಾಂಪಸ್ ಫ್ರಂಟ್ ಕಾರ್ಯನ್ತೆರ್ ಪಾಲ್ ಪಡೆದಿತ್ತೆರ್.

Protest in Udupi condemning police brutality on students

Udupi : Students protesting peacefully in Bangalore in protest of the new national education policy have been protesting against police brutality and demanding the withdrawal of the case.
Speaking on the occasion, Udupi district president Azil Akram said the attempt by the fascist government to suppress the student struggle through lathi blows is stupid. He said our fight against the NEP would be made more powerful
Udupi district leader Zam Zam, Udupi district vice president Sadiq Karkala, members Arfaz, Safan and campus front activists were also present.

ದೇವಸ್ಥಾನ ದರ್ತಿನ ಬಿಜೆಪಿ ಸರ್ಕಾರದ ವಿರುದ್ಧ ಮುಲ್ಕಿ ಬ್ಲಾಕ್ ಕಾಂಗ್ರೆಸ್ ಪಾದಯಾತ್ರೆ,ಪ್ರತಿಭಟನೆ

ಮುಲ್ಕಿ : ನಂಜನಗೂಡು ದ ಮಹದೇವಮ್ಮ ದೇವಸ್ಥಾನೊನು ದರ್ಪಾಯಿನ ಕ್ರಮ ಬಿಜೆಪಿದ ಮುಖವಾಡೊನು ಬಯಲ್ ಮಲ್ದ್ಂಡ್. ಒಟ್ಟಾರೆ 5700 ದೇವಸ್ಥಾನ, ಮಸೀದಿ, ಇಗರ್ಜಿಲು ಈ ಪಟ್ಟಿಡ್ ಉಂಡು ಪಂದ್ ತೆರಿದ್ ಬೈದ್ಂಡ್. ಉಂದೆತ್ತ ವಿಚಾರೊಡು ಸರಕಾರದ ಸ್ಪಷ್ಟ ನಿಲುವು ದಾದ ಪಂದ್ ತೆರಿಪಾವೊಡುಂದು ಕಾಂಗ್ರೆಸ್ ಯುವ ನಾಯಕೆರ್ ಮಿಥುನ್ ರೈ ಆಗ್ರಹ ಮಲ್ತೆರ್. ದೇವಸ್ಥಾನ ದರ್ಪಾಯಿನ ರಾಜ್ಯ ಸರ್ಕಾರದ ಕ್ರಮೊನು ಖಂಡಿಸಾದ್ ಮುಲ್ಕಿ ಬ್ಲಾಕ್ ಕಾಂಗ್ರೆಸ್ ದಕುಲು ಗುರುವಾರ ಕಾರ್ನಾಡ್ ರ್ದ್ ಮುಲ್ಕಿ ಬಸ್ಸ್ ಸ್ಟ್ಯಾಂಡ್ ಮುಟ್ಟ ಅಟ್ಟಣೆ ಮಲ್ದಿತ್ತಿನ ಪಾದಯಾತ್ರೆದ ಮುಗಿತಲದ ಲೇಸ್ ಡ್ ಆರ್ ಪಾತೆರಿಯೆರ್.

ಬಿಜೆಪಿದಕುಲು ಒಂಜಿ ಕಣ್ಣ್ ಗ್ ಬೆಣ್ಣೆ ಬೊಕ್ಕೊಂಜಿ ಕಣ್ಣ್ ಗ್ ಸುಣ್ಣ ಪಾಡುನಕುಲು. ಒಂಜಿ ಮೈಟ್ ದೇವಸ್ಥಾನ ಪುಡತ್ ದ್ ಬೊಕ್ಕೊಂಜಿ ಕಡೆಟ್ಟ್ ಪ್ರತಿಭಟನೆ ಮಲ್ಪುವೆರ್. ಅಕುಲು ಮಲ್ಪುನ ಪ್ರತಿಭಟನೆ ಏರ್ನ ವಿರುದ್ಧ ಪಂದ್ ಮಿಥುನ್ ರೈ ಪ್ರಶ್ನೆ ಮಲ್ತೆರ್.
ದಿಕ್ಸೂಚಿ ಭಾಷಣ ಮಲ್ತಿನ ಸಮಾಜ ಚಿಂತಕೆರ್ ಸುಧೀರ್ ಮರೋಳಿ ಪಾತೆರ್ದ್, ಕಾಂಗ್ರೆಸ್ ಪಾಡುನ ಕೇಸರಿ ಶಾಲ್ ಸೌಹಾರ್ದದ ಶಾಲ್. ಕೇಸರಿ ಕಾಂಗ್ರೆಸ್ ದ ಬಾವುಟೊಡೇ ಉಂಡು. ಬಿಜೆಪಿ ನಾಟಕ ಮಲ್ಪುನೆನ್ ಉಂತಾವೊಡು ಪಂಡೆರ್.
ಕಾಂಗ್ರೆಸ್ ವೈದ್ಯಕೀಯ ಪ್ರಕೋಷ್ಠದ ಅಧ್ಯಕ್ಷೆರ್ ಡಾ.ಶೇಖರ ಪೂಜಾರಿ, ಕೆಪಿಸಿಸಿ ಕೋಆರ್ಡಿನೇಟರ್ ವಸಂತ ಬೆರ್ನಾಡ್, ರಾಜ್ಯ ಯುವ ಕಾಂಗ್ರೆಸ್ ನಾಯಕಿ ದೀಪಿಕಾ ರೆಡ್ಡಿ, ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷೆರ್ ಮೋಹನ್ ಕೋಟ್ಯಾನ್, ಯುವ ಕಾಂಗ್ರೆಸ್ ಅದ್ಯಕ್ಷೆರ್ ಅಶೋಕ್ ಪೂಜಾರ ಮಿತ್ತರ್ಮೆಡ್ ಇತ್ತೆರ್. ಕೆಪಿಸಿಸಿ ಹಿಂದುಳಿದ ವರ್ಗದ ಕಾರ್ಯದರ್ಶಿ ಪ್ರವೀಣ್ ಬೊಳ್ಳೂರು, ಗುರುರಾಜ್, ಮುಲ್ಕಿ ನಗರ ಪಂಚಾಯತ್ ಸದಸ್ಯೆರ್ ಪುತ್ತು ಬಾವ, ಯೋಗೀಶ್ ಕೋಟ್ಯಾನ್ , ಬಾಲಚಂದ್ರ ಕಾಮತ್ , ಜನಾರ್ದನ ಬಂಗೇರ, ಪಂಚಾಯತ್ ಸದಸ್ಯೆರ್ ಧನರಾಜ್ ಸಸಿಹಿತ್ಲು, ಅನಿಲ್ ಸಸಿಹಿತ್ಲು, ಚಂದ್ರ ಕುಮಾರ್, ಸುರೇಶ್ ಪಂಜ, ನವೀನ್ ಸಾಲ್ಯಾನ್, ಕೇಶವ ಪೂಜಾರಿ, ಶ್ರೀಧರ ಪಂಜ ಮೊಕುಲು ಮಾತ ಇತ್ತೆರ್.
ಶರತ್ ಶೆಟ್ಟಿ ಕಿನ್ನಿಗೋಳಿ ಲೇಸ್ ಸುಧಾರಿಕೆ ಮಲ್ತೆರ.

ಗ್ಯಾಸ್ ದ ಬಿಲೆ ಏರಿಕೆ ವಿರೋಧಿಸಾದ್ ಡಿವೈಎಫ್‌ಐ,ರಿಕ್ಷಾ ಚಾಲಕೆರೆರ್ದ್ ಪ್ರತಿಭಟನೆ

ಕುಂದಾಪುರ, ಜುಲೈ 10: ಅನಿಲ ಬೆಲೆ ಏರಿಕೆ ವಿರೋಧಿಸಾದ್ ಡಿವೈಎಫ್‌ಐ ಕುಂದಾಪುರ ತಾಲೂಕು ಸಮಿತಿ ಬೊಕ್ಕ ಕುಂದಾಪುರ ಆಟೋರಿಕ್ಷಾ ಅಂಚನೇ ವಾಹನ ಚಾಲಕರ ಸಂಘ(ಸಿಐಟಿಯು) ಮುತಾಲಿಕೆಡ್ ಬುಧವಾರ ಕುಂದಾಪುರಡ್ ಪ್ರತಿಭಟನೆ ನಡತುಂಡು .

ಡಿವೈಎಫ್‌ಐ ತಾಲೂಕು ಗುರ್ಕಾರ್ಲಾಯಿನ ರಾಜೇಶ್ ವಡೇರಹೋಬಳಿ ಪಾತೆರ್ದ್ , ಮಾರಕ ಕೊರೋನಾ ಸೋಂಕು ಸಾಮಾನ್ಯ ಜನತೆತ ಬದ್ಕ್ ನ್ ಬಲಿ ದೆತೊನ್ದುಂಡು ಈ ಕರಾಳ ಪೊರ್ತುಡೆ ಕೇಂದ್ರ ಸರಕಾರ ಅಗತ್ಯ ವಸ್ತುದ ಬಿಲೆ ಏರಿಕೆ ಮಲ್ದಿನವು ಜನಸಾಮಾನ್ಯೆರೆಗ್ ಕಷ್ಟ ಆತುಂಡು ಪಂದ್ ಪಂಡೆರ್

ಪೆಟ್ರೋಲ್ ಡೀಸೆಲ್, ಬೆಲೆ ಜಾಸ್ತಿ ಆಯಿನ ನೆಲೆಟ್ಟ್ ಯುವ ಕಾಂಗ್ರೆಸ್ ವತಿರ್ದ್ ಪ್ರತಿಭಟನೆ

ಕುಡ್ಲ, ಜೂನ್ 8: ಪೆಟ್ರೋಲ್, ಡೀಸೆಲ್ ಬೆಲೆ ಏರಿಕೆ ವಿರೋಧಿಸಾದ್ ದ.ಕ. ಜಿಲ್ಲಾ ಯುವ ಕಾಂಗ್ರೆಸ್ ಮುತಾಲಿಕೆಡ್ ಕೋಡೆ ಪ್ರತಿಭಟನೆ ನಡತುಂಡು .

ದ.ಕ. ಜಿಲ್ಲಾ ಕಾಂಗ್ರೆಸ್ ಕಚೇರಿ ಎದುರು ನಡತಿನ ಪ್ರತಿಭಟನೆನ್ ಉದ್ದೇಶಿಸಾದ್ ಪಾತೆರಿನ ಪಿರಿಯಾ ಮುಖಂಡ ಇಬ್ರಾಹಿಂ ಕೋಡಿಜಾಲ್, ಪ್ರಧಾನಿ ಮೋದಿ ನೇತೃತ್ವದ ಸರಕಾರ ಗಡಿ ಗಡಿ ಡೀಸೆಲ್, ಪೆಟ್ರೋಲ್ ಒಟ್ಟುಗು ಅಡುಗೆ ಅನಿಲ ಬೆಲೆ ಜಾಸ್ತಿ ಮಲ್ತ್ ಈ ಕೊರೋನ ಸಂಕಷ್ಟಡ್ ನನಾತ್ ಕಷ್ಟ ಕೊರೊಂದು ಉಲ್ಲೆರ್ ಪಂದ್ ಪಂಡೆರ್.

ಒಂಜಿ ತಿಂಗೊಲ್ಡೇ 18 ಸಲ ತೈಲದ ಬೆಲೆ ಜಾಸ್ತಿ ಮಲ್ದೆರ್ . 30 ರೂ.ಗೆ ತಿಕ್ಕೊಡಿತ್ತಿನ ಪೆಟ್ರೋಲ್ ಬೆಲೆ 100 ರೂ. ದಾಟ್ ದುಂಡು ಪಂದ್ ಪಂಡೆರ್.