ತುಳು ಭಾಷೆ

ತುಳು ಭಾಷೆನ್ ರಾಜ್ಯೊದ ಅಧಿಕೃತ ಭಾಷೆ ಮಲ್ಪರೆ ಸಚಿವ ಸುನೀಲ್ ಕುಮಾರ್ ಗ್ ಬಿನ್ನಾಪು ಮಲ್ತಿನ ಮಾಜಿ ಸಚಿವ ಪ್ರಮೋದ್ ಮಧ್ವರಾಜ್

Jun 8, 2022

ತುಳು ಭಾಷೆನ್ ರಾಜ್ಯೊದ ಅಧಿಕೃತ ಭಾಷೆ ಮಲ್ಪರೆ ಸಚಿವ ಸುನೀಲ್ ಕುಮಾರ್ ಗ್ ಬಿನ್ನಾಪು ಮಲ್ತಿನ ಮಾಜಿ ಸಚಿವ ಪ್ರಮೋದ್ ಮಧ್ವರಾಜ್

ಬೆಂಗ್ಳೂರು: ತುಳು ಭಾಷೆನ್ ರಾಜ್ಯದ ಅಧಿಕೃತ ಭಾಷೆಯಾದ್ ಮಲ್ಪರೆ ಕ್ರಮ ದೆತೊನೊಡು ಪಂದ್ ಮಾಜಿ ಸಚಿವ ಪ್ರಮೋದ್ ಮಧ್ವರಾಜ್ ಬಿನ್ನಾಪು ಮಲ್ದೆರ್ .

ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆ ಸಚಿವ ವಿ. ಸುನೀಲ್ ಕುಮಾರ್ ಮೆರೆನ್ ಬೆಂಗ್ಳೂರುಡು ಭೇಟಿ ಮಲ್ತ್ ಲಿಖಿತ ಬಿನ್ನಾಪು ಪತ್ರ ಕೊರಿಯೆರ್. ಬಿನ್ನಾಪು ಸ್ವೀಕಾರ ಮಲ್ತಿನ ಸಚಿವ ಸುನೀಲ್ ಕುಮಾರ್ ಈ ಸಂಬಂಧ ಅಗತ್ಯ ಕ್ರಮ ದೆತೊನುನ ಬಗ್ಗೆ ಪರಿಶೀಲನೆ ಮಲ್ಪುನ ಭರವಸೆ ಕೊರ್ತೆರ್ .

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ತುಳು ಭಾಷೆಗ್ ಮಂಗಳೂರು ವಿವಿರ್ದ್ ಶೈಕ್ಷಣಿಕ ಪ್ರೋತ್ಸಾಹ: ‘ಸಿರಿಮುಡಿ’ ಬುಡುಗಡೆ ಮಲ್ತಿನ ಕುಲಪತಿ ಪ್ರೊ. ಯಡಪಡಿತ್ತಾಯ

Sep 25, 2021

ಮಂಗಳ ಗಂಗೋತ್ರಿ: ಮಂಗಳೂರು ವಿಶ್ವವಿದ್ಯಾನಿಲಯ ತುಳು ಭಾಷೆದ ಬಲವರ್ಧನೆಗ್ ಶೈಕ್ಷಣಿಕ ಪ್ರೋತ್ಸಾಹ ಕೊರೊಂದು ಬರೊಂದು ಉಂಡು . ತುಳು ಪದವಿ, ಸ್ನಾತಕೋತ್ತರ ಪದವಿಡ್ ತುಳುಕು ಅವಕಾಶನ್ ಕೊರ್ತಿನೆ ಮಾತ್ರ ಅತ್ತoದೆ ತುಳುಕು ಸಂಬಂಧಿ ಮೌಲಿಕ ರಚನೆನ್ ಬೂಕುಡು ಸೇರ್ಪಡೆ ಮಲ್ತ್ ಪ್ರಸಾರಾಂಗದ ಮುಖೇನ ಉಂದೆನ್ ಪ್ರಕಟ ಮಲ್ಪುನ ಕಾರ್ಯಡ್ ತೊಡಗುದುಂಡು , ಪಂದ್ ಕುಡ್ಲ ವಿಶ್ವವಿದ್ಯಾನಿಲಯದ ಕುಲಪತಿ ಪ್ರೊ. ಪಿ.ಎಸ್ ಯಡಪಡಿತ್ತಾಯ ಪಂಡೆರ್ .

ಮೇರ್ ಶುಕ್ರವಾರ ಮಂಗಳೂರು ವಿಶ್ವವಿದ್ಯಾನಿಲಯದ ಸಿಂಡಿಕೇಟ್ ಸಭಾಂಗಣಡ್ ಪ್ರಸಾರಾಂಗ ಪ್ರಕಟ ಮಲ್ತಿನ ತುಳು ಪಠ್ಯಪುಸ್ತಕ ‘ಸಿರಿಮುಡಿ : ತುಡರ್ ರಡ್ಡ್’ ಪದವಿ ತರಗತಿದ ನಾಲನೆ ಚತುರ್ಮಾಸದ ಕೃತಿನ್ ಬುಡುಗಡೆ ಮಲ್ತ್ ಪಾತೆರಿಯೆರ್. ತುಳುಟು ಸಾಮಾಜಿಕವಾದ್ , ಭೌಗೋಳಿಕವಾದ್ ಭಾಷಿಕ ಭಿನ್ನತೆ ಉಂಡು ಅವೆನ್ ಮಾತಾ ಅರ್ಥ ಮಲ್ಪುನ , ವಿಶ್ಲೇಷಣೆ ಮಲ್ಪುನ ಶೈಕ್ಷಣಿಕ ಚಟುವಟಿಕೆಲು ಜಾಸ್ತಿ ಆವೊಡು ಪಂದ್ ಪಂಡೆರ್.

ಕುಲಸಚಿವ ಪ್ರೊ.ಕಿಶೋರ್ ಕುಮಾರ್ ಸಿ.ಕೆ ಪಾತೆರ್ದ್ ತುಳುಟು ಅಧ್ಯಯನಯೋಗ್ಯವಾಯಿನ ಮಾತ್ ಇಚಾರ ಉಂಡು ಐಕ್ ಆಸಕ್ತಿ ತೋಜಾವುನ ಕಾರ್ಯನ್ ಪಠ್ಯಪುಸ್ತಕ ಮಲ್ದುಂಡು ಪಂದ್ ಪಂಡೆರ್ ,. ಪ್ರಸಾರಾಂಗದ ನಿರ್ದೇಶಕ ಪ್ರೊ.ಅಭಯಕುಮಾರ್ ಪಾತೆರ್ದ್ ಪಠ್ಯಪುಸ್ತಕದ ಪ್ರಕಟಣೆದ ಪಿರವುದ ಉದ್ದೇಶ, ಪ್ರಯತ್ನಲೆನ್ ಪಂಡೆರ್ .
ಆಂಧ್ರಪ್ರದೇಶದ ಕುಪ್ಪಂ ದ್ರಾವಿಡ ವಿವಿದ ತುಳು ವಿಭಾಗದ ಮುಖ್ಯಸ್ಥ ಪ್ರೊ.ಶಿವಕುಮಾರ್ ಭರಣ್ಯ, ಕಣ್ಣೂರು ವಿಶ್ವವಿದ್ಯಾನಿಲಯದ ಕನ್ನಡ ಅಧ್ಯಯನ ಮಂಡಳಿ ಗುರ್ಕಾರ್ಲಾಯಿನ ಡಾ. ರಾಧಾಕೃಷ್ಣ ಬೆಳ್ಳೂರು, ಮಂಗಳೂರು ವಿವಿಯ ತುಳು ಅಧ್ಯಯನ ಮಂಡಳಿ ಸದಸ್ಯ ಡಾ. ಧನಂಜಯ ಕುಂಬ್ಳೆ, ಡಾ. ಪ್ರಕಾಶ್ಚಂದ್ರ ಶಿಶಿಲ, ಪ್ರಸಾರಾಂಗದ ಜೆಸ್ಸಿ ಡಿಸೋಜ, ಭರತ್ ಪಾಲ್ ಪಡೆದಿತ್ತೆರ್.

Educational incentives from Mangalore University to Tulu
‘Sirimudi’ released by Chancellor Prof. Yadapadittya

Mangalore Gangotri: Mangalore University is offering educational incentives for Tulu language strengthening. Tulu Bachelor’s and Master’s Degrees not only provide the opportunity for tulip but also include Tulu basic structures in textbooks and publish it through the publication, said Mangalore University Chancellor Prof. Said PS Yadapadittaya.
He was speaking at the launch of the fourth edition of the Tulu textbook ‘Sirimudi: Tudar Rudd’ published by Prasaranga at the Syndicate Hall of the University of Mangalore on Friday. Social, geographical and linguistic differences in Tulu should be increased, he said.
Speaking to the Chancellor, Prof. Kishore Kumar CK, the textbook said that there are many things that can be studied in the piece. Director of Broadcasting Prof. Abhayakumar spoke about the purpose and efforts behind the publication of text books. Executive Editor Dr. He said that the number of students studying in the degree of Viswanath Badikkana should increase.
Prof. Shivakumar Bharanya, head of the Tulu Division of Kuppam Dravidian Vivi in Andhra Pradesh; Radhakrishna Bellur, Mangalore Vivi Tulu Study Board Member Dr. Dhananjaya Kumble, Dr. Prakashchandra Shishila, Jessie D’Souza of Prasaranga, Bharat were also present.

ಜೈ ತುಳುನಾಡ್ (ರಿ.) ಸಂಘಟನೆರ್ದ್ ತುಳು ಭಾಷೆನ್ ರಾಜ್ಯಡ್ ಅಧಿಕೃತ ಮಲ್ಪರೆ ಶಾಸಕ ಶ್ರೀ ರಘುಪತಿ ಭಟ್‌ಗ್ ಬಿನ್ನಾಪು

Jul 21, 2021

ಕುಡ್ಲ, ಜುಲೈ 21: 2000 ವರ್ಷದ ಇತಿಹಾಸ ಉಪ್ಪುನ ತುಳುಭಾಷೆನ್ ಕರ್ನಾಟಕ ರಾಜ್ಯಡ್ ಸಂವಿಧಾನದ ವಿಧಿ 347ರ ಪ್ರಕಾರ ಅಧಿಕೃತ ಮಲ್ಪೊಡು ಅಂಚನೇ ಈ ಬಗ್ಗೆ ಅಧಿವೇಶನಡ್ ಸೊರ ಲಕ್ಕವೊಡು ಪಂದ್ ಒಡಿಪು ವಿಧಾನಸಭಾ ಕ್ಷೇತ್ರದ ಶಾಸಕೆರಾಯಿನ ಶ್ರೀ ರಘುಪತಿ ಭಟ್‌ ಮೆರೆಗ್ ಜೈ ತುಳುನಾಡ್ (ರಿ.) ಸಂಘಟನೆ ಒಡಿಪು ಪ್ರೆಸ್ ಕ್ಲಬ್‌ಡ್ ಅರಿಕೆ ಮಲ್ತೆರ್ .

ಈ ಪೊರ್ತುಡು ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಸದಸ್ಯೆರಾಯಿನ ಡಾ. ಆಕಾಶ್ ರಾಜ್ ಜೈನ್, ಶ್ರೀಮತಿ ತಾರ ಉಮೇಶ್ ಆಚಾರ್ಯ, ಜೈ ತುಲುನಾಡ್ (ರಿ.) ಸಂಘಟನೆದ ಅಧ್ಯಕ್ಷೆರಾಯಿನ ಶ್ರೀ ಸುದರ್ಶನ್ ಸುರತ್ಕಲ್, ಪ್ರಧಾನ ಕಾರ್ಯದರ್ಶಿಯಾಯಿನ ಶ್ರೀ ಸದಾಶಿವ ಮುದ್ರಾಡಿ, ಟೈಮ್ಸ್ ಆಫ್ ಕುಡ್ಲದ ಶ್ರೀಮತಿ ಯಶೋಧ ಕೇಶವ್ ಪಾಲ್ ಪಡೆದಿತ್ತೆರ್.

ತುಳು ಭಾಷೆನ್ ಸಂವಿಧಾನದ 8ನೇ ಪರಿಚ್ಚೇದಗ್ ಸೇರ್ಸಾಯೆರೆ ಸಿ.ಟಿ ರವಿ ಒತ್ತಾಯ

Jul 5, 2021

ಬೆಂಗ್ಳೂರು, ಜುಲೈ 5: `ಪದಿನೈನ್ ಶತಮಾನ ಮುಟ ತನ್ನ ಸ್ವಂತ ಲಿಪಿ ಇತ್ತಿನ ಭಾಷೆ ತುಳು. 19 ಲಕ್ಷರ್ದ್ ಜಾಸ್ತಿ ತುಳು ಮಾತೃಭಾಷಿಕೆರ್ ಪಾತೆರುನ ಅಂಚನೇ ಮುಖ್ಯವಾದ್ ಕುಡ್ಲ, ಒಡಿಪು, ಕಾಸ್ರೋಡು ಜಿಲ್ಲೆಡ್ ಅಂಚನೇ ಮಡಿಕೇರಿ, ಚಿಕ್ಕಮಗಳೂರು, ಶಿವಮೊಗ್ಗ ಜಿಲ್ಲೆದ ಕೆಲ ಭಾಗಡ್ ವ್ಯವಹಾರದ ಭಾಷೆಯಾದ್ ತುಳು ಬಾಸೆ ನ್ ಗಲಸೊಂದು ಉಲ್ಲೆರ್ ಪಂದ್ ಮಾಜಿ ಸಚಿವ ಅಂಚನೇ ಬಿಜೆಪಿ ಮುಖಂಡ ಸಿ.ಟಿ.ರವಿ ಪಂಡೆರ್

.ಐತಾರ ಸರಣಿ ಟ್ವೀಟ್ ಮಲ್ತಿನ ಆರ್, `ಐತಿಹಾಸಿಕ ಬೊಕ್ಕ ಸಾಂಸ್ಕೃತಿಕ ಅಸ್ಮಿತೆದ ತುಳು ಭಾಷೆನ್ ಭಾರತ ಸಂವಿಧಾನದ 8ನೆಯ ಪರಿಚ್ಛೇದಗ್ ಸೇರ್ಸಾವೊಡು ತುಳು ಭಾಷೆದ , ಭಾಷಿಕೆರ್ನ ಸಂಸ್ಕೃತಿ ಬೊಕ್ಕ ಸಾಂಸ್ಕೃತಿಕ ಅಸ್ಮಿತೆನ್ ಬುಲೆಪಾವುನಲ್ಪ ಅಂಚನೇ ಉಂದು ತುಳು ಲಿಪಿತ ಪುನರುತ್ಥಾನಡ್ ಲ ಮುಖ್ಯ ಪಾತ್ರ ವಹಿಸೆರೆ ಉಂಡು ‘ ಪಂದ್ ಈ ಪೊರ್ತುಡು ಪಂಡೆರ್.

ಜೈ ತುಳುನಾಡ್ ಸಂಘಟನೆದ ವತಿರ್ದ್ ತುಳು ಭಾಷೆನ್ ಅಧಿಕೃತ ಮಲ್ಪೊಡು ಪಂದ್ ಕೇರಳ ಸರ್ಕಾರಗ್ ಬಿನ್ನಾಪು

Jun 28, 2021

ಕಾಸ್ರೊಡು, ಜೂನ್ 28: ತುಳುನಾಡ್ ದ ಆಚಾರ ಇಚಾರ ಲಿಪಿ ಸಂಸ್ಕ್ರತಿ ಬೊಕ್ಕ ಭಾಷೆನ್ ಒರಿಪಾದ್ ಬುಳೆಪಾವುನ ನೆಲೆಟ್ಟ್ ಜವಾಬ್ದಾರಿಯುತ ಬೇಲೆನ್ ನಿಸ್ವರ‍್ಥವಾದ್ ಮಲ್ಪರೆ ಜವನೆರ್ ಬೊಕ್ಕ ಪೆರಿಯಾಕುಲು ಒಟ್ಟಾದ್ ಉಪ್ಪುನ ಕೂಟ ನೆ ‘ಜೈ ತುಳುನಾಡ್ ಸಂಘಟನೆ’ ನೆತ್ತ ಕಾಸ್ರೋಡು ಘಟಕರ್ದ್ ಗುರ್ಕಾರ್ಲಾಯಿನ ಹರಿಕಾಂತ್ ಕಾಸರಗೋಡು ಮೆರ್ನ ಮುತಾಲಿಕೆಡ್ , ಕೇರಳ ರಾಜ್ಯಡ್ ತುಳು ಬಾಷೆನ್ ಅಧಿಕೃತ ಭಾಷೆಯಾದ್ ಮಲ್ಪುನ ಬೇಡಿಕೆನ್ ಸರಕಾರದ ಗೇನಗ್ ಕನವೊಡು ಪಂದ್ ಶಾಸಕೆರ್ನ ಕಚೇರಿಗ್ ಭೇಟಿ ಕೊರ್ದು ಬಿನ್ನಾಪು ಮಲ್ದೆರ್.

ದಾಖಲೆದ ಒಟ್ಟುಗು ಉಪ್ಪುನ ಬಿನ್ನಾಪುನು ಮಂಜೇಶ್ವರ ಶಾಸಕ ಎ ಕೆ ಎಂ ಅಶ್ರಫ್ ಬೊಕ್ಕ ಕ್ಷೇತ್ರದ ಪ್ರಸ್ತುತ ಶಾಸಕೆರಾಯಿನ ಸಿ ಯೆಚ್ ಕುಂಞಂಬು ಮೆರೆಗ್ ಕೊರಿಯೆರ್.

ಈ ಪೊರ್ತುಡು ಜೈ ತುಳುನಾಡ್ ಕಾಸರಗೋಡು ಘಟಕದ ಗುರ್ಕಾರ್ಲಾಯಿನ ಹರಿಕಾಂತ್ ಕಾಸರಗೋಡು, ಕಾರ್ಯದರ್ಶಿ ಕಾರ್ತಿಕ್ಕೋ ಪೆರ್ಲ, ಕೋಶಾಧಿಕಾರಿ ಪ್ರಶಾಂತ್ ರೈ ಬಂದಡ್ಕ, ಮುಖ್ಯ ಸಂಚಾಲಕ ಪ್ರವೀಶ್ ಕುಲಾಲ್ ಬೊಕ್ಕ ಸದಸ್ಯ ದೇವಿಪ್ರಸಾದ್ ರೈ ಪಾಲ್ ಪಡೆದಿತ್ತೆರ್ .

ತುಳು ಭಾಷೆ, ಸಂಸ್ಕೃತಿದ ಪೊಲಬು ಪಟ್ಟೊಂದು ಉಪ್ಪುನ “ದ ಮಿಲೇನಿಯಲ್ ತುಳುವಾಸ್”

May 31, 2021

ನೀರ್ ಡ್ ಮುರ್ಕೊಂದು ಉಪ್ಪುನ ಜೀವಗ್ ಒಂಜಿ ಎಲ್ಯ ಕಡ್ಡಿ ತಿಕ್ಕ್oಡಲಾ ಯಾವು ಎಂಚಲಾ ನೀoದೊಂದು ಮಿತ್ತ್ ಬರ್ಪುಂಡು. ಒಂಜಿ ಎಲ್ಯ ಅವಕಾಶ ತಿಕ್ಕ್oಡಲಾ ತಾನ್ ದಾಲ ಸಾಧನೆ ಮಲ್ಪೊಡು ಪನ್ಪಿ ಛಲ ಐಕ್ ಉಪ್ಪುಂಡು ಇಂಚಿನ ಹಠ, ಛಲ ನಮ್ಮ ಜೀವನಡ್ ಇತ್ತ್oಡಲಾ ನಮ ಎಂಚಿನ ಸಾಧನೆಲಾ ಮಲ್ಪೊಲಿ ಪನ್ಪಿನೆಕ್ಕ್ ಉದಾರ್ಮೆ ಆಯಿನ “ದ ಮಿಲೇನಿಯಲ್ ತುಳುವಾಸ್” ಪನ್ಪಿ ಜವಣ್ಯೆರ್ನ ಕೂಟ.

ಸಾಧಿಸಾವುನ ಛಲಗಾರಗ್ ಮತ್ತರ್ಮೆನೆ ಬೋಡು ಪಂದ್ ಇಜ್ಜಿ. ತಾನ್ ಉಂತಿನ ನೆಲೆನೇ ಮತ್ತರ್ಮೆ ಮಲ್ತೊಂದು ದಾಲ ಸಾಧನೆ ಮಲ್ಪುನ ತಾದಿ ನಾಡುವೆ.ಅಂಚನೇ ಸಾಧನೆ ಪನ್ಪಿನವು ನೆತ್ತೆರ್ ಡೇ ಇತ್ತುಂಡ ಐಕ್ ಪ್ರಾಯ ಪನ್ಪಿನ ಅಡ್ಡಿ ಬರ್ಪುಜಿ ಪನ್ಪಿನೆಕ್ಕ್ ಈ ಕೂಟ ಉದಾರ್ಮೆ ಆದುಂಡು.ಒಡಿಪುದ ಪೂರ್ಣ ಪ್ರಜ್ಞಾ ಕಾಲೇಜ್ ಡ್ ತನ್ನ ವಿದ್ಯಾಭ್ಯಾಸ ಮಲ್ತೊಂದು ಉಪ್ಪುನ ಸೂರಜ್ ಆರ್ ಪೂಜಾರಿ ಬೊಕ್ಕ ಮನೋಹರ್ ಸುವರ್ಣ , ಎಸ್. ಡಿ. ಎಂ ಆಯುರ್ವೇದ ಕಾಲೇಜ್ ಡ್ ಕಲ್ತೊಂದು ಉಪ್ಪುನ ಸುರಕ್ಷಾ. ಆರ್. ಪೂಜಾರಿ ಬೊಕ್ಕ ನಿಟ್ಟೆ ಇಂಜಿನಿಯರ್ ಕಾಲೇಜ್ ದ ರಮಿತ್. ಆರ್. ಶೆಟ್ಟಿ ಈ ಪೊರ್ಲ ಪೊಲಬುದ ಕೂಟ ಡ್ ಬೆನ್ನಿ ಬೆನೊಂದು ಉಪ್ಪುನ ಸದಸ್ಯೆರ್. ಕಿನ್ಯ ಪ್ರಯೋಡೆ ಅಪ್ಪೆ ಭಾಷೆನ್ ಯುವ ಪೀಳಿಗೆಗ್ ಬಾರಿ ಪೊರ್ಲುಡೆ ಎತ್ತಾವುನ ಕಜ್ಜ ಮಲ್ತೊಂದು ಉಲ್ಲೆರ್. ಕಾಯಕಡ್ ಇಂಜಿನಿಯರ್,ಡಾಕ್ಟರ್ ಅಂಚನೇ ತನ್ನ ಸ್ವಂತ ಉದ್ಯೋಗ ಮಲ್ತೊಂದು ಆಸಕ್ತಿಡ್ ತುಳುವಪ್ಪೆನ ಬೇಲೆ ಮಲ್ತೊಂದು ಉಪ್ಪುನ ಈ ಯುವ ಉತ್ಸಾಹೀ ಒಡಿಪುದ ಜೋಕುಲು.

ಪ್ರಸ್ತುತ ಜಗತ್ತಿಗ್ ಬೈದಿನ ಕೊರೊನ ಪನ್ಪಿ ಮಹಮಾರಿ ಸೀಕ್ ರ್ದ್ ಇಡೀ ಮಾನವ ಸಂಕುಲದ ಜೀವನನೇ ಅಲ್ಲೋಲ ಕಲ್ಲೋಲ ಆತಿನವು ನಂಕ್ ತೆರಿನ ಇಚಾರ. ಇಡೀ ದೇಶ ಬಾಕಿಲ್ ಪಾರ್ದ್ ಇಲ್ಲದ ಉಲಯಿ ಕುಲ್ಲುಲಕ ಮಲ್ತಿನ ಈ ಕೊರನದ ಕೇಕೇ ನನಲ ಕಮ್ಮಿ ಆವಂದಿನವು ಬಾರಿ ಶೊಚನೀಯ ಸಂಗತಿ. ಆಂಡ ಇಂಚಿನ ಪೊರ್ತುನು ವ್ಯರ್ಥ ಮಲ್ಪಂದೆ ಈ ಉತ್ಸಾಹೀ ಜವಣ್ಯೆರ್ನ ಕೂಟ ತಾನ್ ಏಪೊಗ್ಲ ಸೋಪೆರೆ ಬಲ್ಲಿ ಪನ್ಪಿನ ಪೊಸ ಉದ್ದೇಶಡ್ ಹೊಸ ಪ್ರಯತ್ನಗ್ ಕೈ ಪಾಡುವೆರ್ ಅವ್ವೆ ” ದ ಮಿಲೇನಿಯಲ್ ತುಳುವಾಸ್ ಚಾನೆಲ್ “.

ಆಧುನೀಕತೆಗ್ ತಕ್ಕ ಬದಲಾವೊಂದು ಪೋಪಿನ ಈ ಕಾಲೋಡು ತುಳುನಾಡ್, ತುಳುಭಾಷೆ, ಸಂಸ್ಕೃತಿದ ಮಿತ್ತ್ ಬಾರಿ ಮೋಕೆ ದೀಯೊಂದು ಅಪ್ಪೆ ಬಾಸೆದ ಸಂಸ್ಕೃತಿ, ಸಂಪ್ರದಾಯ, ಆಚಾರ -ಇಚಾರಲೆನ್ ಲೋಕೊರ್ಮೆ ಪಟ್ಟುನ ಕಜ್ಜನ್ ಒಡಿಪುದ ಜವಣ್ಯೆರ್ನ ಕೂಟ “ದ ಮಿಲೇನಿಯಲ್ ತುಳುವಾಸ್” ಪನ್ಪಿನ ಪುದರ್ ಡ್ ಲೋಕೊರ್ಮೆ ಪಟ್ಟುನ ಬೇಲೆ ಮಲ್ತೊಂದು ಉಲ್ಲೆರ್.

ಆಟಿ ತಿಂಗೊಲು, ಅಳಿಯಕಟ್ಟ್, ಕೆಡ್ದಸ, ಕಂಬಳ, ತಡ್ದೆದ ಅಜ್ಜಿ, ಕಂಚಿಲ್, ಬಿಸು ಪರ್ಬ, ಪತ್ತನಾಜೆ ಇಂಚ ನನಾತ್ ತುಳು ಸಂಸ್ಕೃತಿಗ್ ಸಂಭಂದ ಪಟ್ಟಿನ ವಿಷಯನ್ ಸೋಶಿಯಲ್ ಮೀಡಿಯಾ ಡ್ ಲೋಕೊರ್ಮೆ ಪಟ್ಟೊಂದು ಉಲ್ಲೆರ್.ತುಳುನಾಡ್ ದ ಪ್ರಾಚೀನ ಕಲೆ,ಸಂಸ್ಕೃತಿಲೆನ್ ಅನ್ವೇಷನೆ ಮಲ್ಪರೆ ಬೊಕ್ಕ ಜನಕ್ಲೆಗ್ ಗೊತ್ತು ಮಲ್ಪರೆ ಒಂಜಿ ಎಡ್ಡೆ ಮತ್ತರ್ಮೆನ್ ಆಯ್ಕೆ ಮಲ್ತೊಂದು ಯುವ ತುಳು ಮನಸ್ ನ್ ಮುಟ್ಟುನ ಪ್ರಾಮಾಣಿಕ ಪ್ರಯತ್ನ ಮೆಕ್ಲೆನವು .ಆಧುನಿಕತೆಗ್ ಒಗ್ಗುದು ಪೋತಿನ ಇತ್ತೆದ ಯುವಪೀಳಿಗೆಗ್ ಅರ್ಥ ಆಪಿನ, ಅರ್ಥ ಮಲ್ಪಾವುನ ನೆಲೆಟ್ಟ್ ಆದುನಿಕತೆಗ್ ತಕ್ಕ ಇಚಾರನ್ ಪಟ್ಟುನ ಅಂಚನೇ ಆನಿ ಕಾಲೊಡು ನಡತೊಂದು ಇತ್ತಿನ ಕಟ್ಟ್ ಕಟ್ಟಲೆನ್ ಅರ್ಥಬದ್ದವಾದ್ ಇತ್ತೆದ ಪೀಳಿಗೆದ ಜನಕ್ಲೆನ ಮನಸ್ ಡ್ ನೆಲೆ ಉಂತಿನ ಮೂಢನಂಬಿಕೆ ಪನ್ಪಿ ಪದೊನು ಬಾರಿ ಪೊರ್ಲುಡೆ ಅಕ್ಲೆಗ್ ಬೋಡಾಯಿನ ಲೆಕ್ಕ ಆಧುನಿಕತೆಗ್ ತಕ್ಕ ಭಾಷಾ ಬದಲಾವಣೆ ಮಲ್ತೊಂದುಮೂಢನಂಬಿಕೆ ಪನ್ಪಿ ಪದೊನು ಕಿನ್ಕ್ ದ್ ದೆತ್ದ್ ನಮ್ಮ ಕಟ್ಟ್ ಕಟ್ಟಲೆದ ಪೊಲಬು ಪಟ್ಟೊಂದು ಉಲ್ಲೆರ್.

ಒವ್ವೆ ರೀತಿದ ಅಂಗಲ್ಪು ದಾಂತೆ ಅಪ್ಪೆ ಭಾಷೆ, ಸಂಸ್ಕೃತಿ, ಆಚಾರ -ಇಚಾರ ನ್ ಯುವ ಪೀಳಿಗೆಗ್ ಎತ್ತಾವುನ ಕಜ್ಜ ಮಲ್ತೊಂದು ಉಪ್ಪುನ ಈ ಕೂಟಗ್ ತುಳುವಪ್ಪೆ ಜೋಕುಲಾಯಿನ ನಮ್ಮ ಸಾಕಾರ ಮಸ್ತ್ ಅಗತ್ಯ ಉಂಡು. ಮಾಜೊಂದು ಉಪ್ಪುನ ತುಳುವ ಸಂಸ್ಕೃತಿನ್ ಒರಿಪಾವುನoಚಿನ ಕಜ್ಜ ಮಲ್ತೊಂದು ಉಪ್ಪುನ ಈ ಕೂಟಗ್ ನಮ ಬೆರಿಬಲ ಆಕ. ತುಳುವಪ್ಪೆನ ಸೇವೆ ಮಲ್ಪರೆ, ತುಳು ಬಾಸೆ, ಸಂಸ್ಕೃತಿಗ್ ಸಂಭಂದ ಪಟ್ಟಿನ ಇಚಾರನ್ ನನಾತ್ ಲೋಕೋಗು ತೆರಿಪಾವುನ ಬೇಲೆ ನಿಕ್ಲೆನೆರ್ದ್ ಆವಡ್ ನೆಕ್ಕ್ ಬೆರಿಬಲ ಅಪ್ಪೆ ಮೆಕ್ಲೆಗ್ ಕೊರಡ್ ನಿಕುಲು ಮಲ್ಪುನ ಈ ಕಜ್ಜ ಲೋಕೊರ್ಮೆ ಪುಗಾರ್ತೆ ಪಡೆಯಡ್ ಪನ್ಪಿನವು ಟೈಮ್ಸ್ ಆಫ್ ಕುಡ್ಲ ಪತ್ರಿಕೆದ ಆಶಯ.

✍🏻ಶ್ರೀನಿಧಿ ಶೆಟ್ಟಿ

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ತುಳು ಭಾಷೆಡ್ ಗಣರಾಜ್ಯೋತ್ಸವದ ಎಡ್ಡೆಪ್ಪು ಬಯಕಿನ ಎನ್.ಶಶಿಕುಮಾರ್

Jan 26, 2021

ಕುಡ್ಲ , ಜ. 26: ಕುಡ್ಲ ನಗರ ಪೊಲೀಸ್ ಆಯುಕ್ತ ಎನ್.ಶಶಿಕುಮಾರ್ ತುಳು ಭಾಷೆಡ್ ಕುಡ್ಲದ ಜನಕ್ಲೆಗ್ ಗಣರಾಜ್ಯೋತ್ಸವಗ್ ಎಡ್ಡೆಪ್ಪುನು ಬಯಕ್ ದೆರ್.

ಪ್ರತಿವರ್ಷ ಜ.26 ತಾರೀಖ್ ಗ್ ವಿಶ್ವಡ್ ದೇಶದ ಗಣರಾಜ್ಯೋತ್ಸವ ನ್ ಭಾರೀ ಗೌಜಿ ಡ್ ಆಚರಣೆ ಮಲ್ಪುವೆರ್ . ನಗರದ ಸಮಸ್ತ ನಾಗರಿಕೆರೆಗ್ ಗಣರಾಜ್ಯೋತ್ಸವದ ಹಾರ್ದಿಕ ಶುಭಾಶಯ ಪಂದ್ ಟ್ವೀಟ್ ಮಲ್ದೆರ್ . ಟ್ವೀಟ್ ತುಳು ಭಾಷೆಡ್ ಉಂಡು , ಕರಾವಳಿದ ಜನತೆ ಸಂತಸ ವ್ಯಕ್ತ ಮಲ್ದೆರ್ ಕಮೆಂಟ್ ಮಲ್ದೆರ್ . ಅಂಚನೇ ಈ ಟ್ವೀಟ್ ಮಸ್ತ್ ಸಲ ರೀಟ್ವೀಟ್ ಆತುಂಡು.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜಕೀಯ ಸುದ್ದಿ | Political News ರಾಜ್ಯದ ಸುದ್ದಿ | State News

ತುಳು ಭಾಷೆ ಅಧಿಕೃತವಾದ್ ಮಾನ್ಯತೆ ಪಡೆಯೊಡು – ಕ್ಯಾಪ್ಟನ್ ಗಣೇಶ್ ಕಾರ್ಣಿಕ್.

Nov 5, 2020

ಕುಡ್ಲ : ಬಿಜೆಪಿದ ರಾಜ್ಯ ವಿಶೇಷ ಸಭೆ (ಕಾರ್ಯಕಾರಣಿ)ನ್ ಮುಖ್ಯ ಮಂತ್ರಿ ಬಿ.ಎಸ್.ಯಡಿಯೂರಪ್ಪ ಗುರುವಾರ ಉದಿಪನ ಮಲ್ತೆರ್ .

ಪೇಂಟೆದ ಟಿ.ವಿ.ರಮಣ ಪೈ ಸಭಾಂಗಣಡ್ ಸಭೆ ನಡತುಂಡು , ಸಭೆಟ್ ಕೇಂದ್ರ ಸಚಿವೆರಾಯಿನ ಪ್ರಲ್ಹಾದ್ ಜೋಶಿ, ಡಿ.ವಿ. ಸದಾನಂದಗೌಡ, ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಸಿ.ಟಿ. ರವಿ, ಉಪ ಮುಖ್ಯಮಂತ್ರಿ ಗೋವಿಂದ ಕಾರಜೋಳ, ಸಚಿವರಾದ ಕೆ.ಎಸ್.ಈಶ್ವರಪ್ಪ, ಜಗದೀಶ ಶೆಟ್ಟರ್‌, ಆರ್. ಅಶೋಕ, ಕೋಟ ಶ್ರೀನಿವಾಸ ಪೂಜಾರಿ, ರಾಜ್ಯ ಘಟಕದ ಉಪಾಧ್ಯಕ್ಷ ಅರವಿಂದ ಲಿಂಬಾವಳಿ ಪಾಲ್ ಪಡೆದಿತ್ತೆರ್ .

ಈ ಪೊರ್ತುಡು ತುಳು ಭಾಷೆ ಅಧಿಕೃತವಾದ್ ಮಾನ್ಯತೆ ಪಡೆಯೊಡಾ ಪನ್ಪಿನ ಮಾಧ್ಯಮದಕ್ಲೆನ ಪ್ರಶ್ನೆಗ್ ” ಈ ವಿಚಾರ ಗೋಷ್ಠಿ ಐತವತ್ತ್ ತುಳುತ ಬಗ್ಗೆ ರಾಜ್ಯ ಸರ್ಕಾರ ಗಮನ ಕನಪ , ನೆಕ್ಕ್ ರಾಜ್ಯ ಸರ್ಕಾರ ನನಾತ್ ಒತ್ತು ಕೊರ್ಪಿಲಕ ಮಲ್ಪುವ ” ಪಂದ್ ಕ್ಯಾಪ್ಟನ್ ಗಣೇಶ್ ಕಾರ್ಣಿಕ್ ಮಾಧ್ಯಮದೊಟ್ಟುಗು ಪಂಡೆರ್.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ನವೆಂಬರ್ -01 ತುಳುವೆರೆಗ್ ಕರಾಳ ದಿನ?

Nov 1, 2020

1956 ನವೆಂಬರ್ 1 ತಾರೀಖ್ ಗ್ ತುಳುನಾಡು ನ್ ಅರ್ಧ ಕರ್ನಾಟಕ ಅರ್ಧ ಕೇರಳಗ್ ಸೇರ್ಪಾಯಿನ ಹಿನ್ನೆಲೆಡ್ ತುಳು ಭಾಷೆ, ತುಳುನಾಡ ಸಂಸ್ಕೃತಿ ಆಚಾರ ವಿಚಾರ ಅಡಿಕ್ ಭೂರ್ದ, ಉಂದು ತುಳುವೆರ್ನ ಸಂಸ್ಕ್ರಿತಿನ್ ಬುಲೆಪಾಯೆರೆ ಮಲ್ಲ ಅಡ್ಡಿ ಆತುಂಡು ಪಂಡುದು ತುಳುನಾಡ್ ದ ತುಳು ಸಂಘಟನೆಲು ಅಂಚನೆ ತುಳು ಅಭಿಮಾನಿಲು ನವೆಂಬರ್ 1ತಾರಿಕ್ ನ್ ಕನ್ನಡ ರಾಜ್ಯೋತ್ಸವ ಆಚರಣೆ ಮಲ್ಪಂದೆ ಅಕುಲು ಕಪ್ಪು ದಿನ ಪಂದ್ ಆಚರಣೆ ಮಲ್ಪುನವು ನಮಕ್ ತೋಜಿದ್ ಬರ್ಪುಂಡು .

ಇತ್ತೆನೆ ಸೋಶಿಯಲ್ ಮೀಡಿಯಾ ಡ್ ತುಳುವೆರೆಗ್ ಕರಾಳ ದಿನ ಪಂದ್ ಚಿತ್ರಣಲೆನ್ ಪಟ್ಟೊಂದು ಉಲ್ಲೆರ್.

ಉಂದೊಂಜಿ ನಮ್ಮ ರಾಜ್ಯಡ್ ತುಳು ಭಾಷೆಗ್ ಮಾನದಿಗೆ ಕೊರಂದಿನೆತ್ತ , ತುಳು ಭಾಷೆ ಅಧಿಕೃತವಾದ್ ಘೋಷಣೆ ಆವಂದಿನೆತ್ತ ಬೆಚ್ಚೋನು ತುಳು ಜನಕುಲು ಈ ಮುಖೇನ ತೋಜಾವುನವು ನಮಕ್ ಇನಿ ತೋಜಿದ್ ಬರ್ಪುಂಡು.

M	T	W	T	F	S	S
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

ತುಳು ಭಾಷೆ

ತುಳು ಭಾಷೆನ್ ರಾಜ್ಯೊದ ಅಧಿಕೃತ ಭಾಷೆ ಮಲ್ಪರೆ ಸಚಿವ ಸುನೀಲ್ ಕುಮಾರ್ ಗ್ ಬಿನ್ನಾಪು ಮಲ್ತಿನ ಮಾಜಿ ಸಚಿವ ಪ್ರಮೋದ್ ಮಧ್ವರಾಜ್

ತುಳು ಭಾಷೆಗ್ ಮಂಗಳೂರು ವಿವಿರ್ದ್ ಶೈಕ್ಷಣಿಕ ಪ್ರೋತ್ಸಾಹ: ‘ಸಿರಿಮುಡಿ’ ಬುಡುಗಡೆ ಮಲ್ತಿನ ಕುಲಪತಿ ಪ್ರೊ. ಯಡಪಡಿತ್ತಾಯ

ಜೈ ತುಳುನಾಡ್ (ರಿ.) ಸಂಘಟನೆರ್ದ್ ತುಳು ಭಾಷೆನ್ ರಾಜ್ಯಡ್ ಅಧಿಕೃತ ಮಲ್ಪರೆ ಶಾಸಕ ಶ್ರೀ ರಘುಪತಿ ಭಟ್‌ಗ್ ಬಿನ್ನಾಪು

ತುಳು ಭಾಷೆನ್ ಸಂವಿಧಾನದ 8ನೇ ಪರಿಚ್ಚೇದಗ್ ಸೇರ್ಸಾಯೆರೆ ಸಿ.ಟಿ ರವಿ ಒತ್ತಾಯ

ಜೈ ತುಳುನಾಡ್ ಸಂಘಟನೆದ ವತಿರ್ದ್ ತುಳು ಭಾಷೆನ್ ಅಧಿಕೃತ ಮಲ್ಪೊಡು ಪಂದ್ ಕೇರಳ ಸರ್ಕಾರಗ್ ಬಿನ್ನಾಪು

ತುಳು ಭಾಷೆ, ಸಂಸ್ಕೃತಿದ ಪೊಲಬು ಪಟ್ಟೊಂದು ಉಪ್ಪುನ “ದ ಮಿಲೇನಿಯಲ್ ತುಳುವಾಸ್”

ತುಳು ಭಾಷೆಡ್ ಗಣರಾಜ್ಯೋತ್ಸವದ ಎಡ್ಡೆಪ್ಪು ಬಯಕಿನ ಎನ್.ಶಶಿಕುಮಾರ್

ತುಳು ಭಾಷೆ ಅಧಿಕೃತವಾದ್ ಮಾನ್ಯತೆ ಪಡೆಯೊಡು – ಕ್ಯಾಪ್ಟನ್ ಗಣೇಶ್ ಕಾರ್ಣಿಕ್.

ನವೆಂಬರ್ -01 ತುಳುವೆರೆಗ್ ಕರಾಳ ದಿನ?

You Missed

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ