ಕಟ್ಟಡ ಕಾರ್ಮಿಕೆರೆಗ್ ಕೋವಿಡ್ ಲಸಿಕೆ
ಒಡಿಪು , ಜೂ.6: ಒಡಿಪು ಜಿಲ್ಲೆದ ಆದ್ಯತಾ ಕೂಟದ ಕಟ್ಟಡ ಕಾರ್ಮಿಕೆರೆಗ್ ಸರಕಾರದ ನಿರ್ದೇಶನದಲಕ ಜೂ.5ರ್ದ್ ಪ್ರಾಥಮಿಕ ಆರೋಗ್ಯ ಘಟಕದ ವ್ಯಾಪ್ತಿಡ್ ಕಟ್ಟಡ ಕಾರ್ಮಿಕೆರೆಗ್ ಲಸಿಕೆ ಕೊರ್ಪಿನ ಕಾರ್ಯನ್ ಸುರು ಮಲ್ದೆರ್ .
ಐರ್ದಾವರ ಜಿಲ್ಲೆದ ನೋಂದಾಯಿತ ಕಟ್ಟಡ ಕಾರ್ಮಿಕೆರ್ , ಕಟ್ಟಡ ಬೊಕ್ಕ ಇತರೆ ನಿರ್ಮಾಣ ಕಾರ್ಮಿಕೆರ್ನ ಕಲ್ಯಾಣ ಮಂಡಳಿರ್ದ್ ಪಡೆಯಿನ ಮೂಲ ಗುರುತಿನಚೀಟಿ ಬೊಕ್ಕ ಆಧಾರ್ಕಾರ್ಡ್ ನ್ ತಮ್ಮ ಕೈತಲ್ದ ಪಿಹೆಚ್ಸಿ ಅತ್ತುಂಡ ಕೋವಿಡ್ ವ್ಯಾಕ್ಸಿನ್ ಸೆಂಟರ್ಡ್ ಹಾಜರ್ ಪಡಿಸಾದ್ ಲಸಿಕೆ ಲಭ್ಯತೆದ ಆಧಾರದ ಮಿತ್ತ್ ಲಸಿಕೆನ್ ಪಡೆಯೋಡು ಪಂದ್ ತೆರಿಪಾಯೆರ್.
ನೋಂದಣಿಯಾವಂದಿನ ಕಟ್ಟಡ ಕಾರ್ಮಿಕೆರ್ ಕಾರ್ಮಿಕೆರೆನ್ ಇಲಾಖೆರ್ದ್ ಈಗಾಗಲೇ ಪಡೆಯಿನ ಅನುಬಂಧ-3 ಬೊಕ್ಕ ಆಧಾರ್ಕಾರ್ಡ್ನ್ ಹಾಜರು ಪಡಿಸಾದ್ ಲಸಿಕೆನ್ ಲಭ್ಯತೆ ಆಧಾರದ ಮಿತ್ತ್ ಪಡೆಯೋಡು ಅಂಚನೇ ಇತ್ತೇ ಮುಟ ಅನುಬಂಧ-3ನ್ ಪಡೆವಂದಿನ ಕಟ್ಟಡ ಕಾರ್ಮಿಕೆರ್ ತಮ್ಮ ತಾಲೂಕು ಕಾರ್ಮಿಕ ನಿರೀಕ್ಷಕೆರೆನ್ ಸಂಪರ್ಕಿಸಾದ್ ಅನುಬಂಧ-3ನ್ ಪಡೆದ್ ಲಸಿಕೆ ಪಡೆಯೋಡು ಪಂದ್ ಜಿಲ್ಲಾ ಕಾರ್ಮಿಕ ಅಧಿಕಾರಿ ಕುಮಾರ್ ಪ್ರಕಟಣೆಡ್ ತೆರಿಪಾಯೆರ್ .
