ಗಲ್ಫ್

ಮಾ 17: ಪುನೀತ್ ರಾಜ್ ಕುಮಾರ್ ಪುಟ್ಟು ಪರ್ಬದ ಪರವಾದ್ ಕರ್ನಾಟಕ ಜಾನಪದ ಅಕಾಡೆಮಿರ್ದ್ ನೇತ್ರದಾನ, ನೆತ್ತೆರ್ ದಾನ ಶಿಬಿರ

Mar 9, 2022

ಕುಡ್ಲ :ಕರ್ನಾಟಕ ಜಾನಪದ ಪರಿಷತ್, ಕೋಸ್ಟಲ್ ವುಡ್ ಕಲಾವಿದೆರ್ ಬೊಕ್ಕ ತಂತ್ರಜ್ನೆರ್ನ ಸಾಕಾರ ಒಕ್ಕೂಟ, ಲಯನ್ಸ್ ಕ್ಲಬ್,ವೆನ್ಲಾಕ್ ಜಿಲ್ಲಾಸ್ಪತ್ರೆ ಬೊಕ್ಕ ಕೆಎಂಸಿ ಆಸ್ಪತ್ರೆ ಒಟ್ಟು ಸೇರಿಗೆಡ್ ತೀರ್ ಪೋಯಿನ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಮೆರೆನ ಪುಟ್ಟು ಪರ್ಬ ಆಯಿನ ಮಾರ್ಚ್ 17ಕ್ಕ್ ಬೃಹತ್ ಕಣ್ಣ್ ದಾನ , ನೆತ್ತೆರ್ ದಾನ ಶಿಬಿರ ಪೇಂಟೆದ ಪುರ ಭವನಡ್ ನಡಪರೆ ಉಂಡು.

ಮುಲ್ಪ ನಮ ಜೀವನ ಸಾರ್ಥಕ ಮಲ್ಪರೆ , ನಮ್ಮ ಮೆದುಳು ಸೈತಿ ಬೊಕ್ಕ ಅಂಗಾಂಗಲೆನ್ ದಾನ ಮಲ್ಪುನ ವಾಗ್ದಾನ ಮಲ್ಪರೆ ಒಂಜಿ ಅವಕಾಶ ಉಂಡು .ಕಲಾವಿದೆರ್ , ಅಭಿಮಾನಿಲು , ಕಲಾ ಪೋಷಕೆರ್ ಒಟ್ಟಾದ್ ಮಾತೆರ್ಲ ಒಟ್ಟಾದ್ ನೆಟ್ಟೆರ್ದಾನ ಬೊಕ್ಕ ಸ್ವಇಚ್ಚೆಡ್ ನೇತ್ರ ದಾನದ ವಾಗ್ದಾನ ಮಲ್ಪುನ ಮುಖೇನ ಲೇಸ್ ಎಡ್ಡೆ ರೀತಿಡ್ ನಡಪಾಗ ಪಂದ್ ಕರ್ನಾಟಕ ಜನಪದ ಅಕಾಡೆಮಿ ದ.ಕ. ಜಿಲ್ಲಾಧ್ಯಕ್ಷ ಪಮ್ಮಿ ಕೊಡಿಯಾಲ್ ಬೈಲ್ ಪಂಡೆರ್ .

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕುಡ್ಲ : ಕೆಐಒಸಿಎಲ್ ಅಧಿಕಾರಿಗ್ ಪ್ರಶಸ್ತಿ

Mar 8, 2022

ಕುಡ್ಲ : ಕುದುರೆಮುಖ ಕರ್ಬ ಬೊಕ್ಕ ಅದಿರು ಕಂಪನಿದ (ಕೆಐಒಸಿಎಲ್) ಮಾನವ ಸಂಪನ್ಮೂಲ ಬೊಕ್ಕ ಆಡಳಿತ ವಿಭಾಗದ ಪೆರಿಯಾರ್ ವ್ಯವಸ್ಥಾಪಕ ಎಸ್. ಮುರುಗೇಶ್ ಮೆರೆಗ್ ‘ಅತ್ಯುತ್ತಮ ಮಾನವ ಸಂಪನ್ಮೂಲ ಕಲ್ಯಾಣ ಅಧಿಕಾರಿ ಪ್ರಶಸ್ತಿ’ ಬೈದುಂಡು .

51ನೇ ರಾಷ್ಟ್ರೀಯ ಸುರಕ್ಷತಾ ದಿನಚರಣೆದ ಪರವಾದ್ ಇಂಚೋಗು ಬೆಂಗ್ಳೂರುಡು ಕಾರ್ಖಾನೆದ ಇಲಾಖೆ ಅಟ್ಟನೆ ಮಲ್ತಿನ ಲೇಸ್ ಡ್ ಮರುಗೇಶ್‌ ಪ್ರಶಸ್ತಿ ಸ್ವೀಕಾರ ಮಲ್ತೆರ್ .

ಮಿನಿ ವಿಧಾನಸೌಧಡ್ ಉಪ್ಪುನ ತಾಲೂಕು ಕಚೇರಿಗ್ ಪನಂದೆ ಭೇಟಿ ಕೊರಿನ ಶಾಸಕೆರ್

Mar 6, 2022

ಕುಡ್ಲ : ಕುಡ್ಲ ಉತ್ತರ ವಿಧಾನ ಸಭಾ ಕ್ಷೇತ್ರದ ಶಾಸಕಕೆರಾಯಿನ ಡಾ. ಭರತ್ ಶೆಟ್ಟಿ ವೈ ಮೇರ್ ಶನಿವಾರ ಕುಡ್ಲದ ಮಿನಿ ವಿಧಾನಸೌಧಡ್ ಉಪ್ಪುನ ತಾಲೂಕು ಕಚೇರಿಗ್ ಪನಂದೆ ಭೇಟಿ ಕೊರಿಯೆರ್ .

ಕಂದಾಯ ವಿಭಾಗ ಭೂಮಿ ವಿಭಾಗ, ಸ್ವೀಕೃತಿ ಕೇಂದ್ರ ಬೊಕ್ಕ ದಾಖಲೆ ವಿಭಾಗಗ್ ಭೇಟಿ ಕೊರ್ದು ಪರಿಶೀಲನೆ ಮಲ್ತೆರ್ .
ದಾಖಲೆ ಕೇಂದ್ರೊಡು ಕೊರ್ಪಿನ ದಾಖಲೆಲು ತಿಕ್ಕoದೆ ಅವೆತೋ ಸಲ ತಿರ್ಗುನ ಪರಿಸ್ಥಿತಿ ಉಂಡು ಪಂದ್ ಸಾರ್ವಜನಿಕೆರ್ ದೂರು ಕೊರಿಯೆರ್.

ಟೌನ್ ಹಾಲ್ ದ ಕೈತಲ್ ಮಲ್ಲ ಮರಕ್ : ತೂ ದೀನ ದುಷ್ಕರ್ಮಿಲು

Mar 6, 2022

ಕುಡ್ಲ : ಕುಡ್ಲದ ಟೌನ್ ಹಾಲ್ ಕೈತಲ್ ಉಪ್ಪುನ ಫುಟ್ಬಾಲ್ ಮೈದಾನದ ಪ್ರವೇಶ ದ್ವಾರದ ಕೈತಲ್ ಮರಕ್ ತೂ ಪಾರ್ದಿನ ಘಟನೆ ನಡತ್oಡ್ . ಕೆಲ ದಿನತ ಪಿರವು ಅಲಂಗಾರುದ ಕೈತಲ್ ಇಂಚಿನ ಪ್ರಕರಣ ಆದ್ ಇತ್ತುಂಡು ಐರ್ದ್ ಬೊಕ್ಕ ಪರಿಸರವಾದಿ ಬೊಕ್ಕ ಉಪ ಮೀಸಲು ಅರಣ್ಯಾಧಿಕಾರಿಲು ಜಾಗೆಗ್ ಬತ್ತ್ ದ್ ತೂ ತೆಕ್ಕಯೆರೆ ಪ್ರಯತ್ನ ಮಲ್ತ್ ಇತ್ತೆರ್. . ಇತ್ತೇ ಟೌನ್ ಹಾಲ್ ಬಳಿಕೈತಲ್ಲಾ ಇಂಚಿನನೇ ಘಟನೆ ನಡತ್oಡ್ ,. ಈ ಬಗ್ಗೆ ಬರ್ಕೆ ಪೊಲೀಸ್ ಠಾಣೆಡ್ ಪ್ರಕರಣ ದಾಖಲ್ ಆತುಂಡು.

ಮಾ. 12ಕ್ಕ್ ವೀರಪ್ಪ ಮೊಯ್ಲಿನ ಆತ್ಮಕಥನ ಬುಡುಗಡೆ

Mar 1, 2022

ಬೆಂಗ್ಳೂರು : ಮಾಜಿ ಮುಖ್ಯಮಂತ್ರಿ, ಮಾಜಿ ಕೇಂದ್ರ ಸಚಿವ ಎಂ. ವೀರಪ್ಪ ಮೊಯ್ಲಿ ಮೆರೆನ ಆತ್ಮಕಥನ “ನನ್ನ ಬೊಗಸೆಯ ಆಕಾಶ” ಬೂಕು ಬುಡುಗಡೆ ದ ಲೇಸ್ ಮಾ. 12 ಕ್ಕ್ ಬೈಯ್ಯಗ್ 4 ಗಂಟೆಗ್ ಬೆಂಗ್ಳೂರು ಜೆ.ಸಿ. ಮಾರ್ಗದ ರವೀಂದ್ರ ಕಲಾ ಕ್ಷೇತ್ರಡ್ ನಡಪೆರೆ ಉಂಡು .

ನಿಟ್ಟೆ ಮೀನಾಕ್ಷಿ ತಾಂತ್ರಿಕ ಶಿಕ್ಷಣ ಸಂಸ್ಥೆಯ ಗೌರವ ಸಲಹೆಗಾರೆರಾಯಿನ ಪ್ರೊ. ಎನ್. ಆರ್. ಶೆಟ್ಟಿ ಗುರ್ಕಾರ್ಮೆ ವಹಿಸರೆ ಉಲ್ಲೆರ್ , ಮಾಜಿ ಉಪಮುಖ್ಯಮಂತ್ರಿ ಡಾ. ಜಿ. ಪರಮೇಶ್ವರ್ ಬೂಕು ಬುಡುಗಡೆ ಮಲ್ಪರೆ ಉಲ್ಲೆರ್ . ಮಾಜಿ ಕೇಂದ್ರ ಮಂತ್ರಿ ಡಾ. ಕೆ. ರೆಹಮಾನ್ ಖಾನ್, ನಿವೃತ್ತ ಆಂಗ್ಲ ಪ್ರಾಧ್ಯಾಪಕ ಪ್ರೊ. ಸಿ.ಎಸ್. ರಾಮಚಂದ್ರನ್, ಶಿಕ್ಷಣ ತಜ್ಞ ಬೊಕ್ಕ ಲೇಖಕ ಪ್ರೊ. ಕೆ. ಈ. ರಾಧಾಕೃಷ್ಣ ಪಾಲ್ ಪಡೆಯೆರೆ ಉಲ್ಲೆರ್.

ಕುಡ್ಲದಕ್ಲೆಗ್ ಎನ್‌ಐಟಿಕೆ ಟೋಲ್‌ರ್ದ್ ಮುಕ್ತಿ ಕೊರ್ಲೆ : ಸಚಿವ ಗಡ್ಕರಿಗ್ ಕೈಮುಗಿದ್ ಕೇಂಡಿನ ಸಂಸದ ನಳಿನ್

Feb 28, 2022

ಕುಡ್ಲ : ‘ಕುಡ್ಲದ ಎನ್‌ಐಟಿಕೆ ಕೈತಲ್ ಉಪ್ಪುನ ಸುರತ್ಕಲ್ ಟೋಲ್ ಗೇಟ್ ನ್ ಹೆಜಮಾಡಿಗ್ ವಿಲೀನ ಮಲ್ಪುನಃ ನೆಲೆಟ್ಟ್ ಪೊರ್oಬಾಟ ಆವೊಂದೇ ಉಂಡು . ಆ ಟೋಲ್‌ರ್ದ್ ಕುಡ್ಲದಕ್ಲೆಗ್ ಮುಕ್ತಿ ಕೊರ್ಲೆ ಪಂದ್ ಕೇಂದ್ರ ಹೆದ್ದಾರಿ ಸಚಿವ ನಿತಿನ್ ಗಡ್ಕರಿಗ್ ದ.ಕ ಸಂಸದ ನಳಿನ್ ಕುಮಾರ್ ಕಟೀಲು ಕೈ ಮುಗಿದ್ ಬಿನ್ನಾಪು ಮಲ್ದೆರ್ .

ಕುಡ್ಲದ ಕೊರ್ಡೆಲ್ ಹಾಲ್‌ಡ್ ನಡತಿನ 15 ರಾ.ಹೆದ್ದಾರಿ ಯೋಜನೆದ ಶಂಕುಸ್ಥಾಪನೆ ಬೊಕ್ಕ ಶಿಲನ್ಯಾಸ ಲೇಸ್ ಡ್ ಪಾತೆರಿನ ಆರ್ , ನಿಧಾನವಾದ್ ನಡತೊಂದು ಉಪ್ಪುನ ರಾ.ಹೆ ಕಾಮಗಾರಿಗ್ ಕುದುರೆಗತಿದ ವೇಗ ಕೊರಿನಾರ್ ನಿತಿನ್ ಗಡ್ಕರಿ.ಆ ನೆಲೆಟ್ಟ್ ಮೂಜಿ ಬೇಡಿಕೆ ದೀಯೊಂದು ಉಲ್ಲೆ ಐಟ್ ಸುರುತವು ನಂತೂರ್ ಪ್ರೈ ಓವರ್, ಬಿ.ಸಿ.ರೋಡ್-ಪೊಳಲಿ, ಕಟೀಲು ಮುಖೇನ ಮೂಲ್ಕಿಗ್ ಬೈಪಾಸ್ ಮಾರ್ಗ ಮೆಲ್ಕಾರ್‌ ರ್ದ್ -ತಲಪಾಡಿ ಮುಖೇನ ಕಾಸರಗೋಡ್ ಗ್ ಬೈಪಾಸ್ ಮಾರ್ಗ ಗ್ ಅನುಮತಿ ಕೊರೊಡು ಪಂದ್ ಬಿನ್ನಾಪು ಮಲ್ತೆರ್.

ಶ್ರೀ ಲಕ್ಷ್ಮೀ ನಾರಾಯಣ ವೀರಾಂಜನೇಯ ಸ್ವಾಮಿ ಕರಿಂಜೆ ದೇವಲ್ಯಡ್ ವರ್ಷಾವಧಿ ಉಚ್ಛಯ

Feb 28, 2022

ಬೆದ್ರ ; ಶ್ರೀ ಶ್ರೀ ಮುಕ್ತಾನಂದ ಸ್ವಾಮಿಲೆನ ತಪೋಭೂಮಿ, ಕರಿಂಜೆದ ಕ್ಷೇತ್ರಡ್ ವರ್ಷವಾದಿ ಉಚ್ಛಯ ಬೊಕ್ಕ ಧರ್ಮದೈವೊಲೆನ ನೇಮೋಚ್ಛಯ ನಡತುಂಡು.

108 ತಾರಾಯಿದ ಗಣಯಾಗ , ಲಲಿತಾ ಸಹಸ್ರನಾಮ ಯಾಗ ಬೊಕ್ಕ ಧರ್ಮಸಭೆದಂಚಿನ ಪೊರ್ಲ ಲೇಸು ಶ್ರೀ ಕ್ಷೇತ್ರಡ್ ನಡತುಂಡು..ಧರ್ಮಸಭೆಟ್ ಓಡಿಯೂರು ಶ್ರೀ ಪರಮಪೂಜ್ಯ ಗುರು ದೇವಾನಂದ ಸ್ವಾಮೀಜಿ ಆಶೀರ್ವಚನ ಕೊರಿಯೆರ್, ಅಂಚೆನೆ ಕ್ಷೇತ್ರದ ಯತಿಲಾಯಿನಂಚಿನ ಶ್ರೀ ಶ್ರೀ ಮುಕ್ತಾನಂದ ಸ್ವಾಮೀಜಿಲು ತನ್ನ ಎಡ್ಡೆಪುದ ಪಾತೆರನ್ ಪಂಡೆರ್. ಸಭೆಟ್ ಮಾರೂರು ಖಂಡಿಗ ರಾಮ್ ದಾಸ್ ಅಸ್ರಣ್ನ, ವಿಠಲ ಭಟ್ ನಂದಳಿಕೆ, ಗೌರವ ಅದ್ಯಕ್ಷೆರ್ ನಂಜಪ್ಪ , ಮಾಜಿ ಎ ಪಿ ಎಂ ಸಿ ಅದ್ಯಕ್ಷೆರ್ ಕೃಷ್ಣರಾಜ್ ಹೆಗ್ಡೆ, ಪುರಸಭಾ ಅದ್ಯಕ್ಷೆರು ಪ್ರಸಾದ್ ಕುಮಾರ್, ಹರೀಶ್ ಶೆಟ್ಟಿ ಮಜಲೋಡಿ ಸೇರಿನಂಚಿನ ಗಣ್ಯೆರ್ ಪಾಲು ಪಡೆದಿತ್ತೆರ್.ರಾಜರಾಮ್ ಮೂಡಬಿದ್ರಿ, ಲೇಸುದ ಅಧ್ಯಕ್ಷತೆನ್ ವಹಿಸೊಂದಿತ್ತೆರ್. ಬಿನ್ನೆರೆನ್ ದ ಕ ಬಿಜೆಪಿ ಅಧ್ಯಕ್ಷೆರ್ ಸುದರ್ಶನ್ ಎಂ ಮೂಡಬಿದ್ರಿ ಎದ್ಕೊಂಡೆರ್. ಲೇಸುದ ನಿರೂಪಣೆನ್ ಸುಧಾಕರ ನೂಯಿ ಮಲ್ತೆರ್. ಬಯ್ಯಗ್ ಜಗದೀಶ್ ಆಚಾರ್ಯ ಪುತ್ತೂರು ಬಳಗರ್ದ್ ಸಂಗೀತ ಗಾನ ಸುಧಾ ,ದೇವೆರೆನ ಬಲಿ .ಪಿಲಿಚಂಡಿ ದೈವದ ನೇಮೋಚ್ಛಯ,ದೈವ ದೇವೆರೆನ ಬೇಟಿ ನಡತುಂಡು. 28 ನೇ ಸೋಮವಾರದಾನಿ ದನ್ವಂತರಿ ಯಾಗ ನಡತುಂದು ಜಾತ್ರೆದ ಅಕೇರಿಯಾಂಡು

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಇನಿ ಕುಡ್ಲಗ್ ಭೇಟಿ ಕೊರಿಯೆರೆ ಉಲ್ಲೆರ್ ಕೇಂದ್ರ ಸಚಿವ ನಿತಿನ್ ಗಡ್ಕರಿ

Feb 28, 2022

ಕುಡ್ಲ : ಕೇಂದ್ರ ಹೆದ್ದಾರಿ ಸಚಿವ ನಿತಿನ್‌ ಗಡ್ಕರಿ ಫೆ. 28ಗ್ ದಕ್ಷಿಣ ಕನ್ನಡ ಜಿಲ್ಲೆದ ರಾಷ್ಟ್ರೀಯ ಹೆದ್ದಾರಿಗ್ ಸಂಬಂಧಿ ಬೇತೆ ಬೇತೆ ಕಾಮಗಾರಿಲೆಗ್ ಶಂಕುಸ್ಥಾಪನೆ ಮಲ್ಪರೆ ಉಲ್ಲೆರ್ ಪಂದ್ ಸಂಸದ ಬೊಕ್ಕ ರಾಜ್ಯ ಬಿಜೆಪಿ ಅಧ್ಯಕ್ಷ ನಳಿನ್‌ ಕುಮಾರ್‌ ಕಟೀಲು ಪತ್ರಿಕಾ ಗೋಷ್ಠಿಡ್ ತೇರಿಪಾಯೆರ್ .

ರಾಷ್ಟ್ರೀಯ ಹೆದ್ದಾರಿ 66ರ ಎನ್‌ಎಂಪಿಟಿ ಒಟ್ಟು ಸೇರುನ ಕೆಪಿಟಿ ಜಂಕ್ಷನ್‌ಡ್ 34.61 ಕೋ.ರೂ. ಪಣವುಡು ವಿಯುಪಿ ನಿರ್ಮಾಣ, ರಾ.ಹೆ. 75ರ ಬೆಂಗ್ಳೂರು -ಮಂಗ್ಳೂರು ವಿಭಾಗೊಡು ಗುಂಡ್ಯ ಅಡ್ಡ ತುದೆರ್ದ್ ಪೆರಿಯಶಾಂತಿ ಮುಟ 442.87 ಕೋ.ರೂ. ವೆಚ್ಚದ 15.13 ಕಿ.ಮೀ. ದೂರದ ನಾಲ್ಕು ಪಥ ರಸ್ತೆ ನಿರ್ಮಾಣ, ಗುಂಡ್ಯ ಅಡ್ಡಹೊಳೆರ್ದ್ ಪೆರಿಯಶಾಂತಿ -ಬಂಟ್ವಾಳಗ್ 48.48 ಕಿ.ಮೀ. ದೂರೊಗು 1,480.85 ಕೋ. ರೂ. ವೆಚ್ಚದ ಚತುಷ್ಪಥ ನಿರ್ಮಾಣ ಬೊಕ್ಕ ಕಲ್ಲಡ್ಕ ಪೇಂಟೆ ಡ್ 6 ಪಥದ ಮೇಲ್ಸೇತುವೆ ಕಾಮಗಾರಿ, ರಾ.ಹೆ. 169ರ ಬಿಕರ್ನಕಟ್ಟೆ-ಸಾಣೂರು ನಡುಟು 45.01 ಕಿ.ಮೀ. ದೂರದ 1,137 ಕೋ.ರೂ. ವೆಚ್ಚದ ರಸ್ತೆ ನಿರ್ಮಾಣ ಕಾಮಗಾರಿಗ್ ಶಿಲಾನ್ಯಾಸ ನಡಪೆರೆ ಉಂಡು ಪಂದ್ ಪಂಡೆರ್.

Uncategorized ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ನನ ‘ಆಧಾರ್ ಕಾರ್ಡ್’ ತೋಜಾದ್ಲಾ ‘ಕೆಎಸ್ಆರ್ಟಿಸಿ ಬಸ್ ಟ್ ಪೋವೊಲಿ ಶೇ.25ದಾತ್ ಕಮ್ಮಿ

Feb 28, 2022

ಬೆಂಗ್ಳೂರು: ಇತ್ತೇ ಮುಟ ಪೆರಿಯಾ ನಾಗರೀಕೆರೆಗ್ ಕೆ ಎಸ್ ಆರ್ ಟಿ ಸಿ ಬಸ್ ಡ್ ಪ್ರಯಾಣ ಮಲ್ಪುನಗ ರಿಯಾಯಿತಿ ಪಡೆಯೆರೆ ಪೆರಿಯ ನಾಗರಿಕೆರ್ನ ಗುರುತಿನ ಚೀಟಿ ತೋಜಾವೊಡಿತ್ತ್o ಡ್ . ಆಂಡ ಇತ್ತೇ ಪ್ರಾಯದಕುಲು ಆಧಾರ್ ಕಾರ್ಡ್ ತೋಜಾದ್ಲಾ ಪ್ರಪ್ರಯಾಣ ಮಲ್ತುಂಡ ಶೇ.25 ದಾತ್ ರಿಯಾಯಿತಿನ್ ಪಡೆಯೋಲಿ .

ಈ ಬಗ್ಗೆ ಕೆ ಎಸ್ ಆರ್ ಟಿ ಸಿ ಮಾಹಿತಿ ಕೊರ್ತುಂಡು , ಒವ್ವೆ ಅಧಿಕೃತ ಗುರ್ತುದ ಚೀಟಿ ತೋಜಾದ್ ಪೆರಿಯಾ ನಾಗರೀಕೆರ್ ಶೇ.25ರಷ್ಟು ರಿಯಾಯಿತಿ ದರಟ್ ಸಂಸ್ಥೆದ ಬಬಸ್ ಡ್ ಪೋವೊಲಿ ಪಂದ್ ಪಂತೆರ್.

ಉಡುಪಿದ ಸುದ್ದಿ | Udupi News ಕಾರ್ಲದ ಸುದ್ದಿ Karkala News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ