ಕೊಡವೂರು

ಕೊಡವೂರು ಶ್ರೀ ಶಂಕರನಾರಾಯಣ ದೇವಸ್ಥಾನದ ಭಕ್ತವೃಂದದ ಗುರ್ಕಾರ್ಲಾದ್ ಶ್ರೀ ಸಾಧು ಸಾಲಿಯಾನ್ ಆಯ್ಕೆ

ಒಡಿಪು, ಎಪ್ರಿಲ್ 08: ಕೊಡವೂರು ಶ್ರೀ ಶಂಕರನಾರಾಯಣ ದೇವಸ್ಥಾನದ ಭಕ್ತವೃಂದದ ಗುರ್ಕಾರ್ಲಾದ್ ಶ್ರೀ ಸಾಧು ಸಾಲಿಯಾನ್ ಆಯ್ಕೆ ಆತೆರ್ ಅಂಚನೇ ಕಾರ್ಯದರ್ಶಿಯಾದ್ ಪ್ರಕಾಶ್ ಜಿ ಕೊಡವೂರು, ಕೋಶಾಧಿಕಾರಿಯಾದ್ ಶ್ರೀ ರಾಮ ಸೇರಿಗಾರ್ ಆಯ್ಕೆ ಆತೆರ್.

ಗಣರಾಜ್ಯ ದಿನ ಡಾ. ಬಿ. ಆರ್ ಅಂಬೇಡ್ಕರ್ ನ್ ನೆನೆಪುಗ – ವಿಜಯ್ ಕೊಡವೂರು

ಗಣರಾಜ್ಯ ದಿನದ ನಿಮಿತ್ತ ದೇಶ ಕಂಡ ಧೀಮಂತ ನಾಯಕ ಡಾ.ಬಿ.ಆರ್ ಅಂಬೇಡ್ಕರ್ ನ್ ನೆಂಪು ಮಲ್ಪುಗ ಅಂಚನೇ ಆರ್ ನಡತಿನ ತಾದಿ ಡೇ ನಡಪುಗ.ಅರೆಗಾಯಿನ ಬೇನೆ, ಅನ್ಯಾಯ ಬೇತೆ ಏರೆಗ್ಲಾ ಆಯೆರೆ ಬಲ್ಲಿ. ಆರ್ಜೀವನಪೂರ್ತಿ ಹೋರಾಟ ಮಲ್ದೆರ್ ,ಅಂಚನೇ ಜಾತಿ ಭೇದ ದೂರ ಮಲ್ತ್ ದ ಸಾಮರಸ್ಯಡ್ ಬದುಕೊಡು ಪನ್ಪಿನ ಸಂದೇಶ ನ್ ಕೊರ್ತೆರ್. ಉಂದೆನ್ ನಮ ಜೀವನ ಪೂರ್ತಿ ನೆಂಪು ಮಲ್ತೊಂದು ಸಾಗೊಡು.ಅಂಬೇಡ್ಕರ್ ಕೇವಲ ಒಂಜಿ ಜಾತಿಗ್ ಸೇರಿನ ವ್ಯಕ್ತಿಯತ್ತ್ ಪ್ರಪಂಚಗ್ ಮಾದರಿಯಾಯಿನ ಧೀಮಂತ ನಾಯಕೆ.

ಗಣರಾಜ್ಯೋತ್ಸವದ ಈ ಶುಭದಿನಟ್ ಪರಿಶಿಷ್ಟ ಜಾತಿ ಡ್ ಉಪ್ಪುನ ಕಡುಬಡವೆರೆಗ್ ಇಲ್ಲ್ ಕಟ್ಟುನ ಕಾರ್ಯಕ್ರಮಗ್ ಚಾಲನೆ ಕೊರ್ಪಿನ ಲೇಸ್ ದ ಭೂಮಿ ಪೂಜೆದ ಕಜ್ಜ ಡ್ ವಿಜಯ್ ಕೊಡವೂರು ಪಂಡೆರ್ .

ನನ 13 ಬೇತೆ ಬೇತೆ ಅನುದಾನಡ್ ನನಾತ್ ಇಲ್ಲ್ ಕಟ್ಟುನ ಕಾರ್ಯ ಕೊಡವೂರುಡು ನಡತೊಂದು ಉಂಡು. ಕೊಡವೂರುದ ಸಂಘ ಸಂಸ್ಥೆದ ಶ್ರಮದಾನ ಬೊಕ್ಕ ಸಹಕಾರಡ್ ಈ ಕಾರ್ಯ ನಡಪರೆ ಉಂಡು ಪಂದ್ ಪಂಡೆರ್.

ಈ ಪೊರ್ತುಡು ಕೊಡವೂರು ವಾರ್ಡ್ ಅಭಿವೃದ್ಧಿ ಸಮಿತಿ ಗುರ್ಕಾರಲಾಯಿನ ಪ್ರಭಾತ್ ಕೊಡವೂರು, ಉದ್ಯಮಿ ಜೀವನ್ ಪಾಳೆಕಟ್ಟೆ, ಅಶೋಕ್ ಶೆಟ್ಟಿಗಾರ್, ಚಂದ್ರಕಾಂತ್ ಶೆಟ್ಟಿಗಾರ್,ಉಮೇಶ್,ಮನೋಜ್ ಬೈಲಕೆರೆ, ವಿನಯ್ ಲಕ್ಷೀ ನಗರ ಪಾಲ್ ಪಡೆದಿತ್ತೆರ್.

ಕೊಡವೂರು‌ ಮಹಾತೋಬಾರ ಶ್ರೀ ಶಂಕರನಾರಾಯಣ ದೇವಸ್ಥಾನ ರಾಶಿ ಪೂಜಾ ಪುದೆಕಾಣಿಕೆ ಮೆರವಣಿಗೆ

ಕೊಡವೂರು‌ ಮಹಾತೋಬಾರ ಶ್ರೀ ಶಂಕರನಾರಾಯಣ ದೇವಸ್ಥಾನ ಫೆಬ್ರವರಿ 4 ತಾರೀಕುಗ್ ನಡಪುನ ರಾಶಿ ಪೂಜಾ ಮಹೋತ್ಸವದ ಅಂಗವಾದ್ ಮಲ್ಪೆ ಅಯ್ಯಪ್ಪ ಮಂದಿರಡ್ದ್ ದೇವಸ್ಥಾನಮುಟ್ಟ ಮಲ್ಲ ಮಟ್ಟುದ ಪುದೆಕಾಣಿಕೆ ಮೆರವಣಿಗೆ ಬಾರೀ ಗೌಜಿಡ್ ನಡತುಂಡ್.

ಊರುದ ಬೇತೆ ಬೇತೆ ಸಂಘ ಸಂಸ್ಥೆದ ಮುಖ್ಯಸ್ಥೆರ್ ಮೆರವಣಿಗಡ್ ಪಾಲ್ ಪಡೆಯೆರ್..

ಕೊಡವೂರು ಮಹಾತೋಬಾರ ಶ್ರೀ ಶಂಕರನಾರಾಯಣ ದೇವಸ್ಥಾನದ ರಥೋತ್ಸವ ದ ಪ್ರಯುಕ್ತ ಢಕ್ಕೆಬಲಿ ಸೇವೆ

ಕೊಡವೂರು ಮಹಾತೋಬಾರ ಶ್ರೀ ಶಂಕರನಾರಾಯಣ ದೇವಸ್ಥಾನದ ರಥೋತ್ಸವ ದ ಪ್ರಯುಕ್ತ ಢಕ್ಕೆಬಲಿ ಸೇವೆ ನಡತುಂಡ್.

ಈ ಪೊರ್ತುಡ್ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರಾಯಿನ ಪ್ರಕಾಶ್ ಕೊಡವೂರು,ಕಾರ್ಯದರ್ಶಿ ಜನಾರ್ಧನ್ ಕೊಡವೂರು, ರಾಜ ಸೇರಿಗಾರ ಅಂಚೆನೇ ಊರುದ ಸಮಸ್ತೆರ್ ಉಪಸ್ಥಿತರಿತ್ತೆರ್.

“ಬಲೇ ತುಳು ಲಿಪಿಟ್ ಪುದರ್ ಬರಲೆ ಇನಾಮು ಗೆಂದ್ಲೆ” ಪಂಥೋ ದ ಇನಾಮು ಪಟ್ಟುನ ಲೇಸ್

ಶ್ರೀ ಶಂಕರನಾರಾಯಣ ದೇವಸ್ಥಾನ ಕೊಡವೂರು ಜೈ ತುಳುನಾಡ್(ರಿ) ಸಂಘಟನೆ ಉಡುಪಿ ಘಟಕ ಬೊಕ್ಕ ಕೊಡವೂರು ಹಳೆವಿದ್ಯಾರ್ಥಿ ಸಂಘ ಅಂಚನೇ ಯುವಕ ಸಂಘದ ಒಟ್ಟು ಸೇರಿಗೆಡ್ ಜನವರಿ 30 ತಾರೀಖ್ ಗ್ ಕಾಂಡೆ 11ಗಂಟೆರ್ದ್ 6:30 ಮುಟ ಶ್ರೀ ದೇಗುಲದ ವಠಾರಡ್ “ಬಲೇ ತುಳು ಲಿಪಿಟ್ ಪುದರ್ ಬರಲೆ ಇನಾಮು ಗೆಂದ್ ಲೆ “ತುಳು ಲಿಪಿಟ್ ಪುದರ್ ಬರೆಪಿನ ಪಂಥ ನಡತುಂಡು. ಈ ಪಂಥ ಡ್ 400 ರ್ದ್ ಲಾ ಜಾಸ್ತಿ ಜನ ಪಾಲ್ ಪಡೆದಿತ್ತೆರ್. ನೆಟ್ಟ್ ಗೆಂದಿನ ಮೂಜಿ ಅದೃಷ್ಟಶಾಲಿಲೆಗ್ ” ಬಲೇ ತುಳು ಲಿಪಿ ಕಲ್ಪುಗ” ಲೇಸ್ ಡ್ ತುಳು ಲಿಪಿ ಕಲ್ತ್ ದ್ ಉತ್ತೀರ್ಣರಾಯಿನ ಜೋಕ್ಲೆಗ್ ಸರ್ಟಿಫಿಕೇಟ್ ಪಟ್ಟುನ ಲೇಸ್ ನಡಪರೆ ಉಂಡು ಈ ಲೇಸ್ದೊಟ್ಟುಗು  ಗೆಂದಿನಕ್ಲೆಗ್ ಇನಾಮು ಕೊರ್ಪ ಪಂದ್ ಜೈ ತುಳುನಾಡು ಸಂಘಟನೆದ ತುಳು ಲಿಪಿ ಕಮಿಟಿದ ಸದಸ್ಯರಾಯಿನ ಶರತ್ ಕೊಡವೂರು ಪ್ರಕಟಣೆಡ್ ತೆರಿಪಾಯೆರ್.

ಈ ಲೇಸ್ ಡ್ ಶಂಕರ ನಾರಾಯಣ ದೇವಸ್ಥಾನ ದ ವ್ಯವಸ್ಥಾಪನ ಸಮಿತಿ ಗುರ್ಕಾರ್ಲು ಪ್ರಕಾಶ್ ಜಿ ಕೊಡವೂರು, ರಾಮ ಸೇರಿಗಾರ್ ಅಯ್ಯಪ್ಪ ಭಕ್ತವೃಂದ, ಮಧುಕರ ಪೂಜಾರಿ, ಸತೀಶ್ ಕೊಡವೂರು, ಪ್ರಭಾತ್ ಕೊಡವೂರು, ತುಳು ಲಿಪಿ ಶಿಕ್ಷಕರಾಯಿನ ರಾಜೇಶ್ ತುಳುವೆ, ಅಕ್ಷತಾ ಕುಲಾಲ್, ಸ್ವಾತಿ ಸುವರ್ಣ ಬೊಕ್ಕ ಸುಪ್ರಿಯ ಅಖಿಲೇಶ್ ಪಾಲ್ ಪಡೆದಿತ್ತೆರ್ .