ಕೇಂದ್ರ

ಜಾನ್ಸಿರಾಣಿ ಜ್ಞಾನವಿಕಾಸ ಕೇಂದ್ರ ವತಿರ್ದ್ ಪೌಷ್ಟಿಕ ಆಹಾರ ಮೇಳ ಲೇಸ್

ಗೊಳ್ತಮಜಲು : ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಬಿ ಸಿ ಟ್ರಸ್ಟ್(ರಿ) ವಿಟ್ಲ ದ ಒಟ್ಟು ಸೇರಿಗೆಡ್ ಜಾನ್ಸಿರಾಣಿ ಜ್ಞಾನವಿಕಾಸ ಕೇಂದ್ರ ವತಿರ್ದ್ ಪೌಷ್ಟಿಕ ಆಹಾರ ಮೇಳ ಲೇಸ್ ಸರಕಾರಿ ಪ್ರೌಢಶಾಲೆ ಗೋಳ್ತಮಜಲುಡು ನಡತುಂಡು.

ಲೇಸ್ ನ್ ಶ್ರೀ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆದ ದಕ್ಷಿಣ ಕನ್ನಡ 2 ನೇ ವಿಭಾಗದ ಜಿಲ್ಲಾ ನಿರ್ದೇಶಕೆರಾಯಿನ ಶ್ರೀ ಪ್ರವೀಣ್ ಕುಮಾರ್ ತುಡರ್ ಅರ್ಲಾದ್ ಉದಿಪನ ಮಲ್ತ್ ಜ್ಞಾನ ವಿಕಾಸ ಕೇಂದ್ರ ಉದ್ದೇಶ ಬೊಕ್ಕ ಪ್ರಾಮುಖ್ಯತೆ. ಪೌಷ್ಟಿಕ ತೆನಸ್ ದ ಮಹತ್ವ , ಇಲ್ಲ್ ಬೊಕ್ಕ ಪೊಂಜೊವು ,ಪೊಂಜೊವು ಬೊಕ್ಕ ಆರೋಗ್ಯ, ಪೊಂಜೊವು ಬೊಕ್ಕ ಸಂಸ್ಕೃತಿ ,ಈ ವಿಷಯದ ಬಗ್ಗೆ ವಿವರವಾದ್ ಮಾಹಿತಿ ಕೊರಿಯೆರ್ .
ಲೇಸ್ ದ ಗುರ್ಕಾರ್ ಮೆ ವಹಿಸಿನ ವೀರಕಂಭ ಗ್ರಾಮ ಪಂಚಾಯತ್ ಗುರ್ಕಾರ್ಲಾಯಿನ ಶ್ರೀ ದಿನೇಶ್ ವಹಿಸ್ ದ್ ಜ್ಞಾನವಿಕಾಸ ಕೇಂದ್ರದ ವತಿರ್ದ್ ನಡಪುನ ಮಾತಾ ಲೇಸ್ ಗ್ ಪಂಚಾಯತ್ ಮಟ್ಟಡ್ ಪೂರ್ಣ ಸಾಕಾರ ಕೊರ್ಪೆ ಪಂದ್ ಪಂಡೆರ್.

ಜ್ಞಾನವಿಕಾಸ ಕೇಂದ್ರದ ಸದಸ್ಯೆರ್ ಪೌಷ್ಠಿಕ ಆಹಾರ ಪ್ರಾತ್ಯಕ್ಷಿಕೆಡ್ ಪಾಲ್ ಪಡೆದ್ ವಿವಿಧ ಪೌಷ್ಟಿಕಾಂಶ ಯುಕ್ತ ತೆನಸ್ ಆಯಿನ ತಜಂಕ್ ವಡೆ, ವಿಟಮಿನ್ ಸೊಪ್ಪು ಉಪ್ಪುಕರಿ , ಸಾಂಬಾರು,ಪೆಲಕಾಯಿದ ಬೀಜದ ಲಾಡ್ , ನುರ್ಗೆ ಸೊಪ್ಪು ಉಪ್ಪುಕರಿ, ಕ್ಯಾರೆಟ್ ಹಲ್ವ, ಸೋನೆ ಸೊಪ್ಪು ಚಟ್ನಿ, ಇಂಚ ಬೇತೆ ಬೇತೆ ರೀತಿದ ತೆನಸ್ ತನ್ನ ಇಲ್ಲಡೆ ಮಲ್ತ್ ತಮ್ಮ ಮನೆಯಲ್ಲಿ ಅವೆನ್ ಪ್ರದರ್ಶನಗ್ ದೀದ್ ಐತ ತಯಾರಿಕ ವಿಧಾನ ಬೊಕ್ಕ ಐರ್ದ್ ಆಪಿನ ಉಪಯೋಗದ ಬಗ್ಗೆ ಮಾಹಿತಿ ಕೊರಿಯೆರ್ . ಎಡ್ಡೆ ರೀತಿಡ್ ಆಹಾರ ಖಾದ್ಯ ಮಲ್ತಿನಕ್ಲೆಗ್ ಇನಾಮು ಪಟ್ಟಿಯೆರ್ .

ಈ ಪೊರ್ತುಡು , ಪಂಚಾಯತ್ ಸದಸ್ಯ ಶ್ರೀಮತಿ ಜಯಂತಿಜನಾರ್ಧನ್,ಗೋಳ್ತಮಜಲು ಸರಕಾರಿ ಪ್ರೌಢಶಾಲಾ ಮುಖ್ಯ ಶಿಕ್ಷಕಿ ಶ್ರೀಮತಿವಿದ್ಯಾಲತಾ ,ಗ್ರಾಮಾಭಿವೃದ್ಧಿ ಯೋಜನೆ ವೀರಕಂಬ ಒಕ್ಕೂಟ ಗುರ್ಕಾರ್ಲಾಯಿನ ಶ್ರೀ ಕೊರಗಪ್ಪ ನಾಯ್ಕ ಸಿಂಗೇರಿ. ಯೋಜನೆದ ಕೃಷಿ ಅಧಿಕಾರಿ ಶ್ರೀ ಚಿದಾನಂದ,
ಜ್ಞಾನವಿಕಾಸ ಕೇಂದ್ರದ ಸಮನ್ವಯಾಧಿಕಾರಿ ಸವಿತಾ. ಸೇವಾ ಪ್ರತಿನಿಧಿ ಶ್ರೀಮತಿ ರೇವತಿ. ಪಾಲ್ ಪಡೆದಿತ್ತೆರ್
ಸಭಾಕಾರ್ಯಕ್ರಮರ್ದ್ ಬೊಕ್ಕ ಜ್ಞಾನವಿಕಾಸ ಕೇಂದ್ರದ ಸದಸ್ಯೆರೆರ್ದ್ ಕುಣಿತ ಭಜನೆ ಬೊಕ್ಕ ಸಾಂಸ್ಕೃತಿಕ ಲೇಸ್ ನಡತುಂಡು..

ಕೇಂದ್ರಡ್ ಬಾಕಿ ಒರಿನ ಒಡಿಪುದ ಯೋಜನೆಲು ಬೇಗಡೆ ಪೂರ್ಣ : ಕೇಂದ್ರ ಸಚಿವೆ ಶೋಭಾ ಕರಂದ್ಲಾಜೆ

ಒಡಿಪು, ಜುಲೈ 17: ಕೇಂದ್ರ ಸರಕಾರದ ಮಟ್ಟಡ್ ಮಂಜೂರಾತಿಗ್ ಬಾಕಿ ಉಪ್ಪುನ ಜಿಲ್ಲೆದ ಬೇತೆ ಬೇತೆ ಯೋಜನೆ ಬೊಕ್ಕ ಕಾಮಗಾರಿದ ಪಟ್ಟಿನ್ ಬೆಗೋಡೆ ಸಲ್ಲಿಸಾದ್ ಈ ಬಗ್ಗೆ ಕೇಂದ್ರದ ಸಂಬಂಧ ಪಟ್ಟಿನ ಸಚಿವೆರ್ನೊಟ್ಟುಗು ಚರ್ಚೆ ಮಲ್ತ್ , ಬೆಗೋಡೆ ಮಂಜೂರು ಮಲ್ಪರೆ ಪ್ರಯತ್ನ ಮಲ್ಪುವ ಪಂದ್ ನೂತನ ಕೇಂದ್ರ ಕೃಷಿ ಬೊಕ್ಕ ರೈತೆರ್ನ ಕಲ್ಯಾಣ ಇಲಾಖೆದ ರಾಜ್ಯ ಸಚಿವೆ ಶೋಭಾ ಕರಂದ್ಲಾಜೆ ಪಂಡೆರ್ .

ಶುಕ್ರವಾರ ಕಾಂಡೆ ಹೊಸದಿಲ್ಲಿದ ತಮ್ಮ ಕಚೇರಿರ್ದ್ ವೀಡಿಯೋ ಸಭೆತ ಮುಖೇನ ಒಡಿಪು -ಚಿಕ್ಕಮಗಳೂರು ಕ್ಷೇತ್ರಡ್ ಮುಂಗಾರುರ್ದು ಆಯಿನ ಹಾನಿದ ಬಗ್ಗೆ ಪರಿಶೀಲನಾ ಸಭೆ ನಡಪಾದ್ ಪಾತೆರಿಯೆರ್.

ಜೂನ್ 14ರ್ದ್ ಕುಡ್ಲದ ಮಾತಾ ಕೇಂದ್ರಡ್ ಎನ್ಆರ್ ಐಲೆಗ್ ಲಸಿಕೆ ಕೊರಿಯರೆ ಜಿಲ್ಲಾಧಿಕಾರಿ ಆದೇಶ

ಕುಡ್ಲ, ಜೂನ್ 12: ವಿದೇಶಗ್ ಪೋಯಿನ ಅನಿವಾಸಿಲೆಗ್ ದಕ್ಷಿಣ ಕನ್ನಡ ಜಿಲ್ಲೆದ ಮಾತಾ ಆರೋಗ್ಯ ಕೇಂದ್ರ, ಪ್ರಾಥಮಿಕ ಆರೋಗ್ಯ, ನಗರ ಆರೋಗ್ಯ ಕೇಂದ್ರ ಸೇರಿನಂಚ ಮಾತಾ ಲಸಿಕಾ ಕೇಂದ್ರಡ್ ಜೂನ್ 14‌ರ್ದ್ ಲಸಿಕೆ ಪಾಡೆರೆ ದ.ಕ. ಜಿಲ್ಲಾಧಿಕಾರಿ‌ ಆದೇಶ ಕೊರ್ತೆರ್ , ಜಿಲ್ಲಾಧಿಕಾರಿನ ಈ ಆದೇಶನ್ ಅನಿವಾಸಿಲು ಎದುಕೊಂದೆರ್ .

ದ.ಕ ಜಿಲ್ಲಾ ರೆಡ್ ಕ್ರಾಸ್ ಸೊಸೈಟಿ ವತಿರ್ದ್ ಮೇ 30 ತಾರೀಖ್ ಗ್ ಅಟ್ಟನೆ ಮಲ್ತಿನ ದ.ಕ. ಜಿಲ್ಲಾಧಿಕಾರಿನೊಟ್ಟುಗು ನಡತಿನ ಅನಿವಾಸಿ ಕನ್ನಡಿಗರ ವೀಡಿಯೊ ಸಂವಾದ ಲೇಸ್ ಡ್ ವಿಶ್ವದಾದ್ಯಂತ ಹಲವು ಅನಿವಾಸಿಲು ಪಾಲ್ ಪಡೆಯೆರ್.

ಬ್ಲಾಕ್ ಫಂಗಸ್ಗ್ ಕೇಂದ್ರರ್ದ್ ರಾಜ್ಯಗ್ ಜಾಸ್ತಿ ಮರ್ದ್ ಪೂರೈಕೆ : ಡಿವಿಎಸ್

ಬೆಂಗ್ಳೂರು ಜೂ.09: ಕೋವಿಡ್ ಸಾಂಕ್ರಾಮಿಕದ ನಡುಟುಲಾ ಕರ್ನಾಟಕಡ್ ಬ್ಲಾಕ್ ಫಂಗಸ್ ಸೋಂಕು ಜಾಸ್ತಿ ಆವೊಂದು ಉಂದು . ಬ್ಲಾಕ್ ಫಂಗಸ್ ನಿರ್ವಹಣೆಗ್ ಇತ್ತೇ ಹೆಚ್ಚುವರಿಯಾದ್ 2,490 ವಯಲ್ಸ್ ಆಂಫೊಟೆರಿಸಿನ್-ಬಿ ಮರ್ದ್ ನ್ ರಾಜ್ಯಗ್ ಕೇಂದ್ರರ್ದ್ ಪೂರೈಕೆ ಮಲ್ದೆರ್ .

ಈ ಬಗ್ಗೆ ಕೇಂದ್ರ ಸಚಿವ ಸದಾನಂದಗೌಡ ಮೇರ್ ಟ್ವೀಟ್ ಮೂಲಕ ಮಾಹಿತಿ ಕೊರ್ತೆರ್ . ಕರ್ನಾಟಕಗ್ ಕುಡೋರ 2,490 ವಯಲ್ಸ್ ಆಂಫೊಟೆರಿಸಿನ್- ಬಿ ಮರ್ದ್ ಪೂರೈಕೆ ಮಲ್ದೆರ್ ಪಂದ್ ಕೇಂದ್ರ ಸಚಿವ ಡಿವಿಎಸ್ ಟ್ವೀಟ್ ಮುಖೇನ ಮಾಹಿತಿ ಕೊರ್ತೆರ್.

ಆರೋಗ್ಯ ಕೇಂದ್ರಗ್ ಆಕ್ಸಿಜನ್ ಸಿಲಿಂಡರ್

ವಿಟ್ಲ, ಜೂನ್ 7: ವಿಟ್ಲ-ಉಪ್ಪಿನಂಗಡಿ ಬ್ಲಾಕ್ ಕಾಂಗ್ರೆಸ್ ವತಿರ್ದ್ ಸಮುದಾಯ ಆರೋಗ್ಯ ಕೇಂದ್ರಗ್ ತೀರಾ ಅಗತ್ಯ ಉಪ್ಪುನ ರಡ್ಡ್ ಆಮ್ಲಜನಕ ಜಂಬೊ ಸಿಲಿಂಡರ್ ಸಹಿತ ಅಗತ್ಯ ವಸ್ತುಲೆನ್ ಪಟ್ಟಿಯೆರ್.

ಮಾಜಿ ಶಾಸಕಿ ಶಕುಂತಳಾ ಶೆಟ್ಟಿ ಮೇರ್ ಈ ಸಾಮಗ್ರಿಲೆನ್ ಸಮುದಾಯ ಆರೋಗ್ಯ ಕೇಂದ್ರ ಆಡಳಿತ ವೈದ್ಯಾಧಿಕಾರಿ ಡಾ. ವೇದಾವತಿ ಮೆರೆಗ್ ಹಸ್ತಾಂತರ ಮಲ್ತೆರ್ .

ವಿಟ್ಲ ಉಪ್ಪಿನಂಗಡಿ ಬ್ಲಾಕ್ ಕಾಂಗ್ರೆಸ್ ಗುರ್ಕಾರ್ಲಾಯಿನ ಡಾ.ರಾಜಾರಾಮ್ ಕೆ.ಬಿ, ಬ್ಲಾಕ್ ಕಾಂಗ್ರೆಸ್ ಮಾಜಿ ಗುರ್ಕಾರ್ಲಾಯಿನ ಎಂ ಎಸ್ ಮಹಮ್ಮದ್, ಪ್ರವೀಣ್ ಚಂದ್ರ ಆಳ್ವ, ಮುರಳೀಧರ ರೈ ಮಠಂತಬೆಟ್ಟು, ಪುತ್ತೂರು ಬ್ಲಾಕ್ ಕಾಂಗ್ರೆಸ್ ಗುರ್ಕಾರ್ಲಾಯಿನ ಎಂ.ಬಿ ವಿಶ್ವನಾಥ ರೈ, ಪುತ್ತೂರು ನಗರ ಕಾಂಗ್ರೆಸ್ ಗುರ್ಕಾರ್ಲಾಯಿನ ಮಹಮ್ಮದಾಲಿ, ಪ್ರಮುಖರಾದ ಉಮನಾಥ ಶೆಟ್ಟಿ, ಅಶ್ರಫ್‌ ಬಸ್ತಿಕಾರ್, ಯುವ ಕಾಂಗ್ರೆಸ್ ಗುರ್ಕಾರ್ಲಾಯಿನ ಸಿದ್ದಿಕುಲ್ ಅಕ್ಬರ್, ಸಂತೋಷ್ ಭಂಡಾರಿ ಚಿಲಿಮ್ಮೆತ್ತಾರ್, ವಿಟ್ಲ-ಉಪ್ಪಿನಂಗಡಿ ಬ್ಲಾಕ್ ಕಾಂಗ್ರೆಸ್ ವಕ್ತಾರ ರಮಾನಾಥ ವಿಟ್ಲ, ವಿಟ್ಲ ನಗರ ಕಾಂಗ್ರೆಸ್ ಅಧ್ಯಕ್ಷ ವಿಕೆಎಂ ಅಶ್ರಫ್, ಪೆರುವಾಯಿ ಗ್ರಾಮ ಪಂಚಾಯಿತಿ ಗುರ್ಕಾರ್ಲಾಯಿನ ಬಾಲಕೃಷ್ಣ ಪೂಜಾರಿ, ಉಪಾಧ್ಯಕ್ಷೆ ನೆಬಿಸಾ, ಪದ್ಮನಾಭ ಪೂಜಾರಿ ಅಳಿಕೆ, ಪಟ್ಟಣ ಪಂಚಾಯಿತಿ ಸದಸ್ಯೆರಾಯಿನ ಹಸೈನಾರ್ ನೆಲ್ಲಿಗುಡ್ಡೆ, ಸುನೀತಾ ಕೋಟ್ಯಾನ್, ಎಂ.ಕೆ ಮೂಸಾ, ಜಯಪ್ರಕಾಶ್ ಬದಿನಾರ್, ರವೀಂದ್ರ ಗೌಡ, ಸೀತಾರಾಮ ಶೆಟ್ಟಿ ಅಳಿಕೆ, ಪಂಚಪಾಲ ಶೆಟ್ಟಿ ಪೆರುವಾಯಿ, ಅಶೋಕ ಡಿಸಿಲ್ವ, ಶ್ರೀಧರ್ ಬಾಳೆಕಲ್ಲು, ಶ್ರೀಧರ್ ಶೆಟ್ಟಿ ಪುಣಚ, ಎಲ್ಯಣ್ಣ ಪೂಜಾರಿ, ಕರೀಂ ಕುದ್ದುಪದವು ಪಾಲ್ ಪಡೆದಿತ್ತೆರ್ .