ಊರ್ದ ಸುದ್ದಿ Regional News
ಕುಡ್ಲದ ಸುದ್ದಿ | Mangalore News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ಪುತ್ತೂರ್ದ ಸುದ್ದಿ | Puttur News
ರಪಕ್ಕ ಸುದ್ದಿ Flash News
ಕೋಟಿ-ಚೆನ್ನಯ ಜೋಡುಕರೆ ಕಂಬಳ ಉದಿಪನ
ಪುತ್ತೂರು, ಮಾ.13: ಕಂಬಳ ಕರಾವಳಿ ಭಾಗದ ಜಾನಪದ ಪರಂಪರೆಯಾದ್ ಬುಳೆದ್ ಬೈದುಂಡು,ಈ ಕ್ರೀಡೆದ ಬಗ್ಗೆ ಮಾತೆರೆಗ್ಲಾ ಮೋಕೆ ಪುಟ್ಟೋಡು ಕಂಬಳದ ಎರುತ್ತ ಸಂಖ್ಯೆ ಜಾಸ್ತಿ ಆವೊಡು ಪಂದ್ ಶ್ರೀ ಮಹಾಲಿಂಗೇಶ್ವರ ದೇವಳದ ವ್ಯವಸ್ಥಾಪನಾ ಸಮಿತಿದ ಗುರ್ಕಾರ್ಲಾಯಿನ ಮುಳಿಯ ಕೇಶವ ಪ್ರಸಾದ್ ಪಂಡೆರ್ .
ಮೇರ್ ಶುಕ್ರವಾರ ಪುತ್ತೂರುದ ಶ್ರೀ ಮಹಾಲಿಂಗೇಶ್ವರ ದೇವಳದ ಬಾಕಿಮಾರು ಕಂಡೊಡು ನಡತಿನ 28ನೇ ವರ್ಷದ ಹೊನಲು ಬೊಲ್ಪುದ ಕೋಟಿ-ಚೆನ್ನಯ ಜೋಡುಕರೆ ಕಂಬಳನ್ ಕರೆಗ್ ತಾರಾಯಿ ಆಕುನ ಮುಖೇನ ಉದಿಪನ ಮಲ್ತೆರ್.
ಪುತ್ತೂರು ನಗರಸಭಾ ಗುರ್ಕಾರ್ಲಾಯಿನ ಜೀವಂಧರ್ ಜೈನ್ ಪಾತೆರ್ದ್ , ಪುತ್ತೂರುದ ಕಂಬಳ ದೇವಳದ ಜಾತ್ರಾ ಕಂಡೊಡು ಪುತ್ತೂರುದ ಜಾತ್ರೋತ್ಸವ ಮಾದರಿಡ್ ನಡಪುನ ರಡ್ಡ್ ದಿನತ ಉತ್ಸವ ಪಂದ್ ಪಂಡೆರ್ .
ಒಡಿಪು-ಕುಡ್ಲ ವಲಯದ ರಾಷ್ಟ್ರೀಯ ಹೆದ್ದಾರಿ ಹೋರಾಟ ಸಮಿತಿದ ಸಂಚಾಲಕೆರ್ ಶೇಖರ್ ಹೆಜ್ಮಾಡಿ ಪಾತೆರ್ದ್, ಈ ಸಮಸ್ಯೆ ಪರಿಹಾರ ಮಲ್ತ್ ಜೆರ್ಡ ಸಾಸ್ತಾನೊರ್ದು ತೊಕ್ಕೊಟ್ಟು ಮುಟ್ಟದ ಸಂಘಟದಕಲ್ನ ಸಕಾಯೊಡು ಪೆಜಮಾಡಿ ಟೋಲ್ ಗೇಟ್ ಗ್ ಪೊಗ್ಗುದು ಪ್ರತಿಭಟನೆ ಮಲ್ಪುವ ಪಂಡೆರ್.ಮುಲ್ಕಿ ನಾಗರಿಕ ಹಿತರಕ್ಷಣೆ ಸಮಿತಿದ ಅಧ್ಯಕ್ಷೆರ್ ಹರೀಶ್ ಪುತ್ರನ್ ಪಾತೆರ್ದ್, ಬಸ್ ತಕಲ್ನ ಹೋರಾಟೊಗು ಬೆರಿಸಾಯ ಕೊರ್ಪ ಪಂಡೆರ್.ಕೆನರಾ ಬಸ್ ಮಾಲಿಕೆರ್ನ ಸಂಘದ ಕಾರ್ಯದರ್ಶಿ ರಾಜೇಶ್ ಶೆಟ್ಟಿ, ಪೆಜಮಾಡಿ ನಾಗರಿಕ ಕ್ರಿಯಾ ಸಮಿತಿದ ಅಧ್ಯಕ್ಷೆರ್ ಸುಧಾಕರ ಕರ್ಕೇರ, ಕಿಲ್ಪಾಡಿ ಗ್ರಾಮ ಪಂಚಾಯ್ತಿ ಉಪಾಧ್ಯಕ್ಷೆರ್ ಗೋಪಿನಾಥ್ ಪಡಂಗ, ಮುಲ್ಕಿ ನಾಗರಿಕ ಸಮಿತಿದ ಉಪಾಧ್ಯಕ್ಷೆರ್ ಸದಾಶಿವ ಹೊಸದುರ್ಗ, ಕೋಶಾಧಿಕಾರಿ ಸುರೇಶ್ ಶೆಟ್ಟಿ ಬೊಕ್ಕ ಬಸ್ ಮಾಲೀಕೆರ್ ಇತ್ತೆರ್.
ಕಂಬಳ ಕ್ಷೇತ್ರಡ್ ಅವ್ವೆತೋ ಸಮಯರ್ದ್ ತನ್ನ ಚಾತುರ್ಪುನು ತೋಜಾಯಿನ ಕುಟ್ಟಿ ಪನ್ಪಿನ ಎರು ಐತಾರಾ ದೇವೆರೆ ಪಾದ ಸೇರ್ದುಂಡು.ಕೆಸರ್ ದ ಕರೆಟ್ಟ್ ಕ್ಷಣ ಮಾತ್ರಡ್ ಗುರಿ ಮುಟ್ಟೋನ್ದು ಇತ್ತಿನ ಕುಟ್ಟಿ ಅಲ್ಪ ಕಾಲದ ಅಸೌಖ್ಯರ್ದ್ ತೀರ್ಪೋತೆ.