ಡಾ. ನಿಟ್ಟೆ ಶಂಕರ ಅಡ್ಯಂತಾಯ ಪ್ರಥಮ ದರ್ಜೆ ಕಾಲೇಜು ಜಾಗತಿಕ ಹಿರಿಯ ವಿದ್ಯಾರ್ಥಿಲೆನ ಸ್ನೇಹ ಸಮ್ಮಿಲನ – 2025
ಕಾರ್ಲ : ನಿಟ್ಟೆ ಪರಿಗಣಿತ ವಿಶ್ವವಿದ್ಯಾಲಯದ ಅಧೀನ ಸಂಸ್ಥೆ ಡಾI ನಿಟ್ಟೆ ಶಂಕರ ಅಡ್ಯಂತಾಯ ಪ್ರಥಮ ದರ್ಜೆ ಕಾಲೇಜು ಬೊಕ್ಕ ಹಿರಿಯ ವಿದ್ಯಾರ್ಥಿ ಸಂಘದ ಜಂಟಿ ಆಶ್ರಯಡ್ ಜಾಗತಿಕ ಹಿರಿಯ ವಿದ್ಯಾರ್ಥಿಗಳ ಸ್ನೇಹ ಸಮ್ಮಿಲನ – 2025 ಅಂಚೆನೆ 1997-2000 ಇಸವಿದ ಬೊಳ್ಳಿ ವರ್ಷದ ವಿದ್ಯಾರ್ಥಿಲೆನ ಸಮಾಗಮ ಡಿ. 27ರಂದು ನಿಟ್ಟೆ ಕಾಲೇಜಿದ “ಸಂಭ್ರಮ” ಚಾವಡಿಡ್ ನಡತ್ಂಡ್.
ನಿಟ್ಟೆ ವಿದ್ಯಾ ಸಂಕೀರ್ಣದ ನಿರ್ಮಾಣ, ನಿರ್ವಹಣೆ ಬೊಕ್ಕ ಅಭಿವೃದ್ಧಿ ನಿರ್ದೇಶಕೆರ್ ಎ. ಯೋಗೀಶ್ ಹೆಗ್ಡೆ ಅಧ್ಯಕ್ಷತೆ ವಹಿಸ್ದಿತ್ತೆರ್. ಮಲ್ಲ ಬಿನ್ನೆರಾದ್ ನಿಟ್ಟೆ ವಿಶ್ವ ವಿದ್ಯಾಲಯದ ಉಪಕುಲಪತಿ ಡಾI ಎಂ.ಎಸ್. ಮೂಡಿತ್ತಾಯ, ನಿಟ್ಟೆ ತಾಂತ್ರಿಕ ಶಿಕ್ಷಣ ಸಂಸ್ಥೆದ ಪ್ರಿನ್ಸಿಪಾಲ್ ಡಾI ನಿರಂಜನ್ ಎನ್. ಚಿಪ್ಲೂಂಕರ್ ಬೊಕ್ಕ ನಿಟ್ಟೆ ವಿಶ್ವವಿದ್ಯಾಲಯದ ವಿದ್ಯಾರ್ಥಿ ಕಲ್ಯಾಣ, ಹಳೆ ವಿದ್ಯಾರ್ಥಿ ಸಂಘಟನೆಲೆನ ನಿರ್ದೇಶಕೆರ್ ಪ್ರಸನ್ನ ಆರ್. ಕೈಲಾಜೆ ಇತ್ತೆರ್. ಪೂರ್ವ ವಿದ್ಯಾರ್ಥಿನಿ ಅನುರಾಧಾ ಭಟ್ ಪ್ರಾರ್ಥನೆ ಮಲ್ತೆರ್. ಪ್ರಿನ್ಸಿಪಾಲ್ ಡಾI ವೀಣಾ ಬಿ.ಕೆ ಸ್ವಾಗತ ಮಲ್ತೆರ್. ಪೂರ್ವ ವಿದ್ಯಾರ್ಥಿ ಸಂಘದ ಉಪಾಧ್ಯಕ್ಷ ಅಬ್ದುಲ್ ರಝಾಕ್ ಪ್ರಾಸ್ತಾವಿಕವಾದ್ ಪಾತೆರಿಯೆರ್. ಈ ಪೊರ್ತುಡು ಕಾಲೇಜು ಸುರುವಾಯಿನೆರ್ದಿಂಚಿ ಇತ್ತಿನ ಉಪನ್ಯಾಸಕೆರ್, ಸಹಾಯಕೆರಾದಿತ್ತಿನಕ್ಲೆನ್ ಗೌರವ ಮಲ್ತೆರ್. ಅಂಚೆನೆ ವಿವಿಧ ಕ್ಷೇತ್ರಡ್ ಸಾಧನೆ ಮಲ್ದಿನ ಹಿರಿಯ ವಿದ್ಯಾರ್ಥಿಲೆಗ್ ಸನ್ಮಾನ ನಡತ್ಂಡ್. ಬೊಕ್ಕ ಹಿರಿಯ ವಿದ್ಯಾರ್ಥಿಲು, ಉಪನ್ಯಾಸಕೆರೆನ ಸ್ನೇಹ ಮಿಲನ, ಸಾಂಸ್ಕೃತಿಕ ಕಾರ್ಯಕ್ರಮ ಬೊಕ್ಕ ವಿವಿಧ ಮನೋರಂಜನಾ ಕ್ರೀಡೆ ನಡತ್ಂಡ್. ಹಿರಿಯ ವಿದ್ಯಾರ್ಥಿ ಸಂಘದ ಕಾರ್ಯದರ್ಶಿ ಸತೀಶ್ ಶೆಟ್ಟಿ ಸೊಲ್ಮೆ ಸಂದಾಯೆರ್. ಹಿರಿಯ ವಿದ್ಯಾರ್ಥಿನಿ ದೇಚಮ್ಮ ಎಂ ಎ ಕಾರ್ಯಕ್ರಮ ನಿರೂಪಣೆ ಮಲ್ತೆರ್. ಪ್ರಸುಧಾ ಶೆಟ್ಟಿ ಸಾಂಸ್ಕೃತಿಕ ಕಾರ್ಯಕ್ರಮ ನಿರೂಪಣೆ ಮಲ್ತೆರ್. ಹಳೆ ವಿದ್ಯಾರ್ಥಿ ಸಂಘದ ಸಂಯೋಜಕಿ ಅರ್ಚನಾ ಭಟ್ ಬೊಕ್ಕ ಹಾಲಿ ಶಿಕ್ಷಕ, ಶಿಕ್ಷಕೇತರ ಸಿಬ್ಬಂದಿಲು ಅಂಚೆನೆ ವಿದ್ಯಾರ್ಥಿ ಪ್ರತಿನಿಧಿಕುಲು ಸಹಕಾರ ಮಲ್ತೆರ್
