ಉಪ್ಪುನ

ತಕ್ಕ ಮಟ್ಟ್ ಗ್ ಹುಷಾರಾವೊಂದು ಉಪ್ಪುನ ಆಸ್ಕರ್ ಫೆರ್ನಾಂಡಿಸ್ : ಡಾ. ಮಹಮ್ಮದ್ ತಾಹಿರ್

ಕುಡ್ಲ,: ಪೇಂಟೆದ ಯೆನೆಪೊಯ ಆಸ್ಪತ್ರೆದ ತೀವ್ರ ನಿಗಾ ಘಟಕಡ್ ಕರಿನ ಐನ್ ದಿನರ್ದ್ ಚಿಕಿತ್ಸೆ ಪಡೆಯೊಂದು ಉಪ್ಪುನ ಪೆರಿಯ ಕಾಂಗ್ರೆಸಿಗ, ರಾಜ್ಯಸಭಾ ಸದಸ್ಯ ಆಸ್ಕರ್ ಫೆರ್ನಾಂಡಿಸ್ ಮೆರ್ನ ಆರೋಗ್ಯ ಸ್ಥಿತಿ ಗಂಭೀರ ಆಂಡಲಾ ಸ್ಥಿರವಾದುಂಡು ಪಂದ್ ಯೆನೆಪೊಯ ಆಸ್ಪತ್ರೆದ ವೈದ್ಯಕೀಯ ನಿರ್ದೇಶಕ ಡಾ.ಮುಹಮ್ಮದ್ ತಾಹಿರ್ ಪಂಡೆರ್ .

ಆಸ್ಕರ್ ಮೇರ್ ದಿನನಿತ್ಯದ ವ್ಯಾಯಾಮ ಮಲ್ಪುನ ಪೊರ್ತುಡು ತರೆಕ್ ಎಲ್ಯ ಗಾಯ ಆಯಿಬೊಕ್ಕ ‘ಇಂಟ್ರಾಕ್ರೇನಿಯಲ್’ ರಕ್ತಸ್ರಾವ ಆದ್ ಇತ್ತುಂಡು. ಅರೆಗ್ ದುಂಬೇ ಇತ್ತಿನ ಹೃದಯ ಬೊಕ್ಕ ಮೂತ್ರಪಿಂಡದ ಸಮಸ್ಯೆರ್ದ್ ಆರ್ನ ಆರೋಗ್ಯ ಸ್ಥಿತಿ ಜಟಿಲವಾದ್ ಇತ್ತುಂಡು . ನೆಕ್ಕ್ ಚಿಕಿತ್ಸೆ ಪಡೆಯೊಂದು ಇತ್ತೆರ್ .

ಪ್ಯಾರಾಲಿಂಪಿಕ್ಸ್ಗ್ ಪೋಯೆರೆ ಉಪ್ಪುನ ಯುಪಿ ಜಿಲ್ಲಾಧಿಕಾರಿ ಸುಹಾಸ್

ನವದೆಹಲಿ, ಜುಲೈ 19: ಟೋಕಿಯೊ ಒಲಿಂಪಿಕ್ಸ್ ಗ್ ನನ ಇನ್ನೂ ಐನ್ ದಿನ ಮಾತ್ರ ಬಾಕಿ ಉಂಡು . ಅವು ಮುಗಿಬೊಕ್ಕ ಆಗಸ್ಟ್ 24 ರ್ದ್ ಅಲ್ಪ ಪ್ಯಾರಾಲಿಂಪಿಕ್ಸ್ 2020 ನಡಪರೆ ಉಂಡು .

ಪ್ಯಾರಾಲಿಂಪಿಕ್ಸ್‌ಗ್ ಭಾರತರ್ದ್ ಪೋಪಿನ ಕೂಟಡ್ ಒರಿ ಐಎಎಸ್ ಅಧಿಕಾರಿಲ ಉಲ್ಲೆರ್ ಆಂಡ ಆರ್ ಒವ್ವೆ ಪಂದ್ಯಡ್ ಅಧಿಕಾರಿಯಾದ್ ಅಡೆಗ್ ಪೋವೊಂದು ಇಜ್ಜೆರ್. ಬ್ಯಾಡ್ಮಿಂಟನ್‌ ಗೆ ಅರ್ಹತೆ ಪಡೆದ್ , ಪದಕ ಸಾಧನೆಗಾದ್ ಪೋವೊಂದು ಉಲ್ಲೆರ್ . ಮೇರ್ ನೋಯ್ಡಾ ಜಿಲ್ಲಾಧಿಕಾರಿ ಸುಹಾಸ್ ಯತಿರಾಜ್.

ಪ್ಯಾರಾ-ಬ್ಯಾಡ್ಮಿಂಟನ್ ಆಟಗಾರ ಸುಹಾಸ್ ಪ್ರಸ್ತುತ ವಿಶ್ವದ 3 ನೇ ಸ್ಥಾನಡ್ ಉಲ್ಲೆರ್ . ರಡ್ಡ್ ವರ್ಷದ ಪಿರವೇ ಆರ್ ಅಡೆಗ್ ಪೋಯೆರೆ ಅರ್ಹತೆ ಪಡೆದ್ ಇತ್ತೆರ್

ಕೋವಿಡ್ ನೆಲೆಟ್ಟ್ ಅಜ್ಜಾವರದ ಚೈತನ್ಯ ಸೇವಾಶ್ರಮಡ್ ನಡತೊಂದು ಉಪ್ಪುನ ಅಗ್ನಿ ಹೋತ್ರ ಹೋಮ

ಅರಂತೋಡು ಜೂನ್ 2: ಸುಳ್ಯ ಅಜ್ಜಾವರದ ಚಯಿತನ್ಯ ಸೇವಾಶ್ರಮಡ್ ಲೋಕಡ್ ವ್ಯಾಪಾಕವಾದ್ ತೋಜೋoದು ಉಪ್ಪುನ ಕೊವಿಡ್ ಪ್ರಕರಣಗ್ ಸಂಬಂಧಿ ಅಗ್ನಿ ಹೋತ್ರ ಹೋಮ ನಡತೊಂದು ಉಂಡು .

ಪ್ರತಿ ದಿನ ಕಾಂಡೆ ಬೊಕ್ಕ ಬೈಯ್ಯಗ್ ಆಶ್ರಮದ ಟ್ರಸ್ಟಿ ಬೊಕ್ಕ ಶಿಕ್ಷಕಿಯಾಯಿನ ಪ್ರಣವ ಮೆರ್ ಅಗ್ನಿ ಹೋತ್ರ ಹೋಮ ನಡಪಾವೊಂದು ಬರೊಂದ್ ಉಲ್ಲೆರ್.ಮುಖ್ಯವಾದ್ ಗೋ ತ ನುಂಗಿನ ಅಂಬಿ ತುಪ್ಪ ಬೊಕ್ಕ ಬೇತೆ ವಸ್ತುಲೆನ್ ಉಪಯೋಗ ಮಲ್ತ್ದ್ ಅಗ್ನಿ ಹೋತ್ರ ಹೋಮ ಮಲ್ತೊಂದು ಉಲ್ಲೆರ್ .